මගේ රටට දළදා හිමි සරණයි - සනත් නන්දසිරි | Mage Ratata Dalada Himi Saranai - Sanath Nandasiri - sinhala lyrics


මගේ රටට දළදා හිමි සෙවණයි..
මගේ දැයට දළදා හිමි සරණයි..
සැපතින් සපිරුණු නිවහල් දෙරණයි
උපතින් මා හට මේ හැම උරුමයි...//

දළදා මැදුරේ රන්කොත මුදුනේ..
මිණි කිරණින් මුළු රටම අවදි වේ..//
දෙදහස් වසරක මහරු අතීතය..
සීහ තේජසින් යළි පිබිදී එයි..//

මගේ රටට දළදා හිමි සෙවණයි..

මෙතැනම වී දැය එක ලෙස බැඳුනේ
සිත් තුල බිය සංඛා දුරු කෙරුනේ..//
සමිඳුන් සෙවනේ ජය දද බැඳුනා..
ජය බෙර වැයුනා ජය ගී ගැයුනා..//

මගේ රටට දළදා හිමි සෙවණයි..

ගායනය : මහාචාර්ය සනත් නන්දසිරි
පද රචනය : සුනිල් සරත් පෙරේරා
සංගීතය : මහාචාර්ය සනත් නන්දසිරි




වීඩියෝව ගත්තෙ මෙතනින් - daham8


ඒක තමයි මේක - Funky Dirt ‍| Eka Thami Meka - Funky Dirt - sinhala lyrics


 it's me   මැට්ට වගේ ආදරේ කලේ..
it's me   එල හරකා වාගේ සීරියස් වුණේ..
it's me   රෝමියෝ වෙන්න දැඟලුවේ..
it's me   අද මෝඩයා වෙලානේ නැවතුනේ...

it's me
ඒක තමයි මේක - ප්‍රේමෙ තමයි මේක..
කියල හිතල සිරා වෙන්න ගිහිල්ලානේ වැරදුනේ..
ඒක තමයි මේක - මේක තමයි ඒක..
කියල හිතල සිරා වෙන්න ගිහිල්ලානේ වැරදුනේ..

ලයි ල ලයි.. මදැයි මා පෙම් කලා..
ලයි ල ලයි.. මදැයි මා love කලා..
ලයි ල ලයි.. ඇයි ගියේ වෙන් වෙලා..
ලයි ල ලයි.. මං මෙහේ තනිවෙලා..

it's me
කරපිංචා වාගේ හොද්ද රස කළේ..
පස්සෙ රස බලද්දි මාව අහක් කරල විසි කළේ..
it's me  පෙමක් නිසා මදක් කිච වුනේ
it's me  රෑ වැටුණු වලේ දවල් ද වැටුනේ

it's me ඒක තමයි මේක...//

මම බ්‍රේක් නැතිව කිලෝ ගණන් හීන මවද්දී..
එයා බ්‍රේකප් වෙන්න දාලා යන්න හේතු හොයද්දී..
ඊයේ ගැලපුණු හඳහන් අද අවුල් කියද්දී..
තේරුණේ මට පෙරලෙන බව ප්‍රේමේ බාල්දි..

Hurts me...
when i miss your..
lips are kissing me...baby
මාසෙකින් ඒ ප්‍රේමේ කල් ඉකුත් වුණි..

it's me
මඟුල් පෝරු බැන්දේ - දීගෙට නැකැත් බැලුවේ..
ඒවට බජට් දැම්මේ - බබාට නමුත් බැලුවේ..

ඒක තමයි මේක...///

ගායනය : Funky Dirt
පද රචනය : මුර්ෂාර්ඩ් හුවයිස්
සංගීතය : ෂෙනාල් මද්දුමගේ


වීඩියෝව ගත්තෙ මෙතනින් - Music.lk 


බඹරෙකු ආවයි නිරිත දිගේයා - ඩබ්ලිව්. ඩී. අමරදේව | Bambareku Awai Niritha Digeya - W.D.Amaradewa - sinhala lyrics


බඹරෙකු ආවයි නිරිත දිගේයා..
හද පෑරූවයි මියුරු රසේයා..
මල් පරවූවයි - සෝකෙන් බෝමා
කඳුළු ගැලූවයි දෙලෝ ගැඹේයා...//

සීත හිමේ ලෙනකට පිවිසුනාදෝ..
ඈත එපිට ගිරිකුලකට ගියාදෝ..//
මෑත මෙපිට මේ හදෙහිම ලගීදෝ..
දෑස අඳුරු වී මා තනි වුනාදෝ..

බඹරෙකු ආවයි...

සලමුදු සුවඳ පොඩි අත්තටු මියුරු සරින්
නලමුදු සුවඳ විඳගන්නට ගියත් වරෙන්..//
බල බිඳ දමා හිරු යනවිට අවරගිරෙන්
සලමින් පිපුණ මල් පැණි බොනු රිසිව වරෙන්..

බඹරෙකු ආවයි...

ගායනය : පණ්ඩිත් ඩබ්ලිව් ඩී අමරදේව
පද රචනය : මඩවල එස්. රත්නායක
සංගීතය : පණ්ඩිත් ඩබ්ලිව් ඩී අමරදේව


වීඩියෝව ගත්තෙ මෙතනින් - Ruchira Bandara


මා හද අසපුව - සනත් නන්දසිරි | Ma Hada Asapuwa - Sanath Nandasiri - sinhala lyrics


මා හද අසපුව කුසුමෙන් සැරසුණු
ඒ මල් බර දෑතයි..
ජීවන මහමඟ කැල්මෙන් හෙලිකල
ඒ නිල්මිණි දෑසයි
දකින තුරු - සිතදැඩි අවිවේකයි..

සෙනෙහස පොදි බැඳ හිසින් දරා
සැනසිලි පිණි දිය රැගෙන පෙරා..//
සැතපෙන කුටියට ඇය ආ අන්දම
සුවඳ සිහිනයකි භවය පුරා...

මා හද අසපුව...

මුවින් අමුද බිදු, බිදු වෑහේ..
සිතුම් පැතුම් එකිනෙක පෑහේ..//
දායාදය ලෙස අබැටක් නොපතමි
ඇගෙ නොකැළැල් හද මට සෑහේ..

මා හද අසපුව...

ගායනය : මහාචාර්ය සනත් නන්දසිරි
පද රචනය : කරුණාරත්න අබේසේකර
සංගීතය : මහාචාර්ය සනත් නන්දසිරි


වීඩියෝව ගත්තෙ මෙතනින් - pathm11


හමුවන්න අයිති නැති මුත් - ෂාහිල් හිමාස | Hamu Wanna Aithi Nathi Muth - Shahil Himasa - sinhala lyrics



හමුවන්න අයිති නැතිමුත්
අපි හමුවුනා ලොවම රවටා
එක්වෙන්න හීන මැවුවත්
එක්වෙන්න බෑ අපට කිසිදා..
ආයේ නොයෙනා - දිනෙක මතුදා..
මට ලැබුනොතින් ඔයා...
පිළිගන්නවා පාවඩ එලා..

හද පතුලේ රැදුන මගේ ආදරේ සඟවාලා..
දෙතැන අපේ හිමි අරණේ කාටවත් නොපවසා..
ආයේ නොයෙනා - දිනෙක මතුදා..
මට ලැබුනොතින් ඔයා...
පිළිගන්නවා පාවඩ එලා..

මධු කුලයේ බඹරු ඔබේ ආදරේ පොරකාලා..
රැගෙන ඔබේ වටිනම දේ හැරගියත් ඉගිලිලා..
ආයේ නොයෙනා - දිනෙක මතුදා..
මට ලැබුනොතින් ඔයා...
පිළිගන්නවා පාවඩ එලා..

හමුවන්න අයිති නැතිමුත්...

ගායනය : ෂාහිල් හිමාස
පද රචනය : සජිත් වී චතුරංග
සංගීතය : චමත් සංගීත්


වීඩියෝව ගත්තෙ මෙතනින් - Nishan udayanga Dias


කලකට පෙර ඒ බෙත්ලෙහෙමේ - ධර්මරත්න සහෝදරයෝ | Kalakata Pera E Bethleheme - Dharmarathne Brothers - sinhala lyrics



කලකට පෙර ඒ බෙත්ලෙහෙමේ
ශුද්ධ වූ නගරේ..
ජේසු මෙලොවට බිහිවුණේ
පුංචි ගව මඩුවේ...//

උඳුවප් මාසේ සීතල දවසක
මැදියම් රෑ යාමේ..
දෙව්මව් තුරුලේ උණුසුම ලබමින්
මේ ලෝකෙට ආවේ..

සීත සුළං රැළි දසත හමද්දී
සැතපීලයි උන්නේ..
දුප්පත් එඩේරු මේ බව දැනගෙන
ගවලෙන වෙත යන්නේ..

වටපිට රොක්වී උම්බෑ ගාමින්
හරකුන් කෑ ගසති..
රජතුන් කට්ටුව බිලිඳු ළඟ වැටී
පඬුරු ඔප්පු කරති..

මරියතුමියගේ පෙම්බර මුහුණේ
එළියක් දිස්වූයේ..
ජුසේතුමා කිසිදාකත් නෑ දෙවි
අණකට පිටුපෑවේ..

මිනිස් සමාජය පාපෙන් බේරා
ගන්නට මෙහි ආවා..
දිවැස්වරුන් බොහෝ කලකට පෙර කී
දේ ඉන් ඉටුවූවා..

කලකට පෙර ඒ....

ගායනය : ධර්මරත්න සහෝදරයෝ
පද රචනය : මිල්රෝයි ධර්මරත්න
සංගීතය : ධර්මරත්න සහෝදරයෝ


වීඩියෝව ගත්තෙ මෙතනින් - Nimal Bonifus

 

ඔබ නැති දුක තුරුළු කරන් - රහල් අල්විස් | Oba Nathi Duka Thurulu Kran - Rahal Alwis - sinhala lyrics



ඔබ නැති දුක තුරුළු කරන්
මියැදෙන්නම් මම තනියෙන්
ඉන්න ඔබ සතුටින්
නොයෙන ගමන් ගිය පුංචි ඇස්දෙක වාගේ..//

නොලැබෙන ඔබ ගැනම සිතා
අසරණ සිත බොළඳ වෙලා..//
කඳුළු තියා මට කොහෙද ඔයා අද
නොයෙන ගමන් ගිය පුංචි ඇස්දෙක වාගේ..//

ඔබ නැති දුක තුරුළු කරන්...

නොපෙනෙන ලෙස දුරට වෙලා
සිටියත් මගෙ දෙසම බලා...//
අහිමි වුනත් මට තවම ඔබෙයි මම
නොයෙන ගමන් ගිය පුංචි ඇස්දෙක වාගේ..//

ඔබ නැති දුක තුරුළු කරන්...

ගායනය : රහල් අල්විස්
පද රචනය : සජිත් වී චතුරංග
සංගීතය : රධීශ් වැන්දබෝනා


වීඩියෝව ගත්තෙ මෙතනින් - EvolutionfilmsLK


ඔබ රැවටුව හිත ඇතුලේ - ලක්ෂ්මන් හේවාවිතාරණ | Oba Rawatuwa Hitha Athule - Lakshman Hewawitharana - sinhala lyrics



ඔබ රැවටුව හිත ඇතුලේ
කකියාගෙන එන දුක නම්
තව නෑ කවුරුත් දන්නේ
විදවන හැටි මා තනියෙන්..

වෙන හිතක් දිහාවත් බලන්න බෑ මට
ඔබ විතරයි පැතුවේ..
හදවත ගැඹුරේ නැගෙන වේදනා
මං විතරයි දන්නේ...

නොලැබෙනා ඔබට මං තව තවත් පෙම් කලා..
හිතකින්ද කීවේ ඔයා මා ඔබේමයි කියා..
තේරුම් ගියාට පසු මගෙ සෙනෙහස මහමෙරක් කියා
ඔයා හඩයි සත්තකින් මං හැඬුවටත් වඩා..

ආදරේ ඔබට නම් නොතැවුනේ ඇයි ඉතින්..
මම තරම් වෙන කෙනෙක් ආදරේ නෑ ඉතින්
තේරුම් ගියාට පසු මගෙ සෙනෙහස මහමෙරක් කියා
ඔයා හඩයි සත්තකින් මං හැඩුවටත් වඩා..

ඔබ රැවටුව හිත ඇතුලේ...

ගායනය : ලක්ෂ්මන් හේවාවිතාරන
පද රචනය : සත්සර කසුන් පතිරණ
සංගීතය : සත්සර කසුන් පතිරණ


වීඩියෝව ගත්තෙ මෙතනින් - FM Derana


හිමි නොවුන නෙතු ඇඳුනු - බාචි සුසාන් | Himi Nowuna Nethu Adunu - Bachi Susan - sinhala lyrics


හිමි නොවුන නෙතු ඇඳුනු සිතුවම් අරන්..
සුසුමක් පුරා හෙව්වෙ ඔය නිල් නුවන්..
කඳුලකට අත වනන හදවත කොනින්..
මොහොතක් කියා දෙන්න හිනැහෙන වරම්..

බෑ මෙහෙම විදගන්න තනියෙන්ම දුක හිරකරන්..
මට හරිම පාළුයි මගේ රත්තරන්..
බෑ මෙහෙම විදගන්න තනියෙන්ම දුක හිරකරන්..
මට හරිම පාළුයි මගේ රත්තරන්..

හුරතල් වෙවී කනට කෙදිරූ වදන්..
මගෙ හිතම පිරවූ එදා..
එක වචනයක් වත් කියන්නට තරම්..
හිත දෙන්නෙ නැතිවද මෙදා..

ආ..දරෙන් දෑත අල්ලන්..
අපි එදා උන්නු සෙනෙහේ නමින්..
සිනහවී ඉන්න දැන්වත්
ඇයි ඔයා ඉන්නේ නෙතුකැන් පියන්..

සුදු පිච්ච හැඩ වැටනු සුදු ගවුම ඇදලා..
අද නම් ඔයා ලස්සනයි..
ඇස්දෙක පියන් ඉන්නෙපා තරහවීලා..
මගෙ හිතට දැන් හරි බයයි..

පාළුවේ මාව තියලා දැන්
එපායන්න එපායන්න එපා..
මේ තරම් හීන අතරේ
වැලපිලා ඉන්න බෑ තනිවෙලා..

හිමි නොවුන නෙතු ඇඳුනු...

ගායනය : බාචි සුසාන්


වීඩියෝව ගත්තෙ මෙතනින් - neranjana abeysinghe

ළිදෙන් වතුර බීලා - වික්ටර් රත්නායක | Liden Wathura Bila - Vicotor Rathnayake - sinhala lyrics


ළිදෙන් වතුර බීලා..
එයින් වතුර නාලා..
ළිඳට ගල් ගසාලා..
වතුර බොර කරයි මිනිසා..
වතුර බොර කරයි මිනිසා
ගඟට ආවඩයි..

ගහේ වැල එතීලා යාවී හැදී..
පසුව මිලින වීලා සාරේ අදී..
කාලා බීලා නිදලා කාලේ ගෙවයි..
කාපු තැනද වනසා මිනිසා දුවයි..

ළිදෙන් වතුර බීලා...

ඉණිමන් තබාලා නැගීලා බලයි..
එයට පහර දීලා කඩාලා දමයි..
අතීතේ නසාලා දිනුවා සිතයි..
තිබූ තැනද නැතිවී පරාදේ වැටේ..

ළිදෙන් වතුර බීලා...

ගායනය : වික්ටර් රත්නායක
පද රචනය : සිරිල් ඒ සීලවිමල
සංගීතය : ආර්. ඒ. චන්ද්‍රසේන


වීඩියෝව ගත්තෙ මෙතනින් - Din Summer

 

හදවත ගැහෙනා - විරාජ් පෙරේරා | Hadawatha Gahena - Viraj Perera - sinhala lyrics


දෑසේ ඔය රුව මැවිලා..
නෑ ලඟ සැනසුම රැදිලා..
කාලය හෙමිහිට ගෙවිලා..
යයි තව අපි දුර ඇදිලා..

හදවත ගැහෙනා..ගැහෙනා මොහතක් පාසා..
මතකෙට එන්නේ ඔය ඇස් දෙකමයි සැමදා..
ජීවත් වෙන්නේ කොහොමද ඔබගෙන් මිදිලා..
මේ සංසාරේ ඔබ සතුටයි මට ඕනා..

රෑ අහසේ තරු නෑ දැන් හිනැහෙන්නේ..
ඔබ කොහෙදෝ මා හැරදා අද ඉන්නේ..
මගෙ ලෝකේ ඔබ පමණයි මට උන්නේ..
ඔබ ගියදා දුක විතරයි මට ලැබුණේ..

පාළුවේ තනිවෙලා මා ඉන්නවා..
ඔබ ලඟින් උන්නු කාලයේ..
දුන් ආදරේම ජීවිතේ වෙලා..

හදවත ගැහෙනා...

මා දන්නා කවුරුත් නැහැ ඔබ වාගේ..
දුක දන්නේ කවුරුද මගෙ ඇස්වාගේ..
සැනසෙන්නම් උන්නා නම් නෙතු මානේ..
මියැදෙන්නම් ලඟටම වී ඔය තුරුලේ..

පාළුවේ තනිවෙලා මා ඉන්නවා..
ඔබ ලඟින් උන්නු කාලයේ..
දුන් ආදරේම ජීවිතේ වෙලා..

හදවත ගැහෙනා...

ගායනය : විරාජ් පෙරේරා
පද රචනය : සත්සර කසුන් පතිරණ
සංගීතය :  සත්සර කසුන් පතිරණ


වීඩියෝව ගත්තෙ මෙතනින් - Evoke Music


සමාවෙනවාදෝ හැර ගියත් - සුරේන්ද්‍ර පෙරේරා | Samawenawado Hera Giyath Ma Eda - Surendra Perera - sinhala lyrics



සමාවෙනවාදෝ හැර ගියත් මා එදා...
අහිංසක ඔබගේ නෙතට කඳුළක් තියා..//

මතකද අපි පෙර දිනකදී ආදරේ කළා..
ඔබ කීවේ හැම වේලේ මා ඔබේ කියා..//
හඬනා නෙතු ඔබේ - නොබලා මම ගියේ..
බොහෝ දුකක් මගේ - තියාගෙනයි හිතේ..
තියාගෙනයි හිතේ..

පෙර භවයකදී කෙදිනකදී හරි පෙම්වතුන් වෙලා..
මම ගැනනම් දුක ආයේ වෙනවා ඇති ඔයා..
තැවෙනා හිත මගේ - ඔබමයි විමසුවේ..
දුරස්වෙලා ගියේ - කියන්න ඇයි මෙසේ..
කියන්න ඇයි මෙසේ..

සමාවෙනවාදෝ...

ගායනය : සුරේන්ද්‍ර පෙරේරා
පද රචනය : සජිත් වී. චතුරංග
සංගීතය : රධීශ් වැන්දබෝනා


වීඩියෝව ගත්තෙ මෙතනින් - srilankabestmusic


කඳුළු කතාවේ නිමක් දුටුව දා - ඩබ්ලිව් ඩී අමරදේව | Kadulu Kathawe Nimak Dutuwa da - W.D.Amaradewa - sinhala lyrics



කඳුළු කතාවේ නිමක් දුටුව දා
සිහින ලතාවේ මලක් පිපුනු දා..//
සතුටු ගඟක් ගැලුවා..
හදට හදක් බැඳුනා...

ආසිරි චාමර පවන් සැලී..
සෝ දුක් සංකා සෙමින් වැකී..//
දෙගුරුන් මිතුරන් සුපැතුම් මැද්දේ..
අපේම ලොව අප තනිවූවේ..

කඳුළු කතාවේ...

සුසුමක පාකර හසුන් යවා..
දෙතැනක තනිවී හඬා දොඬා..//
ගෙවූ අතිතෙන් අප සමුගන්නෙමු..
අළුත් ලොවක රන් කිරුළු දරා..

කඳුළු කතාවේ...

ගායනය - ඩබ්ලිව් ඩී අමරදේව
සංගීතය - සනත් නන්දසිරි
ගී පද - බුද්ධදාස ගලප්පත්ති


වීඩියෝව ගත්තෙ මෙතනින් - Erandi Jayasinghe

කදුළු බිදුවක් නෙතු - රුවන් හෙට්ටිආරච්චි | Kandulu Biduwak Nethu Agin Watuna - Ruwan Hettiarachchi - sinhala lyrics

කදුළු බිදුවක් නෙතු අගින් වැටුණා..
නුඹ ඇවිත් හිත අද්දරින් රැදුණා..
පෙනෙන නොපෙනෙන - මතක අතරේ..
හිතට හුරු නැති තනිකමක් දැනුණා..
තනිකමක් දැනුණා...

සිහින ගිළිහී දෙපාමුල වැටුණා..
ඔයා නොකියම දුර ගිහින් තිබුණා..
බිදී මිය ගිය පැතුම් අභියස..
දරන්නට බැරි තරම් දුක හිතුණා..
තරම් දුක හිතුණා...

කදුළු බිදුවක්...

සුවඳ අහිමියි කියා හිත හැඬුවා..
ආයෙමත් ඔබ එතැයි කියා මට සිතුණා..
බිදී මිය ගිය පැතුම් අභියස..
ආදරේ නැති අඬුව මට දැනුණා
අඬුව මට දැනුණා....

කදුළු බිදුවක්...

ගායනය : රුවන් හෙට්ටිආරච්චි
පද රචනය : ප්‍රසංගි විජේවර්ධන
සංගීතය : රධීශ් වැන්දබෝනා


වීඩියෝව ගත්තෙ මෙතනින් - Hiru TV

දවසක් දා රෑ වසන්ත - නීලා වික්‍රමසිංහ | Dawasak Da Ra Wasantha Sanakeliye - Neela Wickramasinghe - sinhala lyrics

දවසක් දා රෑ වසන්ත සැණකෙලියේ..
දෙනෝදහක් මැද ඒ රුවමයි දුටුවේ..
සවන් පිරූ සත්සර මැද්දේ..
ඔහුගෙ ගී හඬ මට ඇසුනේ..
මා සිත හඬවා ඇයි ඔහු යන්න ගියේ...
මා සිත හඬවා ඇයි ඔහු යන්න ගියේ...

කලබල නගරේ යද්දී මද්දහනේ..
නොසිතූ සේ ඔහු මා අසලින් ඇදුනේ..
සවන් පිරූ රිය හඬ මැද්දේ..
ඔහුගේ ගී හඬ හිත රැදුනේ..
මා සිත හඬවා ඇයි ඔහු යන්න ගියේ...
මා සිත හඬවා ඇයි ඔහු යන්න ගියේ...

හැමදා නින්දේ සිහින වැලේ සැඟවෙන්නේ..
ඇයි හිත රිදවන්නේ - කිසිවක් නොකියන්නේ..
ඔහු අත වෙනතක බැඳලා දෝ නෑ දන්නේ
කොතැනද නවතින්නේ - කවුදෝ දන්නේ...//

දවසක් දා රෑ වසන්ත...

ගායනය : නීලා වික්‍රමසිංහ
පද රචනය : ගාමිණී විජේකෝන්


වීඩියෝව ගත්තෙ මෙතනින් - Nish Fernando

හඬන තරම් ඔබ හින්දා - නොයෙල් රාජ් | Hadana Tharam Oba Hinda - Noyel Raj - sinhala lyrics



හඬන තරම් ඔබ හින්දා - කවුරුවත් දන්නෙ නෑ..
යන්න ගියත් මා රිදවා - කිසිදා තරහක් නෑ..
නොලැබෙනවා සිත කීවත් - ආදරේ අඩුවක් නෑ..
හීනෙන්වත් ළඟට එන්න - මට අවසර නෑ..
මට අවසර නෑ...

හිත දන්නෙ නෑ ඔයා වෙන්වුනු බවක්..
අදහන්නෙ නෑ තවත් කෙනෙකුගෙ වගක්..
හිනැහෙන්න බෑ කදුළු ඉස්සර කරන්..
දුර යන්න බෑ මට නුඹගෙන් බිඳක්..//

සුවඳවත් නෑ තියා යන්නට ගිහින්..
මගේ වෙන්නෑ ආයෙත් කවදාකවත්..
හමුවෙන්න බෑ හිතුවත් පෙම්කළ සිතින්..
හැරයන්න බෑ මට නුඹ ගිය ලෙසින්..//

හඬන තරම් ඔබ හින්දා...

ගායනය : නොයෙල් රාජ්
පද රචනය : ඩිලංක ගයාන්
සංගීතය : රධීශ් වැන්දබෝනා


වීඩියෝව ගත්තෙ මෙතනින් - Samadhi Arunachaya


දේදුන්නෙන් එන සමනලුනේ - ලතා වල්පොල, සනත් නන්දසිරි | Dedunnen Ena Samanalune - Latha Walpola, Sanath Nandasiri - sinhala lyrics



දේදුන්නෙන් එන සමනලුනේ..
ගම් මැද්දේ පොඩි කුරුල්ලනේ..
රෑන් රෑන් ඇවිදිල්ලා..
අපේ ලඟින් ඉඳහල්ලා..
දේදුන්නෙන් එන සමනලුනේ...

දවසක් දා බෝ මළුවේ..
හමුවූ දා සැටි අපි දෙන්නා
පහනක් දල්වා එකම සිතින්
පැතූ පැතුම් තෙපි නෑ දන්නේ..

භවෙන් භවය පෙර ආවාසේ..
භවෙන් භවය මතු සංසාරේ..
නිවන් දක්නා ජාති දක්වා..
එකට බැඳී ඉන්නයි පැතුවේ..

දේදුන්නෙන් එන සමනලුනේ..

ආදරයේ සුවඳ ලෙනේ..
තනිවී උන්නා අපි දෙන්නා..
කාන්සියක් හෙම නෑ දැනුනේ..
පෙති දිලුණා වන මල් තොරණේ..

අප පය පාමුල සතුටු ගඟේ..
තාමත් ආදර රැලි හිනැහේ..
කියව් කුරුල්ලනි මලින් මලට හෙට
අපේ අහිංසක කතන්දරේ..

දේදුන්නෙන් එන සමනලුනේ..

ගායනය : ඇන්ජලීන් ගුණතිලක, සනත් නන්දසිරි
පද රචනය : ආචාර්ය අජන්තා රණසිංහ
සංගීතය : සනත් නන්දසිරි

“වසන්තයේ දවසක් (1979) “ චිත්‍රපටයේ ගීතයක්


වීඩියෝව ගත්තෙ මෙතනින් - HumanFrailtz


අාරාධනා - ඩබ්ලිව්. ඩී. අමරදේව | Aaradhana - W. D. Amaradewa - sinhala lyrics

ආරාධනා.....ආ..රාධනා...

ජීවිතයේ තනි මංසල අතරමං වෙලා..
හුදෙකලාව සුසුම් හෙළන හදවත සනහා..
අතීතයේ ගිලිහී ගිය සතුට රැගෙන යළි වඩින්න..
ආරාධනා.....ආ..රාධනා...

නෙළු සුපෙම් කැටයම් හද පවුරුතලාවේ..
මැකී ගියාදෝ...කාලයේ වෙරළේ..
ජීවිතයේ දිගු ගමනේ අනාථ වූ දා..
සෙනේහයේ සත් පියුමන් යළිඳු පිපේවා..
ආරාධනා.....ආ..රාධනා...

එදා සිඟිති කිරි සුවඳින් යුගදිවි අරණේ..
ඔබේ උණුසුමේ...යළිදු උපන්නෙම්..
බිඳුණු එවන් රජ දහනින් සමුගෙන යනදා..
ඔබේ නුවන් පහනින් යළි එළිය ලැබේවා..
ආරාධනා.....ආ..රාධනා...

ගායනය : ඩබ්ලිව්. ඩී. අමරදේව
පද රචනය : කුලරත්න ආරියවංශ
සංගීතය : රෝහණ වීරසිංහ

“ආරාධනා“ චිත්‍රපටයේ ගීතයක්



වීඩියෝව ගත්තෙ මෙතනින් - ruwantha wijethunga


අපි ඈතට ඈතට පා නඟලා - වික්ටර් රත්නායක | Api Ethata Ethata Pa Nagala - Victor Rathnayake - sinhala lyrics


අපි ඈතට ඈතට පා නඟලා
ඝණ වනන්තරේ..
අතර මං වෙමු
වසන්ත මල් ගොමුවේ..//

කාත් කවුරුවත් නෑ එන්නේ..
ඉදුල් නොවේ රුදු මිනිස් ඇසින්..
අපේම පුංචි ලෝකයේ අපි ඉන්නේ..
බමරුන් විතරයි තනියට ලඟ ඉන්නේ..

අපි ඈතට ඈතට...

කෙසේද අත්බැඳ ඇවිදින්නේ..
වෙරළේ උයනේ තුරුළු වෙමින්..
නෑසිය මිතුරන් මඟතොට හමුවන්නේ..
උකුසු ඇසින් අප කෙලෙසද ගැලවෙන්නේ..

අපි ඈතට ඈතට...

ගායනය : ආචාර්ය වික්ටර් රත්නායක
පද රචනය : මහාචාර්ය සුනිල් ආරියරත්න
සංගීතය : ආචාර්ය වික්ටර් රත්නායක


වීඩියෝව ගත්තෙ මෙතනින් - Dedunu Tennakoon


අනන්ත වූ දෙරණ සරා - සනත් නන්දසිරි | Annantha Wu Derana Sara - Sanath Nandasiri - sinhala lyrics


අනන්ත වූ දෙරණ සරා දෑස නිවන නිලක් සොයා
අහස් ගව්ව නැග ගත්තේ නිල්ල දකින්නයි...
ගලන ගලන සිඟිති දොලක සිහිල විඳින්නයි..
ගසක වෙලෙන සිහිනි වැලක පහස ලබන්නයි..

වේදනාවෙ තෙත මීදුම දෑත විදා උඩ නැගිලා..
එබී බලන සහන් එළිය වසා දිවෙනවා..
සදාතනික සිහින ලොවක මා තනි වෙනවා..
පැතූ පැතුම් අනන්තයට ඉගිලී යනවා..

වහස් බැලුම් අඳු නෙත දා දහස් සිතුම් මල් ගවසා..
මහෝඝයේ කවුළු දොරින් දොරට වඩින්නේ..
මා වට කොට ආදරයේ රටා වියන්නේ..
සඳුන් කළල දෙතොල් විතක නුරා පොවන්නේ..//


ගායනය : සනත් නන්දසිරි
පද රචනය :
සංගීතය : සනත් නන්දසිරි

“හන්තානේ කතාව“ චිත්‍රපටයේ ගීතයක්


වීඩියෝව ගත්තෙ මෙතනින් - sudasingha


සිලි සිලි සීතල ඇල්ලේ - රාජ් සෙනෙවිරත්න | Sili Sili Seethala Elle - Raj Senevirathne - sinhala lyrics



සිලි සිලි සීතල ඇල්ලේ...
දිය සැලි සැලි යයි නැළවිල්ලේ...
නැහැවෙමු මේ කඳු නිල්ලේ...
අපි ඔංචිලි චිලි ඔංචිල්ලේ...//

මිහිදුම් සළුවේ දැවටී නැළවී,
ලා දළු තේ පඳුරේ...
හිමිදිරි සීතල කඳුකරයේ,
හමුවෙමු අපි දෙන්නා...

සිලි සිලි සීතල ඇල්ලේ...

නිල් තණ පලසේ පිණි කැට දිලිසේ,
මුතු පාවඩ අතුරා...
සිතු පෙම් මෝහන රජ දහනේ,
හමුවෙමු අපි දෙන්නා...

සිලි සිලි සීතල ඇල්ලේ...

ගායනය : රාජ් සෙනෙවිරත්න
පද රචනය : අජන්තා රණසිංහ


වීඩියෝව ගත්තෙ මෙතනින් - 550accent


නෙතු පියන් වැසෙනා තුරා - මංජුල පුෂ්පකුමාර | Nethu Piyan Wasena Thura - Manjula Pushpakumara - sinhala lyrics


නෙතු පියන් වැසෙනා තුරා
එකට ඉමු යැයි කී ඔයා..
පෙම් දැහැන් බිඳ දුර ගියා
මගේ සිහිනය බොදවෙලා..
දෙතැන සිටියත් වෙන් වෙලා
මගේ සිත ඔබ ලඟ සදා..
ගියා දන්නවා නම් ඔයා
යලි සොයා එයි පියඹලා...

මවපු සිහින මතක ද අඳුරේ මට තුරුල් වෙලා..
කියපුවදන් ඇසෙනවා තාමත් රත්තරන් ඔයා..
සසර පුරා පතමින් ආවත් ඔබ මගේ වෙලා..
ඔබේ ආදරේ කඳුලක් වී මා ලඟ නතර වෙලා..

නෙතු පියන් වැසෙනා තුරා..

හදින් හදට යාවී උන්නේ හුස්මටත් වඩා..
සුවඳ ඔබෙ දැනෙනවා තාමත් වෙලී මා වටා..
අළුත් සඳක එලියක් දුටුවත් ඔබ මුලාවෙලා..
අදුරු අහසෙ සඳ ඔබයි මාගේ මේ ජීවිතේ පුරා..

ගායනය : මංජුල පුෂ්පකුමාර
පද රචනය : සුජිත් ප්‍රියාන්
සංගීතය : චන්දන වල්පොල


වීඩියෝව ගත්තෙ මෙතනින් - Hiru TV

කුමරියක පා සළඹ සැලුණා - ඩබ්ලිව්. ඩී. අමරදේව | Kumariyaka Pa Salaba Saluna - W.D.Amaradewa - sinhala lyrics

කුමරියක පා සළඹ සැලුනා..
වසා සිටි නෙතු පියන් ඇරුනා..
කුමර බඹසර අසපුවේ මා..
සම වැදී උන් දැහැන් බිඳුනා..
කුමරියක පා සළඹ සැලුනා..

උකුල ළැම හස මලවි කරලිය
මුවා කල ඇගෙ දුහුල් සළු තිර
විවර කෙරුවා මනස් සලෙළුන්
උමතු වු දෙනුවන් රැහැන් ඇද
මා අබියස මැවුනු තුසිතය
සුරන් නැළවූ සුයාමය..

කුමරියක පා සළඹ සැලුනා..

නිසල ජීවන තපෝ වන මැද
හැඟුම් ගජසෙන් යදම් බිඳ ‍වැද
තලා සිත කම්පනය කරවයි
ලපලු තුරුවැල් කැකුළු මල් පෙති
මා හඬවයි බිඳුනු තුසිතය
සුරන් නැලවූ සුයාමය..

කුමරියක පා සළඹ සැලුනා..

ගායනය : ඩබ්ලිව් ඩී අමරදේව
පද රචනය : කේ.ඩී.කේ. ධර්මවර්ධන
සංගීතය : වික්ටර් රත්නායක


වීඩියෝව ගත්තෙ මෙතනින් - Dinura Pradeep Balasooriya

පාරමී දම් පුරමු අප දෙදෙනා - නීලා වික්‍රමසිංහ | Paarami Dam Puramu Apa Dedena - Neela Wickramasinghe - sinhala lyrics


පාරමී දම් පුරමු අප දෙදෙනා
මටම අයියණ්ඩියක වී ඔබ
නැගනි වී මා එකම මව් කුස
සසර මතුදා උපත ලබනට
පාරමී දම් පරමු අප දෙදෙනා...

ගවුම් පොඩියක් මටත් අන්දා..
කොණ්ඩ කරලක් හිස පලන්දා..
යනෙන මාවත දකුණු පැත්තෙන්
මාව පාසල් එක්කරන් යන්න
මටම ඔබ අයියණ්ඩියක වීලා
ජාති ජාතිත් සංසාරේ...

පාරමී දම් පුරමු...

ළමා විය ඉක්මවා දවසක
පංච කල්‍යාණියක වී මම
සිරිත් ලෙස කුල ගෙයට යනදා
හීනයක් සේ මතක් වෙයි මට
අපේ අසරණ බිඳුනු පෙම් ලෝකේ..
පූර්ව ආත්මෙක සංසාරේ...

පාරමී දම් පුරමු...

ගායනය : නීලා වික්‍රමසිංහ
පද රචනය : අජන්තා රණසිංහ
සංගීතය : සරත් දසනායක


වීඩියෝව ගත්තෙ මෙතනින් - manel08uk


ලස්සන නම් නෑ පෙනෙන්නේ - සනත් නන්දසිරි | Lassana Nam Na Penenne - Sanath Nandasiri - sinhala lyrics

ලස්සන නම් නෑ පෙනෙන්නේ..
ඉස්සර සුවඳයි දැනෙන්නේ..//
එදා සොඳුරු ප්‍රිය දසුන්..
මෙදා සිහිනයකි කසුන්..
මතක් වුනත් අමිල සතුටකී..

උකුල් තලා සලා නාරිලතාවෝ..
අමල් සිනා නැගූ රන් චාරුලතාවෝ..//
වැයූ වගේ හවුල් වී - ගැයූ රගේ කොවුල්
ගියේ ඔවුන් ලඳුන් කොහේදෝ..

ලස්සන නම් නෑ..

සවන් පුරා පිරීලා වස්දඬු රාවේ..
සුසුම් හෙලයි සිතාරේ නෙත් යුග නෑවේ..//
සිතූ සිතුම් සිඳීලා - පැතූ පැතුම් බිඳීලා..
ජීවිතේ ගමන් විලාසේ..

ලස්සන නම් නෑ..

ගායනය : මහාචාර්ය සනත් නන්දසිරි
පද රචනය : කරුණාරත්න අබේසේකර
සංගීතය : මහාචාර්ය සනත් නන්දසිරි


වීඩියෝව ගත්තෙ මෙතනින් - Nish Fernando

මට හිමි නැති කඳුළු අරන් - අතුල අධිකාරි | Mata Himi Nathi Kandulu Aran - Athula Adhikari - sinhala lyrics



මට හිමි නැති කඳුළු අරන්
හඬවන්නේ මගෙ ඇස්මයි
මට මේ හැටි දුකක් අරන්
සැනසුනේ ඔබ කොහොම ඉතින්
විදින වේදනා මටමයි ඔබට නම් එපා..
ජීවිතේ අරන් එනතුරු හිදිමි මඟ බලා..

හිතට හිත ඈත් වෙලා..
ආදරේ හුදකලා වෙලා..
ජීවිතේම මං කියලා..
හීන අවතැන් කලා..
දුටු හීන අවතැන් කලා..

විදින වේදනා මටමයි ඔබට නම් එපා..
ජීවිතේ අරන් එනතුරු හිදිමි මඟ බලා..

ඔබ නැති හීනයේ පවා
මං තනිවම ඉකිබින්දා
මට අහිමිව ගියත් ඔයා
මතක තවම තනි රැක්කා..//

විදින වේදනා මටමයි ඔබට නම් එපා..
ජීවිතේ අරන් එනතුරු හිදිමි මඟ බලා..

මට හිමි නැති...

ගායනය : අතුල අධිකාරි
පද රචනය : සත්සර කසුන් පතිරණ
සංගීතය : උදාර සමරවීර


වීඩියෝව ගත්තෙ මෙතනින් - Evoke Music

මගේ සඳ ඔබ - නන්දා මාලනී | Mage Sanda Oba - Nanda Malani - sinhala lyrics

මගේ සඳ ඔබ - මගේ සඳ ඔබ
එදා සඳ නොව - මෙදා සඳ ඔබ
මගේ සඳ ඔබ මගේ....

එදා මට ඔබ සරා සඳ විය..
කවි ඇසින් දුටු සොඳුරු පියකරු..
අඳුරු හද ගැබ එකලු කරමින්..
උදාවිය ගිරි ශිඛර සිරසේ...

මගේ සඳ ඔබ...

මෙදා මට ඔබ සැබෑ සඳමය..
විදු ඇසින් දුටු ලොවය විසකුරු..
ප්‍රාණයෙන් තොර වියලි සඳසේ..
ඔබද අදමා අසල ගැවසේ...

මගේ සඳ ඔබ...

ගායනය : නන්දා මාලනී
සංගීතය : රෝහණ වීරසිංහ


වීඩියෝව ගත්තෙ මෙතනින් - Gihan Sky


පළමු අයිතිකාරයා - නදීර නෝනිස් | Duras Wela Wenas Wela (Palamu Aithikaraya) - Nadeera Nonis - sinhala lyrics



දුරස් වෙලා වෙනස් වෙලා..
වෙන්වීලා ගියත් ඔයා..
තවමත් මම ඔය ඇස්වල
පළමු අයිතිකාරයා..//

අදටත් මතක් වුනා පෙම්කල දවස් එදා...
අදටත් මතක් වුනා පෙම්කල දවස් එදා...
බොරු ප්‍රේමයක් මවා - මම වැරදියැයි කියා..
වෙන අතක පැටලිලා - සමුගත්තෙ ඇයි ඔයා..

දුරස් වෙලා වෙනස් වෙලා...

කඳුලින්ම සේදුනා මගෙ ඇස් ඔයා නිසා..
කඳුලින්ම සේදුනා මගෙ ඇස් ඔයා නිසා..
සුභපතමි ඈත් වෙලා - ඔබ වෙතම සෑම දා..
සතුටින්ම ඉන්න කියා - මගෙ රත්තරන් ඔයා..

දුරස් වෙලා වෙනස් වෙලා...

ගායනය : නදීර නෝනිස්
පද රචනය : සජිත් වී චතුරංග 
සංගීතය : රධීශ් වැන්දබෝනා


වීඩියෝව ගත්තෙ මෙතනින් - New Sinhala Songs


හිදීවි කොතැනක හෝ - සුනිල් එදිරිසිංහ | Hideevi Kothanaka Ho - Sunil Edirisinghe - sinhala lyrics


හිදීවි කොතැනක හෝ..
හිමිකාරයා උපන් නුඹේ නමින්
වඩීවි කෙදිනක හෝ..
ඒ එනතුරා හිත හදාගෙන හිදින්..//

ගඟකට සයුරක් මුණ ගැසේවී..
රළකට වෙරළක් මඟ හිදීවී..
නියඟට වැස්සක් ඇද හැලේවී..
නුඹටත් කෙනෙක් හිදීවී - දවසක සොයාන ඒවී..

හිදීවි කොතැනක හෝ..

අකුලක පිපෙන නැවුම් මලක් සේ..
නදියක නැගෙන තරංඟයක් සේ..//
නලලට සිහිල් පවන් රොදක් සේ
නොසිතුව විටක ලගාවේ - නුඹ විදි අදුර නිමාවේ..

හිදීවි කොතැනක හෝ..

ගායනය : සුනිල් එදිරිසිංහ
සංගීතය - රෝහණ වීරසිංහ
පද රචනය : කුලරත්න ආරියවංශ


වීඩියෝව ගත්තෙ මෙතනින් - LankaMusicTube

අපි සැනසිල්ලේ - වායෝ | Api Sanasille - WAYO - sinhala lyrics



උකුලේ ලමැදේ ඉද උණුසුම ලැබු කාලේ..
නැළවිලි ගී වල තාලෙන් නැළවුනු කාලේ..
තාමත් එහෙමයි - මට අමතක නෑ..
තාමත් එහෙමයි - කිසි වෙනසක් නෑ..

යං යං යං යං අපි සැනසිල්ලේ..
යං යං යං යං
යං යං යං යං අපි නැළවිල්ලේ..
යං යං යං යං

දුව පැන ඇවිදල සෙල්ලම් කළ ඒ කාලේ..
ඇල දොල ගංගා වැව්වල පීනපු කාලේ..
තාමත් එහෙමයි - මට අමතක නෑ..
තාමත් එහෙමයි - කිසි වෙනසක් නැ..

යං යං යං යං අපි සැනසිල්ලේ..
යං යං යං යං
යං යං යං යං අපි නැළවිල්ලේ..
යං යං යං යං

අකුරු කරන්නට ගුරු ගෙදරට ගිය කාලේ..
රංචු ගැහිල කවි සිංදු කියපු ඒ කාලේ..
තාමත් එහෙමයි - මට අමතක නෑ..
තාමත් එහෙමයි - කිසි වෙනසක් නෑ..

යං යං යං යං අපි සැනසිල්ලේ..
යං යං යං යං
යං යං යං යං අපි නැළවිල්ලේ..
යං යං යං යං ...///

ගායනය : සංගීත් විජේසූරිය ප්‍රමුඛ වායෝ
පද රචනය : සේනක බටගොඩ
සංගීතය : සේනක බටගොඩ


වීඩියෝව ගත්තෙ මෙතනින් - Sangeeth Wijesuriya

වරදක් කලත් සිතකින් නොවේ - සනත් නන්දසිරි | Waradak Kalath Sithakin Nowe - sinhala lyrics


වරදක් කලත් සිතකින් නොවේ
රිදවන්නෙ පලිගන්නේ ඇයි..
ඔබ මෙන් ඇයත් - ඇය මෙන් ඔබත්
මට මාගෙ ඇස් දෙක වගෙයි..//

ඔබෙ ගිනි නිවා ඇගේ සිත දවා
අප එක් වෙලා කුමටදෝ..//
වෙනසක් නොවේ මගෙ හිස් අතින්
පිසලන්නෙ කොයි කඳුල දෝ..

වරදක් කලත්...

අසරණ ඔබයි තනි වුනු ඇයයි
මට සාප කල යාවිදෝ..//
ඔබේ ලොකයෙන් ඇගෙ ලොකයෙන්
සමු ගන්න සිදු වේවිදෝ..

වරදක් කලත්...

ගායනය : මහාචාර්ය සනත් නන්දසිරි
පද රචනය : මහාචාර්ය ප්‍රනීත් අබේසුන්දර
ගායනය : මහාචාර්ය සනත් නන්දසිරි


වීඩියෝව ගත්තෙ මෙතනින් - lassanadasun

එනකල් බලන් වෙනදා වගේ - සේනානායක වෙරලියද්ද | Enakal Balan Wenada Wage - Senanayaka Weraliyadda - sinhala lyrics


එනකල් බලන් වෙනදා වගේ..
මා ඉන්න බැව් තනිවී ලොවේ..
ඔබ දන්නෙ නෑ කියා... මම දන්නවා..
මගෙ හුස්මටත් වඩා මට වටිනවා ඔයා
කෙරුවේම නෑ වැරදි කිසිදා..
රැකගත්තේ මා ඔබෙයි සිතා..
බොරු වැරදි කෝටියක් මවා..
සමුගත්තේ මා නොවෙයි ඔයා..

සඳට උපමා රැඳුණ පෙරදා..
අපි අපිට නැතිව බෑම යාමේ..
ලඟක ඉඳලා හිතට දැනෙනා..
ඔබෙ වෙනස තේරුනත් මට බෝ සේ..
මගෙ ජීවිතේ ඔබයි කියා..
ඔබ දන්නවාද දන්නේ නෑ..

නෙතට ගැටෙනා සැවොම පරදා..
මම ඔබට ආදරෙයි පෙරවාගේ..
ලොවම කියනා වචන නො අසා..
සතුටින්ම ඉන්න ඔබ හැම ආත්මයේ..
මොන දේ කලත් හිතා මතා..
මට ඔබව නොලැබ ඉන්න බෑ..

එනකල් බලන් වෙනදා වගේ..
මා ඉන්න බැව් තනිවී ලොවේ..
ඔබ දන්නෙ නෑ කියා... මම දන්නවා..
මගෙ හුස්මටත් වඩා මට වටිනවා ඔයා
කෙරුවේම නෑ වැරදි කිසිදා..
රැකගත්තේ මා ඔබෙයි සිතා..
බොරු වැරදි කෝටියක් මවා..
සමුගත්තේ මා නොවෙයි ඔයා..

ගායනය : සේනානායක වෙරලියද්ද
පද රචනය : සජිත් වී. චතුරංග
සංගීතය : කේෂාන් පෙරේරා



වීඩියෝව ගත්තෙ මෙතනින් - Hiru TV

දුක ඇස් දෙකෙන් පුරවලා - සංගීත් විජේසූරිය | Duka As Deken Purawala - Sangeeth Wijesooriya - sinhala lyrics


දුක ඇස් දෙකෙන් පුරවලා..
කඳුළු අතර මාව තනිකලා..
විශ්වසය ඔයා කඩකලා..
වෙන හිතක් කෙරේ ලංවෙලා..//
මැරෙන්න මොහොතක් තියා..
ඔයා එයි කියා සිතා..
මම ඉන්නවා මඟ බලා..
සැනසුම ඔයා ලඟ නිසා..//

වෙන කාටවත් නොදී මං..
දුන් ආදරේ ඔබටමයි..
මා හැරදමා ඔබ ගිහින්..
කොයි සිටිනවා දෝ..
මැරෙන්න මොහොතක් තියා..
ඔයා එයි කියා සිතා..
මම ඉන්නවා මඟ බලා..
සැනසුම ඔයා ලඟ නිසා..//

යටිහිතේ ඔයා තියන් මං..
අද ඉන්නවා මැරි මැරී..
දුන් දුකට නෑ තරහ වී..
ඔයා ඉන්නකෝ සිනාසී..
මැරෙන්න මොහොතක් තියා..
ඔයා එයි කියා සිතා..
මම ඉන්නවා මඟ බලා..
සැනසුම ඔයා ලඟ නිසා..//

දුක ඇස් දෙකෙන්...

ගායනය : සංගීත් විජේසූරිය
පද රචනය : සත්සර කසුන් පතිරණ
සංගීතය : සත්සර කසුන් පතිරණ, දුලිප් මිරැන්ඩෝ


වීඩියෝව ගත්තෙ මෙතනින් - Evoke Music

හවසට පායා අරුණේ සැඟවෙන - ග්‍රේෂන් ආනන්ද | Hawasata paya arune sangawena - Greshan Ananda - sinhala lyrics

හවසට පායා අරුණේ සැඟවෙන
සඳ නැතුවට මට කමක් නැතේ
උදයට පායා හවසට බැස යන
සඳවතියක් මගෙ ලොවේ ඇතේ //

රැයක දී ඇය මා අසල නැතේ
හවසක එන්නත් වරම් නැතේ //
ඇගෙ නොලැබීම ද මගෙ නොලැබීම ද
තවමත් මට වැටහිලා නැතේ

හවසට පායා අරුණේ සැඟවෙන
සඳ නැතුවට මට කමක් නැතේ
උදයට පායා හවසට බැස යන
සඳවතියක් මගෙ ලොවේ ඇතේ

සුළු මොහොතකි මුළු දවසින් ඒ
ඇය ඇසුරේ මා පසු වෙන්නේ //
ඒ සීමාවෙන් ඉවත පනින්නට
මනසට පමණක් වරම් ඇතේ

හවසට පායා අරුණේ සැඟවෙන
සඳ නැතුවට මට කමක් නැතේ
උදයට පායා හවසට බැස යන
සඳවතියක් මගෙ ලොවේ ඇතේ //


ගායනය - ග්‍රේෂන් ආනන්ද




වීඩියෝව ගත්තෙ මෙතනින් - Krishantha Tissera

අවන්හලක ඉපදී මා මිය යනවානම් - ෂෙල්ටන් මුතුනමගේ | Awanhalaka ipadee ma miya yanawa nam - Shelton Muthunamage - sinhala lyrics

අවන්හලක ඉපදී මා මිය යනවානම්
මේ සසරේ පින් කර ඇති එකම කෙනා මං
මොහොතක්වත් නෑ මට කිසි අඩුපාඩුව ඉන්
මිය යන තුරැ සිටින්නේය අවන්හලේ මං
මේ අවන්හලේ මං //

මෙහි ඇති සුළු කලක විනෝදේ
මත දෙවියන් යැයි රඟන මෙවේලේ
මළ පසු මට හිමි සොහොන් කොතේ
මම මිතුරෙක් වෙමි ඒ අවන්හලේ
මම මිතුරෙක් වෙමි ඒ අවන්හලේ

අවන්හලක ඉපදී මා මිය යනවානම්
මේ සසරේ පින් කර ඇති එකම කෙනා මං
මොහොතක්වත් නෑ මට කිසි අඩුපාඩුව ඉන්
මිය යන තුරැ සිටින්නේය අවන්හලේ මං
මේ අවන්හලේ මං

අමතක කර ආදර ලෝකේ
සැමදා බොමු මේ ජය පානේ
ජීවත් වන මේ සුළු කාලේ
මගෙ මිතුරා වේ මධු පානේ
මගෙ මිතුරා වේ මධු පානේ

අවන්හලක ඉපදී මා මිය යනවානම්
මේ සසරේ පින් කර ඇති එකම කෙනා මං
මොහොතක්වත් නෑ මට කිසි අඩුපාඩුව ඉන්
මිය යන තුරැ සිටින්නේය අවන්හලේ මං
මේ අවන්හලේ මං //
මේ අවන්හලේ මං


ගායනය - ෂෙල්ටන් මුතුනමගේ




වීඩියෝව ගත්තෙ මෙතනින් - Sri Lankan Live Musical Shows | HD

ඉතින් ඊට පස්සේ - වික්ටර් රත්නායක | Ithin Eta Passe - Victor Rathnayake - sinhala lyrics


ඉතින් ඊට පස්සේ ඔබේ රන් පිළිරූ..
පාට පාට දේදුනු සේ මා සිසාරා..
මහද මැණික් පහනක් වූවා..
ඉතින් ඊට පස්සේ...

ඉතින් ඊට පස්සේ - ප්‍රාර්ථනා වැස්සේ..
කුරුළු පියාපත් හිස මැවුණා සේ..
ගියෙමු පියඹා දුර ආකාසේ..
දේදුනු කැලුම් පෙම් සුවඳ විජිතයේ..
ආනන්දනීය ආදරේ..

ඉතින් ඊට පස්සේ...

ඉතින් ඊට පස්සේ - සිතක කඳුළු වැස්සේ..
ඈත රටක පාළුව දැන් නැතුවා..
අරුණු උදාවෙන් අප හිනැහෙනවා..
කඳුළින් සිනාවෙන් ජයගනී ප්‍රියේ..
ආනන්දනීය ආදරේ..

ඉතින් ඊට පස්සේ...

ගායනය - ආචාර්ය වික්ටර් රත්නායක
පද රචනය - ප්‍රේමකීර්ති ද අල්විස්
සංගීතය - ස්ටැන්ලි පීරිස්


වීඩියෝව ගත්තෙ මෙතනින් - Suneth Channaka

බොඳ මීදුම් කඳුරැල්ලේ - අබේවර්ධන බාලසූරිය, සුජාතා අත්තනායක | Bonda Meedum Kadurelle - Abeywardana Balasooriya, Sujatha Aththanayake - sinhala lyrics





බොඳ මීදුම් කඳුරැල්ලේ..
සුරංගනා රජ දහනේ..
ඔබේ සිනා කඳුළු බිඳක්
හෙටත් වාසනා..හෙටත් වාසනාවන්..
සිහින නදී රළ රැල්ලේ..
පැතුම් රුවල් රන් ඔරුවෙ..
ඔබේ නිමල නෙත් ද්‍රාහින්
මටත් වාසනා..මටත් වාසනාවන්..

හිතක තැවුල් සංසිඳිලා..
මිටියාවත මල් ඉසිලා..
මල් වරුසා සුවඳ සමය
මටත් වාසනා..මටත් වාසනාවන්..
රෑ සියන්ගේ නොනිමි නාද
තැවුල් කොවුල් විහඟ ගීත
අපට ඇරුණු හුදකලාව
හෙටත් වාසනා..හෙටත් වාසනාවන්..

සිහින නදී රළ...

මාල හතක් පළදන්නට..
හීන හතක් එලිවන්නට..
දොලොස් මහේ පහන් එළිය
මටත් වාසනා..මටත් වාසනාවන්..
අනාගතය කිරුළු දරා..
දෙපා මුලට වඩින තුරා..
ලවන් පොඟන මියුරු තෙපුල්
හෙටත් වාසනා..හෙටත් වාසනාවන්..

මටත් වාසනා හෙටත් වාසනාවන්..////

ගායනය : අබේවර්ධන බාලසූරිය, සුජාතා අත්තනායක
පද රචනය : අජන්තා රණසිංහ

“බොඳ මීදුම්“ චිත්‍රපටයේ ගීතයක්


වීඩියෝව ගත්තෙ මෙතනින් -  gaminilk

සිනාවකට වඩා ඔබේ - නෙළු අධිකාරී | Sinawakata Wada Obe - Nelu Adhikari - sinhala lyrics


සිනාවකට වඩා ඔබේ කඳුළු වලට මං ආසයි
මා වෙනුවෙන් නැගෙන කඳුළු නම්..
මා වෙනුවෙන් නැගෙන කඳුළු නම්..
කඳුළු වලට වඩා ඔබේ සිනාවකට මං ආසයි
මා වටකර නැගෙන සිනා නම්..
මා වටකර නැගෙන සිනා නම්..

සඳ එළියට වඩා සදේ සඳ අඳුරට මං ආසයි
සඳ අඳුරේ ඔබ හමුවේ නම්..
සඳ අඳුරට වඩා සඳේ සඳ එළියට මං ආසයි
සඳ එළියේ ඔබ හමුවේ නම්..

මහ මන්දිරයටක වඩා ඔබේ පැලට මං ආසයි
එය තැනුවේ මා වෙනුවෙන් නම්..
ජීවිතයම දුකක් වුනත් ජීවිතයට මං ආසයි
ඔබ ඉන්නේ මා වෙනුවෙන් නම්..

සිනාවකට වඩා ඔබේ...

ගායනය : නෙළු අධිකාරී
පද රචනය : පී. එච්. කේ. රත්නසිරි
සංගීතය : රෝහණ වීරසිංහ


වීඩියෝව ගත්තෙ මෙතනින් - Pivithuru Madurangana
 

සිකුරු තරුව රැයේ - එඩ්වඩ් ජයකොඩි, චරිතා ප්‍රියදර්ශනී පීරිස් | Sikuru Tharuwa Raye - Edward Jayakodi, Charitha Priyadarshani Peiris - sinhala lyrics



සිකුරු තරුව රැයේ..
සිකුරු තරුව රැයේ - අඳුර මකන අඟේ
හඳට අහස හිමිවන පෝදා..
ලොව හඳටම නතු වෙනවා
තරුවද අමතක වෙනවා..

අහස හිමි තුරු මුදුනේ මල් හිනැහෙනවා..
නොපැතු සැනේ පෙති ඉහිරී බිමට වැටෙනවා..
අහසට පිපිමල් සේ පොළවට පරමල් හිමිවේ..
පිපිමල් පරමල් වෙනවා - ඒ මල් දුක සඟවනවා..

සිකුරු තරුව රැයේ...

සඳළුතලේ සඳ විලසේ ඔබ හිනැහෙනවා..
දිලිඳු මගේ හද අරණේ එළිය නිමෙනවා..
ඔබනෙත් සඳ පහනේ සදළුතලේ සඳ සැඟවේ..
ඔබ යලි සඳවත වෙනවා - මිහිරිව ඔබ රිදවනවා..

සිකුරු තරුව රැයේ...


ගායනය : එඩ්වඩ් ජයකොඩි, චරිතා ප්‍රියදර්ශනී පීරිස්
පද රචනය : බන්දුල නානායක්කාරවසම්
සංගීතය : රෝහණ වීරසිංහ


වීඩියෝව ගත්තෙ මෙතනින් - Ruwan Rathnayake


පුර පෝය හඳට - සුනිල් එදිරිසිංහ | Pura Poya Hadata Pemin - Sunil Edirisinghe - sinhala lyrics


පුර පෝය හඳට පෙමින් බැඳුනු තාරකා ළඳුන්..
ගී හඬින් කියන පෙම් කතාව අසාගෙන වරෙන්..
නීල වළාවේ...
ඇගෙ පෙම් කතාව අසාගෙන වරෙන්...//

මුතු මාල පොටක් ගෙලේ බදින දා..
සිත කොල සිතුම් එබී බලන දා..
රෑ නින්ද නැතිව හීන දුටුව දා..
හිත ආදරයක බැඳුනි ද මන්දා..

පුර පෝය හදට..

රන් තොරණ සැදී මඟ සරසණ දා..
හඳ රබන් සුරල් හඬින් වැයෙන දා..
නෑ හිත මිතුරන් හිනා පුරන දා..
හිත ආදරයක බැඳුනි ද මන්දා..

පුර පෝය හදට..

ගායනය : සුනිල් එදිරිසිංහ
පද රචනය : සුනිල් ආර් ගමගේ
සංගීතය : එච්.එම්. ජයවර්ධන


 වීඩියෝව ගත්තෙ මෙතනින් - Ruchira Bandara

සිනා පොදක් වී - දීපිකා ප්‍රියදර්ශනී පීරිස් | Sina Podak Wee - Deepika Priyadarshani Peiris - sinhala lyrics

සිනා පොදක් වී ඔබගේ දෑසේ
නිදන්ව ඉන්නට පෙරුම් පිරූ මට
කඳුලැල්ලක් වී ඔබගේ දෑසින්
ගිලිහී යන්නට උරුම කලේ ඇයි..//

සෙවනැල්ලක් සේ ඔබ දිවිගමනේ
අත්වැල වන්නට පැතුම් පැතූ මා..//
මිරිඟුව දක්වා - නෙතු යුග රවටා..
වල්මත් කරදා සැඟව ගියේ ඇයි..
වල්මත් කරදා සැඟව ගියේ ඇයි..

මල් කැකුලක්සේ ඔබ හද උයනේ..
විකසිත වන්නට සැරසී උන් මා..//
සිතගිණි අවුලා - පියවර අහුරා..
අසරණ කරදා ඉවත ගියේ ඇයි..
අසරණ කරදා ඉවත ගියේ ඇයි..

සිනාපොදක් වී...

ගායනය : දීපිකා ප්‍රියදර්ශනී පීරිස්
පද රචනය : කුලරත්න ආරියවංශ
සංගීතය : රෝහණ වීරසිංහ


වීඩියෝව ගත්තෙ මෙතනින් - wishwa chinthana


මහවැස්සක පෙර - ඩබ්ලිව්. ඩී. අමරදේව | Maha Wassaka Pera Nimithi - W.D.Amaradewa - sinhala lyrics


මහවැස්සක පෙර නිමිති පෙනෙනවා..
කවුළුව අතරින් හිරිකඩ එනවා..
මල් පැණි වඩියක උණුසුම ලබනට..
යන්නට ඕනෑ කඩමණ්ඩිය වෙත..

කබාය ඉරිලා ඊට කමක් නෑ..
කවුරු බලන්නද කවුරු දකින්නද..
මා දැන් මහළු වියේ..
මා දැන් මහළු වියේ..

පාරට බැස්සම නොවැසීතල වැඩි
තනිකම ඊට වැඩියි..
හිරිපොද වැස්සේ එකම කුඩය යට
තෙරපි තෙරපි අර යුවලක් යන හැඩ
මමත් ඔහොම ගිය හැටි මතකයි
මට හොදහැටි මතකයි..

මීවිතකින් ගත උණුසුම් වූවත්
සිත උණුසුම් වේදෝ..
එපා එපා මීවිත මගෙ දෙතොලට
එපා එපා මීවිත මගෙ දෙතොලට
ආපසු මගෙ කුටියට යනවා..
මා ආපසු යනවා..

කබාය ඉරිලා ඊට කමක් නෑ..
කවුරු බලන්න ද කවුරු දකින්නද..
මා දැන් මහළු වියේ...
මා දැන් මහළු වියේ...

ගායනය : පණ්ඩිත් ඩබ්ලිව් ඩී අමරදේව
සංගීතය : මහාචාර්ය සනත් නන්දසිරි


වීඩියෝව ගත්තෙ මෙතනින් - Suneth Channaka


කල්‍යාණියෙ ඔබ නෑසූ - ජේ.ඒ. මිල්ටන් පෙරේරා | Kalyaniye oba nesu - J.A. Milton Perera - sinhala lyrics

කල්‍යාණියෙ ඔබ නෑසූ

කල්‍යාණියෙ ඔබ නෑසූ
කතාවක් කියන්නම් ///
ඇත්තයි එය මම දිව්රා
හිසේ දෑත් තියන්නම්

මතු කවර දිනකදී හෝ
මට ඔබව අහිමි වේ යැයි
ගැන භීතිය සැක මාගෙ හිතේ
තිබුණි දිගා කල්
ගිණි වී ඇත අද ඒ දුක ගැන
සෝක සුසුම් වැල්

කල්‍යාණියෙ ඔබ නෑසූ
කතාවක් කියන්නම්
ඇත්තයි එය මම දිව්රා
හිසේ දෑත් තියන්නම්

මගෙ හිතට එකඟවයි මේ
මා කියන දෙය කියන්නේ
ඔබෙ ආදරබර මහිමයටයි
ගී ලියවෙන්නේ
රස උල්පත සිඳ ඇයි හදවත
සසළ කරන්නේ

කල්‍යාණියෙ ඔබ නෑසූ
කතාවක් කියන්නම් //
ඇත්තයි එය මම දිව්රා
හිසේ දෑත් තියන්නම් //

කල්‍යාණියෙ ඔබ නෑසූ
කතාවක් කියන්නම්

ගායනය - ජේ.ඒ. මිල්ටන් පෙරේරා
ගී පද - කරුණාරත්න අබේසේකර




වීඩියෝව ගත්තෙ මෙතනින් - Dilina Weerawardana

නෙළුම් විල මමයි - ශ්‍රීමතී තිලකරත්න | Nelum vila mamai - Shrimathi Thilakarathna - sinhala lyrics

නෙළුම් විල මමයි
ඔබ එය අවදි කල හිරුයි
යළිත් වෙන් නොවෙයි
තුන් ලොව ගෙවී යන තුරු //

සවන් පෙති සැලෙයි ඒ හඬ අසන රිසියෙනි
නිසංසල වෙයව් පෙම් ලොව හඬන වැසියෙනි //

නෙළුම් විල මමයි
ඔබ එය අවදි කල හිරුයි
යළිත් වෙන් නොවෙයි
තුන් ලොව ගෙවී යන තුරු

ඔබයි ඇඳුනු ජීවන රේඛාව මා අතේ
ඉතිං ඔබට භාර නේද මගෙ අනාගතේ //

නෙළුම් විල මමයි
ඔබ එය අවදි කල හිරුයි
යළිත් වෙන් නොවෙයි
තුන් ලොව ගෙවී යන තුරු


ගායනය - ශ්‍රීමතී තිලකරත්න




වීඩියෝව ගත්තෙ මෙතනින් - Indiketi Hewage Rohan Indika


නෙතු පෙලා රවටලා - රෝහණ බෝගොඩ | Nethu Pela Rawatala - Rohana Bogoda - sinhala lyrics


නෙතු පෙලා රවටලා වේදනා වෙන්වෙලා..
දුරස් වෙලා නපුරු වෙලා හිරුත් සැඟවිලා..
රැය අඳුරට හැරලා හිත තවත් රිදවලා..
සඳු හෙමින් හෙමින් වළා පෙලින් මුව සඟවනවා..

මගෙ සිතුම් රැලෙන් හද දවටා මුව සිපගත්දා
ඇගෙ සිනා දැලෙන් මා වටලා මට ලංවූදා
අත් සල සලා අපි හිනැහුනා
මුළු ලොවම හිනැහුනා...///

නෙතු පෙලා රවටලා..

දුල් මිණි සඟලින් රැස් විහිදා මා සනසන දා
සල් සුණු සුවදින් ගත සරසා ලඟට වඩින දා
ලංවෙන තුරා හිටියත් බලා..
මා ලොවෙහි තනි වුනා...///

නෙතු පෙලා රවටලා..

ගායනය : රෝහණ බෝගොඩ
පද රචනය : රංජනී විතානගේ
සංගීතය : මහාචාර්ය සනත් නන්දසිරි


වීඩියෝව ගත්තෙ මෙතනින් - Indiketi Hewage Rohan Indika


සුවඳ දැනී දැනී දැනෙනවා - රූකාන්ත ගුණතිලක | Suwada Dani Dani Danenawa - Rookantha Gunathilaka - sinhala lyrics

සුවඳ දැනී දැනී දැනෙනවා..
උදා හිරු එළියේ..
අළුත් ඉරක් දෝ මේ..
හිතට ගලනවා හීත බිඳු බිඳු
හීන් පිනි හුළඟේ - හිනස්සා හිත හැඟුම්
සුවඳ දැනී දැනී..දැනෙනවා...

ඊයේ නොදුටූ ලස්සන ලෝකය
අද කොහෙන් හෝ..
හෙමිහිට ඇවිදින් මිදුල දිගේ මට
තුරුළු වෙනවා..
ජීවිතේ සුන්දර ද මෙතරම්..
සුවඳ දැනී දැනී...දැනෙනවා...

රෑන රෑන් එන පාට පාට සමනලයෝ..
පේන පේන මල සිප ගන්නෝ..
ආදරේ.....ඔච්චම් කර කර
හංකිති කවනා ආදරේ...
බලාපොරොත්තුව දෝත දරා මඟ
බලා හිදී ඔබ එනතුරා..
ආයේ හෙට දවසක් තියේවී අද වාගේ...
ජීවිතේ සුන්දර ද මෙතරම්...

සුවඳ දැනී දැනී...දැනෙනවා...

ගායනය : රූකාන්ත ගුණතිලක
පද රචනය : අජංතා රණසිංහ
සංගීතය : රෝහණ වීරසිංහ

“සප්ත කන්‍යා“ චිත්‍රපටයේ ගීතයක්


වීඩියෝව ගත්තෙ මෙතනින් - Thanuja Dhananjaya

සහසක් පැතුමන් - සනත් නන්දසිරි | Sahasak Pathuman - Sanath Nandasiri - sinhala lyrics

සහසක් පැතුමන් නැත මා පැතුවේ..
එකම පැතුම පමණකි හිත රැදුනේ..
හද අඹරෙහි අඬ සඳ වැනි නෑනේ..
මතකයි සිරි දළඳා වැන්දා...
මතකයි සිරි දළඳා වැන්දා...

ඇස කඳුලැලි මෙන් හිස පිණි බින්දු
පිරිසිදු නාමල දෝතෙහි රැන්දූ..//
එකම පැතුම කඳුලට හරවා
මතකයි ඔබ පාමුල වැටුනා...
මතකයි ඔබ පාමුල වැටුනා...

සහසක් පැතුමන්...

අහිමි සැපත මිහිරී සිත පුරවා
තැවෙමු හඬමු මේ භවය පුරා..//
මතු භවයෙත් මගෙ නෑනා වනු මැන
අදට වඩා අනුකම්පාවෙන්...
අදට වඩා අනුකම්පාවෙන්...

සහසත් පැතුමන්...

ගායනය : මහාචාර්ය සනත් නන්දසිරි
පද රචනය : දයා ද අල්විස්
සංගීතය : මහාචාර්ය සනත් නන්දසිරි

වීඩියෝව ගත්තෙ මෙතනින් - Periwinklelk(ApArnA)
 
Related Posts Plugin for WordPress, Blogger...