නිදි නැති රැය පුරාවට - සේනක බටගොඩ, සෙරීනා වීනස් බටගොඩ | Nidi nathi reya purawata - Senaka Batagoda, Serena Venus - sinhala lyrics

නිදි නැති රැය පුරාවට කිසි නිමක් නැති
සිතිවිලි සයුරටත් වැඩි මිස අඩුත් නැති
අවසානයේ දී ඒ හැම බොඳ මීදුමක් සේ
ඈතට පාවි පාවි ගිය හැටි මතකයි

ජිවිතයේ මේ විදියට ප්‍රාර්ථනා පුරවාගෙන
කාලය තුල දිව යනවා
කල කී දේවල් පමණක් පසු පස වාගෙ දැනෙනව
සෙවනැල්ලක් වගේ

විටකදි නොසිතු දේ විටකදි ළඟා වෙති
එලෙසම සමහරක් දේවල් ඈත් වෙති
අවසානයේ දී ඒ හැම බොඳ මීදුමක් සේ
ඈතට පාවි පාවි ගිය හැටි මතකයි

ජිවිතයේ මේ විදියට ප්‍රාර්ථනා පුරවාගෙන
කාලය තුල දිව යනවා
කල කී දේවල් පමණක් පසු පස වාගෙ දැනෙනව
සෙවනැල්ලක් වගේ //


ගායනය - සේනක බටගොඩ, සෙරීනා වීනස් බටගොඩ
සංගීතය, ගී පද - සේනක බටගොඩ



වීඩියෝව ගත්තෙ මෙතනින් - Senaka Batagoda

ගඟුලේ බිඳෙන හීන - දීපිකා ප්‍රියදර්ශනී | Gangule bindena heena - Deepika Priyadarshani - sinhala lyrics

ගඟුලේ බිඳෙන හීන හිනා මගේ
වදුලේ ඇසෙන මිහිරි කතා මගේ

පෙම පිදූ නොසංගා හී දැරූ අනංගා //

ඔබ ළඟින් රුවක් ලෙසින් හිඳිම්
කුල ගෙය දෙව් ලොව සදිසි
ගඟුලේ බිඳෙන හීන හිනා මගේ


තිසර තුඩග ලෙලෙන පියුම වාගේ
වෙලෙමි විඳිමි නිබඳ ඔබගෙ ආලේ //

ඔබ හා ආ මේ මං පෙත මාගේ //
ගම්දොර අහස වසන සරා සඳම වූයේ
ගඟුලේ බිඳෙන හීන හිනා මගේ


ගහට වැලට හැඬුම නොමැත ආයේ
සුළඟ විලස රැඳෙමි පෙනෙන මානේ //

මේ රජ දානේ බිළිඳෙකු දෑසේ //
හිමියෙනි කෙදින සිනහ ඉතිරෙද සිරියානේ

ගඟුලේ බිඳෙන හීන හිනා මගේ
වදුලේ ඇසෙන මිහිරි කතා මගේ

පෙම පිදූ නොසංගා හී දැරූ අනංගා //

ඔබ ළඟින් රුවක් ලෙසින් හිඳිම්
කුල ගෙය දෙව් ලොව සදිසි
ගඟුලේ බිඳෙන හීන හිනා මගේ


ගායනය - දීපිකා ප්‍රියදර්ශනී
සංගීතය - රෝහණ වීරසිංහ
ගී පද - බන්දුල නානායක්කාරවසම්




වීඩියෝව ගත්තෙ මෙතනින් - Evoke Music

බැබලීම වගෙම - කරුණාරත්න දිවුල්ගනේ | Babaleema wagema - Karunarathna Divulgane - sinhala lyrics

බැබලීම වගෙම බැසයාම අයිති සඳටයි
පිබිදීම වගෙම පරවීම අයිති මලටයි
හැමදාම වගෙම මම තාම අයිති නුඹටයි

‍රැවටෙන්න වගෙම රවටන්න හිතක් නැතී
හංගන්න වගෙම පෙන්වන්න කිසිත් නැතී
නුඹ දන්න තරම් මගෙ හිත
වෙන දන්න කෙනෙකු
ලොව මට හමුවෙලා නැතී

බැබලීම වගෙම බැසයාම අයිති සඳටයි
පිබිදීම වගෙම පරවීම අයිති මලටයි
හැමදාම වගෙම මම තාම අයිති නුඹටයි

හිමිවන්න කියා හමුවන්න හිතක් නැතී
පිංවන්ත හිතේ විඳවන්න දුකක් නැතී
අදහන්න නමුත් හැකි වෙද
නුඹ දුන්නේ නැතත්
නුඹේ හිත මගෙ ළඟම ඇතී

බැබලීම වගෙම බැසයාම අයිති සඳටයි
පිබිදීම වගෙම පරවීම අයිති මලටයි
හැමදාම වගෙම මම තාම අයිති නුඹටයි


ගායනය - කරුණාරත්න දිවුල්ගනේ
සංගීතය - කරුණාරත්න දිවුල්ගනේ
ගී පද - යමුනා මාලනී පෙරේරා





වීඩියෝව ගත්තෙ මෙතනින් - Nish Fernando

තරහක් නෑ අදත් - හර්ෂ ධනෝෂ් | Tharahak Na Adath - Harsha Dhanosh - sinhala lyrics



තරහක් නෑ අදත් තුන් හිතේ වත් මගේ
හිමිකම් නැති නිසා අපි අපෙන් වෙන්වුනා..
මා හෙට මළත් - එහෙමමයි ආදරේ..
මේ තරම්වත් නුඹයි මාව ජීවත් කලේ..//

හීන තිබුනේ නෑ පෙර මාගේ ලෝකයේ..
නොකියා නුඹ ඇවිත් දුන්නාම ආදරේ..
වරදේ පැටලිලා - හිතුමතේ පෙම් කළා..
මා හිස්හදේ සෙනෙහේ ඉතිරුනේ..

මා හෙට මළත් - එහෙමමයි ආදරේ..
මේ තරම්වත් නුඹයි මාව ජීවත් කලේ..

ආයෙමත් පරාද වූ මේ ජීවිතේ..
නොකියා ඇයි ගියේ අද ඔහුගේ උණුහුමේ..
නිකරුනේ ලංවෙලා - උපරිමේ පෙම්කලා
මේ වේදනා තිබුන දෙන් ගොළුවෙලා..

මා හෙට මළත් - එහෙමමයි ආදරේ..
මේ තරම්වත් නුඹයි මාව ජීවත් කලේ..

තරහක් නෑ අදත්...

ගායනය : හර්ෂ ධනෝෂ්
පද රචනය : Reru
සංගීතය : චන්දන වල්පොල


වීඩියෝව ගත්තෙ මෙතනින් - Hiru TV Music 

අනන්තයට යනවාමයි - සේනක බටගොඩ | Ananthayata Yanawamai - Senaka Batagoda - sinhala lyrics

සිහින මවන්නැති අහස උසට තනියම
ළංවෙන්න වෙන්න ඇයි සමහර දුර
ඇහෙන දකින දේවල් කොතරම් තිබුණට
හදට දැනෙන දේවල් ඇයි එතරම් බර

සිරවෙලා නැවතිලා නැතිනම් සීමාවක
නිදහසේ ඉගිලිලා යමු එක රෑනක

සෑම දෙයම නිමවිය හැක නිමේෂයක
එහෙම උනෝතින් මොනව හිතන්නද
සිහින විමන්වල කවුළු පියන් හැරුනම
අනන්තයට යනවාමයි ඒ මොහොතෙම

සිරවෙලා නැවතිලා නැතිනම් සීමාවක
නිදහසේ ඉගිලිලා යමු එක රෑනක

සිරවෙලා නැවතිලා නැතිනම් සීමාවක
නිදහසේ ඉගිලිලා යමු එක රෑනක


ගායනය, සංගීතය, ගී පද - සේනක බටගොඩ




වීඩියෝව ගත්තෙ මෙතනින් - Senaka Batagoda

හිම කඳු අතරින් - ඩබ්.ඩී. අමරදේව | Hima kandu atharin - WD Amaradewa - sinhala lyrics

හිම කඳු අතරින් පාවී එන්නේ
නීල වලාවේ පැහැය දරා
දඟකාර ඔබේ ඔය නෙත් මිණි දල්වා
බලන්න මා දෙස මඳහස පාලා
බලන්න මා දෙස මඳහස පාලා

මිහි බට සුර කුමරියක් ලෙසින්නේ
ලැසි ගමනින් පා සළඹ සලන්නේ //
මුව සඟවා ලූ සළුව මුදා හැර
බලන්න මා දෙස මඳහස පාලා
බලන්න මා දෙස මඳහස පාලා

එරන්දතී සුකුමාල ළඳුන්නේ
දිගු වරලස සුදු මල් ගවසන්නේ //
දෑත නඟා නිල් වරල උනා යළි
බලන්න මා දෙස මඳහස පාලා
බලන්න මා දෙස මඳහස පාලා

හිම කඳු අතරින් පාවී එන්නේ
නීල වලාවේ පැහැය දරා
දඟකාර ඔබේ ඔය නෙත් මිණි දල්වා
බලන්න මා දෙස මඳහස පාලා
බලන්න මා දෙස මඳහස පාලා

ගායනය, සංගීතය - ඩබ්.ඩී. අමරදේව
ගී පද - සරත් අමුණුගම





වීඩියෝව ගත්තෙ මෙතනින් - Sinhala Song

සල් සපු නා - එච්. ආර්. ජෝතිපාල | Sal Sapu Na - H.R.Jothipala - sinhala lyrics

සල් සපු නා - නිල් මහනෙල්..
කුමුදු සමන් - මල් අතරේ..//
කිඩාරම් මලේ පවා..සුවඳ දිග හැරේ..
කිඩාරම් මලේ පවා..සුවඳ දිග හැරේ..

පළිඟු රුවන් මිණිමුතු මෙන් පහන් දිලෙනවා..
එබඳු පහන් අඳුරු විමන් පහන් කරනවා..
වැලිතලේ - සැඟවිලා - රුවන් හැදෙනවා..
එය හැඟී නෙත මගේ කඳුළු සලනවා..

සල් සපු නා - නිල් මහනෙල්..

වීණාවෙන් බිළිඳු තතින් මිහිරි ස්වර වැයේ..
සුපෙම් හැඟුම් උපද්දවයි දුගී වුව ළයේ..
කළු වළා - වල පවා - රිදී ඉරි තියේ..
කිමද මේ නියදහම් අමතක ව ගියේ..

සල් සපු නා - නිල් මහනෙල්..

ගායනය : එච්. ආර්. ජෝතිපාල
පද රචනය : කරුණාරත්න අබේසේකර
සංගීතය : සරත් දසනායක

“සංගීතා“ (1975) චිත්‍රපටයෙනි



වීඩියෝව ගත්තෙ මෙතනින් - menakasanjee

හීන තිබුනට කෝටියක් (බොර වෙලා) - ෂයාමෙන් දංගමුව | Heena Thibuna Kotiyak (Bora Wela) - Shyamen Dangamuwa - sinhlala lyrics


බොරවෙලා දියවෙලා
ගලනවා ඔහෙ කානුවේ..
හොදත් නෑ නරකකුත් නෑ
මුකුත් නෑ මේ ජීවිතේ...
හීන තිබුනට කෝටියක්
අතේ නෑ එක රුපියලක්...//

හිනාවෙන්නට බලන් හිටියට..
සැපක් ගැන හිත පෙරුම්පිරුවට..
අනුන්ගේ සැප බලෙන් උදුරන්..
අපේ කරගත්තොත් මිසක්..

අදත් නෑ හෙටත් නෑ - අපිට සැපතක් ලැබෙන්නෑ..//
හීන තිබුනට කෝටියක් - අතේ නෑ එක රුපියලක්...//

ආදරේ හදපුරා දිව්වට
කිතිකැවී හිත බලන් හිටියට
දුන්න උදුරන් මල්සරාගෙන්
අපිම විදගත්තොත් මිසක්

අදත් නෑ හෙටත් නෑ - අපිට ආදරේ ලැබෙන්නෑ..//

කොරවෙලා දියවෙලා..

ගායනය : ෂ්‍යාමෙන් දංගමුව
පද රචනය : සද්ධාමංගල සූරියබණ්ඩාර
සංගීතය : දිනේෂ් දිසානායක

“හාර කෝටිය“ ටෙලිනාට්‍යයේ තේමා ගීතය


වීඩියෝව ගත්තෙ මෙතනින් - Swarnavahini TV 

ආශාවරී - කල්පන නයනමධු | Ashawari - Kalpana Nayanamadu - sinhala lyrics



ආදර අඹරෝරෙදී ඔබ මා මඟ හැරගියදා..
කඳුලැලි සයුරෝරෙහි කාලය ගිලිහී ගියා..
මේ සඳකැල්මවත් මගෙ දුක දැක්කනම් එදා..
විදවන්න තිබුනා මට ඔබ සිහිකර මෙදා..

අශාවරී ඔබේ නම පවා - මියුරුයි කියා සිතුවත් මෙදා..
අශාවරී ඔබ ඒ තරම් වියරුයි කියා - සිතන්න වත් මට බෑ මෙදා..

ලස්සන දවසක සවසක හමුවී ඒ විසිතුරු උයනේ..
උණුසුම විද විද සුවසේ පෙරලී අද මා තුරුලේ..
හිනැහුනු - තරමට ඔබ අගෙයි..
වත මා ලඟ මුත් හිත ඈතක රැදුනේ..

අශාවරී ඔබේ නම පවා - මියුරුයි කියා සිතුවත් මෙදා..
අශාවරී ඔබ ඒ තරම් වියරුයි කියා - සිතන්න වත් මට බෑ මෙදා..

අවරට යන හිරු සඳ වාගෙම දෝ මා දුටුවේ..
වෙරලට එන රළ ආපසු යන බව නෑ දුටුවේ..
පහසම - පමණද පැතුවේ..
මා අත අත්හැර අතින් අතට යනෙනා ලදුනේ..

අශාවරී ඔබේ නම පවා - මියුරුයි කියා සිතුවත් මෙදා..
අශාවරී ඔබ ඒ තරම් වියරුයි කියා - සිතන්න වත් මට බෑ මෙදා..

ගායනය : කල්ප නයනමඩු
පද රචනය : කැළුම් ශ්‍රීමාල්
සංගීතය : ඉරාජ් වීරරත්න, පසන් ලියනගේ



වීඩියෝව ගත්තෙ මෙතනින් - IRAJ


Related Posts Plugin for WordPress, Blogger...