ආනන්ද මේ රෑ - හරූන් ලන්ත්‍රා, සුජාතා අත්තනායක | Ananda me re - Haroon Lanthra, Sujatha Aththanayaka - sinhala lyrics

ආනන්ද මේ රෑ හරි හැඩයිනේ
කවුද පාවෙන මලක් වගෙයිනේ
ලෝකේ ඔයා සතු ලොකු වස්තුවක් වෙයි
මමනෙ සුහදේ ඒ පෙම් කුමාරී
ආනන්ද මේ රෑ හරි හැඩයිනේ

මාගේ සෙනේහේ
මල් පිපුණෙ අදනේ
නෑනේ නිවෙන්නේ
ආශාව මාගේ
නගරේ සියල්ලෝ නිදියාවි සුවසේ
ඒ මුත් සෙනේහේ නිදන්නෙ නැහැනේ
නගරේ සියල්ලෝ නිදියාවි සුවසේ
ඒ වාගේ ජීවිත බැඳේවි රහසේ.

ආනන්ද මේ රෑ හරී හැඩයිනේ

කියන්න වාගේ
අහන්න හැකි දේ
කියාවි දෙනෙතින්
ඔයාගෙ මිහිරේ
ඔබෙ සිතුම පැතුමයි මා සිතුවෙ පැතුවේ
ඔබ මාගෙ පිනටයි උපන්නෙ මෙලොවේ
ආලෝකෙ නගරේ ආලේට අපගේ
ආලෝකෙ දෙන්නේ සුබ මංගලම් වේ

ආනන්ද මේ රෑ හරී හැඩයිනේ


ගායනය - හරූන් ලන්ත්‍රා, සුජාතා අත්තනායක
සංගීතය - පී. එල්. ඒ. සෝමපාල
ගී පද - සිරිල් ඒ. සීලවිමල
‘සුදු දුව‘ (1966) චිත්‍රපටියෙන්




වීඩියෝව ගත්තෙ මෙතනින් - යුග යුග රැඳි යුග ගී