මේ සයුරු මානේ - රාජ් වික්‍රමසිංහ | Me sayuru mane - Raj Wickramasinghe - sinhala lyrics

මේ සයුරු මානේ මා තනිවෙලා
මේ සයුරු මානේ මා තනිවෙලා
මේ නැව්තලේ සිරවෙලා
මා පාළුවේ තනිවෙලා
හද වේදනා නොදී සඳේ
සැඟවෙන් නිශා තලාවේ
මේ සයුරු මානේ මා තනිවෙලා

සීත සුළඟේ පාව එන්නේ සුවඳයි මතකයේ
හසුනක සැඟවී මා හඬවාලා මුමුණයි හඬ ඔබේ
දින දින ගෙවිලා පැතුමන් ලියලා ඉවසුම් නෑ සිතේ
කවදා කෙලෙසින් ඔබ වෙත එන්නේ වද දෙයි සිත මගේ
ප්‍රාර්ථනාවන් ලියවෙයි දෑසේ කඳුලින් ජීවිතේ

සීත මීදුම් පේන මානේ කිඳුරන් ගී ඇසේ
තාරකා මල් පිපෙන විමානේ ඔබගේ රුව මැවේ
දහසක් බාධා අතරින් මිදිලා සැනසුම් සොය සොයා
සිත සතපවනා නැව්තොට පෙනිලා ආශා පිබිදුනේ
මිනිසෙකු වනු මිස දෙවියෙකු නොව මා වටහා ගනු මැනේ

මේ සයුරු මානේ මා තනිවෙලා
මේ සයුරු මානේ මා තනිවෙලා
මේ නැව්තලේ සිරවෙලා
මා පාළුවේ තනිවෙලා
හද වේදනා නොදී සඳේ
සැඟවෙන් නිශා තලාවේ
මේ සයුරු මානේ මා තනිවෙලා


ගායනය - රාජ් වික්‍රමසිංහ



වීඩියෝව ගත්තෙ මෙතනින් - prabuddha chamara

කව්ද ඔබ කව්රුන්දෝ - එච්. ආර්. ජෝතිපාල | Kawda oba kawrundo - HR Jothipala - sinhala lyrics

කව්ද ඔබ කව්රුන්දෝ
මලක පිණි බිඳුවක්දෝ
නිහඬ වීලා මන්දෝ
පවසන්නෙ මොනවාදෝ
සිතුවාට නැත සිතෙන්නේ
කව්ද ඔබ කව්රුන්දෝ
මලක පිණි බිඳුවක්දෝ

මදහාස බැල්මෙන් තී
මා මත් මත් කරන්නේ
ඇයි කල්පනාවෙන් මෙන්
නැද්ද නෙත් සලන්නේ

සඳ පායලා ආ ඒ
ඔබදෝ වසන්තේ
සැළලිහිනි ගී පිළිරැව්
හඬදෝ දසන්තේ
එදා සීගිරියේහී
ඇඳුණු රුවක්දෝ
රුවක්දෝ රුවක්දෝ රුවක්දෝ

කව්ද ඔබ කව්රුන්දෝ
මලක පිණි බිඳුවක්දෝ
සිතුවාට නැත සිතෙන්නේ
කව්ද ඔබ කව්රුන්දෝ
මලක පිණි බිඳුවක්දෝ

වලාකුල වගේ පීරූ
හිස පිරිමදින්නම්
නෙලා ඕලු මානෙල් මල්
ගෙල පළඳවන්නම්

මගේ ආදරේ සතුටින්
පිළිගන්නවානම්
උදේ මෙන් දිවා රෑ මං
පණ සේ රකින්නම්
හිතාගන්න බෑ තාමත්
ඔබ කාගේ කව්දෝ
කව්දෝ කව්දෝ කව්දෝ

කව්ද ඔබ කව්රුන්දෝ
මලක පිණි බිඳුවක්දෝ
නිහඬ වීලා මන්දෝ
පවසන්නෙ මොනවාදෝ
සිතුවාට නැත සිතෙන්නේ
කව්ද ඔබ කව්රුන්දෝ
මලක පිණි බිඳුවක්දෝ


ගායනය - එච්. ආර්. ජෝතිපාල
සංගීතය - පී.එල්.ඒ. සෝමපාල
ගී පද - ප්‍රේමකීර්ති ද අල්විස්
ශාන්ති (1974) චිත්‍රපටියෙන්




වීඩියෝව ගත්තෙ මෙතනින් - Amaraneeya JOTHI

පුංචි කාලේ අපි - බන්දුල විජේවීර ‍| Punchi Kale Api - Bandula Wijeyweera - sinhala lyrics

පුංචි කාලේ අපි සිංදු කියපු හැටි
පැංචියෙ මට මතකයි...
පුංචි පැටික්කිට වෙච්චි පොරොන්දුව
ඉරහඳ වගෙ මතකයි...//

ඉන්දුමතී නුඹෙ ලස්සන හැඬ රුව
මගේ හිතේ ඇදිලා..//
රුවට රුවක් නැත නුඹෙ රුව වාගේ
මෙච්චර කල් දැකලා..//

පුංචි කාලේ අපි...

නැන්දලා මාමලා කඳමළු අරගෙන
එනවාලු ලේලි බලන්..//
ඇවැස්ස නෑකන් කියාන ආදෙන්
බහක් නොදී ඉදපන්...//

පුංචි කාලේ අපි...

රංචු පිටින් නුඹ කැන්දන් යන්නට
ඒවී නොයා ඉදපන්..//
මංගල මොහොතට තැලිපිලි අරගෙන
ලඟදිම මං එන්නම්..//

පුංචි කාලේ අපි...

ගායනය : බන්දුල විජේවීර
පද රචනය : චන්ද්‍රදාස රාජපක්ෂ
සංගීතය : බන්දුල විජේවීර



වීඩියෝව ගත්තෙ මෙතනින් - Derana Videos

මේ පාළු සීත රාත්‍රියේ - චන්ද්‍රලේඛා පෙරේරා | Me Palu Seetha Rathriye - Chandraleka Perera - sinhala lyrics


මේ පාළු සීත රාත්‍රියේ..
කියාදෙන්න රහසින්..
ප්‍රේමය නම් කිමැයි කියා...//

නිදිමත තරුකැට කඩාවැටේ..
ඉඩදී අඳුරට අහස්තලේ...
සඳ මල මිලිණව බලා හිදී..
දකිනතුරා අඩ නුවන් අපේ..

සඟවා ළය මත - ඔබෙ වත රහසින්
කියාදෙන්න ලංවී..ප්‍රේමය නම් කිමැයි කියා..

මේ පාළු සීත රාත්‍රියේ...

ගහකොල නිසලව බලා හිදී..
පවන් රොදක සිහිලසින් මිදී..
පිණිකඳුලැලි කැට කඩා වැටේ..
ඇහෙන තුරා පෙම්වදන් අපේ..

සුසුමක් සුසුමට ලංකර රහසින්
කියාදෙන්න ලංවී...ප්‍රේමය නම් මෙයැයි කියා...

මේ පාළු සීත රාත්‍රියේ...

ගායනය : චන්ද්‍රලේඛා පෙරේරා
පද රචනය : ප්‍රියානන්ද විජේසුන්දර
සංගීතය : සමන් කුඹුකගේ


වීඩියෝව ගත්තෙ මෙතනින් - TV Derana 

කුලගෙදරින් - බන්දුල විජේවීර | Kulagedarin - Bandula Wijeyweera - sinhala lyrics


කුලගෙදරින් දුම්බර කඳුවැටියේ...[පතිකුලයට අද]
කැන්දන් එනවා දුම්බර මැණිකේ..
මනුකුල සිරිතට පතිකුලයට අද
කැන්දන් එනවා දුම්බර මැණිකේ..//

වන ලන්දෙ හැංඟුනු මූණු පොඩ්ඩක්
කෝල වෙයි ගම් මණ්ඩියේ
ගහ වැල් පිපී සුවඳින් පිරී අද
පෙම් කෙලී වැව් කණ්ඩියේ...//

වාසනාවන් හරි වාසනාවන්...////

කුලගෙදරින්...

දඹ රත්තරන් හැඩදා සොදින් කල
රූපයක් හැඟුමක් වගේ
ඔහෙ ඇස් වහක් නැත හෝ වහක් නැත
ආකාහේ තරුවක් වගේ..//

වාසනාවන් හරි වාසනාවන්...////

කුලගෙදරින්...

ගායනය : බන්දුල විජේවීර
පද රචනය : මහාචාර්ය සුනිල් ආරියරත්න
සංගීතය : ආචාර්ය වික්ටර් රත්නායක

හුලවාලි“ චිත්‍රපටයේ ගීතයක්


වීඩියෝව ගත්තෙ මෙතනින් - Thanuja Dhananjaya

සකිය සඟව්වට රෝදය - රෝහණ බැද්දගේ | Sakiya Sagawwata Rodaya - Rohana Baddage - sinhala lyrics


හෝ හෝ..............හේයි....!

හෝ හෝ හෝ හෝ හෝ හොහෝ.. [තදෙන තනා]
හෝ හෝ හෝ හෝ හෝ හොහෝ.. [තෙයිතන තනා]

සසඳ සසඳ දිය පල්ලේ තිබෙයි අල
- දියපල්ලේ තිබෙයි අල [දෙයියන්ගේ පිහිටයි]
සසඳ සසඳ දිය මතුපිට තිබෙයි කොල
- දියමතුපිට තිබෙයි කොල [ගලෙලි හඥයි]

වැස්සට පිණි බබා මෝරන කැකුළු මල [හා..හෝ..]
මස්ටකයින්ට මුතු කුඩයකි නෙළුම් මල [තම්දෙන තනා]
මස්ටකයින්ට මුතු කුඩයකි නෙළුම් මල

සකිය සගව්වට රෝදය කැරකෙනවා..
සසඳ සසඳ අපි මහපාරේ යනවා..
සකිය සගව්වට රෝදය කැරකෙනවා..
සසඳ සසඳ අපි මහපාරේ යනවා..

සසඳ සසඳ සඳ පානේ අපි යනවා
- සඳ පානේ අපි යනවා [දෙයියන්ගේ පිහිටයි]
මක්කොලි බඳට ගොන් බානක් බැඳයනවා
- ගොම්බානක් බැදයනවා [ගලෙලි හඥයි ]

සකිය සගව්වට රෝදය කැරකෙනවා [හා..හෝ..]
දත් කැකුලට නාරම්මල ලත වෙනවා [තම්දෙන තනා]
දත් කැකුලට නාරම්මල ලත වෙනවා

සකිය සගව්වට රෝදය කැරකෙනවා..
සසඳ සසඳ අපි මහපාරේ යනවා..
සකිය සගව්වට රෝදය කැරකෙනවා..
සසඳ සසඳ අපි මහපාරේ යනවා..

සසඳ සසඳ සඳ පොබයන සාවුන්ට
- සඳ පොබයන සාවුන්ට [දෙයියන්ගේ පිහිටයි]
මක්කොලි බඳට දුටු විගසට ගිරවුන්ට
- දුටු විගසට ගිරවුන්ට [ගලෙලි හඥයි]

පදින සැරේ.....රොන් ගෙන යන බඹරුන්ට [හා..හෝ..]
වර ටිකිරෝ සත් සමුදුර පීනන්ට [තම්දෙන තනා]
වර ටිකිරෝ සත් සමුදුර පීනන්ට

සකිය සගව්වටට රෝදය කැරකෙනවා..
සසඳ සසඳ අපි මහපාරේ යනවා..
සකිය සගව්වට රෝදය කැරකෙනවා..
සසඳ සසඳ අපි මහපාරේ යනවා..////


ගායනය, සංගීතය - රෝහණ බැද්දගේ

[පාරම්පරික කරත්ත කවි අශ්‍රයෙනි]



වීඩියෝව ගත්තෙ මෙතනින් - kell supun

Related Posts Plugin for WordPress, Blogger...