මන්නාරම් පිටි වැල්ලේ මදටිය වැල් ඔන්චිල්ලේ
කොණ්ඩෙ කඩන් හඳට අඬන් සිංදු කියන්නේ
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
නැහැයෙ කරාබුව දෙකණේ කඩුක්කං දමා සියොළඟ
මොට්ටැක්කිළියෙන් හැඩකොට වසා ඉඟ නමා
උළුඳු කොටා තල වේලා තල් පත් මත ගිණි අව්වේ ලා
කුණ්ඩුමණී
සෙම්බු තාලි උකුලෙ හොවා ආඬි ළිඳෙන් දිය ඇදලා
ලූණු පාත්තියට දමා විඩාපත් වෙලා
හැන්දෑවට කෝවිල් ගොස් පොල් ගහලා නළලේ අළු ගා
කුණ්ඩුමණී
මන්නාරම් පිටි වැල්ලේ මදටිය වැල් ඔන්චිල්ලේ
කොණ්ඩෙ කඩන් හඳට අඬන් සිංදු කියන්නේ
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
ගොම ඉහළා හැදූ ගෙබිම පිච්ච මලින් සරසාලා
කෙසෙල් ගස් දෙකක් දොරකඩ සිටුවා තබලා
කුම්බු ඝටම් මෘදංග නද මුළු ගමටම හඬවා දීලා
කුණ්ඩුමණී
සණ්ඩු කරල බැණුම් අහල හැංගි හැංගි බැන්ද ප්‍රේමෙ
මහරාජා ආ කල ගෙට තිරික්කලෙන් බැසලා
කුණ්ඩුමණී යන පෙරහර බලා හිඳිමි කීකරු වීලා
කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
කුණ්ඩුමණී කුණ්ඩුමණී
ගායනය - ෆ්‍රෙඩී සිල්වා
ගී පද - ප්‍රේමකීර්ති ද අල්විස්
සංගීතය - වික්ටර් රත්නායක
Brilliant lyrics
ReplyDeleteexcellent lyrics!
ReplyDeleteෆ්‍රෙඩී සිල්වා දැක්කහම මට නිකමට හිතුනෙ, ඒ දවස් වල හිටපු විකට ජවනිකා කරපු නළුවන්ට පවා තැනගේ රාජකාරියෙදි හොඳ ශික්ෂණයක් තිබුණ. මිනිස්සු හිනස්සන්න කුනුහරුපම අවශ්‍ය වුණේ නෑ.
ReplyDeleteප්‍රේමකීර්ති කියන්නෙ අත ගහන ඕන කලා කටයුත්තකදි ඉස්සරහින්ම ඉන්න නොම්මර එකේ ඕල් රවුන්ඩර් කෙනෙක් උණාට විශේෂයෙන් ගීත ලියන්නම ඉපදිච්ච මනුස්සයෙක් !