සඳ මුවා වෙලා වැහි වලාවකින් - සංගීත් වික්‍රමසිංහ | Sanda muwa wela - Sangeeth Wickramasinghe - sinhala lyrics

සඳ මුවා වෙලා වැහි වලාවකින්
වාගෙයි ඔබෙ වත මේ ගිණි ධන කතරේ
ඔබ සැඟවී හෙලනා මුදු සිනා කැළුම්
සදා නිදන් වූ සුසුමෙකි හද පතුලේ //

ඉර හඳ විතරද කැළුම් දකින්නේ
මැදුරට රිංගා කවුළු දොරින්
මටත් හිතයි එන්නට සඳ රැස් අතරින්
හෙට සිඳුණත් මාගෙ ගෙල අසිපතකින්

සඳ මුවා වෙලා වැහි වලාවකින්
වාගෙයි ඔබෙ වත මේ ගිණි ධන කතරේ
ඔබ සැඟවී හෙලනා මුදු සිනා කැළුම්
සදා නිදන් වූ සුසුමෙකි හද පතුලේ

සුර කුමරිය ඔබ මේ සහරාවේ
හිම වත හංගා කළු සළුවෙන්
හද දුන් දෙවියන්ටත් එය නොඇසේනම්
ඔබ හඬනා දුක ලොවට හොරෙන්

සඳ මුවා වෙලා වැහි වලාවකින්
වාගෙයි ඔබෙ වත මේ ගිණි ධන කතරේ
ඔබ සැඟවී හෙලනා මුදු සිනා කැළුම්
සදා නිදන් වූ සුසුමෙකි හද පතුලේ //


ගායනය, සංගීතය - සංගීත් වික්‍රමසිංහ




වීඩියෝව ගත්තෙ මෙතනින් - Dileepa Godage

ඉහත යූ ටියුබ් වීඩියෝවේ සම්පූර්ණ ගීතය නැහැ. එය මෙතනින් අහන්න පුළුවන්.

කිරි වැදුණු ගොයම මෙන්න පැහීලා - උපාලි කන්නංගර | Kiri wadunu goyama menna paheela - Upali Kannangara - sinhala lyrics

කිරි වැදුණු ගොයම මෙන්න පැහීලා
නියර දිගේ පෙළට වරෙල්ලා
තම දෙවියෝ සිහි කරපල්ලා
රන් දෑකැති අතට ගනිල්ලා

මෙදා කුඹුර සරුයි නගේ
අටුකොටු ටික පිරෙයි මලේ
නෙළුම් කවිය දැන් කියපල්ලා //

කිරි වැදුණු ගොයම මෙන්න පැහීලා
නියර දිගේ පෙළට වරෙල්ලා
තම දෙවියෝ සිහි කරපල්ලා
රන් දෑකැති අතට ගනිල්ලා

තම දෙවියෝ සිහි කරගෙන
කරල් අහුරු පීරාගෙන
රන් දෑකැති අතට ගනිල්ලා //


ගිරව් ගියේ නෑ හඳ හාවො ගියේ නෑ
බොල් අහුරක් නෑ කට වහක් වැදී නෑ
ගං වතුරක් නෑ සැඩ හැළඟක් හෙම නෑ
කිසි සැකයක් නෑ මෙදා අඟ හිඟයක් නෑ

කවුද කවුද රන්මලියේ
මඩ ගෑවේ උඹෙ නෙරියේ
විහිළු තහළු හෙට තියපල්ලා //

කිරි වැදුණු ගොයම මෙන්න පැහීලා
නියර දිගේ පෙළට වරෙල්ලා
තම දෙවියෝ සිහි කරපල්ලා
රන් දෑකැති අතට ගනිල්ලා

මෙදා කුඹුර සරුයි නගේ
අටුකොටු ටික පිරෙයි මලේ
නෙළුම් කවිය දැන් කියපල්ලා //


කට ඇදවෙන්නේ ඇස් නටවෙන්නේ
පද පැටලෙන්නේ ඉතින් මොකද කරන්නේ
පුංචි නිලමෙලා යසෝ මැණිකෙලා
කෙතට ගොඩ වෙලා වැඩේ මඩ කලා

කළු මැණිකා බැඳි කොණ්ඩේ
ඇයි කොල්ලෝ උඹ ඇද්දේ
ඒ කෙල්ලගෙ ඇස් රතුවෙනවා //

කිරි වැදුණු ගොයම මෙන්න පැහීලා
නියර දිගේ පෙළට වරෙල්ලා
තම දෙවියෝ සිහි කරපල්ලා
රන් දෑකැති අතට ගනිල්ලා

මෙදා කුඹුර සරුයි නගේ
අටුකොටු ටික පිරෙයි මලේ
නෙළුම් කවිය දැන් කියපල්ලා ////


ගායනය, සංගීතය - උපාලි කන්නංගර



වීඩියෝව ගත්තෙ මෙතනින් - Live Musical Shows in Sri Lanka

පායා ආ සඳ - මිල්ටන් මල්ලවාරච්චි | Paaya aa sanda - Milton Mallawarachchi - sinhala lyrics

පායා ආ සඳ අඳුරු වළාවෙන්
මා ඉදිරියෙදිම වැසුනා
සෝකය තාපය පාළුව අතරේ
ඉකිබිඳ හැඬුවා ඇසුණා
පායා ආ සඳ අඳුරු වළාවෙන්
මා ඉදිරියෙදිම වැසුනා

හද විමනේ බිතු සිතුවම්
කිලිටි කළේ ඔබෙ දෑතයි //
නොපැතු වියෝගයෙ මහ වරුසාවෙන්
දෑත දෙපය මගෙ සීතයි
දෑත දෙපය මගෙ සීතයි

පායා ආ සඳ අඳුරු වළාවෙන්
මා ඉදිරියෙදිම වැසුනා

ඔබ පැමිණී ඔබම ගියා
නැවතුණ තැන මම ඉන්නම් //
මගෙ සහයෝගය පතන වෙලාවේ
කොහි සිට හෝ යළි එන්නම්
කොහි සිට හෝ යළි එන්නම්

පායා ආ සඳ අඳුරු වළාවෙන්
මා ඉදිරියෙදිම වැසුනා
සෝකය තාපය පාළුව අතරේ
ඉකිබිඳ හැඬුවා ඇසුණා
පායා ආ සඳ අඳුරු වළාවෙන්
මා ඉදිරියෙදිම වැසුනා


ගායනය - මිල්ටන් මල්ලවාරච්චි
සංගීතය - රංජිත් ඩයස්



වීඩියෝව ගත්තෙ මෙතනින් - SaGa

නිල් අහසට ගිණි තියන්න - දිමුතු කාලිංග | Nil ahasata gini thiyanna - Dimuthu Kalinga - sinhala lyrics

නිල් අහසට ගිණි තියන්න
මට කියන්නේ ඇයි කියන්න
රන් තරු කැට ගෙනත් දෙන්න
මට කියන්නේ ඇයි කියන්න
ජීවිතේ තුන් මංසල ළඟ නැවතී
ආදරයට අත වනාවී

ඉර ගියාම සඳ හොරකම්කරන් එන්න
ආදරයෙන් කියනවා මට අහන් ඉන්න
පාට පාට ලෝකෙක සුව විඳින්න
ලාබයි ආදරේ අරගෙන බලන්න

සඳට හොරා සඳ පිණි දිය යට තෙමෙන්න
ආකාසෙන් ඈත එපිට ඉගිල යන්න
හීන නොදුටු දෑසක රූ අඳින්න
ලාබයි ආදරේ අරගෙන බලන්න

නිල් අහසට ගිණි තියන්න
මට කියන්නේ ඇයි කියන්න
රන් තරු කැට ගෙනත් දෙන්න
මට කියන්නේ ඇයි කියන්න
ජීවිතේ තුන් මංසල ළඟ නැවතී
ආදරයට අත වනාවී


ගායනය, සංගීතය, ගී පද - දිමුතු කාලිංග



වීඩියෝව ගත්තෙ මෙතනින් - Music.lk

සඳේ එන්නම් ඔබේ ලෙනටා - රූපා ඉන්දුමතී | Sande ennam obe lenata - Roopa Indumathi - sinhala lyrics

සඳේ එන්නම් ඔබේ ලෙනටා
සිසාරා නිල් ගුවන් ගැබටා
සඳුන් තිලකා කිරෙන් දොවලා
දමන්නම් මල් දමක් ගොතලා //
සඳේ එන්නම් ඔබේ ලෙනටා

මගේ සෝතාප සංකාවෝ
නිවාලා දෙන්න මා සමිඳේ //
පුෂ්පයන් මාරුතේ ගිලිලා
මැරී යයි කා හටත් නොකියා
මැරී යයි කා හටත් නොකියා

සඳේ එන්නම් ඔබේ ලෙනටා
සිසාරා නිල් ගුවන් ගැබටා
සඳුන් තිලකා කිරෙන් දොවලා
දමන්නම් මල් දමක් ගොතලා
සඳේ එන්නම් ඔබේ ලෙනටා

මලානික මාගෙ හඳ අඹරේ
දිලේවා පුන් සඳක් විලසේ //
රන් විලේ සෞම්‍ය හඳපානේ
මැවේ ඡායා මගේ හර්දේ
මැවේ ඡායා මගේ හර්දේ

සඳේ එන්නම් ඔබේ ලෙනටා
සිසාරා නිල් ගුවන් ගැබටා
සඳුන් තිලකා කිරෙන් දොවලා
දමන්නම් මල් දමක් ගොතලා //
සඳේ එන්නම් ඔබේ ලෙනටා


ගායනය - රූපා ඉන්දුමතී



වීඩියෝව ගත්තෙ මෙතනින් - Periwinklelk(ApArnA)

මිහිමඬලේ අඳුරු කුසේ - නන්දා මාලනී | Mihimadale Anduru Kuse - Nanda Malani



මිහි මඬලේ අඳුරු කුසේ
දිය උල්පත අම්මා..
අහස් තලෙන් මරු කතරට
වහින වැස්ස අම්මා..
නිල් දෙරණේ තුරුලිය මත
මල් සම්පත අම්මා..
තුරුලිය මත පිපි කුසුමේ
ඵල සම්පත අම්මා...

සිය දහසක් නෙක ලෝදා
එළිය කරන අම්මා..
සොලොස් කලා පිරි පුරහඳ
එළිය කරන අම්මා...

මිහි මඬලේ අඳුරු කුසේ...

සඳ නැති රෑ සක්වල තරු
එළිය කරන අම්මා...
උදා ගිරෙන් ලොවට වඩින..
ලහිරු මඬල අම්මා...

මිහි මඬලේ අඳුරු කුසේ...

ගායනය : නන්දා මාලනී
පද රචනය :ඩබ්ලිව් ඒ. අබේසිංහ
සංගීතය : ප්‍රේමසිරි කේමදාස

හිම මීදුම් වලාකුලේ - අතුල ශ්‍රී ගමගේ ‍| Hima meedum walakule - Athula Sri Gamage - sinhala lyrics

හිම මීදුම් වලාකුලේ
මගේ වේදනා අරන් ගියේ
දෑසත් හඬවා වත මිලින වෙලා
මගෙ කඳුලැලි ඇයි ඔබ දෑස දරා
සොයා එන්න මට වරම් නැතේ

පුරහඳ පෑයු පින්බර මුහුණේ
සුරතල් පෑවා මැවී පෙනේ
ළංකරගන්නට මසිත හඬද්දී
ළංකරගන්නට මසිත හඬද්දී
මා සනසන්නට වෙර දැරුවා

හිම මීදුම් වලාකුලේ
මගේ වේදනා අරන් ගියේ
දෑසත් හඬවා වත මිලින වෙලා
මගෙ කඳුලැලි ඇයි ඔබ දෑස දරා
සොයා එන්න මට වරම් නැතේ

ඔහු අතගෙන ඔබ පියමැන යද්දී
මගේ ලොවක මා තනිවූවා
අහිමි පෙමක් හමුවේ මා පැරදී
අහිමි පෙමක් හමුවේ මා පැරදී
එනමුදු ඔබ අත වැරදි නැතේ

හිම මීදුම් වලාකුලේ
මගේ වේදනා අරන් ගියේ
දෑසත් හඬවා වත මිලින වෙලා
මගෙ කඳුලැලි ඇයි ඔබ දෑස දරා
සොයා එන්න මට වරම් නැතේ


ගායනය - අතුල ශ්‍රී ගමගේ




වීඩියෝව ගත්තෙ මෙතනින් - Indiketi Hewage Rohan Indika

තරුණ සිතට රිදුම් දිදී - ඉන්ද්‍රජිත් දොලමුල්ල | Tharuna sithata ridum didi - Indrajith Dolamulla - sinhala lyrics

තරුණ සිතට රිදුම් දිදී
නොඉන් පාළුවේ
බිඳුණු පෙමට කඳුළු සලා
කුමට යාළුවේ
ඇයි ලතැවෙන්නේ
සිනා වෙයන්නේ //

දේදුන්නේ ලියූ පෙම් පත
සේදී බොඳ වීලා
රෑ පින්නේ තැබූ පියවර
සලකුණු වියැකීලා
නැගුව උදානේ පෙම් රජදහනේ
සිඳී බිඳී යන දවසේ කුමට තැවෙන්නේ
පලක් නොවන්නේ

තරුණ සිතට රිදුම් දිදී
නොඉන් පාළුවේ
බිඳුණු පෙමට කඳුළු සලා
කුමට යාළුවේ
ඇයි ලතැවෙන්නේ
සිනා වෙයන්නේ

ඇගේ ගෙලේ පළඳන්නට
ඇමිණුව තරු මාලේ
ඉබේ ලිහී විසිරී ඇත
සඳ යහන් ගැබේ
නැගුව උදානේ පෙම් රජදහනේ
සිඳී බිඳී යන දවසේ කුමට තැවෙන්නේ
පලක් නොවන්නේ

තරුණ සිතට රිදුම් දිදී
නොඉන් පාළුවේ
බිඳුණු පෙමට කඳුළු සලා
කුමට යාළුවේ
ඇයි ලතැවෙන්නේ
සිනා වෙයන්නේ //

සිනා වෙයන්නේ ///


ගායනය - ඉන්ද්‍රජිත් දොලමුල්ල




වීඩියෝව ගත්තෙ මෙතනින් - Eranga thalpawila

කඳුකරයේ සීතලේ - ක්ලැරන්ස් විජේවර්ධන, ඉන්ද්‍රාණි පෙරේරා | Kandukaraye seethale - Clarance Wijewardhana, Indrani Perera - sinhala lyrics




කඳුකරයේ සීතලේ
මීදුම් තිර යා කෙරේ
හඳුනා හද ආදරේ
ගෙවමු අපි ජීවිතේ //

සවන් පුරා එන ඔබේ ගී නදින්
හදක් පිරී යනවා
නුවන් පිරී ගිය කඳුලැලි අතරින්
සිනා ගලා එනවා

කඳුකරයේ සීතලේ
මීදුම් තිර යා කෙරේ
හඳුනා හද ආදරේ
ගෙවමු අපි ජීවිතේ

අපේ වෙනස්කම් මකා දමා
සිතුම් පැතුම් නොමැකෙතියි අමා
මුවේ සිනා දුක මකා දමා පිබිදේ

කඳුකරයේ සීතලේ
මීදුම් තිර යා කෙරේ
හඳුනා හද ආදරේ
ගෙවමු අපි ජීවිතේ //


ගායනය - ක්ලැරන්ස් විජේවර්ධන, ඉන්ද්‍රාණි පෙරේරා
සංගීතය, ගී පද - ක්ලැරන්ස් විජේවර්ධන




වීඩියෝව ගත්තෙ මෙතනින් - Indiketi Hewage Rohan Indika

කලේ පැන් ඇත නැවුම් රහ නැත - සුනිල් එදිරිසිංහ | Kale pan etha nawum raha netha - Sunil Edirisinghe - sinhala lyrics

කලේ පැන් ඇත නැවුම් රහ නැත
මොකද මන්දා ළිඳට වූයේ
පුළුස්සා ගත් රොටිය කර වී
මොකද මන්දා ලිපට වූයේ
හදා ගත් ලුණු මිරිස රහ නැත
මොකද මන්දා දිවට වූයේ

සැලේ ගහ කොළ සුළඟ ඇත එද
සිහිල කොයි අත ගියාදෝ
කෝල බව මුසු සිනා හඬ නැත
සවන් බිහිරිව ගියාදෝ

කලේ පැන් ඇත නැවුම් රහ නැත
මොකද මන්දා ළිඳට වූයේ
පුළුස්සා ගත් රොටිය කර වී
මොකද මන්දා ලිපට වූයේ
හදා ගත් ලුණු මිරිස රහ නැත
මොකද මන්දා දිවට වූයේ

පුරුදු නිවහන නුහුරු වී නම්
කාට මේ ගැන කියන්නෙම්
කාට මේ ගැන කියන්නෙම් මම
බිරින්දෑ නෑ ගම් ගොහින්
බිරින්දෑ නෑ ගම් ගොහින්
බිරින්දෑ නෑ ගම් ගොහින්


ගායනය - සුනිල් එදිරිසිංහ



වීඩියෝව ගත්තෙ මෙතනින් - sunimalj

එකම වීදියේ දෙතුන් වතාවක් - ප්‍රියා සූරියසේන | Ekama weediye dethun wathawak - Priya Sooriyasena - sinhala lyrics


එකම වීදියේ දෙතුන් වතාවක්
එහා මෙහා අපි ඇවිද ඇතී
බිමට නැමුණු මල් අතු ඉති අතරේ
අපේ කතාවන් රැඳී ඇතී

සුදු හසඟන සේ හසරැළි ඉහලා
හඳ පායන සේ හද ගිණි නිවලා
ඔබ මා සුරතේ දසඟිලි පටලා
දොඩමළු වීලා මට ඉඟි කරලා

හැන්දෑ යාමේ මා අත හැරලා
යන්නී ඔබ ඔබේ කුටියට පෙරලා
කවුළුව අතරින් හසරැලි එළලා
මම යමි මගේ හිත ඔබ ළඟ තියලා

තනි යහනේ මා කෙසේ සිතන්නේ
මා සිත ඔබේ ළඟ නොවෙද තියෙන්නේ
ඔබට හිතෙන දේ හිතට කියාදී
හෙට එන විට යලි රැගෙන වරෙන්

එකම වීදියේ දෙතුන් වතාවක්
එහා මෙහා අපි ඇවිද ඇතී
බිමට නැමුණු මල් අතු ඉති අතරේ
අපේ කතාවන් රැඳී ඇතී


ගායනය, සංගීතය - ප්‍රියා සූරියසේන
ගී පද - ප්‍රේමකීර්ති ද අල්විස්




wishwa chinthana
Related Posts Plugin for WordPress, Blogger...