වහල සෙවිළි කල පොල් අතු ගසකිනි ගත්තේ
අහරට බත වී කරළක සැඟවී ඇත්තේ
පවසට දිය දෝත තිබේ වතුර කඩිත්තේ
ගිමනට සිහිලැල් සෙවණද ගස යට ඇත්තේ
පාළුව මැකුණේ නිරතුරු කුරුළු ගීයටයි
සාමය සම්පත රැඳුණේ කුරුළු කූඩුවෙයි
සුළං රැළින් හදට හුස්ම පොද පොද සැපයෙයි
එයින්ම ජීවත්වන්නෝ ඒ ගැන නොසිතයි
වහල සෙවිළි කල පොල් අතු ගසකිනි ගත්තේ...
මැවූ කෙනෙකු මැවූ තැනක් කිසිවෙකු නොදනී
සැදූ ගසක් කපා දමා මිනිසෙකු හිනැහෙයි
මිනිස් පයට පෑගීලා තණපත් මිය යයි
හෙටත් අළුත් දළු ලියලයි සොබා දම එයයි
වහල සෙවිළි කල පොල් අතු ගසකිනි ගත්තේ...
ගායනය, සංගීතය - ස්වර්ණලතා කවීෂ්වර
ගී පද - ප්‍රේමකීර්ති ද අල්විස්
Comments
Post a Comment
දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...