ඈ පැවසූ ලෝකේ - භාතිය සහ සංතුෂ් | Ae pewasu loke - Bhathiya and Santhush

සිහින පැතුමන් ඈගේ
සැබෑ කර දුන්න සිතා
වෙන කාටවත්ම ඈ
ආදරේ වෙන්නෙ නෑ
ඔබ මුලා වී දෝ මට සිතෙයි
ඇගෙ ආදරේ මා හටමයි
ඇගෙ ජීවිතේ මා පමණයි
මා හටම පැවසුවා ඈ එදා

ඈ පැවසූ ලෝකේ
අපගේ වූ කාලෙ
සැබෑවක් වේවි
සිතන්න එපා ඔබ මිතුරේ
ඈ පැවසූ ලෝකේ
දැන් සිහිනයක්ම වාගේ
සැබෑවක් වේවි
ඔබ සිතන්න එපා මිතුරේ

මුලා වී ඔබ ඈ රුවේ
සිතාවී ඒ ආදරේ
ඔබ නොවේ ඈගේ
සිහින මන්දිරේ
මුදු දෑත ගෙන මා ඈගේ
ගං දියේ පාවී සිටි එදා
උණුසුමෙන් ඈ මා ළං වෙලා
සැනසුනා ඈ එදා ඈ එදා

ඈ පැවසූ ලෝකේ
අපගේ වූ කාලෙ
සැබෑවක් වේවි
සිතන්න එපා ඔබ මිතුරේ
ඈ පැවසූ ලෝකේ
දැන් සිහිනයක්ම වාගේ
සැබෑවක් වේවි
ඔබ සිතන්න එපා මිතුරේ ////


ගායනය, සංගීතය - භාතිය සහ සංතුෂ්




වීඩියෝව ගත්තෙ මෙතනින් - Dilnuwan Amaraweera

පෙම් ලොවේ සහනය මට දීලා - පියල් පෙරේරා, ජිප්සීස් | Pem lowe sahanaya mata deela - Piyal Perera


පෙම් ලොවේ සහනය මට දීලා
පෙම් සුවේ මා සිත රඳවාලා
ළංවෙලා ඉන්නකෝ
මට වෙන්වන සිතක් නෑ
මා ඔබෙන් මිදිලා

වෙන්වෙලා ඔබ මා රිදවාලා
යන්නෙපා මා හට පිටුපාලා
ළංවෙලා ඉන්නකෝ
මට වෙන්වන සිතක් නෑ
මා ඔබෙන් මිදිලා

මා ආදරේ ඔබ කී මුල් දිනේ
ඒ මතකේ නෑ මැකී ගියේ
මේ ජීවිතේ නෑ සන්තාපේ
මිහිරියි අපේ ආදරේ

පෙම් ලොවේ සහනය මට දීලා
පෙම් සුවේ මා සිත රඳවාලා
ළංවෙලා ඉන්නකෝ
මට වෙන්වන සිතක් නෑ
මා ඔබෙන් මිදිලා

වෙන්වෙලා ඔබ මා රිදවාලා
යන්නෙපා මා හට පිටුපාලා
ළංවෙලා ඉන්නකෝ
මට වෙන්වන සිතක් නෑ
මා ඔබෙන් මිදිලා

ඒ වාගෙමයි තාමත් සිතේ
මා සැනසූ ඒ ආදරේ
මේ ආදරේ මේ පෙම් ලොවේ
සනසයි අපේ ජීවිතේ

පෙම් ලොවේ සහනය මට දීලා
පෙම් සුවේ මා සිත රඳවාලා
ළංවෙලා ඉන්නකෝ
මට වෙන්වන සිතක් නෑ
මා ඔබෙන් මිදිලා

මා ඔබෙන් මිදිලා //


ගායනය - පියල් පෙරේරා, ජිප්සීස්




වීඩියෝව ගත්තෙ මෙතනින් - Sudeepa Karshana

තාරකා එලි ඉඟි බිඟි කරනා - ශාලිත අබේවික්‍රම | Tharaka eli ingi bingi karana - Shalitha Abeywickrama


තාරකා එලි ඉඟි බිඟි කරනා
නීල ආකාසේ
පාවෙලා යමු අතිනත් බැඳගෙන
සිහින පෙම් ලෝකේ
සිහින පෙම් ලෝකේ

අසන්න දේවල් අනන්ත ඇති මුත්
අසාගන්න බැරිදා
ඇසින් කතාකර හිතින් එකතුවෙමු
හමුවන හැම මොහොතේ
හමුවන හැම මොහොතේ

තාරකා එලි ඉඟි බිඟි කරනා
නීල ආකාසේ
පාවෙලා යමු අතිනත් බැඳගෙන
සිහින පෙම් ලෝකේ
සිහින පෙම් ලෝකේ

පෙමින් බැදුණු විට අනන්ත බාධක
අප ජයගත යුතු වේ
හිතන්න දේවල් කොයින්ද වෙන මට
මගෙ හිත ඔබ ළඟනේ
මගෙ හිත ඔබ ළඟනේ

තාරකා එලි ඉඟි බිඟි කරනා
නීල ආකාසේ
පාවෙලා යමු අතිනත් බැඳගෙන
සිහින පෙම් ලෝකේ
සිහින පෙම් ලෝකේ //



ගායනය - ශාලිත අබේවික්‍රම




වීඩියෝව ගත්තෙ මෙතනින් - wkm Wick

ආරාධනා - ඩැඩී, විරේෂ් කුරේ | Aradhana - Daddy, Viresh Cooray

ආරාධනා දෑසින් කියනා
නොපෙනෙන දුර ඈතක මා තනිවම උන්නා
සංවේදනා ගීයක තවරා
කාටත් නෑසෙන ලෙස මා තනිවම වින්දා
දැන් රන් පැහැ ගැන්වූ තොල්
ප්‍රේමාදරයෙන් මත් වී දැවුණා

නෑසී ඇසෙනා ඒ
ඔබමයි ඒ ගීත රාව අමතක කෙ‍රුවේ
සිතුවිල්ලේ ඇයිද සිහින නොමරා මැරුවේ
මේ ආදරේ
වෑහී දිලෙනා ඒ
තවමත් ඒ දැනූ සිහින සුවඳයි මිහිරේ
පෙරදා සේ ප්‍රේම ගීත කිව හැක සොඳුරේ
මේ ජීවිතේ

සන්තාපයේ ගිගුරුම් හැලෙනා
සන්සුන් නොවනා සිත මගෙ ආදරෙ හෙව්වා
සංග්‍රාමයෙන් අවසන් නොවනා
ආදර ගීයක් කියනා ලෙස මට කිව්වා
දැන් විසඳුම් නොවෙනා පෙම් දහසක් තිබුණා
මේ ජීවිතයේ

නෑසී ඇසෙනා ඒ
ඔබමයි ඒ ගීත රාව අමතක කෙ‍රුවේ
සිතුවිල්ලේ ඇයිද සිහින නොමරා මැරුවේ
මේ ආදරේ
වෑහී දිලෙනා ඒ
තවමත් ඒ දැනූ සිහින සුවඳයි මිහිරේ
පෙරදා සේ ප්‍රේම ගීත කිව හැක සොඳුරේ
මේ ජීවිතේ

හැලෙනා හඬනා වැස්සේ තෙමිලා මා
දැනිලා රිදිලා රිසිසේ තැවුණා මා
තැවුණා මා

නෑසී ඇසෙනා ඒ
ඔබමයි ඒ ගීත රාව අමතක කෙ‍රුවේ
සිතුවිල්ලේ ඇයිද සිහින නොමරා මැරුවේ
මේ ආදරේ
වෑහී දිලෙනා ඒ
තවමත් ඒ දැනූ සිහින සුවඳයි මිහිරේ
පෙරදා සේ ප්‍රේම ගීත කිව හැක සොඳුරේ
මේ ජීවිතේ



ගායනය - විරේෂ් කුරේ, ඩැඩී
සංගීතය - ඩැඩී
ගී පද - මනුරංග විජේසේකර




වීඩියෝව ගත්තෙ මෙතනින් - Music.lk

වෙරළ කොනක හිඳ - ප්‍රින්ස් උදය ප්‍රියන්ත | Werala konaka hinda - Prince Udaya Priyantha

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි //

වෙරලේ හැපෙනා දළ රළ අතරේ
මුමුණයි හෙමිහිට අපේ කථා
රැල්ලට නොපෙනී වෙනතක ගිය මුත්
සුදු වැලි මුමුණයි අපේ කතා

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි

ඔබ හා දොඩනට ගත සිත ශක්තිය
නැති ලෙස හදවත හඬා වැටේ
එනමුදු අප පෙම් කතාව නිම වී
සමුගන්නම් අද තරහ නොවී

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි //


ගායනය - ප්‍රින්ස් උදය ප්‍රියන්ත




වීඩියෝව ගත්තෙ මෙතනින් - Indiketi Hewage Rohan Indika

සමන් මලුයි රෝස මලුයි - බී පොසිටිව්, ලසිත පෙරේරා | Saman malui rosa malui - B Positive, Lasitha Perera


සමන් මලුයි රෝස මලුයි
ඕළු මලුයි නෙලුම් මලුයි
සුදු අරලිය පොකුරු පොකුරු
නිල් මානෙල් මල් පොහොට්ටු

යහනේ හොවා ඔබ සතපා
ඔබ සරසා ගිය විලසේ //

ආදරෙයි ආදරෙයි
ආදරෙයි ආදරෙයි //


මල් සුවඳයි ඔබෙ සුවඳයි
සිත සනසයි ගත පුබුදයි
සසර පුරාවට වසන තුරා
කිසිදා හැර නොයමි ඔයා


සමන් මලුයි රෝස මලුයි
ඕළු මලුයි නෙලුම් මලුයි
සුදු අරලිය පොකුරු පොකුරු
නිල් මානෙල් මල් පොහොට්ටු


ඔබෙ දිවියයි මගෙ දිවියයි
එකම එකයි වෙනස් නොවේ
හිරු සඳු මත මම දිව්රන්නම්
ඔය සුදු නළලත සිපගන්නම්


සමන් මලුයි රෝස මලුයි
ඕළු මලුයි නෙලුම් මලුයි
සුදු අරලිය පොකුරු පොකුරු
නිල් මානෙල් මල් පොහොට්ටු

යහනේ හොවා ඔබ සතපා
ඔබ සරසා ගිය විලසේ //

ආදරෙයි ආදරෙයි
ආදරෙයි ආදරෙයි //


ගායනය, සංගීතය, ගී පද - බී පොසිටිව්, ලසිත පෙරේරා



වීඩියෝව ගත්තෙ මෙතනින් - Rok4 Music

ආදරේ සිතුම් - කසුන් කල්හාර | Adare sithum - Kasun Kalhara

ආදරේ සිතුම් දිලුනා මතකයි
පැහැසරින් නුඹේ හද දැවුණා
ගීයකින් කෙසේ මා සිතුම් කියම්දෝ ළඳේ
බොඳ වෙනා සිහිනයක දැවටෙනා
පවස මගේ ඔබ නිසා නොනිමේ ළඳුනේ
ආදර වදන් කියූ
කාලේ යළි එන්නේ නෑ
ආදරේ සුවඳ දැන්
මගේ හදින් යන්නෙ නෑ
මගේ හදින් යන්නේ නෑ

මා සිතින් දැල්වූ හැම පහන්සිල ඔබමයි
දැවී දැවී එළිය දෙන් ජීවිතේ
ගීයකින් කෙසේ මා සිතුම් කියම්දෝ ළඳේ
බොඳ වෙනා සිහිනයක දැවටෙනා
පවස මගේ ඔබ නිසා නොනිමේ ළඳුනේ
ආදර වදන් කියූ
කාලේ යළි එන්නේ නෑ
ආදරේ සුවඳ දැන්
මගේ හදින් යන්නෙ නෑ
මගේ හදින් යන්නේ නෑ

පවස මගේ ඔබ නිසා නොනිමේ ළඳුනේ
ආදර වදන් කියූ
කාලේ යළි එන්නේ නෑ
ආදරේ සුවඳ දැන්
මගේ හදින් යන්නෙ නෑ
මගේ හදින් යන්නේ නෑ


ගායනය - කසුන් කල්හාර
සංගීතය - රොමේන් මෙන්ඩිස්
ගී පද - චාමින්ද රත්නසූරිය




වීඩියෝව ගත්තෙ මෙතනින් - dilu653's channel

සිකුරුලියා - ජේ.ඒ. මිල්ටන් පෙරේරා | Sikuruliya - J.A. Milton Perera

කොමළ ලියා බොළඳ ලියා
මාව දමා යන්න ගියා
සියුමැලියා සිකුරුලියා
සියුමැලියා සිකුරුලියා

ගත සීතල පහස ලබා
ළැම රන්වන් සුවඳ සොබා
නිමවෙයි රොන් ලැබුව මෙමා
සිකුරුලියා
මාව දමා යන්න ගියා සිකුරුලියා

කොමළ ලියා බොළඳ ලියා
මාව දමා යන්න ගියා
සියුමැලියා සිකුරුලියා
සියුමැලියා සිකුරුලියා

නෙත ඇඳි රුව ඔබෙනේ සුදූ
අද ඒ නෙත කඳුළු බිඳූ
ආදරයෙන් ඔබද හැදූ
සිකුරුලියා
මාව දමා යන්න ගියා
සිකුරුලියා

කොමළ ලියා බොළඳ ලියා
මාව දමා යන්න ගියා
සියුමැලියා සිකුරුලියා
සියුමැලියා සිකුරුලියා

ආදරයෙන් ඔබ හින්දා
මා මනසින් දුක් වින්දා
පාළුව ළඟ මා රන්දා
සිකුරුලියා
මාව දමා යන්න ගියා සිකුරු ලියා

කොමළ ලියා බොළඳ ලියා
මාව දමා යන්න ගියා
සියුමැලියා සිකුරුලියා
සියුමැලියා සිකුරුලියා //


ගායනය - ජේ.ඒ. මිල්ටන් පෙරේරා
සංගීතය - ක්ලැරන්ස් විජේවර්ධන
ගී පද - ධර්මසිරි ගමගේ
එච්.ඩී. ප්‍රේමරත්නයන්ගේ සිකුරුලියා චිත්‍රපටියෙන්



ගීත වීඩියෝව බෙදාගන්න දෙන්නේ නැත. ගිහින් බලන්න. -

පූජණීය වූ ප්‍රේම ප්‍රාසාදේ - කීර්ති පැස්කුවල්, නන්දා මාලනී | Poojaneeya woo prema prasade - Keerthi Pasquel, Nanda Malini


පූජණීය වූ ප්‍රේම ප්‍රාසාදේ
චන්ද්‍රයා සේ කාන්ති දී
පායලා එන්නම් //

සුදට සුදේ ගලනා
ඔබේ කැළුම් දහරේ
රෑ පෙම් කොකිලයෝ
දොඩමළු වෙති රහසේ //

පූජණීය වූ ප්‍රේම ප්‍රාසාදේ
චන්ද්‍රයා සේ කාන්ති දී
පායලා එන්නම් //

සඳළුතලා යහනේ
ශාන්ත හැඟුම් අතරේ
ප්‍රේමිය චන්ද්‍රාවෝ
අද ඔබ ළඟ මිහිරේ //

පූජණීය වූ ප්‍රේම ප්‍රාසාදේ
චන්ද්‍රයා සේ කාන්ති දී
පායලා එන්නම් //



ගායනය - කීර්ති පැස්කුවෙල්, නන්දා මාලනී
සංගීතය - සරත් දසනායක
ගී පද - සුනිල් ආරියරත්න

'තරූ' ටෙලි නාට්‍යයෙන්




වීඩියෝව ගත්තෙ මෙතනින් -keerthipasquel

රෝසී මගේ රෝසී - අනිල් භාරතී | Rosi mage rosi - Anil Bharathi

රෝසී මගේ රෝසී
රෝස මලේ ඔයා ලස්සනයි
ඔබ වේ මා රෝසී
කුසුම් ලොවේ රැජිණ ඔබ තමයි
ඔයාව රජ මැදුරට කැඳවාගෙන යන්නම්
ඔයාට රජෙකුගෙ ආදරය ලබා දෙන්නම්
මුව කමළ සිඹින්නම්
සිප සිප සුවඳ බලන්නම්
මලේ හරිම හැඩයි බඹරු නටයි
රුං රුං රුං

රෝසී මගේ රෝසී
රෝස මලේ ඔයා ලස්සනයි
ඔබ වේ මා රෝසී
කුසුම් ලොවේ රැජිණ ඔබ තමයි
ඔයාව බුදු මැදුරට කැඳවාගෙන යන්නම්
ඔයාව බුදු සමිඳුගේ පාමුල රඳවන්නම්
අනෙ කොහොම උනත් මං
ඔයාට හිමි තැන දෙන්නම්
මලේ හරිම හැඩයි බඹරු නටයි
රුං රුං රුං

රෝසී මගේ රෝසී
රෝස මලේ ඔයා ලස්සනයි
ඔබ වේ මා රෝසී
කුසුම් ලොවේ රැජිණ ඔබ තමයි
ඔයා මගේ නිවසට කැඳවාගෙන යන්නම්
ඔබේ මුව පෙති වල සුවඳින් මත් වෙන්නම්
යහන් ගැබ සරසන්නම්
අගේ කර කර ඉන්නම්
මලේ හරිම හැඩයි බඹරු නටයි
රුං රුං රුං

රෝසී මගේ රෝසී
රෝස මලේ ඔයා ලස්සනයි
ඔබ වේ මා රෝසී
කුසුම් ලොවේ රැජිණ ඔබ තමයි
ඔයාව රජ මැදුරට කැඳවාගෙන යන්නම්
ඔයාට රජෙකුගෙ ආදරය ලබා දෙන්නම්
මුව කමළ සිඹින්නම්
සිප සිප සුවඳ බලන්නම්
මලේ හරිම හැඩයි බඹරු නටයි
රුං රුං රුං //


ගායනය - අනිල් භාරතී





වීඩියෝව ගත්තෙ මෙතනින් - Rukshan Karunanayake

නෝනා මගෙ නර්ස් නෝනා - වොලී බැස්ටියන් | Nona mage nurse nona - Wally Bastiansz


නෝනා මගෙ නර්ස් නෝනා
සිහිවෙනවා නිතර දෙවේලේ
නෝනා මගෙ නර්ස් නෝනා
ඔබ රජ කුමරිය ඉස්පිරිතාලේ


ලිස්ස වැටිල මෙ මං කලුවරේ
හැපුණා මගෙ ඔලුව කළු ගලේ
උස්ස ගොසින් මාව එවේලේ
දැම්ම මාව ඉස්පිරිතාලේ

සිහිය නැතිව මාව ගෙනාවේ
ලේ ගලමින් බහින කලාවේ
සිහිය ඇවිත් බලපු වෙලාවේ
මම ඇඳ යට නේද ඉලව්වේ

වේදනාව වැඩි නිසා මොළේ
මම කෑ ගැහුවා බොහොම කලබලේ
සාත්තු සේවකයෙක් එ වේලේ
ඇවිත් මට බැන්න කරුවලේ


නෝනා මගෙ නර්ස් නෝනා
සිහිවෙනවා නිතර දෙවේලේ
නෝනා මගෙ නර්ස් නෝනා
ඔබ රජ කුමරිය ඉස්පිරිතාලේ


මම කෑ ගැහුවා මර හඬ දීලා
නර්ස් ආව දඩිබිඩි ගාලා
සාත්තු සේවකයා අල්ලලා
තල්ලුකෙරුව මාව බේරලා

මට වෙච්ච විපත පෙනීලා
නර්ස් නෝන බොහොම දුක්වෙලා
ඇඳ යට උන්නු මාව අල්ලලා
දැම්ම ඇඳ උඩට උස්සලා

නර්ස් නෝන අනේ හැබෑට
ආවේ මව් කෙනෙක් විලසට
නැත්නම් මට වෙච්ච විපතට
මම නම් මැරෙනවා ඇඳ යට


නෝනා මගෙ නර්ස් නෝනා
සිහිවෙනවා නිතර දෙවේලේ
නෝනා මගෙ නර්ස් නෝනා
ඔබ රජ කුමරිය ඉස්පිරිතාලේ


දුගියාගේ ලෙඩ දුකට ගිය කලේ
පෙන්නයි ඇතැමුන්ගෙ ඇති බලේ
නර්ස් නෝන නැතිවුන කාලේ
කුමටද මට ඉස්පිරිතාලලේ


නෝනා මගෙ නර්ස් නෝනා
සිහිවෙනවා නිතර දෙවේලේ
නෝනා මගෙ නර්ස් නෝනා
ඔබ රජ කුමරිය ඉස්පිරිතාලේ


ගායනය, සංගීතය, ගී පද - වොලී බැස්ටියන්




වීඩියෝව ගත්තෙ මෙතනින් - BAILA KING

පාරමී දම් පුරා - සුනිල් එදිරිසිංහ, නන්දා මාලිනී | Paarami dam pura - Sunil Edirisinghe, Nanda Malini




පාරමී දම් පුරා සපැමිණ
එකට හමු වී වෙන්ව යන සඳ
කියා ගන්නට බැරිව ලතවෙන
හැඟුම් මිහිදන් නොවේ කිසි දින

ලේ නහර ඇට මිදුළු විනිවිද
රිදුම් දෙන හැඟුමක් ද ප්‍රේමය
දුරට වී ඇසිපිය නොලා
බලා ඉන්නට අවසරයි
සංසාරයේ
පතා ආවෙත් එලෙසමයි

ස්වයංජාතව හිතේ මතුවන
පහන් සිතිවිල්ලක්ද ප්‍රේමය
දෙහදකට සීමා නොවී
ළයෙන් ළය සැනසිය යුතුයි
ප්‍රේමයෙන්
විශ්වමය සුවපත් කල හැකියි

නිතින් සසර දුක
ජය ගන්නට වේවී
දහම් සරණ මිස
සරණක් නැත දේවී


ගායනය - සුනිල් එදිරිසිංහ, නන්දා මාලිනී
සංගීතය - නවරත්න ගමගේ
ගී පද - බණ්ඩාර ඇහැලියගොඩ


ස්වයංජාත ටෙලි නාට්‍යයෙන්




වීඩියෝව ගත්තෙ මෙතනින් - AmilaUL

යමන් බණ්ඩො වෙසක් බලන්න - වොලී බැස්ටියන් | Yaman bando wesak balanna - Wally Bastian

යමන් බණ්ඩො වෙසක් බලන්න
ගනින් බර බාගේ බඳින්න
පාර දිගේ එළි බල බල
මහ පාරේ හරි කලබල‍
යමන් බණ්ඩො වෙසක් බලන්න //

කොළඹ නගරෙ මගෙ බණ්ඩෝ
බජාර් එකේ මම සැන්ඩෝ
බින් කුන්ඩෝ කුරු කුන්ඩෝ
රජ්ජුරුවෝ මම බණ්ඩෝ
ඇයි බණ්ඩෝ යමන් පුතෝ
කොළඹ වෙසක් බලපන් ඩෝ
සුදු බණ්ඩෝ කළු බණ්ඩෝ
කොළඹ ගෑණු ලස්සනදෝ

යමන් බණ්ඩො වෙසක් බලන්න
ගනින් බර බාගේ බඳින්න
පාර දිගේ එළි බල බල
මහ පාරේ හරි කලබල‍
යමන් බණ්ඩො වෙසක් බලන්න

බණ්ඩ කොණ්ඩෙ බැඳලා ජයට
නැමි පනාව ගහලා උසට
ටුවිඩ් රෙද්ද ඇඳලා ජයට
අන්න බණ්ඩා යනවා කොළඹ
ඩබල් ඩෙකර් යනවා පාරේ
අයින් වෙයන් ඇයි යෝධියෙ
මාරු වුනොත් මගෙ මැණිකේ
මං මැරෙනවා කොළඹ නගරෙ

යමන් බණ්ඩො වෙසක් බලන්න
ගනින් බර බාගේ බඳින්න
පාර දිගේ එළි බල බල
මහ පාරේ හරි කලබල‍
යමන් බණ්ඩො වෙසක් බලන්න //


ගායනය, සංගීතය, ගී පද - වොලී බැස්ටියන්




වීඩියෝව ගත්තෙ මෙතනින් - goonewj

බුදු පියාණනේ - සෝමතිලක ජයමහ | Budu piyanane - Somathilaka Jayamaha

බුදු පියාණනේ
ඔබේ පාද කරනෙමි පිණිපා

පියෙන් පියට මිහිකත සනහා
බැලූ බැලූ නෙත් සිත් බඳවා
දහම් අමාවෙන් තිලොව තෙමූ

බුදු පියාණනේ
ඔබේ පාද කරනෙමි පිණිපා //

සසර සයුරකට නෞකාවයි
නිමල අමිල නෙත් සිළිලාරයි
ලොවේ අනගි ගුණදම් මුහුදයි

බුදු පියා මගේ
භවේ අඳුර නැසු මිණි පහනයි //

හිමියෙනි ඔබෙ මොක් මග හමුවේ
හැදෙමි බැඳෙමි නැහැවෙමි නිබඳේ
තිලෝ තිලක සම්බුදු සමිඳේ

මම දිවා රැයේ
ගිලී නහමි මියකැන් දහරේ //


ගායනය, සංගීතය - සෝමතිලක ජයමහ




වීඩියෝව ගත්තෙ මෙතනින් - Shehan De Vas Gunawardene

බුදු කරුණා දෑස තෙමී - නන්දා මාලිනී | Budu karuna desa themi - Nanda Malini

බුදු කරුණා දෑස තෙමී
මෙත් සිහිලැලි ඇද හැලුණා
නිවා තාප ලෝ කතරේ
අමා වතුර ගලා බසී
බුදු කරුණා දෑස තෙමී

කඳු වැටිවල නිසොල්මනේ
ගහ කොළ මල් පිපී නටයි
නැවුම් පොළොව නව නිල්ලේ
බුදු සිරිපා පහස ලබයි

බුදු කරුණා දෑස තෙමී

කෙළෙස් මලින් උකටලි සිත
නිවා තවන සුවය සොයයි
නිසල ඔබේ බුදු රුව ළඟ
මගෙ හද භාවනා කරයි

බුදු කරුණා දෑස තෙමී


ගායනය, සංගීතය - නන්දා මාලිනී
ගී පද රචනය - අනුරාධ සෙනෙවිරත්න




වීඩියෝව ගත්තෙ මෙතනින් - Ranil Mudunkotuwa

නොකියාම එදා ඇසළ මහේ - වසන්තා සන්දනායක | Nokiyama eda esala mahe - වසන්තා සන්දනායක

නොකියාම එදා ඇසළ මහේ හඳ ඇති පායා
මහ රෑක මොකෝ යන්න ගියේ මා හැර දාලා //

නින්දේය එදා හිමි ඔබ යන විට මා උන්නේ
දැනුණා නම් පැන යන බව නෑ යන්නට දෙන්නේ //

මේ මාළිගයේ...
මේ මාළිගයේ දැන් මට මොන සැපතද ඇත්තේ
මා තාම නැතේ සඳළුතලෙන් පහළට බැස්සේ

පොඩි රාහුල පුතු හා මට දුක් ගින්දර දීලා
ගියෙ ඇයිද තපස් රැකුමට සිදුහත් හිමි රාජා


නොකියාම එදා ඇසළ මහේ හඳ ඇති පායා
මහ රෑක මොකෝ යන්න ගියේ මා හැර දාලා


සංසාර සැපේ කලකිරුණලු ඇත්තද ඒක
සිදුවීද නැතොත් මාගෙන් වරදක් කිසි දාක //

ගලවාල දමා...
ගලවාල දමා කණකර අබරණ හැම දාක
වැලපේවි යසෝදරා සොහොන් පිටියකි මේක

නින්දාව නිසා කපිලවස්තු පුර බැහැ ඉන්න
නොපමාවම ඇවිදින් අපවද ඔහි ගෙන යන්න


නොකියාම එදා ඇසළ මහේ හඳ ඇති පායා
මහ රෑක මොකෝ යන්න ගියේ මා හැර දාලා


ගායනය - වසන්තා සන්දනායක
ගී පද - මර්වින් සේනාරත්න




වීඩියෝව ගත්තෙ මෙතනින් - WasanthaSandanayake

රෝස දෙතොලින් කියනා - ජූඩ් රොගන්ස් | Rosa detholin kiyana - Jude Rogans

රෝස දෙතොලින් කියනා
ආදරේ කවි තහනම්
නිසල සිත රිදවනවා
මතකෙ පැටලී නුඹ නම් //

නෙතේ නුඹෙ පෙන්වන්නේ
හදේ ගැඹුරුම තැන නම්
ඒ නෙතේ මා දුටුවේ
බොඳ නොවූ මගේ රුවනේ

රෝස දෙතොලින්...

පියුම ලෙස ඔබ පිපුණා
හද විලට ළං වීලා
නොදුටු ලෙස නුඹ යනවා
දුක හදට හුරු කරලා

රෝස දෙතොලින්..... //


ගායනය - ජූඩ් රොගන්ස්
සංගීතය - ගිහේන් නිෂාන්
ගී පද - මෙලාන් කරුණාතිලක




වීඩියෝව ගත්තෙ මෙතනින් - Music.lk

මාමේ අපෙ කළු මාමේ - ඇනස්ලි මාලෙවන | Mame ape kalu mame - Annesley Malewana

මාමේ අපෙ කළු මාමේ
කලවානේ කළු මාමේ
යාමේ හැන්දෑ යාමේ
කුඹුර කොටාලා එනවානේ //


බුලත් කොරටුවේ වැට දැන් දිරාලා
බැලුවේ නැද්ද ඒ ගැන ඔබ සොයාලා //

එක ළගින් සිටවලා ඉණි පැල අලුත් කරවලා
එහි පැල බුලත් කොරටුවක් නැතුවද වවන්නේ //


මාමේ අපෙ කළු මාමේ
කලවානේ කළු මාමේ
යාමේ හැන්දෑ යාමේ
කුඹුර කොටාලා එනවානේ //


මංගො නැන්ද ගැන ඔහු නැහැ සොයන්නේ
පැනල ගියත් දුව ගැන නැහැ තැවෙන්නේ //

එක සිතින් සිත සදා සැනසෙන අනුන් ගැන සොයා
නොතැවෙන තමන් ගැන සොයා සැනසෙනවනේ //


මාමේ අපෙ කළු මාමේ
කලවානේ කළු මාමේ
යාමේ හැන්දෑ යාමේ
කුඹුර කොටාලා එනවානේ //



ගායනය - ඇනස්ලි මාලෙවන
සංගීතය, ගී පද - ක්ලැරන්ස් විජේවර්ධන




වීඩියෝව ගත්තෙ මෙතනින් - operationcwaI789789

නැවතී මෙතෙකින් - කසුන් කල්හාර | Nawathi Methekin - Kasun Kalhara


නැගෙන බිදෙන හැම සමුදුරු රැලි මත
නුබේ මුව හිනැහෙනු මා දුටුවා...
නොදැනිම වාගේ ඒ රුව බොඳකර
කඳුලක් නෙත තනියට නැඟුනා...

මතකද හැම රෑ පහන් වන තුරා
පැතූ පැතුම් කෙලි සිනහ වදන්..
දින ගෙවෙනා හැටි අප දැන හිටියා
අද නුඹ කොහිදැයි සිත ඇසුවත්...///

ඉරණම ලියවී අප වෙන්කල දා
දෙගුරුන් හමුවේ සිත නිහඬයි..
නුබ මියැදෙන බව දැන දැන සිතකින්
නෙලාගම්ද සොදුරේ කෙලෙසින්.....///

මා තුරුලට ගෙන සුරතල් කරනට
අහිමි වුවත් මට සොඳුරු වරම්...
අන්සතු උයනක නුබ හිනැහෙනයුරු
දැක තුටුවෙමි නැවතී මෙතකින්...

ගායනය : කසුන් කල්හාර
පද රචනය : අචල සොලමන්ස්
සංගීතය : කසුන් කල්හාර




වීඩියෝව ගත්තෙ මෙතනින් - ElaKiri

දුර පෙනෙන තැනිතලා - විවියන් ද සිල්වා බොරලැස්ස | Dura Penena Thanithala - Viviyan De Silva Boralessa


දුර පෙනෙන තැනිතලා - අනුරාධපුර දිහා..
පුන් පෝයදා - වේ ශ්‍රියා සාදු කිය කියා..

ඈත කිරි පාට - පේන සරුසාර
සෑය දිළෙනවා - සෑය දිළෙනවා
නැඟෙන රිදී සීනු හඬින් නුවර එළි කලා..///
නුවර එළි කලා...

දුර පෙනෙන තැනිතලා...

ජේතවනරාම - අභයගිරි වෙහෙර
සාදු කිය කියා - කරමු වන්දනා..
යමුද අනේ ඉවුර දිගේ තිසා වැව වටේ..///
තිසා වැව වටේ

දුර පෙනෙන තැනිතලා...

ගායනය : විවියන් ද සිල්වා බොරලැස්ස


වීඩියෝව ගත්තෙ මෙතනින් - lankastuff

අවපස අහසක - සුනිල් එදිරිසිංහ | Awapasa ahasaka - Sunil Edirisinghe

අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුණේ //

මාවත අවහිර නිමවා
දළ රළ පෙල සැතපෙනවා
සැළමුතු සෙනෙහස මඳ පවනක් වී
ගැඹරේ නිම මුමුණනවා

අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුණේ

දෝතක අසෙනිය ගවසා
ඔබ පෙරමඟ හිනැහෙනවා
විකසිත සිහිනේ සුබ කවියක් වී
දෙනෙතේ සිත ලියැවෙනවා

අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුණේ //



ගායනය - සුනිල් එදිරිසිංහ
සංගීතය - රෝහණ වීරසිංහ
ගී පද - කුලරත්න ආරියවංස




වීඩියෝව ගත්තෙ මෙතනින් - suniledirisinghehits

කාලෙක ඉඳන්ම - තිළිණ බාලසූරිය | Kaleka indanma - Thilina Balasooriya

කාලෙක ඉඳන්ම දෙඩෙව්ව කතාව ඉවරයි
තාලෙට වයන්න ගිටාරයක් මට උරුමයි
දුරකථනය දැන් ඉස්සර වගෙ නෑ නිහඬයි
ඔළුවෙ මුකුත් නෑ කොලේක ලියන්න පුදුමයි
ඔළුවෙ මුකුත් නෑ කොලේක ලියන්න පුදුමයි

ඔයාගෙ ලස්සන ඇස් දෙක මතකයි
කම්මුල් දම්වුණු තැන් මට මතකයි
තාලෙට පැද්දුණ කොණ්ඩේ සිනිදුයි
මතකය අවදි වුණා හරි සොඳුරුයි
මතකය අවදි වුණා හරි සොඳුරුයි

බස් එකෙ එල්ලුනු හැටි මට මතකයි
රණ්ඩුව ඉවර වුණා මට මතකයි
කෙල්ලෙක් කේලම් කීව අමිහිරියි
ඔයාම තුරුළු වුණා එය සොඳුරුයි
ඔයාම තුරුළු වුණා එය සොඳුරුයි

කාලෙක ඉඳන්ම දෙඩෙව්ව කතාව ඉවරයි
තාලෙට වයන්න ගිටාරයක් මට උරුමයි
දුරකථනය දැන් ඉස්සර වගෙ නෑ නිහඬයි
ඔළුවෙ මුකුත් නෑ කොලේක ලියන්න පුදුමයි
ඔළුවෙ මුකුත් නෑ කොලේක ලියන්න පුදුමයි

ඔළුවෙ මුකුත් නෑ කොලේක ලියන්න පුදුමයි //
ඔළුවෙ මුකුත් නෑ...



ගායනය, සංගීතය, ගී පද - තිළිණ බාලසූරිය




වීඩියෝව ගත්තෙ මෙතනින් - Peparazzia Production

ශෝක සැනසුම් වේදනා - වික්ටර් රත්නායක | Shoka Sanasum Wedana - Victor Rathnayake


ශෝක සැනසුම් වේදනාවන්
ආදරේ පුරවා ගෙනා..
ඈගෙ නිලුපුල් දෑසේ කඳුලැල්
ජීවිතේ මතු වාසනා..//

වීණා වෙතක් මැද ගී ගයන්නේ
පෑ සෙනේ හද මිහිර මවා..//
රන්කේලි බදිමින් මඟ සරසන්නේ
ජීවන ගමනේ පිහිට පතා...

ශෝක සැනසුම්...

මා සිහින විමානේ පැතුම් තටාකේ
ආදර කුසුමන් පිපී තියේ..//
සැනසීම හෝ වැනසීම ඔබගේ
ඔය නිල් දෑසේ රැදී තියේ...

ශෝක සැනසුම්...

ගායනය : වික්ටර් රත්නායක


වීඩියෝව ගත්තෙ මෙතනින් - Ruchira Bandara

කවදා හෝ - ගෞරව් ධගොන්කර් | Kawada Ho - Gaurav Dagaonkar


දන්න හඳුනනා තරු නෙතු ගැටිලා..
නොදන්න ගානේ මා පහුකෙරුවා...//

මට ඔබ විතරක් හින්දා..
ඔබට වෙනත් අයෙක් ඉදලා..
පෙම් හීනෙන් මා ඇහැරවා තනිකලා...
කවදා හෝ....ඔබ දුක්වෙයි..
මගෙ සෙනෙහේ වැටහෙනා මොහොතක් එයි...//
ලඟදිම එයි....

කඳුළු කුණාටුව ගැටිලා - හීනහිතේ බොල් වූවා
ආත්ම ගාණක ඉදලා - අප මේ ලෙස වෙන්වූවා
මා තරම් ආදරේ - කවුරුවත් නෑ ලොවේ
මා රැවටූවේ ඇයි...
කවදා හෝ....ඔබ දුක්වෙයි..
මගෙ සෙනෙහේ වැටහෙනා මොහොතක් එයි...//
ලඟදිම එයි....

උරුම වේදනා විදලා - නොදැනිම කාලය ගෙවුනා
මතකද කියාන හිතලා - පෙම්කල මුල්ම කෙනා මා..
මා තරම් ආදරේ - කවුරුවත් නෑ ලොවේ
මා රැවටූවේ ඇයි...
කවදා හෝ....ඔබ දුක්වෙයි..
මගෙ සෙනෙහේ වැටහෙනා මොහොතක් එයි...//
ලඟදිම එයි....

ගායනය : Gaurav Dagaonkar
පද රචනය : ඩිලාන් ගමගේ
සංගීතය : Gaurav Dagaonkar

වීඩියෝව ගත්තෙ මෙතනින් - FM Derana

ආදරයද මේ - ඩබ්ලිව් ඩී අමරදේව | Aadarayada Me - W. D. Amaradewa


ගිමන් හරින දියඹ දිගේ..
සුසුම් හෙලන වෙරල ඉමේ..
බැසයන හිරු අඩැසි සඳට රහස් කියනවා..
සඳ ආදරයෙන් අහස පුරා රටා මවනවා...

හිත් දැහැනේ වෙලී තිබුණු..
නෙත් දැහැනේ ගලා හැලෙන..
මියැදෙන්නට බලා ඉදපු ආදරයද මේ..
කිදු රහසේ කියා දුන්නු ආදරයද මේ...

නිල් කටරොළු නිල නැහැවුන..
මල් ගව මෘදු සුව රැදවුන..
තොල් පෙති කල් ඵලදාලන ආදරයද මේ..
නුඹ රහසේ කියා දුන්නු ආදරයද මේ..

ගායනය - ඩබ්ලිව් ඩී අමරදේව
පද රචනය - ජානක සිරිවර්ධන
සංගීතය - අරුණ ගුණවර්ධන

වීඩියෝව ගත්තෙ මෙතනින් - TV Derana

රණ දෙරණේ - නන්දා මාලිනී | Rana Derane - Nanda Malini



රණ දෙරණේ ගිණි අවි ගත් යුධ සෙබලුනි අසනු මැනව..
වෙඩි උණ්ඩය වැය කොට නුඹ සුරැකිය යුතු ජනපිරිසය..
යුක්තිය උදෙසා මොරදෙන ජනයා නසතොත් වියරුව..
වැනසෙන්නේ නුඹ ද අයත් පංතිය බව සිතට ගන්න..

ඉලක්කයට ලක්වන විට රුදු මරණයෙ ඉරණම් කරු..
බලව සිතා එක මොහොතක් වරද කිමැයි ඔහුගෙ රුදුරු..
වැටුපට මිනි මරන දනන් නොව නුඹලා මිනිසුනි ගරු..
අයුක්තියේ අණ පිළිපැද කුමටද නුඹ පලදින තරු..

රණ දෙරණේ...

මානන ගිණි දණ්ඩ තුලින් පෙනෙන තරුණ පපුකුහරය..
අදම කැලතකට අදවින නහර පිනන රස අහරය..
උන්ගෙ බහට නිදොස් දනන් මරතොත් යුධ සෙබල සඟය..
පමා කරන්නේ නුඹ හෙට නැගෙන්ට යන නව අරුණය..

ගායනය : නන්දා මාලිනී

වීඩියෝව ගත්තෙ මෙතනින් - Suneth Channaka
Related Posts Plugin for WordPress, Blogger...