සොයා ආවා - රිද්ම වීරවර්ධන | Soya awa - Ridma Weerawardena - sinhala lyrics



සදා කාලේ මා හදේ වීණා මවා පෑ සිනා
මගේ හීනේ මා සොයා ආවා පැතූ සේ එදා

කොයිද උපමා ලොවේ කිසිදා අසා නෑ මා
හදේ ඇඳුනා හිතේ රැඳුනා ඔබේ රුව මා


මගේ ගීතේ මා එදා කීවා හදේ පෑරෙණා
ඔබේ දෑසේ ගී පොතේ වූවා මගේ චේතනා

ඇයිද ගොළු වී බලා නොබලා සිනා පාලා
සොයා ආවා සොයා ආවා එදා මෙන් මා


දෑසෙ ලා සඳ රේඛා සිසිලේ නෑවේවා
මූණේ ගෑ ආලේපේ සොඳුරේ මා වේවා

ඉතිරේවා සැමදා සෙනේ මා පැතුවා හදින් සමාවී අසන්
අඳුරේ මා නොහෙලා ඉතින් සිනා පා ඉඳින් සදා මා ළඟින්


මගේ ගීතේ මා එදා කීවා හදේ පෑරෙණා
ඔබේ දෑසේ ගී පොතේ වූවා මගේ චේතනා

ඇයිද ගොළු වී බලා නොබලා සිනා පාලා
සොයා ආවා සොයා ආවා



ගායනය - රිද්ම වීරවර්ධන
සංගීතය - චරිත අත්තලගේ
ගී පද - චන්ද්‍රසේන තලංගම




වීඩියෝව ගත්තෙ මෙතනින් - Ridma Weerawardena

බිඳුණු පෙමක විරහ විරාමේ - පුන්සිරි සොයිසා, ස්වර්ණලතා කවීශ්වර | Bindunu pemaka wiraha wirame - Punsiri Soysa, Swarnalatha Kaweeshwara - sinhala lyrics


බිඳුණු පෙමක විරහ විරාමේ
හද හඬනා හඬ මට දැනුණේ
ඒ කඳුළු බිඳක ඔය රුව මැවුණේ
නිසල පෙමක උරුමය ලැබුණේ

සුසුමේ උණුසුම ලබමින් නෑ ළතවන්නේ
ඈත මතකයෙන් වෙන් වී මා ළඟ ඉන්නේ
හිත නෑ දැන් තනිවම ඉන්නේ
මැණිකේ මා ළඟ හිනැහෙන්නේ

බිඳුණු පෙමක විරහ විරාමේ
හද හඬනා හඬ මට දැනුණේ
ඒ කඳුළු බිඳක ඔය රුව මැවුණේ
නිසල පෙමක උරුමය ලැබුණේ

හද සෙවනේ සිසිල ලබා විඩා නිවන්නේ
මගේ පෙමිනි සුහද ඔබේ දිවිය නිවන්නේ
හද සෙවනේ සිසිල ලබන්නේ
ඔබේ පෙමිනි යලි උපදින්නේ

බිඳුණු පෙමක විරහ විරාමේ
හද හඬනා හඬ මට දැනුණේ
ඒ කඳුළු බිඳක ඔය රුව මැවුණේ
නිසල පෙමක උරුමය ලැබුණේ



ගායනය - පුන්සිරි සොයිසා, ස්වර්ණලතා කවීශ්වර
සංගීතය - ස්ටැන්ලි එම්. ප්‍රනාන්දු
ගී පද - කුසුම් පීරිස්




වීඩියෝව ගත්තෙ මෙතනින් - Indiketi Hewage Rohan Indika

ලොවම නිදන රාත්‍රියේ - නාමල් උඩුගම ‍| Lowama nidana rathriye - Namal Udugama

ලොවම නිදන රාත්‍රියේ
මා නොනිදන මේ රැයේ
සිහින ගෙනාවේ
සිහින ගෙනාවේ //

ඔබ මා හමුවී එදා
වෙන් නොවනා ලෙස කියා //
අප හදවත් එකට බැඳී
එලෙස ඉමු කියා

ලොවම නිදන රාත්‍රියේ
මා නොනිදන මේ රැයේ
සිහින ගෙනාවේ
සිහින ගෙනාවේ

මා අඳුරේ සඟවලා
ඔබ ඔහු සමගින් ගියා //
නැතිවද කුමරියේ ඔබට
මා මතක් වෙලා

ලොවම නිදන රාත්‍රියේ
මා නොනිදන මේ රැයේ
සිහින ගෙනාවේ
සිහින ගෙනාවේ //

සිහින ගෙනාවේ //



ගායනය, සංගීතය, ගී පද - නාමල් උඩුගම




වීඩියෝව ගත්තෙ මෙතනින් - Kanchana De Seram

හෙට නාඩගමේ මං (නාඩගම් ගීය) - රිද්ම වීරවර්ධන | Heta nadagame man (Nadagam Geeya) - Ridma Weerawardane - sinhala lyrics


හෙට නාඩගමේ මං රජාට අඳිනවා අජාසත්ත නාමෙන්
මුලු ගමේම අඟනුන් මට වහ වැටෙනවා බලාපල්ලා බොරුනම්
හෙට නාඩගමේ මං රජාට අඳිනවා අජාසත්ත නාමෙන්
මුලු ගමේම අඟනුන් මට හිත වැටෙනවා බලාපල්ලා බොරුනම්

දමා කඩුක්කන් ඔටුනු නළල්පටි කඩුව කරකවා සබයට එන හැටි
දමා කඩුක්කන් ඔටුනු නළල්පටි කඩුව කරකවා සබයට එන හැටි
බලාහිඳින අඟනුන් සත්තයි ආලේ බඳියි රහසින්
බලාහිඳින අඟනුන් ආලේ බඳියි රහසින්

පවර අජාසත් නිරිඳුන් මම වෙමි පියා නසා රජකම අරගන්නෙමි
පවර අජාසත් නිරිඳුන් මම වෙමි පියා නසා රජකම අරගන්නෙමි
කියා එද්දි ළඟ මං සත්තයි ආලේ බඳී අඟනුන්
කියා එද්දි ළඟ මං ආලේ බඳී අඟනුන්

හෙට නාඩගමේ මං රජාට අඳිනවා අජාසත්ත නාමෙන්
මුලු ගමේම අඟනුන් මට වහ වැටෙනවා බලාපල්ලා බොරුනම්
හෙට නාඩගමේ මං රජාට අඳිනවා අජාසත්ත නාමෙන්
මුලු ගමේම අඟනුන් මට හිත වැටෙනවා බලාපල්ලා බොරුනම්


ගායනය - රිද්ම වීරවර්ධන
සංගීතය - චරිත අත්තලගේ
ගී පද - චන්ද්‍රසේන තලංගම




වීඩියෝව ගත්තෙ මෙතනින් - Ridma Weerawardena


මගේ නේ - සූර්යා දයාරුවන් | Mage Ne - Soorya Dayaruwan - sinhala lyrics


ඕ...මේ රූ කාගේ දෝ..
සුරඟන දෑසක් දෝ..
හීනෙන් ආවාදෝ..
හැබැහින්ම දෝ
හුස්මට සමවීදෝ - දෙතොලේ පිරුනාදෝ..
මාගේ හදගැස්ම - ඔබ මාගේම දෝ..

ඕ..හිනැහෙන්න - ලංවෙන්න
අත් අල්ලගෙන ඉන්න - ආදරේ..මගේ නේ..//

ජීවිතේ පාරකී..තාරුකා ඇස් දෙකේ..
වැයෙනා ආදරේ...මගේ නේ..

සිහිනිඟ නැලවෙද්දි..
සීතල මල් වැස්සෙ..
සිතුවිලි රැලි සයුරෙ.. සසැලෙන්න..
සියුමැලි කන්පෙත්තෙ..
සතපා තොල්පෙත්ත..
සියොලඟ හැම රෑම..
කවි අතුරමි..

ඕ..හිනැහෙන්න - ලංවෙන්න
අත් අල්ලගෙන ඉන්න - ආදරේ...මගේ නේ..//

ඔය..නුඹේ සිනා කැන් කාගේ දෝ..
පෙම් හැඟුම් දැන් කාට දෝ..
මේ වසන්තේ කාගේ දෝ...මගේ නේ..
ඔය..නුඹේ සිනා කැන් කාගේ දෝ..
පෙම් හැඟුම් දැන් කාට දෝ..
මේ වසන්තේ කාගේ දෝ...මගේ නේ..

ගායනය : සූර්යා දයාරුවන්
පද රචනය : කසුන් මහේන්ද්‍ර හීනැටිගල
සංගීත සංයෝජනය : මංජුල බන්ඩාර


වීඩියෝව ගත්තෙ මෙතනින් - Guerilla Filmmakers

තනුවේ හින්දි කොපිය පහලින්....


Related Posts Plugin for WordPress, Blogger...