ඒත් අපි එක පන්තියේ - සාදර බණ්ඩාර | Eth Api Eka Panthiye - Sadara Bandara - sinhala lyrics

අනේ හිමියනි ඉදින් නවතිනු
සෙබළු බොහොමයි ගැන්සියේ
නුඹව ලොකු නැත ගොඩක් කල් යුධ
කෙරුව එකෙකුට වන්නියේ
එකම පාරක දෙපිල බෙදිලා  - සටන් කෙරුවත් හන්දියේ..
බංකරේ මා අන්තරේ නුඹ - ඒත් අපි එක පන්තියේ..

ගැටළු ඇති බව මට ද වැටහේ හොඳයි නිසි උද්ඝෝශනේ..
ඒත් විසදුම මෙහෙම පතුරන එක ද පාරේ භීෂනේ..
කසාවතකට උරුම දේ නම් රකිනු මිස බුදු සාසනේ..
ගලක් ගැහුවම වැහෙයි සයිටම් එයද සම්බුදු දේශනේ..

දෑත් එක්කොට කියමි අන්තිම වරට පෙන්නා ආදරේ..
යන්න පසුබැස තවම ඉස්සී නොමැත කඩුපොලු තෝමරේ..
පිරෙයි පවු මට තවත් අඩියක් පැන්නොතින් නුඹ බෝඩරේ..
අරන් ආවේ මමත් නුඹ මෙන් මට උඩින් දුන් ඕඩරේ..

අනේ හිමියනි...

ගායනය : සාදර බණ්ඩාර
පද රචනය : චමිදු මිහිරංග
සංගීතය : සාදර බණ්ඩාර


වීඩියෝව ගත්තෙ මෙතනින් - Sadara Bandara

විසේකාරී - බාචි සුසාන් | Visekari - Bachi Susan - sinhala lyrics

අනුරාගී නුවන් හිමිකාරී - උන්මාදී හැඟුම් මට දේවී
සිපගන්නටදෝ ලංවී - විසේකාරී..
ශෘංගාරී දෙතොල් නලියාවී
හැඩකාරී සැනින් මත්වේවී
සුරලෝකේ ඉඳන් ආවාදෝ - විසේකාරී..

ඔය පුළුලූකුල සුදු නෙරියේ නැලවෙන රඟේ..
හිත ඔබ ගාව නවතී වගේ..
ඔය මුදු සුවඳ ළය මඩල පැද්දෙන විසේ
මගෙ නෙන් සැරය ඔබ තුරුලේ නේ..

මායම් රූ නාරී - විසේකාරී
සායං ගෑ දල්ලෙ රසේ දේවි
කෝලං පෑ දෑසේ රැඟුම් පාවි
හීලෑ නෑ ආලේ විසේකාරී..

කවිකාරී තෙපුල් මුමුණාවී - සඳයාවී උකුල් සුවදේවි
අදහන්නට බෑ පුදුමය - විසේකාරි..
මනලෝලි දසුන් ඉගිලේවි - ඳගකාරි සිතුම් උතුරාවි
ඔබ කාගේ කවුරුන්දෝ - විසේකාරි..

ඔය පුළුලූකුල සුදු නෙරියේ..

දේදුන්නයි ඇ මා මුවැත්ති - ඔව් ඈ හරි රුවැත්ති
ඔබ මා මුදු හිතැත්ති - විසේකාරි..
ඔබ ලඟින් ගෙවි යන වසන්තේ
පෙම් හැඟුම් ගලායයි අනන්තේ
හිත මගේ අරන් හැංගෙන්නද - විසේකාරි..

ඔය පුළුලූකුල සුදු නෙරියේ..

ගායනය - බාචි සුසාන්
පද රචනය - සම්පත් ප්‍රනාන්දුපුල්ලෙ
සංගීතය - පසන් ලියනගේ



වීඩියෝව ගත්තෙ මෙතනින් - Redfox World

පොඩ්ඩියේ - සාදර බණ්ඩාර | Poddiye - Sadara Bandara - sinhala lyrics

පොඩ්ඩියේ අම්මා අම්මාමයි තාම..
වැරදුනේ අපි නිසයි ඈ වැරදිද කෝම..
බක්මහේ කොවුල් බිජු පුපුරණ දාක..
නංගියෙ අම්මගෙන් උඹ ඉල්ලනවද ගේම..

තනේ කඩා විසිකර පත්තිනි වේ නම්..
අනේ හාමතේ අපි මැරිලා එහෙනම්..
වනේ පාරන්නෙ වන ඵල විස වී නම්..
නගේ දැන් යමං පඬි පුර ගිනි තියපන්..

සතා කියා ඉඳහිටක දි ඇහුනාට..
කතා හදන උන් සේරම බෝසත් ද..
යකා වැහෙන්නට පෙර උඹෙ අයියාට..
කතන්දර එපා - වැඳපන් අම්මාට..

දන් කඳ නැතිදාට රන්කඳ වී පෙනිලා..
ලොකු හැමුදුරුවො අණකර බණ පද එව්වා..
මුචලින්දගෙ ඇහේ නයි කඳුලක් නැටුවා..
අපෙ අම්මා බණ කතාවක් බුදුගෙයි ලිව්වා..

රත්වුන යකඩ ලෝකුරු ගෑණුත් තැලුවා..
මත්වුණු බමරු ඉටිමල් පොකුරෙත් වැහුවා..
ඇත්තට ලෝකෙ ගැන උඹ දන්නෙ ද මොනවා..
පත්තිනි සළුවලත් ඇත් තුත්තිරි තිබුණා..

සතා කියා ඉඳහිටක දි ඇහුනාට..
කතා හදන උන් සේරම බෝසත් ද..
යකා වැහෙන්නට පෙර උඹෙ අයියාට..
කතන්දර එපා - වැඳපන් අම්මාට..

ගායනය : සාදර බණ්ඩාර
පද රචනය : ටිම්රාන් කීර්ති
සංගීතය : සාදර බණ්ඩාර



වීඩියෝව ගත්තෙ මෙතනින් - Sadara Bandara

මගේ පණ - මිලින්ද සඳරුවන් | Mage Pana - Milinda Sandaruwan - sinhala lyrics

ඊතලයක් විස පොවපූ - වැදුනා වාගේ දැනුණූ..
ඔබ වෙනතක ගිය අයුරූ - සිහිවී වැටුනා කදුළු..
ගිය තැනකින් දුරකතනෙන් එක සැරයක් අමතාලා..
ඔබ සතුටින් ඇතැයි කියා පවසනු මැන සවනට මා..

මුහුණට මුණගැහෙනා මගෙ මිතුරන්
විමසන විට දී ඔබේ ගැන...
ඔබ මා හැරදා ගිය බව වචනෙන්
කොහොම කියන්න ද මගේ පණ...//

දුකයි සැපයි මැද්දෙන් - ඔබට මගේ පපුවෙන්..
ආදරේ කලා මහ සාගරේ වැලි කැට තරම්..
ගිය තැනකින් දුරකතනෙන් එක සැරයක් අමතාලා..
ඔබ සතුටින් ඇතැයි කියා පවසනු මැන සවනට මා..

මුහුණට මුණගැහෙනා මගෙ මිතුරන්
විමසන විට දී ඔබේ ගැන...
ඔබ මා හැරදා ගිය බව වචනෙන්
කොහොම කියන්න ද මගේ පණ...//

දකින්න බැරි දුරකින් - සැඟව ගියත් රහසින්..
මතකේ පුරා රූපය ඔබේ ඇත මියෙන කල්..
ගිය තැනකින් දුරකතනෙන් එක සැරයක් අමතාලා..
ඔබ සතුටින් ඇතැයි කියා පවසනු මැන සවනට මා..

ඊතලයක් විස පොවපූ....

ගායනය : මිලින්ද සඳරුවන්
පද රචනය : සජිත් වී. චතුරංග
සංගීතය : ප්‍රගීත් පෙරේරා


වීඩියෝව ගත්තෙ මෙතනින් - Swara Entertainment

අමුඩේ නොහොත් වස් ගීය - සමන් ලෙනින් | Ambude - Saman Lenin - sinhala lyrics

දුන්නු තේ එකට - සීනි වෙනුවට
කලපු ලුණු හැන්දක්ම වැටියාං..//
ආයුබෝවන් කියන මොහොතේ..
බුලත් හෙප්පුව බිම පෙරලියං..

කොයි තරම් ලස්සන උනත් මට
ඌට මහ වස කැතට පෙනියං..
-කොයි තරම් ලස්සන උනත් -
-ඌට මහ වස කැතට පෙනියං..

පරපුරේ පම්පෝරි දොඩවන
අම්මගේ කට වචන ගිලියං..
කැස්ස හැදිලා ආත්තම්මට
වාත පිත තරඟයට කිපියං..

අයියා පණ්ඩිතයා - වෙලාවට
නොයෙන්නට වාහනේ කැඩියං..
නොකල හින්දා වැරැද්දක් මට
තාත්තට වෙන වැඩක් වැටියං...

මකුළු දැල් නැන්දම්මා දෑසට
කිතුල් මල් වාගේම පෙනියං..
නොහොබිනා හරුපයක් කියවී
කාගෙහරි හිත තදට රිදියං..

මඟුල එහෙනම් තීන්දුයි දැන්
කීවොතින් හොර කපුවා එසැනින්
අලුත් නෑකන් සභා මැද්දේ
අනේ ඕකගේ සරම කැඩියං..

-අම්මගේ කට වචන ගිලියං
-තාත්තට වෙන වැඩක් වැටියං
-කාගෙහරි හිත තදට රිදියං
-අනේ ඕකගේ සරම කැඩියං

මොකක් හරි හේතුවක් හින්දා...
අමුඩේ අමතක වෙලා තිබියන්..

දුන්නු තේ එකට - සීනි වෙනුවට
කලපු ලුණු හැන්දක්ම වැටියාං..
ආයුබෝවන් කියන මොහොතේ..
බුලත් හෙප්පුව බිම පෙරලියං..

කොයි තරම් ලස්සන උනත් මට
ඌට මහ වස කැතට පෙනියං..
කොයි තරම් ලස්සන උනත් -
ඌට මහ වස කැතට පෙනියං..//

ගායනය : සමන් ලෙනින්
පද රචනය : දිල්ශාන් පතිරත්න
සංගීතය : සමන් ලෙනින්


වීඩියෝව ගත්තෙ මෙතනින් - Saman Lenin සමන් ලෙනින්

පන්දම - දනිත් ශ්‍රී | Pandama - Dhanith Sri - sinhala lyrics

පන්දම රැගෙන යන්න එන්න මා හදවතට..
නෙතු දැහැන් බිදෙනා රන් සලුව ඇද..
ලියතඹර ලෙලවා හදමඬල යට..
දෙන්න මැණිකෙ මගෙ පපුවට ගින්දර..

මේ දුර දිවි කතරේ - අතරමගදි දැකලා නැතී..
රුවකට නෙත ගැටුනේ - කතරක වැසි වැටෙනා දැනේ..
හදවත පතුලේ යකුබෙර වැයුනේ තම්දෙන තානේනෙ නා
අනෙ මගෙ යකුනේ නටපන් හනිකේ
තම්දෙන තානේනෙ තානේනෙ තනානේ..

ඉන වට බැන්දා වු මුතු පොට සැලෙන කොට..
පන්දම දැවෙනවා හදගිනි ලවා ගෙන..
වැහි කලුව එනවා නුඹ නැති දාට..
සිත් අහසම පුරවා අන්ධකාරෙක..

මේ දුර දිවි කතරේ - අතරමගදි දැකලා නැතී..
රුවකට නෙත ගැටුනේ - කතරක වැසි වැටෙනා දැනේ..//
හදවත පතුලේ යකුබෙර වැයුනේ තම්දෙන තානේනෙ නා
අනෙ මගෙ යකුනේ නටපන් හනිකේ
තම්දෙන තානේනෙ තානේනෙ තනානේ..

නා නාන නනනා නේ නා නා...

ගායනය : දනිත් ශ්‍රී
පද රචනය : දනිත් ශ්‍රී
සංගීතය : දනිත් ශ්‍රී


වීඩියෝව ගත්තෙ මෙතනින් - DHANITH SRI

හැමදාම ඔය දෑස - කේෂාන් ශෂීන්ද්‍ර, කල්පනා කාවින්දි | Hemadama Oya Desa - Keshan Shashindra, Kalpana Kavindi - sinhala lyrics

හැමදාම ඔය දෑස - හමු නොවන විට..
නොසන්සුන් හිත තාම - වාරු නෑ මට..
නුබ ගැන හිත හිතා - මිය යනවා හැර..
සොදුරු මිනිසෙක් වෙන්න - හිතක් නෑ මට..//

තරු දෑස මගෙ නේද - අතරමං උන..
හොය හොයා මගෙ දෑස - වෙහෙස වෙනවද..
මං එක්ක යං කිව්වත් - ගමන එනවද..
සොදුරු මාවත ළගට - ඇවිත් ඉන්නද..//

අයාලේ ගිය හිතට නෙතක් තරු ලකුණ වී..
හිතක් තවරා පෙමක ඔබත් නිහඬව හිදී..
මටත් නොකියා ඔහොම ඉතින් දඟකාර වී..
හිතේ නවතින තුරුම ආදරේ නොදැනුනී..

නුබ ගැන හිත හිතා - මිය යනවා හැර..
සොදුරු මිනිසෙක් වෙන්න - හිතක් නෑ මට..//
මං එක්ක යං කිව්වත් - ගමන එනවද..
සොදුරු මාවත ළගට - ඇවිත් ඉන්නද..//

අවාරේ හමා යන සැඩ සුළං වැදී වැදී..
රැක ගත්තේ නුඹ තමයි පෙලා යන්නට නොදී..
මලක් වී ගසක් යට සුවඳ දී වැටී වැටී..
ඔයා හිනහී ඉන්න හඬා කඳුලක් නොවී..

නුබ ගැන හිත හිතා - මිය යනවා හැර..
සොදුරු මිනිසෙක් වෙන්න - හිතක් නෑ මට..
මං එක්ක යං කිව්වත් - ගමන එනවද..
සොදුරු මාවත ළගට - ඇවිත් ඉන්නද..//

ගායනය : කේෂාන් ශෂීන්ද්‍ර සමඟින් කල්පනා කාවින්දි
පද රචනය : සමන් එදිරිමුනි
සංගීතය : නිමේෂ් කුලසිංහ



වීඩියෝව ගත්තෙ මෙතනින් - NIMESH KULASINGHE