නිසංසලේ අපි හමුවෙලා - ඉන්ද්‍රාණි පෙරේරා | Nisansale api hamuwela - Indrani Perera


නිසංසලේ අපි හමුවෙලා
තැනක තනි වෙලා
පාළුවේ
ඉතින් සිනාසෙමු සැනසිලා
ලොවට සඟවලා
ආදරේ //

සඳක් වලා ගැබ තනි වෙලා
ලොවට ඉඟි කලා පායලා
තුරු ලතා සීත මද නලේ
මුසුව විසිරිලා ගීතිකා

නිසංසලේ අපි හමුවෙලා...

දසන්තයේ පිණි අතුරලා
අඳුර ගොළු වෙලා මාරුතේ
මග බලා දෑස තනි වෙලා
සබඳ එන තුරා මාවතේ

නිසංසලේ අපි හමුවෙලා... //


ගායනය - ඉන්ද්‍රාණි පෙරේරා
සංගීතය - ක්ලැරන්ස් විජේවර්ධන
ගී පද - ෂෙල්ටන් වීරරත්න


ආදර හැඟුම් - ඩබ්ලිව්.ඩී. අමරදේව | Adara hangum - WD Amaradewa


ආදර හැඟුම් ආදර හැඟුම්
නුපුරුදුයි මට නුපුරුදුයි ඒ හැඟුම්
ආදර හැඟුම් ආදර හැඟුම්
කිතිකවයි හද කිතිකවයි ඒ හැඟුම්
ආදර හැඟුම් ආදර හැඟුම්
ආදර හැඟුම්

සැඳෑ අඳුරේ සැළෙන තරු එළි
මගේ හද තුළ කරයි විමසිලි
සැඳෑ අඳුරේ සැළෙන තරු එළි
මගේ හද තුළ කරයි විමසිලි
නැගෙන ගනඳුර වඩයි සිතුවිලි
මේ මඟුල් රෑ බිඳෙයි ඉවසිලි

ආදර හැඟුම් ආදර හැඟුම්
ආදර හැඟුම්

කිමද ඔබ මල් කුමරියන්නේ
පෙති විදා සතුටින් නොඉන්නේ
රහස නැතිවද මං නොදන්නේ
තුරුළෙ බමරුන් නොවෙද ඉන්නේ

ආදර හැඟුම් ආදර හැඟුම්
ආදර හැඟුම්


ගායනය - ඩබ්ලිව්.ඩී. අමරදේව
සංගීතය - සෝමදාස ඇල්විටිගල
ගී පද - දයානන්ද ගුණවර්ධන


යාන්තමින් ඇස් විහිදාල - ජූඩ් රොගන්ස් | Yanthamin as wihidala - Jude Rogans


යාන්තමින් ඇස් විහිදාල බලනා හැටි
යාප්පුවෙන් මන්මත් වීලා සැලෙනා ගති
යහන් තලාවේ හීන ගලාවී ළංවී බැඳී
පහන් වුණාවේ පහස සොයා දී සුරතේ වෙලී
කාන්ති විහිදේ කේන්ති නෑනේ

වෑහෙන හීන ගානේ
සිතුවම් ඈගෙ දෑසේ
බැඳුනා ප්‍රේම දැහැනේ
ආදර සිතුවිලි වෑහේ //

දෑස විහිදාන ඈ පාව ආවා
රහස කීවා හිතේ
මාව සනසාවි ඒ ප්‍රේම සේයා
පහස දීලා හදේ
හද පාරනා වේදනා
දුර පාවෙලා චෝදනා

වෑහෙන හීන ගානේ... //

කෝල මදහාස දී පාව ආවා
දෑත දීලා ඇගේ
නීල තරු රෑන සේයාව මා හා
හීන මවනා පැයේ
හද පාරනා වේදනා
දුර පාවෙලා චෝදනා

වෑහෙන හීන ගානේ... //

යාන්තමින් ඇස් විහිදාල බලනා හැටි
යාප්පුවෙන් මන්මත් වීලා සැලෙනා ගති
යහන් තලාවේ හීන ගලාවී ළංවී බැඳී
පහන් වුණාවේ පහස සොයා දී සුරතේ වෙලී
කාන්ති විහිදේ කේන්ති නෑනේ

වෑහෙන හීන ගානේ... ///



ගායනය - ජූඩ් රොගන්ස්

බලන්න අරුණ සමග - විජය කුමාරතුංග | Balanna aruna samaga - Wijaya Kumarathunga

බලන්න
බලන්න අරුණ සමග ලොවට පිපෙන තඹරු ගණන
බලන්න මලක නොරැඳි මලක රොණක බඹරු ඇදෙන
විඳින්න සතුට සැපත මිහිරි දිවිය ඔබට ගෙණෙන
බලා නොඉන්න ආදරේ සොයා ඔබත් ඇදෙන්න //

යුගෙන් යුගය සතුට සැපත සොය සොයා
මිනිස් මොළය අහස පොළොව අභිබවා ගියා
මලින් මලට ඇදන බඹරු නොදැක ඇස පියා
බලන්න බඹර තුඩක මලක රහස

බලන්න
බලන්න අරුණ සමග ලොවට පිපෙන තඹරු ගණන
බලන්න මලක නොරැඳි මලක රොණක බඹරු ඇදෙන
විඳින්න සතුට සැපත මිහිරි දිවිය ඔබට ගෙණෙන
බලා නොඉන්න ආදරේ සොයා ඔබත් ඇදෙන්න

කොහෙන් පැමිණ කොහේ යමුද දන්නෙ නෑ
එදා හොඳද මෙදා හොඳද අපිම දන්නෙ නෑ
සදාතනික සතුට සැපත අපට එන්නෙ නෑ
සොයන්න මොටද නොතිර ලොවක රහස

බලන්න
බලන්න අරුණ සමග ලොවට පිපෙන තඹරු ගණන
බලන්න මලක නොරැඳි මලක රොණක බඹරු ඇදෙන
විඳින්න සතුට සැපත මිහිරි දිවිය ඔබට ගෙණෙන
බලා නොඉන්න ආදරේ සොයා ඔබත් ඇදෙන්න //


ගායනය - විජය කුමාරතුංග

හද පතුලේ - මිල්ටන් මල්ලවආරච්චි | Hada pathule - Milton Mallawarachchi

හද පතුලේ
හසරැල්ල කඳුලැල්ල කැළඹිල්ල
මා නම් ඔබේ
දිවි කතරේ
ගඟුලැල්ල නල රැල්ල සැනසිල්ල
වෙන්නම් ඔබේ //

මුසාවන් ගොතා අනුන් කී කතා
නොමැකී තිබේදෝ සිතේ
අතීතේ කතා එපා දැන් එපා
මා දැන් ඔබේ ජීවිතේ

හද පතුලේ...

අපේ ආදරේ බිඳී යා නොහේ
හිනැහෙන්න පියුමි මගේ
පැතූ සේ දරා ඔබේ මා ඔබේ
නැලවෙන්න පියුමි මගේ

හද පතුලේ... //


ගායනය - මිල්ටන් මල්ලවආරච්චි
සංගීතය - ස්ටැන්ලි පීරිස්



ඊයේ දවස තරම් - ලෙලුම් රත්නායක | Iye dawasa tharam - Lelum Rathnayaka


ඊයේ දවස තරම්
හෙට දවසත් සුන්දර වේවි
යුවතියෙ ඔබම තරම්
හැඟුමන් දුන් මනකල්
කෙනෙකු නොවෙයි මිහිපිට නම්
කෙනෙකු නොවෙයි මිහිපිට නම්

සඳ උගුල්ලා අහසින්
ඔබට පෙනෙනා අයුරින්
අරුමැසි කවක් ලියන්නම්
පිබිදී නව ඍතුවක් සේ
කවුරුත් නොගැයූ ආදරයේ
මිහිරිම ගීය ගයන්නම්

ඊයේ දවස තරම්...

මල් අවුස්සා රහසින්
ගිලිහෙන පෙති ගානේ
කෝටියක් තරම් සිපගැනුම්
ඇඳ වියනට ඉහලින්
ඔබ තුරුලට හෙලන්නම්

ඊයේ දවස තරම්...


ගායනය - ලෙලුම් රත්නායක
සංගීතය - කසුන් කල්හාර
ගී පද - චාමින්ද රත්නසූරිය


හිමි සණරාමර - මාලනී බුලත්සිංහල | Himi sanaramara - Malani Bulathsinghala



හිමි සණරාමර ලෝක සිවංකර
ලොව්තුරු බුදු සමිඳේ
මා හද මැලවෙන මල් දෝතට ගෙන
පාද වඳිමි නිබඳේ
පාද වඳිමි නිබඳේ

හිමි ගුණ ආකර ලෝක දිවාකර
ලොව්තුරු බුදු සමිඳේ
හිත දුක වාවන බුදු බණ පදයක
මිහිර දකිමි නිබඳේ
මිහිර දකිමි නිබඳේ

හිමි දම් ආකර ගුණ මිණි සාගර
ලොව්තුරු බුදු සමිඳේ
හිත සුවදායක බුදු ගුණ ගීයක
රසය විඳිමි නිබඳේ
රසය විඳිමි නිබඳේ

හිමි සණරාමර ලෝක සිවංකර
ලොව්තුරු බුදු සමිඳේ
මා හද මැලවෙන මල් දෝතට ගෙන
පාද වඳිමි නිබඳේ
පාද වඳිමි නිබඳේ


ගායනය - මාලනී බුලත්සිංහල
සංගීතය - එච්.එම්. ජයවර්ධන
ගී පද - පූජ්‍ය රඹුක්කන සිද්ධාර්ථ හිමි


බෝධියෙන් වට බෝ පතක් සේ - ඩබ්ලිව්.ඩී. අමරදේව | Bodhiyen wata bo pathak se - WD Amaradewa


බෝධියෙන් වට බෝ පතක් සේ
සුමුදු වැලි මළුවේ
වැතිර ඉන්නට වරම් මට කොහිදෝ
මුණිඳු හෙවනේ සිහිල් පවනේ
නිවී සැනැහී රැඳී ඉන්නෙම්
බෝධියෙන් වට බෝ පතක් සේ

සැලෙන බෝපත් සෙමින් මුමුණන
මියුරු බුදුගුණ සරින් සැනහී
දුමිඳු හෙවණේ සිහිල් පවනේ
නිවී සැනහී රැඳී ඉන්නෙම්

බෝධියෙන් වට බෝ පතක් සේ
සුමුදු වැලි මළුවේ
වැතිර ඉන්නට වරම් මට කොහිදෝ
මුණිඳු හෙවනේ සිහිල් පවනේ
නිවී සැනැහී වැතිර ඉන්නෙම්
බෝධියෙන් වට බෝ පතක් සේ

ළදළු බෝ පත් තෙමා වෑහෙන
රිදීවන් සඳ දියෙන් නැහැවී
මුණිඳු හෙවනේ සිහිල් පවනේ
නිවී සැනැහී රැඳී ඉන්නෙම්

බෝධියෙන් වට බෝ පතක් සේ
සුමුදු වැලි මළුවේ
වැතිර ඉන්නට වරම් මට කොහිදෝ
මුණිඳු හෙවනේ සිහිල් පවනේ
නිවී සැනැහී රැඳී ඉන්නෙම්
බෝධියෙන් වට බෝ පතක් සේ


ගායනය - ඩබ්ලිව්.ඩී. අමරදේව


අයස්කාන්තියේ - අමල් පෙරේරා | Ayaskanthiye - Amale Perera


අයස්කාන්තියේ
දැන් තමයි මට හිතෙන්නේ
මං ජීවත් වෙනවා කියා
හිත පෙරළන රුදු කාන්සියෙන්
ඔබ මා මුදවාගත් නිසා

සුව දුක් විමසන්නෙ
සුළඟක් පෙර මගට වෙලා
සෙනෙහසින් බලන්නේ
හිරුත් අපට හිස නමා //

අයස්කාන්තියේ...

හිත මිතුරුකම් පාන්නේ
මල් කෙමිත් සුවඳ පැන් සලා
හද ගිම් නිවන්නේ විහඟුන්
රස මියුරු ගී ගයා //

අයස්කාන්තියේ
දැන් තමයි මට හිතෙන්නේ
මං ජීවත් වෙනවා කියා
හිත පෙරළන රුදු කාන්සියෙන්
ඔබ මා මුදවාගත් නිසා
ඔබ මා මුදවාගත් නිසා


ගායනය - අමල් පෙරේරා
සංගීතය - නදීක ගුරුගේ
ගී පද - චාමින්ද රත්නසූරිය

හොරෙන් බලා - ජූඩ් රොගන්ස් | Horen bala - Jude Rogans


හොරෙන් බලා කියා පාන දේට වඩා
දෙනෙත් පුරා තිබූ හැඟුම් මෝදු වෙලා
ඉඟි දෑසේ නුරා සිටියා මා බලා
සඳ පායන යාමේ ඔබ මතක් වුණා //

සුදු පාට හිම රේණු ගලනා
පිණි සීතේ සිත යා වෙලා //
සුසුම් නැගෙන්නා හැඟුම් නැගෙන්නා
මා හීන සඳමාලි ලැබුණා

හොරෙන් බලා කියා පාන දේට වඩා...

පිණි යායේ කිරි කෝඩු සිනහා
රැලි වාගේ දුර පා වෙලා //
නිමක් නොවෙන්නා පැතුම් පතන්නා
මා හීන සඳමාලි ලැබුණා

හොරෙන් බලා කියා පාන දේට වඩා... //


ගායනය - ජූඩ් රොගන්ස්
සංගීතය - ප්‍රියන්ත නාවලගේ
ගී පද - ශෙහාන් ගලහිටියාව


ඔබ ළඟ නැති මේ සසරේ - ග්‍රේෂන් ජයමහ | Oba langa nathi me sasare - Gretion Jayamaha


ඔබ ළඟ නැති මේ සසරේ
තනිකම දැණුනා අඳුරේ
පැතුවා ඔබේ සිසිල උණුසුම් කතරේ
ඔබ මා ළඟ නැති අතරේ

රන් දේදුණු පෑයූ දා
ඔබ හා මා එක් වූ දා
මතකයි ඔබේ සුදු අත ගෙන පියමැන්නා
පොද වැස්සක අපි තෙමුණා

විළඳ පොරි ඉහලා
අපට සුබ පැතුවා
අසිරි හඬ දීලා
මංගලම් කීවා
සුවඳින් පිරී හසරැල් ඔබේ
මගෙ මුවගට ළංවූවා
ඔය රුව මගෙ නෙතු දුටුවා

ඔබ ළඟ නැති මේ සසරේ...

සඳ කිරණ වැදිලා
මල් සුවඳ දැනිලා
පිණි දහඩිය වැටිලා
ඔබෙ මුහුණ දිලිලා
ඔබ හා මෙ මා දෙදෙනෙක් කියා
සිතුවා ඉවරයි සිතුණා
රැය පහන් කලා දෙදෙනා

ඔබ ළඟ නැති මේ සසරේ
තනිකම දැණුනා අඳුරේ
පැතුවා ඔබේ සිසිල උණුසුම් කතරේ
ඔබ මා ළඟ නැති අතරේ

රන් දේදුණු පෑයූ දා
ඔබ හා මා එක් වූ දා
මතකයි ඔබේ සුදු අත ගෙන පියමැන්නා
පොද වැස්සක අපි තෙමුණා


ගායනය - ග්‍රේෂන් ජයමහ
සංගීතය, ගී පද - රූකාන්ත ගුණතිලක


කැකිරි පැලෙන ටිකිරි සිනාවයි - එම්. එස්. ප්‍රනාන්දු | Kakiri palena tikiri hinawai - MS Fernando


කැකිරි පැලෙන ටිකිරි සිනාවයි
ඇගේ ගමන බිමන නාරි ලතාවයි //
කිංකිණි කිංකිණි කිංකිණි කිංකිණි කිංකිණි කතාවයි
කිංකිණි කිංකිණි කිංකිණි කිංකිණි කිංකිණි කතාවයි

ආදරෙන් බලන්න හිතෙනවා
ආදරෙයි කියන්න හිතෙනවා
කෝප වෙයි නොවෙයිද සිතෙනවා
ඈ මා ළඟින්ම පාද තබනවා
වාසනාව මෑත පෙනෙනවා
රහසකින් රසින් ඇසෙනවා
ආසාවෙන් දෑස වැහෙනවා
රෝස මල් ලොවක් මැවෙනවා
ඈ මා ළඟින් මා ළඟින් පාද තබනවා
ඈ මා ළඟින් මා ළඟින් පාද තබනවා

කැකිරි පැලෙන ටිකිරි සිනාවයි...

රන් තොරන් බඳින්න ඕනද
පාවඩ එලන්න ඕනද
හේවිසි වයන්න ඕනද
ඔය දෙපා තබන්නේ එහෙමද
මල් සරාට වැරදිලා වගේ
මට පෙනෙන්නෙ වැරදිලා වගේ
රුව තරම් සිත නොවෙයි ඇගේ
ආදරේ එපා කියයි මගේ
ඈ මා ළඟින් මා ළඟින් පාද තබනවා
ඈ මා ළඟින් මා ළඟින් පාද තබනවා

කැකිරි පැලෙන ටිකිරි සිනාවයි...


ගායනය - එම්. එස්. ප්‍රනාන්දු


නදී ගංගා තරණයේ - චිත්‍රාල් සෝමපාල | Nadee ganga tharanaye - Chithral Somapala

නදී ගංගා තරණයේ
සැරිසරා සැඩ මාරුතේ
ඉන්ද්‍රකීලයක් සේ
නොසැලී මා යන මාවතේ
සිංහ ලෝකයේ
සිංහ ලෝකයේ

සුළං රැල්ලේ දැවටිලා
මන්ද මාරුතයේ
සොයා යන්නෙමි

ගලා එන මන්දාකිණි
හඹා යමි හමු වෙන තුරා
ජීවිතේ උතුම් පැතුමන් හා
නිරතුරුව අභිමානයෙන්

මංමුලා නොවේ කිසිදා
ජවය මා සතු වේ
දිරිය ගන්නෙමි

ගලා යන දහසක් නදී
බලා සිටී මා එන තුරා
නිරතුරුව අභිමානයෙන්

නදී ගංගා තරණයේ
සැරිසරා සැඩ මාරුතේ
ඉන්ද්‍රකීලයක් සේ
නොසැලී මා යන මාවතේ
සිංහ ලෝකයේ
සිංහ ලෝකයේ //


ගායනය - චිත්‍රාල් සෝමපාල


ඔබේ සිනා ලඟ - ජගත් වික්‍රමසිංහ | Obe Sina Laga - Jagath Wickramasinghe

ඔබේ සිනා ලඟ - නෙත නැවතුනු දා..
ඔබේ කථා ලඟ - සිත නැවතුනු දා..
ප්‍රේමය හැදින්නෙමි..
ප්‍රේමය හැදින්නෙමි - මේ ලෝ තලයේ...//

කුමටද උපමා ඉතිහාසේ උන්
ප්‍රේමවන්තයින්ගෙන්....
කුමටද ආදරයේ පෙම් සැමරුම්
පෙම් පාරාදීසේ...
ඉමක් කොනක් නැති ආකාසේ
තරු පායා එන සේමා...
ඉමක් නිමක් නැත පෙම් හදවත්තුල
පෙම් සිතුවිලි බෝමා..

ඔබේ සිනා ලඟ - නෙත නැවතුනු දා..
ඔබේ කථා ලඟ - සිත නැවතුනු දා..
ප්‍රේමය හැදින්නෙමි..
ප්‍රේමය හැදින්නෙමි - මේ ලෝ තලයේ...//

ගායනය : ජගත් වික්‍රමසිංහ


වළා තීරයෙන් එහා - ටී. එම්. ජයරත්න | Wala Theerayen Eha - T.M.Jayarathne



වළා තීරයෙන් එහා
කොහේද ලෝකයක්..
සොයා ඇදෙන් පැතුම් බිඟුන්
අපේම ලෝකයක්...
අපේම ලෝකයක්...

තරංඟයක් ලෙසින් අදී
බිදී නොයන් සිතින්..
වසන්තයක් ලෙසින් උදාව
එන්න ජීවිතෙන්...

වළා තීරයෙන් එහා...

සිහිල් සහන් සුසුන් සරින්
පවන් රොදක් ලෙසින්...
නැවුම් පැතුම් අරන් වඩින්න
පෙම් උයන් දොරින්...

වළා තීරයෙන් එහා...

ගායනය : ටී. එම්. ජයරත්න
පද රචනය : කුලරත්න ආරියවංශ
සංගීතය : රෝහණ වීරසිංහ


ඔබට යන්නම ඕනෑ නම් - ගුණදාස කපුගේ | Obata Yannama Ona Nam - Gunadasa Kapuge



ඔබට යන්නම ඕනෑ නම්..
ඔබ යන්න ඉතින් නික්මී..
මේ කාමරයේ පුරා රැදුනු සුවඳත් අරගෙන
ඒ සුවඳ ඇවිත් මගෙ සිත පාරයි..//

පුරහද දියවෙනවා සේ..
කළුවරටත් නොකියා..
ඔබ යන්න කලා සොලොසම සපුරා..
හෙට මළගම දා දියවක වී
ඉදින්න සුදු ඇදලා...

ඔබට යන්නම ඕනෑ නම්...

තරුවක් බැස යනවා සේ..
පා සලකුණු නොතියා..
ඔබ යන්න පාළු අහසින් බැසලා..
හෙට මළ හිරුගේ ඉහඉද්දර..
ඉන්න ඇවිත් පායා..

ඔබට යන්නම ඕනෑ නම්...

ගායනය : ගුණදාස කපුගේ


සැදී රන් අභරණින් - මිල්ටන් මල්ලවආරච්චි | Sadi Ran Abaranin - Milton Mallawarachchi



සැදී රන් අභරණින් - රිදී සළු පිලි දරා
නැගී රිය පෙරහරින් - පැතූ පෙම් ලොව දවා
මනාලිය වී ලදේ - ගියත් ඔබ ඔහු කරා
මගේ හදවත ඔබේ - මගේ දිවි ඇති තුරා

අදින් පසු සිත ඔබේ - අහිමි වන බව දනිම්..
යලිදු අප දිවි තුරා - නොයෙන බව යලි දනිම්..
නොයෙන බව යලි දනිම්...

සැදී රන් අභරණින්...

ඔබෙන් ලද සෙනෙහසේ - සුවය නිති විදින්නම්..
සසර මතු භවෙක හෝ - සුරත ඔබෙ පතන්නම්..
සුරත ඔබෙ පතන්නම්..

සැදී රන් අභරණින්...

ගායනය - මිල්ටන් මල්ලවආරච්චි
සංගීතය - ක්ලැරන්ස් විජේවර්ධන
ගී පද - කුලරත්න ආරියවංශ


වැටෙන් එහා - දයාන් විතාරණ | Waten Eha Mal Pandure - Dayan Witharana



වැටෙන් එහා මල් පඳුරේ
ඔබ පිපී වැනේ අත නුදුරේ..//
මිලින වුනත් ඝණ අඳුරේ
මල් නෙලන්න නම් තහනම්...
මල් නෙලන්න නම් තහනම්...

සුවඳ ඇදෙයි මුළු ලොවට හොරෙන්..
නොවසා ඇති දොර කවුළු තුලින්..//
සුවඳ දිඳී තිබුණත් මිදුලේ..
මල් නෙලන්න නම් තහනම්...
මල් නෙලන්න නම් තහනම්...

වැටෙන් එහා...

තෙමුනත් දෙකොපුල් උණු කඳුලින්
ඇසුනත් කෙදිරිය මෘදු මුවගින්..//
පිපුනු නිසා අන්සතු උයනේ...
මල් නෙලන්න නම් තහනම්...
මල් නෙලන්න නම් තහනම්...

වැටෙන් එහා...

ගායනය : දයාන් විතාරණ



ජීවිතේ කවියක් - නන්දා මාලිනී | Jeewithe Kaviyak - Nanda Malani



ජීවිතේ කවියක්..
ආදරේ..සොඳුරු තම වදනක්..
කඳුලැලි බිඳක් - හසරැලි පොදක්..
එකට එක්වූ විට දැනෙයි...
පෙර නොවිදි රසයක්..

පසුපසින් හබා එන අතවර..
හැරදමා..යා නොහැක බෝදුර..
දුක ද ඉවසා දරා ගන්නට
සිතට බල කරනා..
හැඟුම් මව දිව මැවී කවිකම..

ජීවිතේ කවියක්...

සෙනෙහසින් රැදී උන් එක දන..
පලා යයි නොකියාම ඈතක..
පවුරු පදනම් බිදී දස අත
විසිර යන යාමේ..
කවුරු නම් ලංවේද තනියට..

ජීවිතේ කවියක්...

ගායනය : නන්දා මාලනී
“ගජමන් නෝනා“ ටෙලිනාට්‍ය තේමා ගීතය.

මනමාලයි ආදරෙත් නුඹ තරම් - සමිතා මුදුන්කොටුව | Manamalai Adareth Numba Tharam - Samitha Mudunkotuwa



පාවෙලා කෝඩු ආකාසෙ නැවතෙමින්
ජීවිතේ හීනයක් මම දෝ කියන්
හෙමි හෙමින් නැවතිලා තව හිතුවොතින්
ඇත්තමයි නුඹ මගේ අහසම තරම්

කවිකාර හීනේ ලඟින්
දඟකාර කම් හිත තියන්
මනමාලයි ආදරෙත් නුඹ තරම්
මනමාලයි ආදරෙත් නුඹ තරම්

නිදි වරන හීනයේ - මතකය දිගේ ගිහින්
සෙනෙහසට ගැඹුරක් එක්කරන් - ඔය නමින්
නුඹ දුන්නු ආදරේ - අරුත සොයනා සිතින්
තව නුඹට ලංවුනා - හුස්ම වැටෙනා දුරින්

නුපුරුදුම ආදරේ - එක හිතක යා කරන්
නවතින්න හදවතේ හිතුමතේ - දුර ගිහින්
ඉකිබින්ද ජීවිතේ - තනිකම මැකී ගිහින්
තව ඉඩක් නෑ හිතේ - නුඹට දුන්නා තරම්

පාවෙලා කෝඩු ආකාසේ...

ගායනය : සමිතා එරන්දති මුදුන්කොටුව
පද රචනය : රඛිත වාකිෂ්ඨ
සංගීතය : තිලිණ රුහුනගේ

ඔබ ලඟින් ඉන්න බැහැනේ - ගයනි මධූෂා | Oba Lagin Inna Bane - Gayani Madusha


ඔබ ලඟින් ඉන්න බැහැනේ
ඇය ඔබ ලඟම නිසා..
ඔබ දුරින් ඉන්න හැම මොහොතක
දුක උරුම වෙලා..
මගෙ ආදරේ ඔයානේ - එය දන්නවනේ ඔයා
ඔබ ලඟින්ම ඉන්නට මට වරම් නැතිවෙලා...

ඔබ නොදැක ඉන්න බැහැනේ..
තනිකමෙන් මා වෙලෙන්නේ..
ඔබ නොදැක ඉන්න හැම මොහොතක
කදුළු පිරෙනවා...//
සිත ඔබට දීලා මාගේ - තුරුලේ රැදෙන්න ඕනේ
හැමදාම එහෙම ඉන්නට මම පෙරුම් පුරනවා...

ඔබ ලඟින් ඉන්න බැහැනේ...

මට කවුරුවත්ම නැහැනේ..
ඔබ විතරමයිනෙ ඉන්නේ..
ඔබ නොලැබෙන බව දැනගෙන
ආදරේ කරනවා...//
මගෙ ලොවම මාගේ ඔබනේ
මම නෙමෙයි ඔබගෙ ලෝකෙ
මගෙ හුස්ම යනතුරා ඔබ හට ආදරේනෙ මා..

ඔබ ලඟින් ඉන්න බැහැනේ...

ගායනය : ගයනි මධූෂා

ඇගේය ඔබ දැන් - දීපිකා ප්‍රියදර්ශනී පීරිස් | Aegeya Oba Dan - Deepika Priyadarshani Peiris



ඇගේය ඔබ දැන් ඇගේය සිරුරින් ඇගේය..
මගේය එනමුත් මගේය හදවත මගේය
අගේය ඔබ මට අගේය කඳුලැලි නැගේය
මගේය ඔබ නම් මගේය සැමදා මගේය...

ඔබ මට ජල ධාරාවක් වගේය..
සීතල ජල ධාරාවක් වගේය..
ඒ ජල ධාරාවම දැන් ඇගේය..
එනමුත් ජලයේ සිසිලස මගේය..
ජලයේ සිසිලස මගේය...

ඇගේය ඔබ දැන්...

ඔබ මට මිණි වීණාවක් වගේය..
ඔබ නද මිණි වීණාවක් වගේය..
ඒ මිණි වීණාවම දැන් ඇගේය..
එනමුත් වීණා නාදය මගේය...
වීණා නාදය මගේය..

ඇගේය ඔබ දැන්...

ගායනය - දීපිකා ප්‍රියදර්ශනී පීරිස්
සංගීතය - රෝහණ වීරසිංහ
ගී පද - සුනිල් ආරියරත්න

සිතින් විතරක් - චාමර වීරසිංහ | Sithin Witharak - Chamara Weerasinghe


සිතින් විතරක් පෙම් කරන්නම්
දුරින් හිද ඔබ දෙස බලන්නම්
ලංව ඉන්නට බෑ ඔබේ...
අපට අප හිමි නෑ ලොවේ...
ඔබට මා හිමි නෑ....මට ද ඔබ හිමි නෑ...

නිසල නෙතින් ඔබ මදෙස බලා ඉදී
දෙතොල් ඔබගේ මද හසින් සැරසේ
දෙනෙත් ඔබ වෙත පා කරනු බෑ
දෙතොල් සිනහ මවනු මට බෑ
අපට අප හිමි නෑ ලොවේ..
ඔබට මා හිමි නෑ....මට ද ඔබ හිමි නෑ....

සිතින් විතරක්...

සසල වුනත් මගෙ සිතිවිලි ඔබ ලඟ
නිසල කරන් මම ඉන්නම් සෑම දින...
කාත් කවුරුවක් නොමැති මා හට
ඔබත් අහිමිව ගියපු අරුමය
අපට අප හිමි නෑ ලොවේ
ඔබට මා හිමි නෑ....මට ද ඔබ හිමි නෑ....

සිතින් විතරක්...

ගායනය : චාමර වීරසිංහ

සුපුන් සිහිනේ නිදන් පුතුනේ - සංගීත් විජේසූරිය | Supun sihine nidan puthune - Sangeeth Wijeysooriya

සුපුන් සිහිනේ නිදන් පුතුනේ දෙව් විමන් අතරේ
පුතුගෙ දෙනෙතේ කැලුම් ඉතිරේ පැතුම් මල් සුපිපේ
සේද වන් කිරි සිනා පුතු මුවේ ඈඳෙනා
සුන් කරයි මා වේදනා
සුපුන් සිහිනේ නිදන් පුතුනේ දෙව් විමන් අතරේ
පුතුගෙ දෙනෙතේ කැලුම් ඉතිරේ පැතුම් මල් සුපිපේ

රන් විමන් දුටුවේද මන්දිර පුතුනි ඔබ සිහිනේ
නන් සැපෙන් පිරවීද නිදි දුව ඒ සිහින විමනේ
මපුතු සිහිනේ අඳින දෙවි‍ඳේ මුලා නිකරන් මා පුතුන්
නොමැත සුව නිදි යහන් පුතු හට නොම මවනු මැන ඒ දසුන්
තරු වැල් ගොතා සඳ කැන් මතින් සතපන්න පුතු හැකිනම්

සුපුන් සිහිනේ නිදන් පුතුනේ දෙව් විමන් අතරේ...

දෙව් ලඳුන් පිරිවර අරන් වැඩියේද මව් සිහිනේ
මා පුතුන් දෝතින් අරන් නැලවීද ඈ ගීයෙන්
ඇගේ දෙ අතේ නිදන් පුතුනේ නොම සොයනු අවදිව මවුන්
සුව නොමත මා පහස ඇගෙ මෙන් රළු වුනේ උර තල බරින්
මා ලොව පහන් කල රන් පුතුන් ඔබ රකිමි දිවි හිමියෙන්

සුපුන් සිහිනේ නිදන් පුතුනේ දෙව් විමන් අතරේ...


ගායනය - සංගීත් විජේසූරිය
සංගීතය - රාජ්


සාපලත් සඳට - ස්කිට්සෝ | Saapalath sandata - Skitzo



සාපලත් සඳට තරහින් හීන වීසි කරන
පාපලත් මිනිස් අහිනක කයිවාරු ඇහෙනවද
කා බිබී නටන රමණය ජීවිතය කියන
පාරෙ යන සෙනග දෝතින් සාදු කියනවද //

විද්ද පඳුර යට හාවුන් සින්දු කියනකොට
දැක්ක ඇස්වලට රහසින් කඳුළු උනනවද
පත්තු වුණ උණ්ඩ දිලිසෙන සාලෙ මැද තියෙන
රට්ටුන්ට ගයන කටහඬ මේච්චල් මදිද

සාපලත් සඳට තරහින් හීන වීසි කරන
පාපලත් මිනිස් අහිනක කයිවාරු ඇහෙනවද
කා බිබී නටන රමණය ජීවිතය කියන
පාරෙ යන සෙනග දෝතින් සාදු කියනවද

ඇත්තු හති අරින මුඩු බිම ගිය නුවණ අදින
ලද්දු බලවත්තු ඉගිලෙන නැට්ටෙ එල්ලෙමුද
යක්කු සිල් ගත්තු නවගුණ වැලේ ඇට ගණින
පිටි කරල පත්තු පයබරවාය බඳිනවද

සාපලත් සඳට තරහින් හීන වීසි කරන
පාපලත් මිනිස් අහිනක කයිවාරු ඇහෙනවද
කා බිබී නටන රමණය ජීවිතය කියන
පාරෙ යන සෙනග දෝතින් සාදු කියනවද


ගායනය - මාධව, ස්කිට්සෝ

අසුරු සැණින් එක මොහොතකදී- යමුනා විනෝදනී | Asuru sanin eka mohothakadi - Yamuna Vinodani


අසුරු සැණින් එක මොහොතකදී
කාලය නැවතී යලි ඇරඹී
විශ්වය අලුතින් බිහි වේවා
ඔබේම වී මා මගේම වී ඔබ
අපේම වී අප ඉපදේවා

යෙහෙළියන්ගෙ ඉඟි දිනක සැබෑ වී
ඔබේම කුල ගෙයි පතිනිය වන්නට //
මතු යම් දවසක හැකි වේවා
ඔබේම වී මා මගේම වී ඔබ
අපේම වී අප ඉපදේවා

අසුරු සැණින් එක මොහොතකදී...

සෙනෙහෙ විමානේ කිරුළ දරන දා
සිඟිති තොලක කිරි හිනා දකින්නට //
එක සෙවණකදී හමුවේවා
ඔබේම වී මා මගේම වී ඔබ
අපේම වී අප ඉපදේවා

අසුරු සැණින් එක මොහොතකදී...



ගායනය - යමුනා විනෝදනී
ගී පද - කුසුම් පීරිස්


කාත් කවුරුවත් - අමරසිරි පීරිස් | Kath Kauruwath - Amarasiri Peiris



කාත් කවුරුවත් නැති බව දැන දැන
මාත් මගෙ හිතත් රාත්‍රියක තියලා
නුඹත් ගියා නම් හෙටක් තියේවිද
මටත් ඉරක් නැගෙනා...

සාංකා ඇහැරෙන ඝණ අදුරේ
ආත්මයම මගේ - රාත්‍රියම වැන්නේ
ඈත්වෙන්න නම්...
ඇයි තුරුලෙම උන්නේ...

වේදනාව ඇවිලෙන දිවි කතරේ
දෑස් ඇරන් දිව - තවත් ඵලක් නැත්තේ..
ඒත් කියන්නම්...
හමුවෙමු මතු භවයේ....

කාත් කවුරුවත්...//

ගායනය : අමරසිරි පීරිස්
පද රචනය : අමිල තේනුවර
සංගීතය : දර්ශන රුවන් දිසානායක


ඔබ ඈත සඳ වේ - බණ්ඩාර අතාවුද | Oba Atha Sada We - Bandara Athauda



ඔබ ඈත සඳවේ පායා..
මම මෑත තරුවක පිපිලා..
මේ නිසල රැයේ ලොව නිදනා
මා ඔබ ඔබ මා ලඟ ඉන්නා..

අප දුරින් දුරක වුව තනියේ...
නෙත් සරින් පමණි හමුවූයේ..
ඒ ඈත්බවිනි හද බැදුනේ..
සෙනෙහසේ සොඳුරු බව පිරුනේ...

ඔබ ඈත සඳ වේ...

මධු සඳ තරු අද හමුවීලා..
සිටියද ඔබ මා ලංවීලා..
ඒ දුරක එදා අප පිපිලා...
දිගු සොඳුරු සෙනේ ගඟ සිදිලා...

ඔබ ඈත සඳ වේ...

ගායනය : බණ්ඩාර අතාවුද
පද රචනය :
සංගීතය :


උමතු රළ බිඳෙයි - නිර්මලී මාකලන්ද | Umathu rala bindei - Nirmali Makalande


උමතු රළ බිඳෙයි
සයුර ගොඩ ගලා
සුසුම් තිමිරයේ
ම හද ඉකි බිඳී //

ආ දිලුණු උදා තරුව සේ නෙතු ඔබේ
ඇයි මෙසේ කියා දෙන්නකෝ නිවී මෙසේ

සුපෙම් පුදසුනේ
මිලින මල් පෙති
පාව පාව යයි
වියරු රළ වැදී //

ආ දිලුණු උදා තරුව සේ නෙතු ඔබේ
ඇයි මෙසේ කියා දෙන්නකෝ නිවී මෙසේ //

අපි හිනා වුණත්
ළොවම හිනාවෙයි
සොම්නසින් වෙලී
සෙනෙහසින් බැඳී

ආ දිලුණු උදා තරුව සේ නෙතු ඔබේ
ඇයි මෙසේ කියා දෙන්නකෝ නිවී මෙසේ //
ආ දිලුණු උදා තරුව සේ නෙතු ඔබේ

ගායනය - නිර්මලී මාකලන්ද
සංගීතය - හර්ෂ මාකලන්ද
ගී පද - කපිල කුමාර කාලිංග

පවුරු වළලු චිත්‍රපටියෙන්



තාමත් තරහින් නේද ඔයා - රෝස් අලගියවන්න | Thamath Tharahin Neda Oya - Rose Alagiyawanna



තාමත් තරහින් නේද ඔයා..
හඬනා හඬලා ඇස් තෙමිලා..
නැතුව ඉන්න බෑ මගෙ රත්තරනේ
ඇයි ඔහොම තරහින් ඔයා..
මගෙ හුස්ම කවදත් ඔයා...

පොඩිදේටත් තරහ අරන් - රණ්ඩුවෙලා නොදරුවෙක් වෙසින්..
ආයෙ ටිකෙන් වෙනස්වෙලා - පෙරසේම උන්නත් ඉතින්..
කවදාවත් නැ මගෙ සෙනෙහේ - කිසිකෙනෙකුට දෙන්නේ..
ඔබට තිබෙන ආදරය මගේ - මං විතරයි දන්නේ...

තාමත් තරහින් නේද ඔයා...

හිත රිදුනත් නෙතු තෙමුනත් - අඩුවක් නැ හිත උනන සෙනේ..
තරහ නොවී ඉමු මතුවත් - මියෙනතුරා ආදරයෙන්..
කවදාවත් නැ මගෙ සෙනෙහේ - කිසිකෙනෙකුට දෙන්නේ..
ඔබට තිබෙන ආදරය මගේ - මං විතරයි දන්නේ...

තාමත් තරහින් නේද ඔයා...

ගායනය : රෝස් අලගියවන්න
පද රචනය : ඩිලාන් ගමගේ
සංගීතය : ප්‍රියාන් කාරියවසම්

මාලතී වසන්තේ - එඩ්වඩ් ජයකොඩි | Malathi wasanthe - Edward Jayakodi

මාලතී වසන්තේ
මාරුතේ සැලෙන්නේ
මේ පහන් රැයේ
ඈ කොහේ ගියේ
තාරකා අසන්නේ //

නෙතු දැහැනේ රැ‍ඳෙනා සිහිනේ
හද මැදුරේ බිඳෙනා සුසුමේ //
ප්‍රේම ප්‍රාර්ථනා නේක වේදනා
මා සොයා ඇදේවී
මා සොයා ඇදේවී

මාලතී වසන්තේ
මාරුතේ සැලෙන්නේ
මේ පහන් රැයේ
ඈ කොහේ ගියේ
තාරකා අසන්නේ

මුතු හසරැල් සැලෙනා දෑසේ
පිණි කඳුලැල් පුරවා රහසේ //
මේ පහන් රැයේ මා නෙතින් මිදී
ඈ බලා හිදීවී
ඈ බලා හිදීවී

මාලතී වසන්තේ
මාරුතේ සැලෙන්නේ
මේ පහන් රැයේ
ඈ කොහේ ගියේ
තාරකා අසන්නේ //


ගායනය - එඩ්වඩ් ජයකොඩි
සංගීතය - රෝහණ වීරසිංහ
ගී පද - කුමාරදාස සපුතන්ත්‍රී



ආමි නේවි එයාෆෝස් - අජිත් කුමාරසිරි | Army navy air force - Ajith Kumarasiri


ආමි නේවි එයාෆෝස්
ඊ.පී.ඩී.පී. එල්.ටී.ටී.ඊ. //
මව්බිම නැත්නං මරණය කිව්වත්
පෙලෝ ටෙලෝ සහ කරුණා අම්මාන්
අම්මේ මේ කිසිවෙකු හට බෑ
ජීවිත දෙන්නට වෛරෙන් නොමරා ඔබ වාගේ
අම්මේ මේ කිසිවෙකු හට බෑ
පණක් රකින්නට ඔබ වාගේ

එස්.එල්.එෆ්.පී. යූ.එන්.පී.
එල්.එස්.එස්.පී. එන්.එස්.එස්.පී. //
ජේ.එච්.යූ. සහ ජේ.වී.පී.
ඒ ටු ඉසෙඩ් ඒ බී ???
අම්මේ මේ කිසිවකු හට නෑ
උඹ වාගේ මා ගැන සැළසුම් මගෙ ජීවිතයට
අම්මේ මේ කිසිවකු හට බෑ නෑ නෑ නෑ
වැටහෙන්නේ දුක අවංකවම

ඩබ්ලිව්.එච්.ඕ. යූ.එන්.සීඩා
නෝවෙත් දෙන්නේ පිටරට පීඩා //
සී.එන්.එන්. සහ බී.බී.සී.
ස්කයි එයාර් ඇන්ඩ් එම්.ටී.වී.
වයි එෆ්.එම්. ඇන්ඩ් ශ්‍රී එෆ්.එම්.
අයි එෆ්.එම්. රජ එෆ්.එම්.
සිරස ෂා ඇන්ඩ් ද ගී හිරු එෆ්.එම්.
ලක්හඬ එස්.එල්.බී.සී. අයි සී
අම්මේ මේ කිසිවෙකු හට බෑ
මා නලවන්නට උඹ වාගේ
අවංකවම


ගායනය, සංගීතය, ගී පද - අජිත් කුමාරසිරි

මෙහි ඇතැම් වචන අපැහැදිලි බැවින් ඒවා නිවැරදි කිරීමට සහය වන්න.


Related Posts Plugin for WordPress, Blogger...