නෙත නෙතට හොරා - අමල් පෙරේරා | Netha nethata hora - Amal Perera

නෙත නෙතට හොරා
හද පතුල බලා
පද බැන්ද සුපෙම් කවියේ
නද තාල සිඳී පද පේලි බිඳී
සිත කෑලි කැඩී විසිරේ...

සඳ පෙනෙන රැයේ
ඔබ ළඟට වෙලා
මුදු හාදු ගෙලේ තවරයි
ඔබ කොහෙද කියා මේ තරු ඇසුවා
නිදි නැද්ද මගේ හදෙහී
නිදියන්න මගේ හදෙහී

ඔඛෙ සුවඳ රැයේ
මල් බිමට නැවේ
පිණි කැකුළු පවා හැකිලේ
මේ මතක විලේ තව එකම වරක්
හිනැහෙන්න මගේ පියුමී
හිනැහෙන්න මගේ පියුමී

නෙත නෙතට හොරා
හද පතුල බලා
පද බැන්ද සුපෙම් කවියේ
නද තාල සිඳී පද පේලි බිඳී
සිත කෑලි කැඩී විසිරේ

ගායනය / සංගීතය - අමල් පෙරේරා

හිතුවක්කාරී නුඹ නම් සොඳුර - අතුල සිල්වා | Hithuwakkari numba nam sondura - Athula Silva

හිතුවක්කාරී නුඹ නම් සොඳුර
හිතුවක්කාරයි නුඹ නම් තාමත් මහ වැස්සක් වාගේ
මුතු කැට වැස්සක් වාගේ වේ නම් සොඳුරී මේ දීගේ
හිතුවක්කාරී මෙතුවක් ඒ ගැන හිතලා නෑ වාගේ
බලහත්කාරෙන් ඉන්නට බෑ මට වාවාගෙන වේගේ
හිතුවක්කාරී මෙතුවක් ඒ ගැන හිතලා නෑ වාගේ
බලහත්කාරෙන් ඉන්නට බැහැ අනෙ වාවාගෙන වේගේ

බොරු අරුමෝසම් පමණට වැඩියෙන් ගෝචර නෑ නිතර
මෝසම් සුළගක් ආවොත් නුඹ නම් ගහගෙන යයි සොඳුර//
තාවකාලිකයි අහංකාරකම් කොන් වී යන අතර
සදාකාලිකයි දැහැමි චාම්කම ඉගෙන ගනින් සොඳුර

හිතුවක්කාරී නුඹ නම් සොඳුර....

සරුංගලේ ලස්සන දිස්වන්නේ උඩු ගුවනේ විතරයි
නූල ගැස්සුනොත් හදිසියෙන් හරි ඒ ලස්සන ඉවරයි//
ලස්සන කන්නද හිත ලස්සන නැති ගැහැණිය ගිණිකෙළියයි
හදවත ලස්සන ගැහැණිය ඇති තැන ලෝකෙම සැණකෙළියයි...

හිතුවක්කාරී නුඹ නම් සොඳුර....


ගායනය - අතුල සිල්වා
සංගීතය - සිරිල් පෙරේරා
ගී පද - කැළුම් ශ්‍රිමාල්



Dilnuwan Amaraweera

නිමා නොවෙන පෙම් හැඟුම් - මර්වින් පෙරේරා | Nima nowena pem hangum - Mervin Perera

නිමා නොවෙන පෙම් හැඟුම්
මහා සමුදුරක් ලෙසින්
ගෙඋයන් සීමා දොරින්
නික්ම යනු දුටිම් සොරෙන්
නික්ම යනු දුටිම්

පාළු රැයක ඈ අභියස හිඳිනා මොහොතේ පවා
කැදැල්ලෙන් මිදී සිතුවිලි සියොතුන්
නුරා ලවන් සොයා පියා සලා යයි

නිමා නොවෙන පෙම් හැඟුම්...

හද ගැඹරේ බැඳි සෙනෙහස බිඳකුදු නොමැකී ඇතේ
එනමුදු රන් රූ පරයන අඟනන්
නුරා නුවන් සොයා හැඟුම් පලා යයි

නිමා නොවෙන පෙම් හැඟුම්...



ගායනය / සංගීතය - මර්වින් පෙරේරා
ගී පද - ප්‍රේමකීර්ති ද අල්විස්


බඹරෙකු ඇඬුවා - නිරංජලා සරෝජිනී, අබේවර්ධන බාලසූරිය | Bambareku anduwa - Niranjala, Abeywardana

බඹරෙකු ඇඬුවා මලක් ළඟදි බඹරෙකු ඇඬුවා
ඇඬුවා... මලක් ළඟදි බඹරෙකු ඇඬුවා
ඇහේ කඳුලු ඇති ඒ බඹරිඳු දැක
අඬන්නෙ ඇයිදෝ මල ඇසුවා... මල ඇසුවා

ලන්ද එහා ඇති ඕවිට පාමුල
කේතකි මල මට බහ දුන්නා
කවුදෝ ඇවිදින් එ මල නෙලූ බව
ඉකිබිඳිමින් බඹරිඳු කීවා

බඹරෙකු ඇඬුවා මලක් ළඟදි බඹරෙකු ඇඬුවා
ඇඬුවා... මලක් ළඟදි බඹරෙකු ඇඬුවා

ඇහේ කඳුලු නොව හිතේ කඳුලු දැක
ඇයටත් හරියට දුක හිතුණා
එහෙනම් මා වෙත පියඹා එන්නයි
සෙනෙහෙ සිතින් ඒ මල කීවා


බඹරෙකු ඇඬුවා මලක් ළඟදි බඹරෙකු ඇඬුවා
ඇඬුවා... මලක් ළඟදි බඹරෙකු ඇඬුවා



ගායනය - නිරංජලා සරෝජිනී, අ‍බේවර්ධන බාලසූරිය
සංගීතය - ප්‍රේමසිරි කේමදාස
ගී පද - ප්‍රේමකීර්ති ද අල්විස්



අළුත් අනුවාදය - http://www.mediafire.com/?k3zz5zojmkw

හෙට අළුත් අළුයමක් - කසුන් කල්හාර | Heta aluth aluyamak - Kasun Kalhara

හෙට අළුත් අළුයමක්..
වෙන කවරදාකටත් වඩා
මිහිමත මල්...
පිපෙන දවසක්...
පුංචි කුමාරියක්
හිරිමල් හිනා අරන්
මග බල‍න් ඉන්න බවට
දුන් නිසා
පොරොන්දුවක්...

ඉරත් හැංගිලා
බලා හිඳී වලාකඳු යටින්
ලා හිරු කදම්බයක් හෙලා
අප හමුවීම කරන්න... ආලෝකමත්
අප හමුවීම කරන්න... ආ...ලෝකමත්...

සුළඟ ගල් ගැහී...
හමා නො ඒ
ඈත කඳු වෙතින්..
ලාපත් අහුරක් විසුරුවා
අප හමුවීම කරන්න... අසිරිමත්
අප හමුවීම කරන්න... අසිරිමත්...



ගියනය - කසුන් කල්හාර
ගී පද - චාමින්ද රත්නසූරිය
සංගීතය - රොමේන් මෙන්ඩිස්


මාරම්බරී - එඩ්වඩ් ජයකොඩි | Marambari - Edward Jayakodi

මාරම්බරී
කෝල වී පෑ මුවේ මන්දහාසේ
මන ලෝල වේ උන්මාද වී
මා හදා සෑම දා පුණ්‍යවන්තී
මාරම්බරී

හිතේ භෘංග සේනා කිපී රොන් මතින්
සොයන්නේ නුරා පැන් තිගේ මල් මුවින්
හිතේ භෘංග සේනා කිපී...
ආ..... ආ..... ආ......
හිතේ භෘංග සේනා කිපී රොන් මතින්
සොයන්නේ නුරා පැන් තිගේ මල් මුවින්
සනසාලනූ ඒ පිපාසා...

මාරම්බරී
කෝල වී පෑ මුවේ මන්දහාසේ
මන ලෝල වේ උන්මාද වී
මා හදා සෑම දා පුණ්‍යවන්තී
මාරම්බරී

ප්‍රභා රන් කැළුම් දී සලා නේත්‍රයන්
නිවාපන් ළඳේ චිත්ත පීඩා නොහිම්
ප නි ස රි
ප නි ස ග
නි ස ග ප නි ස නි ප ග ස නි
ප නි රි ස ස ග
ප නි නි ස ග රි රි රි ග රි ප ම ග රි ස නි
ම ග ස නි
ප්‍රභා රන් කැළුම් දී සලා නේත්‍රයන්
නිවාපන් ළඳේ චිත්ත පීඩා නොහිම්
රශ්මි දෙවා චන්ද්‍රයා සේ...

මාරම්බරී
කෝල වී පෑ මුවේ මන්දහාසේ
මන ලෝල වේ උන්මාද වී
මා හදා සෑම දා පුණ්‍යවන්තී
මාරම්බරී


ගායනය - එඩ්වඩ් ජයකොඩි
පද - කරුණාදාස සපුතන්ත්‍රී
සංගීතය - රෝහණ වීරසිංහ


විකසිත පෙම් - ඩබ්ලිව්. ඩී. අමරදේව | Vikasitha Pem - W. D. Amaradewa

විකසිත පෙම් පොකුරු පියුම්
ඔබේ පයට පොඩි වී ගියාදෙන්
පතිකුලයට අද මට පිටුපා යන
මගේ සොඳුරු ළඳුනේ
මගේ සොඳුරු ළඳුනේ...

හිතේ කඳුළු බිඳු රෑ තනි යහනේ
ඉහ ඉද්දර හිඳ ඉකි බිඳිනා සඳ
ආදර සැමරුම් ප්‍රේම පුරාණේ
ඔබට විරහ ගිනි නොගෙනේවා
ඔබට විරහ ගිනි නොගෙනේවා...

විකසිත පෙම්...

තනිකම රජයන පාලු විමානේ
ගොම්මන් කළුවර හඬා වැටෙද්දී
ඔබ දිවි අරණේ රුවන් විජිතයේ
මැණික් පහන් වැට දැල්වේවා
මැණික් පහන් වැට දැල්වේවා...

විකසිත පෙම්...


ගායනය - ඩබ්. ඩී. අමරදේව
පද රචනය - ආචාර්ය අජන්තා රණසිංහ
සංගීතය - ප්‍රේමසිරි කේමදාස


ඇසේ මතුවන - ඩබ්ලිව්. ඩී. අමරදේව | Ase Mathuwana - W. D. Amaradewa

ඇසේ මතුවන කදුළු බිඳු ගෙන
ඔබේ සිරිපා දොවන්නම්
හදේ නැලැවෙන කැලෑ මල් ගෙන
ඔබේ සිරිපා පුදන්නම්...//

කෙලෙස් මල පිරි නුවර අතහැ‍ර
බවුන් වඩනට වනේ වැඩි ඔබ //
සොයා ආවෙම් පොලෝ තලයේ...//
අනේ පිහිටක් නොමැති වූ විට

ඇසේ මතුවන කදුළු බිඳු ගෙන...

ඉහල නිල්වන් අහස ‍විනිවිද
නැගෙන ඔබගේ යෝධ බුදු බණ //
මගේ නෙත සිත මෝහනය කර...//
මගේ කුදුබ‍ව පසක් කර ඇත

ඇසේ මතුවන කදුළු බිඳු ගෙන...


ගායනය - ඩබ්. ඩී. අමරදේව
පද රචනය - මහගම සේකර
සංගීතය - ඩබ්. ඩී. අමරදේව


ඉලන්දාරියෝ - සංඛ දිනෙත් සමඟින් ගයනි මධූෂා | illandariyo - Sanka Dineth with Gayani Madhusha

පුංචි වදේ රංචු ගැහෙන හීන මල් සොයා..
සමනල තටු සලා සෙමින් හිත ඉඟිලගියා..
හොරෙන් හොරෙන් අඩි තිය තිය හදවතක් පුරා...
ඉලන්දාරියෝ සෙල්ලම් කරනවද ඔයා...//

හිනාසෙන් එපා ඔහොම හිතම පැටලුනා
නුපුරුදු නොදැනුන සුවඳක් හිතේ නැවතුනා..
මතකෙට එන හැම මොහොතෙම හුස්ම හිරවුනා..
මට මා ගැන අමතකවුනු දවස් වැඩි වුනා...
මට මා ගැන අමතකවුනු දවස් වැඩි වුනා...

පුංචි වදේ රංචු ගැහෙන....//

හිත රිදවන කතා ගොතා කියන්නට එපා...
මගේ කඳුළු මට වැඩි නැ සිඹින්නට එපා...
අහසින් තරු කඩා වැටී හිතන්නට එපා..
ඔයා සඳක් ඒ අහසින් වැටෙන්නට එපා..
ඔයා සඳක් ඒ අහසින් වැටෙන්නට එපා...

පුංචි වදේ රංචු ගැහෙන....//

ගායනය : සංඛ දිනෙත් සමඟින් ගයනි මධූෂා
පද රචනය : සමන් එදිරිමුනි
සංගීතය : තිලිණ රුහුණගේ


Related Posts Plugin for WordPress, Blogger...