ඉරුදින පමණක් නොව තව දසදහස් දිනක්
ඔබ හමුවන්නට ඇත්නම් එය මහත් පිනක්
අද ඔබ දැක පිය නැඟුවත් සිත යලිත් වරක්
හෙට වෙනතුරු පෙරුම් පුරයි නැත ඉමක් කොනක් //
සතියක් මාසයට හැරී අවුරුදු වන්නේ
එලෙසින් අපේ ආදරයේ දළු ලියලන්නේ
දවසින් දවසම හැඩ වී ඔබව පෙනෙන්නේ
ඔබව පෙනෙන්නේ
එනිසයි මා ඔබ දැකුමට හැමදා එන්නේ..
ඉරුදින පමණක් නොව තව දසදහස් දිනක්
ඔබ හමුවන්නට ඇත්නම් එය මහත් පිනක්
අද ඔබ දැක පිය නැඟුවත් සිත යලිත් වරක්
හෙට වෙනතුරු පෙරුම් පුරයි නැත ඉමක් කොනක්
දෙකොපුල් වල ගැසෙන ලෙසින් ඔබ හිනැහෙන්නේ
කිසිදා නැත ඔය මදහස අමතක වන්නේ
මහදේ උතුරන සෙනෙහස නැත නිම වන්නේ
නැත නිම වන්නේ
කෙදිනද ඔබ මගේ අත ගෙන පැල වෙත එන්නේ
ඉරුදින පමණක් නොව තව දසදහස් දිනක්
ඔබ හමුවන්නට ඇත්නම් එය මහත් පිනක්
අද ඔබ දැක පිය නැඟුවත් සිත යලිත් වරක්
හෙට වෙනතුරු පෙරුම් පුරයි නැත ඉමක් කොනක් //
ගායනය - අනිල් භාරතී
සංගීතය - උපේන්ද්‍ර ප්‍රනාන්දු
ගී පද - ප්‍රේමකීර්ති ද අල්විස්
වීඩියෝව ගත්තෙ මෙතනින් - ITN Sri Lanka
Comments
Post a Comment
දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...