ලියූ කවිපද දහක්...

ලියූ කවි පද දහක් අතරේ
ලියා ගන්නට බැරිව ලතැවුන
එකම එක දිග පුංචි කවියක්
තවම ලියනවා මං...
තවම ලියනවා මං...

නුඹෙ සුවඳ රැදි පපුව ගැඹුරේ
කියා ගන්නට බැරිව සැනහුනු
එකම එක දිග පුංචි පැතුමක්
තවම පතනවා මං...
තවම පතනවා මං...

උණුසුමක් රැදි පළල් උරයක
වෙලී සැතපී නිදන යුගයක
නුඹෙ සුසුමක් සමග මියැදී
යන්න තිබුනා නම්..
මගෙ දෙනෙත්පෙති තෙමා රිදවන
කදුළු නැ එහෙනම්...

සදවතක රැදි සදළු තලයක
තරු කැටක් වී රැදුනු දවසක
ලතෙක් සෙනෙහස නුඹේ සිත ලඟ
රැදී නොතිබුනි නම්..
මගෙ දරදඩු පිරිමි සිත යට
කඳුළු නැ එහෙනම්...

ලියූ කවි පද....

ගායනය : ක්‍රීෂාන්ත එරන්දක
“අනුත්තරා“ තේමා ගීතය

අතීතය සිහිනයක් පමණයි - කරුණාරත්න දිවුල්ගනේ | Atheethaya sihinayak - Karunarathna Divulgane

අතීතය සිහිනයක් පමණයි
සැබෑ සුවඳක් නැ...
එදා සෙනෙහෙන් නොබැදුනානම්
මෙදා වියොවක් නැ...//

තැනූ මන්දිර බිදී වැටුනත්
නෙතේ කදුලක් නැ...//
සිනහවෙන්නට වරම් නොලදත්
හිතේ කිළුටක් නැ...

අතීතය සිහිනයක්...//

සොබා දහමට නොවන අවනත
ලොවේ කිසිවක් නැ...//
ලොවේ පැරදුම මිසක කිසිදා
ලැබූ දිනුමක් නැ...

අතීතය සිහිනයක්...//

ගායනය : කරුණාරත්න දිවුල්ගනේ
පද රචනය : පල්ලේගම හේමරතන හිමි
සංගීතය : නාලක අංජන කුමාර

අන්දර යායේ - කරුණාරත්න දිවුල්ගනේ | Andara yaye - Karunarathna Divulgane

අන්දර යායේ වැව්තාවුල්ලේ
සක්මන් කරනා අප්පච්චී
දොලේ දියයි මට කෙතේ නිලයි
ගහ වැලේ මලයි මට අප්පච්චී...//

වළාකුලේ දා බිදු තවරා
මහපොළවට මහ වැසි ගෙනෙනා...//
දිවි ගමනේ ඉම කදුමුදුනේ හිද
පිතු සෙනෙහේ කඳුලැලි සලනා..

අන්දර යායේ...

තුරු හිස මුදුනේ මල් ඵලදා
කැකුළු මුවට ඵල වැල නෙලුවා...//
ඒ දඬු මං බැද සත්කුළු පව් බිද
සිදාදියට යන මං තැනුවා...

අන්දර යායේ...

ගායනය : කරුණාරත්න දිවුල්ගනේ
පද රචනය : කුමාර ලියනගේ
සංගීතය : රෝහණ ධර්මකීර්ති

මත් මල් සේනා - කසුන් කල්හාර | Math mal sena - Kasun Kalhara

මත් මල් සේනා පාවේ පාවේ - දෑසේ දැවටේ මා
සිත්තම් වීලා මා නෙත් මානේ - සෙනෙහේ සුවසේමා
ලා...ඉරේ රන් ගැවිලා - සදා ස්නේහයේ මල් වැහි වෑහුනා

පිපි හාදු සුළගේ - මුව ගාව ගැවසේ
දෙතොලේ ලැගුම් සොය සොයා...
සඳ රේනු යායේ මුදු සීත පෙනුනේ
ලං වෙන්න මයි නෙත් පියා...

උදා වේ...මා...සැදෑවේ...මුදා..
නෙක ස්වර්ණ රැස් රඟනා වැහිතීරේ...

ඕ...ඔබ ගාව සිහිනේ - හිත හීන නෙළුවේ
රෑ තුන් යමේ හිත් පුරා...
නොදොඩාම දෑසේ - කවි ගීත මැවුනේ
දෙතොලේ සුසුම් උතුරලා...

උදා වේ...මා...සැදෑවේ...මුදා..
නෙක ස්වර්ණ රැස් රඟනා වැහිතීරේ...


ගායනය : කසුන් කල්හාර
පද රචනය : අචල සොලමන්ස්
සංගීතය : කසුන් කල්හාර


මෙතනින් අහන්න...

ආලෙන් වෙලා ගන්න - අතුල අධිකාරී, සමිතා මුදුන්කොටුව | Alen welaganna - Athula Adikari & Samitha Mudunkotuwa



ආලෙන් වෙලා ගන්න කෝලම් කලා
හිත ආලෙන් මුදා ගන්න මායම් කලා..
මම හීනෙන් අපේ ලෝකෙ සායම් කලා
ඔබ සායම් මකාලන්න වෑයම් කලා..

මම දෑසෙන් කලා ඔබට පෙම් යෝජනා
ඔබ කලා යෝජනා වලට, චෝදනා
මම මෑතින් හිදන්වුන් ලගින් වේදනා
ඇයි ඔයා බැලුවෙ ඇස් දිහා මගේ නාඬනා

පෙම් වසන්තේ ඇවිත් නැද්ද තාමත් ඔහේ
පාළුයි මගේ නැද්ද තාමත් හිතේ...
වසන්තේ ඇවිත් බොහෝම කාලයක් මෙහේ
අපේ ආදරේ භාවනාවක් වගේ..

ආලෙන් වෙලා ගන්න...

<a href=" v="mx0zRr10UDc&feature=related" watch="" www.youtube.com="" />::::මෙතනින් අහන්න:::: ගායනය : අතුල අධිකාරී සමඟින් සමිතා මුදුන්කොටුව

ඇති දේ ඇති සැටියෙන් ලොව දකින මිනිස්සූ

ඇති දේ ඇති සැටියෙන් ලොව දකින මිනිස්සූ
ලද දේ සිත සතුටින් විඳ වෙසෙන මිනිස්සූ
පොළවේ මිහි සයනේ ගොඩ නැගූ මිනිස්සූ
කරුමේ කිම වඳ වෙන හිරු සදිසි මිනිස්සූ

පොළවේ බිම අහසේ ඉම බෙදන ලෝකයේ
දහමේ ගුණ පත්ඉරු තුල නිදන යාමයේ
ඉඳ හිටි සපැමිණ සිත් සතන් සැනැස්සූ
කරුමේ කිම වඳවෙන මල් සදිසි මිනිස්සූ

ඉතිරී ගිය ඉසුරින් නෙතු වැසුනු කාලයේ
දිවියේ දුක විඳිනා දන නොදුටු ලෝකයේ
සෙත් කවි සේ ලඟ සිට සිත් සතන් සැනැස්සූ
කරුමේ කිම වඳවෙන සඳු සදිසි මිනිස්සූ..
කරුමේ කිම වඳවෙන හිරු සදිසි මිනිස්සූ..
කරුමේ කිම වඳවෙන මල් සදිසි මිනිස්සූ..

ගායනය - ලක්ෂ්මන් විජේසේකර
පද රචනය - වසන්ත කුමාර කොබවක
සංගීතය - රෝහණ වීරසිංහ

දොර කවුළුවෙන් - ෂර්ලි වෛජයන්ත, චන්ද්‍රලේඛා පෙරේරා

දොරකවුළුවෙන් එබී බලා - කවුරුදෝ නුවන් හෙලා..
කවුරුදෝ ඔබ කවුරුදෝ - මන්දහාසයෙන්...
දොර කවුළුවෙන් එබී බලා - මං මෙසේ නුවන් හෙලා..
රෝස මලට බඹරු රඟන - මං හිදිමි බලා...

නගේ මගේ පැලට නුඹේ සීපද රාවේ..
සවනට මා රැදුනු සැනින් මේ දුර ආවේ..
මලින් මලට බඹරු රඟන ගුමු ගුමු නාදේ..
සවනට මා රැදුනු සැනින් මේ දිව ආවේ..

දොර කවුළුවෙන්...//

ලබන මහේ අස්වැන්නේ සතුට දැනෙනවා
බහක් ලැබේ දෝ නුඹගෙන් මසිත සැලෙනවා
පමා වුනේ නුඹ කිමදෝ මසිත සැලෙනවා
හෙට දිනයේ එහා ගමට දීගෙක යනවා...

දොර කවුළුවෙන්...//

ගායනය - ෂර්ලි වෛජයන්ත සමඟින් චන්ද්‍රලේඛා පෙරේරා
(මුල් අනුවාදයේ පිරිමි හඬ මාර්ෂල් ජනතාගෙන්)
සංගීතය - ෂර්ලි වෛජයන්ත

බිම්බරක් සෙනඟ ගැවසුන - ගුණදාස කපුගේ | Bimbarak Senaga Gawasuna - Gunadasa Kapuge

බිම්බරක් සෙනග ගැවසුණු
චන්ද්‍ර සූර්යයා ඉපදුණු
ස්වර්ණ භූමියේ මනරම්
මාළිගාව කෝ..
යුද්දෙකට ඇවිත් රුපුසෙන්
සත් මුහුදු මතින් ගුවනින්
කම්බි වට කළේ මනරම්
මාළිගාව කෝ..

ට්‍රැක්ටරේ යකඩ ගජසෙන්
කුංචනාදයෙන් ඇළලුණ
වෘක්ෂ දේවතාවුන් බිම වැටී
පණ ගසයි
මිනී මල් පිපුණු සීතල
නිම්න භූමියේ ඇටකටු
සතර රියන් කඩ අහිමිව
විලාපය නඟයි..විලාපය නඟයි..!

බිම්බරක් සෙනග...

කැලෑ මල් පිපී රතු තොල්වලින්
කෑ ගසා ඉල්ලන
ජාතියේ නිධානය
රන් රුවන් කරඩු කොයි..
වෑකන්ද කඩා බිම් කටු
කම්බියෙන් බෙදා මේ රණ
බිමේ හිස ගසා දමනා
කඩුව බිම දමවු...කඩුව බිම දමවු...!

බිම්බරක් සෙනග...

ගායනය : ගුණදාස කපුගේ
පද රචනය : රත්න ශ්‍රී විජේසිංහ
සංගීතය : ගුණදාස කපුගේ

සඳ මල පිබිදුනු - නන්දා මාලිනී, සුනිල් එදිරිසිංහ | Sanda mala pibidunu - Nanda Malini, Sunil Edirisinghe

සඳ මල පිබිදුනු නිල් කදුරැල්ලක
රන්තරු පොකුරක මල් ඇතිරිල්ලක
හසරැල් කැල්මක දුක් කදුරැල්ලක
තනිවෙමු දෙසිතෙහි එක සිතුවිල්ලක..

හඬා වැටෙන විට නෙතු යුග තෙත්වී
සිනා පොදක් වෙන්නම්..
සිනා නගන විට පැතුමන් දැල්වී
කදුලින් සුරකින්නම්..
‍‍
සඳ මල පිබිදුනු...//

වියෝ දුකට සුසුමට මග අහුරා
හදේ ලැගුම් ගන්නම්..
රැදී නිබඳ පන නල මෙන් දැවටී
දිවි ඇති තුරු ඉන්නම්..

සඳ මල පිබිදුනු...//

ගායනය - නන්දා මාලිනී සමගින් සුනිල් එදිරිසිංහ
පද රචනය - කුලරත්න ආරියවංශ
සංගීතය - රෝහණ වීරසිංහ

සැදෑ කළුවර - නන්දා මාලිනී  | Sande kaluwara - Nanda Malini - sinhala lyrics


සැදෑ කළුවර කුර ගගා විත්
ඔබේ පැල්පත මගේ දසුනින්
ඈත් වූ සද මගෙ සරා සද
තනිවෙලා මා තනිවෙලා...ආ...

වළාකුලකුදු නොමැති අහසේ
මලානික වූ ‍මගේ සිතුවිලි
ගල් ගැසී ඇත පාළු වී ඇත
කදුල පමණක් රජවෙලා...ආ...

සැදෑ කළුවර...//

ඔබේ ලෝකය මගේ ලෝකය
අතර ඇත්තේ රැයක් පමණයි
ගව්ගණන් දුර ජීවිතේ බර
මගේ හිස මත බරවෙලා...ආ....

සැදෑ කළුවර...//

ගායනය - විශාරද නන්දා මාලිනී
පද රචනය - මඩවල එස්. රත්නායක
සංගීතය - විශාරද නන්දා මාලිනී

ආදරයේ වේදනාව - නන්දා මාලිනී  | Adaraye wedanawa - Nanda Malini - sinhala lyrics


ආදරයේ වේදනාව
හදට දැනුනු යම් මොහොතක
හුදකලාව නොතැවී යලි
එන්න මා සොයා...
එන්න මා සොයා...//

දේදුනු පැහැයෙන් දිදුලන
ආදර විජිතය හැරදා...
රැගෙන පලා ගිය මොහොතක
නොතැවී යලි ඈ සිහිකර
එන්න මා‍ සොයා...
එන්න මා‍ සොයා...

ආදරයේ වේදනාව...//

ජීවිතයට මිහිර ලතැවුල
ඔබ තුරුලට ලංවූදා
නොතැවී හිද තනියහනේ
මතක සුලං රොදක එතී
එන්න මා‍ සොයා...
එන්න මා‍ සොයා...

ආදරයේ වේදනාව...//

ගායනය - විශාරද නන්දා මාලිනී
පද රචනය - කිත්සිරි නිමල් ශාන්ත
සංගීතය - රෝහණ වීරසිංහ

ඔබෙ සිත මා සිත - කසුන් කල්හාර | Obe sitha ma sitha - Kasun Kalhara

ඔබෙ සිත මා සිත වෙන් කළ
සිතුවිලි සංගිලි පාලම
ඒ මේ අත වැනෙනා
චකිතය සිත තනනා

ඇඟ සමබර කර එන්නෙ කොහොමද
හමනා විට ආදරේ කුණාටුව
ඇඳගෙන වැටුනත් හිතට දුකක්නම් නෑ
ඔබගේ සෙනෙහස දිය සුළියේ සිරවී
මා මියදුනත් කමක් නෑ

කීරි ගැහෙන කන් අයා සිටින්නද
බිදෙනා විට පාළමේ රැහැන්පට
දෑස පියාගෙන මං පියවර මැන්නා
ඔබ මා අතැඟිළි හමුවූ විගසකිනා
අප සිත් වෙන් කළ පාලම බිඳුණා

ගායනය: කසුන් කල්හාර

ආදරෙන් මෙසේ කතා වෙවී - මිල්ටන් මල්ලවාරච්චි | Adaren Mese katha wewi - Milton Mallawarachchi

ආදරෙන් මෙසේ කතා වෙවී
ජීවිතේ පුරා සිනාසෙමු
ජීවිතේ ගෙවා යන දවසේ සිනාසෙමු
වාසනා වෙතේ සංසාරේ

මාලිගා එපා වුණා
නෑසියන් එපා වුණා
ජීවිතේ මගේ ඔබේ වුණා

කාටවත් කියා නැතී
ආදරේ වදන් ඇසී
ජීවිතේ ඔබේ මගේ වුණා

බාල සන්දියේ එදා
ආදරෙන් හිනා වෙලා
කී කතා යලි අසා ඉමු

ජීවිතෙන් අපි යලි
වෙන් වෙනා වු යම් දිනේ
ඒ මගේ ද එක්වෙලා යමු

ආදරෙන් මෙසේ කතා වෙවී
ජීවිතේ පුරා සිනාසෙමු
ජීවිතේ ගෙවා යන දවසේ සිනාසෙමු
වාසනා වෙතේ සංසාරේ


පද රචනය - සෝමපාල ලීලානන්ද
ගායනය - මිල්ටන් මල්ලවආරච්චි
සංගීතය - රූකාන්ත ගුණතිලක


දෑස් අග පිපී දිලිසෙන - සේනානායක වේරලියද්ද | Das aga pipi dilisena - Senanayaka Weraliyadda

දෑස් අග පිපී දිලිසෙන
කඳුළු කැට වලට නොදැනෙන
හීනයක් වගේ ලස්සන... ආදරේ සොයා
හ්ම්... හ්ම්... හ්ම්... හ්ම්...
පාරමී පුරා සසරක
ඇවිද එන ඔබේ පසු පස
සුළඟ සේ වෙලී සනසමි... ආදරේ කියා
හ්ම්... හ්ම්... හ්ම්... හ්ම්... //

ඉස්සරත් දෙනෙත් රැවටූ රත්තරන් පාට හීනේ
අදත් දකින්නට ආසයි හිඳිමි නෙත් පියා
ආකහේ දුරින් හිඳගෙන සීතලේ ගැහෙන තරුවක
ජීවිතේ සතුට තවරමි ඔබ මගේ නිසා
ජීවිතේ සතුට තවරමි ඔබ මගේ නිසා
ඔබ මගේ නිසා

දෑස් අග පිපී දිලිසෙන...

අදත් ආකහේ දුරකින් හැංගිලා බලයි පුර හඳ
ඒ ඔබයි බලා සැනසුණු අතීතේ කතා
ඈතකට ගිහින් හැංගෙයි ඔබ මගේ ළඟින් හිනැහෙයි
ඉන්න ළඟ ඉන්න සෙනෙහස සදාකල් නිසා
ඉන්න ළඟ ඉන්න සෙනෙහස සදාකල් නිසා
සදාකල් නිසා

දෑස් අග පිපී දිලිසෙන...


ගායනය සහ සංගීතය - සේනානායක වේරලියද්ද
ගී පද - සුනෙත්‍රා තුෂාරි ඩයස්
අහන්න - දෑස් අග පිපී දිලිසෙන

කිමද සුමිහිරියේ - සී. ටී. ප්‍රනාන්දු | Kimada sumihiriye - CT Fernando


කිමද සුමිහිරියේ මේ අරුමේ
මහද පිබිදෙන්නේ
ඔබගෙ දෑසේ නැගෙන කැල්මේ
රහස නැත දන්නේ ... //

සෙවණැල්ල වගේ ඔබ එන විලසේ
මට දැනේ නිතර රහසේ
මුදු තොල් පොපියා කිසිවක් නොකියා
ඇයි යන්නෙ පැන විගසේ
හැම උදේම තනියම මෙසේ
හැම උදේම තනියම මෙසේ
ප්‍රිය ළඳේ ඔබව හමුවේ
කල්පනාව පෙම්බර හිනාව පින්බර
මගේ හිතට සුව දේ

කිමද සුමිහිරියේ....

කෙහෙරැල්ල වැටී නළලට සිරසේ
සිහිලක් දේ බොළඳ මුහුණේ
වන මල් පිපිලා බර වී නැමිලා
ළං වෙන්න එයි මැණිකේ
දුටුවාම හදවත ඔබේ
දුටුවාම හදවත ඔබේ
දුක නැසී සතුට ඇතිවේ
ඔබ ගියේ බලන් හිඳ
අගේ කරන්නද
කියන්න සුරතලියේ

කිමද සුමිහිරියේ....

ගායනය - සී. ටී. ප්‍රනාන්දු
සංගීතය - සී. ටී. ප්‍රනාන්දු
පද රචනය - කරුණාරත්න අබේසේකර

මා නෙත් කැදැල්ලේ - මිල්ටන් මල්ලවාරච්චි | Ma neth kadalle - Milton Mallawarachchi

මා නෙත් කැදැල්ලේ සැතපීලා නිදැල්ලේ
දැවටී රන්දැලේ හද පුරා සැනසිලා
ආයෙත් ඉගිල්ලී පියඹාලා පිපාසෙන්
නොසරා මල් කැලේ
රොන් සොයාලා
රොන් සොයාලා ...//

බඹර තුඩු ගා නැති කුමුදු මලකින් පෙති
ගෙනෙමි දුර ඈත විලකින් බලා...//
ඒ මැද ඔඛෙ යහන සාදන්නෙ නා දල්ලෙනුයි...
සුවඳ උලා...

මා නෙත් කැදැල්ලේ....

අරුණ පිණි බිංදුවයි පියුමෙ මකරන්දයයි
පොවමි මේ කුලක කලතා නිවා...//
ඉන්මතු කිසි දාක යන්නෙහිද හද රන් ලෙනේ...
පහන නිවා...

මා නෙත් කැදැල්ලේ....


ගායනය - මිල්ටන් මල්ලවාරච්චි
පද රචනය - කරුණාරත්න අබේසේකර
සංගීතය - වික්ටර් රත්නායක

නෙතට උළෙලක් - කරුණාරත්න දිවුල්ගනේ | Nethata ulelak - Karunarathna Divulgane

නෙතට උළෙලක් විය එදා ඔබ
කඳුළු බිදුවක් වුව මෙදා...
මේ තරම් හිත පාරවන්නේ
මගෙන් වරදක් වුනිද මන්දා..//

ඔබෙන් තොර වූ ලෝකයක් ගැන
හිතන්නට වත් නොහැකි හින්දා
ඔබේ හිත වෙන අතක රන්දා
එපා දුක ගෙන එන්න කැන්දා...

නෙතට උළෙලක්...//

ඔබේ රුව රසදුනක් වූවට
කමක් නැ මට තවත් ඇසකට...
නමුදු ඒ රුව තවත් කෙනෙකුට
අයිතිවෙනු බෑ දරාගන්නට...

නෙතට උළෙලක්...//

ගායනය : කරුණාරත්න දිවුල්ගනේ
පද රචනය : මහින්ද දිසානායක
සංගීතය : ගුණදාස කපුගේ

කොහේ හෝ දැන් - දීපිකා ප්‍රියදර්ශනී පීරිස් | Kohe Ho Dan - Deepika Priyadarshani Peiris - sinhala lyrics

කොහේ හෝ දැන් හිදිනවා ඇති ඔබත්..
මගේ විජිතේ අහිමි වී මට මං..
ලැබූ දිනුමක් අත්ද ඔබ මා..
මැවූ සුන්දර සිහින මතකය මිසක්..

සිහින රැකගෙන දිවආවේ ආදරෙන්..
ඇවිද ගිය හැටි ඔබට මතකද ඉතින්..
අපට අප නැති හෙට දිනක දුක අරන්..
හඬා කුමටද නොදරුවන් සේ ඉතින්..

කොහේ හෝ...//

සුසුම්ලන ලොව දැක තැවුල් පිරි හදින්..
සුසුම් ලන්නද අප ගැනම කොයි ලෙසින්..
සුභ අසුභපිරි සිහින විද තුන් සිතින්..
සදා හමුවෙමු මගතොටේ මදහසින්...

කොහේ හෝ...//

ගායනය : දීපිකා ප්‍රියදර්ශනී

සිතුම් පැතුම් පොදි ආදරේ - මිල්ටන් මල්ලවආරච්චි | Sithum Pathu podi - Milton Mallawarachchi

සිතුම් පැතුම් පොදි ආදරේ
බැඳන් ආවේ
ආයාසයකින් කියන්න
බැරි තරමේ...

නිලුපුල් දෙනුවන් දැකගන්නයි
සුවඳැල් මුහුලස සිපගන්නයි
සුළැඟිල්ලෙන් ගෙන ලෙළවන්නයි
සිහිලැල් වදනින් සැනසෙන්නයි...

සිතුම් පැතුම් පොදි...//

ලියගොමු වියැලී මල් පරවී
අතුකොළ වැහැරී බිම වැටිලා
ඔබ ගිය වග සරණෙක බැඳිලා
කවුද කියයි මට කොඳුරාලා...

සිතුම් පැතුම් පොදි...//

ගායනය: මිල්ටන් මල්ලවආරච්චි

සිත මනමාලකම් කරයි - සමන්ත පෙරේරා | Hitha Manamalakam Karai - Samantha Perera - sinhala lyrics

හිත මනමාල කම් කරයි
සිතුවිලි සීතලෙන් ගැහෙයි...//
අඳුරේ නුහුර සැරිසරයි
ගී කිරිල්ලියේ......
උණුසුම් පියාපතක අඩුව මට දැනෙයි...
උණුසුම් පියාපතක අඩුව මට දැනෙයි...

ලේ කැටි සීතලෙන් මිදෙයි
තනිකම් දොසින් හා පුරයි
රෑයම රෝසයෙන් පිරෙයි
ගී කිරිල්ලියේ......
උණුසුම් පියාපතක අඩුව මට දැනෙයි...
උණුසුම් පියාපතක අඩුව මට දැනෙයි...

වැලපෙන මුහුද හරි සැරයි
සුළඟට හාදු අමතකයි
නිදිනැති හින ඇස හරියි..
ගී කිරිල්ලියේ......
උණුසුම් පියාපතක සුවඳ මට දැනෙයි...
උණුසුම් පියාපතක සුවඳ මට දැනෙයි...

හිත මනමාලකම්...//

ගායනය : සමන්ත පෙරේරා

එපා තවත් මගෙ හිත රිදවන්න

එපා තවත් මගෙ හිත රිදවන්න
එපා..තවත් මගෙ හිත රිදවන්න
ආල නුරා කම් පෑවට සොඳුරු
ප්‍රේම හැඟුම් මතකයි මට රුහිරුදු
ඔබ යන්න...ඔබ යන්න...

හිත කීරි ගැහෙනවා මගෙ වෙනදා විදියට
නුඹ මතක ලොවේ සැරිසරණ වෙලාවට
නුඹ නැතිව බැරි වුනත් උණුහුමකට මා ලඟ
පෙම් කරන්න බෑ යළි ගොළුවූ හදකට
ඔබ යන්න...ඔබ යන්න...

හිත කීරි ගැහෙනවා....//

එපා තවත් මගෙ හිත රිදවන්න
එපා..තවත් මගෙ හිත රිදවන්න
ආල නුරා කම් පෑවට සොඳුරු
ප්‍රේම හැඟුම් මතකයි මට රුහිරුදු
ඔබ යන්න...ඔබ යන්න...

ගායනය : මිලින් රූපසිංහ(MiLiN)
පද රචනය : ටිරාන් ගුණසේකර
සංගීතය : SaReGaMa

නිල්ල පුරා

නිල්ල පුරා පිණි අතුරා
විහඟ ගයා ගී මුමුණා
අරුණේ රඟපා වී සිනාසී
තුරුලේ උණුසුම සොයලා...//

ලොව කොතැන ද කොහේ ද තියෙන්නේ
නුඹ මා හා නුඹ එක් තැන් වෙනා තරම්
සුවබර සුන්දර පිරිපුන් මනරම්
මෙතරම් ලස්සන නවාතැනක්
තුරුලේ....උණුහුම විදිනා...

නිල්ල පුරා පිණි අතුරා
විහඟ ගයා ගී මුමුණා
අරුණේ රඟපා වී සිනාසී
තුරුලේ උණුසුම සොයලා...///

ගායනය : මිලින් රූපසිංහ(MiLiN)
පද රචනය : අරුණ කිත්සිරි
සංගීතය : කසුන් කල්හාර

ගලන ගඟකි ජීවිතේ - නාරද දිසාසේකර, නන්දා මාලිනී | Galana gangaki jeewithe - Narada Disasekara, Nanda malini - sinhala lyrics

ගලන ගඟකි ජීවිතේ
දයාලූ ලෝකයේ...//
මිහිර පතා ආදරේ
ලපළු නටයි ගංතෙරේ...

වැලිතල කිති කවන නටන
පෙම් රළ වැළ ඉවුරු බඳින..
මිහිතලයට සුවය දැනෙන
උකුළු තලය බඳු නැලැවෙන..

ගලන ගඟකි ජීවිතේ...//

පෙමට පෙම පුදා..
තුඩට තුඩු දිදී..//
කුරුළු ගී නගයි...
ආ..දරේ..බැදීලා..

ගලන ගඟකි ජීවිතේ...//

ගායනය : නන්දා මාලිනී සමඟින් නාරද දිසාසේකර
පද රචනය : චන්ද්‍රරත්න මානවසිංහ
සංගීතය : ඩබ්ලිව්. ඩී. අමරදේව

"සුජාතා“ චිත්‍රපටයේ ගීතයක්

අනෝතප්ත විල - ඩබ්ලිව්. ඩී. අමරදේව | Anothaptha Vila - W.D.Amaradewa - sinhala lyrics

අනෝතප්ත විල නෙළුම නෙලාලා
පීරා වරලස මල් ගවසාලා..
නාග ලොවින් බැස නාලිය ගමනින්
වරගන පිරිවරිනා..එරන්දතිය එනවා..

සිතක උපන් දොල සංසිදුවාලා..
මතක සිනාවෙන් මුව සරසාලා..
ඉරට මුවාවෙන් සඳට මුවාවෙන්..
සිතට තුරුළු වෙනවා..එරන්දතිය එනවා..

කෝමල ගමනින් කෝල හැඟුම් හල
කාලය ගිරෙන් සිතුවිලි සේනාගෙන...//
වරගන පිරිවරිනා එරන්දතිය එනවා...

අනෝතප්ත විල...//

නලලත කුංකුම තිලක තියාලා
නීල වර්ණයෙන් කැළුම් නෙලාලා..//
පාද කිකිණි සොලවා එරන්දතිය එනවා

අනෝතප්ත විල...//

ගායනය : ඩබ්ලිව්. ඩී. අමරදේව සමඟින් අමිතා දළුගම
පද රචනය : සුනිල් සරත් පෙරේරා
සංගීතය : වික්ටර් දළුගම

අම්මේ ඔබ මතු බුදුවෙන්න එපා...

අම්මේ ඔබ මතු බුදුවෙන්න එපා..
ආයෙත් මං උපදින හන්දා..
මගෙම වෙන්න අම්මා..
අම්මේ ඔබ මතු බුදුවෙන්න එපා..

යස ඉසුරට ලොභ බැද ලංවුන
අඟනුන් ඇයි අම්මේ මට පිටුපාලා ගියේ...
ලෙඩ දුක් කරදර මා වටක‍රගෙන
ඒත්මගේ අම්මා මගේ ලගම උන්නා...

අම්මේ ඔබ මතු බුදුවෙන්න එපා...

මහළු මඩම් මොකටද මගෙ අම්මට
මමම සුවය දෙන්නම්...
ඔබගෙ ලඟම ඉන්නම්...
මේ භවයෙදි පැතුම් පතන්නේ
මතු භ‍වයේ අම්මේ...ඔබේම පුතු ‍වෙන්නයි..

අම්මේ ඔබ මතු බුදුවෙන්න එපා..
ආයෙත් මං උපදින හන්දා..
මගෙම වෙන්න අම්මා..
මේ සස‍රෙදිත් ඔබයි මගෙ අම්මා
මතු සසරේදිත් ඔබයි මගෙ අම්මා...//

ගායනය : සංගීත් වි‍‍ජේසූරිය

සංසාර සාගරේ - නන්දා මාලිනී  | Sansara sagare - Nanda Malini - sinhala lyrics


සංසාර සාගරේ - ජීවිතේ යාත්‍රාව
ඔබ සොයා පදවන්නෙම්..
ඔබ නිසා පදවන්නෙමි..

ප්‍රදීපාගාරයක ආලෝක වලල්ලක් ගෙවාලා
ඔබ සිටින ගොඩ බිමෙහි - මං ලකුණූ දන්වන්න
නැංගුරම් ලන තැනක - පෙනෙන සේ ඔබ ඉන්න...

සංසාර සාගරේ...//

වෙරළවෙත සැපත් මා දෝත පා පිළිගන්න සිනාසී...
දුර්ග වූ ගමන්මඟ - විඩාගිනි දුරලන්න
යාත්‍රාව පදවන්න - මා සමඟ එක්වන්න

සංසාර සාගරේ...//

ගායනය : නන්දා මාලිනී

ඔබට වරම් නැති - කරුණාරත්න දිවුල්ගනේ | Obata waram nethi - Karunarathna Divulgane

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලා ගිය කඳුලක දියවී
ප්‍රථම ප්‍රේමයයි බොඳව ගියේ..

ඔහුට පුදන්නට පූජාසනයේ
නොකිලිටි මල් පිපුනිද ලඳුනේ..
පෙති ගිලිහී ගිය පරසතු කුසුමක
සුවඳ කොහේ කොතැනද රැදුනේ...

ඔබට වරම් නැති...//

ආ මඟ වැරදී ඔහුද ඔබද මා
දෛවයේ තුන්මංසල හමුවී..
බලා හිඳිනු මිස හඬාවැටෙන්නට
කඳුලක් නැ දෙනුවන පිපුනේ...

ඔබට වරම් නැති...//

ගායනය : කරුණාරත්න දිවුල්ගනේ
පද රචනය : රංජිත් රූපසිංහ
සංගීතය : නාලක අංජන කුමාර

මගෙ බිසවුනේ අසාපන් - ගුණදාස කපුගේ ‍| Mage Bisaune Asapan - Gunadasa Kapuge

මගෙ බිසවුනේ අසාපන්
නුඹ මන්ත්‍රි දේවි නොවුනි..
දුෂ්කර වු ඒ පළාතේ
මට යන්න දෙන්න දේවි...//

මේ කදුළු ඇයිද දෑසේ
බැ යන්ට නුඹට ඉමයේ..//
ගොස් ඉන්ට කුලී නිවසේ ‍
විස ඝෝර සර්ප බවනේ..

නුඹ චන්ද්‍ර මඩල වැන්නේ
සා පැටව් එහි නිදන්නේ..//
හාමතේ නොදා දරුවෝ
නවතින්න බිසව් නගරේ

නුඹ නොදී එතෙර රටටා
දරු නොදී වාල් කමටා...//
දිවි පු‍දා තොප රකින්නම්
නොපුරා එ මෙත් පෙරුම් දම්...

මේ කදුළු ඇයිද...//

ගායනය : ගුණදාස කපුගේ
පද රචනය : රත්න ශ්‍රී විජේසිංහ
සංගීතය : ගුණදාස කපුගේ



සොඳුර නුඹ ලිහිණියකි - ගුණදාස කපුගේ | Sodura Nuba Lihiniyaki - Gunadasa Kapuge

සොඳුර නුඹ ලිහිණියක රැයේ අඳුරට හඬන
මමද ලිහිණියෙකු වෙමි කැඩුනු තටු පිරි මදින

අහිංසක අප දෙදෙනෙ තටු කඩා මේ ලෙසින
සිදීගිය ගඟ දෑල හැර දැ‍මූවේ කව්ද
සඳට ‍දොස් නොකියන්න සඳ කුමක් කරන්නද
බාල වයසින් මැරුණ ප්‍රේමයකි තරු එළිය

සොඳුර නුඹ...//‍

කටුක දුක් විරහ මැද අතරමං වී ගියද
අපි තවම පෙම් කරමු අපේ ජීවිත වලට
කියාදෙනු පියඹන්ට අපි අපේ පැටවුන්ට
නිදහසේ තටු ලැබුණ කුරුල්ලන් වී දිනෙක

සොඳුර නුඹ...//

ගායනය : ගුණදාස කපුගේ
පද රචනය : රත්න ශ්‍රී විජේසිංහ
සංගීතය : ගුණදාස කපුගේ

දිගු දෑස දුටුවාම - රොමේෂ් සුගතපාල | Digu desa - Romesh Sugathapala

දිගු දෑස දුටුවාම හැ‍ඟෙනවා පෙර සේම
උන්නු හැටි මගෙ ගාව ඔය හිතට අමතකද
බිඳ දමා මගෙ සිහිනේ ඇයිද ඔබ හැංගෙන්නේ
මට දෙන්න මගෙ සිහිනේ ලඟ ඉන්න පෙරවාගේ...//

රෑ දිවා හිත පුරා ඇවිලිලා මේ ගින්න
තරු පවා හඬනවා ‍ඔබට නෑ තේරෙන්නේ
හිතට හිත හිමි නැතිද අහනවා හිත මාගේ
ම‍ට දෙන්න මගෙ සිහිනේ ලඟ ඉන්න පෙර වාගේ...

දිගු දෑස දුටුවාම..//

පෙර එදා හමුවෙලා වෙළුනු හැටි මුදු පහසේ
විදිනවා දකිනවා නිහඩ රෑ දුර අහසේ
දුරම මිස ලඟ නැතිද අහනවා නෙතුමාගේ
කවදාද ඔබ එන්නේ නැතුවාද හමුවන්නේ...

දිගු දෑස දුටුවාම...// 


::::මෙන්න අහන්න::::
ගායනය : රොමේෂ් සුගතපාල
පද රචනය : නන්දන වික්‍රමගේ
සංගීතය : රොමේෂ් සුගතපාල

සඳ එබෙන් එපා - අතුල අධිකාරී, සමිතා මුදුන්කොටුව | Sanda ebennepa - Athula Adikari & Samitha Mudunkotuwa



සඳ එබෙන්එපා තරු සිදුරු වසා
අඳුරු නෙතු තාරකා හඬවා
සත්සියක් සියපත් මතින්..//
මුදු සුවඳ හමනා මතක සුව ගෙනෙනා..//

ඔබ ලඟ නිසා පින් සිත පුරා
මල් මාලතී පිපුණා..//
සමසුන් අරා සිත් විල වසා
කුමුදුත් කොඳක් පිපුණා...//

සඳ එබෙන් එපා...//

ඔබ දුර නිසා ගගනත පුරා
අසෙනි වැසි වැටුණා..//
සිත දුක් දරා සුසුමින් වසා
කදුළුත් හඳක් හැඬුවා..//

සඳ එබෙන් එපා..//


chinthaka nadun

ගායනය - අතුල අධිකාරී, සමිතා මුදුන්කොටුව
සංගීතය - නවරත්න ගමගේ
ගී පද - උපුල් ශාන්ත සන්නස්ගල

ආදරයේ උණුසුම් සුසුම් - අමරසිරි පීරිස්, නිරෝෂා විරාජිනී | Aadaraye Unusum Susum - Amarasiri Peiris, Nirosha Virajini

ආදරයේ උණුසුම් සුසුම් සුවඳද මෙතරම්
එහෙනම් සැලමුතු පෙම තුළ නිසසල වී
ලොව නවතීවා සැනෙකින්
ආදරයේ උණුසුම් සුසුම් සුවඳද‍ මෙතරම්

දේදුණු දෙබැමින් ඉඟිකරමින් හිනැහෙන විට
අනේ ලෙන්ගතුදැයි කෙතරම්
බිළිඳකු‍ සේ ළමැදේ ගුලිවූ විටෙක ලොබින්
සත්තයි ඒ හැඩිදැඩි නුඹදැයි සිතේ

ආදරයේ උණුසුම්..//

සීතල දෙතොලින් සිසිල‍සකින් මුමුණනවිට
අනේ හීනෙන් දැයි නෑ‍ගෙයි
හාදු මතින් නළලේ උණුසුම් තිළක තියා
පිදුවේ ඒ නුඹගේ සෙවනැල්ල තමයි...

ආදරයේ උණුසුම්...//

ගායනය : අමරසිරි පීරිස් සමඟින් නිරෝෂා විරාජිනී

සපුමල් සුවඳ වගේ - අමරසිරි පීරිස්, ඉන්දිකා උපමාලි | Sapumal suwanda wage - Amarasiri Peiris, Indika Upamali

සපුමල් සුවඳ වගේ..
හොරෙන් හොරෙන් හොරෙන් ඇවිදින්..
මේ පාළු රෑ යාමේ..
හෙමින් හෙමින් හෙමින් හෙමින් ඇවිදින්..

පිය නගමු අපි
තරු හිනැහෙන හෝරාවේ
බොහෝ..ගිණි ඇවිලී
පාළු කිපෙනා නුඹේ වත මඬලේ..

අප හැඬූ තරම් ලොව නැහැ දන්නේ...//
සඳ බලා හිදී..//
අපේ සුසුම් ඉවසනු බැරිවී..

සඳ අහිංසකයි නොවැ අපි වාගේ..//
හෙමින් හෙමින් ඇවිදින් පියනගමු අපි
හදේ හිරු ඇහැරී ගිණි බිදී ලොව
කළඹවා රහසේ...
ම්ම්ම්...ම්....ම්...
කටු වැටට උඩින් පිය නගමු අපි
සත්සියක් අරවින්ද හිනැහේවී
ම්..ම්....ම්....ම්.....
හ්ම්...ම්...ම්.......

ගායනය : අමරසිරි පීරිස් සමඟින් ඉන්දිකා උපමාලි

දුර ඈත දින සමනල් වියේ..

දුර ඈත දින සමනල් වීයේ මා සසල කල යුවතී..
සිත් බැදි සෙනේ මා සිරකරන් මිතුදම අපේ පැවතී
ඔබ තරම් මසිතට සුවගෙනා තව කෙනෙක් නම් නොමැතී
අද ගිහින් ඈතට පියඹලා මා ජීවිතේ නැවතී...

අන්ධකාරේ මං මුලාවී පාවෙමින් ගෙවූ ජීවිතේ
අරුත් පුරවා දෙනෙත් පාදා ‍
ඈ ලංවුනේ නොසිතූ ලෙසේ..
උමතු වූ ආදරෙන් බැඳී ගෙවුනු දින අද සිහිනෙකි..
පෙර වැරදි මා සතු වෙන්නැති
දෙවියෙකු නොව මා මිනිසෙකි..

මිතුරු කැල හැම සතුරු වී ඈ
මගෙන් උදුරාගත් හැ‍ටී..
මුළු දිවිය සැනකින් නතර වී
අදහනු නොහැකි සේ ඇදවැ‍ටී..

ඉර හඳ තරුත් ගස්වැල් විලුත් කලඹන්න මට සිතුණි..
නිලබල ඇතත් රජකම ලදත් දැන් මට කුමට ළදුනී..
පරම පිවිතුරු ආදරේ සසර දින පැවතී..
බිඳක්වත් නෑ අඩුවුනේ වැඩිවුනා පමණී...

ඔබ දුන්නු සතුටට වැඩි දුකක් මා
විඳින බැව් තනිවී..
ඔබ දන්නෙ නෑ එය දන්නවා නම්
යන්නෙ නෑ වෙන්වී...//

පොල්රුප්පාවේ - චන්දන ලියනආරච්චි | Pol ruppawe - Chandana Liyanarachchi


පොල්රුප්පාවේ දඟකල සෙල්ලම් ‍
සුළ‍‍ඟේ පාවී සිතට දැනේ
පිටගම් යනදා එය සිහිවෙනවා
හීන්සැරේ ඔබ මා අමතක කරදා..
මායාවක් දෝ බැදුණු සිතුම්
ගිණිදැල් වේ හද සෙනෙහෙ පැතුම්..

රෑ රැහැයි හ‍‍ඬේ දුක් ගීත රාවයේ..//
සවනේ..වැකුනේ..ගොළුවූ හඬක් ලෙසින්
මායාවක් දෝ බැදුණු සිතුම්
ගිණිදැල්වේ හද සෙනෙහෙ පැතුම්..

ඈත ගුරු පාරේ පියමන් සලා යන්නේ..//
කඳුලින්..පිරිලා..දෙනුවන් වැසී යාදෝ
මායාවක් දෝ බැදුණු සිතුම්
ගිණිදැල් වේ හද සෙනෙහෙ පැතුම්..

පොල්රුප්පාවේ...//

ගැලූ දිය කඳ - අසංක ප්‍රියමන්ත පීරිස් | Galu diya kanda - Asanka Priyamantha Peiris


ගැලූ දිය කඳ හැපී බිඳුනා
තිසා වැව් බැම්මේ
ඉතින් නුඹ නෑ මමත් හෙට නෑ
තිසා වැව් ඉවුරේ...//

එදා සාලිය අසෝකාවන් වගේ අපි දෙන්නා
මඟුල් උයනේ කෙරූ සක්මන් අදින් පසුනම් නෑ
රන් පියුම නැති දා...
විල් තලය හැඩ නෑ...

ගැලූ දිය කඳ...//

පැතලි රුවසේ එකට ඉන්නට අපිට පිං නැති දා
ඉසුරුමුණියේ කිසිම අගයක් ඉතින් දැන්නම් නෑ
පව් කෙරුව හින්දා...
වෙන්ව යන් නොහඬා...

ගැලූ දිය කඳ...//

සෙනෙහසකට අරුතක් - අසංක ප්‍රියමන්ත පීරිස් | Denehasakata aruthak - Asanka Priyamantha Peiris


සෙනෙහසකට අරුතක් පුරවන්නට
අහසේ තරු ගැන්නා...
වෙරලේ රළ මැන්නා...
සීමාවක් මායිමක් නැතැයි කී
සෙනෙහස ඇයි දෙතැනක තනිවී

කැකුළක් සිදුනින් හදවත පිපුණූ
කඳුලෙත් අතුමත විස තිබුණා
බිඳුනොත් බඳුනක පිළියම් කරනට
බැරි කැළලක් මතුවී පෙනෙනා...

සෙනෙහසකට අරුතක්...//

පවකින් පෙර අත් භවයක සිදුවූ
සිතකින් සිතකට දුක පිරුණා
මගෙ අත දිගු කළ හැකි හැම තැනදී
ඔබ අත මා දුරකින් තිබුණා...

සෙනෙහසකට අරුතක්...//

ගායනය : අසංක ප්‍රියමන්ත පීරිස්
පද රචනය : ප්‍රනීත් අබේසුන්දර
සංගීතය : මහින්ද බණ්ඩාර




kell supun

නින්ද නැති රැයේ - ගුණදාස කපුගේ | Ninda Nathi Raye - Gunadasa Kapuge

නින්ද නැති රැයේ සඳ කඳුළු මීදුමේ
හැංගිලා හඬන්නෙ ඇයිද ප්‍රථම ප්‍රේමයේ
තාරුකා දියේ ගිලේ නිල් එළිය නිවේ
වැහි බිංදු වැටේවී... ‍රෝස පෙති කඩා හැලේ

කිළිපොලා සැලී යමින් නොයිම් සීතලේ
තුරුළු වෙමි දෙනෙත් පියා ඔබගෙ උණුසුමේ
ජීවිතය ඉතින් අපේ සිහිනයක් නොවේ
හෙට උදේම අවදි වී යායුතුව තිබේ...

නින්ද නැති රැයේ...//

රැය ගෙවේ සඳත් නිවේ දුරයි ජීවිතේ
ඉතින් අවසරයි මගේ පුංචි කුමරියේ
කටු වලට දෙතොල් තියා මලක් නැති ගසේ
සිඹිමි එකම හාදුවයි සොදුර ඒ මගේ...

නින්ද නැති රැයේ...//

ගායනය : ගුණදාස කපුගේ
පද රචනය : රත්න ශ්‍රී විජේසිංහ
සංගීතය : ගුණදාස කපුගේ

සිංහල සිංදු කියන - ගුණදාස කපුගේ | Sinhala sindu kiyana - Gunadasa Kapuge



සිංහල සිංදු කියන
නළලේ තිලක තියන කිරිල්ලී...
තුඩින් හදවතක් අරගෙන
ගිණිගත් තල් අරඹට ආවාදෝ ඉගිල්ලී...

දිව නුහුරු බසින් පෙම් කවි කී
කුරුල්ලාට වශීවී..
ගිනි මලින් තැනූ මල් පොකුරක්
අතට ගත්ත මනාලී..
මධුසමේ මධුර කටු අතරේ
පිපී වැනුන සුරූපී...

සිංහල සිංදු කියන...//

ගිනි අවිත් එක්ක පෙමින් බැදුනු
විහඟ සෙනග අඩාවී..
ඒ කදුළු සිංහලට නගන්න
නුඹට හැකිය ප්‍රියාවී..
ආදරය නුඹට බාරයි
රැකගනින් දේවතාවී..

සිංහල සිංදු කියන...//

ගායනය : ගුණදාස කපුගේ
පද රචනය : රත්න ශ්‍රී විජේසිංහ
සංගීතය : ගුණදාස කපුගේ


අපි එකම රෑනෙ කුරුල්ලෝ

අපි එකම රෑනෙ කුරුල්ලෝ//
මේ පාරාදීසේ...
නෑ වෙන් වන්නේ නෑ තනිවෙන්නේ
වරෙල්ලා....මේ රෑනේ....

මදු තියලා දැල් එළලා
නෑ පැටලෙන්නෙ අපී
අපේම ලොවකට පියඹා යන්නේ..
වරෙල්ලා....මේ රෑනේ....

තටු ලැබුනේ පියඹා යන්නයි
කූඩුව දොරකඩ ඉන්න නොවෙයි
අපේම ලොවකට පියඹා යන්නේ..
වරෙල්ලා....මේ රෑනේ....

ගායනය - විජේසුන්දර වේරගොඩ

වසත්කාලය මනරම් - දයාන් විතාරණ, නෙලූ අධිකාරි | Wasath kaalaya manaram - Dayan Witharana, Nelu Adhikari

වසත්කාලය මනරම් - ඔබ මලක් වෙනවානම්
මගේ උයනේ නිකැලැල් - පීදිලා එනු හැම කල්
මම දුරින් සුපිපෙන්නම් නුඹට ලංවෙනු තහනම්
අනුන් සතු උයනේ මං පීදිලා ලත වෙන්නම්...

නෙලනු බැරි මල් ඇයි මේ සොදුරු
හිතක නැති මල් ඇයි මට නුදුරු
පැතුම් මලේ රුසිරූ...මන්ද මට පසමිතුරු
මලක් වී පැතු බඹරෙකු නොලැබූ
පිපෙන්නට විය දෑතක නුහුරු
ආදරේ සොඳුරු...මට නොවෙද පස මිතුරු

වසත්කාලය මනරම්...

නෙලු මලක් වුව මල් ලොව කවුරු
දුරින් හිද මම නරඹමි රුසිරු
නොවෙන් මට නපුරු...කඳුල මට මගෙ ලඟ මිතුරු
හිත පුරා ඇවිදින ඔබෙ පිළිරු
අහිමි දුක වලකමි කොයි අයුරු
දුරින් හිද නුදුරු...නිවනු මැන ගිනි පුපුරු

වසත්කාලය මනරම්...

ගායනය : දයාන් විතාරණ සමඟින් නෙලූ අධිකාරී
පද රචනය : රවී සිරිවර්ධන
සංගීතය : කරුණාරත්න විජේසිංහ

මම යන්නම් - නෙලූ අධිකාරි | Mama Yannam - Nelu Adhikari - sinhala lyrics

මම යන්නම් ඔබ කියන විටක යන්නම්
ඔබට නොපෙනෙන්නට සැගවී මම ඉන්නම්
මොහොතක් හෝ.....ඔබ දැකගනිමින් යන්තම්
ඒ වන තුරු ඔබ ලඟ ඉන්නට ඇත්නම්...//

වන මල් සුපිපෙණ අසපුව ඔබගේ හදවත
එහි මට ඉන්නට අවසර දෙනු මැන හිතවත...//

මම යන්නම්...//

සදාකාලිකව ඔබ හදවත මට හිමි නැත..
කෙටි කලකට වුව මට එහි ලොව්තුරු සුව ඇත...//

මම යන්නම්...//

ගායනය : නෙළු අධිකාරි
පද රචනය : සුනිල් ආරියරත්න
සංගීතය : ස්ටැන්ලි පීරිස්

අරලිය ලන්දට - නන්දා මාලිනී  | Araliya landata - Nanda Malini - sinhala lyrics


අරලිය ලන්දට - සඳ පායන කොට
තුරුලිය මල් වට - බඹරු බමන විට
සිය සිය සිය දහසට - ඇඟිලි ගණිනා මට
ඔබ ගැන සිහිවෙනවා.. එතකොට
ගී පද ලියැවෙනවා...

රඹවන් හේනේ - කරල් පැසෙන කොට
අඹ මල් ගානේ - ගිරව් හඬන විට
දොඹ තුරු මානේ - සෙවන දකින මට
ඔබ ගැන සිහිවෙනවා - එතකොට
සි ති විලි ඉගිලෙනවා...

අරලිය ලන්දට...//

දඬු‍වැල් බෑ මී - සුවඳ දැනෙන කොට
පඬුවන් අහසේ - තරු පායන විට
හැඬුමට නොහැකිව - දෙඇස වසන මට
ඔබ ගැන සිහි‍වෙනවා - එතකොට
සි හි නය උපදිනවා....

අරලිය ලන්දට...//

ගායනය : නන්දා මාලිනී
පද රචනය : ප්‍රියන්ත ධර්මවංශ
සංගීතය : කාලෝ විජේසිරි

සිරියහනේ ලණු ඉහිරී - එඩ්වඩ් ජයකොඩි | Siri yahane lanu ihiri - Edward Jayakodi


සිරියහනේ ලණු ඉහිරී සුසුම් හෙලන රෑ
මකුළු දැලෙන් සිලි සිලියේ වියන් බඳින රෑ
යට ලීයෙන් නාරිලතා මල් පූදින්නේ..
යට ලීයෙන් නාරිලතා මල් පූදින්නේ...

ස‍ඳෙන් සඳට මුවාවෙලා කල දවසක් ගෙවී ගිහින්
නෙතට නුහුරු කදුළු බිංදු පැදුරට මුහු වෙලා ගිහින්
යටලීයෙන් නාරිලතා මල් පූදින්නේ..
යටලීයෙන් නාරිලතා මල් පූදින්නේ...

සිරියහනේ...

යහන තලා සැප විඳිනා පල දී නැතු‍වා පෙර පින්
මාල වළලු නොතින් අයට අප අමතක වෙලා ගිහින්
යටලීයෙන් නාරිලතා මල් පූදින්නේ..
යටලීයෙන් නාරිලතා මල් පූදින්නේ...

සිරියහනේ...

ගායනය : එඩ්වඩ් ජයකොඩි
පද රචනය : ලූෂන් බුලත්සිංහල
සංගීතය : එච්.එම්.ජයකොඩි

මිණි මිණි පොද වැටේවි - එඩ්වඩ් ජයකොඩි | Mini mini poda watewi - Edward Jayakodi


මිණි මිණි පොද වැටේවි
මල් මිණි දැදිරි වේවි - ඔබ එනවා නම්
දේදුනු පාලම උඩ හැන්දෑවේ
මම ඉන්නම්....//

ලා සඳ පළුව ඇවිත් නිල් දිය මුදුනින්
රන් තරු මාල බැදන් රන් වන් අහසින්
අද හොදම දවස - අද හොදම දවස
ඔබ එනවා නම්....

මිණි මිණි පොද වැටේවි...//

බිම් කළුවර ඈතින් ඉරෙන්නට කලින්
සුදු මීදුමේ සුසුම් නැගෙන්නට කලින්
අද හොදම දවස - අද හොදම දවස
ඔබ එනවා නම්...

මිණි මිණි පොද වැටේවි...//

ගායනය : එඩ්වඩ් ජයකොඩි
පද රචනය : රත්න ශ්‍රී විජේසිංහ
සංගීතය : කරුණාරත්න විජේවර්ධන

උළලේනෝ - ගුණදාස කපුගේ | Ulaleno - Gunadasa Kapuge

පාළුව දෙවනත් කරලා
නාඬන් උළලේනෝ..
කාටත් නපුරු දා තනිකම් ඇතිවෙනවා
උළලේනෝ...‍උළලේනෝ..

හීත හුලංහිරිකඩයි කැලේ අපට උරුමේ
උඹට පිහාටුයි මට පැල්පතයි තියෙන්නේ...
උළලේනෝ....‍උළලේනෝ...

ඉහිරුණ කිරි කොතලෙට ඉකි බිඳලා ඵල නැහැ
උඹටත් එක්කයි මේ පැල් කවිය කියන්නේ..
උළලේනෝ....‍උළලේනෝ...

සංසාරේ හැටි තමයි වියෝග ඇති වන්නේ
නිවනට ගිය දා මේ හැම ‍දුක් නැතිවන්නේ...
උළලේනෝ....‍උළලේනෝ...

ගායනය : ගුණදාස කපුගේ
පද රචනය : රන්බණ්ඩා සෙනෙවිරත්න
සංගීතය : ගුණදාස කපුගේ

සුමනෝ - ගුණදාස කපුගේ | Sumano - Gunadasa Kapuge

පබළු නගේ නා..මල් තිලකේ
පුංචි ඔසරි මැණිකේ..
සුමනෝ...නුඹ ඇයි නැත්තේ

වැවේ දියේ ඇති නිකිණි නිමෙල්ලේ
අඩ හඳ යායට කෙකටිය පිපිලා
වැව් කන්දේ බෝ ගස් හෙවනේ
මම අද තනියම ඔලිද ගණිනවා..
වෙනදා වාගෙම තල මල පිපිලා
තිබුනට ඇල ලඟ වත්තේ...
සුමනෝ...නුඹ ඇයි නැත්තේ....

මල හිරු එලියෙන් කොක්කු ගියාදෝ
මිහින්තලා ගල පැත්තේ
පිරුවට ඇඳ පෙට්ටියක තියාලා
පාන් දෙපස එළි මැද්දේ
මදටිය වැටෙද්දී හඳ කැලතෙන ඇල
ඒ දණ්ඩේ ඉස්මත්තේ...
සුමනෝ...නුඹ ඇයි නැත්තේ....//

ගායනය : ගුණදාස කපුගේ
පද රචනය : රන්බණ්ඩා සෙනෙවිරත්න
සංගීතය : ගුණදාස කපුගේ

සයුරේ රළ සේ - නෙළු ආධිකාරි සහ කපිල පූගලආරච්චි

සයුරේ රළ සේ අහසේ තරු සේ..
මිතුදම් පවතී ලොව සැමදා..
සත්සර නැගෙනා නාදය කොතැනා..
එතනයි සැමදා අපි සැවොමා..

සත්සරයේ සෙවනැල්ලේ..
නද දෙන්නේ කොවුලන් සේ..
ගයනා ජය ගීයයි මේ හඬගා..

අමරස රොන් දෙන මල් වෙමු අපි මල් සමයේ..
ගුමු ගුමු නද දෙන බඹරුන් අපිමයි මිතුරේ..
විඳ විඳ රොන් සුව තනනා තනුවයි ඇසුනේ..
සත්සර මුසුකර ගයනා ගීයයි ගැයුවේ..
විහඟුන්ගේ ගී රාවේ හද ඔකඳ කලේ..
ඒ සිහිනේ සැබෑ වුනේ..
උන් මුමුණයි හොර රහසේ මේ ගී අසමින්..
සියොතුන් එක රෑනෙ අපි..

we'll be together..
now and forever..
let's pray that we remain friends....

සත් සමුදුර තරණයකොට ආවයි..
සත් කුළු පවු මෙන් මහ වෙර දැරුවයි..
සත් පියුමන් මෙන් විකසිත වූවයි..
සත්සර මෙන් අප සැම එක්වූවයි..
නෑ නෑ වෙන්වන්නේ හිරු සඳු ලෙස ඉන්නේ..
සත්සර හඬ වැයෙනා තුරා..
තරු මල් නැලැවෙන්නේ..
විහඟුන් ඉගිලෙන්නේ..
ගයනා මේ ගීය අසා..

we'll be together..
now and forever..
let's pray that we remain friends....

ගායනය: නෙළු ආධිකාරි සහ කපිල පූගලආරච්චි

අඩවන් දෑසින් - වික්ටර් රත්නායක | Adawan dasin - Victor Rathnayaka

අඩවන් දෑසින් පවසනු රහසින්
ජීවිතයේ රස මේ යැයි විගසින් //

පමා වෙවී ඉඳිනට නැත වේලා
කාලය ඉගිලී යයි ඉගිලී යයි
සුපුල් දෙතොල් රතු පැහැයෙන් තවරා
මීවිත උතුරා යයි උතුරා යයි

අඩවන් දෑසින්... //

අවුල් දුහුල් වල සිහිල් පහස වැද
නංවන රංගන නොනවත්වනු මැන
ඒ ගී හඩ මුලු ජීවිතයම සතු
රස බර සුළු මොහොතයි සුළු මොහොතයි
රෑ සිහිනෙන් දිව ගා සැපතක් සේ
හෙට දින එය මිය යයි මිය යයි

අඩවන් දෑසින්...//

ගායනය: වික්ටර් රත්නායක
පද රචනය: මහගමසේකර
සංගීතය: සෝමදාස ඇල්විටිගල

මුතු පින්න

මුතු පින්න තාම හීතලයි වගේ
රහ දන්න දෑස මග බලයි ඉබේ
අරුමැක්කේ මල් නෙළන්න එන නගේ
හද ගැස්ම ඔබට දැනෙනවද මගේ //

මල් රෙද්ද තදට තනි රකී ඉනේ
මල් යාය හොඳට සැප විඳී බඳේ
ඒ මලක් වෙන්නවත් පිනක් කොහේ
ඔබ දකින එකත් සැපක්නේ අනේ

මා දැක්කම ඉඟ නටන දර්ශනේ
මට බලා ඉන්න ලෝබයි කෙල්ලේ
හොර බැල්මේ බහට පිරුණු හිත මගේ
නගා බලා ගන්න නෑ මම දන්නේ

මුතු පින්න...

ගායනය: නලින් පෙරේරා

හිරු මැකී යයි නීල අහසේ

හිරු මැකී යයි නීල අහසේ සේද මීදුම් මායිමේ
නිමාවී යයි මේ වසන්තේ යලිත් නොම එයි කිසි දිනේ
ගිණි කඳු පුපුරා ලෝදිය ගලනා තරම්
රිදුම් දෙයි ආදරේ

නෙතු සලා හමුවෙලා සුසුමකින් වෙන් වුනා
නෙතු සලා හමුවෙලා සුසුමකින් වෙන් වුනා

තුෂර පින්නේ පැතුම් ඕවිල්ලේ
ඔබේ සෙනෙහේ ඔහු හදේ රැදුනේ
එදා මතකය සිතේ අහුරා..
කාටවත් නොපෙනී අඳුරේ
ඉකිබිඳිමි රහසේ

නෙතු සලා හමුවෙලා සුසුම කින් වෙන් වුනා
නෙතු සලා හමුවෙලා සුසුම කින් වෙන් වුනා

සිනහ කඳුලේ දෙනෙත් දොවමින්
දුටුව සිහිනේ නෙත් වැසුනු අඳුරේ
ඈත මීදුම් අතර සඟවා
යන්න ප්‍රිය ලඳුනේ
හද සුසුම් පවනේ

රැගෙන මා සුභ පැතුම් හද තුටින් යනු මැනේ
රැගෙන මා සුභ පැතුම් හද තුටින් යනු මැනේ

හිරු මැකී යයි නීල අහසේ සේද මීදුම් මායිමේ
නිමාවී යයි මේ වසන්තේ යලිත් නොම එයි කිසි දිනේ
ගිණි කඳු පුපුරා ලෝදිය ගලනා තරම්
රිදුම් දෙයි ආදරේ

රැගෙන මා සුභ පැතුම් හද තුටින් යනු මැනේ
රැගෙන මා සුභ පැතුම් හද තුටින් යනු මැනේ

ගායනය: අමිල පෙරේරා

මනලෝලී මනමාලියේ - රූකාන්ත ගුණතිලක, චන්ද්‍රලේඛා පෙරේරා | Manaloli Manamaliye - Rookantha Gunathilaka, Chandralekha Perera


මනලෝලී මනමාලියේ
ඔය දෑසේ කැල්මන් වෙලා
මාගෙ දෑතේ දැවටී ආවේ
පවසන්නදෝ ආදරේ

කවදා හෝ සංසාරයේ
එක් වීලා අතිනත් වෙලා
ආවා වගේ ඔබ මේ ආවේ
පවසාලා ප්‍රේමාදරේ

මුව මදහාසේ ඔබ මට පෑවේ
විහිදා පෙම් ආරාධනේ
ඉඟියෙන් වාගේ රහසින් කීවේ
සැනසීමයි මේ ජීවිතේ

ඔබ හිනැහේවී පුන්සඳ වාගේ
පායාලා මාගේ ලොවේ

ඈයිදෝ නොහෑගේ ලෙන්ගතු වූයේ
ඔබ මා ලංවීලා මෙසේ
ලතැවුල් කීවේ සංසිදවූවේ
දෙනෙතේ දල්වාලා සෙනේ
ඔබ සුව ගේනා සුවඳක් වාගේ
පාවේවී මාගේ ලොවේ

ගායනය: රූකාන්ත ගුණතිලක සහ චන්ද්‍රලේඛා පෙරේරා
පද රචනය: හේමසිරි හල්පිට
සංගීතය: රෝහණ වීරසිංහ

සුදු ඇඳුමින් - ජය ශ්‍රී | Sudu andumin - Jaya Sri

සුදු ඇඳුමින් සැරි මුව හසරැල්ලේ
අරලිය ගහ යට සුවිසුරු නිල්ලේ
තනිවෙන විට මා සමගින්
ඉඟිකර අදි මදි කරමින්
තනිවෙමු සොදුරිය අපි සැනසිල්ලේ

රන් තරු වටකර පායන සඳ ඇදි
සෙවනැලි සිතුවම් රෑ
සිහිනෙන් ඔබ එන විට මා පිබිදෙන්නෑ
අඩවන්වූ දෙනෙතින් ඔබ බැලුකල
මගෙ සිත ඉවසුම් නෑ
කුමරිය ඇයි ඔබ තනියම සුසුමන් පෑ
කුමරිය ඔබ අද මා ලඟ නෑ

ගංතෙර ළග බට පඳුරෙහි
සිරි සිරි හඩ මට සිහිලැල් පෑ
කුළුදුල් ආදර හැඟුමන් විසිරෙන්නෑ

පාසල් යන ඔබ මාවෙත සිහිවන විට
මට ඉවසුම් නෑ
මගෙ සිත තනිවම දොඩවයි සමගින් ඈ
කුමරිය ඔබ අද මා ලඟ නෑ

ගායනය: ජය ශ්‍රී




Jayasri

කැමීලියා මල් සුවඳට

කැමීලියා මල් සුවඳට
සඳ කෙමි මත් පා තිය තිය //
මගේ කුටියේ කවුළුදොරින්
නිදි බින්ද දෑස ඒ ඔබමද
සින්ඩරෙල්ලා

සකුණ ගීය සැඟවී යන
පළා පැහැයෙ අළු තවරා //
සැන්දෑ අඳුර ගේන පවන වගේ සියුම් සරින්
ඈත එපිටින් හදට වඩින්
සින්ඩරෙල්ලා

කැමීලියා මල් . . .

සුසුදු හංස පියාපතින්
ගෙත්තම් කොට නිමවා //
ඇන්ද සිනිඳු සේද සළුව වළාකුලෙන් අතුරා
යන්න ගියේ බිය හිතිලද
සින්ඩරෙල්ලා

ගායනය: කිත්සිරි ජයසේකර

සද හිරු තරු - වික්ටර් රත්නායක | Sanda hiru tharu - Victor Rathnayaka

සද හිරු තරු පවතින තුරු අපි මැරෙන්නෙ නෑ
අනඟ බඹර තරුණ අපි අමර වරම අපිට හිමි
අපි මැරෙන්නෙ නෑ අපි මැරෙන්නෙ නෑ....

කලක මෙහෙන් චුත වෙනවා...
එලොව ‍ගිහින් වැජබෙනවා...//
පෙලපත නම වෙනස්වෙලා - ආයෙත් මෙලොවට එනවා
එහෙම මිසක් කිසිම දිනක - අපි මැරෙන්නෙ නෑ...

සද හිරු තරු...//

හැරමිටියෙන් ඇවිදින්නෝ...
අපට එරෙහි වී එන්නෝ...//
සීමා මායිම් වැටකොටු මේ කිසිවක් අපට නැතේ
වැරදීමෙන් හුස්ම ගියත් අපි හඩන්නෙ නෑ...

සඳ හිරු තරු...//

ගායනය: වික්ටර් රත්නායක
පද රචනය: මහාචාර්ය සුනිල් ආරියරත්න
සංගීතය: වික්ටර් රත්නායක

ඉස්සර විදියට - එඩ්වඩ් ජයකොඩි | Issara widhiyata - Edward Jayakodi


ඉස්සර විදියට දුවපැන යන එක
මතකද තහනම් කරපු දිනේ...
සෙල්ලම් වයසට ඉන්නේ කොහොමද
කියන්න පොඩි හාමුදුරුවනේ...

කරඹ කැළෑවට වවුලෝ ඇවිදින්
රෑ තුන්යම රජ මඟුල් කතී..
පාළුව දැනුනම මෙරු රැළ තරහින්
වැලි මාලිග වට කුලල් කති...

ඉස්සර විදියට...//

රෑ කල තනි යහනේ සැතපෙන විට
දැනුනිද මවකගෙ සෙනෙහෙ ගුණේ..
බුදු බණ එතකොට සිහියට එනවද
කියන්න පොඩි හාමුදුරුවනේ...

ඉස්සර විදියට...//

ගායනය: එඩ්වඩ් ජයකොඩි
පද රචනය: අමරසේන කන්කානම්ගේ
සංගීතය: රෝහණ වීරසිංහ

කැරකෙන රෝදේ - එඩ්වඩ් ජයකොඩි | Karakena rode - Edward Jayakodi


කැරකෙන රෝදේ පුංචි කරත්තේ
ඉඳගෙන මම ඉන්නේ..
පදික වේදිකා පසුකර යන්නට
තල්ලු කරන් පුතුනේ...//

කැඩුනු පාවහන් කුඩ නිමවාලා
දවසේ වියදම සරි කරවාලා
අඳුර වැටෙන්නට කලියෙන් ගෙදරට
තල්ලු කරන් පුතුනේ...//

කිරිකැටි දෙ‍අතේ සවිබල දියැවේ
පමා වුනොත් අප මහමඟ තනිවේ
අම්මා මඟ ඇති නෙත් හරවාගෙන
තල්ලු කරන් පුතුනේ...//

ගායනය - එඩ්වඩ් ජයකොඩි
සංගීතය - කලණි පෙරේරා
පද රචනය - සිරිල් සමරකෝන්



Ruchira Bandara

එපා ස‍ඳේ ඔබේ සිනා - එඩ්වඩ් ජයකොඩි | Epa sande obe sina - Edward Jayakodi


එපා ස‍‍ඳේ ඔබේ සිනා මේ රැයේ
පිපී දිලේ හිතේ යොවුන් ආදරේ
මල් මාවතේ තරු සාදයේ
පාවේ කැළුම් ආදරේ...

අඹ මල් යායේ බිඟු දැල් හී ඒ
මිහිලොල් සරා හැඟුම් පීදුනා..
ලැතැවුල් සේදී හසරැල් පාවී
ඇගෙ වත පාවී සිනා..

එපා සදේ ඔබේ සිනා...

හිත බැඳි සීනේ නෙත රැඳි යාමේ
මුවරොද සැලී ලවන් සේදුනා..
මධු සඳපානේ මල්සර යහනේ
මල්වර වී ආදරේ...

එපා සදේ ඔබේ සිනා...

ගායනය: එඩ්වඩ් ජයකොඩි
පද රචනය: කුමාරදාස සපුතන්ත්‍රී
සංගීතය: රෝහණ වීරසිංහ

පලංචියේ ලී ඉරුවේ - එඩ්වඩ් ජයකොඩි, සුනිල් එදිරිසිංහ | Palanchiye lee iruwe - Edward Jayakodi, Sunil Edirisinghe



පලංචියේ ලී ඉරුවේ අපි එකට
මල් පැන් පොදක් රහ බැලුවේ අපි ‍එකට
එක වාඩියේ කල් ඇරියෙත් හිත හොදට
ඇයි මස්සිනේ පෙම් කලේ අපි එක මලට

විරසක වී රුපුන් ලෙස යුද වදින්නද
කුළුදුල් පෙම මෙයයි ඉන් අත් ‍මිදෙන්නද..
පෙම්දම් නිසා මිතුදම් සිඳ දමන්නද..
හොදහිත නු‍ඹෙ තරම් ලොවකින් ලබන්නද..

පලංචියේ...//

දොඩමලු කතා නැහැ අද වාඩිය හෙවනේ
නිදිනැති රැය පුරා නුඹෙ සුසුමයි ඇසුනේ..
හොර රහසින්ම එක සුවඳක් පැතු පවනේ
නුඹවත් නැතිවේද හෙට මට සකි සඳුනේ...

පලංචියේ...//

ගායනය: එඩ්වඩ් ජයකොඩි සමඟින් සුනිල් එදිරිසිංහ
පද රචනය: වසන්ත කුමාර කොබවක
සංගීතය: රෝහණ වීරසිංහ

සඳත් ඉරත් නැති - වික්ටර් රත්නායක | Sandath irath nathi - Victor Rathnayaka

සඳත් ඉරත් නැති - තරුත් වැසී ඇති
වනන්තරේ නැත තනියක්...
ඔබත් මමත් ඇති - මටත් ඔබත් ඇති
මිනිස්පුරේ ඇයි තනියක්...//

ගලා ගලායන ගඟේ පිරී දිය
ඇලේ දොලේ ඇසුරට වී
සිනාසිසි වන පෙතේ හිදී
රස දිදි රුවන් තුඩ ඇතිරී...

සඳත් ඉරත් නැති...//

‍සොබා දමේ දැඩි සිහිල් නිසංසල
සුවේ විදි ‍ලොව සිතුසේ...
ඔබේ මගේ රැල බෙදී බිදීයන
සුළං කැරැල්ලේ දුකසේ...

සඳත් ඉරත් නැති...//


ගායනය - වික්ටර් රත්නායක

ලොවම එපා වී - නන්දා මාලිනී  | Lowama epa wee - Nanda Malini - sinhala lyrics


ලොවම එපා වී ලොවම කලකිරී
තැවී දැවී හිදිනා වේලේ..
ඔබේ දයාබර එකම වදනකින්
මගේ ආත්මය සුවපත් වේ..

අසා අසෝබන නින්දා ගැරහුම්
වැලහින්නක සේ වැලපෙන මොහොතේ
පවනේ පාවෙන ඔබේ සුවදකින්
පිපාසිත වූ හද සිහිලැලි වේ

ලොවම එපාවී...//

ලබා නොමිනිසුන් නගනා ගෙරහුම්
මුවැත්තියක සේ බියපත් මොහොතේ
සිරුරේ තැවරෙන ඔබේ සුසුමකින්
මුළුගැන්වුනු සිත උණුසුම් වේ...

ලොවම එපාවී...//

ගායනය: විශාරද නන්දා මාලිනී
පද රචනය: මහාචාර්ය සුනිල් ආරියරත්න
සංගීතය: මර්වින් පෙරේරා

අහස සේ ඔබ අනන්තයි - නන්දා මාලිනී | Ahasa se oba - Nanda Malini



අහස සේ ඔබ අනන්තයි
සයුර සේ ඔබ අනන්තයි..//
මේ විශ්වයේ මා දකින්නේ
ඔබමැ පමණයි...ඔබ අනන්තයි..

වෙණ තතක් හැඩවෙන තැනත් ඔබ
මදුවිතක් උතුරන තැනත් ඔබ...
තෙළිතුඩක් දැවටෙන තැනත් ඔබ
පන්හිඳක් ගැවසෙන තැනත් ඔබ..

අහස සේ ඔබ අනන්තයි...//

අඩ සඳක් සැගවෙන තැනත් ඔබ
රළ පෙළක් පෙරලෙන තැනත් ඔබ..
සිසිලසක් දනවන තැනත් ‍ඔබ
උණුසුමක් ගෙනදෙන තැනත් ඔබ..

අහස සේ ඔබ අනන්තයි...//

ගායනය: විශාරද නන්දා මාලිනී
පද රචනය: මහාචාර්ය සුනිල් ආරියරත්න
සංගීතය: රෝහණ වීරසිංහ


සිතක් කෙලෙසද - මාලිනී බුලත්සිංහල | Sithak kelesada me tharam - Malini Bulathsinghala

සිතක් කෙලෙසද මේ තරම්
වේදනාවන් විදින්නේ
නෙතක් කෙලෙසද මේ තරම්
දුකට කදුළැලි සලන්නේ...//

‍ඔබෙන් වෙන්වී ගෙවෙන මොහොතද
කල්පයක් වී දැනේ නම්..//
ඔබෙන් තොර හෙට දිනක් ගැන මා
සිතා ගන්නේ කෙලෙසදෝ..

සිතක් කෙලෙසද...//

සුසුම් කදුළැල් සිහින පමණක්
උරුමයන් වී සදා කල්...//
සතුට මොහොතක මිරිඟුවක් වී
බිඳී යන්නේ ඇයි මෙසේ...

සිතක් කෙලෙසද...//

ගායනය : මාලනී බුලත්සිංහල
පද රචනය : කුලරත්න ආරියවංශ
සංගීතය : රෝහණ වීරසිංහ

ආදරණීය වස්සානේ - කසුන් කල්හාර | Obe sitha ma sitha - Kasun Kalhara

හීනයකි මට ආදරේ
හැඟෙනව මට ජීවිතේ
හිනයට ළඟ ජිවිතේ
හැඟෙනවා මගෙ ආදරේ

වැටෙනකොට කඳුළු ඇවිලිලා
සුවඳ මල් පෙති පරවෙලා
සුවඳ මල් පෙති පරවෙලා
වස්සාන සිහිනේ ඇවිලිලා

සුසුමේ තවරා සැඟවු සිහිනේ //
ආ....ආ....ආ....ආදරණීය වස්සානේ //

ගායනය: කසුන් කල්හාර

සඟවන්න එපා - කරුණාරත්න දිවුල්ගනේ | Sangawanna epa - Karunarathna Divulgane

සඟවන්න එපා හසරැල්
දල්වන්න එපා ගිනිදැල්
ඔබම කෙරේ සිත බැදුනු දිනේ සිට
මගෙම හැඟේ ඔබ නම් //

සඳ එළිය වගේ ඇවිදින්
හද නොපැතු දිනක රහසින්
බැස නොයන් මසිත් අහසින්
අත පොවනු නොහැකි දුරකින්

සඟවන්න එපා...

සිළිසිලිය පවා සුළඟින්
තනි මැකුවෙ ඔබේ සුවඳින්
මේ දිවිය අතර මගකින්
මග නතර නොකොට හිනැහෙන්

සඟවන්න එපා...

පද රචනය: විපුල ධර්මප්‍රිය ජයසේකර
සංගීතය: එච් එම් ජයවර්ධන
ගායනය: කරුණාරත්න දිවුල්ගනේ

කොහේ යන්නද - බණ්ඩාර අතාවුද, මාලනී බුලත්සිංහල | Kohe yanneda - Bandara Athauda, Malini Bulathsinhala




කොහේ යන්නද
කොහේ ඉන්නද
ඔබත් ඇසුවා මගෙන්
මමත් ඇසුවා ඔබෙන් //

මං මුලාවි ජිවිතේ අපි
ළං වෙලා ඉමු මේ ලෙසින්
ත්වත් පෙම්වතියන් පෙම්වතුන්
එනතුරා මේ මාවතේ
ගමන් මග විමසා අපෙන්

කොහේ යන්නද...

මේ ලෙසින් සසරේ පුරා අපි
ළං වෙලා සිටියේ හදින්
හෙටත් අදවාගේ බලා හිඳිමු
සිත් සතන් නැති ලෝකයා
පෙම් සුවේ දකිනා තුරා

කොහේ යන්නද...

ගායනය: බණ්ඩාර අතාවුද සමඟින් මාලනී බුලත්සිංහල

නිල්වන ලන්දේ - චන්දන ලියනආරච්චි | Nilwana lande - Chandana Liyanarachchi


නිල්වන ලන්දේ වෙල් ඉපනැල්ලේ
සුවඳ ආදරයේ මිලින වී සැඟවේ
වස්සානය ආයෙත් එන්නෑ
කවදාවත් අප හමුවෙනෑ
මගේ කැලෑ මලේ //

තනි යහනේ නෙත නිදි නොයෙන්නා
මල් පිපිලා සුවඳක් දැනෙන්නෑ
කවියක්සේ සුළඟට ගියාදෝ
වස්සානය ආයෙත් එන්නෑ
කවදාවත් අප හමුවෙනෑ
මගේ කැලෑ මලේ

නිල්වන ලන්දේ...

තහනම් දෝ ප්‍රේමය නපුරු දෝ
මං මුලාවී පිං මග පෙනෙන්නෑ
කුරුල්ලනේ මගෙ දුක ඇසේදෝ
වස්සානය ආයෙත් එන්නෑ
කවදාවත් අප හමුවෙනෑ
මගේ කැලෑ මලේ

නිල්වන ලන්දේ...

ගායනය: චන්දන ලියනආරච්චි

සඳ යාත්‍රා කළා - චන්දන ලියනආරච්චි | Sanda yaathra kala - Chandana Liyanarachchi


සඳ යාත්‍රා කළා වගෙ මතකයි
ඔබ නේත්‍රා වලින් මට පවසයි
හැම මාත්‍රාවටම සිත සැනසෙයි
අපෙ ආශ්‍රයේ සත්වෙනි දවසයි //

දස දහස් වරක් ඔබට සිත බැඳි
සපුරන්නට ඇති පැතුම් මල් මිටි
භවයෙන් භවයට ආ මඟ සඳ වී
ඔබ ඉන්නැති මගෙ ලොවට එළිය දී

සඳ යාත්‍රා කළා...

තව සහස් කලක් මේ දුර යන්න
සිත් අහස් ගැබේ තරුවක් වෙන්න
ඔබ මා ළද පින් ඇතිය හිතන්න
අපෙ සෙනෙහස පර මලක් නොවන්න

සඳ යාත්‍රා කළා...

ගායනය: චන්දන ලියනආරච්චි

ඔය සුසුම් පවන් වැදී - චාමර වීරසිංහ | Oya susum pawan wadee - Chamara Weerasinghe

ඔය සුසුම් පවන් වැදී
නෙතු පියන් සැලේ රිදී
ඔබ ගොළුයි සිතත් නිදි
ඔබව තාම මටද හිමි //

මිරිඟුවක් සොයා ගිහින්
හිත ගිලන් උනා තමයි
හිමි නැතැත් ඔයා ඉතින්
මම තවත් ඔබේ ළඟයි

ඔය සුසුම් පවන් වැදී...

ඔය හිතින් පිදූ පෙමින්
ඇත දහස් ගනන් පැතුම්
ඔබ ගියත් මගේ ළඟින්
මගේ හිතත් යන්න අරන්

ඔය සුසුම් පවන් වැදී...

ගායනය: චාමර වීරසිංහ

දෛවයෝගයකින් - වික්ටර් රත්නායක | Daiwayogayakin - Victor Rathnayaka

දෛවයෝගයකින් නොවේදෝ
හමුවුණේ අප හමු වුණේ
දෛවයේ සරදම් ලබන්නට
කිම මෙසේ අප හමුවුණේ //

ඇදුරුතුමියයි ප්‍රේමයේ ඔබ
ඇදුරුතුමියයි යෞවනේ
ශෝකයේ රුදු වේදනාවේ
කඳුළු සයුරේ උල්පතයි

දෛවයෝගයකින්...

නඳුන් උයනයි ස්නේහයේ ඔබ
සඳුන් සිලිලයි ජීවිතේ
සොම්නසේ ආනන්දයේ
හසරැල් තරංගේ උල්පතයි

දෛවයෝගයකින්...

පද රචනය: සුනිල් ආරියරත්න
සංගීතය: වික්ටර් රත්නායක
ගායනය: වික්ටර් රත්නායක

දුරු කතර ගෙවාගෙන - කරුණාරත්න දිවුල්ගනේ | Duru kathara gewagena - Karunarathna Divulgane

දුරු කතර ගෙවාගෙන
මං නොකියම ආවට
මට සමාවෙයන් බණ්ඩර මැණිකේ
අර බලන්න අර පුරහඳ අහසේ //

දුම් වලාකුළේ තරුකැට හැංගිලා
ඇස් කොණින් බලා මට ඉඟි බිඟි කළා
මට ඉන්නට බැහැ කොළොම්තොටට වෙලා
උඹෙ කතා කරන දෑස මතක් වෙලා

දුරු කතර ගෙවාගෙන...

මහ මැදුරු උඩින් පුරහඳ පායලා
උඹෙ මුහුණ පෙනුණි මුළු අහසම පුරා
ඒ සෙනෙහෙවන්ත කමට වහන් වෙලා
මට ගමට ඇවිත් ඉන්නට බැරිවුණා

දුරු කතර ගෙවාගෙන...

පද රචනය: රත්න ශ්‍රී විජේසිංහ
සංගීතය: එච් එම් ජයවර්ධන
ගායනය: කරුණාරත්න දිවුල්ගනේ

සුකුමාල කුමරියේ - චන්දන ලියනආරච්චි | Sukumala kumariye - Chandana Liyanarachchi


සුකුමාල කුමරියේ මනමාලකම් නොවේ
හැමදාමත් පුරුදු සෙනෙහසින්
මදහාසයෙන් බලා සිත ආලකම් කලා
සඳ පෑයු ලෙසින් අම්බරේ //

රෑ සීතලේ පිණි හා මිඳුම් වළා ගෙනෙනා
සිහිලැල් සුළං පාවි පාවී
මල් මල් සිතුම් පැතුම් එක එක කඩා හැලේ
තනිවේ මා යළි තනිවේ මා යළි

සුකුමාල කුමරියේ...

රෑනක් ලෙසින් තරු වැල් දෑසින් ගලයි කැළුමන්
ඈතට නොයා මාගේ ඇසුරේ
මොහොටක් රැදෙන්න දැන් හදවතට ඉඩ අරන්
සිතන්න දැන් යළි සිතන්න දැන් යළි

සුකුමාල කුමරියේ...

ගායනය: චන්දන ලියනආරච්චි

මල් පිට මල් - අමල් පෙරේරා | Mal pita mal - Amal Perera



මල් පිට මල් හැලෙන දිගු මාවතේ
පිය මත පිය තබමින් හිනැහෙන නුබේ
ඉගි නළුවට වශි වී
අත්තල නගයි තුරුපත් පවා
අත්තල නගයි තුරුපත් පවා //

දිය පිට දියරැලි නගන ගං දියේ
සැඩ රළ මතින් ඔරුවක නැගි
එතෙරට යනු දැක ඔබයි මමයි
සැඩ නල පවා හමන හැටි පුදුමයි
සැඩ නල පවා හමන හැටි පුදුමයි

මල් පිට මල්...

වැහි පිට වැහි හැලෙන රාත්‍රියේ
උණුහුම් වෙමින් තුරුලත වෙලී
මුදු රස විදින සඳ ඔබයි මමයි
හිරිකඩ පවා දැනෙන හැටි පුදුමයි
හිරිකඩ පවා දැනෙන හැටි පුදුමයි

මල් පිට මල්...

ගායනය: අමල් පෙරේරා

රටා තියලා - කිංස්ලි පීරිස් | Rataa thiyala - Kingsly Peiris


රටා තියලා ඇමදපු මගෙ හිත් මළුවේ
අපිළිවෙලට සක්මන් කළ සුදු මැණිකේ
යන්න ගිහින් කල් ගෙවුනට හොර රහසේ
තාමත් හැඩිවෙලා මගේ හිත වැළපේ //

නුඹ ගැන ඔය රතු තොල් ගැන කවි ලියලා
ලියන්න බැරි තරමට පන්හිද ගෙවිලා
අතරින් පතරට සුදු වෙන කෙස් දැකලා
තුරුනු හිතට තනිකම ගැන දුක හිතුණා

රටා තියලා...

පණ තර්මට පෙම් කළ උඹ කෝ කියලා
අසයි සරදමට මිනිසුන් ඉඳහිටලා
අපේ මතක රැදවුණු තැන් අතහැරලා
යන්න හිතෙනවා මට ගම රට දාලා

රටා තියලා...

ගායනය: කිංස්ලි පීරිස්

සඳේ ඔබ - රූකාන්ත ගුණතිලක | Sande oba - Rookantha Gunathilaka


සඳේ ඔබ ඇයිද මේ යාමේ
අහස කරා නැඟුණේ
සිතේ දුක හිරු නිවා දැමුවේ
නැතුවද ඔබ දන්නේ
ගිනි හිරු පායා සොමි සඳ බැසලා
මගෙ ලොව එළිය වෙලා

ඔබ තරු වටකර හිනැහෙන යාමේ
ඈ දුර යහන් ගැබේ
රෑ නොනිදාගෙන වැලපෙන මා හට
ඔබගේ කිමද පලේ

සඳේ ඔබ...

සඳ දෙස බල බල මා පැතු පැතුමන්
මෙතෙකැයිකියන බෑ
හිරු මා දැව්වත් මා ලද උණුසුම
අමතක කරන්න බෑ

සඳේ ඔබ...

ගායනය: රූකාන්ත ගුණතිලක

මා ඉතින් යන්න යනවා - සුනිල් එදිරිසිංහ | Ma itin yanna yanawa - Sunil Edirisinghe

මා ඉතින් යන්න යනවා
මට යන්න අවසරයි
මට අරන් යන්න ඇත්තේ
ඒ මතකය විතරයි //

ඔබ සඳක් සේම පායා
මට එලිය දුන් වගයි
ඔබ සඳක් සේම බැස යයි
මට අයිති කළුවරයි
මට මතක එපමණයි

මා ඉතින් යන්න යනවා...

සඳ එලිය අයිති ලොවටයි
සඳ අයිති අහසටයි
උණු කඳුළු බින්දු පමණක්
මේ බිමට වැටෙනු ඇයි
මට උරුම එපමණයි

මා ඉතින් යන්න යනවා...

පද රචනය: රත්න ශ්‍රී විජේසිංහ
සංගීතය: රෝහණ වීරසිංහ
ගායනය: සුනිල් එදිරිසිංහ

රෑනේ ඉගිලෙන්න ඕනේ - මිල්ටන් මල්ලවආරච්චි | Rene igilenna one - Milton Mallawarachchi

රෑනේ ඉගිලෙන්න ඕනේ
දෑස පෙනෙනා ඉමේ
විහඟුන් වාගේ පියාඹා
පාවි මේ ගං තෙරේ //

පායා ඈත පායා විසිරේ හිරුගේ ඡායා
පායා ඈත පායා විසිරේ හිරුගේ ඡායා
පිපි මල් නොතලා පිණිලැල් අතුරා
සේයා මැවෙනා උදේ

රෑනේ ඉගිලෙන්න ඕනේ...

පාවී ඈත පාවී පවනේ සැලෙනා රාවේ
පාවී ඈත පාවී පවනේ සැලෙනා රාවේ
දියරැල් අතරේ හැඟුමන් කිමිදේ
මේ ගී ගයනා හදේ

රෑනේ ඉගිලෙන්න ඕනේ...

පද රචනය: කුලරත්න ආරියවංශ
සංගීතය: එනස්ට් සොයිසා
ගායනය: මිල්ටන් මල්ලව ආරච්චි

ගමනේ ගිම් නිවූ එදා - මිල්ටන් මල්ලවආරච්චි | Gamane gim niwu eda - Milton Mallawarachchi

ගමනේ ගිම් නිවූ එදා
සැනසුම් පවන් සලා
ඔබ මා දවයි දිවා රෑ හද සෝ සුසුම් හෙළා//

මතකේ තිබේද ඒ යුගේ මාගෙ චේතනා
වැටහෙන්නෙ නැද්ද ආදරේ සෝක වේදනා
ගන අන්ධකාරේ පාළුවේ කිමිදුණා
තනි වූයෙ ඔබ නොවේ මා පවා තනිවුණා

ගමනේ ගිම් නිවූ එදා...

ඔබ මං මුළා වෙලා ගියා - පෙම් පහන් නිවා
අහිතක් හිතන්නෙ නෑ පිරමිදයේ සිහිනෙකින් පවා
අද ඔබගෙ ජීවිතේ කතරකී වාලුකා
හිනැහෙන්න යළි දිලී දෛවයේ තාරකා

ගමනේ ගිම් නිවූ එදා..

පද රචනය: කරුණාරත්න අබේසේකර
සංගීතය: එම් කේ රොක්සාමි
ගායනය: මිල්ටන් මල්ලවආරච්චි

පෙර දිනයක මා - ඩබ්ලිව්. ඩී. අමරදේව | Pera Dinayaka Ma - W.D.Amaradewa - sinhala lyrics

පෙර දිනයක මා පෙම් කළ යුවතිය
සිය පුතු නලවනවා
මගේම ගීයක් නැලවිලි ස්වරයෙන්
ඈතින් මතු වෙනවා...//

නුරාව වෙනුවට ඉදුනිල් දෙනයන
දයාව වෑහෙනවා..
සිනාසුනෙමි මම අවිහිංසක ඇය
කෝල බැලුම් හෙලුවා..

පෙර දිනයක මා...

හිරුට සදුට නොකියා හොර රහසේ
කාලය වියැකෙනවා..
නෙත් අදහා ගන්නට බැරි ලෙස රූසිරු
කෙමෙන් මැකී යනවා..
එදා වගේ තවමත් වැට අද්දර
නාමල් පුබුදිනවා..
නොකා නොබී දුක් වින්ද අතීතය
යළි මට සිහිවෙනවා..

පෙර දිනයක මා..

ගායනය: ඩබ්ලිව්.ඩී.අමරදේව
පද රචනය: සුනිල් සරත් පෙරේරා
සංගීතය: ඩබ්ලිව්.ඩී.අමරදේව

දෑස නිළුපුල් තෙමා - ගුණදාස කපුගේ | Dasa Nilupul Thema - Gunadasa Kapuge

දෑස නිළුපුල් තෙමා
කඳුළු මුතුවැල් සලා
දෙතොල සුසුමින් පුරා
හඬනු මල් මාලියේ //

නිහඬ හදවත් පොතේ ලියැවුනූ
සොඳුරු ගී වැල් නැතේ මා තැනූ
ඔබේ කඳුලැලි මා සිතේ
නිබඳ පදවැල් ඇඳේ

දෑස නිළුපුල් තෙමා ...

පබළු මිණිමුතු නැතේ මා සතූ
කඳුළු මුතු ඇට ඔබේ මා පැතූ
තුසර පිණි ලෙස මල් මතේ
කඳුළු කොපුලේ රැඳේ

දෑස නිළුපුල් තෙමා ...

පද රචනය: පියනන්ද විජේසුන්දර
සංගීතය: ගුණදාස කපුගේ
ගායනය: ගුණදාස කපුගේ

තුන් සිත දැහැන් - නීලා වික්‍රමසිංහ, කමල් අද්දරආරච්චි | Thun Sitha Dahan Gatha Wela - Kamal Addaraarachchi, Nila Wickramasinghe - sinhala lyrics

තුන් සිත දැහැන් ගත වෙනා
සිතුවිලි සසල කරවනා
පදවැල් අතර ගැයෙන - ස්ව‍රයේ සප්ත වර්ණ
සිත ලඟ ගයනව ද ඔයා...
තුන් පැය අතර නිමවෙනා
මතකය අතර රැදවෙනා
සිනමා පටයෙ රැදෙන - සුන්දර සිහින රැගුම
සිත ලඟ රඟනවද ඔයා...

නෙතගට කඳුල ගෙන දෙනා
නරඹන සිතද හඬවනා
දුක්බර ප්‍රේම රැගුම - සුන්දර පියවි ලොවක
රගන්න කියන්නට එපා...
තනිකම සිතට කැඳවනා
තනිවම සිතින් වැලපෙනා
දුක්බර විරහ ගැයුම - සුන්දර පියවි ලොවක
ගයන්න කියන්නට එපා...

තුන් සිත දැහැන් ගත වෙනා...//

පෙම්බර වදන් වැල විනා
දුක්බර දෙබස් නම් එපා
සිනමා ලොවක මිසක - දිවියක සබෑ ලොවක
දුක්බර චරිතයක් එපා...
සුන්දර අදහසක් තියා
දුක්බර පදවැලක් ලියා
සත්සර අතර මිසක - සුන්දර සැබෑ ලොවක
දුක්බර ගැයුම නම් එපා...

තුන් සිත දැහැන් ගත වෙනා...//

ගායනය : කමල් අද්දරආරච්චි සමඟින් නීලා වික්‍රමසිංහ
පද රචනය : අශෝක කෝවිලගේ
සංගීතය : අශෝක කෝවිලගේ

ආදර නිල් දෑසේ - නාරද දිසාසේකර | Adara nil dese - Narada Disasekara

ආදර නිල් දෑසේ ආ..දර නිල් දෑ‍සේ
මැණික් රුවක් ඇඳී තිබේ ආ..දර නිල් දෑසේ...

ආදර මල පිපී වැනේ
ඇග පෙම් හද පොකුනේ..
මගේ ලමැද පලඳින්නයි
ඒ රන් මල පිපුණේ...

ආදර නිල් දෑසේ...

විමානයේ කදුළු දොරින්
නෙත් හී සැර විදලා..
කුමාරියක් කතා කරයි
කාටද අත වනලා...

ආදර නිල් දෑසේ...

සිනහ දෙතොල් යහනාවේ
වැතිරෙමි රස උරලා...
හද ලෙන් දොර වසනු මැනවි
මා එහි සිර කරලා...

ආදර නිල් දෑසේ...

ගායනය : නාරද දිසාසේකර
පද රචනය : ධර්මසිරි ගමගේ
සංගීතය : ප්‍රේමසිරි කේමදාස

පාරමිතා නොපුරමු අප දෙදෙනා

පාරමිතා නොපුරමු අප දෙදෙනා
මතු මහු සංසාරේ
පන සිනා සුළගට විසිකරමු
හමුවෙන හැම වාරේ //

කදුළු වලින් දියවී යනවානම්
අවිහිංසක රූපේ
දොරගලනතුරු කදුළු හලනම්
ඔබමට නොපෙනෙන සේ

පාරමිතා නොපුරමු අප දෙදෙනා...

මට ඔබ ඔබ මට පෙම් කල තරමට
වෙන්වී යන්නට බැරි
අසම්මතේ පෙම්වතුන් නොවෙමු අපි
වරදට වහල් වෙවී

පාරමිතා නොපුරමු අප දෙදෙනා...

පද රචනය: ලලිත් වසන්ත
සංගීතය: ජයසිරි අමරසේකර
ගායනය: ශශිකා නිසංසලා

ඈත රන් විමන් - ප්‍රියා සූරියසේන

ඈත රන් විමන් දොරින්
පාට සේලයෙන් සැදී..//
මුදු සීත හිම මුදුන් අතරින්
එබී බලනවා...හහ හා හා හා හහ හා...

මේ ලොවින් එ‍හා සිටන්
ඈත ලෝකයෙන් ඇවිත්...//
මුදු නීල පීත ලෝහිත පෑ
ඈත දිලෙනවා...හහ හා හා හා හහ හා...

රෑට තරු දහස් ගණන්
ඈත සුර පුරෙන් වැටී..//
අද රෑට අද රෑට අද රෑට දිලෙනවා...
හහ හා හා හා හහ හා...

ගීත රාවයෙන් සැලී
දෑත ආදරෙන් වෙලී..//
ඔබ කීව පෙම් කතා ඇසුරෙන්
ගීත මැවෙනවා...හහ හා හා හා හහ හා...

ඈත රන් විමන් දොරින්...//

ගායනය : ප්‍රියා සූරියසේන
පද රචනය : ප්‍රේමකීර්තිද අල්විස්
සංගීතය : ක්ලැරන්ස් විජේවර්ධන

දිළිඳුනේ දරුවනේ - ග්‍රේෂන් ආනන්ද | Dilidune daruwane - Greshan Ananda

අම්මා පෙව් කිරි කඳුලෙන් මේ ලොව මෙතරම් හැඩවුණේ...

දිළිඳුනේ දරුවනේ මගේ පැලෙත් රජ මැදුරේ //
අම්මා පෙව් කිරි කඳුලෙන් ‍මේ ලොව මෙතරම් හැඩවුණේ
හැඩ වෙවී රස පිරීතිරි ලොවක් නළවන සේ
අම්මා පෙව් කිරි කඳුලෙන් ‍මේ ලොව මෙතරම් හැඩවුණේ

කිරි තොල් හමුවේ ඔබ පෙවු කිරි වල
සිරුරේ ලේ වැල් මල් දැරුවා
ඒ පෙව් කිරි වල පව් අරවන්නට
අම්මේ මදි මම පිං කෙරුවා
ඔබගේම දරුවන් රජුන් කරන්නට
හැඬුවාය සිහිනෙන් පවා

දිළිඳුනේ දරුවනේ මගේ පැලෙත් රජ මැදුරේ
අම්මා පෙව් කිරි කඳුලෙන් ‍මේ ලොව මෙතරම් හැඩවුණේ
හැඩ වෙවී රස පිරීතිරි ලොවක් නළවන සේ

පුර හඳ පායන පුන් පෝ දා
රහසින් රහසින් ඔබ හැඬුවා
හිරු රැස් පායන හිමිදිරියේ
රහසින් රහසින් ඔබ හැඬුවා
ඉන්නා තැනක ඉඳ පුතුනේ කියා මට
අමතන්න එන්නම් සොයා

දිළිඳුනේ දරුවනේ මගේ පැලෙත් රජ මැදුරේ //
අම්මා පෙව් කිරි කඳුලෙන් ‍මේ ලොව මෙතරම් හැඩවුණේ
හැඩ වෙවී රස පිරීතිරි ලොවක් නළවන සේ
අම්මා පෙව් කිරි කඳුලෙන් මේ ලොව මෙතරම් හැඩවුණේ


ගායනය - ග්‍රේෂන් ආනන්ද
ගී පද - සෝමපාල ලීලානන්ද
සංගීතය - සෝමපාල රත්නායක


ඔබේ අතගෙන - රෝහණ සිරිවර්ධන | Obe atha gena - Rohana Siriwardena

ඔබේ අතගෙන පෙර සැඳෑවක
උයන් තෙර හිද ආදරෙන්..
ගැයූ කුළුදුල් ප්‍රේම ගීතය
විරහ ගීයක් නොවේවා...

ඔබේ හදවත සැලෙන රාවය
පවා මසිතට දැනුන මොහොතක...//
හදවතින් තෙපලූ කතා
කිසිදු දිනයක ගොළු නොවේවා...

ඔබේ අතගෙන...//

ඔබේ සිහිලැල් සුරැකි සෙවනේ
රැදී අප හුන් ඒ සැදෑවක..//
හදවතින් මතු වූ සිනා
කිසිදු දිනයක පුද නොවේවා...

ඔබේ අතගෙන...//

ගායනය : රෝහණ සිරිවර්ධන
පද රචනය : කුලරත්න ආරියවංශ
සංගීතය : රෝහණ වීරසිංහ

කවිය ඔබ - දීපිකා ප්‍රියදර්ශනී පීරිස් - Kaviya Oba - Deepika Priyadarshani Peiris - sinhala lyrics

කවිය ඔබ...තුන් තිස් පැයක්
නිඳි වරා වෙහෙසි..
සිත දෙගිඩියාවෙන් තවම නොලියු
කවිය ඔබ...

පද එකින් එක ලියවා
සිත කුරුටු ගා මැකුවා
ඔබ ලියූ කවි කියවා
මන් අසරණව උන්නා
යෞවනේ....
තනිකමක් දැනෙනා මොහොතක
සිත ඉකිගසා හැඩුවා

කවිය ඔබ...

හොර ඇහින් ඉඟි කරලා
සඳ මගෙන් සමු ගත්තා
කවි පොතම පොඩිකරලා
නිදියන්න මට සිතුනා
යෞවනේ....
අත ළඟින් හිඳිනා මොහොතක
දුර ඈත බව දැනුනා

කවිය ඔබ...

පද රචනය: සුනිල් ආර් ගමගේ
සංගීතය: රෝහණ වීරසිංහ
ගායනය: දීපිකා ප්‍රියදර්ශණී

රත්තරන් දුවේ අපේ - නන්දා මාලිනී, රෝහණ වීරසිංහ  | Raththaran duwe ape - Nanda Malini, Rohana Weerasinghe - sinhala lyrics


රත්තරන් දුවේ අපේ රත්තරන් දුවේ
ඔබයි දිවිය අර්ථවත් කලේ...
ගියදා පටන් ඉගිල කුරුළු කූඩුවෙන්
සංතෝෂයක් නැ හිතේ...//

ගියදා පටන් ඉගිල කුරුළු කූඩුවෙන්
සංතෝෂයක් නැ හිතේ...//

ඉගිළිලා ගියේ සමුගෙන අපේ කූඩුවෙන්
ඔබත් කූඩුවක් තනන්න නේ...
ඉගිළිලා ගොසින් තනපු කූඩුවත් අරන්
නැවත එන්න පියඹලා දුවේ....//

නැවත එන්න පියඹලා දුවේ...//
ඉගිළිලා ගොසින් තනපු කූඩුවත් අරන්
නැවත එන්න පියඹලා දුවේ...//
ඇවිත් යන්න එන්න සුදු දුවේ...

ගායනය : නන්දා මාලිනී සහ රෝහණ වීරසිංහ
පද රචනය : කාලෝ ෆොන්සේකා
සංගීතය : රෝහණ වීරසිංහ

අවසර නැත මට - මිල්ටන් මල්ලවආරච්චි | Awasara netha mata - Milton Mallawarachchi

අවසර නැත මට ඔබෙ අත ගන්නට
බෑමි බෑද ඈත ලොව සතර දෙසේ
එනමුදු උපදින හැම භවයකදිම
මතු ඔබ හිමි කර ගනිමි ලදේ

බඹරෙකු වන්නට නොහෑකිව ලතවෙන
මා අභියස ඔබ නෙලුම නොවේ
උල්පත වන්නට නොහැකිව ලතවෙන
මා අභියස ඔබ සයුර නොවේ

අවසර නැත මට...

ඔහු රිදවන්නට ඔහු හඩවන්නට
බැරිකම් මිස ඔබේ සිහින ලොවේ
ඔබ කැදවන්නට ඔබ සතපන්නට
මා හද තුල ඉඩ නැතිව නොවේ

අවසර නැත මට...

පද රචනය: ප්‍රේමකීරිති ද අල්විස්
සංගීතය: ක්ලැරන්ස් විජේවර්ධන
ගායනය: මිල්ටන් මල්ලවආරච්චි

සියපතක් පිපුණා...

සියපතක් පිපුණා පොකුණු තෙර
නිල් විලේ නිල් විලේ...
එක හිතින් පෙම් කලා නම් ඔබ
මට අගේ මට අගේ...//

නෙතින් නෙත හදුනා වරින් වර
හමුවෙලා අප හමුවෙලා
පැතුම් මල් විකසිත කරන්නට
වෙහෙසුනා අප වෙහෙසුනා..
මෙයද දෛවය මෙයද ඉරණම
වෙන්වුනා අප වෙන්වුනා..

සියපතක් පිපුණා...//

සසර මඟ හදුනා අතර මඟ
තනිවුනා අප තනිවුනා...
අත දුරක නොපිපී නෙලන්නට
බැරි වුනා මල් බැරි වුනා...
සුවඳ සුදු මල් නිබඳ පිදු පෙම
‍ගොළුවුනා පෙම ගොළුවුනා...

සියපතක් පිපුණා...//

පද රචනය : ධර්මරත්න පෙරේරා
සංගීතය : මහින්ද බණ්ඩාර

කඳුළු සුන්දරද - කිංස්ලි පීරිස් | Kaldulu sundarada - Kingsly Peiris


කඳුළු සුන්දරද
මාව හඬවන්නේ
ඔබට සතුටක්ද
කඳුළු දුටු මොහොතේ
කඳුළු සුන්දරද


සුන්දරයි කවිය
ඔබ ලියූ පෙමට
මටත් නොදැනීම
හැඬුනේ කවිකමට
එපා හඬවන්න මා
ආදරෙන් ඉන්න


කඳුළු සුන්දරද...


සියුම් වැඩිකමට
මගේ හදමඬල
පුංචි රිදුමකට
හැඬෙයි නොදැනීම
එපා හඬවන්න මා
ආදරෙන් ඉන්න


කඳුළු සුන්දරද...


ගායනය: කිංස්ලි පීරිස්

මා ලඟටම තව ලංවෙලා - ඩබ්ලිව් ඩී ආරියසිංහ

මා ලඟටම තව ලංවෙලා
ඉදින්න නිහඬ නුවන් පියා
මා සීතාවෝ සැතපෙන නින්දේ - නූපුර හෝ ප්‍රියේ..
පා සුළගිල්ලේ අද නම් අවදි නොවේ
කුසුම් කැකුළ නිදනා තුරා...

සඳගිරි පව්වේ පෙරදා සංසාරේ
සැතපුනු දා දුටු කින්නර පෙම් සිහිනේ..
මහලු වෙලා අද සඳ වාගේ
යෞවන රෑ සඳ බලාන උන්නාවේ..

මා ලඟටම තව...

කල්ප කාල යුග අප අතරින් ගෙවිලා
අපි යමු මේ රෑ අනාගතය සොයලා..
නල මුදු සුවඳේ නිදන මලේ
මට මල් රොනවුල් සුවඳ දැනේ ළදුනේ...

මා ලඟටම තව...

ලස්සන ඇස් දෙක ලඟ - කිංස්ලි පීරිස් | Lassana as deka langa - Kingsly Peiris


ලස්සන ඇස් දෙක ලඟ මොහොතක් නවතින්නට
අවසරදැයි කියන්න //
තරහද මගේ ඉල්ලීමට //

ඇවිලෙන හදවත තුළ දුක් ගින්දර නිවන්න //
පුළුවන් ඔය ඇස්දෙක හෙලනා එක බැල්මට //

ලස්සන ඇස් දෙක ලඟ...

සංසාරේ දුක කියන්න හැමදාමත් දුක අහන්න //
දවසක් දුක් නිවන්න දෙනවද ඔය සෙනෙහස //

ලස්සන ඇස් දෙක ලඟ...

ගායනය: කිංස්ලි පීරිස්

සුවඳ රෝස මල් කැකුළී

සුවඳ රෝස මල් කැකුළී
ඔය සුවඳට සිත බැදුනී
දුරට වෙලා ඉන්න බෑ තවත්
ලඟට ඇවිත් සිප ගන්නට දෙන්න මට ඉඩක් //

හමන සීත සැඩ සුළඟට පෙති හැකිලේවීදෝ බයයි //
මටත් කලින් වෙන බඹරෙක් රොන් ගෙනයයිදෝ සැකයි

සුවඳ රෝස මල් කැකුළී...

පමා වුණොත් ඔබ වැලපෙයි සිප ගන්නට මට නොමවෙයි //
අහිමි නොවූ සිනාසෙන්න මේ සිත ඔබ ලඟම තමයි

සුවඳ රෝස මල් කැකිළී...

ගායනය: නිමල් රංජිත්

හද හඬනා

හද හඬනා නිහඬ රැයේ
ඔබ මා හැර ගිය දවසේ
ඇසට කඳුළු ගලනවාද
මගේ තනිකම දැනෙනවාද //

නිදි යහනට යන්න ගියේ
ඔබ ගැන සිහි කරමිනුයි ප්‍රියේ
ඒ උනාට ඔබ පමණයි
සිහිනෙන් හෝ මට හිටියේ

හද හඬනා...

සීතල වැහි වැටෙන වෙලේ
තනි මට සීතලද දැනේ
මා හද ඉකි ගසන රැයේ
උණුසුම ඔබ පමණි ප්‍රියේ

හද හඬනා...

ගායනය: නිමල් රංජිත්

උදුම්බරා මනාලියේ

රුවින් උතුම් කුමාරියේ //
උදුම්බරා

අංජන මධු සුවඳ පැනින් රෑ සිරි වත දොවා
රංගන මනමාල බැලුම් දෑස කොනේ මවා
ඔබේ ලොවට මා ගෙන යන උදුම්බරා මනාලියේ
ප්‍රේම විමන් දොරටු වසන් රුවින් උතුම් කුමාරියේ

උදුම්බරා.....

කෝකිල රජ දහන් පවා හඩින් උමතු වෙලා
සීගිරි සුර දූත ලඳුන් හොරෙන් මුකුළු කලා
ඔබේ ලොවට මා ගෙන යන උදුම්බරා මනාලියේ
ප්‍රේම විමන් දොරටු වසන් රුවින් උතුම් කුමාරියේ

උදුම්බරා....

ගායනය - දයාරත්න රණතුංග
සංගීතය - සරත් දසනායක
ගී පද - උපාලි ධනවලවිතාන

සඳ තරු මල් - අතුල අධිකාරී, සමිතා මුදුන්කොටුව | Sanda tharu mal - Athula Adikari & Samitha Mudunkotuwa



සඳ තරු මල් මට දන් දුන්
මගේ රුසිරු නුඹ අරගන්..
හිරු තෙද වන් මට දන් දුන්
මගේ ඔටුනු නුඹ ලාගන්..
දායාද එයයි මගෙ දෝනිට - අප දෙන්නාගේ...

ගණ දෙවිඳුන් මට දන් දුන් ‍
මගේ නුවණ නුඹ අරගන්..
පතිනි මවුන් මට රැක දුන්
මගේ බලය නුඹ අරගන්..
දායාද එයයි මගෙ දෝනිට - අප දෙන්නාගේ...

සඳ තරු මල්...

ඇල දොල ගං මට දන් දුන්
හදේ සිසිල නුඹ අරගන්..
මහ වන විල් මට දන් දුන්
හිතේ සුවඳ නුඹ අරගන්..
දායාද එයයි මගෙ දෝනිට - අප දෙන්නාගේ...

සඳ තරු මල්...

ගායනය : අතුල අධිකාරි, සමිතා මුදුන්කොටුව
පද රචනය : රඹුක්කන සිද්ධාර්ථ හිමි
සංගීතය : රෝහණ වීරසිංහ

 

බෝ මළුවේ මල් - සනත් නන්දසිරි | Bo maluwe mal - Sanath Nandasiri


බෝ මළුවේ මල් සුවඳක පැටලී
අම්මා පෙව් කිරි සුවඳ ගලා එන්නේ
සුපුරුදු උණුහුමකට සිත ඈදී
ගේ දොර සෙල්ලම් පිටිය මතක් වෙන්නේ
දං බෝවිටියා කැලේ මැදින්
එන්න හිතයි නුඹ ලඟට සැනින්...

එතෙර කරන්නම් සතර වරිගයම
සංසාරේ යන මේ ගමනේ..
චුට්ටක් සෙල්ලම් කරලා එන්නද
පුරුදු යහළුවන් හා සැනිනේ...
එහෙම ගියත් ඒ අය පොඩි සාධු
කියා කියන විට වැද වැටිලා..
කොහොම අම්මේ ඔට්ටු දුවන්නේ
වෙල් ඉපනැල්ලේ පැන නටලා...

බෝ මළුවේ මල්....

භවයෙන් භවයේ පෙරුම් පුරා මම
බවුන් වඩා උපදින වාරේ..
දිනයක මතුදා හතර වරිගයම
එතෙර කරන්නම් සංසාරේ...
ඉන්පසු ඇවිදින් අම්මේ ඔබ ලඟ
ඉන්නම් කිරි සුව‍‍ඳේ එතිලා...
කොහොමද අම්මේ එහෙම කරන්නේ
අම්මත්... සසරින්... එතෙර වෙලා....

ගායනය : සනන් නන්දසිරි
පද රචනය : ප්‍රියානන්ද විජේසුන්දර
සංගීතය : සනත් නන්දසිරි

පිපුණු මලක හැඩ - ශාලිත අබේවික්‍රම | Pipuna malaka hada - Shalitha Abeywickrama


පිපුණු මලක හැඩ දෑස සලා
සිතුම් විහඟ කැල වසඟ කලා
මඟතොට රැදි නෙත් දහක් වසා
මතකද අපනෙත් කතා..කලා...

කවුරුද ඔබ මා...ඉන්නේ කොතැනා...
නොම විමසා පෙම ඉඟිමැරුවා..
සොඳුරු වසන්තෙක මොහොතක වෙලිලා
වෙන්වූවා අප සුසුම් දරා...

පිපුණු මලක හැඩ...

මතකේ මැවෙනා...පෙර රූ ඡායා...
හමුවේදෝ යලි සිත සනහා
ඔබෙ නමටයි මා පාරමි පුරණා
ඇසේවිදෝ මේ ගී මාලා...

පිපුණු මලක හැඩ...

පද රචනය : විපුල ධර්මප්‍රිය ජයසේකර
සංගීතය : ශාලිත අබේවික්‍රම

සුළගේ ලෙලෙනා - ශාලිත අබේවික්‍රම | Sulange lelena - Shalitha Abeywickrama


සුළගේ ලෙලෙනා මලසේ දඟපා
අප පාසල් ගිය කාලයේ
යාළුවො අද නැත - වෙන අය එහි ඇත
කාලය මැවූ වෙනසක අරුමේ

ලොකු පංතියෙ අය පොඩි පංතියෙ අය
හැමදෙන එක පංතියෙ විලසේ..//
අප පොත්වල දුටු රජවරු සිටුවරු
වෙන්නයි කවුරුත් සිත් මැවුවේ..

සුළගේ ලෙලෙනා...

සාම ලා අමරලා පොත්තුල තව ඇත
එන එන අය හා යාළු වෙතේ..//
අපේම පාසල අපේම මව විය
එදවස් අපහට නැත ආයේ...

සුළගේ ලෙලෙනා...

පද රචනය : විපුල ධර්මප්‍රිය ජයසේකර
සංගීතය : ශාලිත අබේවික්‍රම

මා සනසා මා නළවා - මර්වින් පෙරේරා | Ma sanasa - Mervin Perera

මා සනසා මා නළවා
සුරංගනාවක් හෙමින් ඇවිල්ලා හදේ ලැගුම් අයදියි
සුරංගනාවක් හෙමින් ඇවිල්ලා හදේ ලැගුම් අයදියි

විතක් මධු පෙරා ගෙනල්ලා සුරන් රවටලා
ඇසක් ඉඟිමරා රැගුම් පා මුවට යා කලා //
හැඟුම් තෙරපිලා දෝ හසුන් මුස වෙලා
සිහින ලොවක පාවේ සඳුන් සිහිල යාවේ

මා සනසා මා නළවා...

රැයක් නිදිමරා සරාගී ලවන් වෙහෙසිලා
යලිත් ඒන තුරා සුරංගී හිඳිමි මග බලා //
හෙටත් සඳ උදා වී රැයක් පැමිණිලා
සිහින ලොවට යාවී සුරඟ මා සොයාවී

මා සනසා මා නළවා...


ගායනය : මර්වින් පෙරේරා
සංගීතය : පුණ්‍යසිරි මහවත්ත
ගී පද : කේ ඩී කේ ධර්මවර්ධන

පෙම්බර මධු මගේ - වික්ටර් රත්නායක | Pembara madhu mage - Victor Rathnayaka

පෙම්බර මධු මගේ මා නැතේ ඔබෙන් මිදුනේ
සුරූපී දේහ විලාසේ මැවේ මැවේ නයනේ
පෙම්බර මධු මගේ //

ලොවෙහි ඈත අනන්තේ පැලක් තුලේ නොපෙනී
ඇතත් හොරෙන් හැන්ගීලා මගේ දුකත් නොදනී
අරන් එමී ඔබ කැන්දා ඇසිල්ලකින් පැමිණී
සුරූපී දේහ විලාසේ මැවේ මැවේ නයනේ
පෙම්බර මධු මගේ //

වඩාල දෝත පුරාලා පරවී කුමාරිය සේ
සුගන්ධ මල් යහනාවේ හොවා පෙමින් සිතුසේ
පවන් සලා ඔබ සනසා ලදැල්ලකින් සුවසේ
සුරූපී දේහ විලාසේ මැවේ මැවේ නයනේ
පෙම්බර මධු මගේ //

අපේම පාලු විමානේ නිසංසලේ සහනේ
අමා පැනින් මත්වීලා ඔබේ දෙතොල් බඳුනේ
විදින්නේමී රස මදිරා පෙරුම් පිරූ ලෙසිනේ
සුරූපී දේහ විලාසේ මැවේ මැවේ නයනේ
පෙම්බර මධු මගේ //

ගායනය : වික්ටර් රත්නායක
පද රචනය : කරුණාරත්න අබේසේකර
සංගීතය : පී එල් ඒ සෝමපාල

උන්මාදනී හැංගුණා - භාතිය, සංතුෂ් | Unmadini hanguna - Bhathiya, Santhush

උන්මාදනී හැංගුණා
අනුරාග දෑසින් බලා
සොඳුරුයි සුපෙම් ලෝචනා
නෑසෙයි නුඹේ ගායනා
දෙනුවන් සෙවූ අංගනා
රාධා මගේ අංජනා

මල් මී සුගන්ධේ නැළැවී වෙළී
මල්වැල් ගොතන්නී වෘන්දා වනේ
නිල්විල් තලාවේ කිමිදී මිදී
කොයිදැයි විදින්නේ සැන්දෑ සුවේ
රන්මිණි මෙවුල්දම් බිදෙනා වෙලේ
කෝ කොයිද රාධා උන්මාදනී

ගෝපීලියන් හා යමුනා තෙරේ
අවුදින් මුලා වූ රධා මගේ
වස්සානයේ ආ මේ කුළුවලින්
සංතාපයේ ලා පොද වෑහුනී
රන්මිණි මෙවුල්දම් බිදෙනා වෙලේ
කෝ කොයිද රාධා උන්මාදනී

උන්මාදනී හැංගුණා...

ගායනය: භාතිය සහ සංතුෂ්
පද රචනය: නිලාර් එම් කාසිම්
සංගීතය: භාතිය සහ සංතුෂ්

රඟහල දැන් ඇත අඩ අඳුරේ

රඟහල දැන් ඇත අඩ අඳුරේ
අපි දෙදෙනා පෙම් පිලිසඳරේ
අන්න බලන් කුමරිය මනමේ
තනිවී ඇත හිම ගිරි අරණේ..

දිරියෙන් යුධ කල ඔබ දුටු මොහොතේ
මගේ හද ගැබ තුළ ඇතිවිය ආලේ
නැතිමුත් රජ සැප හිමගිරි අරණේ
ඔබ හැර සැපතක් නැත අන් සරණේ

අවසන් වසරෙදි සරසවියේ
ඔබේ අත අරගෙන හන්තානේ
කඳු පාමුල මහවැලි හෙවනේ
හමුවූ කුමරිය ඔබද ලඳේ

හැඩිදැඩි සිරුරට ආලය හිතුනා
ඔබ හට අසිපත දෙන්නට සිතුනා
මනමේ කුමරුන් මරුමුව වැටුනා
දැන් මම රැජිනයි හිමගිරි අරණා

රඟහල දැන් ඇත අඩ අඳුරේ....

ගායනය: විජේරත්න වරකාගොඩ සහ අනුලා බුලත්සිංහල
පද රචනය: හඩ්සන් සමරසිංහ


ඔබ එන්න..

ඔබ එන්න..ඔබ ඇවිත් යන්න එන්න..
සෞම්‍ය සඳ සේමා..වත රූසිරි බෝමා..
සන්සුන් ගමනේ රූසිරි බෝමා
ආ..දරේ නොකියා...ඉන්නේ කොහොමා...
මගෙ රන්කඳට මම ආදරෙයි...//

ඔබ නොදැක බැරුවා..
ඔබ නැතිව බැරුවා..//
මඟ සොය සොයා - මුව සල සලා
සත්තකයි මං ඔබ එතැයි සිතුවා

ඔබ එන්න...

මම පෙරුම් පිරුවා..
ඔබ එතැයි සිතුවා..//
මඟ බල බලා - නෙතු දව දවා
රත්තරන් මං මග බලා සිටියා...

ඔබ එන්න...

පදරචනය : උපුල් ශාන්ත සන්නස්ගල
සංගීතය : සමන්ත පෙරේරා

දෑස පියාගත් කල...

දෑස පියාගත් කල මට මැවෙන්නෙ ඔබෙ රුව
ඈත කදුකරෙන් එන නල ගෙනෙන්නෙ ඔබෙ හඩ..//
කුමාරියේ...අමතක නොවේ....ලස්සන රුවේ...
සිත සැනසුවේ.....//

අතින් අත වෙලී වෙරළේ තනිවුනු මොහොතේ
ඈත නිම් වලල්ලේ නෙත් රැදවුනු මොහොතේ...//
සිත කැළඹුනේ - ඇයි නොම දැනේ...
කී දෙයක්ද අරුමයක් ද මට සිතාගන්න නොදී..

දෑස පියාගත් කල..

රළින් රළ හැපී පෙනකැටි විසිරෙනු දැකලා
නිම් නොවූ සිතේ සතුටින් හසරැල් පිපිලා...//
මතකය මගේ - අවදි වුනේ..
ඒ එදා‍ය මේ මෙදාය මට සිතාගන්න නොදී...

දෑස පියාගත් කල...

පදරචනය : සිඩ්නි චන්ද්‍රසේකර
සංගීතය : ක්ලැරන්ස් විජේවර්ධන

ගයා ගීතයන් ගමේ - සිසිර සේනාරත්න, ඉන්ද්‍රාණි සේනාරත්න

ගයා ගීතයන් ගමේ වෙල් එලියේ
දුව පැන ඇවිදලා සෙල්ලම් කලේ
ඈ සමගින් එදා ඒ මා තමා
අද නැතුවා ‍වගේ ඈ මේ ගමේ...//

ගුරුතුම දවසක් මා හට තැළුවා
දැක මට මතකයි ඈ හැඩුවා
මා අසනීපෙන් සිටි එම දවසේ
ඇඳ ලග ඈ මුළු රෑ සිටියා..

අපි දෙන්නයි එකට පාසල් ගියේ
ගස් සෙවනේ ඉදන් පාඩම් කලේ
ඈ සමගින් එදා ඒ මා තමා
අද නැතුවා වගේ ඈ මේ ගමේ

ගයා ගීතයන් ගමේ...

නාන වෙලේ මා රැල්ලට අසුවී
යන විට ඔහු විත් ගොඩ ගත්තේ
මා බොරුවට දවසක් තරහා වී
කෑම නොකයි ඔහු සිට ඇත්තේ

අපි දෙන්නයි එකට ‍එහෙ මෙහෙ ගියේ
උදයේ හවහේ සෙල්ලම් කලේ
ඔහු සමගින් එදා ඒ මා තමා
අද නැතුවා ‍වගේ ඈ මේ ගමේ...

ගයා ගීතයන් ගමේ....

‍‍‍‍‍පදරචනය : සිසිර සේනාරත්න
සංගීතය : සිසිර සේනාරත්න

සුළං කුරුල්ලෝ - හරූන් ලන්ත්‍රා | Sulan Kurullo Semin Igilli - Harun Lanthra - sinhala lyrics

සුළං කුරුල්ලෝ හෙමින් ඉගිල්ලී
මල් සුවදකි අර ගෙන එන්නේ..
ආදර උයනේ දොරටුව හැරගෙන
ඔච්චම් කරමින් පියඹන්නේ..//

සිහින පොතේ පිටුවක් පෙරලී ඇත
මොනවද එහි ලියැවී ඇත්තේ...//
ආදරේ...ආදරේ....
ආ..දරේ..

සුළං කුරුල්ලෝ...

මතක ලොවේ දොර අගුළු හැරී ඇත
මොනවද එහි හිරවී ඇත්තේ...//
ආදරේ...ආදරේ....
ආ..දරේ..

සුළං කුරුල්ලෝ...

ගායනය - හරූන් ලන්ත්‍රා
‍‍‍‍‍පදරචනය - ධර්මසිරි ගමගේ
සංගීතය - ප්‍රේමසිරි කේමදාස

“සැනසුම කොතැනද“ චිත්‍රපටයේ ගීතයක්

මලක මෙලෙක හිතාගන්න - අබේවර්ධන බාලසූරිය | Malaka meleka hithaganna - Abeywardena Balasuriya


මලක මෙලෙක හිතා ගන්න බැරි අතකින්
මල් නෙලන්න එපා යාළුවේ
හිතක මෙලෙක හිතා ගන්න බැරි හිතකින්
පෙම් කරන්න එපා යාළුවේ //

රුවට රුවේ මල් පිපුණට තරඟ වැදී මල් නෙළුවට //
මලට ආදරේ නැත්තම් මල් මිය යාවී
ලොවේ ආදරේ නොලැබුණු පෙති ගිලිහේවී

මලක මෙලෙක.....

ආදරයක් නැති අතකින් මල් නෙලන්න බැරි වෙන්නයි //
හිත ඉහළින් පොකුරු පොකුරු පෙම් මල් පිපුණේ
හිත ඉහළින් නෙලන්න බැරි පෙම් මල් පිපුණේ

මලක මෙලෙක.....

ගායනය : අබේවර්ධන බාලසූරිය
පද රචනය : රඹුකන සිද්ධාර්ථ හිමි
සංගීතය: රෝහණ වීරසිංහ

උපන් බිමට කිසිදා ගරහන්න එපා - මාලිනී බුලත්සිංහල | upan bimata kisida - Malini Bulathsinghala

උපන් බිමට කිසිදා ගරහන්න එපා
දෙමාපියන් අමතක කරලන්න එපා
සෙවන දුන් ගසේ අතු සිඳ ලන්න එපා
ගස සිඳුවා හිස සිඳුවා ගන්න එපා

වැදූ මවයි මිහිකතයි.. සමයි සිතාපන්නේ...
පියා නුඹේ නුඹ රටයි කියා සිතාපන්නේ...
ඉරේ සඳේ ගහ කොලේ උදාර වූ මහ කැලේ
මිනිස් අපේ උපතේ මුලයි සිතාපන්නේ

උපන් බිමට...

අහස් කුසට වැඩෙනා ගසක් බලාපන්නේ...
මවක් ලෙසට කරුණා ගුණය පතුරුවන්නේ
පොරෝ තලේ ටැක්ටරේ යොමා බිම හෙලන්නේ
මවක් ලෙසට සැලකූ ගසයි සිතාපන්නේ...

උපන් බිමට

ගායනය - විජය කුමාරතුංග සමග මාලිනී බුලත් සිංහල
පද රචනය -
සංගීතය -

ඈත කඳුකර හිමව් අරණේ - ඩබ්ලිව්. ඩී. අමරදේව | Etha Kandukara Himau Arane - W.D.Amaradewa - sinhala lyrics

ඈත කඳුකර හිමව් අරණේ
සීත චන්දන ලපලු සෙවනේ
සුළං රැල්ලේ පාව එන්නේ
ඔහුගෙ නාමය වේ...

සඳැල්ලේ මිණි තලාවේ
තාරකා පිපි වෙලාවේ..//
ලදැළියන්ගේ හීන අතරේ
මැවෙයි ඒ රූපේ...

ඈත කඳුකර..

රනින් කල වන් පුළුල් උරයෙන්..//
හසුන් ළමැදේ මුස කරන්නේ..
හදේ මෝරන ආදරේ...
සඳේ සොමි ගුණ යා කෙරේ...
හදේ මෝරන ආදරේ...
සඳේ සොමි ගුණ යා කෙරේ...
සරා ගී නිල් නුවන් බඳුනින්
නුරා ඉතිරෙන්නේ...

ඈත කඳුකර...

ගායනය - පණ්ඩිත් අමරදේව
පද රචනය - මහගමසේකර
සංගීතය - ආචාර්ය ලයනල් අල්ගම

සිහිල් සුළං රැල්ලේ - වික්ටර් රත්නායක | Sihil Sulan relle - Victor Rathnayaka

සිහිල් සුළං රැල්ලේ... ඔබේ සුවඳ මුසුවේ...
ආදරයේ මඳ සිනිඳු පහස ලැබ හදවත දළු සෙලවේ

සුදු වැලි කතරේ පිපුනු මල වගේ
ලොවුතුරු රස ගංගා
ඔබේ ආදරේ වරුසා වැහැලා
කතර දෙව් ලොවක් වේ

සිහිල් සුළං රැල්ලේ...

සීත හිමව්වේ කඳු ගැට අතරේ
සෙනෙහස දිය දහරා
ඈත හිමේ කඳු අතරේ පාවෙන
අමා සුවය පැතුවේ

සිහිල් සුළං රැල්ලේ...

ගායනය - විශාරද වික්ටර් රත්නායක
පද රචනය - සේන වීරසේකර
සංගීතය - විශාරද වික්ටර් රත්නායක


රෑ පැල් රකින - අබේවර්ධන බාලසූරිය | Re pel rakina - Abeywardena Balasuriya


රෑ පැල් රකින කුරහන් පැහෙනා හේනේ
මගෙ තනි නොතනියට නුඹවත් නැතුවානේ
හෙට දින නුඹත් දීගෙක ගිය පසු නෑනේ
මාසේ පෝය දා ‍වාගෙයි ගම්මානේ

එගොඩහ ගොඩේ ඉස්මත්තෙදි දුටුවාට
ඇළ කණ්ඩියේ ඉදගෙන අත වැනුවාට
මගෙ හිතු මනාපෙට මං බහ දුන්නාට
නාඩන් මස්සිනේ පෙර පින් නැතුවාට

හැදුවේ ගෙපැල මට තනියෙන් හිදින්නද
බාලේ ඉදන් බැදි ආලේ බිදින්නද
රෑ තුන්යමේ මේ හැටි දුක් ගෙවන්නද
සිහිනෙන් මිසක හැබැහින් එක් නොවන්නද

නෑනා නැතත් කල දවසක් ගෙවෙන්නයි
සිටු කුමරියක් කරකාරෙට ලැබෙන්නයි
පත්තිනි ගම්බාර දෙවියන් රකින්නයි
කුරහන් කපන දා මා සිහිකරයි

//ගායනය : අබේවර්ධන බාලසූරිය
//පද රචනය : අජන්තා රණසිංහ
//සංගීතය : සරත් දසනායක

පැන මඩ කඩිති - සුනිල් එදිරිසිංහ | Pena mada kadithi - Sunil Edirisinghe

පැන මඩකඩිති වැව් තාවලු වැහි කාලේ
පෙන්නා මග නොමග නොවැටී යන තාලේ
සිත් කිරි පෙවූ මූසිලයින් උඩු මාලේ
අපෙ ගුරුතුමා යයි තාමත් ඉස්කෝලේ

සාමා අමර විකුණති බස් පොලේ කජු
කුමා‍රෝද පිටු දන්දෙති එයින් මතු
උගත මනා ශිල්පය පිල් කඩ නොපැතූ
වේවැල වටා ඉකිබිඳ දඩුවමක් පැතූ

රන් මසු පටපිළී අභරණ උරන වෙලා
සමන් පිච්ච කැකුළිය ගෙයි මිලිණ වෙලා
තුරු නිවහනේ කඳුලට උල්පතක් වෙලා
ලොකු හාමි‍නේ ඇත බිතු සිතුවමක් වෙලා

පැන මඩකඩිති...//

පද රචනය : මහින්ද චන්ද්‍රසේකර
සංගීතය : රෝහණ වීරසිංහ

ගාන තෙල් සඳුන් වරලස...

ගාන තෙල් සඳුන් වරලස
පීරමින් බලන හැඩ රුව
නුඹම නොවෙද මට හිනැහුනු අහිංසකාවී///
කෝල මුතු සිනා දෙතොලහි
පිපුනු රන් ලමැද ගෝමර
නුඹම නොවෙද හිත රජවුනු මහේසිකාවී///

සඳ හිනැහී එන යාමෙට
සුදු සඳ රැස් විලට බහින
සුනිල පියුම් පෙති නෙළමින
මාල ගොතා ගෙලේ බඳින
නුඹම නොවෙද මට හිනැහුනු අහිංසකාවී
නුඹම නොවෙද හිත රජවුනු මහේසිකාවී...

වසන්තයේ හිරු හිනැහෙන
දිගන්තයේ මල් සුවඳින
දසන්තයේ සිත් පුබුදන
කාන්තියේ නෙත් දිදුලන
නුඹම නොවෙද මට හිනැහුනු අහිංසකාවී
නුඹම නොවෙද හිත රජවුනු මහේසිකාවී...

ගායනය - සමන් ජයනාත් ජිනදාස
පද රචනය - යසනාත් ධම්මික බණ්ඩාර
සංගීතය - නවරත්න ගමගේ

කඩ මණ්ඩියේ දොළ අයිනේ - නන්දා මාලිනී | Kada mandiye dola aine - Nanda Malini

කඩ මණ්ඩියේ දොළ අයිනේ නුඹව පෙනී
නැවතී බලනවා මොහොතක් කොහොම හරී
කතා නැතිව හිටියත් ගොළු වෙලා අපී
දාහක් දේ තිබේ කීමට බැරිව වැසී

ගහ කොළ වලට දාහක් ඇස් ඇති හින්දා
සුළඟට සියුම් දාහක් කන් ඇති හින්දා
කවදාවත්ම නුඹ මට නොලැබෙන හින්දා
මුනිවත හොඳයි දෙබසින් දුක වැඩි හින්දා

සයුර මොටද දිය දෝතක් බොන්න බැරී
ඔරුව මොටද වතුරේ පැද යන්න බැරී
දෑස මොටද සිතුසේ දැක ගන්න බැරී
කුසුම මොටද ලංවී රොන් ගන්න බැරී


ගායනය - විශාරද නන්දා මාලිනී
පද රචනය - සුනිල් ආරියරත්න
සංගීතය - එච්. එම්. ජයවර්ධන


හිරු විකසිත වී මියයන පොළවේ - අසංක ප්‍රියමන්ත පීරිස් | Hiru wikasitha wee - Asanka Priyamantha Peiris


හිරු විකසිත වී මියයන පොළවේ
එළිය අඳුර සම සමව බෙදයි
ගත පණ නළ වන් රුධිරය මවුගේ
කිරට හැරී කුසගිනි දුරලයි

සමුදු වදන් සවනත පාවේ
බිළිඳු ඔබේ තුරුලේ සැතපේ
ලෝකය බිහිකල මවුනේ මගේ
නුඹේ නමට මුළු ලොවම වඳී
හිරු විකසිත වී...

හදමඬලේ සෙනෙහස් කඳුලින්
සුදු බුදු රැස් විහිදුනි අහසේ
එවන් මහිමයක් ලොවට උදාකල
මවුනි ඔබට මුළු ලොවම ගැතියි

හිරු විකසිත වී...

ගායනය - අසංක ප්‍රියමන්ත පීරිස්
පද රචනය -
සංගීතය -

නැති බැරි මොහොතක පිහිටට ඉන්නේ

නැති බැරි මොහොතක පිහිටට ඉන්නේ
මව්නි පියාණනි ඔබ පමණයි
බුදුන් ලඟට අපගේ දුක දන්නේ
මව්නි පියාණනි ඔබ දෙපලයි

කල්ප ගණනකින් අප නුදුටුව මුත්
උණුසුම අඩු නැත ඔබේ කැදැල්ලේ
පරාජයෙන් අප අසරණ වූ දා
රැකවරණයි ඔබගේ සෙවනැල්ලේ

නැති බැරි මොහොතක...

අපේ නමට ඇස කඳුළු උනන්නේ
ඔබට පමණි මේ සිතිජ වලල්ලේ
සැබෑ පෙමත් සෙනෙහසත් ලබන්නේ
ඔබේ උතුම් නිය රැස් ගඟුලැල්ලේ

නැති බැරි මොහොතක...

ගායනය - රෝහණ වීරසිංහ
පද රචනය -
සංගීතය -

පායා නැගී ඒවි රන් තාරකා - කරුණාරත්න දිවුල්ගනේ | Paya nagi ewi - Karunarathna Divulgane

පායා නැගී ඒවි රන් තාරකා
මා හා සිනා වෙන්නෙ නෑ ආදරෙන්
දේදුන්න සේ ඈ මැකී වෙන්වෙලා
නාඬා ඉතින් ඉන්න සේපාලිකා..
සේපාලිකා//...

දෙනුවන් වැසී ඈත තරුනෙත් මැකී
තනිව හඬනා රැයේ හදට දී වේදනා
එක්වී ලගින් ඉන්න ලංවී සිනාසෙන්න
දුර ඈත සිට එන්න සේපාලිකා..
සේපාලිකා//...

රෑ මීදුවේ දිලුනු තරුමල් ලෙසේ
ඔබෙ නෙත් පහන් දැල්වුනේ හදට දී වේදනා
කඳුල පිස ලන්න සතුට තවරන්න
සුවඳක් ලෙසින් එන්න සේපාලිකා..
සේපාලිකා//...

ගායනය - කරුණාරත්න දිවුල්ගනේ
පද රචනය - උබේනන්ද දිසානායක
සංගීතය - සිරිල් පෙරේරා

ආදරෙයි මම ආදරෙයි - සිසිර සේනාරත්න, ඉන්ද්‍රාණි සේනාරත්න

නුහුරු නුපුරුදු රහස පිළිබඳ
මිහිර ආදරයයි කියා...//
පවුරු බැදගෙන ‍සිතක වැජබුනු
රසවතී නැ කොයි ගියා..//

ආදරෙයි මම ආදරෙයි..//
දම්මි තවමත් ආ..දරෙයි
මවා පියකරු සිහින සිතුවම්
මතුකලා රසබර හැගුම්
දයාවන්තය යොවුන් සිතුවිලි
රසකලා ඔබෙ නෙත් කැළුම්..//

ආදරෙයි මම ආදරෙයි
සුගත් තවමත් ආ..දරෙයි...//
අසිමත් ලෙස වැඩුනු දේදුනු
කළුවලා පෙම් යට වුනා
මිහිරියාවිය අනේ දවසක
ඔබේ හදවත ‍ගොළුවුනා..

ආදරෙයි මම ආදරෙයි..//
දම්මි තවමත් ආ..දරෙයි..
ආදරය එක අතක ප්‍රේමය
තව අතක මා නැති වුනා
සාගරය වැනි වේදනාවක
අ‍හෝ හිතවත තනිවුනා..

ආදරෙයි මම ආදරෙයි..//
සුගත් තවමත් ආ..දරෙයි
ආදරෙයි මම ආදරෙයි..//
දම්මි තවමත් ආ..දරෙයි

ආ..දරෙයි...///

පද රචනය : කරුණාසේන ජයලත්
සංගීතය : සිසිර සේනාරත්න

දිලි දිලි දිලිසේවි - එච්.ආර්. ජෝතිපාල | Dili dili dilisevi - HR Jothipala


දිලි දිලි දිලී සේවි ‍මා දෑසෙ ආලෝකෙ
දිලි දිලි දිලී සේවි ‍මා දෑසෙ ආලෝකෙ
කව්දෝ මාන බලන්නේ ඔබ ලඟ මා ඉන්නේ...
කව්දෝ මාන බලන්නේ ඔබ ලඟ මා ඉන්නේ...

හිතවත මේ ලෝකේ බොරුවෙන්ද ජයගන්නේ
හිතවත මේ ලෝකේ බොරුවෙන්ද ජයගන්නේ
සතුරා සමඟ සිනාසී මිතුරා සේ ඉන්නේ
සතුරා සමඟ සිනාසී මිතුරා සේ ඉන්නේ

ඇස්බැන්දුමක් වාගේ මේ ලෝ තලේ
මොහොතින් බිදී යාවී සිතු සෑමදේ...
අපගේ සිහින පාරුවේ පාවී
සයුරේ ඈත ජීවිතේ යාවී..
මල් වර වී යෞවනේ සල් වනේ ආදරේ..

දිලි දිලි දිලී සේවී...//

කව්දෝ මවා පාන මායාවකි
ඔබගේ ලගින් ඉන්නෙ ඡායාවකි
ඔහුගේ දෑස ඔබ සොයා යන්නේ
සැගවූ රහස නැ ප්‍රෙමේ දන්නේ
මල් වර වී යෞවනේ සල් වනේ ආදරේ..

දිලි දිලි දිලී සේවී...//
Related Posts Plugin for WordPress, Blogger...