ඉර හඳ තරු මල් නොයෙකුත් දේ ගැන
ගී පද වැල්
නිතරම වයනා එෆ් එම් මහතුනි
හපුතල් කන්දට බර ගෙනියනකොට
සීපද කිය කිය ගොන්නු දැක්කුවට
සින්දුම වය වය
මිනිස්සුන්ව ගෙනියන්නෙ කොහාටද
ජාතික ගීය වැයෙනකොට
පපුව කෙලින් කරගෙන සමහර අය
කොච්චර නම් ආඩම්බර වෙනවද
ජාතික ගීය හැදූ මිනිසා
ජාතික ගීය නිසා
සියදිවි නසාගන්නකොට
වටේට හිටියේ අපිමද මගෙ සඳ
මේ අපේ පරිසරයයි
මට පේන දේ තමයි
මේ අපේ සංස්කෘතියයි
මට දැණෙන දේ තමයි
සාමයයි කාමයයි
දැවටෙන පුංචි රටයි
වෙස්සන්තර දරුවන් දුන්නා
තවත් අය තව දේ දුන්නා
දෙන්න දෙන්න ණය වැඩි රට මේකද
මේ අපේ පරිසරයයි
මට පේන දේ තමයි
මේ අපේ සංස්කෘතියයි
මට දැණෙන දේ තමයි
සාමයයි කාමයයි
දැවටෙන පුංචි රටයි
ගායනය, සංගීතය, ගී පද - අජිත් කුමාරසිරි
Comments
Post a Comment
දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...