දිනෙක ඔබ සඳ වාගේ හැඩයි
නැවත ඔබ ඉර වාගේ සැඩයි
මේ වෙනස්කම නැති උනත් නිම
දිනෙන් දිනෙන් ආදරේ වඩයි //
හිනස්සන විට සිනාසෙමි
අඬන්නට බෑ බලා ඉමි
හිනස්සන විට සිනාසෙමි
අඬන්නට බෑ බලා ඉමි
ගඟක් වැනි ඔබ සමැත් පැවතුම්
ඔබේ ළඟ ඉද පතා ඉමි
දිනෙක ඔබ සඳ වාගේ හැඩයි...
උදේ මල් විල මනෝහරයි
සැඳෑ කල එය විඩාබරයි
උදේ මල් විල මනෝහරයි
සැඳෑ කල එය විඩාබරයි
ලොවෙහි දියදම වෙනස් වීමය
ඔබත් එය පැහැදිලි කරයි
දිනෙක ඔබ සඳ වාගේ හැඩයි...
විලේ දිය ගඟුලෙදී බොරයි
ගඟේ දිය සයුරෙදී සැරයි
විලේ දිය ගඟුලෙදී බොරයි
ගඟේ දිය සයුරෙදී සැරයි
ඔබේ සෙවණෙද මෙසේ ඉඳ හිට
විවිධ හැඟුමන් උදාකරයි
දිනෙක ඔබ සඳ වාගේ හැඩයි...
ගායනය - ඇන්ජලීන් ගුණතිලක
සංගීතය - වික්ටර් දළුගම
ගී පද - ප්‍රේමකීර්ති ද අල්විස්
Comments
Post a Comment
දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...