මල් මදහාස - සමන් ඉන්දික | Mal Madahasa - Saman Indika











 මල් මදහාස ඔය මූණ මැවෙන තරම්..
මට නොකියාම ඔබ මාගේ හිතේ ඉඩ අරන්..
සතු කරගන්න හැමදාම යදිනා වරම්..
මා හැරයන්න එපා කිසිදු කිසිදාක නම්..

දැකල නෑ තව කෙනෙක් ඔබ වගේ මේ ලොවේ
උමතු වී ලද හිත මගේ ඔය රූ කෙරේ
ලස්සනයි ඇත්තමයි ලස්සනයි හද වගේ
වටිනවා ඔබව මට බොහොම සත්තයි නගේ..

මල් මදහාස ඔය මූණ...//

දැනිලා නෑ වෙන කෙනෙක් කිසිම දා මේ වගේ
පැතුම වී ලද හමුවුනේ ඔබ මා කෙරේ
ආදරේ ඇත්තමයි ආදරෙයි පණ වගේ
ඔබ මගේ සතුට හැම නිතර සත්තයි නගේ

මල් මදහාස ඔය මූණ...//

ගායනය : සමන් ඉන්දික
පද රචනය : ප්‍රසන්න කුමාර දම්මලගේ
සංගීතය : චන්දන වල්පොල


වීඩියෝව ගත්තෙ මෙතනින් - SriLankanVideos

ඔබ කඳුලේ උපතයි - ප්‍රියා සූරියසේන | Oba kandule upathai - Priya Sooriyasena



ඔබ කඳුලේ උපතයි
හසරැල් උපත මමයි
කඳුල හෝ හසරැල්ලේ
ඉම අපිමයි

රැයට අසරණ වෙලා
හඬන පලඟැටි බලා
කඳුලු හෝ හසරැලී දකිමුදෝ
අවදිවන ලොව බලා
දොඩන ගිරවුන් සොයා
කඳුලු හෝ හසරැලී දකිමුදෝ

අඳුර අතරට වෙලා
ඉඳිමු කලුවර බලා
කඳුලෙනුයි හසරැලි උපන්නේ
අඳුර අතරට වෙලා
ඉඳිමු කලුවර බලා
කඳුලෙනුයි හසරැලි උපන්නේ

ඔබ කඳුලේ උපතයි
හසරැල් උපත මමයි
කඳුල හෝ හසරැල්ලේ
ඉම අපිමයි



ගායනය, සංගීතය - ප්‍රියා සූරියසේන
ගී පද - ප්‍රේමකීර්ති ද අල්විස්




වීඩියෝව ගත්තෙ මෙතනින් - Premakeerthi Gee

හද වේදනා මෙසේ රැයේ - රාජු බණ්ඩාර | Hada wedana mese reye - Raju Bandara


හද වේදනා මෙසේ රැයේ කියා මෙමා
අද ඉන්න යාමෙ පාළුවේ හඬා
ඔබ ඉන්නෙ හිනැහිලා
ඔහු ගාව දැවටිලා
මා ලොවේහි තනිවෙලා ගියා මෙසේ
මා ලොවේහි තනිවෙලා ගියා //

දිනක මා දෑත ගෙන ඔයා
ඔබෙයි මා කියා දිව්රුවා //
මතක් වේවි සෑමදා
ඔබ කීව ඒ කතා
වේදනා සදා දීලා

හද වේදනා මෙසේ රැයේ කියා මෙමා
අද ඉන්න යාමෙ පාළුවේ හඬා
ඔබ ඉන්නෙ හිනැහිලා
ඔහු ගාව දැවටිලා
මා ලොවේහි තනිවෙලා ගියා මෙසේ
මා ලොවේහි තනිවෙලා ගියා

සඳුත් රෑ අහසෙ නැගෙන්නා
ඔබ කොහේ කියා අසන්නා //
ඔබෙන් ජීවිතේ පුරා
දුක් වේදනා ලබා
සෑමදා හඬාවී මා

හද වේදනා මෙසේ රැයේ කියා මෙමා
අද ඉන්න යාමෙ පාළුවේ හඬා
ඔබ ඉන්නෙ හිනැහිලා
ඔහු ගාව දැවටිලා
මා ලොවේහි තනිවෙලා ගියා මෙසේ
මා ලොවේහි තනිවෙලා ගියා //


ගායනය - රාජු බණ්ඩාර




වීඩියෝව ගත්තෙ මෙතනින් - MrDutugemunu

සොඳුරු ලොවට මල් වැහැලා - එච්.ආර්. ජෝතිපාල, සුජාතා අත්තනායක | Sonduru lowata mal wehela - H.R. Jothipala, Sujatha Aththanayaka



සොඳුරු ලොවට මල් වැහැලා
තව්තිසාවෙ හද මැවිලා
හැඟුම් පහන් තාරකා
පෙමට පායලා //

රෝස මලට හිත වැටිලා
බඹරෙකු සේ මා සොයලා
ඈත හිටන්
ඈත හිටන් ආවදෝ
ඔබ පියඹාලා
මා ආදරේ පායන් හදේ
මා ආදරේ පායන් හදේ

ගුණ සුවඳට මත් වෙනවා
හද මල් උයනක් වෙනවා
සිත උතුරා
සිත උතුරා ගලන පැයේ
ඔබ ළං වෙනවා
මා ආදරේ පායන් හදේ
මා ආදරේ පායන් හදේ

සොඳුරු ලොවට මල් වැහැලා
තව්තිසාවෙ හද මැවිලා
හැඟුම් පහන් තාරකා
පෙමට පායලා

පෙමට පායලා /////


ගායනය - එච්.ආර්. ජෝතිපාල, සුජාතා අත්තනායක
සංගීතය – ක්ලැරන්ස් විජේවර්ධන
ගී පද - ජෝර්ජ් ලෙස්ලි රණසිංහ
අපේක්ෂා චිත්‍රපටියෙන්




වීඩියෝව ගත්තෙ මෙතනින් - Dr196903

ඉස්සර ආදී කාලේ - කීර්ති පැස්කුවල් | Issara aadi kale - Keerthi Pasquel


ඉස්සර ආදී කාලේ වයල වියෝලේ
ඇහුවම නැටෙන තාලයේ
මල් මල් බයිල රාග කීවේ යාළුවේ
මේ වගෙ සතුටු සාදයේ

තැපර්මිඤ්ඤ මායි බනාජී
අර බැගර් මැලේ දවුන ජිවාජී
කපිරිඤ්ඤ බයිලා ගයා වයාලා
ලලයි ලයිලා කියමු නටාලා

හැඩවැඩ සාය හැට්ට බොස්තරැක්කයේ
ලස්සන තවම පේනවා
රොසලින් ඩොරින් ඩෝන මේරි සුසානා
දකින්න ආස හිතෙනවා

තැපර්මිඤ්ඤ මායි බනාජී
අර බැගර් මැලේ දවුන ජිවාජී
කපිරිඤ්ඤ බයිලා ගයා වයාලා
ලලයි ලයිලා කියමු නටාලා

ට්‍රැංගල් කොංගො බොංගෝ බැංජො රබානේ
නාදය තවම ඇහෙනවා
අළුතින් නැතත් රාග තාල ඇසීලා
මේවත් බොහොම වටිනවා

තැපර්මිඤ්ඤ මායි බනාජී
අර බැගර් මැලේ දවුන ජිවාජී
කපිරිඤ්ඤ බයිලා ගයා වයාලා
ලලයි ලයිලා කියමු නටාලා

පෙර සිට පැවතෙන රස පද තාම තියේවී
කලියුග කාලෙ මේ වගේ
ඉපැරණි දේකට අද ඇති අගය පෙනේවී
මේ හැටි දියුණු ලෝකයේ

තැපර්මිඤ්ඤ මායි බනාජී
අර බැගර් මැලේ දවුන ජිවාජී
කපිරිඤ්ඤ බයිලා ගයා වයාලා
ලලයි ලයිලා කියමු නටාලා //



ගායනය - කීර්ති පැස්කුවල්




වීඩියෝව ගත්තෙ මෙතනින් - MrDammike

කවාලා විළඳ ජාති - මයිකල් පීරිස් | Kawala wilanda jathi - Michael Peiris

කවාලා විළඳ ජාති
ඇති කලත් රන් කූඩුවේ ගිරවා
දමාලා යන්නෙ ඉගිලී
රැව් දිදී ලබනාසෙ වන සැපතා //

උපන්නොත් යම් කෙනෙක් මෙලොවේ
මරණයක් කොටා ඇත නළලේ //
මරණයක් ඇයිද මේ කෙටුවේ
මහබඹා මනු සතා නළලේ

කවාලා විළඳ ජාති...

කිරෙන් කා තෙලෙන් අත සෝදා
අපේ මේ ජීවිතේ රකිනා
දුවන්නේ සිරැරු කූඩුව
මෙහි තබාලා ආව දා මරුවා

කවාලා විළඳ ජාති...


ගායනය - මයිකල් පීරිස්
සංගීතය - මොහොමඩ් ගවුස්
ගී පද - සිරිසේන විමලවීර
(මෙම ගීතය පිළිබඳ තොරතුරු සෙවීමේදී හමු වූ එක් ලිපියකින් මෙය සිරිසේන විමලවීර මහතා විසින් රචනා කල බව හෙලි වූ අතර මයිකල් පීරිස් මහතා ගායනා කරන වීඩියෝවේ දැක්වෙන්නේ මෙය කේ. සෙබස්ටියන් පීරිස් මහතා විසින් රචනය කර ඇති බවයි. මේ පිළිබඳ තතු දත්තෙක් මෙය නිරාකරණය කරතැයි අපේක්ෂා කරමු.)


Prasad Premarathne


Meththa Metta

මෙය මයිකල් පීරිස් මහතාගේ ගීතයක් නොවන බව මේ ගායනයෙන් පැහැදිලි වේ. මේ මෑණියන් වයලට් වීරකෝන් බව කමෙන්ටුවක සඳහන් වේ.


rathnadeepaother

සීතල සඳ එළියේ - අනිල් භාරතී | Seethala sanda eliye - Anil Bharathi

සීතල සඳ එළියේ ඔබ හා සුරතලියේ
සුදු වැලි පාර දිගේ යන්නට ඇත්නම්
ලස්සන ගීත ගයා දෑතට දෑත තියා
සුන්දර සිහින මවා මා ඉන්නම් //

ඔබ වේ මාගේ ප්‍රිය සොඳුරී
ගොතලා කීවා ගී මිහිරි
පරදයි වාගේ කෝකිළ නාදේ
දෙසවන මාගේ රස මැවුනේ

සීතල සඳ එළියේ ඔබ හා සුරතලියේ
සුදු වැලි පාර දිගේ යන්නට ඇත්නම්
ලස්සන ගීත ගයා දෑතට දෑත තියා
සුන්දර සිහින මවා මා ඉන්නම්

ඔබ හා එක් වී සැන්දෑවේ
ඔරු පැද යන්නම් ගංඟාවේ
ඔය හැඩ මූණේ පෙම් මදහාසේ
කිසි දින නෑනේ අඩු වූයේ

සීතල සඳ එළියේ ඔබ හා සුරතලියේ
සුදු වැලි පාර දිගේ යන්නට ඇත්නම්
ලස්සන ගීත ගයා දෑතට දෑත තියා
සුන්දර සිහින මවා මා ඉන්නම් //


ගායනය - අනිල් භාරතී




වීඩියෝව ගත්තෙ මෙතනින් - Sri Lankan Live Musical Shows | HD

සිහින ලොවක් - ක්ලැරන්ස් විජේවර්ධන, සුපර් ගෝල්ඩන් චයිම්ස් | Sihina lowak - Clarance Wijewardena, Super Golden Chimes

සිහින ලොවක් දුටුවා මතකයි
සිහින ලොවෙන් ආවා මතකයි
සිහින ලොවක් දුටුවා මතකයි
සිහින ලොවෙන් ආවා මතකයි

සොඳුරු මිහිර සුව පහස ගෙනෙන ඒ
ආදර බර උණුසුම මතකයි
ඉර සඳු තරු කැට
පායන මිහිපිට
ආදරයෙන් බැඳුණා මතකයි

සිහින ලොවක් දුටුවා මතකයි
සිහින ලොවෙන් ආවා මතකයි

අප හදවත් ඒ නොමියෙන ලෙස බැඳි
ආදරයෙන් පිරුණා මතකයි
සිතට දැනෙන දැනෙන සුව
ගතට දැනෙන බව
ඔබ රහසේ කීවා මතකයි

සිහින ලොවක් දුටුවා මතකයි
සිහින ලොවෙන් ආවා මතකයි
සිහින ලොවක් දුටුවා මතකයි
සිහින ලොවෙන් ආවා මතකයි


ගායනය - ක්ලැරන්ස් විජේවර්ධන, සුපර් ගෝල්ඩන් චයිම්ස්




වීඩියෝව ගත්තෙ මෙතනින් - Dr196903



වීඩියෝව ගත්තෙ මෙතනින් - MrDammike

මඩේ ලඟින තාරාවන් - මර්සි එදිරිසිංහ | Made lagina tharawan - Mercy Edirisinghe

මඩේ ලඟින තාරාවන් නාවන්නද මං
ඌරු දළෙන් මොන ගජ මුතු අරගන්නද මං
චපල හිමිට සිරි යහනේ රැවටෙන්නද මං
එහෙම කලොත් ඔබ කියාවි මෝඩ ගෑණි මං
මෝඩ ගෑණි මං //

මදන ඇතුන් නෙලුම් හුයෙන්
මදන ඇතුන් නෙලුම් හුයෙන්
බැඳගන්නද මං
දුවන මුවන් දැක ලන්නද
නෙලූ පලා මං
එහෙම කලොත් ඔබ කියාවි මෝඩ ගෑණි මං
මෝඩ ගෑණි මං

මඩේ ලඟින තාරාවන් නාවන්නද මං...

හමන සුළන් මකුලු දැළෙන්
හමන සුළන් මකුලු දැළෙන්
වළකන්නද මං
කොහොඹ ගහෙන් කොහොම සඳුන්
මල් නෙළන්නෙ මං
එහෙම කලොත් ඔබ කියාවි මෝඩ ගෑණි මං
මෝඩ ගෑණි මං

මඩේ ලඟින තාරාවන් නාවන්නද මං...


ගායනය - මර්සි එදිරිසිංහ
ගී පද - ලූෂන් බුලත්සිංහල




වීඩියෝව ගත්තෙ මෙතනින් - LankaMusicTube

ලා සඳ එළියේ - නුවන් ගුණවර්ධන | La sanda eliye - Nuwan Gunawardena

ලා සඳ එළියේ සඳට හොරා
ලා තණ නිල්ලේ නිලට හොරා //
ඔබෙ හද පිපි මල ඔබට හොරා
නෙලා ගතිමි මම මටද හොරා
ලා සඳ එළියේ සඳට හොරා

හිමිදිරි උදයේ හිරැට හොරා
සමනල විහඟුන් සැමට හොරා //
ලා තණපත් මත මුතු පිණි කැට මත
ඔබ කැන්දා එමි මහද කරා

ලා සඳ එළියේ සඳට හොරා
ලා තණ නිල්ලේ නිලට හොරා
ඔබෙ හද පිපි මල ඔබට හොරා
නෙලා ගතිමි මම මටද හොරා
ලා සඳ එළියේ සඳට හොරා

ඔබ මා ළඟ නම් දවස පුරා
ලතැවුල් නොතැනේ භවය තුරා //
දුක සැප එක ලෙස සමව දරා අපි
අතිනත් ගෙන යමු සසර සරා

ලා සඳ එළියේ සඳට හොරා
ලා තණ නිල්ලේ නිලට හොරා //
ඔබෙ හද පිපි මල ඔබට හොරා
නෙලා ගතිමි මම මටද හොරා
ලා සඳ එළියේ සඳට හොරා


ගායනය - නුවන් ගුණවර්ධන




වීඩියෝව ගත්තෙ මෙතනින් - Nuwan Gunawardene

සැඳෑ පහන් නදී තෙරේ - රූකාන්ත ගුණතිලක | Sandae pahan nadee there - Rookantha Gunathilaka

සැඳෑ පහන් නදී තෙරේ
ඔබේ ළඟින් හිඳිම් ළං වෙලා
ඔබයි මමයි සඳයි රැයයි වුණා
මලයි විලයි හෙමින් තුරුල් වුණා //

දෑස පේන මානයේ පවා
නෑ මිනිස් හඬක් ඇහෙන්නෙ නෑ
ආදරේ සුරංගනා රැයේ
ජීවිතේ පියාසරයි ඔහේ
රතු පාට ඒ අහස් තලේ
ඔබෙ රෝස දුන්නු හාදුවේ

සැඳෑ පහන් නදී තෙරේ
ඔබේ ළඟින් හිඳිම් ළං වෙලා
ඔබයි මමයි හඳයි රැයයි වුණා
මලයි විලයි හෙමින් තුරුල් වුණා

ප්‍රේම සීන කල්පනා ලොවේ
ස්වර්ණ වර්ණ මාලිගා මැවේ
එන්න යන්න ඒ විමන් කරා
ඩිංග ඩිංග මාරුතේ එතී
නොනිදා නිදයි ඔබේ නුවන්
අඩවන් වෙලා හෙමින් හෙමින්

සැඳෑ පහන් නදී තෙරේ
ඔබේ ළඟින් හිඳිම් ළං වෙලා
ඔබයි මමයි හඳයි රැයයි වුණා
මලයි විලයි හෙමින් තුරුල් වුණා
මලයි විලයි හෙමින් තුරුල් වුණා
ඔබයි මමයි හඳයි රැයයි වුණා


ගායනය, සංගීතය - රූකාන්ත ගුණතිලක




වීඩියෝව ගත්තෙ මෙතනින් - periwinklelk

මේ පහන් රැය - ආනන්ද ගුණසේකර | Me pahan reya - Ananda Gunasekara

මේ පහන් රැය සීතලයි
නිසසලයි අඳුරුයි
ඈ නුවන් දැල්වී නිවී යයි
මා සිතුම් සසලයි
මා සිතුම් සසලයි //

මුවරදින් පිරි මල් තලා එන
මද පවන සුවඳයි
පිපි ලවන් යුග මදහසින් නැගි
රස හැඟුම් මියුරුයි
රස හැඟුම් මියුරුයි

මේ පහන් රැය සීතලයි
නිසසලයි අඳුරුයි
ඈ නුවන් දැල්වී නිවී යයි
මා සිතුම් සසලයි
මා සිතුම් සසලයි

තුරු හිසින් නැගි සඳ රැහැන් මැද
අපේ ලොව නිසලයි
පහන් නොවෙනා මේ පහන් රෑ
නිසල බව සසලයි
නිසල බව සසලයි

මේ පහන් රැය සීතලයි
නිසසලයි අඳුරුයි
ඈ නුවන් දැල්වී නිවී යයි
මා සිතුම් සසලයි
මා සිතුම් සසලයි //


ගායනය - ආනන්ද ගුණසේකර
සංගීතය - රෝහණ වීරසිංහ
ගී පද - කුමාරදාස සපුතන්ත්‍රී




වීඩියෝව ගත්තෙ මෙතනින් - srishashe

මතක නැද්ද ආදරෙන් - කිංස්ලි පීරිස් | Mathaka nadda adaren - Kingsly Peiris

මතක නැද්ද ආදරෙන් උන්න ළං වෙලා
දවස තිස්සෙ රෑ පුරා කතා කල ඔයා
ඈත කොහෙද හැංගිලා මගෙන් දුර ගියා
එන්නෙ නැද්ද ආයෙමත් රත්තරං ඔයා
මතක නැද්ද ආදරෙන් උන්න ළං වෙලා

අඳුරු අහසෙ හිටි ගමන් එළිය සඳ වෙලා
සීත රැයක පාළුවේ උණුසුමක් උණා
අඳුරු අහසෙ හිටි ගමන් එළිය සඳ වෙලා
සීත රැයක පාළුවේ උණුසුමක් උණා
මගේ ජීවිතේම දැන් හීනයක් වෙලා
යන්න කොහෙ ගියාදෝ රත්තරං ඔයා

මතක නැද්ද ආදරෙන් උන්න ළං වෙලා
දවස තිස්සෙ රෑ පුරා කතා කල ඔයා
ඈත කොහෙද හැංගිලා මගෙන් දුර ගියා
එන්නෙ නැද්ද ආයෙමත් රත්තරං ඔයා
මතක නැද්ද ආදරෙන් උන්න ළං වෙලා

හඬන හිත මගේ දැන්නම් නැවතුමක් නැතී
පාළු හිතට ආයේ සැනසුමක් නොයේ
හඬන හිත මගේ දැන්නම් නැවතුමක් නැතී
පාළු හිතට ආයේ සැනසුමක් නොයේ
හිතේ මාළිගා කඩාලා ඔයා ගිය හැටී
එන්නෙ නැද්ද ආයේ කොහොමටත් යළී

මතක නැද්ද ආදරෙන් උන්න ළං වෙලා
දවස තිස්සෙ රෑ පුරා කතා කල ඔයා
ඈත කොහෙද හැංගිලා මගෙන් දුර ගියා
එන්නෙ නැද්ද ආයෙමත් රත්තරං ඔයා
මතක නැද්ද ආදරෙන් උන්න ළං වෙලා


ගායනය - කිංස්ලි පීරිස්
සංගීතය - රොෂාන් ප්‍රනාන්දු




වීඩියෝව ගත්තෙ මෙතනින් - Susith Vidusanka

බුදු බණක් කියන්නට - එඩ්වඩ් ජයකොඩි | Budu banak kiyannata - Edward Jayakodi

බුදු බණක් කියන්නට පුතු ගෙදර ඇවිල්ලා
බුදු සුවඳ බුදු එළිය පැල පුරා ඉහිරිලා
බුදු පුතේ නුඹ දිනෙක බුදු වෙයන් කියාලා
නියත විවරණ දෙන්න යමු මැණිකෙ නැගිටලා

හැබැයි ඉස්සර වගේ මගෙ පුතේ කියාලා
තුරුළු කරගන්නනම් එපා ඉක්මන් වෙලා
බත් කටක් කවන්නට හිත ගියත් ළං වෙලා
එපා සිල් ඇවැත්වෙයි මවු සෙනෙහෙ සිහි වෙලා

බණ කතා කියන කොට හුරතලෙන් මුව විදා
කඳුළු පිස දුක නිවෙන බණ අසමු නෙතු පියා
හැඬුම් නැති සිතින් පුතු දකින්නට දිරි පතා
අපිත් විවරණ ලබමු වැටී වැඳ පුතු දෙපා

බුදු බණක් කියන්නට පුතු ගෙදර ඇවිල්ලා
බුදු සුවඳ බුදු එළිය පැල පුරා ඉහිරිලා
බුදු පුතේ නුඹ දිනෙක බුදු වෙයන් කියාලා
නියත විවරණ දෙන්න යමු මැණිකෙ නැගිටලා


ගායනය - එඩ්වඩ් ජයකොඩි
සංගීතය - රෝහණ වීරසිංහ
ගී පද - ආනන්ද හේවා රංහිඳ




වීඩියෝව ගත්තෙ මෙතනින් - priyadarshana wijepala

පිලේ පහන නිව්වා මං - සුනිල් එදිරිසිංහ | Pile pahana niwwa man - Sunil Edirisinghe

පිලේ පහන නිව්වා මං ගොම්මං අඳුරේ
තනිකම වරෙං ඉදිකඩ පැන මං නිදි පැදුරේ //

පෑල වියේ හීතල හඳ ඇවිත් මගේ තනි රකින්න
දොලේ හඞට උණ පඳුරේ වැනියං මට බලා ඉන්න
කාගෙත් දුකට හූමිටි ලන උලලේනෝ පලා යන්න
මගේ තනිය ළඟට වරෙං තුරුළු වෙලා නිදාගන්න

පිලේ පහන නිව්වා මං ගොම්මං අඳුරේ
තනිකම වරෙං ඉදිකඩ පැන මං නිදි පැදුරේ

කාටත් එකට උණුහුම දෙන ඉර පිපුණේ ඉරිමාවක
මගේ සතුට පෑල දොරින් යන්න ගියේ හැන්දෑවක
බොල් ඉපනැලි පුසුඹ ඉහෙයි පිපී සුසුම් මල් යායක
හිතේ දුකට දෑස හඬයි කඳුළු හලා ගංගාවක

පිලේ පහන නිව්වා මං ගොම්මං අඳුරේ
තනිකම වරෙං ඉදිකඩ පැන මං නිදි පැදුරේ //


ගායනය - සුනිල් එදිරිසිංහ
සංගීතය - රෝහණ වීරසිංහ




වීඩියෝව ගත්තෙ මෙතනින් - manel08uk

මට හීනයක් වෙලා - දමිත් අසංක | Mata heenayak wela - Damith Asanka



මට හීනයක් වෙලා ඔබේ ඔය ආදරේ
සිත තාම දන්නේ නෑ මා ඇයිද පෙම් කලේ
සඳ රාජිනි නුඹයි මගේ හද මන්දිරේ
සදා වෙනස් නොවේ මගේ ආදරේ //

රෑ දොළොස් පැයේ ඔබේ නෙතු මා ළඟයි ප්‍රියේ
චංචලයි වගේ ඔබේ හිත කොයිද පා වුණේ //
අදහන්න බෑ කදුළක්ද ආදරේ
නුඹ දන්නේ නෑ සුන්දරයි ජීවිතේ

තරුකා වියන් ගොතාලා මගේ අම්බරේ
ඇයිද හැංගුනේ හෙලා මා අන්දකාරයේ //
අදහන්න බෑ කදුළක්ද ආදරේ
නුඹ දන්නේ නෑ සුන්දරයි ජීවිතේ

මට හීනයක් වෙලා... ආදරේ
සිත තාම දන්නේ නෑ මා ඇයිද පෙම් කලේ
සඳ රාජිනි නුඹයි මගේ හද මන්දිරේ
සදා වෙනස් නොවේ මගේ ආදරේ

මට හීනයක් වෙලා ඔබේ ඔය ආදරේ
සිත තාම දන්නේ නෑ මා ඇයිද පෙම් කලේ
සඳ රාජිනි නුඹයි මගේ හද මන්දිරේ
සදා වෙනස් නොවේ මගේ ආදරේ


ගායනය - දමිත් අසංක
සංගිතය - අමිල දිල්හාන්
ගී පද - සම්පත් ප්‍රනාන්දුපුල්ලේ




වීඩියෝව ගත්තෙ මෙතනින් - Music.lk

නිල් උපුල් නුවන් පෙතී - සුමිත් මන්දනායක | Nil upul nuwan pethi - Sumith Mandanayaka

නිල් උපුල් නුවන් පෙතී
මල් විලට අගේ නැති
ඔබ කොහෙද පබාවතී
මා ඔබේ
මා ඔබේ ජයම්පති //

අත ඇඟිලි රනින් බැඳී
කුස නිරිඳු නමින් සිටී
අත ඇඟිලි රනින් බැඳී
කුස නිරිඳු නමින් සිටී
ඔබ දකින වරම් නැති
අමතකද ජයම්පති

නිල් උපුල් නුවන් පෙතී
මල් විලට අගේ නැති
ඔබ කොහෙද පබාවතී
මා ඔබේ
මා ඔබේ ජයම්පති

හිත පුරා නෙළුම් පිපී
ඔබෙ සුරත පතා හිඳී
හිත පුරා නෙළුම් පිපී
ඔබෙ සුරත පතා හිඳී
මා නොවේය සක්විති
ඔබ අහිමි ජයම්පති

නිල් උපුල් නුවන් පෙතී
මල් විලට අගේ නැති
ඔබ කොහෙද පබාවතී
මා ඔබේ
මා ඔබේ ජයම්පති //


ගායනය - සුමිත් මන්දනායක
සංගිතය - රෝහණ වීරසිංහ
ගී පද - රත්න ශ්‍රී විජේසිංහ




වීඩියෝව ගත්තෙ මෙතනින් - sumith mandanayaka

පෙම්වතා - අමිල සඳරුවන්, ලසඳුනි ජයවර්ධන, හැපි ජර්නි | Pemwatha - Amila Sandaruwan, Lasanduni Jayawardena, Happy Journey

සිංදු ලියලා තනුව දැම්ම පෙම්වතා මමයි
චිත්‍රේ ඇඳල පාට කරපු පෙම්වතිය මමයි
පිස්සු හැඳිලා කවිය ලියූ පෙම්වතා මමයි
මාව දැනිලා ආදරේට වෛරකරපු
පෙම්වතිය මමයි

සරත්චන්ද්‍රගෙන් භරතමුණිට
භරතමුණිගෙන් ඇරිස්ටෝටල්ට
සරත්චන්ද්‍රගෙන් භරතමුණිට
භරතමුණිගෙන් ඇරිස්ටෝටල්ට
ඇරිස්ටෝටල්ගෙන් කිසලොව්ස්කිට
ඇරිස්ටෝටල්ගෙන් කිසලොව්ස්කිට
මාරු උනා
මාරු උනා
මාරු උනා මං

අම්මේ මට කියන්න
මං කවුරු වගේ වෙයිද

රෝස මලෙන් ලිලී මලට මාරු උනා මං
ලිලී මලෙන් පිච්ච මලට මාරු උනා මං
පිච්ච මලෙන් ගංජා මලට
මාරු උනා
මාරු උනා
මාරු උනා මං

රෝස මලෙන් ලිලී මලට මාරු උනා මං
ලිලී මලෙන් පිච්ච මලට මාරු උනා මං
පිච්ච මලෙන් ගංජා මලට
මාරු උනා
මාරු උනා
මාරු උනා මං

තාත්තේ මට කියන්න
මං කවුරු වගේ වෙයිද



ගායනය - අමිල සඳරුවන්, ලසඳුනි ජයවර්ධන, හැපි ජර්නි



වීඩියෝව ගත්තෙ මෙතනින් - SLF Digital Film Academy

රත්තරං හීනයේ - මංජුල පුෂ්පකුමාර, උරේෂා රවිහාරි | Raththaran heenaye - Manjula Pushpakumara, Uresha Ravihari (Pathini Teledrama Theme)




රත්තරං හීනයේ සත්තකයි ඔබ උන්නා
ආත්මයෙන් ආත්මයේ රත්තරං මා ඔබේ
සත්‍ය පරමාදරේ සත් පියුම් සුපිපුණා
ජන්මයෙන් ජන්මයේ පතිනියයි මා ඔබේ
රත්තරං හීනයේ සත්තකයි ඔබ උන්නා

දුර යන්න මට බෑ හැරදා ඔබ මේ වගේ
ළඟ ඉන්න හිමි නෑ සැනහී ඔබ සෙනෙහසින්
ඔබ පෑ සිනහා සිත ළඟයි
ඔබ සුවඳ මා ජීවත් කරයි
ජිවිතේ පරම සැපත ඔබ වේමැයි
මා ඔබේමයි

දඟකාර හැන්දෑ අහසේ තරු නෙතු වසා
මනමාළ ඉඟි පෑ රහසේ හද කළඹවා
තාමත් නෑ මං නම් දන්නේ
බැදුනේ ඇයි දැයි මේ සෙනෙහේ
ඔබ මාගේ ප්‍රාණය හා සම වේමැයි
මා ඔබේමයි

රත්තරං හීනයේ
සත්තකයි මම උන්නා
ආත්මයෙන් ආත්මයේ
පතිනියයි මා ඔබේ



ගායනය - මංජුල පුෂ්පකුමාර, උරේෂා රවිහාරි
පතිනි ටෙලි නාට්‍යයෙන්




වීඩියෝව ගත්තෙ මෙතනින් - Miranja Sameera

පවන් සුසුම් දැලින් වෙළී - දේවානන්ද වෛද්‍යසේකර, ඉන්ද්‍රාණි පෙරේරා | Pawan susum dalin weli - Dewananda Waidyasekara, Indrani Perera


පවන් සුසුම් දැලින් වෙළී
ශෘංගාර රාවේ නොසංගා
නුවන් කොණින් සුපෙම් හැඟුම්
නින්නාද නැංවූ තරංගා
කුසුම් ළඳුන් බිඟුන් මුවින්
අනුරාග ගී රාව නංවා
ප්‍රසන්න වැව් තීරේ නැගේ
සංයෝග පෙම් ගී තරංගා

පෙම් සීත වර්ෂාවෙ නිල් වැව් තලාවේ
අනුරාග හෝරාව එළඹී තිබේ
මල්හාරියන් පෙම්වතුන් හා තුරුල් වී
අභිෂේක යාමේ උදාවේ

මනමාලියක් වන්න සිහිනෙන් පැතූ පෑ
අනුරාග හෝරාව එළඹී තිබේ
මුව මී තෙපුල් රන් උරා බී සිනාසෙන්න
අභිෂේක යාමේ උදාවේ

පවන් සුසුම් දැලින් වෙළී
ශෘංගාර රාවේ නොසංගා
නුවන් කොණින් සුපෙම් හැඟුම්
නින්නාද නැංවූ තරංගා
කුසුම් ළඳුන් බිඟුන් මුවින්
අනුරාග ගී රාව නංවා
ප්‍රසන්න වැව් තීරේ නැගේ
සංයෝග පෙම් ගී තරංගා


ගායනය - දේවානන්ද වෛද්‍යසේකර, ඉන්ද්‍රාණි පෙරේරා
සංගීතය - ඩබ්.ඩී. අමරදේව
ගී පද - ධර්මසිරි ගමගේ
තරංගා චිත්‍රපටියෙන්




වීඩියෝව ගත්තෙ මෙතනින් - dushanthaone

හද මාගේ සනසන්න - කීර්ති පැස්කුවෙල්, නිරෝෂා විරාජිනී | Hada mage sanasanna - Keerthi Pasquel, Nirosha Virajini


හද මාගේ සනසන්න සඳ රේණුවේ
හිත ගාව ළඟ ඉන්න රෑ සීතලේ
පියඹාලා ළං වෙන්න මේ යාමයේ
පෙම් සිහින සිතුවම් මැවේ //

රහසේම සිප ගන්න ආවාද මන්දා
පෙම් සිහින හැඟුමන් හදේ කොඳුරලා
ආදරේ පෙම් පවස දැනිලාද මන්දා
ඔබේ ප්‍රේම හැඟුමන් හදේ විසිරිලා
මින්දදගේ හී සරය වැදිලා හදේ
සිත බැඳුනා මගේ සෙනෙහේ

හද මාගේ සනසන්න සඳ රේණුවේ
හිත ගාව ළඟ ඉන්න රෑ සීතලේ
පියඹාලා ළං වෙන්න මේ යාමයේ
පෙම් සිහින සිතුවම් මැවේ

රෑ අහසේ තරු රෑන හොරැහින් බලාලා
සඳ තරුද අපේ පෙමට ඉඟි බිඟි කලා
ඒ සිහිනේ පෙම අපගෙ තරු වාගේ දිලිලා
තරුවයි සඳයි සේම ඉමු එකට බැඳිලා
මින්දදගේ හී සරය වැදිලා හදේ
සිත බැඳුනා මගේ සෙනෙහේ

හද මාගේ සනසන්න සඳ රේණුවේ
හිත ගාව ළඟ ඉන්න රෑ සීතලේ
පියඹාලා ළං වෙන්න මේ යාමයේ
පෙම් සිහින සිතුවම් මැවේ //


ගායනය - කීර්ති පැස්කුවෙල්, නිරෝෂා විරාජිනී
සංගීතය - කසුන් පැස්කුවෙල්
ගී පද - අනුර මාගලගේ





වීඩියෝව ගත්තෙ මෙතනින් - srilankanation

දීකිරි දීකිරි - අනුලා බුලත්සිංහල | Deekiri deekiri - Anula Bulathsinhala

දීකිරී...

දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි
දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි
පැටියා මෝරපු දෙණ ගෙන් ගත් කිරි
හොඳ හැටි උණු කොට හින්දාගත් කිරි
නැවුම් මුට්ටියේ වත්කල මේ කිරි
පණමට ලාබයි මං දෙන මේ කිරි
දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි

කිරි විකුණාලා කාසි හොයන්නයි
අනාගතේ මාළිගා තනන්නයි
කුමාරයෙක් ගෙදරට කැන්දන්නයි
මුට්ටිය බිඳුනොත් ඔක්කොම ඉවරයි

දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි

හිස මගේ දෙදරයි දෙපා රුදා දෙයි
රෑ වෙන්නට පෙර ගෙදරට යන්නයි
පණමේ කිරි ගෙන පිහිටක් වෙන්නයි
මගේ මංගල්ලෙට ඔහෙලත් එන්නයි

දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි
දීකිරි දීකිරි ගෙනාව දීකිරි
මිහිපිට කාටත් ගුණ දෙන දීකිරි


ගායනය - අනුලා බුලත්සිංහල
සංගීතය - ඔස්ටින් මුණසිංහ
ගී පද - ලූෂන් බුලත්සිංහල




වීඩියෝව ගත්තෙ මෙතනින් - nalinsra

හිංදි වදන් මියුරු හඬින් - ක්ලැරන්ස් විජේවර්ධන | Hindi wadan miyuru handin - Clarance Wijewardena

හිංදි වදන් මියුරු හඬින් කියන සිතාරා
සිංදු නදී ඉවුර දිගේ එන්න සිතාරා
හිංදි වදන් මියුරු හඬින් කියන සිතාරා
සිංදු නදී ඉවුර දිගේ එන්න සිතාරා
බ්‍රින්දා උයන දිහා චන්දන සිහිල රැඳී
භාරත කුසුම මගේ උන්නා සුවඳ දිදී
හිංදි වදන් මියුරු හඬින් කියන සිතාරා

වරළ පුරා මල් පැළදි ලියේ
දිගටි නෙතේ පෙම් කැළුම ප්‍රියේ
මතක සිතේ දැන් මතක තියේ
පූර්ණිමා...
හිනා වෙන්න ළඟින් ඉන්න

හිංදි වදන් මියුරු හඬින් කියන සිතාරා
සිංදු නදී ඉවුර දිගේ එන්න සිතාරා

සකල කළා මල් පිපෙන රටේ
ලලිත කළා මල් පොකුර මගේ
නුඹට ළඳේ මං බැඳුණු හදේ
සුරංගනා...
සුරල් නාද ඇසෙයි තාම

හිංදි වදන් මියුරු හඬින් කියන සිතාරා
සිංදු නදී ඉවුර දිගේ එන්න සිතාරා
බ්‍රින්දා උයන දිහා චන්දන සිහිල රැඳී
භාරත කුසුම මගේ උන්නා සුවඳ දිදී

හිංදි වදන් මියුරු හඬින් කියන සිතාරා
සිංදු නදී ඉවුර දිගේ එන්න සිතාරා /////



ගායනය, සංගීතය - ක්ලැරන්ස් විජේවර්ධන
ගී පද - අජන්තා රණසිංහ




වීඩියෝව ගත්තෙ මෙතනින් - Indiketi Hewage Rohan Indika

හීන හතක් මැද - ලතා වල්පොල | Heena hathak meda - Latha Walpola


හීන හතක් මැද විමනක් සැදුණයි
සීත සඳුන් සුව ඒ තුල මැවුණයි
වාසනාවෙ මල් හදවත පිපුණයි
ගීත නාද දෙව් ලෝකෙන් ඇහුණයි
හීන හතක් මැද විමනක් සැදුණයි
සීත සඳුන් සුව ඒ තුල මැවුණයි

නීල නුවන් ගැබ සෝක වලාවෝ
නීල නුවන් ගැබ සෝක වලාවෝ
වේදනාව ගෙන හද අඹරෝරේ
ඈතින් පොර තෙරපී ඇඹරේ
දෑසෙ කඳුලු වැල් රූරා වැගිරේ

අකාලයේ වැසි දිය ඇද හැලිලා
සෝක සුසුම් ගඟ ඉවුරු තලාලා
වාසනාවෙ මල් අකලට මැරුණයි
ප්‍රේම ලෝක රන් මන්දිර කැඩුණයි

හීන හතක් මැද විමනක් සැදුණයි
සීත සඳුන් සුව ඒ තුල මැවුණයි


ගායනය - ලතා වල්පොල
සංගීතය - ඩබ්ලිව්. ඩී. අමරදේව
ගී පද - මඩවල එස්. රත්නායක
ගැටවරයෝ චිත්‍රපටියෙන්




වීඩියෝව ගත්තෙ මෙතනින් - Nimal Bonifus

ජේන් නගේ - සුමිත් මන්දනායක | Jane nage - Sumith Mandanayaka

එන ඡන්දෙට මං ඉල්ලන්ටයි හිතාන ඉන්නේ
මට මනාපනං ඕනතරමං නෑ පරදින්නේ
එක මනාපයක් නැතිව තමයි මං ළතවෙන්නේ
අනෙ ජේන් නගේ...
අනෙ ජේන් නගේ නුඹෙ මනාපෙ කාටද දෙන්නේ

මගේ පැළට උඩින් තව ගෙපොළක් කපන්ට ඉන්නේ
එහි සත් මහලක් හදනවමයි නෑ නවතින්නේ
මැති ඇමති අඹුන් ටික නුඹ හා කදේ වැටෙන්නේ
මුතු මාල පබළු උජාරුවට දිස්නෙ වදින්නේ
අනෙ ජේන් නගේ...
අනෙ ජේන් නගේ නුඹෙ මනාපෙ කාටද දෙන්නේ

එන ඡන්දෙට මං ඉල්ලන්ටයි හිතාන ඉන්නේ
මට මනාපනං ඕනතරං නෑ පරදින්නේ
එක මනාපයක් නැතිව තමයි මං ළතවෙන්නේ
අනෙ ජේන් නගේ...
අනෙ ජේන් නගේ නුඹෙ මනාපෙ කාටද දෙන්නේ

හැම නිවාඩුවක් අල්ලල ඒරොප්පෙට යන්නෙ
නුඹ කියනවනං ඒරොප්පෙත් පැලක් හදන්නෙ
අපෙ පැටවු නිකං මෙහි ඉඳවල අකුරු කරන්නෙ
මල ඉලව් නුඹේ මනාපෙමයි පරහට ඉන්නේ
අනෙ ජේන් නගේ...
අනෙ ජේන් නගේ නුඹෙ මනාපෙ කාටද දෙන්නේ

එන ඡන්දෙට මං ඉල්ලන්ටයි හිතාන ඉන්නේ
මට මනාපනං ඕනතරං නෑ පරදින්නේ
එක මනාපයක් නැතිව තමයි මං ළතවෙන්නේ
අනෙ ජේන් නගේ...
අනෙ ජේන් නගේ නුඹෙ මනාපෙ කාටද දෙන්නේ
අනෙ ජේන් නගේ නුඹෙ මනාපෙ කාටද දෙන්නේ
අනෙ ජේන් නගේ...


ගායනය, සංගීතය, ගී පද - සුමිත් මන්දනායක





වීඩියෝව ගත්තෙ මෙතනින් - coolthili

සලා දෙනෙත් යුග - නිශාන්ත ප්‍රදීප් | Sala Deneth Yuga - Nishantha Pradeep


සලා දෙනෙත් යුග- ඉඟිකර හොරෙන් බලා..
සිනාසුනා මට - ඔබ ගැන හැඟුම් පොවා..
කොහේ ගියේ ඔබ - මගෙ සිත තලා පෙලා..
සනාතනයි කියු - අපමණ පෙමක් දවා..

එදා පෙමින් ඉඟි කලේ.. ඔබයි
සදා දුකින් තනිවුනේ මගේ ලොවයි
අදත් මගේ සිත ඔබට හැඟුම් බරයි
දුකින් වුනත් සිත තවමත් ඔබ සොයයි...

සලා දෙනෙත් යුග...

පුරා සඳක් ලෙස පෙනේවි දැයි..
බලාන ඉන්නවා ඔබ නොපෙනෙයි දුකයි..
බිඟුන් අරන් ගියේ මගේ මලයි
දුකින් වුනත් සිත තවමත් ඔබ පතයි..

සලා දෙනෙත් යුග...

ගායනය : නිශාන්ත ප්‍රදීප්
සංගීතය : නිශාන්ත ප්‍රදීප් / ශෙහාන්
ගී පද : මාධව හේවාවසම්, ආශා රාජපක්ෂ


වීඩියෝව ගත්තෙ මෙතනින් - Siyallamethana

ගංඟා එන්නකෝ ගංඟා - අබේවර්ධන බාලසූරිය | Ganga Ennako Ganga - Abeywardhana Balasooriya



ගංඟා එන්නකෝ ගංඟා..
මං බලාන ඉන්නේ ඔබ එනතුරු ගංඟා..

දිරු ඉපල් අත් දඬු ඔසවාගෙන
නියඟෙන් දා ගිය සිරුර වාරු කර..//
බලා සිටිද්දී මා..අහක බලාගෙන ගලා ගියා ඔබ..
නෑ නේද ඉතින් යලි අහක බලන් යන්නේ..

ගංඟා එන්නකෝ ගංඟා...

පිපුරුණු දෙතොලින් අහස බලාගෙන
දිය පොද රහිතව අකාලට මහළුව..//
හඬා වැටෙද්දී මා..පෙනෙන ඉසව්වෙන් මූදු ගියා ඔබ..
නෑ නේද ඉතින් යලි අහක බලන් යන්නේ...

ගංඟා එන්නකෝ ගංඟා...

ගායනය : අබේවර්ධන බාලසූරිය
පද රචනය : මහාචාර්ය සුනිල් ආරියරත්න


වීඩියෝව ගත්තෙ මෙතනින් - pathm11

මට කියාදෙන්න - ශෂිකා නිසංසලා | Mata Kiyadenna - Shashika Nisansala


මට කියාදෙන්න ඇසේ කඳුළු සඟවගන්න
බෑ හිනාවෙන්න ලොවේ මුකුළු රවට්ටන්න...
බෑ...මට නම් හිනාවෙන්න
ලොවේ මුකුළු රවට්ටන්න..

මල්....එලා තැනූ සිරියහනක සරසවන්න
කල් බැලූ සිහින අදවත් අරගෙනම වඩින්න...//

මට කියාදෙන්න...

මල්....මැරූ ගසට අතු අග මල් පුබුදුවන්න..
පතිනියක ලෙසින් කුලගෙයි පාරමී පුරන්න...//

මට කියාදෙන්න...

ගායනය : ශෂිකා නිසංසලා
පද රචනය : කාශ්‍යප සත්‍යප්‍රිය ද සිල්වා
සංගීතය : දර්ශන රුවන් දිසානායක


වීඩියෝව ගත්තෙ මෙතනින් - New Sinhala Songs

මල් මුතුලැල් - උරේෂා රවිහාරී, ජගත් වික්‍රමසිංහ | Mal Muthulal - Uresha Ravihari, Jagath Wickramasinghe



මල් මුතුලැල් නිල් තුරුවැල් සකුණ විජිතයේ..
මා සඟවා තබයි ඔබේ රාජධානියේ..
ඇල් ගඟුලැල් නිල් දියරැල් සිහින නිම්නයේ...
මා සිතගාවමයි ඔබේ තාරකාවියේ...

හෝ...හෝ...හෝ...හෝ...
ම්..ම්...ම්...ම්....

නිල් නුගවිල් පුන් සඳ රැල් විසිරෙනා වෙලේ..
මේ හසකැන් මේ දෙණුවන් තාරකා දිලේ..
රන් රසුදැල් මල් හසරැල් සැසලෙනා හදේ..
මේ නිකැලැල් ජීවන මල් මාලතී පිපේ..
ජීවිතයෙන් ජීවිතේ වාසනා රැදේ...

මල් මුතුලැල්...

ගුම් විහඟුන් පෙම් පබැදුම් මුමුණනා උදේ..
මාරුතයෙන් චාමරවන් ගායනා රැදේ..
රන් සිහිනෙන් ගිම්නිමවින් සැතපෙනා දිනේ..
නෑ ලතැවුල් සෝ කඳුලැල් මා ඔබේ ලොවේ..
ජීවිතයෙන් ජීවිතේ වාසනා රැදේ..

මල් මුතුලැල්...

ගායනය : උරේෂා රවිහාරි, ජගත් වික්‍රමසිංහ
සංගීතය : සරත් ද අල්විස්

වීඩියෝව ගත්තෙ මෙතනින් - Nadee Nisansala
Related Posts Plugin for WordPress, Blogger...