පාලොස්වක සඳ - නීලා වික්‍රමසිංහ, ඩබ්.ඩී. අමරදේව | Paaloswaka sanda - Neela Wickramasinghe, WD Amaradewa

පාලොස්වක සඳ පායනු වැන්නේ
සොඳුරු කිඳුරු රුව ආල වඩන්නේ
සිතුම් පැතුම් ඉටු වේවිද මන්දා
පූරුවේ කල පිං අපට කොයින්දා
පූරුවේ කල පිං අපට කොයින්දා

සැතපෙන නින්දෙදි රෑ
තුන්යම හීන හතක් පෙනුනා
සඳ කිඳුරෙකු ලෙසිනා
එම සඳ ඔබේ රුව නෙත ඇඳුනා
සියුමැලි වත දකිනා
මා නෙත ආල මතින් බැඳුනා
මියුරු තෙපුල් නගනා
සවනත බිඟු ගී රැල් නැගුනා
සවනත බිඟු ගී රැල් නැගුනා

පාලොස්වක සඳ පායනු වැන්නේ...

කියා ගන්න බැරුවා
සිතු දේ තොල් අතරේ රැඳුනා
මනාපදෝ මන්දා
මා සිත ආදර මල් පිපුණා
තුන්ඉරි ගෙලට ළඳේ
රිදියෙන් මලා පොටක් දෙන්නා
එරබදු මල් මාසේ
නැකතට කැන්දාගෙන යන්නා
නැකතට කැන්දාගෙන යන්නා

පාලොස්වක සඳ පායනු වැන්නේ...



ගායනය - නීලා වික්‍රමසිංහ, ඩබ්.ඩී. අමරදේව


රණ බිම මැරුණේ සිංහලයෙකු නම් - චන්ද්‍රිකා සිරිවර්ධන | Rana bima merune sinhalayeku nam - Chandrika Siriwardena

රණ බිම මැරුණේ සිංහලයෙකු නම්
පපුවේ වෙඩි සළකුණ ඇත්තේ
සතුරට ළය දී මිස මැරුණේ නෑ
ලේ පැල්ලම් නෑ පිට පැත්තේ //

මව් බිම ජයගනු බැරි නම් මරණය
දෙකින් එකකි මින් ජය ගත්තේ
මිහිකත සිපගෙන මිය ගිය ඇත්තොයි
සුරපුරයට කැඳවාගත්තේ

රණ බිම මැරුණේ සිංහලයෙකු නම්...

මල් යහනාවක් මත සුව මරණය
හෙළ විරුවන් හට උරුම නැතේ
කිසිදා නොමිදෙන මල් පුබුදිනවා
විරුවන් මළ රණ බිම මත්තේ

රණ බිම මැරුණේ සිංහලයෙකු නම්
පපුවේ වෙඩි සළකුණ ඇත්තේ
සතුරට ළය දී මිස මැරුණේ නෑ
ලේ පැල්ලම් නෑ පිට පැත්තේ
ලේ පැල්ලම් නෑ පිට පැත්තේ


ගායනය - චන්ද්‍රිකා සිරිවර්ධන


කෙටිම කෙටි කතාවක් - කිත්සිරි ජයසේකර | Ketima keti kathawak - Kithsiri Jayasekara

කෙටිම කෙටි කතාවක්
මං ඔබ ගැනම ලියන්නම්
මා අතැර ගියේ ඔබ බව
එහි නොලියා ඉන්නම්
ඔබ පැරණි මතකයෙන්
මා මුදවනවා නම්
සුදු ඔබ පැරණි මතකයෙන්
මා මුදවනවා නම්

සඳ නිවෙන තරු මඩල යට
ගොස නගන මූදු රළ දෙස
වරු ගණන් බලා උන් වග
එහි නොලියා ඉන්නම්
ඔබ පැරණි මතකයෙන්
මා මුදවනවා නම්
සුදු ඔබ පැරණි මතකයෙන්
මා මුදවනවා නම්

ගත හිවුඩු පිපෙන සීතේ
දුම්රියේ එකට එක ළඟ
දුර ගමන් ගෙවා ගිය වග
එහි නොලියා ඉන්නම්
ඔබ පැරණි මතකයෙන්
මා මුදවනවා නම්
සුදු ඔබ පැරණි මතකයෙන්
මා මුදවනවා නම්

කෙටිම කෙටි කතාවක්
මං ඔබ ගැනම ලියන්නම්
මා අතැර ගියේ ඔබ බව
එහි නොලියා ඉන්නම්
ඔබ පැරණි මතකයෙන්
මා මුදවනවා නම්
සුදු ඔබ පැරණි මතකයෙන්
මා මුදවනවා නම්


ගායනය - කිත්සිරි ජයසේකර
සංගීතය - කරුණාරත්න විජේවර්ධන
ගී පද - චාමින්ද රත්නසූරිය

ලඳුනේ ලඳුනේ - බෙවිස් මනතුංග | Landune - Bevis Manathunga



දහඩිය මුතුබිදු කාසි කරන ලඳුනේ ..
ඒ රන් කාසියෙ අයිතිය නැති ලඳුනේ ..
දහඩිය මුතුබිදු කාසි කරන ලඳුනේ ..
තේ දල්ලේ රස ලොවට බෙදන ලඳුනේ ...

ලඳුනේ ... ලඳුනේ ... ලඳුනේ ... ලඳුනේ ...

ඉදිකටු තුඩුවෙන් කාසි මවන ළඳුනේ..
ඒ රන්සේලයෙ අයිතිය නැති ළඳුනේ..
වැලිකතරේ බිම කාසි මවන ළඳුනේ..
හිස් මිනිසුන් හට සැපත සදන ළඳුනේ..

ලඳුනේ ... ලඳුනේ ... ලඳුනේ ... ලඳුනේ ...

හිස්මිනිසුන්ගේ කුස් පුරවන්නේ
සුසිනිදු සළුවෙන් ගත සරසන්නේ
විල්ලුද යහනක ගත සතපන්නේ..
කාපට් පාරක ඉගිලී යන්නේ..

ලඳුනේ ... ලඳුනේ ... ලඳුනේ ... ලඳුනේ ...

ගායනය - බෙවිස් මනතුංග

මගෙ ස්වීටි කෙල්ල - SJS | Mage Sweety Kella (Katta Kaala) - SJS


මගෙ ස්වීටි කෙල්ල තැඹිලි ගෙඩිය රත්තරන්
මම අදරෙයි ඔයාට ලොවෙත් නැතිතරන්..//
මං ලඟ බොරු නෑ - බොරු මවලා කියන්නෑ
සුරංගනා කතා කියල රවට්ටන්නෙ නෑ...

මගෙ ස්වීටි කෙල්ල...

කට්ට කාලා දාගත්ත කෙල්ල යාළු
ආයේ මාව හම්බවෙන්ඩ එන්නෙ නෑලු..//

මේක සිරා කරපු මගේ ප්‍රථම ලව් එක
මම බොක්ක වුනත් දෙන්ඩ හිටියෙ ඈ හට
දැනුයි මට හැගෙන්නෙ ඇය ගැලෙව්වෙ මගෙ දත
අද කනේරු ඇට කන්න හිතෙනවා මට

කියල වැඩක් නෑ නින්ද යන්නෙ නෑ..
මේවා හිතල හිතල මගේ නාඩි වැටෙන් නෑ..

මචං ඔව්ව ඔහොම තමයි කෙල්ලො හිටියට
එයාලා අපිවදාලා යන්නෙ අනේ නොකියම
උඹට සෙට් වෙනකන් හොද කෙල්ලෙක් ලඟදිම
සිංදුවක් කියල ඉමු ආතල් එකෙ අද..

ඉදල වැඩක් නෑ ආයෙ එන්නේ නෑ..
මේක ගැනම හිතල හිතල වැඩක්වෙන්නෙ නෑ..

කට්ට කාලා දාගත්ත කෙල්ල යාළු
ආයේ මාව හම්බවෙන්ඩ එන්නෙ නෑලු..//
එයා ගියා කියල අපි හඩන්නෙ නෑ..
වෙන කෙල්ලක් සෙට් වුනාම තනිය නෑ..//


ගායනය, පද රචනය හා සංගීතය : SJS


තරුද නිදන්නී - රනිදු ලංකාගේ | Tharuda Nidanni - Ranidu Lankage


මගෙ ලඟ ඉන්න කියා - කඳුලක මුවා වෙලා
සුසුමක පා කරලා - තරුමල් කැකුළු නෙලා
තුරුලට ගන්න සිතා - නිදිනැති කදුළු සලා
හදවත සින්න වෙලා - නුඹ ලඟ මටත් හොරා

තරුද නිදන්නී - සඳ පාළු මකන්නී..
කවුදෝ මේ සිහිනේ ආදරවන්තී..
සතුට බෙදන්නී - මගෙ පාළු මකන්නී..
කුළුදුල් ආදරයේ මා හැරයන්නේ..

සීතල කදුලෙන් මගේ ආදරෙ ඉල්ලා..
ජීවත් වන්නේ හදේ පැතුමන් හංඟා..
නුඹලඟ උන්නේ සුසුම් හිතයට හංඟා..
හදවත මල්හී මගේ නාවත් ඉල්ලා..

මගෙ ලඟ ඉන්න කියා....//

නෙතඟ නිදන්නී - මගෙ කඳුල නිවන්නී..
කොයිදෝ ඒ සිහිනේ ආදරවන්තී..
සිහින බෙදන්නී මගෙ තුරුලෙ නිදන්නී..
නොයිදුල් හාදුව ලඟ මා හැරයන්නේ...

සීතල කදුලෙන් මගේ ආදරෙ ඉල්ලා..
ජීවත් වන්නේ හදේ පැතුමන් හංඟා..
නුඹලඟ උන්නේ සුසුම් හිතයට හංඟා..
හදවත මල්හී මගේ නාවත් ඉල්ලා..

මගෙ ලඟ ඉන්න කියා....//

ගායනය : රනිදු ලංකාගේ


නෙතු පියන් පියා - බණ්ඩාර අතාවුද | Nethu piyan piya - Bandara Athauda

නෙතු පියන් පියා මුතු දසන් වසා
නිදි දැහැන් වැදී කුමරී
සිහිනයෙන් වඩී මා ළඟින් ඉඳී
මව් පියන් බලා නො ඉඳී

කැට මුගුරු වැදී තටු සඟළ බිඳී
ඉගිලෙන්නට නොහැකිද කුමාරියේ
සිහින මුවා තටු සලා වරෙන්
සුභ ප්‍රාර්ථනා වෙත කුමාරියේ

නෙතු පියන් පියා...

ඉරිසියා හීනි බොරු ගොතා කියූ
ඒ සුරංගනාවන් නිදා සිටී
හිරුට මුහුණු ලා පියාඹපන්
සුභ ප්‍රාර්ථනා වෙත කුමාරියේ

නෙතු පියන් පියා...


ගායනය, සංගීතය - බණ්ඩාර අතාවුද
ගී පද - රත්න ශ්‍රී විජේසිංහ


මිහිකත නලවාලා - සුනිල් සාන්ත | Mihikatha nalawala - Sunil Santha

මිහිකත නලවාලා
මග මල් ගන්වාලා
පාසල වෙත යන මේ
පිටිසර හෙළ ගුරු ලිය සැරදේ

සුදු හෙළ සාරිය
ඇඳලා හැඩ කොටැ
ඉඟ වට රැළි ලෙළවා
දිගු නිල් වරලස
පීරා නිසි ලෙස
මල් දවටා බැඳලා
ගෙල වට මුතු මාලේ
දෝතේ වළලු සැලේ
සිරියා සපුරා පිරියා පතුරා
යන සුරතල් ලීලා

මිහිකත නලවාලා...

ඕලු නෙළුම් ඈ
නෙක මල් පිබිදී
අහෝ විලේ සිරියා
ජයම මලක් ඉන්
නෙලා ගනියි ඕ
හා හා කුමටද ඒ
බාල ලියේ ඔබගේ
සුහදා හට වෙද ඒ
සුරතලියේ ඔබ හදවත පතුලේ
පෙම් මල කා සතුදෝ

මිහිකත නලවාලා...


ගායනය, සංගීතය - සුනිල් සාන්ත
ගී පද - හියුබත් දිසානායක

චංචල වී හැඟුම් - සංඛ දිනෙත්, මහේෂිකා | Chanchala wee hangum - Sanka Dineth, Maheshika

චංචල වී හැඟුම් රැයක් ගානේ
කඳුළැල් දෙනවාමයි හඳපානේ
පායා දිය වී යන දේදුන්නේ
දිය වී යනවා ඔය ආදරේ
ඔබ ආ ලෙසටම ආයෙ
වෙන්වෙන එක වෙනවාමයි
මායාවක්මයි ආදරේ
මායාවක්මයි ආදරේ


චංචල හැඟුමක නිදිවරනා තුන්යාමේ
කඳුලට ඇයි අඬගසන්නෙ හඳපානේ
යස එළිමහනේ රස තියෙද්දි ආදරේ
දේදුන්න කියන මායාවද ලුහුබැන්දේ
ඔබ කී ලෙසටම ආයේ
හමුවෙන එක වෙනවාමයි
මායාවක්මයි ආදරේ
මායාවක්මයි ආදරේ


මිරිඟුවමද හැමදාම ඇස් බැන්දුම් කෙරුවේ
දැන දැනමද හැමදේම දෝතින්ම පිදුවේ //
පැන සීමාවන් රස බලද්දි ආදරේ
පැන යනවාමයි මිරිඟුව ඔබටත් රහසේ //
ඔබ කී ලෙසටම ආයේ
දුක නම් ළං වෙනවාමයි
මායාවක්මයි ආදරේ
මායාවක්මයි ආදරේ


ක්ෂිතිජයමද හැමදාම දෙහිතක් එක් කෙරුවේ
ඒ පරතරයම නේද ඒ හිත් වෙන් කෙරුවේ //
දුර ළඟ වාගේ සුව ලබද්දි ආදරේ
ළං වෙන්නෑමයි ක්ෂිතිජය එක් නොවෙනා සේ //
ඔබ කී ලෙසටම ආයේ
පාලුව නම් ළං වෙනවාමයි
මායාවක්මයි ආදරේ
මායාවක්මයි ආදරේ


ගායනය - සංඛ දිනෙත්, මහේෂිකා
සංගීතය - සංඛ දිනෙත්
ගී පද - කැළුම් ශ්‍රීමාල්


සුදු නෙලුම කෝ - ඩබ්ලිව්.ඩී. අමරදේව | Sudu neluma ko - WD Amaradewa

සුදු නෙලුම කෝ
සුදු නෙලුම කෝ සොරබොර වැවේ
මල් සුවඳ දුන් මහියංගණේ
පුන් පෝය දා පහලොස්වකේ
මල් නෙලා විකුණූ පන්සලේ

වැවට කළුවර යා වුණා
සංසාර දුක බෝ වුණා
වැවට කළුවර යා වුණා
සංසාර දුක බෝ වුණා
නෙළූ මල් මිට ඉහිරුණා
එහා ඉවුරට පා වුණා

සුදු නෙලුම කෝ සොරබොර වැවේ
මල් සුවඳ දුන් මහියංගණේ

සිහින් සිරිපොද වෑහුණා
ඉවුරු දෙකොපුල සේදුණා
සුදු නෙළුම් මල දෑස පියවී
මෙහා ඉවුරට පා වුණා

සුදු නෙලුම කෝ සොරබොර වැවේ
මල් සුවඳ දුන් මහියංගණේ
පුන් පෝය දා පහලොස්වකේ
මල් නෙලා විකුණූ පන්සලේ

සුදු නෙලුම කෝ


ගායනය, සංගීතය - ඩබ්.ඩී. අමරදේව
ගී පද - රත්න ශ්‍රී විජේසිංහ

ශීලා - ජය ශ්‍රී | Sheela - Jaya Sri


බැලු බැලු හැම තැනම සිහිනෙන් වගේ
සැඟවුණු සේයාවන් ම දෙ‍සේ ඇඳේ
සුළ‍‍ඟේ පාවී ම‍ගේ ගී යාවී
ඇසුනොත් එනවාද සොඳුරියේ මගේ

මා හට සැර වීලා
කොහිදෝ යන්නේ මෙසේ
සිත රිදවන්නෙපා හද බැඳි ආදරේ
තනිවීලා මා ඉන්නේ කෙසේ
ඒවීදෝ මාගේ කුමාරී

ලොවම නැවතිලා නිහඬයි වටේ
තනිකම පාළුව දැවටී වටේ
දුරකතනයකින් ඔබ අමතාවියි
හිතමින් ඉන්නේමි තනි ලෝකයේ

මා හට සැර වීලා...

තනිවුනු යහනට එන විට
තවමත් ඔබගේ සුවඳ දැනේ මට
සිහිනෙන් ඔබේ රුව දැකගන්නටවත්
වරම් ලැබේද මට

ඔබේ ලස්සන ඇස් දෙක
වෙනකෙකු හට ළැදි වෙන්න එපා
ඒවීදෝ ඒවීදෝ ඒවීදෝ මාගේ කුමාරී

මා හට සැර වීලා...


ගායනය, සංගීතය, ගී පද - ජය ශ්‍රී


නුරා බිඳු වෑහෙනා - කිත්සිරි ජයසේකර | Nura bindu wahena - Kithsiri Jayasekara


නුරා බිඳු වෑහෙනා
නග්න රාත්‍රියේ
වළා සළු උණා දමා
උකටලී
තොල ගාමු තොල ගාමු
තොල ගාමු
අමෘතය මිහිරියේ

අවදි කර හැඟුම් සංධ්වනි
දෙතොල් විල් ඉම රස බී
පහන් වෙන්නට පෙර රැය
නොදිලේ
තොල ගාමු තොල ගාමු
තොල ගාමු
අමෘතය මිහිරියේ

මිණි මෙවුල් බඳ ලිහී
සුසුම් කුණාටුව ඇවිලී
නුවන් නිළුපුල් වැසී
යන්නට දී
තොල ගාමූ තොල ගාමූ
තොල ගාමූ
අමෘතය මිහිරියේ

නුරා බිඳු වෑහෙනා
නග්න රාත්‍රියේ
වළා සළු උණා දමා
උකටලී
තොල ගාමු තොල ගාමු
තොල ගාමු
අමෘතය මිහිරියේ


ගායනය - කිත්සිරි ජයසේකර
සංගීතය - නදීක ගුරුගේ
ගී පද - චාමින්ද රත්නසූරිය



උඩැක්කි කෝළම - කුමාර තිරිමාදුර | Udakki kolama - Kumara Thirimadura

දඟර වානෙ කම්බි වගේ අඟර දඟර දාගෙන
මොණර පැටික්කිය වාගෙයි මයුර තාන තම්දෙන
හතර අතට කරක කරක හැම නෙතටම රිංගන
මහරගමදි හම්බවුණේ මේ උඩැක්කි කෝළම
මහරගමදි හම්බවුණේ මේ උඩැක්කි කෝළම

උඩ බාගෙ හංස අඩවි අඩක් හිරු එළියට ඇරගෙන
පශ්චාත් භාගෙ යාන්තමින් කොට ඇඳුමින් වහගෙන
නොබැලුවොතින් ඒ ඇස් දෙක උගුල්ලන්න සිත්වෙන
තාන තනම් තම් දෙන තන මේ උඩැක්කි කෝළම
තාන තනම් තම් දෙන තන මේ උඩැක්කි කෝළම

දඟර වානෙ කම්බි වගේ අඟර දඟර දාගෙන...

පවුල් අවුල් වෙන්ට පවා පෙර සළකුණු පතුරන
එක බැල්මට ඇස් ඉස් මස් ලේ සේරම පිච්චෙන
අනුරාගය තෑගි බෙදන මුව හසරැලි නංවන
තාන තනම් තම් දෙන තන මේ උඩැක්කි කෝළම
තාන තනම් තම් දෙන තන මේ උඩැක්කි කෝළම

දඟර වානෙ කම්බි වගේ අඟර දඟර දාගෙන... //



ගායනය - කුමාර තිරිමාදුර
සංගීතය, ගී පද - විමල්ජිත් දොඹගහවත්ත

අත්තම්මා නිවන් ගිහින් - හර්ෂණ දිසානායක | Aththamma niwan gihin - Harshana Dissanayaka

අත්තම්මා නිවන් ගිහින් අපට ගොඩක් ඈතයි
හුඟ දවසක් බලන් හිටිය එන්නෙම නැති පාටයි
ඒ වුනාට කියා දුන්න කවි සීපද වාරම්
අත්තම්මගෙ තාලයටම මට තාමත් පාඩම් //


හාන මී හරක් එක්කර කෑම දී හුඟක්
බාන බාන එක්කරගෙන හාමු අපි කෙතක්

අත්තම්මගෙ කවි හින්දලු
අපි ඔක්කොම කවි කියන්නෙ
අත්තම්මගෙ කවි රසයලු
අපි තාමත් රස විඳින්නෙ


අත්තම්මා නිවන් ගිහින්...


කොකා වෙලො හොද්ද ලිපේ
අමු කුඹුරේ පිට්ටු ලිපේ
මොකෑ පුතේ උඹේ කටේ
ඇයි මාමේ හකුරු කැටේ

අත්තම්මගෙ කවි හින්දලු
අපි ඔක්කොම කවි කියන්නෙ
අත්තම්මගෙ කවි රසයලු
අපි තාමත් රස විඳින්නෙ


අත්තම්මා නිවන් ගිහින් අපට ගොඩක් ඈතයි
හුඟ දවසක් බලන් හිටිය එන්නෙම නැති පාටයි
ඒ වුනාට කියා දුන්න කවි සීපද වාරම්
අත්තම්මගෙ තාලයටම මට තාමත් පාඩම්
මට තාමත් පාඩම්
මට තාමත් පාඩම්
මට තාමත් පාඩම්


ගායනය - හර්ෂණ දිසානායක


ඔබයි ඔබේ සිනා පොදයි - සරත් වීරසිංහ | Obai obe sina podai - Sarath Weerasinghe

ඔබයි ඔබේ සිනා පොදයි
සෙනේහයෙන් අවදි කරයි
උදෑසනින් මා
නිවයි මගේ හදේ සුසුම්
පවන් සලා කඳුළුවලින්
හඬා වැටෙමි මා

දයා සිතින් නෙත් දැල්වී
ඔබ එනතුරු බලයි
හදේ නැගෙන සුසුම් වෙතින්
සිනා ගඟක් ගලයි //

ඔබයි ඔබේ සිනා පොදයි...

රැයේ ගලන අඳුර මැදින්
ඇගෙ කටහඬ ගලයි
අපේ සිහින ලොව දෙදරා
ජීවිතයම හඬයි //

ඔබයි ඔබේ සිනා පොදයි
සෙනේහයෙන් අවදි කරයි
උදෑසනින් මා
නිවයි මගේ හදේ සුසුම්
පවන් සලා කඳුළුවලින්
හඬා වැටෙමි මා
හඬා වැටෙමි මා
හඬා වැටෙමි මා
හඬා වැටෙමි මා


ගායනය - සරත් වීරසිංහ


සඳු හිරු වී මගේ ලොවේ - ටී.එම්. ජයරත්න | Sandu hiru wee mage lowe - T.M. Jayarathna

සඳු හිරු වී මගේ ලොවේ
ඔබ දිලුණා
ඔබ හමු වී ළඳේ එදා
සිත බැඳුණා
දිවි කතරේ යන අතරේ
හදේ සුසුම් නිවා

නෑ ආයෙ ඒ ඈත ඒ පාළු ලෝකේ
මා හා මෙදා යා වෙලා
නෑ මාගෙ ජීවේ ඒ කාලෙ වාගේ
සුසුම් ඒවිදෝ මා සොයා

සඳු හිරු වී මගේ ලොවේ...

මේ සීත රෑ යාමෙ මේ ගීත ලෝකේ
මා හා බැඳී යා වෙලා
මා කීව ගීතේ මේ පාළු යාමේ
පැතුම් යාවිදෝ පා වෙලා

සඳු හිරු වී මගේ ලොවේ...



ගායනය - ටී.එම්. ජයරත්න
සංගීතය - ක්ලැරන්ස් විජේවර්ධන
ගී පද - ලීනස් මෙන්ඩිස් පියතුමා


ආදරෙයි - ජය ශ්‍රී | Adarei - Jaya Sri

ආදරෙයි
ඔබ මට ආදරෙයි
ඔබ මට ආදරෙයි
කියනු එපා //

මුහුනේ ඇදු‍නු සිනහව
මකන්න එපා මා දුටු විට
නෙතගේ කදුළු සලන්න එපා
මා ගැන සිතූ විට
අහසේ තරු හඬන්නේ නෑ
දැන් තනියම
රහසේ හඬමි තනිවෙලා
මා සැම දින

සිතුවිලි හඬයි
කඳුළැලි ගළයි
මට දැන් තියෙන්නේ
තනිකම විතරයි
සිහිනෙන් දකීද
ඔය රුව මවාගෙන
දහසක් පැතුම්
සංසාරේ දරාගෙන
පාළුව සීතල
දුක්බර මගෙ ලොව
සඟවන්නට බැරි
පියවි අපේ ලොව
ඉන්නම්
සිපගන්නම් සිහිනේ
මියෙන තුරා
තනි වෙන්නම්

ලොවට කියන්නේ නෑ
ඔබ මා රිදවූ හැටි
ගී ලියන්නේම නෑ
අපි ආදරේ කරපු හැටි
වෙරළේ ඇඳී නෑ
අපි ඇවිද ගිය හැටි
සුළඟේ රැඳී නෑ
වියුණු කථා තියුණු වී


ඔබ මට ආදරෙයි
ඔබ මට ආදරෙයි
කියනු එපා
ආදරෙයි
ඔබ මට ආදරෙයි
ඔබ මට ආදරෙයි
කියනු එපා

ආදරෙයි ////


ගායනය, සංගීතය, ගී පද - ජය ශ්‍රී


ඇහි දාර මත දුක - සේනානායක වේරලියද්ද | Ahi dara matha duka - Senanayaka Weraliyadda


ඇහි දාර මත දුක දෝරෙ ගැලුවට
නෑ ඔබ එන්නේ
හිත වදදේවී ඔබ ඉල්ලලා
ඔබ ඉල්ලලා //

කවියක් වාගේ ජීවත් වෙන්න
තාලේ ගෙනවිත් දෙන්න
පද වැල් එළි වැටේ
ළඟම නතර වෙලා //

ආදරෙ නාමෙන් මියැදෙන්න හැදුවත්
දුකමයි සෙතක් වෙන්නෙ නෑ
හිත පිළිගන්නේම නෑ

ඇහි දාර මත දුක දෝරෙ ගැලුවට...

හිතුවත් ගලන ගඟ සේ ඉන්න
බාධා අතැරලා ගලන
ආදර කතරෙදි
හිඳිලා ගියා //

ආදරෙ නාමෙන් මියැදෙන්න හැදුවත්
දුකමයි සෙතක් වෙන්නෙ නෑ
හිත පිළිගන්නේම නෑ

ඇහි දාර මත දුක දෝරෙ ගැලුවට... //



ගායනය - සේනානායක වෙරලියද්ද
සංගීතය - සදීප්ත ගුණවර්ධන
පද රචනය - කුශාන් මනීන්ද්‍ර

ආදරේ ඔබ මා හට ඇතිද කියා - මරියසෙල් ගුණතිලක, පියල් පෙරේරා | Adare oba ma hata - Mariazelle Gunathilake, Piyal Perera



ආදරේ ඔබ මා හට ඇතිද කියා
මා සිතේ සැකයක් ඇත ඉපදීලා
මාව දමා මෙහි තනි කරලා
ඔබ යයිදෝ වෙන්වීලා
ආදරේ දුක් වේදනා
ඔබ දෙයිදෝ මට මතුදා

ආදරේ ඔබ මට කෙතරම්ද කියා
ගීතයෙන් කියනෙමි ඔබ හට පහදා
මේ දිවියේ අවසානෙ පුරා
මම ඉන්නම් ළං වීලා
ආදරේ දුක් වේදනා
මා දෙන්නේ නෑ කිසිදා


මහ මුහුදේ යන අතරේ
මම මුහුදට වැටුණෝතින්
මම කිමිදීලා දිය යට ගිලිලා
ඔබ බේරන් ගොඩ එනවා

මහ කැළයේ යන විටදී
හොරු රැළකට අසුවේ නම්
සටනට වැදිලා උන් එලවාලා
ඔබ ‍බේරන් මම එනවා


ආදරේ ඔබ මා හට ඇතිද කියා
මා සිතේ සැකයක් ඇත ඉපදීලා
මාව දමා මෙහි තනි කරලා
ඔබ යයිදෝ වෙන්වීලා
ආදරේ දුක් වේදනා
ඔබ දෙයිදෝ මට මතුදා


වෙන හිතකට හිත ඇදිලා
මා අමතක කෙරුවෝතින්
රූ ළලනාවෝ හිටියත් කෙතරම්
මම ඔබ සොයලා එනවා

ඔබෙ මව් පියො එරෙහි වෙලා
ඔබ මා හැරදා ගියෝතින්
මේ මුළු ලෝකෙම එරෙහිව ආවත්
මම ඔබ කැන්දා යනවා


ආදරේ ඔබ මා හට ඇතියි කියා
මා සිතේ සැක දැන් ඇත දුරු වීලා
මේ දිවියේ අවසානෙ තුරා
අපි ඉඳිමු එක් වීලා
ආදරේ දුක් වේදනා
මතු වන්නේ නෑ කිසිදා

මේ දිවියේ අවසානෙ තුරා
අපි ඉඳිමු එක් වීලා
ආදරේ දුක් වේදනා
මතු වන්නේ නෑ කිසිදා


ගායනය - මරියසෙල් ගුණතිලක, පියල් පෙරේරා, ජිප්සීස්

කැලේ ගහක මල් පිපිලා - ඩබ්ලිව්. ඩී. අමරදේව | Kale gahaka mal pipila - WD Amaradewa



කැලේ ගහක මල් පිපිලා සුවඳ ගලනවා
හදේ ලැගුම් ගත් බඹරුන් රොණට වඩිනවා
රේණු තලා මල් නොතලා උන් පැණි බොනවා
මගේ දෑස මට නොකියා කරදර දෙනවා

කැලේ ගහක මල් පිපිලා සුවඳ ගලනවා
හදේ ලැගුම් ගත් බඹරුන් රොණට වඩිනවා

ගලා හැලෙන අඳුර මැදින් නුවන් පිපෙනවා
මලේ මහිම ඒ අතරේ මට හමුවෙනවා
සදා සතුට සිහින ලොවේ කිරුළු දරනවා

කැලේ ගහක මල් පිපිලා සුවඳ ගලනවා
හදේ ලැගුම් ගත් බඹරුන් රොණට වඩිනවා

මා තනි වූ විටදී පමණි එ මල දකින්නේ
හිරු සඳු මෙහි විත් මොකටද කරදර දෙන්නේ
අඳුර සමඟ මොහොතක්‌ මට ඉන්නට දෙන්නේ

කැලේ ගහක මල් පිපිලා සුවඳ ගලනවා
හදේ ලැගුම් ගත් බඹරුන් රොණට වඩිනවා
රේණු තලා මල් නොතලා උන් පැණි බොනවා
මගේ දෑස මට නොකියා කරදර දෙනවා



ගායනය, සංගීතය - ඩබ්ලිව්. ඩී. අමරදේව
ගී පද - මඩවල එස්. රත්නායක

නිල් නුවන් පෙඟෙන අඳුර ගලා - එඩ්වඩ් ජයකොඩි | Nil nuwan pengena andura gala - Edward Jayakodi



නිල් නුවන් පෙඟෙන අඳුර ගලා
නුරාවෙන් වෙළී
මල් පිපෙන සුළඟ නීල වලා
තුළට ගුලි වෙවී
සඳ හොරෙන් සිනා වී
නිල් දිය මතට පාවෙමින්
හදේ දොරටු විවර කළෙමි
සොඳුර ඔබෙ නමින්

අඹ තුරින් තුරට මල් මුවරද පිරීලා
සිඹ තුටින් සිටිති සමනල් පෙළ ගැසීලා
කිරි කවඩි සිනාවේ පෙළහර දකිනු රිසින්
මගෙ සිත ගොළු වෙලා

නිල් නුවන් පෙඟෙන අඳුර ගලා
නුරාවෙන් වෙළී

ළැම හසුන් රැඟුම් පා මනමත් කළා දෝ
රත තොලින් තොලට දී සෙනෙහස රකී දෝ
සිත සතුට ගෙනාවේ ඔබමය මගේ හිතත්
ඔබ ළඟ නැවතිලා

නිල් නුවන් පෙඟෙන අඳුර ගලා
නුරාවෙන් වෙළී
මල් පිපෙන සුළඟ නීල වලා
තුළට ගුලි වෙවී
සඳ හොරෙන් සිනා වී
නිල් දිය මතට පාවෙමින්
හදේ දොරටු විවර කළෙමි
සොඳුර ඔබෙ නමින්


ගායනය - එඩ්වඩ් ජයකොඩි
සංගීතය - රෝහණ වීරසිංහ
පද රචනය - අමරසේන කංකානම්ගේ

පුංචි පුතා මගෙ - ඇන්ජලීන් ගුණතිලක | Punchi putha mage - Anjalin Gunathilaka


පුංචි පුතා මගෙ ඉස්කෝලේ ගිය
මුල්ම දවස අද වේ
මුල්ම දවස අද වේ
බුලත් අතක් දී ගුරුතුමියට වැඳ
මා තනි කල මොහොතේ
මා තනි කල මොහොතේ

අද සිට පුතුනේ හොඳින් ඉගෙන ගෙන
මතු යම් දවසක වියතෙක් වනු මැන
සිතින් පැතුම් පතලා
ඔහු පන්තියෙ තියලා
මා වෙන්වුණ මොහොතේ
පුංචි ඇස් දෙකේ
කඳුළු බිඳු දෙකයි
ඔන්න වැටෙන්නට
මෙන්න වැටෙන්නට

පුංචි පුතා මගෙ ඉස්කෝලේ ගිය
මුල්ම දවස අද වේ
මුල්ම දවස අද වේ

සෙනෙහස ම හදේ ගිණි ඇවිලෙද්දි
පුතු තනි කරලා පන්තියෙ තියලා
මල් ගස් යට සෙවණේ
පුතුගෙ සුවඳ පවනේ
මා තනි වූ මොහොතේ
පන්තිය නිම වී
පුතු ඇවිදිල්ලා
දිලිහෙන දෑසයි
ලස්සන මුහුණයි

පුංචි පුතා මගෙ ඉස්කෝලේ ගිය
මුල්ම දවස අද වේ
මුල්ම දවස අද වේ
බුලත් අතක් දී ගුරුතුමියට වැඳ
මා තනි කල මොහොතේ
මා තනි කල මොහොතේ


ගායනය - ඇන්ජලීන් ගුණතිලක
සංගීතය - ක්ලැරන්ස් විජේවර්ධන

කුරුළු ගමේ කුරුළු ගෙදර - චිතා සෝමපාල, පී.එල්.ඒ. සෝමපාල, ක්ලැරන්ස් විජේවර්ධන | Kurulu game kurulu gedara - Chithra Somapala, PLA Somapala, Clarance Wijewardena



කුරුළු ගමේ කුරුළු ගෙදර කුරුළු කුමාරී
බඳින දවස මගුල අදයි යස හැඩකාරී //

මනාලයා ආවම හැඩටම පිළිගන්නේ
මනාලයගෙ නෑයින් පෙරමගටයි යන්නේ
කුරුළු කුමාරියගේ මගුල අදය කිය කියා
ආ හැම‍ දෙන පිළිගන්නව හොටට හොට තියා

කුරුළු ගමේ කුරුළු ගෙදර කුරුළු කුමාරී
බඳින දවස මගුල අදයි යස හැඩකාරී

මනාලයා ආවම එහි සිරිය මැවෙන්නේ
කුරුළු පොඩිත්තෝ ආසිරි ගීත ගයන්නේ
මහළු කුරුල්ලෙක් දෙන්නට අත්පැන් දෙන්නේ
යෙහෙළියො එක්වීලා මල් පියලි ඉසින්නේ

කුරුළු ගමේ කුරුළු ගෙදර කුරුළු කුමාරී
බඳින දවස මගුල අදයි යස හැඩකාරී //


ගායනය - චිත්‍රා සෝමපාල, පී.එල්.ඒ. සෝමපාල, සුපර් ගෝල්ඩන් චයිම්ස්
සංගීතය - ක්ලැරන්ස් විජේවර්ධන


සඳ කිණිති නැමී - ලක්ෂ්මන් විජේසේකර | Sanda kinithi nami - Lakshman Wijesekar


සඳ කිණිති නැමී විල් දියට එබී
සොයයි සේයාව සඳේ
ඔබ නෙතට එබී මගේ නෙතද සදා
සොයයි සේයාව මගේ //

සසළ නොවී විල තිබෙන තුරා
දිළෙයි සඳ දියට යටින්
සසළ වෙලා දිය කැළඹුණු දා
බිඳෙයි සඳ කැබිළි පිටින්

සඳ කිණිති නැමී විල් දියට එබී...

සසළ නොවී ඔබ හිඳින තුරා
පෙනෙයි මා ඔබේ නෙතින්
සසර පුරා සැරිසරන තුරා
බලමි ලොව ඔබේ නෙතින්

සඳ කිණිති නැමී විල් දියට එබී...


ගායනය - ලක්ෂ්මන් විජේසේකර
සංගීතය - රෝහණ වීරසිංහ
ගී පද - යමුනා මාලනී පෙරේරා

දඟකාර ඔය දෑස - සනත් නන්දසිරි | Dangakara oya desa - Sanath Nandasiri



දඟකාර ඔය දෑස දුටුවා එදා
දුර ඈත පාසල් වියේ
නොදැනීම අපගේම සිත් යා වුණා
දසුනින්ම හසුනක් මවා //

උදයේ හවා ඔබ හමු වී එදා
දෙඩුවා බැඳීලා සෙනේ //
දෙකොපුල් විලේ හසරැල් පිපී
සතුටින් කල් යා වුණා

දඟකාර ඔය දෑස දුටුවා එදා...

සසරේ සදා අප බැඳෙමුයි පතා
වැඩුණා හදේහී සෙනේ //
නිලුපුල් නෙතේ හසරැල් මැකී
කඳුලින්ම වෙන් වී ගියා

දඟකාර ඔය දෑස දුටුවා එදා...


ගායනය - සනත් නන්දසිරි
සංගීතය - රංජිත් පෙරේරා
ගීපද - සුනිල් ගුණවර්ධන

පියමැන්නේ - ජය ශ්‍රී | Piyamanne - Jaya sri

පියමැන්නේ ඇයිද එසේ
රිදවාලා ඔබ ම සිත මෙසේ
දුර ගව්වේ මා ඉන්නේ
මතකේ රැඳුණා ඒ සිතුවිල්ලේ
සෙවණැළි මාවතේ ඇඳි ඒ ජීවිතේ
රැළි මත සාගරේ
මතුවේවා සදා ඒ සිහිනේ

සියුමැළි ඔබේ වත රැඳි ඒ දෙකොපුල කී කතා
ඇසේ සවන් පුරවා මගේ දැහැනේ
අත් වැල් බැඳගෙන වැල්ලේ ඇඳි ඒ රූ රටා
මැකී ගියා රැල්ලේ නිසළ රැයේ

සිත ගත්තේ නැතුව නොවේ
සැමදා එලෙස බලා ඇයි ඉන්නේ
හද අරණේ රැඳුණු සෙනේ
පුබුදා සොයනු මැනේ හසරැල්ලේ
නැතුවත් මේ භවේ මතු එන ජිවිතේ
සැමදා ඒ සෙනේ
සතු වේවා සදා ළඳුනේ

සියුමැළි ඔබේ වත රැඳි ඒ දෙකොපුල කී කතා
ඇසේ සවන් පුරවා මගේ දැහැනේ
අත් වැල් බැඳගෙන වැල්ලේ ඇඳි ඒ රූ රටා
මැකී ගියා රැල්ලේ නිසළ රැයේ //


ගායනය, ගී පද, සංගීතය - ජය ශ්‍රී

මතකද - කිත්සිරි ජයසේකර | Mathakada - Kithsiri Jayasekara



මතකද ඔබට මතකද
හිරුද මිය ගිය එක සැඳෑවක
මරා දැමුවා ඔබ අපේ
ආදරේ

වෙරළේ සොඳුරු තුරු ගොමුවක
හෙවණේ
ආදරෙන් වෙළී උන් මොහොතක
නොසිතූ වෙලාවක
උන්නද මම
ඇසිපියක්වත් ගහන්නට කලියෙන්
ගෙල මිරිකලා
අවසාන පණ පොද මුහුකලා
උඩු හුළඟට

මතකද ඔබට මතකද
වැළලුවා අපි අපේ සෙනෙහස
වැටකේ පඳුර යට
වෙරළේ ගැඹුරු පතුලක
යළි කවමදාවත් නොඑන ලෙස
හිත තියා බරට ඒ මත
යළි කවමදාවත් නොඑන ලෙස
හිත තියා බරට ඒ මත
බරට ඒ මත

මතකද
ඔබට මතකද


ගායනය - කිත්සිරි ජයසේකර
සංගීතය - නදීක ගුරුගේ
ගී පද - චරිත් සේනාධීර

සිහිනයට තරම් - කසුන් කල්හාර, ප්‍රතිභා ප්‍රභා | Sihinayata tharam - Kasun Kalhara, Prathibha Prabha


සිහිනයට තරම් තටු නෑ මට නම්
පියඹන්න අරන් නුඹ අහසේ
ආදරය තරම් සියුමැලි මනරම්
සිහිනයක් තියේවිද ලෝකේ

කඳු හිස් මුදුන් කර තරු ලකුණු වැටෙනා අතර
සිත නුඹම සොයා වලා බැම්මෙන් ඉගිල යයි
ලොව නිදනා අතර
සයුරක් වී වැතිර නුඹ සරලි නගනා අතර
කිරි සිනා ගඟක් මියුරු ලෝකෙන් අරන් එයි
ඉන්නවාද ඇහැර

සිහිනයට තරම් තටු නෑ මට නම්...

කඳුලක් ළඟට දුර තව දුරස් කරේ නුඹය
වැහි ඇල්ලක් වගේ සොඳුරු සිහිලක් ගෙනා මට
ජීවිතයේ කතර
සෙනෙහස් සිහිනවල් හැම සෑබෑ කෙරූ සසර
නුඹ සඳ කිරණක් කුමුදු යායක් පුබුදු කර
මා හද කළ සුවඳ

සිහිනයට තරම් තටු නෑ මට නම්...


ගායනය - කසුන් කල්හාර, ප්‍රතිභා ප්‍රභා
සංගීතය - කසුන් කල්හාර
ගී පද - යමුනා මාලිනී පෙරේරා

අකුරු මැකී නෑ - එඩ්වඩ් ජයකොඩි | Akuru meki ne - Edward Jayakodi


අකුරු මැකී නෑ කොළ ගැලවී නෑ
බොඳ වී නෑ සිතුවම්
ඉස්සර වාගේ තාමත් මතකයි
හෝඩි පොතේ පාඩම් //

මේ ඊරී බිම සීරී
කුණ්ඩුමණී හිස පීරී
දීසිය පුරවා දෝසී දමා
කුමුදුමතී හිනැහේවී

අකුරු මැකී නෑ කොළ ගැලවී නෑ...

අපි දුවමු අපි පනිමු
ගී කියමු අපි නටමු
ඇත් පොරයට අපි ඇහැ යවමූ
බාළ වියට පා නගමු

අකුරු මැකී නෑ කොළ ගැලවී නෑ...


ගායනය - එඩ්වඩ් ජයකොඩි

රොන් පොදක් වෙන්නම් - අතුල අධිකාරි | Ron Podak wennam - Athula Adhikari

රොන් පොදක් වෙන්නම්
හිනැහෙන මල් මිටක් මැද්දේ
රන් පතක් වෙන්නම්
දිදුලන විල් තෙරක් මැද්දේ
නිම්නයක් වෙන්නම්
සුව දෙන කඳු පෙළක් මැද්දේ
පෙම්වතෙක් වෙන්නම්
සනසන නිල් දෙනෙත් මැද්දේ //

කන් කළුයි ඔබෙ සිනා
සිත් පිනයි ඔබෙ කතා
මේ නිමාව දුන්නේ
කාගේ කවුරුදෝ
නෙත් වශී කරයි ඔයා
පෙම් ලොවක් මවයි මනා
සත්තකින්ම දෙව් දුවක්ද සැංගෙනා

රොන් පොදක් වෙන්නම්...

සාගරේ කළඹා
මුතු ඇට මාලයක් තනනා
පාවෙලා යමිනා
තරුකැට පේළියක් ගෙනෙනා
සැනසෙනා ලෙසිනා
සඳ මත මල් උයන් මවනා
යම් දිනක් මැවෙනා
ඔබ මට ආදරෙයි කියනා

රොන් පොදක් වෙන්නම්... //


ගායනය - අතුල අධිකාරි


Related Posts Plugin for WordPress, Blogger...