නළල වියලවා විගසින්
තිලකයක් තියා අළුතින්
දොරකඩට ඇවිත් හිටගෙන හිනාවෙන නමුත්
තවම කෙහෙ රැළින් දිය වෑහෙනවා රාජිනී
ලපටි සුදු මිරිස් මල් දිලිහෙනව රාජිනී
දිලිහෙනව රාජිනී
දිලිහෙනව රාජිනී
දෙවොල් මළුවේ සුදු වැලි කැට
පුරුද්දට වගේ ගැන ගැන
සීනු හඬට කන් දෙන විට
පිරුණු හිත මුවින් උතුරන අපූරුව මැවේ
රාස්සිගේ අව් කෙඳි ටික
නාගදීපයට එපිටින්
මුහුදේ ගිලෙන විට සිහිලයි නොවේද රාජිනී
නොවේද රාජිනී
නොවේද රාජිනී
නළල වියලවා විගසින්
තිලකයක් තියා අළුතින්
දොරකඩට ඇවිත් හිටගෙන හිනාවෙන නමුත්
තවම කෙහෙ රැළින් දිය වෑහෙනවා රාජිනී
ලපටි සුදු මිරිස් මල් දිලිහෙනව රාජිනී
දිලිහෙනව රාජිනී
දිලිහෙනව රාජිනී
මඟ වසන වලා තිරපට
ඉරාගෙන උජාරුවකින්
බක් මහේ නැවුම් සඳවත
පෙරඹරින් නැගී එන හැඩ වියැක යන සේ
කතා කරන ඇස් වහගෙන
අගය පෙන්වනා විටදිත්
නුඹ තරම් සොඳුරු කවියක් නැහැනේ රාජිනී
නැහැනේ රාජිනී
නැහැනේ රාජිනී
නළල වියලවා විගසින්
තිලකයක් තියා අළුතින්
දොරකඩට ඇවිත් හිටගෙන හිනාවෙන නමුත්
තවම කෙහෙ රැළින් දිය වෑහෙනවා රාජිනී
ලපටි සුදු මිරිස් මල් දිලිහෙනව රාජිනී
දිලිහෙනව රාජිනී
දිලිහෙනව රාජිනී
ගායනය - සේනානායක වේරලියද්ද
තනුව - සේනානායක වේරලියද්ද
පද - නුවන් කුමාර කටුගම්පොල
වීඩියෝව ගත්තෙ මෙතනින් - lakwin perera
“තිලකයක් තියා නලතින්“ යන්න “තිලකයක් තියා අළුතින්“ වශයෙන් නිවැරදි විය යුතුය.
ReplyDeleteහිතලම අහන්න වෙනවා. තැන් කීපයකමත් එහෙම තිබුණ නිසා ඒක හරි කියලයි හිතුණෙ. හැදුව ඔන්න. ස්තූති වේවා!
Deleteහරී, ඕක වෙන්නෙ මෙහෙමයි. සමහර පැති වල අය 'අ' 'එ' 'ඉ' 'ඔ' 'උ' අකුරු වලින් පටන් ගන්න වචන ශබ්ද කරනකොට නිකන් සිංහල බිංදුව හෝ ඉංග්‍රීසි 'N' අකුරට හුරු ශබ්දයක් ඒක මුලට සන්ධි කරනවා. ඒ නිසා තමයි අයන්න වෙනුවට නයන්න වගේ ඇහෙන්නේ. අමරසිරි පීරිස්, වෙහෙරලියැද්ද ඔය දේ තදින්ම කරනවා.
ReplyDeleteඒක හරි... වේරලියද්දගෙත් වෙනත් සින්දුවල ඒ ගතිය අඩුයි. මේකෙ ඒ ස්ටයිල් එක අමුතුවෙන්ම දාල වගේ කියන්නේ... කොහොම වුණත් මේ සින්දුවෙ පද ගී පැදුරට දාන්න කලින් ඉඳන්මත් ඔය 'අළුතින්' කෑල්ල මට හරියට මීටර් වෙලා තිබුණෙ නෑ...
Deleteමට නම් අහෙන්නෙ ලල තින් කියන්න වගේ...(ලලනාවගෙ අතින්)
ReplyDelete