රන්වන් අහස පුරා - අජිත් මුතුකුමාරණ | Ran wan ahasa pura - Ajith Muthukumarana - sinhala lyrics

රන්වන් අහස පුරා
වැහිකළුවර තිබුනා
පෑයු සඳත් එදා
නොපෙනී යන්න ගියා //
රන්වන් අහස පුරා

කුළුදුල් පෙම් හසුනයි
සුවඳැති ලේන්සුවයි
පිදු ආදර සුවඳයි
කඳුලින් සේදෙන්නේ //
මල් පෙති පවා එදා
පරවෙන දිහා බලා
මගේ ඇස් දෙකම හඬයි
කොහොමද වාවන්නේ

රන්වන් අහස පුරා
වැහිකළුවර තිබුනා
පෑයු සඳත් එදා
නොපෙනී යන්න ගියා
රන්වන් අහස පුරා

මට ළංවෙන්න කියා
ඔබ දුන් සුවඳ පවා
අද මට වද දෙනවා
කෙලෙසද ඉවසන්නේ //
හමනා සුළඟ පවා
ඔබ හට තුරුළු වෙලා
දුක් සුසුමක් විතරක්
තනියට ඉතිරි වෙලා

රන්වන් අහස පුරා
වැහිකළුවර තිබුනා
පෑයු සඳත් එදා
නොපෙනී යන්න ගියා //
රන්වන් අහස පුරා


ගායනය - අජිත් මුතුකුමාරණ



වීඩියෝව ගත්තෙ මෙතනින් - Sinhala Song

තව එකම එක වරක් - තිලකසිරි රත්නායක | Thawa ekama eka warak - Thilakasiri Rathnayaka - sinhala lyrics


තව එකම එක වරක්
පරදින්න දිනුම දී
දිනවන්නෙමි ඔබ ජීවිතේ පුරා
තව එකම එක වරක්
දිව එන්න මා සොයා
රිදවන්නේ නෑ ජීවිතේ පුරා //

ඔබ දුටුව මුල්ම ඒ දිනේ
හද බැඳුනු තුරුණු මා සෙනේ
බිඳලන්න බෑ මා ප්‍රියේ කිසිදා
ඒ නිසයි හදේ වේදනා

තව එකම එක වරක්
පරදින්න දිනුම දී
දිනවන්නෙමි ඔබ ජීවිතේ පුරා
තව එකම එක වරක්
දිව එන්න මා සොයා
රිදවන්නේ නෑ ජීවිතේ පුරා

ආවද වෙන්ව මා ගතින්
සමුගන්න බෑ සෙනේ සිතින්
සිඳලන්න වේදනා මහදේ
ඔබටයි මගේ ආදරේ

තව එකම එක වරක්
පරදින්න දිනුම දී
දිනවන්නෙමි ඔබ ජීවිතේ පුරා
තව එකම එක වරක්
දිව එන්න මා සොයා
රිදවන්නේ නෑ ජීවිතේ පුරා

රිදවන්නේ නෑ ජීවිතේ පුරා //


ගායනය - තිලකසිරි රත්නායක




වීඩියෝව ගත්තෙ මෙතනින් - Suneth Prasanna

කෝකිලයන්ගේ කෝකිල නාදේ - සුනිල් සාන්ත | Kokilayange kokila nade - Sunil Santha - sinhala lyrics


කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

ජාති ජාති මලින් සුවඳ උරා බී
වටින් පිටින් සිසිල් සුළං හමන්නේ
සාමදාන සැඳෑ සුවක් ඇදෙන්නේ
අන්න අන්න ඉරත් මූදෙ ගිලෙන්නේ
මගේ කුමාරී ආල තොටිල්ලේ
පැදෙමු නිදැල්ලේ

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

සුදෝ සුදෝ අන්න හඳත් එබෙන්නේ
සාදු සාදු ඔබේ දෙසයි බලන්නේ
එපා එපා සඳේ නිකම් තැවෙන්නේ
ඇයිද මගේ සුදා මටයි ආදරේ
අන්න දෙව්ලියෝ අපේ පෙම් බලා
ගීත ගයන්නෝ

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

සමන් මලක් නෙලා මගේ බිසෝගේ
හිසේ ගසම් අන්න මගේ විනෝදේ
එන්න අනේ එන්න මගේ කුමාරී
සාදු කියා හාදු දෙකක් දෙම් සිරී
මගේ කිරිල්ලි හඬින් සුමිහිරි
ගයන් අමා ගී

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී

බෝම ඇතත් සුදෝ මැණික් සාගරේ
ඔබයි මගේ මැණික මගේ ආදරේ
ඉතිං එපා සැකක් මගේ සුන්දරී
මෙලෝ එලෝ ඔබයි මගේ පෙම්බරී
මගේ අසෝකා මගේ විසාකා
මගේ මල්ලිකා

කෝකිලයන්ගේ කෝකිල නාදේ
කෝකිලයන්ගේ කෝකිල නාදේ
හීන හඬින් හීන වගේ එයි නැඟී
හීන හඬින් හීන වගේ එයි නැඟී


ගායනය, සංගීතය - සුනිල් සාන්ත
ගී පද - හියුබත් දිසානායක
පසුව ගායනය - අයිවෝ ඩෙනිස්




වීඩියෝව ගත්තෙ මෙතනින් - Ruchira Bandara



වීඩියෝව ගත්තෙ මෙතනින් - TV Derana


මේ නගරය - මර්වින් පෙරේරා | Me nagaraya - Mervin Perera - sinhala lyrics

මේ නගරය මා ඔබ මුණ ගැසුණු නගරයයි
මේ නගරය මා ඔබ වෙන් කෙරුණු නගරයයි //

ගං ඉවුරේ දිය රැළ පෙරසේම බිඳෙනවා
නුග ගස් පෙළ අප නැතුවත් තව දළු ලනවා
සරසවි බිම කඳු රැල්ලෙන් එතෙර පෙනෙනවා
ඔබත් එක්ක ආයෙත් එහි යන්න හිතෙනවා

මේ නගරය මා ඔබ මුණ ගැසුණු නගරයයි
මේ නගරය මා ඔබ වෙන් කෙරුණු නගරයයි

ඔබ අත ගෙන ගිය වීදියෙ ඈ හා යනවා
සිඟිති පුතා අතැඟිල්ලක එල්ලී එනවා
ඒ කාලේ පැතූ පැතුම් යළි සිහිවෙනවා
ජිවිතයම හීනයකැයි කියා හිතෙනවා

මේ නගරය මා ඔබ මුණ ගැසුණු නගරයයි
මේ නගරය මා ඔබ වෙන් කෙරුණු නගරයයි


ගායනය, සංගීතය - මර්වින් පෙරේරා
ගී පද - ප්‍රේමකීර්ති ද අල්විස්




වීඩියෝව ගත්තෙ මෙතනින් - RohanWickrama

උකුලට නාවත් - රූකාන්ත ගුණතිලක | Ukulata nawath - Rookantha Goonathilaka - sinhala lyrics


මා ඔබෙ ළඟ අම්මේ...

උකුලට නාවත් එදා වගේ
මා පොඩි පුතු අම්මේ
යොදුනක් ඈතින් උන්නත් මා
මා ඔබ ළඟ අම්මේ //

කටු කොහොලින් පිරි
මට හිමි ලොකේ
ඔබ සරණයි අම්මේ
රෑ දාවල් මට හෙවනැල්ලක් වේ
සුවඳ ඔබේ අම්මේ
මා ඔබ ළඟ අම්මේ

උකුලට නාවත් එදා වගේ
මා පොඩි පුතු අම්මේ
යොදුනක් ඈතින් උන්නත් මා
මා ඔබ ළඟ අම්මේ

අත පය දැඩි වී වැඩිහිටි වූ මා
ඔබ සෙවණේ අම්මේ
කුරා කුහුඹුවෙකි දිය රැස් දහරේ
මතු මතු දා අම්මේ
මා ඔබ ළඟ අම්මේ

උකුලට නාවත් එදා වගේ
මා පොඩි පුතු අම්මේ
යොදුනක් ඈතින් උන්නත් මා
මා ඔබ ළඟ අම්මේ
මා ඔබ ළඟ අම්මේ
මා පොඩි පුතු අම්මේ
මා ඔබ ළඟ අම්මේ


ගායනය, සංගීතය, ගී පද - රූකාන්ත ගුණතිලක




වීඩියෝව ගත්තෙ මෙතනින් - deerslayer110

පොඩි විජේ - ඇන්ටන් ජෝන්ස් | Podi Wije - Anton Johns - sinhala lyrics

පොළොන්නරුවේ පොඩි විජේ
වෙඩි නොවදින පොඩි විජේ
දැඩි එඩි පෑ පොඩි විජේ
කැළේ රජ වුණා
වෙඩි පිට වෙඩි තිය තියා
නීතිය ලුහුබැඳ ගියා
කලකම් පලදී එයා
මරුට බිලි වුණා

ගෙනයන්නට බැරි තැන පවුලක බර
පොඩි විජේ කලේ ගමට හිරිහැර
බැද්දෙට වෙඩි සද්දේ හොඳින් හුරු කර
පරසිද්ද වුනා හද්ද පිටිසර
මව්පියො සොහොයුරුසොහොයුරියන් රැක
ගන්නට වෙහෙසුනා විඳ දුක
හිමි නැති සැපතක සිහිනය දැක දැක
දරුණුයි කල සැහැසිකම් ටික

පොළොන්නරුවේ පොඩි විජේ
වෙඩි නොවදින පොඩි විජේ
දැඩි එඩි පෑ පොඩි විජේ
කැළේ රජ වුණා
වෙඩි පිට වෙඩි තිය තියා
නීතිය ලුහුබැඳ ගියා
කලකම් පලදී එයා
මරුට බිලි වුණා

ජිවිත කිහිපයකට කල හානිය
දුටු අය පවසාවී සැම දෙය
බිහිසුණු අපරාධ වලින් නම ගිය
පොඩි විජේට මුළු ගමම බය විය
පොඩි විජේ සමඟ එම හිතවත් කල්ලිය
වනරොදේ දවස් ගණන් සැඟවිය
පසුපස ලුහුබැඳ යන විට නීතිය
වෙන කැලයක් දෙසට පැන ගිය

පොළොන්නරුවේ පොඩි විජේ
වෙඩි නොවදින පොඩි විජේ
දැඩි එඩි පෑ පොඩි විජේ
කැළේ රජ වුණා
වෙඩි පිට වෙඩි තිය තියා
නීතිය ලුහුබැඳ ගියා
කලකම් පලදී එයා
මරුට බිලි වුණා

නොදැනයි සැරසුනේ අන්තිම සටනට
පනස්දහක් බලෙන් ගන්නට
ලැබුණා ඔත්තුව රැක්කා හරියට
මින්නේරිය රජ ඇල අවට
පැන ගිය මුත් එතැනදි වී කලබල
හවරියපැලැස්ස වනරොද අසල
ඇසුණා හඬ පොඩි විජේගේ එමකල
වෙඩි හඩ පිට වුණ වන තුල

පොළොන්නරුවේ පොඩි විජේ
වෙඩි නොවදින පොඩි විජේ
දැඩි එඩි පෑ පොඩි විජේ
කැළේ රජ වුණා
වෙඩි පිට වෙඩි තිය තියා
නීතිය ලුහුබැඳ ගියා
කලකම් පලදී එයා
මරුට බිලි වුණා

පැන්නා ගැලවීමට කටු අකුලට
වැදුණා වෙඩි එකක් එක පිට
වැටුණ පොඩි විජේ අවසන් නින්දට
නීතිය රජ වුණා සදහට
කටුකෙලිය ගම නිසසල පෙදෙසකි
හොර මැරකම් සෙමින් යයි මැකී
අඬමින් ජීවත් වීමත් අපුලකි
දැහැමින් මිය යෑම සැපතකි

පොළොන්නරුවේ පොඩි විජේ
වෙඩි නොවදින පොඩි විජේ
දැඩි එඩි පෑ පොඩි විජේ
කැළේ රජ වුනා
වෙඩි පිට වෙඩි තිය තියා
නීතිය ලුහුබැඳ ගියා
කලකම් පලදී එයා
මරුට බිලිවුනා


ගායනය - ඇන්ටන් ජෝන්ස්




වීඩියෝව ගත්තෙ මෙතනින් - Sinhala Song

මිදි ඇඹුලයි කියලා - සෞම්‍යකුමාර යාපා බණ්ඩාර | Midi ambulai kiyala - Saumyakumara Yapa Bandara - sinhala lyrics


මිදි ඇඹුලයි කියලා
කියූ කතාවේ මා තනිවුණා එදා
චංචල ළඳක් උනාද ඔබ මා
ඇසුරු කලා කියලා
මිදි ඇඹුලයි කියලා
කියූ කතාවේ මා තනිවුණා එදා

මායිම් නැති ලෝකයක් කරා
අප පියවර මැනලා
ජිවිතයේ මුල මැද අග සෙව්වා
හදින් හදක් පුබුදා

මිදි ඇඹුලයි කියලා
කියූ කතාවේ මා තනිවුණා එදා
චංචල ළඳක් උනාද ඔබ මා
ඇසුරු කලා කියලා
මිදි ඇඹුලයි කියලා
කියූ කතාවේ මා තනිවුණා එදා

සලා වැටුම් දහසක් ගෙවලා
මී වද පැණි පිරුවා
රුචි රුචි කුසුමේ පෙති දිග හැරුණා
සිතුම් පැතුම් සනසා

මිදි ඇඹුලයි කියලා
කියූ කතාවේ මා තනිවුණා එදා
චංචල ළඳක් උනාද ඔබ මා
ඇසුරු කලා කියලා
මිදි ඇඹුලයි කියලා
කියූ කතාවේ මා තනිවුණා එදා


ගායනය - සෞම්‍යකුමාර යාපා බණ්ඩාර
සංගීතය - දයාරත්න රණතුංග
ගී පද - ඔගස්ටස් විනයාගරත්නම්





වීඩියෝව ගත්තෙ මෙතනින් - Api Machan

විරාග රාගය - අමරසිරි පීරිස්, අමල් පෙරේරා | Viraga ragaya - Amarasiri Peiris, Amal Perera - sinhala lyrics


විරාග රාගය අතරේ තනි වූ ආලය
විරාම දෙයි එක් හදකට උදා පරාජය
විරාග රාගය අතරේ තනි වූ ආලය
දුරලයි තනිකම ලබමින් මගේ සරාගය


ඔබ අඩවන් නෙතු කරමින් ඈ නතු
ඇගේ පහන් ලොව ඈ මනසින් බිඳහල දා
ඈ මුකුලිත වූවා

කර ගනු ඈ සතු නොරිසි ඔබේ සිතු
ඈතින් ඔබේ මුණිවර මනසින් පෙම්කළ දා
ඈ අසරණ වූවා


විරාග රාගය අතරේ තනි වූ ආලය
විරාම දෙයි එක් හදකට උදා පරාජය
විරාග රාගය අතරේ තනි වූ ආලය
දුරලයි තනිකම ලබමින් මගේ සරාගය


නුරා එගිනි දළු ඈ දවමින් ගෙතු
සලෙල ගීතයට ඈ තනුවක් කර ගත් දා
ඈ ලොව අහිමි වුණා

ඔබේ මිලින ගති ඇයට නොවේ රිසි
පෙමින් තොරව ඇගේ දිවිය කතරක් වූදා
ඈ මවෙතට ආවා


විරාග රාගය අතරේ තනි වූ ආලය
විරාම දෙයි එක් හදකට උදා පරාජය
විරාග රාගය අතරේ තනි වූ ආලය
දුරලයි තනිකම ලබමින් මගේ සරාගය


ගායනය - අමරසිරි පීරිස්, අමල් පෙරේරා
සංගීතය - සුරේෂ් මාලියද්ද
ගී පද - බන්දුල නානායක්කාරවසම්



වීඩියෝව ගත්තෙ මෙතනින් - Nadeemal Perera
Related Posts Plugin for WordPress, Blogger...