කවුරුන්ද කවුළුව වැහුවේ - චාමර වීරසිංහ, ශෂිකා නිසංසලා | Kaurunda Kauluwa Wahuwe - Chamara Weerasinghe, Shashika Nisansala



කවුරුන්ද කවුළුව වැහුවේ මට දුන්නු ආදරේ..
මං කොහොම තනිමඟ යන්නේ මේ නුහුරු මාවතේ..
හුරු හිතට නුහුරක් දැනුනා අපි කෙරූ ආදරේ..
නවතින්න අවසරයි ප්‍රේමයෙන්...

කවුරුන්ද කවුළුව වැහුවේ...//

නාඩන්න මගෙ පන කියලා නුඹ ගියා මා දමා..
හැරයන්න හේතුත් කියල මට කෙරූ චෝදනා..
නිම නොවෙන ප්‍රේමෙන් නික්මෙලා..
මට දුන්නු ඒ හුස්මත් හිරවෙලා..

මතකයද මේ දුක් දෙන්නේ - අපි කෙරූ ආදරේ..
අමතකද මා ලඟ උන්නා - තනිකමින් උන් දිනේ..
ඇස් වැහෙන මොහොතක් පාසා - නුඹ ඉන්නවා හිතේ..
යලි එන්න හැකිනම් ඉක්මනින්..

නුඹෙ සුවඳ විලවුන් තවරා - සයනයේ ගුලිවෙලා..
පැරණි මතකය මා ඉල්ලා - යලි එන්නෙ නැති නිසා..
යලි එන්නෙ නැතිදෝ මා සොයා
හැකි මට ඉන්න පෙර සේ වසලා..

කවුරුන්ද කවුළුව වැහුවේ...

ගායනය : චාමර වීරසිංහ, ශෂිකා නිසංසලා
පද රචනය : මනුරංග විජේසේකර
සංගීතය : දිලුම් තේජන


 වීඩියෝව ගත්තෙ මෙතනින් - Nuwan Akalanka

බලා ඉන්නම් - රොමේෂ් සුගතපාල | Bala Innam - Romesh Sugathapala


බලා ඉන්නම්
කල්ප ගාණක් උනත් මං
එදා කී කථා
සිත පතුලේ තියා...//

ඔබ හැර ගිය පෙම්බර හිත
තනියෙන් ඉකි බින්දා..
හද මඩලේ ඔය රුව මා
ගෙත්තම් කෙරුවා...//

ඔබට මා පෙම්කලා..
විදවලා හැරගියා..
ඔය මුවේ මුදු සිනා..
මැවෙනවා පෙනෙනවා...

බලා ඉන්නම්..
කල්ප ගාණක් උනත් මං..
එදා කී කථා..
හිත පතුලේ තියා...//

මගෙ මැයි කියූ දිගු දෙනයන
අද මට හිමි නැතිවා..
මුළු ලොව මට ලැබුනත් මදි
ඔබ නැති හන්දා...//

ඔබට මා පෙම්කලා..
විදවලා හැරගියා..
ඔය මුවේ මුදු සිනා..
මැවෙනවා පෙනෙනවා...

බලා ඉන්නම්..

ගායනය : රොමේෂ් සුගතපාල
පද රචනය : නන්දන වික්‍රමගේ
සංගීතය : රොමේෂ් සුගතපාල

වීඩියෝව ගත්තෙ මෙතනින් - Hiru Television

චොකලට් කෑල්ල - SJS | Chocalate Kaella - SJS


එක දෙක මොණර කාසි පර්ස් එකට එන්නේ...
දැන් ෆුල් ආතල් එකේ මම ඉදින්නේ..
වැරදුන යම් තැනක දැන් මට හැගෙන්නේ..
කෙල්ලට දන්දීලා රිම් එකෙන් ඉන්නේ...//

චොක්ලට් කෑල්ල මගේ..
සූකිරි බට්ටියා මගේ..
ඔයා නොලැබුනොත් අනේ..
පනිනවා ලෝකාන්තේ..
ඉස්සර කිව්වට අනේ
ආයෙත් නෑ කියන්නෙ..//

පංතිත් කට් කරල ඉන්නෙ ඇය බලන්න..
කරුමෙට සෙට් වුනා මගේ වත හිදින්න..
තිබුනට බූට් සොමිය මේ හද පිරෙන්න...
දැන් දුක නෑ ඉතුරු වෙනවා හැම සතේම...//

චොකලට් කෑල්ල...

වදයක් නෑ රෑට නෑ මල් කඩන්නේ...
ඉස්සර මෙන් නෑ ඩබල් ටිකට් ගන්නේ...
වියදම දැන් නෑ ඩබල් වෙන්නේ...
බූට් එකත් අමුතු ආතල් එකක්නේ...//

චොකලට් කෑල්ල...

ගායනය, පද රචනය සහ සංගීතය : SJS
වීඩියෝව ගත්තෙ මෙතනින් - music.lk

ඔය මුවේ හසරැල් - උදය ශ්‍රී වික්‍රමසිංහ, උමාරියා සිංහවංශ | Oya Muwa (Spandana) - Udaya Sri Wickramasinghe, Umariya Singhawansha



ඔය මුවේ හසරැල් සොයා
මේ සිත ඇදෙනවා..
ඔය සිතේ රහසක් ලියා
මා ලඟ ඉන්නවා...
මං දන්නවා - ලඟ ඉන්නවා
අපි ආදරේ - සුව විදිනවා...හෝ...හෝ...හෝ

නීල ඔය දෑස මගෙමයි කියා
කීවා මතකයි එදා...
හීන මැවුදෑස ඔබලඟ තියා
තුරුලෙ මං ඉන්නවා...
හද සාගරේ - ආශා මැවූ මේ ආදරේ...

ඈත කඳු යායෙ සිසිලස සොයා
යමුද අපි පියඹලා...
සීත නොදැනෙන්නෙ ඔබ ලඟ නිසා
ඉන්න තව ලංවෙලා...
හද සාගරේ ආශා මැවූ මේ ආදරේ...

ඔය මුවේ හසරැල් සොයා...

ගායනය : උදය ශ්‍රී වික්‍රමසිංහ, උමාරියා සිංහවංශ
පද රචනය : නන්දන වික්‍රමගේ
සංගීතය : උදය ශ්‍රී වික්‍රමසිංහ

වීඩියෝව ගත්තෙ මෙතනින් - music.lk

සංවේදනා - ෂේන් සිංග් | Sanwedana - Shane Zingh


සංවේදනා මහදේ දරා..
මං ඉන්නෙ මුළු රෑම නොනිදා නිදා..
පෙම් චේතනා ඇවිලී ගියා..
දුක් ගින්න මට දීලා ඔබ ගිය නිසා..
පවනේ පවා මුසුවී ගියා..
මං ගැයුව දුක් ගායනා..

ආකාසේ දෙදරා ගියා
සඳ අහසෙ ගිලුනා කියා
මා දෑස නොපෙනේ සදා..
ඔබෙ රුවම ඕනා නිසා..

සංසාරේ නිම්නේ පවා..
හමුවන්නෙ ඔබමයි සදා..
මේ මොහොත ලංවෙයි කියා..
මං ඉන්නෙ නොමැරී තමා...

ගංඟා පවා සිදිලා ගියා..
මං හෙළුව සුසුමින්ම වියලී තලා..
සයුරෙන් ගෙනා දියරැල් පවා..
මහ දියඹෙ මං නොදැන ගොළුවී සිනා..
සයනේ වෙලී තනිවී මෙමා..
ඔබ ගැනම සිතුවා එදා...

ආකාසේ දෙදරා ගියා
සඳ අහසෙ ගිලුනා කියා
මා දෑස නොපෙනේ සදා..
ඔබෙ රුවම ඕනා නිසා..

සංසාරේ නිම්නේ පවා..
හමුවන්නෙ ඔබමයි සදා..
මේ මොහොත ලංවෙයි කියා..
මං ඉන්නෙ නොමැරී තමා...

ගායනය : ෂේන් සිංග්
පද රචනය : චන්දන වල්පොල
සංගීතය : අයෝද්‍යා ප්‍රනාන්දු


වීඩියෝව ගත්තෙ මෙතනින් - MusicPlusRecords

ආදරේ කටු සටහන් - නලින්ද රණසිංහ | Adare Katu Satahan - Nalinda Ranasinghe


ආදරේ කටු සටහන් අපේ..
ඉතිරිවී තියෙනවනම් හිතේ..
ආයෙමත් - ආයෙමත් - ආයෙමත්
වෙමු අපි අපේ...

පාළු කෙත්වල පියමන්..
කරමු අපි පිය සටහන්..
මතකෙ ඔබෙ තියනවානම්..
හමුවෙලා වෙන් නොවන ලෙස
ආයෙ කරමුද අපි පෙම්...

හදවතේ තව ඉඩ ඇත්නම්..
වෙන කෙනෙක්හෙම ලඟ නැත්නම්..
පෙම් වලට පා විස්කම්..
පෙර වගේ එක්වෙලා..
කරමු අපෙ පෙම් ගෙත්තම්...

ආදරේ කටු සටහන්...

ගායනය : නලින්ද රණසිංහ
පද රචනය : මාධව හේවාවසම්
සංගීතය : මාධව හේවාවසම්


වීඩියෝව ගත්තෙ මෙතනින් - LkDramacom

සිත නිදි නෑ - SJS | Sitha Nidi Na - SJS


සිත නිදි නෑ මගෙ ලඟ නෑ..
ඔබ දුර ඈත ගිහිල්ලා..
සිත දන්නෑ ඉවසුම් නෑ..
ඔය සිත තාම හොයනවා..
දුරක ඔබ ඉගිලිලා..

හිතේ නවතින්න ඉඩක් මට නැද්ද
එදා ඔබ කී කතා..
වෙනතකට යලි ගිහින් සැනසෙන්න
හිතුනෙ කොහොමද මෙදා..
තනිව උහුලන්න බැරි දුකක් එක්ක
සදා මා තනිවෙලා..

ඔබේ ලඟ ඉන්න වරම් මට නැද්ද
හිත තවත් අහනවා...
මගේ නෙතු ගාව කදුලු බිදු සේම
ඔයා තව ඉන්නවා...
ගියත් නුඹ ඈත යලිත් එනදාක
මං බලන් ඉන්නවා...

සිත නිදි නෑ...

ගායනය, පද රචනය සහ සංගීතය : SJS

වීඩියෝව ගත්තෙ මෙතනින් - music.lk

නුඹ අසාගෙනද සිටින්නේ - රන්දික සිල්වා | Numa asagenada sitinne - Randika Silva

නුඹ අසාගෙනද සිටින්නේ
මගෙ හද හඬන හඬ
නුඹ හට හැ‍ඟෙනවද
මා කිමද හඬන්නේ කියා

සිහින අතර ඔබ ඉන්න
ඒ සිහිනයක් මටත් දෙන්න //
ආදරයෙන් අමතන්න
මට බෑ යළිත් දිව එන්න

වැහි බිඳු අතරින් යන්න
මං ආසයි වැස්සෙ තෙමෙන්න //
වත තෙතබරිතව යන්න
මා හඬනා බැව් නොපෙනෙන්න

නුඹ අසාගෙනද සිටින්නේ
මගෙ හද හඬන හඬ
නුඹ හට හැ‍ඟෙනවද
මා කිමද හඬන්නේ කියා



ගායනය, ගී පද - රන්දික සිල්වා
සංගීතය - රවීන්ද්‍ර පැස්කුවෙල්




වීඩියෝව ගත්තෙ මෙතනින් - Randika Silva

කඳුළු පුරෝගෙන - ස්කිට්සෝ | Kandulu purogena - Skitzo




කඳුළු පුරෝගෙන
ඇයි ඔය ඇස්වල
බලන් ඉන්නවද
ඇය ගඟ අද්දර
හීන පුරුද්දන
මතකය වෙන් කල
රාජ පොහොට්ටුව
විතරද ලස්සන

හීන බදාගෙන
ඈත බලාගෙන
මාල කඩාගෙන
සේල ලිහාගෙන
අරුමෝසම් නිල් වැස්සේ
තෙමීගෙන
දිලිසී අහසට
පිය විදාගෙන
ඉගිල්ලෙන්න ඉල්ලනවද අවසර
අසුරු සැණින් දහඩිය පිහදාගෙන
ඉගිල්ලෙන්න ඉල්ලනවද අවසර
අසුරු සැණින් දහඩිය පිහදාගෙන

කඳුළු පුරෝගෙන
ඇයි ඔය ඇස්වල
බලන් ඉන්නවද
ඇය ගඟ අද්දර

හුදකලාව සඳ පායන අහසකි
කව්රුත් එන්නැති කවුරුත් දන්නැති
අළු යටවත් ගිණි පුපුරක් නම් නැති
අළුය අළුය සකි අළුය අළුය සකි
අළුද අලුයමකි

කඳුළු පුරෝගෙන
ඇයි ඔය ඇස්වල
බලන් ඉන්නවද
ඇය ගඟ අද්දර
හීන පුරුද්දන
මතකය වෙන් කල
රාජ පොහොට්ටුව
විතරද ලස්සන //


ගායනය - ස්කිට්සෝ
සංගීතය - තිළිණ බාලසූරිය
ගී පද - සුදන්ත මාධව




මුණගැහුණම හායි හායි - ලයනල් රන්වල | Munagehunama hai hai - Lional ranwala

මුණගැහුණම හායි හායි
වෙන් වෙනකොට බායි බායි
හායි හායි බායි බායි
හායි ඔයාලා යනවද බායි කියාලා
හායි ඔයාලා යනවද බායි කියාලා //

වචන දහස් ගණනක්ලු
අකුරු පණස් හතරක්ලු
අපේ හෝඩියේ
අපේ හෝඩියේ
ඇහිඳගන්න වචනවලින්
ඇයි දොඩවන්නේ
ඇහිඳගන්න වචනවලින්
ඇයි දොඩවන්නේ

ඇයි දොඩවන්නේ //

මුණගැහුණම හායි හායි
වෙන් වෙනකොට බායි බායි
හායි හායි බායි බායි
හායි ඔයාලා යනවද බායි කියාලා
හායි ඔයාලා යනවද බායි කියාලා //



ගායනය - ලයනල් රන්වල




වීඩියෝව ගත්තෙ මෙතනින් - Samaraweera Nimalsiri

වන බඹර කුලේ - මර්වින් පෙරේරා | Wana bambara kule - Mervin Perera

වන බඹර කුලේ
පිපි තඹුරු විලේ
සැතපෙන හසරැල්
උපද්දවා
සුව සහන දිදී
ඉඳ බැමිද බැදී
එනු මැන සුළඟින්
උදේ හවා

සිසි කිරණ තරම්
සිහිලසට උවම්
කිසිවක් නැති ඇයි පැවසූ //
මිහි දෙරණ තලේ
ඔබෙ වත කමලේ
දුටුවෙමි සිහිලැල්ල සුදූ

වන බඹර කුලේ
පිපි තඹුරු විලේ
සැතපෙන හසරැල්
උපද්දවා
සුව සහන දිදී
ඉඳ බැමිද බැදී
එනු මැන සුළඟින්
උදේ හවා

දිය දිණිති පවා
මල් කිණිති නවා
අත වනමින් කතා කලේ //
මගෙ ගතට හුරු
සහනය සපිරු
ඔබ සුවඳයි නෙළුම් මළේ

වන බඹර කුලේ
පිපි තඹුරු විලේ
සැතපෙන හසරැල්
උපද්දවා
සුව සහන දිදී
ඉඳ බැමිද බැදී
එනු මැන සුළඟින්
උදේ හවා

උදේ හවා ////



ගායනය, සංගීතය - මර්වින් පෙරේරා
ගී පද - ප්‍රේමකීර්ති ද අල්විස්




වීඩියෝව ගත්තෙ මෙතනින් - Premakeerthi Gee

වැරදුන තැන - අනුෂ්ක උදාන, ටෙරීෂා චතුරිකා | Weraduna Thena - Anushka Udana, Terisha Chathurika



ඔබ මාගේ නිසා - මට මාවම නැතිවුනා
තවයන්නට බැරි නිසා නුඹ හැරදා මා ගියා
තරුකැට පෙන්නලා පෙම් බිදුවක් දුන් ඔයා
සිත මගෙ අසනවා කවුරුද නුඹ කියා

කොහොමද කියල අසනා විට මා
නිහඩව ගොළුවෙනවා...
වැරදුන තැන්ගැන සිත රැවටුව බව
දැන් දැන් දුක් වෙනවා...

කොහොමද කියල ඇසුවත් මා දැන්
උන් තැන මියැදෙනවා...
වැරදුන තැන්ගැන සිත සිත ඇවිදින්
නුඹ ලඟ පරවෙනවා...

ඉවසුම් නැති නිසා - මල් කැටයම් මට එපා
අපි ගිය දුර නිසා - මං සලකුණු නැතිවුනා
අපි අතරේ හිස් කතා - එහි මතකය නැතිරුවා
යළි එන්නැති නිසා - පසුනොබලා මා ගියා

කොහොමද කියල අසනා විට මා
නිහඩව ගොළුවෙනවා...
වැරදුන තැන්ගැන සිත රැවටුව බව
දැන් දැන් දුක් වෙනවා...

කොහොමද කියල ඇසුවත් මා දැන්
උන් තැන මියැදෙනවා...
වැරදුන තැන්ගැන සිත සිත ඇවිදින්
නුඹ ලඟ පරවෙනවා...//

ගායනය : අනුෂ්ක උදාන සහ ටෙරීෂා චතුරිකා
පද රචනය : මනුරංග විජේසේකර
සංගීතය : ලහිරු පෙරේරා සහ විරේෂ් කුරේ (Music Oven)



වීඩියෝව ගත්තෙ මෙතනින් - anushkaudana

දින්න දාට කොල්ලෝ - සන්ෆ්ලවර්, නෙල්සන් වාස් | Dinna data kollo - Sunflower, Nelson Vaas


දින්න දාට කොල්ලෝ
ෂා නියමයි කියලා
කරවට මල් මාල දමනවා
එකක් දෙකක් අයියෝ
පැරදුනාම ගොයියෝ
මොකක්ද මේ කළේ අහනවා //

ලෝකෙ වටේ ගිහින් කොල්ලො
වැඩ පෙන්නනවා
මෙන්න බොලේ වෙනින් එවුන්
ලකුණු ගන්නවා
දිනාල එන දාට ගිහින්
මූණ ඉඹිනවා
පැරදුනාම කොයි ලොක්කත්
අහක බලනවා
දැම්මට බොරු කිණ්ඩි
ඔය වැඩ බැරි නොණ්ඩි
ක්‍රිකට් ලොවේ සූරයන්ව
අපට වටිනවා

දින්න දාට කොල්ලෝ
ෂා නියමයි කියලා
කරවට මල් මාල දමනවා
එකක් දෙකක් අයියෝ
පැරදුනාම ගොයියෝ
මොකක්ද මේ කළේ අහනවා

ජය පැරදුම දරාගන්න
හිතට ශක්තිය
අපි දන්නව ඔබ හැමටම
තියෙන විත්තිය
තවත් කලක් තියාගන්න
ලබාගත් ජය
ඉස්සරහට තල්ලු කරමු
අපේ කට්ටිය
පුංචි කොල්ලො නියමයි
ලෝකෙ නමක් තැබුවයි
අපේ ගීත උපහාරය
ඒ විරුවන්ටයි

දින්න දාට කොල්ලෝ
ෂා නියමයි කියලා
කරවට මල් මාල දමනවා
එකක් දෙකක් අයියෝ
පැරදුනාම ගොයියෝ
මොකක්ද මේ කළේ අහනවා //

මොකක්ද මේ කළේ අහනවා /////



- සන්ෆ්ලවර්, නෙල්සන් වාස්




වීඩියෝව ගත්තෙ මෙතනින් - Waruna Perera


මිනිස්කමට නම්බු නාම - රෝහණ වීරසිංහ | Miniskamata nambu nama - Rohana weerasinghe

මිනිස්කමට නම්බු නාම දුන් මිනිස් මුවින්
මිනිස්කමට නිගා ගෙනෙන වියරු රුදු වදන් //
ඇසේය මිනිස් පුරවරෙන් //

කල්පනා සොඳය මනුපුර බෝසතුන් මවන තරමට
කල්පයේ දැවෙන සිත් නෙත් නිවාලන ලෙසා
කප්තුරෙත් සැදෙයි පිළිලද මල් මගෙත් සිටිත් දෙබරුද
සහසකුත් අසති දෙව්දත් දනන්ගේ මුසා

මිනිස්කමට නම්බු නාම දුන් මිනිස් මුවින්
මිනිස්කමට නිගා ගෙනෙන වියරු රුදු වදන්
ඇසේය මිනිස් පුරවරෙන් //

පිල් හැලී හඬන මොණරුද බල බිඳී තැවෙන කෙසරුද
කලි යුගේ හොඳත් නොහොඳැයි නිගා දෙනු අසා
නියඟයත් වැසිත් සදන අහස සේම විඳිමු ගැරහුම්
මුණිවරුත් බොරළු කටු මග ඇවිද ගිය නිසා

මිනිස්කමට නම්බු නාම දුන් මිනිස් මුවින්
මිනිස්කමට නිගා ගෙනෙන වියරු රුදු වදන් //
ඇසේය මිනිස් පුරවරෙන් /////



ගායනය, සංගීතය - රෝහණ වීරසිංහ
ගී පද - වසන්ත කුමාර කොබවක




වීඩියෝව ගත්තෙ මෙතනින් - Ruchira Bandara

යන්න යන්න යන්න - ඩැඩී | Yanna yanna yanna - Daddy


යන්න යන්න යන්න
කෙළි බිම ඔබෙයි
ගන්න ගන්න ගන්න
එහි ජය ඔබෙයි
මේ ඔබේ වාරයයි
පන්දුවෙන් ලොවම දිනනා
පිති හරඹයෙන් පිටිය සරසනා
සූරයෙක් වෙන්නයි


එකට බැඳෙමින්
එකා වගේ එකා වගේ
එකා වගේ
එකම අරමුණක්
සිතේ නැගේ සිතේ නැගේ
සිතේ නැගේ

පිත්ත පන්දුවත් අත දරා
ජය පරාජයත් ඉවසනා
ඔබ පළඳවයි කිරුළු
ලක් මව් දිනවලා


යන්න යන්න යන්න
කෙළි බිම ඔබෙයි
ගන්න ගන්න ගන්න
එහි ජය ඔබෙයි
මේ ඔබේ වාරයයි
පන්දුවෙන් ලොවම දිනනා
පිති හරඹයෙන් පිටිය සරසනා
සූරයෙක් වෙන්නයි


දෙපිල බෙදුණත්
වෙනස් නොවේ වෙනස් නොවේ
වෙනස් නොවේ
එකම මවකගේ
දරුවො ලෙසේ දරුවො ලෙසේ
දරුවො ලෙසේ

විනයගරුක බව සුරකිනා
අභියෝගය අත් නොහරිනා
ඔබ පළඳවයි කිරුළු
ලක් මව් දිනවලා
දිනවලා


යන්න යන්න යන්න
කෙළි බිම ඔබෙයි
ගන්න ගන්න ගන්න
එහි ජය ඔබෙයි
මේ ඔබේ වාරයයි
පන්දුවෙන් ලොවම දිනනා
පිති හරඹයෙන් පිටිය සරසනා
සූරයෙක් වෙන්නයි

සූරයෙක් වෙන්නයි //



- ඩැඩී



වීඩියෝව ගත්තෙ මෙතනින් - TheSLKMusic
Related Posts Plugin for WordPress, Blogger...