සිතින් සිනා සිසී - රූකාන්ත ගුණතිලක, චන්ද්‍රලේඛා පෙරේරා | Sithin sina sisi athangili allala - Rookantha Goonathilaka, Chandralekha Perera

සිතින් සිනා සිසී අතැඟිලි අල්ලලා
එන්න යන්න මල් මාවතේ
සවන් පුරා සෙමින් රහසින් කියන්දෝ
පුංචි ආදරේ කතන්දරේ

ආදරේ නමින්
දිලෙන පහනේ පහන් සිලේ
දීප්ති බින්දුවයි ඔබ නයනේ
ඒ පහන් වැටේ
එළිය අප හා සිනාසුණා
යොවුන් ලොවේ හැඟුම් සුන්දරයි

සිතින් සිනා සිසී අතැඟිලි අල්ලලා
එන්න යන්න මල් මාවතේ
සවන් පුරා සෙමින් රහසින් කියන්දෝ
පුංචි ආදරේ කතන්දරේ

රාත්‍රියේ රිදී
පොකුරු තරුවේ ඇඳී තියේ
රත්තරන් රුවින් පෙම් රේඛා
ජීවමාන වේ
සුවඳ හිරිමල් යොවුන් වියේ
පෙමේ සුසුම් පවා සුන්දරයි

සිතින් සිනා සිසී අතැඟිලි අල්ලලා
එන්න යන්න මල් මාවතේ
සවන් පුරා සෙමින් රහසින් කියන්දෝ
පුංචි ආදරේ කතන්දරේ

පුංචි ආදරේ කතන්දරේ
එන්න යන්න මල් මාවතේ
එන්න යන්න මල් මාවතේ
පුංචි ආදරේ කතන්දරේ


ගායනය - රූකාන්ත ගුණතිලක, චන්ද්‍රලේඛා පෙරේරා
සංගීතය - රූකාන්ත ගුණතිලක




වීඩියෝව ගත්තෙ මෙතනින් - Rukshan Karunanayake

මාගෙ මතකේ ඔබේ රුව - සුජාතා අත්තනායක, එච්. ආර්. ජෝතිපාල | Mage mathake obe ruwa ande - Sujatha Atathanayaka, HR Jothipala


මාගෙ මතකේ ඔබේ රුව ඇඳේ
සුහද මා ජීවිතේ ඔබ සතුයි
ඔබේ සුවඳ මනමත් කරයි
ඔබ මා හදේ සැරිසරයි //

ඈත එපිටින් ඔබේ ඇසෙන පෙම් ගීතයයි
සීත සඳපානෙ කිරි සයුර කලතා සොයයි
මහද කවුළු දොරින් එන්න සුහදේ ඔයා
ජීවිතේ ආදරෙන් ඉන්න මට ළංවෙලා

මාගෙ මතකේ ඔබේ රුව ඇඳේ
සුහද මා ජීවිතේ ඔබ සතුයි
ඔබේ සුවඳ මනමත් කරයි
ඔබ මා හදේ සැරිසරයි

සීත සුළඟක් හමා පැතුව පැතුමන් ගෙනා
ඈත භවයේ පටන් පැතුම ලෙස ළං කලා
ඕලු මානෙල් පිපී සුවඳ පිණි හා වෙළී
සොඳුර ඔය මුහුණ මීදුම් සේලෙන් වැසී

මාගෙ මතකේ ඔබේ රුව ඇඳේ
සුහද මා ජීවිතේ ඔබ සතුයි
ඔබේ සුවඳ මනමත් කරයි
ඔබ මා හදේ සැරිසරයි //

ඔබ මා හදේ සැරිසරයි ////

ගායනය - සුජාතා අත්තනායක, එච්. ආර්. ජෝතිපාල
සංගීතය - ජේ.ඒ. දොඩංවල
ගී පද - ලීලානන්ද ගුණවර්ධන
මිනිසුන් අතර මිනිසෙක් චිත්‍රපටියෙන්




වීඩියෝව ගත්තෙ මෙතනින් - Indiketi Hewage Rohan Indika

ඔබේ උපන් දිනේ අදයි - මිල්ටන් මල්ලවාරච්චි | Obe upan dine adai - Milton Mallawarachchi

ඔබේ උපන් දිනේ අදයි
ඔබේ උපන් දිනේ
මේ පැතුම් මගේ ආදරේ
දිගුකල් යෙහෙන් සැරදේ
සඳ මෙන් පිරී දිලී ගුවන් තලේ

මා හා කියූ දේ ළං වී මුවෙන්
ගිලිහී ගියාදෝ ඔබගේ හදින්
කම් නෑ එයින් මා නොසැලී හිඳිම්
පිළිගන්වමී මගේ රුවන් පැතුම්

ඔබේ උපන් දිනේ අදයි
ඔබේ උපන් දිනේ
මේ පැතුම් මගේ ආදරේ
දිගුකල් යෙහෙන් සැරදේ
සඳ මෙන් පිරී දිලී ගුවන් තලේ

ඉවත හෙළාලා සෙනෙහේ කැළුම්
ඇයි මා පෙළන්නේ නොදොඩා මුවින්
කම් නැහැ එයින් මා නොසැලී හිඳින්
පිළිගන්වමී මගේ රුවන් පැතුම්

ඔබේ උපන් දිනේ අදයි
ඔබේ උපන් දිනේ
මේ පැතුම් මගේ ආදරේ
දිගුකල් යෙහෙන් සැරදේ
සඳ මෙන් පිරී දිලී ගුවන් තලේ


ගායනය - මිල්ටන් මල්ලවාරච්චි




වීඩියෝව ගත්තෙ මෙතනින් - sindika sampath

මගෙ සුදු මාමේ - සී.ටී. ප්‍රනාන්දු | Mage sudu mame - CT Fernando

කළුවන් කළු රුවයි අප ගම මදින්නා
මණ්ඩි නැතුව රා හැමටම බෙදන්නා
එන එන කැකුළු මල් නෑරම තලන්නා
දෙවියෝ රැක දෙන්න අප ගම මදින්නා

මගෙ සුදු මාමේ මගෙ සුදු මාමේ
නෑ බෑ නොකියා
රා පොඩියක් දී මා සනසන්නේ
රා පොඩියක් දී මා සනසන්නේ

ගහින් ගහට අතුර දිගේ නගින්නා
ළපටි කැකුළු මල් බල බල තලන්නා //
මණ්ඩි නැතුව රා හැමටම බෙදන්නා
අනේ වාසනාවන් මේ මදින්නා

මගෙ සුදු මාමේ මගෙ සුදු මාමේ
නෑ බෑ නොකියා
රා පොඩියක් දී මා සනසන්නේ
රා පොඩියක් දී මා සනසන්නේ

ළපටි රා තරුණ අපටයි බෙදන්නේ
පැහුණු රා මහළු අයටයි ඔබින්නේ //
විනාකිරට ඉතුරු කොටස තබන්නේ
අවුරුදු අච්චාරුව ඉන් සදන්නේ

මගෙ සුදු මාමේ මගෙ සුදු මාමේ
නෑ බෑ නොකියා
රා පොඩියක් දී මා සනසන්නේ
රා පොඩියක් දී මා සනසන්නේ

කිතුල් මල් තපා තෙල් දිය බාන්නා
රුහුණේ මී කිරට පැණි නිපදවන්නා //
රසැති කිතුල් පොල් හකුරුද හදන්නා
ගමට කප්රුකක් මේ රා මදින්නා

මගෙ සුදු මාමේ මගෙ සුදු මාමේ
නෑ බෑ නොකියා
රා පොඩියක් දී මා සනසන්නේ
රා පොඩියක් දී මා සනසන්නේ
රා පොඩියක් දී මා සනසන්නේ


ගායනය, සංගීතය - සී.ටී. ප්‍රනාන්දු
ගී පද - සුසිල් සේනාධීර




වීඩියෝව ගත්තෙ මෙතනින් - Prashan DZ

අම්මා - 6th Lane | Amma

මන්දාරම් වැහි වැටෙනා
හීතල හැන්දෑවේ
මා අසලින් රැඳි උණුහුම ඔබ විය
නුඹයි මගේ අම්මා

සඳ හාවුන් හඬනා
කළුවර රාත්‍රියේ
ආලෝකය දුන් සඳ කැන් ඔබ විය
නුඹයි මගේ අම්මා

ලේ කිරි කර පොවා
මා සෙනෙහෙන්
වැඩු මාගේ අම්මා
දරා දස මාසේ
ඉහිලූ බරට ණය ගැතියි
ජිවිතෙන් මා
අම්මේ මං නුඹට ආදරෙයි
ජීවේ පොවන උල්පත නුඹයි
අම්මේ නුඹ මගේ රැජිණයි
සංසාරයේ මා නුඹ ළඟයි

කුණාටු සාගරයේ
රුවල් බිඳුනු නෞකාවේ
හබල ඔබයි පිළිසරණ නුඹයි
නුඹයි මගේ අම්මා

දාහය වෑහෙනා
ගිණියම් මද්දහනේ
සෙවණ ඔබයි මද පවන ඔබයි
නුඹයි මගේ අම්මා

ලේ කිරි කර පොවා
මා සෙනෙහෙන්
වැඩු මාගේ අම්මා
දරා දස මාසේ
ඉහිලූ බරට ණය ගැතියි
ජිවිතෙන් මා
අම්මේ මං නුඹට ආදරෙයි
ජීවේ පොවන උල්පත නුඹයි
අම්මේ නුඹ මගේ රැජිණයි
සංසාරයේ මා නුඹ ළඟයි

අම්මේ මං නුඹට ආදරෙයි
ජීවේ පොවන උල්පත නුඹයි
අම්මේ නුඹ මගේ රැජිණයි
සංසාරයේ මා නුඹ ළඟයි


ගායනය - 6th lane
සංගීතය, ගී පද - හිරාන් තේනුවර



වීඩියෝව ගත්තෙ මෙතනින් -Shanaka Gamage

පායාලා මගේ ලොවේ - කීර්ති පැස්කුවෙල් | Payala mage lowe - Keerthi Pasquel

පායාලා මගේ ලොවේ
කාගේදෝ සිනා දිලේ
උදෑසනේ සැඳෑසමේ
සදාදරේ නවාතැනේ
පායාලා මගේ ලොවේ

පාට පාට සිහිනේ මා
මල් පාරුවේ නැගීලා
නීල දෑස පැටලීලා
ඔබ හා ගියේ ඇඳීලා
මිහිරාවියේ මගේ
මා බැන්ද ආදරේ
හැමදාම මේ වගේ
අඩු නෑ මගේ සිතේ

පායාලා මගේ ලොවේ
කාගේදෝ සිනා දිලේ

තාරකාව ඔබ නේදෝ
නිදනා සඳේ තුරුල්ලේ
මාළිගාව සිත නේදෝ
ඔබ මා තැනූ නිදැල්ලේ‍
මිහිරාවියේ අපේ
මේ පුංචි ලෝකයේ
මුතු වාගේ ආදරේ
දෙහදේ සදා දිලේ

පායාලා මගේ ලොවේ
කාගේදෝ සිනා දිලේ
උදෑසනේ සැඳෑ සමේ
සදාදරේ නවාතැනේ

පායාලා මගේ ලොවේ
කාගේදෝ සිනා දිලේ


ගායනය - කීර්ති පැස්කුවෙල්
සංගීතය - ස්ටැන්ලි පීරිස්
ගී පද - සමන් චන්ද්‍රනාත් වීරසිංහ




වීඩියෝව ගත්තෙ මෙතනින් - Priyantha De Silva

රෝස් රෙඩීෂා - ඉන්දික ප්‍රසාද් | Rose redisha - Indika Prasad

ආදරෙ සොරාගන්න මා සිත සොයන්
ආවානම් මග බලා
සල්සා නැටුමට ‍‍නොසිතූ මොහොතේ ආ
රෝස් රෙඩීෂා
වයලින් වයමූ වස්දඬු පිඹිමූ
නැතුවට බැලලයිකා
ගිටාර තනුවේ කෝමල තීවෘ පා
වයනව වාදකයා

සීතල මීදුම් රෑ
පන්හිඳ වැටුණේ නෑ
නුඹ මා තුරුලු කරන්
සෙනෙහස උතුරාවී
මදකට ගොළු වී සීතල අඳුරේ
රඟනව රඟධරයා
ගිටාර තනුවේ කෝමල තීවෘ පා
වයනව වාදකයා

නින්ද හරිම හොඳ නෑ
අවදිව හිටියෙත් නෑ
අළුයම හොර හොරෙන් මේ
අඳුරත් නොකියාවී
පාලුව හමුවී දහවල් එළියේ
තැවෙනව රඟධරයා

ආදරෙ සොරාගන්න මා සිත සොයන්
ආවානම් මග බලා
සල්සා නැටුමට ‍‍නොසිතූ මොහොතේ ආ
රෝස් රෙඩීෂා
වයලින් වයමූ වස්දඬු පිඹිමූ
නැතුවට බැලලයිකා
ගිටාර තනුවේ කෝමල තීවෘ පා
වයනව වාදකයා


ගායනය, සංගීතය - ඉන්දික ප්‍රසාද්
ගී පද - රුවන් නන්දික




වීඩියෝව ගත්තෙ මෙතනින් - Ruwan Nandika

සිහින් සිනාවයි - ක්ලැරන්ස් විජේවර්ධන, ගෝල්ඩන් චයිම්ස් | Sihin sinawai obe lapati muwe - Clarance Wijewardena, Golden Chimes

සිහින් සිනාවයි ඔබෙ ළපටි මුවේ
කොහෙන් ගෙනාවද ඔය කදිම රුවේ
කැළුම් හැලෙන ඔබෙ නෙත හමුවේ
කෙසේ කියන්නද හදවත ගොළුවේ

මලින් උරා බොන රොන් බඹර මුවේ
රුවන් මැණික් මුතු තිබෙන ලොවේ
එවන් රසක් ඇත මට ඔබගේ මුවේ
ඔබයි මනාලිය මගෙ සිහින ලොවේ


පැතුම් පිරුණු ඔබෙ මුහුණේ
සිතුම් මට කියා නෑනේ
නැවුම් අදහසක් මහදේ ඇඳී තියෙනවා
සිතේ සැනසුමක් නෑනේ
නෙතේ සහනයක් නෑනේ
ඔබෙන් පිළිතුරක් ලැබෙයිද බලා සිටිනවා


සිහින් සිනාවයි ඔබෙ ළපටි මුවේ
කොහෙන් ගෙනාවද ඔය කදිම රුවේ
කැළුම් හැලෙන ඔබෙ නෙත හමුවේ
කෙසේ කියන්නද හදවත ගොළුවේ


පැතුම් පිරුණු ඔබෙ මුහුණේ
සිතුම් මට කියා නෑනේ
නැවුම් අදහසක් මහදේ ඇඳී තියෙනවා
සිතේ සැනසුමක් නෑනේ
නෙතේ සහනයක් නෑනේ
ඔබෙන් පිළිතුරක් ලැබෙයිද බලා සිටිනවා


සිහින් සිනාවයි ඔබෙ ළපටි මුවේ
කොහෙන් ගෙනාවද ඔය කදිම රුවේ
කැළුම් හැලෙන ඔබෙ නෙත හමුවේ
කෙසේ කියන්නද හදවත ගොළුවේ

මලින් උරා බොන රොන් බඹර මුවේ
රුවන් මැණික් මුතු තිබෙන ලොවේ
එවන් රසක් ඇත මට ඔබගේ මුවේ
ඔබයි මනාලිය මගෙ සිහින ලොවේ

ඔබයි මනාලිය මගෙ සිහින ලොවේ ///


ගායනය - ක්ලැරන්ස් විජේවර්ධන, ගෝල්ඩන් චයිම්ස්
සංගීතය, ගී පද - ක්ලැරන්ස් විජේවර්ධන




වීඩියෝව ගත්තෙ මෙතනින් - Indiketi Hewage Rohan Indika

නිල් කඳු මිටියාවත - නදීක ජයවර්ධන | Nil kandu mitiyawatha - Nadeeka Jayawardena

නිල් කඳු මිටියාවත පමණයි
මගේ දෑසේ ‍රැඳිලා ඇත්තේ
ඈතට ඈතට ගිය සිත
කොයිබද නැහැ මා දන්නේ //

සොඳුරු බවින් යුත් අතීතයක්
මට නෑ හිමි වී ඇත්තේ
ඒ ගැන සිතමින් කෙලෙසද සොඳුරියේ
ඔබ වෙත මා ළං වන්නේ

නිල් කඳු මිටියාවත පමණයි
මගේ දෑසේ ‍රැඳිලා ඇත්තේ
ඈතට ඈතට ගිය සිත
කොයිබද නැහැ මා දන්නේ

සැනසුම් සුවයක සේයාවක්
ඉතිරිව නෑ ඔබ ඇසුරේ
සුපුරුදු තනිකම විතරද උරුමය
මට මේ මුළු දිවියේ

නිල් කඳු මිටියාවත පමණයි
මගේ දෑසේ ‍රැඳිලා ඇත්තේ
ඈතට ඈතට ගිය සිත
කොයිබද නැහැ මා දන්නේ

කොයිබද නැහැ මා දන්නේ ///


ගායනය, සංගිතය - නදීක ජයවර්ධන
ගී පද - චාමින්ද රත්නසූරිය




වීඩියෝව ගත්තෙ මෙතනින් - TheMusickSpace

පාව යන්න - ලෙලුම් රත්නායක | Paawa yanna - Lelum Rathnayaka

පාවී...
පාව යන්න වැහි වලාකුල
මේ ගිණියම් අව්රැස මට විඳගන්න හැකි
දුර කඳු නිම්න තැනිතලා
පසුකර යන්න ඈ වෙතට
තෙතමනයක් නැති ඇගේ හදට

මහ වරුසාවක් වී හැලෙන්න
මහ වරුසාවක් වී හැලෙන්න

කතරක දුක උහුලාගෙන
මට ඉන්න හැකි
ඉපල් නැගෙන අතුපතරින්
හමනා උණුසුම ඉවසාගන්න හැකි
කතරක දුක උහුලාගෙන
මට ඉන්න හැකි
ඉපල් නැගෙන අතුපතරින්
හමනා උණුසුම විඳගන්න හැකි

මහ වරුසාවක් වී හැලෙන්න
මහ වරුසාවක් වී හැලෙන්න

ගිම්හානේ අහසට
මට ලොල් බඳිත හැකි
තරු එළියක මද කැල්මෙන්
වෑහෙන පිණි පොද උහුලාගන්න හැකි
ගිම්හානේ අහසට
මට ලොල් බඳිත හැකි
තරු එළියක මද කැල්මෙන්
වෑහෙන පිණි පොද උහුලාගන්න හැකි

මහ වරුසාවක් වී හැලෙන්න
මහ වරුසාවක් වී හැලෙන්න //


ගායනය - ලෙලුම් රත්නායක
සංගීතය - නදීක ගුරුගේ
ගී පද - චාමින්ද රත්නසූරිය




වීඩියෝව ගත්තෙ මෙතනින් - avdura

හමුවෙන්නට සමුගන්නට - රොෂාන් ප්‍රනාන්දු | Hamuwennata samugannata - Roshan Fernando

හමුවෙන්නට සමුගන්නට ඇවිත් යන එන
දුම්රියපොල පෙම්වතුන්ගේ සරසවි උයන
අවුරුද්දෙම තුරුලිය ගොමු මලින් සැරසුන
අපි දෙන්නා එනතුරු මග බලයි සැම දින

මලක නැවුම් සුවඳ පිරුණ සොඳුරු මද නල
ඔබ ගැන තොරතුරු විමසයි මගදි හමුවෙන
සඳ ඇවිදින් ගියා වගේ කිසිත් නොකියම
ඔබ සැඟවී ගිහින් මගේ හිතත් අරගෙන
ඔබ සැඟවී ගිහින් මගේ හිතත් අරගෙන

හමුවෙන්නට සමුගන්නට...

නෙතින් නෙතට එබී බලා ගන්න හදවත
ඉස්සර මෙන් ඇවිත් යන්න සරසවි බිමට
ඔබ වෙනුවෙන් පෙරුම් පුරා ඉනූ කඳුලට
බිම වැටෙන්න දෙන්න එපා රිදෙයි හොඳටම
බිම වැටෙන්න දෙන්න එපා රිදෙයි හොඳටම

හමුවෙන්නට සමුගන්නට ඇවිත් යන එන
දුම්රියපොල පෙම්වතුන්ගේ සරසවි උයන
අවුරුද්දෙම තුරුලිය ගොමු මලින් සැරසුන
අපි දෙන්නා එනතුරු මග බලයි සැම දින

අපි දෙන්නා එනතුරු මග බලයි සැම දින //


ගායනය - රොෂාන් ප්‍රනාන්දු




වීඩියෝව ගත්තෙ මෙතනින් - Ayanthi piushani

දෙතුන් වතාවක් - මිල්ටන් පෙරේරා | Dethuna wathawak - Milton Perera - sinhala lyrics

දෙතුන් වතාවක් ඔබ ඇමතුවෙමි
සැප දුක් සොයා බලන්න
මගෙ දුරකතනයෙ අංකය මතකද
මොහොතක් කතා කරන්න //

රුව දැක ගැන්මට පින් නැත දැන් මට
මතක් උනත් සන්තෝෂයි
කෙලින්ම සවනට රැගෙන ඔබේ හඩ
අහගන්නට හරි ආසයි //

දෙතුන් වතාවක් ඔබ ඇමතුවෙමි...

ඇසිපිය හෙලනා තරමට වැඩියෙන්
ඔබ ගැන මට සිහිවෙනවා
ඉකිබිඳ හඬනා කිරි දරුවකු මෙන්
මගෙ හදවත වැලපෙනවා //

දෙතුන් වතාවක් ඔබ ඇමතුවෙමි...


ගායනය - මිල්ටන් පෙරේරා
සංගීතය - වික්ටර් රත්නායක
ගී පද - කරුණාරත්න අබේසේකර



වීඩියෝව ගත්තෙ මෙතනින් - shower

හද ගිලෙයි අම මිහිරේ - මොහිදීන් බෙග්, රුක්මණී දේවි | Hada gilei ama mihire - Mohideen Baig, Rukmani Devi


හද ගිලෙයි අම මිහිරේ
පෙම් සුවේ රස ඉතිරේ
මල් පැණි මදිරා
මී පැණි ගංගා
පෙම් සයුරට මුසුවේ
පෙම් සයුරට මුසුවේ
හද ගිලෙයි අම මිහිරේ
පෙම් සුවේ රස ඉතිරේ

වන බඹරු නොදත් නොසිතී
සමනලුන් දුටුව සිරි
රොන් ගත විහිදේ ‍
පෙම් ලිය ගොමුවේ
පොබයා මල් සිනහා
පොබයා මල් සිනහා

හද ගිලෙයි අම මිහිරේ
පෙම් සුවේ රස ඉතිරේ

පෙම් ගලා සුළඟ කැටිවී
ඇති තුරුළු වෙලා කිමිදී
කඳු ගැට මතදී
බැස යන ගඟදී
සීතල මට දැණුනා
සීතල මට දැණුනා

හද ගිලෙයි අම මිහිරේ
පෙම් සුවේ රස ඉතිරේ
මල් පැණි මදිරා
මී පැණි ගංගා
පෙම් සයුරට මුසුවේ
පෙම් සයුරට මුසුවේ

සුදු පළිඟු තලා උඩදී
සඳ කිරණ සමග මුසු වී
පෙම් රළ පතරේ
පෙණ පිඩු විසිරේ
ආදර කිරි මුහුදේ
ආදර කිරි මුහුදේ

හද ගිලෙයි අම මිහිරේ
පෙම් සුවේ රස ඉතිරේ
මල් පැණි මදිරා
මී පැණි ගංගා
පෙම් සයුරට මුසුවේ
පෙම් සයුරට මුසුවේ


ගායනය - මොහිදීන් බෙග්, රුක්මණී දේවි
සංගීතය - සජාද් හුසේන්
ගී පද - ශ්‍රී චන්ද්‍රරත්න මානවසිංහ
චිත්‍රපටිය - දෛවයෝගය (1959)

කරුණාකර මෙම ගීතයේ පද නිවැරදි කිරීමට උදව් කරන්න :D




වීඩියෝව ගත්තෙ මෙතනින් - Dr196903

ජය සිරි මහ බෝධි - දයාරත්න රණතුංග | Jaya siri maha bodhi - Dayarathna Ranathunga

ජය සිරි මහ බෝධි
රන් වැලි සෑ ආදි
මිහින්තලය ඉසුරුමුණිය
අව්කණ සිරිපා ඉමේ
රන් රන් ගිරි දඹුලු ගලේ
සරණයි නිදහසට හෙලේ

අනුරපුරය පොළොන්නරුව
තිස්සමහාරාම නුවර
රුහුණු පිහිටි මායා රට
පවසයි නිදහස් උදාව

ජය සිරි මහ බෝධි
රන් වැලි සෑ ආදි
මිහින්තලය ඉසුරුමුණිය
අව්කණ සිරිපා ඉමේ
රන් රන් ගිරි දඹුලු ගලේ
සරණයි නිදහසට හෙලේ

මහවැලි කළු කැළණි නදී
ව‍ළවේ ගිං සිසිල දිදී
නිවහල් නව ගීත ගයයි
නවෝදයට අසිරි පතයි

ජය සිරි මහ බෝධි
රන් වැලි සෑ ආදි
මිහින්තලය ඉසුරුමුණිය
අව්කණ සිරිපා ඉමේ
රන් රන් ගිරි දඹුලු ගලේ
සරණයි නිදහසට හෙලේ

හැම ගහකම මල් පිපෙන්න
හැම තුරු වැල් පල දරන්න
තෙරුවන් සරණේ බලයෙන්
අප සිරි ලක රැක දේවා
අප සිරි ලක රැක දේවා


ගායනය - දයාරත්න රණතුංග



වීඩියෝව ගත්තෙ මෙතනින් - Ananda Liyanage

නළල වියලවා විගසින් - සේනානායක වේරලියද්ද | Nalala wiyalawa wigasin - Senanayaka Weraliyanna

නළල වියලවා විගසින්
තිලකයක් තියා අළුතින්
දොරකඩට ඇවිත් හිටගෙන හිනාවෙන නමුත්
තවම කෙහෙ රැළින් දිය වෑහෙනවා රාජිනී
ලපටි සුදු මිරිස් මල් දිලිහෙනව රාජිනී
දිලිහෙනව රාජිනී
දිලිහෙනව රාජිනී

දෙවොල් මළුවේ සුදු වැලි කැට
පුරුද්දට වගේ ගැන ගැන
සීනු හඬට කන් දෙන විට
පිරුණු හිත මුවින් උතුරන අපූරුව මැවේ
රාස්සිගේ අව් කෙඳි ටික
නාගදීපයට එපිටින්
මුහුදේ ගිලෙන විට සිහිලයි නොවේද රාජිනී
නොවේද රාජිනී
නොවේද රාජිනී

නළල වියලවා විගසින්
තිලකයක් තියා අළුතින්
දොරකඩට ඇවිත් හිටගෙන හිනාවෙන නමුත්
තවම කෙහෙ රැළින් දිය වෑහෙනවා රාජිනී
ලපටි සුදු මිරිස් මල් දිලිහෙනව රාජිනී
දිලිහෙනව රාජිනී
දිලිහෙනව රාජිනී

මඟ වසන වලා තිරපට
ඉරාගෙන උජාරුවකින්
බක් මහේ නැවුම් සඳවත
පෙරඹරින් නැගී එන හැඩ වියැක යන සේ
කතා කරන ඇස් වහගෙන
අගය පෙන්වනා විටදිත්
නුඹ තරම් සොඳුරු කවියක් නැහැනේ රාජිනී
නැහැනේ රාජිනී
නැහැනේ රාජිනී

නළල වියලවා විගසින්
තිලකයක් තියා අළුතින්
දොරකඩට ඇවිත් හිටගෙන හිනාවෙන නමුත්
තවම කෙහෙ රැළින් දිය වෑහෙනවා රාජිනී
ලපටි සුදු මිරිස් මල් දිලිහෙනව රාජිනී
දිලිහෙනව රාජිනී
දිලිහෙනව රාජිනී


ගායනය - සේනානායක වේරලියද්ද




වීඩියෝව ගත්තෙ මෙතනින් - lakwin perera

සිතක් බිඳුණු පසු - සෝමසිරි මැදගෙදර | Sithak bindunu pasu - Somasiri Medagedara

සිතක් බිඳුණු පසු
කොතෙක් කලත් ඔසු
පලක් නොවෙයි ළඳුනේ
ඉතින් තවත් කල්
රැඳී පලක් නෑ
ඔබ මගේ සෙවනේ //

බිඳෙන බඳුන් සේ
සුරකිනු බැරිනම්
විස්වාසය සැමදා //
සිතින් දුරස් වී
ඉමු අපි දෙන්නා
දුක උහුලනු බැරිදා

සිතක් බිඳුණු පසු
කොතෙක් කලත් ඔසු
පලක් නොවෙයි ළඳුනේ
ඉතින් තවත් කල්
රැඳී පලක් නෑ
ඔබ මගේ සෙවනේ

ඔබ මට මට ඔබ
තේරුම් ගන්නට
නොහැකී නම් කිසිදා //
මගෙම අඳුරු ලොව
තනිවෙන්නම් මා
ඔබට සැපක් වෙන දා

සිතක් බිඳුණු පසු
කොතෙක් කලත් ඔසු
පලක් නොවෙයි ළඳුනේ
ඉතින් තවත් කල්
රැඳී පලක් නෑ
ඔබ මගේ සෙවනේ


ගායනය - සෝමසිරි මැදගෙදර
සංගීතය - රෝහණ වීරසිංහ
ගී පද - බන්ධුල ජයසිංහ




වීඩියෝව ගත්තෙ මෙතනින් - Sudu Araliya

කප් සුවහස් කල් - නන්දා මාලිනී | Kap suwahas kal - Nanda Malini

කප් සුවහස් කල් පෙරුම් පුරාගෙන
අනන්ත බාධක දුක් පීඩා විඳ
භවෙන් භවය යන මං සළකුණු දැක
ඔබව සොයා ආවා
ඔබව සොයා ආවා //

සත් සමුදුරු තරණය කර ආවා
සත්කුළු පව් අතරින් දිව ආවා
සත් සමුදුරු තරණය කර ආවා
සත්කුළු පව් අතරින් දිව ආවා
තරු එළියෙන් පියවර මැන ආවා
ඔබව සොයා ආවා
ඔබව සොයා ආවා

කප් සුවහස් කල් පෙරුම් පුරාගෙන
අනන්ත බාධක දුක් පීඩා විඳ
භවෙන් භවය යන මං සළකුණු දැක
ඔබව සොයා ආවා
ඔබව සොයා ආවා

නොනිමෙන ගමනක ආශා පොදි බැඳ
මිරිඟුව පසුපස දිව යන ඉකි බිඳ
නොනිමෙන ගමනක ආශා පොදි බැඳ
මිරිඟුව පසුපස දිව යන ඉකි බිඳ
දිවි වෙණ වැයුමට ඔබ පසෙකින් හිඳ
ඔබව සොයා ආවා
ඔබව සොයා ආවා


ගායනය - නන්දා මාලිනී
සංගීතය - ජයතිස්ස අලහකෝන්
ගී පද - රත්න හෙක්ටර් දිසානායක




වීඩියෝව ගත්තෙ මෙතනින් - sudasingha

රෝස මලේ නටුවෙ කටු - ඇනස්ලි මාලෙවන  | Annesley Malewana - Rosa male natuwe katu

රෝස මලේ නටුවෙ කටු
වන බඹරෝ ඔහොම හිටු
නටුව නොවෙයි මම මල සිඹිමි
මම ළමයෝ පැණි උරමි //

කළු දෙබරුන් නැත පැණි බොන්නේ
වන බඹරුයි එහි රස දන්නේ
මල නොතලා එහි පැණි උරලා
මල දමලා උන් යති පැනලා

රෝස මලේ නටුවෙ කටු
වන බඹරෝ ඔහොම හිටු
නටුව නොවෙයි මම මල සිඹිමි
මම ළමයෝ පැණි උරමි

මලේ පැණි නැති පවතින්නේ
පැණි හිඳිලා මල පර වෙන්නේ
කළු දෙබරෝ නැතුවද දන්නේ
වන බඹරෝ නැත එහි යන්නේ

රෝස මලේ නටුවෙ කටු
වන බඹරෝ ඔහොම හිටු
නටුව නොවෙයි මම මල සිඹිමි
මම ළමයෝ පැණි උරමි //


ගායනය - ඇනස්ලි මාලෙවන
සංගීතය - ක්ලැරන්ස් විජේවර්ධන




වීඩියෝව ගත්තෙ මෙතනින් - AudiXvi

ඇස් තිබුණට පේන්නෙ නෑ - දෙව්මිණි බන්සූරි මැද්දෙගොඩ (ළමා ගී) | Es thibunata penne ne - Dewmini Bansuri Maddegoda

ඇස් තිබුණට පේන්නෙ නෑ
කන් තිබුණට ඇහෙන්නෙ නෑ
කෝටු වගේ අත් තිබුණත්
පොඩ්ඩක්වත් හෙල්ලෙන් නෑ ////

කන්න ලැබෙන්නෙත් නෑ මට
බොන්න ලැබෙන්නෙත් නෑ
කොච්චර මම වැඩ කෙරුවත්
කිසිම ගෙවීමක් නෑ //
කොච්චර මම වැඩ කෙරුවත්
කිසිම ගෙවීමක් නෑ

ඇස් තිබුණට පේන්නෙ නෑ
කන් තිබුණට ඇහෙන්නෙ නෑ
කෝටු වගේ අත් තිබුණත්
පොඩ්ඩක්වත් හෙල්ලෙන් නෑ

තුවක්කුවක් අතට නැතේ
පොල්ලක්වත් අතට නැතේ
හේන් කුඹුරු මුර කරනා
පඹය මමයි ඉන්න ගෙදර //
හේන් කුඹුරු මුර කරනා
පඹය මමයි ඉන්න ගෙදර

ඇස් තිබුණට පේන්නෙ නෑ
කන් තිබුණට ඇහෙන්නෙ නෑ
කෝටු වගේ අත් තිබුණත්
පොඩ්ඩක්වත් හෙල්ලෙන් නෑ //


ගායනය - දෙව්මිණි බන්සූරි මැද්දෙගොඩ
සංගිතය - කපිල මැද්දෙගොඩ
ගී පද - මෙරිල් වීරසිංහ




වීඩියෝව ගත්තෙ මෙතනින් - kapila meddegoda

මල් නෙලලා වරලස ගවසාලා - ෆීලික්ස් ඇන්ටන් | Mal nelala waralasa gawasala - Felix Anton

මල් නෙලලා වරලස ගවසාලා
රන් සේලෙන් සැරසීලා
කාගෙදෝ සුරතේ වෙලීලා
ගියයි කියා මා හැඬුවේ නෑ
ගියයි කියා මා හැඬුවේ නෑ

විකසිත නෙත දස අත දිව යන්නේ
ඇයගෙනි මම මෙය විමසන්නේ
ඇය මටත් පිදූ සිතනේ ඔහු වෙතත් පුදා ඇත්තේ
ඇය මටත් පිදූ සිතනේ ඔහු වෙතත් පුදා ඇත්තේ
එය හැඟුනොත් කවදාහරි
නිසැකයි ඔහු යාවි හැරී

මල් නෙලලා වරලස ගවසාලා
රන් සේලෙන් සැරසිලා
කාගෙදෝ සුරතේ වෙලීලා
ගියයි කියා මා හැඬුවේ නෑ
ගියයි කියා මා හැඬුවේ නෑ

එක නෙලුමද එක විල උපදින්නේ
එක රැල්ලද සයුරෙහි නැගුනේ
ගිලිහුනත් සැඳෑ අඹරේ තව ඉරක් නැගේ උදයේ
ගිලිහුනත් සැඳෑ අඹරේ තව ඉරක් නැගේ උදයේ
සැනසිල්ලෙන් සතුටෙන් පිරී
ලොව කිමදෝ ඉඳිනු බැරි

මල් නෙලලා වරලස ගවසාලා
රන් සේලෙන් සැරසිලා
කාගෙදෝ සුරතේ වෙලීලා
ගියයි කියා මා හැඬුවේ නෑ
ගියයි කියා මා හැඬුවේ නෑ

ගියයි කියා මා හැඬුවේ නෑ //


ගායනය - ෆීලික්ස් ඇන්ටන්




වීඩියෝව ගත්තෙ මෙතනින් - Dr196903

ආශා දෑසින් - දේවානන්ද වෛද්‍යසේකර | Asha dasin - Dewananda Waidyasekara

ආශා දෑසින් දකිනා සිහිනේ
මිහිර මැකී යනවා
ඒ සිහිනේ පුතු තනිකම ඉපදී
හද තුල තෙරපෙනවා
ඒ සිහිනේ පුතු තනිකම ඉපදී
හද තුල තෙරපෙනවා

ආ මග දෑලේ පිපි මල් පරවී
නෑ ඵල හටගන්නේ
සිතුවිලි මී මැසි පොදි නැත මී බැඳ
උන්මය රිදවන්නේ
සිතුවිලි මී මැසි පොදි නැත මී බැඳ
උන්මය රිදවන්නේ

තන්හා දෑතින් පැතු මේ වරපට
තන්හා දෑතින් පැතු මේ වරපට
ගිලිහී බිම වැටිලා
දෛවයෙ ගොනු ඇද ජීවන ගැල ගෙන
ආ මග දිග යනවා
ඈත අතීතයෙ සිහින මැදින් යලි
ජීවනයට යනවා
ඈත අතීතයෙ සිහින මැදින් යලි
ජීවනයට යනවා

ආශා දෑසින් දකිනා සිහිනේ
මිහිර මැකී යනවා
ඒ සිහිනේ පුතු තනිකම ඉපදී
හද තුල තෙරපෙනවා
ඒ සිහිනේ පුතු තනිකම ඉපදී
හද තුල තෙරපෙනවා



ගායනය - දේවානන්ද වෛද්‍යසේකර
තනුව - ජයතිස්ස අලහකෝන්
සංගීතය – පණ්ඩිත් අමරදේව
ගී පද - ස්වර්ණ ශ්‍රී බණ්ඩාර

'සාමා' චිත්‍රපටියෙන්





වීඩියෝව ගත්තෙ මෙතනින් - chinthaka gunathilaka

නදීකාට මතක නැද්ද - සුනිල් ප්‍රනාන්දු | Nadeekata mathaka nadda - Sunil Fernando

නදීකාට මතක නැද්ද අපේ පුංචි කාලේ
සෙල්ලම් ගේ හදලා සුදු වැලි බත් උයලා
බෙලිකටුවට බෙදා දුන්නු ඒ ලස්සන කාලේ //

බොළඳ වියේ අප දෙදෙනා හරි අහිංසකයි
එක ඉත්තක එකට පිපුණු මල් දෙකක් වගෙයි //
සමනලයින් වාගෙ සැරසිලා
දුව පැන්නා එදා හිනැහිලා

නදීකාට මතක නැද්ද අපේ පුංචි කාලේ
සෙල්ලම් ගේ හදලා සුදු වැලි බත් උයලා
බෙලිකටුවට බෙදා දුන්නු ඒ ලස්සන කාලේ

ආදරයක මිහිරියාව හිතක තනි වුණේ
තුරුණු වියේ අප දෙදෙනා ඇයි දුරස් වුණේ
බාල වියේ පැතුම් ගොළු වෙලා
ඔය නෙත්වල කඳුළු බොඳ වෙලා

නදීකාට මතක නැද්ද අපේ පුංචි කාලේ
සෙල්ලම් ගේ හදලා සුදු වැලි බත් උයලා
බෙලිකටුවට බෙදා දුන්නු ඒ ලස්සන කාලේ //


ගායනය - සුනිල් ප්‍රනාන්දු
සංගීතය - අර්නස්ට් සොයිසා
ගී පද - හේමසිරි හල්පිට



වීඩියෝව ගත්තෙ මෙතනින් - Json Bharatha

මගේ දෑස ඔබේ කියා - නන්දා පතිරණ | Mage desa obe kiya - Nanda Pathirana

මගේ දෑස ඔබේ කියා ඔබ පවසනවා
මම සැනසෙනවා //

ආදරයේ අනන්ත මං තලාව ඔස්සේ
මගේ නුවන් ගමන් කලේ ඔබ පිටු පස්සේ //

මගේ දෑස ඔබේ කියා ඔබ පවසනවා
මම සැනසෙනවා

ඔබේ අතින් නළලේ තැබූ කුංකුම තිලකේ
ඔබගේ රුව නොදැක සොවින් නළලත වැලපේ //

මගේ දෑස ඔබේ කියා ඔබ පවසනවා
මම සැනසෙනවා

මගේ දෑස වැලපෙන උණුසුම් කඳුලැල්ලේ
ඔබේ දෙපා ගමන් කරයි හිතු සැනසිල්ලේ //

මගේ දෑස ඔබේ කියා ඔබ පවසනවා
මම සැනසෙනවා //


ගායනය - නන්දා පතිරණ




වීඩියෝව ගත්තෙ මෙතනින් - lal san

කඳුළ ඉතිං සමාවෙයන් - කීර්ති පැස්කුවල් | Kandula ithin samaweyan - Keerthi Pasquel

කඳුළ ඉතිං සමාවෙයන්
අපි වෙන්වෙමු අද හවසට
මගේ ගෙපැළට ඈ එනවා
සිරි යහනේ තනි රකින්න //

කළු වළාව නැගෙන්නෙපා
ගඟට උඩින් හැන්දෑවට
මුදුන් ලීය යටින් පොළවේ
ගොම හේදෙයි අළුත් පිටම
කන්ද කපා හඳ පායා
සඳ රැස් යහනට වඬින්න
සඳ එළියෙන් ඇගේ ගතේ
පිපි ගෝමර මල් දකින්න

කඳුළ ඉතිං සමාවෙයන්
අපි වෙන්වෙමු අද හවසට
මගේ ගෙපැළට ඈ එනවා
සිරි යහනේ තනි රකින්න

මල් දෙවැටේ වතුසුදු මල්
පිපේවි ඈ පිළිගන්නට
උපුල් තලා ඔමරි සිනා
මතුවෙයි මල් පරදන්නට
බිළිඳු ගෙනා කිරි සුවඳක්
ගෙපැළ දොරින් හමා එන්න
ඉඩ දීයන් වළාකුලේ
මගෙ සිහිනයේ මල් පිපෙන්න

කඳුළ ඉතිං සමාවෙයන්
අපි වෙන්වෙමු අද හවසට
මගේ ගෙපැළට ඈ එනවා
සිරි යහනේ තනි රකින්න //


ගායනය - කීර්ති පැස්කුවල්




වීඩියෝව ගත්තෙ මෙතනින් - Geetha Samanthi

ඊයේ උදයේ - හෙන්රි කල්දේරා | Iye udaye - Henri Kaldera

ඊයේ උදයේ
ඔබ පෝරුව මත දුටුවා
හිතවතෙකු මගේ ඔබගේ
ඔය සුරත දරා සිටියා //

පුරුදු ලෙස මා ඔබ දකින්නට
පැමිණ මංගල සිරියකි දුටුවේ
සබේ කිසිවෙකු ඉබේ වත් නැත
ඇසක් මා දෙස යොමා බැලූවේ
කිමද මේ අරුමේ
මට නොහැඟේ ප්‍රිය සොඳුරේ

ඊයේ උදයේ
ඔබ පෝරුව මත දුටුවා
හිතවතෙකු මගේ ඔබගේ
ඔය සුරත දරා සිටියා

සොඳුර හෙට අප අළුත් ලොවකට
පා නගන්නට සැරසෙන අතරේ
එසේ මා දුටු එවන් සිහිනය
මෙසේ අද මා හිතට වද දේ
කිමද මේ අරුමේ
මට නොහැඟේ ප්‍රිය සොඳුරේ

ඊයේ උදයේ
ඔබ පෝරුව මත දුටුවා
හිතවතෙකු මගේ ඔබගේ
ඔය සුරත දරා සිටියා

ඔය සුරත දරා සිටියා ////


ගායනය - හෙන්රි කල්දේරා




වීඩියෝව ගත්තෙ මෙතනින් - SRI LAKMASTER

නිම් නැති - ශාක්‍ය වීරසිංහ, වකන් තන්කා | Nima nathi - Shakya Weerasinghe, Wakhan Thanka

නිම් නැති අහස මතින්
ඉම් නැති පොළොව මතින්
නිම් නැති අහස මතින්
ඉම් නැති පොළොව මතින්
කාටවත්ම බෑ කවුරුවත්ම
හැර යන්න හැර යන්න
කාටවත්ම බෑ කවුරුවත්ම
හැර යන්න හැර යන්න

ආයෙත් යන්න ඕනෑ නම්
ඔබ එන්න ඔබ එන්න
ආයෙත් එන්න ඕනෑ නම්
ඔබ යන්න ඔබ යන්න

ආයෙත් එන්න ඕනෑ නම්
ඔබ ගන්න ඔබ ගන්න
ආයෙත් ගන්න ඕනෑ නම්
ඔබ දෙන්න ඔබ දෙන්න


ගායනය, සංගීතය - ශාක්‍ය වීරසිංහ, වකන් තන්කා
ගී පද - විදර්ශණ කන්නන්ගර




වීඩියෝව ගත්තෙ මෙතනින් - Amila Galappaththi

වැල යන අතටයි - සිහ ශක්ති | Wela yana athatai - Siha Shakthi

වැල යන අතටයි මැස්ස හදන්නේ
ගම යට කරගෙන වැල දිවයන්නේ //

ගම රට වැනසුනත් එකයි
අපි හෙට නැතිවුණත් එකයි //

අපි බැලුවේ එකම එකයි
වැලට මැස්ස හදන එකයි //

රළ යන අතටයි ඔරුව පදින්නේ
මකර කට වෙතයි රැල්ල ඇදෙන්නේ //

මකර කටට ගියත් එකයි
අපි හෙට නැතිවුණත් එකයි //

අපි බැලුවේ එකම එකයි
ඇදෙන අතට පදින එකයි //

පිටරට වෙතමයි ගත සිත යන්නේ
දෙස බස රැස ‍කොතැනද නවතින්නේ //

දෙස බස නැතිවුණත් එකයි
රට දැය වැනසුනත් එකයි //

අපි බැලුවේ එකම එකයි
වාසි පිලට ඇදෙන එකයි //


ගායනය - ආනන්ද පෙරේරා, සිහ ශක්ති




වීඩියෝව ගත්තෙ මෙතනින් - manel08uk

සතර වරම් දෙවි මහරජ - ඩබ්ලිව්.ඩී. අමරදේව | Sathara waram devi maha raja - WD Amaradewa

සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන් //


පළා පෙති බැඳන් ගෙල වට
හංස පියාපත් සලමින //

නුඹේ පා යටින්
සඳකඩ පහණ පායලා
බ්‍රහස්පතී තාරකාව
මුදුන් වී සරත් නුබ ගැබ

ස්වර්ණමාලි මහ සෑ අග
කොත් පලන්දලා //


සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන්


කලා වැව් දියේ උත්පල
නෙලා ගෙනැ ඇඟිලි පොකුරට //

අප්සරාවියන් ලෙන් දොර
බලා හිඳිනවා
වළාහක දෙවිඳු
ඉසිවර ඇසින් බල බලා පුතු දෙස

ඉසුරුමුණි විහාරය ළඟ
අන්න හිඳිනවා //


සතර වරම් දෙවි මහරජ
සතර අතින් ඇවිදින්
පිරිත් පැන් ඉසිති පුතුනේ
පුවක් මල් කිනිත්තෙන් //


ගායනය, සංගීතය - ඩබ්ලිව්.ඩී. අමරදේව
ගී පද - රත්න ශ්‍රී විජේසිංහ




වීඩියෝව ගත්තෙ මෙතනින් - rathnadeepaother
Related Posts Plugin for WordPress, Blogger...