නිස්සාර සංසාර - අභිෂේකා විමලවීර | Nissara - Abhisheka Wimalaweera - sinhala lyrics


නිස්සාර සංසාර හීනේ අතීතේ
ඔබ ඉන්නවා දැනෙනවා
කවදාක හමුවෙන්න රැකගන්න වේදෝ
තුන්යාමේ මං අහනවා

හැම රෑම ඈ ගාව ඔබ නිදනවා
ඔබ නැතුව ඔය හිතම මං ඉඹිනවා..//

උණුසුම් හාදුවද ඇගේ සෙනෙහස
තාම අපෙ හිතේ..//
දකිනා වාරයට පවා
මගෙ මුළු හිතම ගිනිගනී

මන්දාරම් පවන් පොදේ
තාමත් ඔබෙ සුසුම් තැවේ..//
හිත ගැහෙනා හීතලේ
සැගවෙන් ඔබගේ පපුතුරේ

නිස්සාර සංසාර හීනේ අතීතේ
ඔබ ඉන්නවා දැනෙනවා
කවදාක හමුවෙන්න රැකගන්න වේදෝ
තුන්යාමේ මං අහනවා

ගායනය : අභිෂේකා විමලවීර
පද රචනය : අභිෂේකා විමලවීර
සංගීතය : දිලුම් තේජන


වීඩියෝව ගත්තෙ මෙතනින් - Abhisheka Wimalaweera


ජේසු ස්වාමි දරුවනේ - නන්දා මාලනී ‍| Jesu swami daruwane - Nanda Malini - sinhala lyrics


ජේසු ස්වාමි දරුවනේ
ජේසු ස්වාමි දරුවනේ
දුගී පැලේ දිනා
මෙ ලෝ තලේ දිනූ
ඔබේ දහම් තියේද දැන්
දිව නෙතින් බලන්
ජේසු ස්වාමි දරුවනේ
ජේසු ස්වාමි දරුවනේ

පැල්පතේ හඬද්දි සා දුකින් දුගී ළමෝ
මන්දිරේක සාදයක්ය මිහිරි නත්තලේ
ඒ නොවේය ස්වාමිනී ඔබ දෙසූ දහම්
ගොල්ගොතාව කුරුසකන්ද රතු ලෙයින් තෙමා

ජේසු ස්වාමි දරුවනේ
ජේසු ස්වාමි දරුවනේ

රන් රිදී මැණික් නොවේය ඔබැ සමීපයේ
දළ පිළී විණා දුහුල් නොවී ශරීරයේ
මන්ද මේ විලාසිතා දේව මන්දිරේ
යලි ගලීලයෙන් නැගී මෙ ලෝ තලේ බලන්

ජේසු ස්වාමි දරුවනේ
ජේසු ස්වාමි දරුවනේ
දුගී පැලේ දිනා
මෙ ලෝ තලේ දිනූ
ඔබේ දහම් තියේද දැන්
දිව නෙතින් බලන්
ජේසු ස්වාමි දරුවනේ
ජේසු ස්වාමි දරුවනේ


ගායනය - නන්දා මාලනී
සංගීතය - ස්ටැන්ලි පීරිස්
ගී පද - සුනිල් ආරියරත්න




වීඩියෝව ගත්තෙ මෙතනින් - sn914430

ඔබ දෙපා දොවා බැතියෙන් - චන්ද්‍රලේඛා පෙරේරා | Oba depa dowa bathiyen - Chandralekha Perera - sinhala lyrics


ඔබ දෙපා දොවා බැතියෙන්
මා පිදූ පැතුම් පියුමන්
පෙති තලා දමා මලසුනේ හෙලා
මට තබා ගොසින් කඳුලැල් //

පුජාසනය අඳුරුයි
විමනේ පහන නිවිලා //
මා දෑස දුක දුරු වේ
ඔබගේ නමින් යදිනා

ඔබ දෙපා දොවා බැතියෙන්
මා පිදූ පැතුම් පියුමන්
පෙති තලා දමා මලසුනේ හෙලා
මට තබා ගොසින් කඳුලැල්

ආයාචනය ඔබටයි
දෙවිඳේ මසිත දරනා //
මේ යාතිකා ගැයුමයි
ඔබගේ සරණ පතනා

ඔබ දෙපා දොවා බැතියෙන්
මා පිදූ පැතුම් පියුමන්
පෙති තලා දමා මලසුනේ හෙලා
මට තබා ගොසින් කඳුලැල්


ගායනය - චන්ද්‍රලේඛා පෙරේරා
සංගීතය - රෝහණ වීරසිංහ
ගී පද - කුලරත්න ආරියවංශ




වීඩියෝව ගත්තෙ මෙතනින් - Evoke Music

හත් පාටක් ගෑවෙන්නා - සුනිල් සාන්ත | Hath patak gawenna - Sunil Santha - sinhala lyrics

හත් පාටක් ගෑවෙන්නා
රන් සෑයක් නැංවෙන්නා
නන් පැහැයක් දිස්වන්නා
දේදුන්නක් පායන්නා

සුර අඟනන් වැසි බිඳු මල් අමුණා
දිය පීනාගෙන අඹර ගඟේ
අත්වැල් බැඳගෙන පොළොවට එන්නට
දැමූ මැණික් ඉණිමගකි හැඟේ

සුරඟනකගෙ මිණි තැල්ලයි
සෝබාදම් සැරසිල්ලයි
වැසි බිඳු මුතු ඕවිල්ලයි
නැලවෙන සුර ඔන්සිල්ලයි //


හත් පාටක් ගෑවෙන්නා
රන් සෑයක් නැංවෙන්නා
නන් පැහැයක් දිස්වන්නා
දේදුන්නක් පායන්නා

රුවන් ඉණක් මෙන් මිණි මෙයුලක් මෙන්
බබලන දේදුණු මඬල පෙනේ
සුන්දරියකගේ නැමි බැම උපමා
කල විට ඈ ඉන් උරණ වුණේ

සුරඟනකගෙ මිණි තැල්ලයි
සෝබාදම් සැරසිල්ලයි
වැසි බිඳු මුතු ඕවිල්ලයි
නැලවෙන සුර ඔන්සිල්ලයි //


හත් පාටක් ගෑවෙන්නා
රන් සෑයක් නැංවෙන්නා
නන් පැහැයක් දිස්වන්නා
දේදුන්නක් පායන්නා

ටික වේලාවක් මා නලවන්නට
කොහි සිටදෝ අහසට ආවේ
ගොඩ දිය මල්වල රන් ආකරවල
පාට රැගෙන කවුරුද ගෑවේ

සුරඟනකගෙ මිණි තැල්ලයි
සෝබාදම් සැරසිල්ලයි
වැසි බිඳු මුතු ඕවිල්ලයි
නැලවෙන සුර ඔන්සිල්ලයි //


හත් පාටක් ගෑවෙන්නා
රන් සෑයක් නැංවෙන්නා
නන් පැහැයක් දිස්වන්නා
දේදුන්නක් පායන්නා

සුර අඟනන් වැසි බිඳු මල් අමුණා
දිය පීනාගෙන අඹර ගඟේ
අත්වැල් බැඳගෙන පොළොවට එන්නට
දැමූ මැණික් ඉණිමගකි හැඟේ

සුරඟනකගෙ මිණි තැල්ලයි
සෝබාදම් සැරසිල්ලයි
වැසි බිඳු මුතු ඕවිල්ලයි
නැලවෙන සුර ඔන්සිල්ලයි ////



ගායනය, සංගීතය - සුනිල් සාන්ත/ අයිවෝ ඩෙනිස්
ගී පද - අරිසෙන් අහුබුදු
සහය ගායනය - අමිතා වැදිසිංහ, නාලනී රණසිංහ




වීඩියෝව ගත්තෙ මෙතනින් - SinhalaGee සිංහල ගී

ලෙලුම් රත්නායකගේ අනුවාදය



වීඩියෝව ගත්තෙ මෙතනින් - Lelum Ratnayake


රෑ වීලා ඇයි මේ උදේ - මිල්ටන් මල්ලවාරච්චි | Re weela ai me ude - Milton Mallawarachchi - sinhala lyrics


රෑ වීලා ඇයි මේ උදේ
රෑ වීලා ඇයි මේ උදේ
හද අරුණෝදේ
ඔබ ගිය මොහොතේ
රෑ වාගේ පාළුයි ප්‍රියේ

උණ පඳුරු හෙවණේ
ඔබ නෑ උදේ
රතු පාට සේලයෙන්
හැඩ වූ ළඳේ
වැහිබර වීලා
මගෙ හිත පාළුයි

රෑ වීලා ඇයි මේ උදේ

ඔබ නේන මිදුලේ
මල් වැට දිගේ
සිරියාව නෑ ප්‍රියේ
වෙනදා වගේ
හෙට උදයේ හෝ
ඔබ එනවාදෝ

රෑ වීලා ඇයි මේ උදේ
රෑ වීලා ඇයි මේ උදේ
හද අරුණෝදේ
ඔබ ගිය මොහොතේ
රෑ වාගේ පාළුයි ප්‍රියේ


ගායනය - මිල්ටන් මල්ලවාරච්චි
සංගීතය - ස්ටැන්ලි පීරිස්
ගී පද - අජන්තා රණසිංහ




වීඩියෝව ගත්තෙ මෙතනින් - Indiketi Hewage Rohan Indika

උඩුගුවන යටින් - මිල්ටන් පෙරේරා | Uduguwana yatin - Milton Perera - sinhala lyrics


උඩුගුවන යටින්
මහ දෙරණ පිටින්
හැම මුවගින් පිටවන්නේ
අපේ ආදර කතන්දරේ
අපේ ආදර කතන්දරේ

පෙති ඇරෙන මලේ
දිය පිරෙන විලේ
මුළු දවසෙම පැවසෙන්නේ
අපේ ආදර කතන්දරේ
අපේ ආදර කතන්දරේ

වන විහඟ තුඩින් බට පඳුරු උඩින්
දස දිගතෙහි විහිදෙන්නේ //
අපෙ ආදර කතන්දරේ
අපෙ ආදර කතන්දරේ

උඩුගුවන යටින්
මහ දෙරණ පිටින්
හැම මුවගින් පිටවන්නේ
අපේ ආදර කතන්දරේ
අපේ ආදර කතන්දරේ

සිතිජය අතරේ ගං රළ පතරේ
එබිකම් කොට සැඟවෙන්නේ //
අපෙ ආදර කතන්දරේ
අපෙ ආදර කතන්දරේ

උඩුගුවන යටින්
මහ දෙරණ පිටින්
හැම මුවගින් පිටවන්නේ
අපේ ආදර කතන්දරේ
අපේ ආදර කතන්දරේ

පෙති ඇරෙන මලේ
දිය පිරෙන විලේ
මුළු දවසෙම පැවසෙන්නේ
අපේ ආදර කතන්දරේ
අපේ ආදර කතන්දරේ


ගායනය - ජේ.ඒ. මිල්ටන් පෙරේරා
සංගීතය -
ගී පද - කරුණාරත්න අබේසේකර




වීඩියෝව ගත්තෙ මෙතනින් - Indiketi Hewage Rohan Indika

දික්තලා නංගියේ - වින්සන්ට් ප්‍රේමසිරි | Dikthala nangiye - Vincent Premasiri - sinhala lyrics

දික්තලා නංගියේ
මම තරහා නෑ
නුඹ මට හිමි නෑ
මම තරහා නෑ
දික්තලා නංගියේ
මම තරහා නෑ

කාලගෝල මං විරෑපි
බව මම දනිමි
මිනිස්කම නොවේ
රෑපය නිසා පැරදුනී
දික්තලා නංගියේ
මම තරහා නෑ

නීතිය මට ඇය දුන්නත්
මිනිස්කම මගේ
නුඹට බාර දෙන්නට
මට අණකරයි මලේ
දික්තලා නංගියේ
මම තරහා නෑ

මෙමා නොලද ආදරයට
නොගරහමි ළඳේ
ඉතින් නුඹට ඇය බාරයි
රැකගනින් මලේ
දික්තලා නංගියේ
මම තරහා නෑ

නුඹ මට හිමි නෑ
මම තරහා නෑ
දික්තලා නංගියේ
මම තරහා නෑ


ගායනය, සංගීතය, ගී පද - වින්සන්ට් ප්‍රේමසිරි



වීඩියෝව ගත්තෙ මෙතනින් - sudasingha

රොඩ්නි වර්ණකුල ගයන අවස්ථාවක්



වීඩියෝව ගත්තෙ මෙතනින් - Tikiri Marie

හංස රාජිනී - සුනිල් එදිරිසිංහ | Hansa rajini - Sunil Edirisinghe - sinhala lyrics


හංස රාජිනී සේ
හංස රාජිනී සේ
මන මෝහනීය රංගනීයේ
හංස රාජිනී සේ
මන මෝහනීය රංගනීයේ
හංස රාජිනී

සැලෙන නයන යුග මදහස පාලා
සැලෙන නයන යුග
සැලෙන නයන යුග මදහස පාලා

සැලෙන නයන යුග මදහස පාලා
නූපුර ජාල හඬා නද දීලා
සැලෙන නයන යුග මදහස පාලා

සැලෙන නයන යුග මදහස පාලා
නූපුර ජාල හඬා නද දීලා
සැලෙන නයන යුග

සැලෙන නයන යුග මදහස පාලා
නූපුර ජාල හඬා නද දීලා
රඟනා තාලේ

හංස රාජිනී සේ
හංස රාජිනී
හංස රාජිනී සේ
හංස රාජිනී සේ
මන මෝහනීය රංගනීයේ
හංස රාජිනී
හංස රාජිනී
හංස රාජිනී


ගායනය - සුනිල් එදිරිසිංහ
සංගීතය - රෝහණ වීරසිංහ
ගී පද - කුමාරදාස සපුතන්ත්‍රි





වීඩියෝව ගත්තෙ මෙතනින් - Evoke Music

උදා ගිරේ ඉරේ - වික්ටර් රත්නායක | Uda gire ire - Victor Rathnayaka - sinhala lyrics


උදා ගිරේ ඉරේ
නිශා සමේ සඳේ
භවෙන් භවේ සොයා එමී
ඔබේ නුවන් ජලේ

තෙපුලේ විලාසිතාවේ
දෙතොලේ සිනා ලතාවේ
සිතුවම් මැකී නොයේවා
මහදේ රැඳී සදා

උදා ගිරේ ඉරේ...

සසරේ අනන්ත කාලේ
ඔබගේ නුවන් තටාකේ
හද වේදනා නිවේවා
ගමනේ විඩා නිවා

උදා ගිරේ ඉරේ
නිශා සමේ සඳේ
භවෙන් භවේ සොයා එමී
ඔබේ නුවන් ජලේ


ගායනය - වික්ටර් රත්නායක
සංගීතය - ස්ටැන්ලි පීරිස්
ගී පද - කේ.ඩී.කේ. ධර්මවර්ධන


මේ ගීතය සොයාගැනීමට උදව් කල කැලුම් ශ්‍රීමාල් මහතාටත් හෝපලු වනපෙත KDK Lyrics පිටුවටත් අපගේ ස්තූතිය




වීඩියෝව ගත්තෙ මෙතනින් - හෝපලු වනපෙත KDK Lyrics

කවි කියන්න වරම් දෙන්න - ප්‍රින්ස් උදය පියන්ත | Kavi kiyanna waram denna - Prince Udaya Priyantha - sinhala lyrics


කවි කියන්න වරම් දෙන්න සරස්වතී දේවී
මගේ මැණික පිට ගමකට යනවලු අද පේවී
ආදර ගඟ සේදී උතුරාගෙන යාවී
ආදර ගඟ සේදී උතුරාගෙන යාවී

හමන සුළං සැරට වාවගන්න බැරිව
රළ පෙළ ගැලුවාද දෙනෙතම තෙමුණාද
ඒ ඔබේ සුවඳ මගෙන් අරන්
යනවද දුර ඈත

කවි කියන්න වරම් දෙන්න සරස්වතී දේවී
මගේ මැණික පිට ගමකට යනවලු අද පේවී
ආදර ගඟ සේදී උතුරාගෙන යාවී
ආදර ගඟ සේදී උතුරාගෙන යාවී

මලක් වී පිපෙන්න පිපී පරව යන්න
මට අවසර දෙන්න ඔබෙන් වෙන්ව යන්න
මං සුබ පැතුවට ජිවිතේම
අදයි දුකම දවස

කවි කියන්න වරම් දෙන්න සරස්වතී දේවී
මගේ මැණික පිට ගමකට යනවලු අද පේවී
ආදර ගඟ සේදී උතුරාගෙන යාවී
ආදර ගඟ සේදී උතුරාගෙන යාවී
ආදර ගඟ සේදී උතුරාගෙන යාවී


ගායනය - ප්‍රින්ස් උදය පියන්ත
සංගීතය - එච්.එම්. ජයවර්ධන
ගී පද - චන්න ජයනාත්



වීඩියෝව ගත්තෙ මෙතනින් - Lakmal Jayasinghe

මේලා - කසුන් කල්හාර | Mela - Kasun Kalhara - sinhala lyrics

මේලා පෙම් මේලා
විඳින්න විහින් ළංවෙලා
පීරා සිත පීරා
හොයන්න හැඟුම් සිත් පුරා

කැන්දාලා සිත සුව ආයේ
පාදාලා සිනහව දෑසේ
නිමවාලා සිතුවමක් ආදරේ //

මේලා පෙම් මේලා
විඳින්න විහින් ළංවෙලා


වීනා මුව වීනා
වයන්න පැතුම් දල්වලා
සීමා නැත සීමා
දැනෙන්න සහන් සිත් මවා

කැන්දාලා සිත සුව ආයේ
පාදාලා සිනහව දෑසේ
නිමවාලා සිතුවමක් ආදරේ //

මේලා


ගායනය - කසුන් කල්හාර
සංගීතය - අනුක් දිල්ෂාන්
ගී පද - අචල සොලමන්ස්




වීඩියෝව ගත්තෙ මෙතනින් - Anuk Dilshan

සාගරය පරදා උතුරා - ඉන්ද්‍රානි පෙරේරා | Saagaraya parada uthura - Indrani Perera - sinhala lyrics


සාගරය පරදා උතුරා
පිදුව පෙර දිනේ
ආදරය කොහෙදෝ ඔබගේ
නපුරු කුමරුනේ
ඔබේ කතා
මැකී ගියා

සිනමා හලේ දී උයනේ මගේ දී
ප්‍රේම නගරයේ
අපෙ ප්‍රේම පුවතේ දෙදෙනාට මැදි වී
ආව නිහඬ වී
අද මා යෙහෙළී
ඔබගේ මිහිරී

සාගරය පරදා උතුරා
පිදුව පෙර දිනේ
ආදරය කොහෙදෝ ඔබගේ
නපුරු කුමරුනේ
ඔබේ කතා
මැකී ගියා

පෙර මාගෙ දෑතේ රැඳී දෑත ඇයගේ
දෑතේ පෑහිලා
මල හා ජලාසේ විලසේ බැඳේවා
වේවි වාසනා
දෙදෙනා සැරදේ
ජය වේ ජය වේ

සාගරය පරදා උතුරා
පිදුව පෙර දිනේ
ආදරය කොහෙදෝ ඔබගේ
නපුරු කුමරුනේ
ඔබේ කතා
මැකී ගියා


ගායනය - ඉන්ද්‍රානි පෙරේරා
සංගීතය - සරත් දසනායක
ගී පද - ප්‍රේමකීර්ති ද අල්විස්




වීඩියෝව ගත්තෙ මෙතනින් - Premakeerthi Gee

ඈත කඳුකර හිමව් අරණේ - ඩබ්ලිව්. ඩී. අමරදේව | Etha Kandukara Himau Arane - W.D.Amaradewa - sinhala lyrics


ඈත කඳුකර හිමව් අරණේ
සීත චන්දන ලපලු හෙවනේ
සුළං රැල්ලේ පාව එන්නේ
ඔහුගෙ නාමය වේ //

සඳැල්ලේ මිණි තලාවේ
තාරකා පිපි වෙලාවේ //
ලදැළියන්ගේ සීන අතරේ
මැවෙයි ඒ රූපේ

ඈත කඳුකර හිමව් අරණේ
සීත චන්දන ලපලු හෙවනේ
සුළං රැල්ලේ පාව එන්නේ
ඔහුගෙ නාමය වේ

රනින් කල වන් පුළුල් උරයෙන් //
හසුන් ළමැදේ මුස කරන්නේ
හදේ මෝරන ආදරේ
සඳේ සොමි ගුණ යා කෙරේ
හදේ මෝරන ආදරේ
සඳේ සොමි ගුණ යා කෙරේ
සරා ගී නිල් නුවන් බඳුනින්
නුරා ඉතිරෙන්නේ

ඈත කඳුකර හිමව් අරණේ
සීත චන්දන ලපලු හෙවනේ
සුළං රැල්ලේ පාව එන්නේ
ඔහුගෙ නාමය වේ

ගායනය - පණ්ඩිත් අමරදේව
පද රචනය - මහගමසේකර
සංගීතය - ආචාර්ය ලයනල් අල්ගම



වීඩියෝව - deerslayer110


වක්කඩ ලඟ - පණ්ඩිත් ඩබ්ලිව්. ඩී. අමරදේව | Wakkda Landa - W.D.Amaradewa - sinhala lyrics

වක්කඩ ලඟ දිය වැටෙන තාලයට
තිත්ත පැටව් උඩ පැන නැටුවා
වැස්ස වහින්නට ඉස්සර අහසේ
වලාකුලින් විදුලිය කෙටුවා

කිව්වට වස් නැත නිල් නිල් පාටින්..
කටරොළු මල්වැට වටකෙරුවා..
තුන් දවසක් අමනාපෙන් සිටි කලු..
නෝක්කඩු බැල්මෙන් බැලුවා..

ගල මතුපිට මල පිපෙන්න...
    [ගල මතුපිට මල පිපෙන්න...]
මල වට බඹරිදු නටන්න...
    [මල වට බඹරිදු නටන්න...]
වැහි වැහැලා ගඟ පිරෙන්න...
    [වැහි වැහැලා ගඟ පිරෙන්න...]
ගඟ උතුරා හිත පිරෙන්න...
    [ගඟ උතුරා හිත පිරෙන්න...]

ගලා හැලෙන වැහි වතුර වගේ නුඹ
හිනාවෙයන් කලු හිනාවෙයන්..//
වෙලා මගේ හිත ඉනාවකින් තව
හිනාවෙයන් කලු හිනාවෙයන්..

ගායනය - පණ්ඩිත් ඩබ්ලිව්. ඩී. අමරදේව
සංගීතය - පණ්ඩිත් ඩබ්ලිව්. ඩී. අමරදේව
පද රචනය - මහගම සේකර



වීඩියෝව ගත්තෙ මෙතනින් - Nalaka Anjana Kumara

Related Posts Plugin for WordPress, Blogger...