දුහුල් මලෙක මල් පෙත්තක - නිරෝෂා විරාජිනී | Duhul maleka mal peththaka - Nirosha Virajini


දුහුල් මලෙක මල් පෙත්තක
එහා මෙහා පෙනෙන පරිදි
සියුම්ව ලිව්වා වූ මගේ පෙම් පණිවිඩය
සමනළයෙක් අතේ එව්ව හම්බ වුණාද
බාර ගන්න පරිස්සෙමින් තටු පොඩි නොකර
මගේ පෙම් පණිවිඩය
හම්බ වුණාදැයි කියලා ලියලා එවන්න
ඔබ වෙනුවෙන් තව දුරටත් ජීවත් වෙන්න

ඔබට කැමති වූ දවසේ
දැණුනු හැඟුමේ පාට තමයි
දේදුන්නක් වෙලා දෑස් වෙත පාත් වුණේ
ඒ සතුටේ සුසුම තමයි නළ මුදු සුවදක් වී
හිත තෙත මාත්තු කළේ
ඒ බව හැ‍ඟෙනවා නම් මට කියලා එවන්න
ඒ ඇති මට ඔබ වෙනුවෙන් ජීවත් වෙන්න

ඔබ නික්මන් කළ දවසේ
උනපු කඳුලේ තරම තමයි
පොද වැස්සක් වෙලා පොළවට පාත් උනේ
ඒ කඳුලේ බලයක් තමයි මහවැලි ගඟ මැද්දේ
දිය සුළියක් වූයේ
ඒ බව දැණුනා නම් මට කියලා එවන්න
ඒ ඇති මට තව දුරටත් ජීවත් වෙන්න

දුහුල් මලෙක මල් පෙත්තක
එහා මෙහා පෙනෙන පරිදි
සියුම්ව ලිව්වා වූ මගේ පෙම් පණිවිඩය
සමනළයෙක් අතේ එව්ව හම්බ වුණාද
බාර ගන්න පරිස්සෙමින් තටු පොඩි නොකර
මගේ පෙම් පණිවිඩය
හම්බ වුණාදැයි කියලා ලියලා එවන්න
ඔබ වෙනුවෙන් තව දුරටත් ජීවත් වෙන්න


ගායනය - නිරෝෂා විරාජිනී
සංගීතය - මහින්ද බණ්ඩාර
ගී පද - කැළුම් ශ්‍රීමාල්


සිතේ සතුට ජීවිතයේ - චන්ද්‍රකුමාර් කඳනාරච්චි | Sithe sathuta jeewithaye - Chandrakumar Kandanarachchi


සිතේ සතුට ජීවිතයේ
මිහිර ළං වුණා
ඇයයි මමයි පිරූ පෙරුම්
පැතුම් ඉටු වුණා
ඇයයි මමයි පිරූ පෙරුම්
පැතුම් ඉටු වුණා //

සිඳ දාලා කුල ගොත තහනම් බිඳලා
වෙන් වීලා නිවසින් ඇය වෙන්වීලා
ඉන්නේ ඈ දැන් මට ළං වීලා
ඉන්නේ ඈ දැන් මට ළං වීලා
යන්නේ නෑ කිසිලා මගෙන් මිදීලා

සිතේ සතුට ජීවිතයේ
මිහිර ළං වුණා
ඇයයි මමයි පිරූ පෙරුම්
පැතුම් ඉටු වුණා
ඇයයි මමයි පිරූ පෙරුම්
පැතුම් ඉටු වුණා

නැලවීලා අප හදවත් සැනසීලා
ඉටුවීලා සොම්නස හද උතුරාලා
ඉන්නේ මා සදා සිතින් බැඳීලා
ඉන්නේ මා සදා සිතින් බැඳීලා
යන්නේ නෑ කිසිදා ඈව පෙළාලා

සිතේ සතුට ජීවිතයේ
මිහිර ළං වුණා
ඇයයි මමයි පිරූ පෙරුම්
පැතුම් ඉටු වුණා
ඇයයි මමයි පිරූ පෙරුම්
පැතුම් ඉටු වුණා //


ගායනය - චන්ද්‍රකුමාර් කඳනාරච්චි


මේ උයන් තෙරේ - නිර්මලා රණතුංග | Me uyan there - Nirmala Ranathunga


මේ උයන් තෙරේ මේ තුරු සෙවණේ
ඔබේ කතා මට තවම ඇසේ
මේ නදී තෙරේ මේ අඩි පාරේ
ඔබේ සිනා මට තවම පෙනේ //

ඔබ එදා කියූ වදන් ලියා ඇති සිතේ
නෑ ඉඩක් යළිත් සදා අන් සිතක් කෙරේ //
අතර මගක මා දමා තනිව ඒ ලොවේ
කොහෙද ඔබ ගියේ කියන්න
කොහෙද ඔබ ගියේ

මේ උයන් තෙරේ මේ තුරු සෙවණේ...

අප එදා පෙමින් වෙළී දෙපා නැගු මගේ
නෑ තවත් මැකී ගියේ මුදු වදන් ඔබේ //
යළිදු ඔබ එතැයි පතා හිඳිමි ඒ ලොවේ
කොහෙද ඔබ ගියේ කියන්න
කොහෙද ඔබ ගියේ

මේ උයන් තෙරේ මේ තුරු සෙවණේ... //


ගායනය - නිර්මලා රණතුංග
සංගීතය - වික්ටර් රත්නායක
ගී පද - කුලරත්න ආරියවංශ


එක දවසක් හැන්දෑවක - අතුල අධිකාරි | Eka dawasak handewaka - Athula Adhikari


එක දවසක් හැන්දෑවක
කණාමැදිරි එළි පාරක
මං හෙව්වා තරු කැටයක්
මං හෙව්වා තරු කැටයක්
නිල් පාටින් පායා දිලෙන
නිල් පාටින් පායා දිලෙන

සිහිනයක ගිලී මා සිටියා
කවුරුදෝ විත් දොර බිදිනා විට
සුළං පොදක් වත්
ඇරුණු දොර පියනින් ආවා නම්
සිහිනයේ සුව අරං
නන්නාදුනා දෑසක්
නිවී නිවී දිළිසුනා මොහොතක්

සුහද ආරාධනාවක්
අරන් ඈ ඇවිත් දොරකඩට
පවන් පොදකටවත්
ඉඩක් නෑ නොවෙද
අවකාශයම වසාගෙන
ඈ සිටිනා විට මා අසළ
ඈ සිටිනා විට මා අසළ

එක දවසක් හැන්දෑවක
කණාමැදිරි එළි පාරක
මං හෙව්වා තරු කැටයක්
මං හෙව්වා තරු කැටයක්
නිල් පාටින් පායා දිලෙන
නිල් පාටින් පායා දිලෙන

මා අසළ ලැගුම් ගනු පෙරතුව
මා තුලට මොහොතකට එබුනා නම්
පැහැදිලිව දකින්නට තිබුණා
මා තුලම මා නොවන
පිටස්තරයෙකු සිටිනා වග

ඔබේ පෙම  මා හටද
මා නොවන ඒ අමුත්තා වෙතද
ඔබේ පෙම මා හටද
මා නොවන ඒ අමුත්තා වෙතද
මා නොවන ඒ අමුත්තා වෙතද
මා නොවන ඒ අමුත්තා වෙතද


ගායනය - අතුල අධිකාරි
සංගීතය - නවරත්න ගමගේ
ගී පද - අශෝක හඳගම
සින්තටික් සිහින ටෙලි නාට්‍යයෙන්


දෑතට වළළු - නීලා වික්‍රමසිංහ | Dethata walalu - Neela Wickramasinghe


දෑතට වළළු මල් මුතුවැල් මාල පොටයි
යායට එළලූ පුන් කුසුමන් සේ බැබලෙයි
ගී රස කණ ලූ වන් සැනකින් මන් පිණවයි
ලාලිත රුසිරූ සුන්දර සන්සුන් ගමනයි
දෑතට වළළු මල් මුතුවැල් මාල පොටයි
යායට එළලූ පුන් කුසුමන් සේ බැබැලෙයි

උදයට පේළිය සැදිලා
එන සැටී රූබර අඟනෝ
කර වට ගෝමර මල් පිපිලා
ලැම පිට පවලන් පළඳා
බඳේ වැටෙන හිරු තාපය නොදැනෙයි
ළඳේ නුඹට තුරු සෙවනැලි හුරු නැත

දෑතට වළළු මල් මුතුවැල් මාල පොටයි
යායාට එළලූ පුන් කුසුමන් සේ බැබැලෙයි

හිස වට සේලය දවටාලා
ඉණ වට ඔසරිය ඇඳලා
කුඹුරට සීරුවේ බැසලා
තරගෙට සීපද රැව් දීලා
අගේ වඩන රුසිරෙන් සැදි නෙළුමට
රඟේ බලන් සැරසෙන සැටි කදිමට

දෑතට වළළු මල් මුතුවැල් මාල පොටයි
යායට එළලූ පුන් කුසුමන් සේ බැබැලෙයි
ගී රස කණ ලූ වන් සැනකින් මන් පිණවයි
ලාලිත රුසිරූ සුන්දර සන්සුන් ගමනයි

ලාලිත රුසිරූ සුන්දර සන්සුන් ගමනයි ///



ගායනය - නීලා වික්‍රමසිංහ
සංගීතය, ගී පද - සී. ද එස්. කුලතිලක


පියාණනී මා නැවත උපන්නොත් - අබේවර්ධන බාලසූරිය | Piyanani ma newatha upannoth - Abeywardena Balasuriya

පියාණනී මා නැවත උපන්නොත්
අපාර වූ මේ සංසාරේ
ඔබේම පුතු වේවා
ඔබේම පුතු වේවා

ශිල්ප සතර දී සිහසුන හිඳුවා
ඔබට අහිමි ලොව මා රජ කරවා
ඈත ඉඳන් ඔබ බලා සිටින්නේ
නෑ ඔබ වන් පියවරු හමුවන්නේ

පියාණනී මා නැවත උපන්නොත්
අපාර වූ මේ සංසාරේ
ඔබේම පුතු වේවා
ඔබේම පුතු වේවා

හිත මිතුරන් මා හැර ගිය දවසේ
ලොව ම එරෙහි වී තනිවුණු මොහොතේ
ඔබේ පැලේ නැත දොරගුළුලන්නේ
ඔබේ සෙනේ ගඟ නැත වියැලෙන්නේ

පියාණනී මා නැවත උපන්නොත්
අපාර වූ මේ සංසාරේ
ඔබේම පුතු වේවා
ඔබේම පුතු වේවා


ගායනය - අබේවර්ධන බාලසූරිය
සංගීතය - වික්ටර් රත්නායක
ගී පද - සුනිල් ආරියරත්න


හීන අරන් රෑ තරු මල් - කිත්සිරි ජයසේකර | Heena aran re tharu mal - Kithsiri Jayasekara


හීන අරන් රෑ තරු මල් අහසෙ පිපෙනවාලු
වසන්තයක නැවුම් සුවඳ හිතට එබෙනවාලු
කල්ප පුරා නෙතු උතුරා ගැලූ කඳුළු වේලු
එක හුස්මට අමතක කල දවසක් එනවාලු

මට මගේ කියා කියාගන්න
කිසිවක් නැති දාක
සඳක් වෙලා ඈ පිපුණා
තරුවක් නැති රෑක //
කියාගන්නෙ කොහොම
හිත ගොළු වී තාම

යාය පුරා හිත වපුරා
මල්වර නෙතු ගාව
නොකී කඳුළු අමතක කල
සුවඳකි වත පෑව //
නොලීව කවි ලීව
මට නැති වුනි මාව

හීන අරන් රෑ තරු මල් අහසෙ පිපෙනවාලු
වසන්තයක නැවුම් සුවඳ හිතට එබෙනවාලු
කල්ප පුරා නෙතු උතුරා ගැලූ කඳුළු වේලු
එක හුස්මට අමතක කල දවසක් එනවාලු


ගායනය - කිත්සිරි ජයසේකර


වියෝ වී මිහි මඬල - චන්ද්‍රිකා සිරිවර්ධන | Viyo wee mihi madala - Chandrika Siriwardena


වියෝ වී මිහි මඬල
ඉකි බිඳී
රළු සුළඟ සේ
වියෝ වී මිහි මඬල
ඉකි බිඳී
රන් සුළඟ සේ
අළු යටින් මතු වී
ඇවිලෙනා ඇවිලෙනා
නොනිවි ගින්නක් වී
ඉකි බිඳී මිහි මඬල
සාපයක් දෝ දෙවියන්ගේ
පාපයක් දෝ මිනිසුන්ගේ

බිඳි සෙනෙහෙ අවුරා
ළං කළ හැකිද
හඬන සිත් තැවෙන සිත්

සාපයක් දෝ දෙවියන්ගේ
පාපයක් දෝ මිනිසුන්ගේ ///



ගායනය - චන්ද්‍රිකා සිරිවර්ධන


ගර්ල්ස් - අමිල සඳරුවන් | Girls - Amila Sandaruwan



දෑසෙ ගෑවුණා
මා මන්මත් වුණා
දඹ රන් වැනි
මේ බෝනික්කෝ
දැකීමෙන් දැනී සුව
සිනා නගන්නකෝ
ගර්ල්ස් ගර්ල්ස් ගර්ල්ස්
මගේමයි
රැස් විහිදේ හදේ
ආ නංගි ඉමු ළං වී

මැරෙයි මා මැරෙයි
දෙයියනේ මැරෙයි
කෙළිලොල් කෙල්ලෝ
මට අහිමිව යාදෝ
මා සනසන්නෝ
ලැබේනම් සියල්ලෝ
ගර්ල්ස් ගර්ල්ස් ගර්ල්ස් ගර්ල්ස්
සැනසුම් ගෙනෙයි කෙල්ලෝ
මායිම් කොහේදෝ

සන්සුන්ව ඉන්නයි
උත්සාහ ගන්නේ
හිත හීලෑ නොවීලා
මගෙ ආත්මය ගිලීලා
පුපුරාවිදෝ හද ගිනිගනීදෝ
ජේත්තුකාරී
ඔබයි මා යාවී
මල් පුසුඹ ගේනා
නිල් නයන පීනා
බෑ නික්ම යන්න
මට ආසයි රැඳෙන්න
බලා ඉන්න ඕන
ගර්ල්ස් ගර්ල්ස් ගර්ල්ස් ගර්ල්ස්

දෑසෙ ගෑවුණා
මා මන්මත් වුණා
දඹ රන් වැනි
මේ බෝනික්කෝ
දැකීමෙන් දැනී සුව
සිනා නගන්නකෝ
ගර්ල්ස් ගර්ල්ස් ගර්ල්ස්
මගේමයි
රැස් විහිදේ හදේ
ආ නංගි ඉමු ළං වී


ගායනය - අමිල සඳරුවන්
සංගීතය, මුල් ගී පද - නිමල් මෙන්ඩිස්
ගී පද, පරිවර්තනය - දුමින්ද අලහේන්ද්‍ර




රාත්‍රිය උවමනා කර තිබේ - අමල් පෙරේරා | Raathriya uwamana kara thibe - Amal Perera


රාත්‍රිය උවමනා කර තිබේ
නිදන්නට නොව
ලොවින් සැඟවෙන්න
කණා මැදිරියනි
එපා ගෙට එන්න
රාත්‍රිය උවමනා කර තිබේ
වැළපෙන්න

එකට ආ මාවතේ ළං ළං ව
රැඳුනු ඇඳුනු සිවු පිය ලකුණු
එක පෙළට
දෙමගකට හැරුණු හැටි
දැනගන්න
රාත්‍රිය උවමනා කර තිබේ
වැළපෙන්න

නිසල තුරු මානයේ මල් මල් අතර
පිරූ පිරූ පෙම් ගී සොඳුරු
මුණු මුණු ව
ගොළුවතට හැරුණු හැටි
දැනගන්න
රාත්‍රිය උවමනා කර තිබේ
වැළපෙන්න

රාත්‍රිය උවමනා කර තිබේ
නිදන්නට නොව
ලොවින් සැඟවෙන්න



ගායනය - අමල් පෙරේරා
සංගීතය - දර්ශන රුවන් දිසානායක
ගී පද - යසනාත් ධම්මික බණ්ඩාර


නදියා ලෙඩ වෙලා - සහන් පද්මසංඛ පීරිස් | Nadiya leda wela - Sahan Padmasangkha Peiris


නදියා ලෙඩ වෙලා
මගෙ හදවත අයිතිකාර
නදියා ලෙඩ වෙලා
ඉවසගන්න බැරි දුකකට
මමත් හිර වෙලා

හිසරදයයි උණයි දෙකම
වැඩි වුණා කියා
පන්තිවලට නොගියේ නෑ
ඒ වුණත් එයා
රෑ පුරාම දුරකථනය
බිමින් නොතියලා
මං හිටියා ඈ ළඟින්ම
හිතින් අඬ අඬා

නදියා ලෙඩ වෙලා
මගෙ හදවත අයිතිකාර
නදියා ලෙඩ වෙලා

නින්ද නැතුව මං ඉන්නේ
හිත ළඟින් තියා
විඳගන්නේ ඔයාගෙ ඔය
රිදුම් වේදනා
ළඟම තියෙන ගිලන්හලට
පැමිණියත් ඔයා
බලන්න එන්නත් මට බෑ
අම්ම ළඟ නිසා

නදියා ලෙඩ වෙලා
මගෙ හදවත අයිතිකාර
නදිය ලෙඩ වෙලා


ගායනය, සංගීතය, ගී පද - සහන් පද්මසංඛ පීරිස්



THE SAHAN THE UNIQUECREATOR

මී විත පුරවා - මර්වින් මිහිඳුකුල | Mee witha purawa - Mervin Mihindukula


මී විත පුරවා සුර ළඳුනේ රස බැළුවා
සිත ඇතුළේ ගිණි දැල් නම් නිවී ගියේ නෑ
ඒ සුව යහනේ මද පවනේ අතීතයේ
සොඳුරු පැතුම් මිහිරි හැඟුම් මැකී ගියේ නෑ

හිරුට හොරෙන් සඳුට හොරෙන්
හිරුට හොරෙන් සඳුට හොරෙන් තනි වී දෙන්නා
ලොව පිබිදී ඇති විටදී සැඟවී උන්නා
මුව කොනකින් සිනහ වෙලා ගොළු වී උන්නා

මී විත පුරවා සුර ළඳුනේ රස බැළුවා
සිත ඇතුළේ ගිණි දැල් නම් නිවී ගියේ නෑ

හිතට හොරෙන් තෙනට හොරෙන්
හිතට හොරෙන් තෙනට හොරෙන් කතා කළේ නෑ
ඔබට හොරා තව කෙනෙකුට සිනාසුනේ නෑ
අතීතයේ මිහිරි හැඟුම් මැකී ගියේ නෑ

මී විත පුරවා සුර ළඳුනේ රස බැළුවා
සිත ඇතුළේ ගිණි දැල් නම් නිවී ගියේ නෑ
ඒ සුව යහනේ මද පවනේ අතීතයේ
සොඳුරු පැතුම් මිහිරි හැඟුම් මැකී ගියේ නෑ



ගායනය - මර්වින් මිහිඳුකුල
සංගීතය, ගී පද - ක්ලැරන්ස් විජේවර්ධන

හිරු ගෙනවිල්ලා - ශ්‍රීමතී තිලකරත්න | Hiru genawilla - Shrimathi Thilakarathna

හිරු ගෙනවිල්ලා පුතු ළඟ තනියට තියලා
උදේ රැයින් පිට වීලා හවසට එන්නම් //

උසට උසේ විහිදී ඇති වතුකරයේ තේ නිල්ලේ
බට කූඩය පිට බැඳගෙන නිය රඳවා තේ දල්ලේ
මිහිදුම් සළු පීරාගෙන ‍සේවය කර කඳුලැල්ලේ
අතට ලැබෙන දෙයින් ගෙනෙමි පුතාට කිරි රස ලොල්ලේ
පුතාට කිරි රස ලොල්ලේ

හිරු ගෙනවිල්ලා පුතු ළඟ... //

පුතේ නුඹේ ලොකු අම්මා අතේ වළල්ලක් දැම්මා
කුසේ දැණෙන ගිණි නිම්මා නිවා දමයි නුඹෙ අම්මා
පියා නොමැති මගෙ පුතුගේ කුස ගින්දර නිවාලන්න
හැම දෙවියෝ පිහිට වේවි හැන්දෑවට ගෙදර යන්න
හැන්දෑවට ගෙදර යන්න

හිරු ගෙනවිල්ලා පුතු ළඟ... //


ගායනය - ශ්‍රීමතී තිලකරත්න
සංගීතය - වික්ටර් රත්නායක
ගී පද - ප්‍රේමකීර්ති ද අල්විස්


සුභ මං තලයේ - සෙව්වන්දි රණතුංග | Subha man thalaye - Sewwandi Ranathunga


සුභ මං තලයේ සඳ හිස ඇලයේ
මල් නොපිපුණ හිම කැලයේ
පොකුරින් පොකුරේ තරු මුතු එළියේ
බැඳ එමි පෙම් සැණකෙලියේ //

මුව කමල අයා කියු දෙයම ලියා
පියවර එකිනෙකම තියා //
මගෙ සුවඳ සොයා නළ ඇදෙන නියා
මතු එනු මැන ම වෙත සොයා

සුභ මං තලයේ සඳ හිස ඇලයේ...

හෙට අළුත් ලොවේ හිරු අළුත් නොවේ
දහසක් කල් ගියත් නොවේ //
අද වගෙයි භවේ හැම දිනක්ම ඒ
ඔබ සඳ වෙයි භවින් භවේ

සුභ මං තලයේ සඳ හිස ඇලයේ... //


ගායනය - සෙව්වන්දි රණතුංග
සංගීතය - විජේරත්න රණතුංග
ගී පද - ප්‍රේමකීර්ති ද අල්විස්


රැළි රැළි මුහුදු වෙරළේ - චින්තක ගීතදේව, ගෝෂා | Reli reli muhudu werale - Chinthaka Geethadewa, Ghosha


රැළි රැළි මුහුදු වෙරළේ
තුරුළු කරගෙන කිටි කිටියේ
රැළි රැළි මුහුදු වෙරළේ
තුරුළු කරගෙන කිටි කිටියේ
ඔයා මට ආදරෙයිද ඔබ මගෙන් ඇහුවා
ඔයා මට ආදරෙයිද ඔබ මගෙන් ඇහුවා
මම රැල්ල පාග පාගා ඇවිද්දා

ඉන වටා අත දාගෙන
පන්සලේ පඩි නගිද්දී
ඉන වටා අත දාගෙන
පන්සලේ පඩි නගිද්දී
ඔයා මට ආදරෙයිද ඔබ මගෙන් ඇහුවා
ඔයා මට ආදරෙයිද ඔබ මගෙන් ඇහුවා
මම පඩියෙන් පඩිය ගැන්නා
පඩියෙන් පඩිය නැග්ගා
පඩියෙන් පඩිය ගැන්නා
පඩියෙන් පඩිය නැග්ගා

කොටු කොටු පදික වේදිකාවේ
අත්වැල් බැඳන් යනකොට
කොටු කොටු පදික වේදිකාවේ
අත්වැල් බැඳන් යනකොට
ඔයා මට ආදරෙයිද ඔබ මගෙන් ඇහුවා
ඔයා මට ආදරෙයිද ඔබ මගෙන් ඇහුවා
මම කොටුවෙන් කොටුව ගැන්නා
කොටුවෙන් කොටුව පැන්නා
කොටුවෙන් කොටුව ගැන්නා
කොටුවෙන් කොටුව පැන්නා


ගායනය, සංගීතය, ගී පද - චින්තක ගීතදේව, ගෝෂා

සාමාන්‍ය ජනතාව - අමිල සඳරුවන් | Samanya janathawa - Amila Sandaruwan


සාමාන්‍ය ජනතාව සමානයි
මගෙ පෙම්වතිය //

ඊයේ වන තුරු මම විශ්වාස කළේ
ඇය උන් ළඟටවත් නොයයි කියා
මටත් හොරෙන් ඇය
උන්ට එකතු වෙලා

සාමාන්‍ය ජනතාව සමානයි
මගෙ පෙම්වතිය //

දැනුයි දැනුයි මට තේරෙන්නේ ඔව් ඔව්
මට මතකයි ඉස්සර ඉඳන්
ඇය ආස කලේ
උන් ළඟටම යන්නටයි

සාමාන්‍ය ජනතාව සමානයි
මගෙ පෙම්වතිය //

මගෙ ආදරේ තරම තවම ඔයා දන්නෙ නෑ
උන් මොනව කලත් ඔයාට ගාණක් නෑ
මං ඔයාට දුන්න ආදරේ
වෙන කෙනෙකුට දෙන්නට බෑ
පපු කැවුත්ත මගේ හතරට පැළිල වගේ

සාමාන්‍ය ජනතාව සමානයි
මගෙ පෙම්වතිය ////


ගායනය, සංගීතය, ගී පද - අමිල සඳරුවන්


අම්මා - සංගීත් විජේසූරිය | Amma - Sangeeth Wijeysooriya



හෝ....හෝ...අම්මා..අම්මා...අම්මා...

දන්දී පින්දී උදම් වී - දම් සාරෙන් නෑවිලා..
සම්මා සිත් පෑදුවා අම්මා...
උස්වී දුක් ගී වැයෙද්දී - හිස්වී ඇවිලී ගිනි..
මං නැත්තම් කෑවෙ නෑ අම්මා...

ඉන්නට නම් බැ ඉතින් - වන්දි දෙන්න..
ආයෙමත් ආයෙමත් අම්මා වෙන්න..
නිවනින් පේ විලා...
වේදනා සේදිලා යනතෙක්ම...

හෝ....හෝ...අම්මා..අම්මා...අම්මා...
හෝ....හෝ...අම්මා..අම්මා...අම්මා...

දන්දී පින්දී උදම් වී - දම් සාරෙන් නෑවිලා..
සම්මා සිත් පෑදුවා අම්මා...

වාවාලා මිහිකත වාගේ
කැක්කුම් දෙන්නාලා දියවුන රූපේ
සම රැලි වී කෙහෙ ගැලවී
කුදු වෙනවා නේ අම්මා
හද දනවා ඉවසනවා..
ඔබ කියලා දී ඇත්තා සේ...

හෝ....හෝ...අම්මා..අම්මා...අම්මා...
හෝ....හෝ...අම්මා..අම්මා...අම්මා...

දන්දී පින්දී උදම් වී - දම් සාරෙන් නෑවිලා..
සම්මා සිත් පෑදුවා අම්මා...

දීඝායූ වැඩි වැඩි වේවා...
දෙවියොත් දෑස් පාලා ලෙඩ දුර ගාවා
කිරි එරවා යලි පොවලා
ලෙස ලං වෙනවා..අම්මා..
මට ලංවී සංසාරේ
සංහිදවන්නේ අම්මා...

හෝ....හෝ...අම්මා..අම්මා...අම්මා...
හෝ....හෝ...අම්මා..අම්මා...අම්මා...
මගෙ...අම්මා...අම්මා...අම්මා..
හෝ....හෝ...අම්මා..අම්මා...අම්මා...

ගායනය : සංගීත් විජේසූරිය


මේ අවුරුදු කාලේ - ලයනල් රන්වල | Me awurudu kale - Lional Ranwala


මේ අවුරුදු කාලේ සිනහ වෙයන් රාළේ
තෙල් ඉහිරුණු කැවුම් ගෙඩිය වාගේ //

දොං තරිකිට කැත්ත ‍දොදොං
පිළ වටකර කැත්ත දොදොං
දමා තැල්ල ඩිඟිසි ඩි‍‍ඟොයි
දමා තැල්ල තක තෙය්යත් තාං
කැවුම් කොකිස් තෙලේ බැ‍දෙයි
කැවිළි සුවඳ සිතට දැනෙයි

බා බා බා කිකිළී
ඊයෙ උදේ ගිය කිකිළී
තාම ආවෙ නෑ කිකිළී
බා බා බා

ගත්තිංඥා තිංඥා ගති ගත ගෝ ගති ගත ගෝ
ඔන්චිලි චිලි වාරම් ගම දෙවනත් වෙන්නා
මැංගිරි ඩිණිකෝ
අවුරුදු ආවෝ

මේ අවුරුදු කාලේ සිනහ වෙයන් රාළේ
තෙල් ඉහිරුණු කැවුම් ගෙඩිය වාගේ //

දොං තරිකිට කැත්ත ‍දොදොං
පිළ වටකර කැත්ත දොදොං
දමා තැල්ල ඩිඟිසි ඩි‍‍ඟොයි
දමා තැල්ල තක තෙය්යත් තාං
ගමේ රබන් දොරට වඩියි
සිනහ මුහුණු අවට පෙනෙයි

බා බා බා කිකිළී
ඊයෙ උදේ ගිය කිකිළී
තාම ආවෙ නෑ කිකිළී
බා බා බා

ගත්තිංඥා තිංඥා ගති ගත ගෝ ගති ගත ගෝ
සිංහල අවුරුද්දේ මල් කැකුළක් සේ දිළිසේ
මැංගිරි ඩිණිකෝ
අවුරුදු ආවෝ

මේ අවුරුදු කාලේ සිනහ වෙයන් රාළේ
තෙල් ඉහිරුණු කැවුම් ගෙඩිය වාගේ //


ගායනය - ලයනල් රන්වල, රන්වල බලකාය
ගී පද - ජයතිස්ස බොරළුගොඩ
සංගීතය - ලයනල් රන්වල


කිරි ඉතිරේවා නව වසරේ - එච්. ආර්. ජෝතිපාල | Kiri ithirewa nawa wasare - HR Jothipala


කිරි ඉතිරේවා නව වසරේ
කිරි ඉතිරේවා නව වසරේ
සාමයේ ගීතයේ රැව් නැගී දස අතේ
සාමයේ ගීතයේ රැව් නැගී දස අතේ
කිරි ඉතිරේවා නව වසරේ
කිරි ඉතිරේවා නව වසරේ

දුක් දොම්නස නැති වුණා
නව වසරක් එළඹුණා
අවුරුදු දා ප්‍රීති වන්න
මතුකරමින් මල්හිනා
සාමයේ ගීතයේ රැව් නැගී දස අතේ
සාමයේ ගීතයේ රැව් නැගී දස අතේ

කිරි ඉතිරේවා නව වසරේ....

බත බුලතින් අඩුනොවී
සුරසැප මිහිපිට මැවී
උපන් බිමේ කිරි ඉතිරී
ගොඩ මඩ සරු සාර වී
සාමයේ ගීතයේ රැව් නැගී දස අතේ
සාමයේ ගීතයේ රැව් නැගී දස අතේ

කිරි ඉතිරේවා නව වසරේ....


ගායනය - එච්. ආර්. ජෝතිපාල


වන්නම් සව්දම් ගායන - ලයනල් රන්වල, රන්වල බලකාය | Wannam sawdam gayana - Lional Ranwala, Ranwala Balakaya

වන්නම් සව්දම් ගායන
සූරිය මණ්ඩල සේමා
ගයමුව යාළුව මා හා //

ඉහළු ගමින් කෝ වරෙල්ලා
වරෙල්ලා යාළු පනේ
පේරැස් මුදුවේ බලල්ලා
බලල්ලා දිස්නෙ නගෝ
මහා බඹා මැවූ රන් පබාවතී ළඳ දෝ
මහා බඹා මැවූ රන් පබාවතී ළඳ දෝ
මහා බඹා මැවූ රන් පබාවතී ළඳ දෝ

වන්නම් සව්දම් ගායන
සූරිය මණ්ඩල සේමා
ගයමුව යාළුව මා හා //

කණට දෙබික්කං පයට පදක්කං
මම දෙඤ්ඤා මම දෙඤ්ඤා
කණට දෙබික්කං පයට පදක්කං
මම දෙඤ්ඤා මම දෙඤ්ඤා
ආලවන්තයා මං බහක් දියන් නංගෝ
ආලවන්තයා මං බහක් දියන් නංගෝ
ආලවන්තයා මං බහක් දියන් නංගෝ

වන්නම් සව්දම් ගායන
සූරිය මණ්ඩල සේමා
ගයමුව යාළුව මා හා //

නැගෙනහිරට රන් කරල් නැමෙන්නේ
පිනට නුඹේ පිනට නුඹේ
නැගෙනහිරට රන් කරල් නැමෙන්නේ
පිනට නුඹේ පිනට නුඹේ
ආලවන්තයා මං බහක් දියන් නංගෝ
ආලවන්තයා මං බහක් දියන් නංගෝ
ආලවන්තයා මං බහක් දියන් නංගෝ

වන්නම් සව්දම් ගායන
සූරිය මණ්ඩල සේමා
ගයමුව යාළුව මා හා //

ඉහළු ගමින් කෝ වරෙල්ලා
වරෙල්ලා යාළු පනේ
පේරැස් මුදුවේ බලල්ලා
බලල්ලා දිස්නෙ නගෝ
මහා බඹා මැවූ රන් පබාවතී ළඳ දෝ
මහා බඹා මැවූ රන් පබාවතී ළඳ දෝ
මහා බඹා මැවූ රන් පබාවතී ළඳ දෝ

වන්නම් සව්දම් ගායන
සූරිය මණ්ඩල සේමා
ගයමුව යාළුව මා හා ////

මහා බඹා මැවූ රන් පබාවතී ළඳ දෝ ////



ගායනය - ලයනල් රන්වල, රන්වල බලකාය
සංගීතය - ලයනල් රන්වල


පෙම් කවක් ලියූ නුඹ - කරුණාරත්න දිවුල්ගනේ | Pem kawak Liyu Nuba - Karunarathna Diulgane


පෙම් කවක් ලියූ නුඹ සිත් අහසේ..
එය මකා දමා ගිය හැටි රහසේ..
නුඹ මෙතෙක් රැදී උන් මා මනසේ..
පෙම් පුරාවතක්.., නිමා කරන්නද මා කෙලෙසේ...

නුඹ යන්නම යන්නම යනවානම්
මට ඉන්න කියන්නට බැහැනෙ ඉතින්...//
යලි එන්නනම එන්නම හිතුනේ නම්
නුඹ එන්න එපා මගෙ හිත තහනම්..

පෙම් කවක් ලියූ නුඹ...

හුරතලෙන් දැවටිලා මගේ ලඟින්
දුන් සතුට එපමණද මට පවසම්...//
සඳ එලිය පොළොවටයි හිමිවූයේ..
සඳ අහසෙ රැදුනාට රත්තරනේ...

පෙම් කවක් ලියූ නුඹ...

ගායනය : කරුණාරත්න දිවුල්ගනේ

ඔබ ගාව මම ඉන්නෙමි - මිල්ටන් මල්ලවාරච්චි | Oba gawa mama innemi - Milton Mallawarachchi


ඔබ ගාව මම ඉන්නෙමි
සුසුමන් වගේ යාවෙවී
තනියේ තුරුල් වී මුමුණා සුපෙම් ගී
රෑ සීතලේ ළං වෙවී
තරුමල් කඩා දෙන්නෙමි //

මිණිසේ දිළෙන්නේ තරු සේ නිවෙන්නේ
ඔබගේ සිනා දෑස නේදෝ
නොසැලී තියෙන්නේ සසැලී නොයන්නේ
ඔබගේ මගේ ස්නේහෙ නේදෝ
සිත මාගෙ සනසන්නේ සරසන්නේ ඔබමයි ළඳේ
වෙන කවුරුවත් මාගේ තුරුළේ නිදන් නෑ ළඳේ

මතු ජීවිතේ දී මෙලොවින් තුරන් වී
ගුවනේ පියාඹන්න වේවි
අභ්‍යාවකාශේ ග්‍රහලෝක ගානේ
මිතුරන් සොයා යන්න වේවි
ඒ කාලෙදිත් මා පතන්නේ ඔයාවයි ළඳේ
දෙව් දූවරුන්ගෙන් අහන්නෙත් ඔයාවයි ළඳේ

ඔබ ගාව මම ඉන්නෙමි
සුසුමන් වගේ යාවෙවී
තනියේ තුරුල් වී මුමුණා සුපෙම් ගී
රෑ සීතලේ ළං වෙවී
තරුමල් කඩා දෙන්නෙමි //


ගායනය - මිල්ටන් මල්ලවාරච්චි
සංගීතය - රූකාන්ත ගුණතිලක
ගී පද - රූකාන්ත ගුණතිලක


සහන් චාමිකර(නව රිද්ම) - ඔබ ගාව මම ඉන්නෙමි..


පෙම් බැන්ද සිත් බැන්ද - චන්ද්‍රකුමාර් කඳනාරච්චි | Pem benda sith benda - Chandrakumar Kandanarachchi

පෙම් බැන්ද සිත් බැන්ද
නෙත් කැල්ම රන් සිහින සේයා
ඉඳු දුන්න සේ නැසෙන
රැවටිල්ල ලුහුබඳින මායා //

රන් තාරකාවෝ
දෙනෙතේ රැඳුනාවේ
මේ සොඳුරු සිහිනේ
කවදා ඉටුවේදෝ ළ‍ඳේ
නිම් හිම් නැතේ
සෙනෙහේ ළදේ
මන්දෝ ළදේ
සැඟවී ගියේ

පෙම් බැන්ද හින්දා
ඉන් මා දැවුණාවේ
මේ සොදුරු පියසේ
නොඇසේ මිහිරි ගීයේ
හැඟුමන් මගේ
ඔබ හා බැඳේ
පැවතුම් ඔබේ
නොදනී ළඳේ

පෙම් බැන්ද සිත් බැන්ද... //


ගායනය - චන්ද්‍රකුමාර් කඳනාරච්චි

සිහිනේ විලසේ - අතුල අධිකාරි, සමිතා මුදුන්කොටුව | Sihine Vilase - Athula Adhikari, Samitha Mudunkotuwa




සිහිනේ විලසේ ගිලිහේවි ආදර කතා
සිතු දේ පැතු දේ කඳුලේ පාවී ගියා //

දෑස පුරෝගෙන සීතල කඳුළැලි
සිතුවේ ඔබ ගැනමයි ළඳුනේ
පාළුව අතරේ මා ඔබ ඇසුරේ
සිතුවම් මා සිත හඬවන්නේ
කඳුලින් බොඳවී ආදර ලෝකේ
නෑ හමුවන්නේ අප ආයේ

සිහිනේ විලසේ ...

නාඳුනනා ලෙස ඈතට වෙමු අපි
සැඟවී ගිය පසු මල් සිහිනේ
මා තනි අතරේ මේ ඝන අඳුරේ
කොහි යම්දෝ නෑ වැටහෙන්නේ
සිහිනෙන් සිහිනේ ආදර ලෝකේ
නෑ හමුවන්නේ අප ආයේ

සිහිනේ විලසේ ... //



ගායනය - අතුල අධිකාරි, සමිතා මුදුන්කොටුව


බෝධියේ විහාරයේ - නීලා වික්‍රමසිංහ | Bodhiye Viharaye - Neela Wickramasinghe


බෝධියේ විහාරයේ
පිදූ පියුම් වැනි වූ
බාලිකා ලොව මැලවුන දා
මුළු ලොවටම රෑ වෙනවා //

මල් පොහොට්ටු මා හදේ
සුරංගනා පොකුණේ
මල් වරම් ලැබ පිපෙන තුරා
ඔබ නටුවෙන් බිඳිනු එපා

බෝධියේ විහාරයේ...

ජීවිතේ කියා හඬින්
සිනා සිසී හිදිනා
ඒ සිනා මා බොළඳ නෙතේ
උණු කදුළක් කරනු එපා

බෝධියේ විහාරයේ... //


ගායනය - නීලා වික්‍රමසිංහ
සංගීතය - සරත් දසනායක
ගී පද - අජන්තා රණසිංහ



උත්සාහය උක් දණ්ඩක් වැන්නේ - චන්ද්‍රිකා සිරිවර්ධන | Uthsahaya uk dandak wanne - Chandrika Siriwardena

උත්සාහය උක් දණ්ඩක් වැන්නේ
වැලඳූ පසුවයි මිහිර දැනෙන්නේ
එහි රසයෙන් සිත සැනහී යන්නේ
අලස ගතේ දිව එය නෑ දන්නේ

පැනයක් දුටු කල එය විසඳන්නා
එඩිතර සිතකින් එය පිළිගන්නා
පැනයක් දුටු කල එය විසඳන්නා
එඩිතර සිතකින් එය පිළිගන්නා
එලස නොකර සකි ඉවත දුවන්නා
පැනය විසින් මහ වහලකු වන්නා

අප කුමටද ගොස් නොරට සිඟන්නේ
අපේ ඉසුරු මව් පොළවෙ තැවෙන්නේ
ඒවා ඉල්ලා වෙහෙස වෙයන්නේ
එවිට නොවේදෝ නොවහල් වෙන්නේ

සිංහල පාරක ගමන් නොගත්නේ
සිංහල පැදුරක නිදා නොගත්තේ
සිංහල පාරක ගමන් නොගත්නේ
සිංහල පැදුරක නිදා නොගත්තේ
සිංහල ගත දිය සිසිල නොදත්තේ
එවන් කෙනෙක්ගේ කුමක් ද තත්වේ

උත්සාහය උක් දණ්ඩක් වැන්නේ
වැලඳූ පසුවයි මිහිර දැනෙන්නේ
එහි රසයෙන් සිත සැනහී යන්නේ
අලස ගතේ දිව එය නෑ දන්නේ


ගායනය - චන්ද්‍රිකා සිරිවර්ධන


අහස දිහාවට - ස්කිට්සෝ | Ahasa dihawata - Skitzo



එක දවසක් අහස දිහාවට
ඇහැ ඇරියම රෑක
තරු කැට එක එක කඩා වැටෙනවා
අහුලන්නද කෝම
අහස තරහදෝ මං එක්කං
කියන්නේ මං කාට
පුංචිම කාලේ දැක්කට පස්සේ
දැක්කෙත් අද අහස
ලොවම ඔබේ යට මං වාගේම
හිනාවෙන්න අහස
ඔබව අපව දුර නොවන වගට
තව ළං වෙන්නකො අහස

එක දවසක් අහස දිහාවට
ඇහැ ඇරියම රෑක
තරු කැට එක එක කඩා වැටෙනවා
අහුලන්නද කෝම
අහස තරහදෝ මං එක්කං
කියන්නේ මං කාට
පුංචිම කාලේ දැක්කට පස්සේ
දැක්කෙත් අද අහස
ඔබේ වියන යට ඔබේ නිවන යට
හැර යන්නද කාව
තරහා අවසරයි අපේ අහස යට
අපි අපිමයි තාම



ගායනය - සුදන්ත මාධව, ස්කිට්සෝ
සංගීතය - තරිඳු ජේ. ප්‍රේමරත්න
ගී පද - මාධව තෙන්නකෝන්

සමනළී - කිත්සිරි ජයසේකර | Samanalee - Kithsiri Jayasekara


සිත නතු නැති සමනළී
මට බිඳුවක් ඉන්න කියා
ළඟ පාතකට ද දන්නේ නෑ
තටු ගසමින් ඉගිල ගියා
සිත නතු නැති සමනළී

ඒ මනරම් මුතුවැල් හා පබළු
මා ළඟ මෙහෙම තියා
මා ළඟ මෙහෙම තියා
ඒ මනරම් මුතුවැල් හා පබළු
මා ළඟ මෙහෙම තියා
මා ළඟ මෙහෙම තියා
ගිම්හානේ මදහස ළඟ නවතා
හිනැහී යන්න ගියා
හිනැහී යන්න ගියා

සිත නතු නැති සමනළී
මට බිඳුවක් ඉන්න කියා
ළඟ පාතකට ද දන්නේ නෑ
තටු ගසමින් ඉගිල ගියා
සිත නතු නැති සමනළී

රෑ රැඟුමේ දුටු ගී හඬ හැඩලූ
ඔබගේ දසුන නිසා
ඔබගේ දසුන නිසා
රෑ රැඟුමේ දුටු ගී හඬ හැඩලූ
ඔබගේ දසුන නිසා
ඔබගේ දසුන නිසා
සඳ පානේ නිහඬව නෙතු සනසා
සමුගෙන යන්න එපා
සමුගෙන යන්න එපා

සිත නතු නැති සමනළී
මට බිඳුවක් ඉන්න කියා
ළඟ පාතකට ද දන්නේ නෑ
තටු ගසමින් ඉගිල ගියා
සිත නතු නැති සමනළී


ගායනය - කිත්සිරි ජයසේකර
ගී පද - පද්මකුමාර මෙත්තසේන

රන් ගිර මා - නිරෝෂා විරාජිනී | Ran gira ma - Nirosha Virajini


රන් ගිර මා
ඔබ එගිර සිඹින හිරුට සමානා
පන්හිඳ මා
ඔබ එයින් ගෙතන ගීය සමානා //

රන් ගිර හිස හිරු හිනැහෙද
එළියෙන් මුළු ලොව දිදුළද
නමුදු හිරුට ළං වන්නට
වරම් නොමැතියේ
ඉරෙන් ලොවක් එළිවනු දැක
ම සිත බැබලියේ

රන් ගිර මා
ඔබ එගිර සිඹින හිරුට සමානා
පන්හිඳ මා
ඔබ එයින් ගෙතන ගීය සමානා

පන්හිඳ ගෙතු ගී ගැයුවෙද
මිහිරෙන් තුන් හිත නැහැවෙද
නමුදු ගීය දුන් මිහිරට
රුවන් නොමැතියේ
එයින් ලොවක් සැනසෙනු දැක
ම සිත නැලවියේ

රන් ගිර මා
ඔබ එගිර සිඹින හිරුට සමානා
පන්හිඳ මා
ඔබ එයින් ගෙතන ගීය සමානා ///


ගායනය - නිරෝෂා විරාජිනී
සංගීතය - මහින්ද බණ්ඩාර
ගී පද - බන්ධුල නානායක්කාරවසම්

ඇගේ සිනහව තහනම් - චන්ද්‍රකුමාර් කඳනාරච්චි | Age sinahawa tahanam - Chandrakumar Kandanarachchi



ඇගේ සිනහව තහනම්
ගෙදරින් මට තහනම්
සැළවෙයි ගෙදරට
ඇය හමුවුනොතින්
චර පුරුෂයෝ දැන්
මා වටලා
යන එන හැම තැන් මුර දාලා
යන එන හැම තැන් මුර දාලා

යාබද නිවසේ ඇය ඉන්නේ
එනමුදු ගව්වක දුර වැන්නේ
එනමුදු ගව්වක දුර වැන්නේ
යාබද නිවසේ ඇය ඉන්නේ

පෙළපත කුල ගොත වෙනස්වෙලා
නෑදෑ පිරිවර හරස් වෙලා
නෑදෑ පිරවර හරස් වෙලා
පෙළපත කුල ගොත වෙනස් වෙලා

ඇගේ සිනහව තහනම්
ගෙදරින් මට තහනම්
සැළවෙයි ගෙදරට
ඇය හමුවුනොතින්
චර පුරුෂයෝ දැන්
මා වටලා
යන එන හැම තැන් මුර දාලා
යන එන හැම තැන් මුර දාලා


ගායනය - චන්ද්‍රකුමාර් කඳනාරච්චි


රම්බෝ - ස්කිට්සෝ | Rambo - Skitzo


රම්බෝ
පාරේ ඇවිදන් යාවිද
දහඩියත් දාගෙන
දුහුවිලිත් කාගෙන
රම්බෝ
පාරේ ඇවිදන් යාවිද
මට නිකං වැරදුනාවත්ද

රම්බෝ
පාරේ ඇවිදන් යාවිද
තෝසේ කඩයෙන් කාවිද
ප්ලෙන්ටියකුත් ගහගෙන
රම්බෝ
පාරේ ඇවිදන් යාවිද
මට නිකං වැරදුනාවත්ද

රම්බෝ
පාරේ ඇවිදන් යාවිද
පිස්තෝලයක් නැතුවම
රටම පාතාලෙක
රම්බෝ
පාරේ ඇවිදන් යාවිද
මට නිකං වැරදුනාවත්ද

රම්බෝ
පාරේ ඇවිදන් යාවිද
අයුක්තිය දැක දැක
චුයින්ගමයක් හප හප

රම්බෝ
පාරේ ඇවිදන් යාවිද
මට නිකං වැරදුනාවත්ද
මට නිකං වැරදුනාවත්ද
මට නිකං වැරදුනාවත්ද


ගායනය - සුදන්ත මාධව, ස්කිට්සෝ
තනුව - තරිඳු ජේ. ප්‍රේමරත්න


රාජගෙ නංගිගෙ නම රෝජා (නඩරාජා) - නිහාල් නෙල්සන් | Rajage nangige nama roja (Nadaraja) - Nihal Nelson


රාජගෙ නංගිගෙ නම රෝජා
ඈ මා දැකලා වී ලැජ්ජා
හදවත කල හින්දා පූජා
මගේ මස්සිනා නඩරාජා
දැං මගේ මස්සිනා නඩරාජා

ආඬි ළිඳේ දිය ඇදල උදේ
මට නාගන්නට කියල වදේ
උදේට හදලා මසල වඩේ
කන්නට දෙන එක ඇයගෙ වැඩේ

රාජගෙ නංගිගෙ නම රෝජා...

තල් රා මුට්ටිය ඉහේ තියා
නඩරාජා එයි මාව හොයා
මගේ මෂ්ෂිනා ඔන්ද මුනියා
කියලා මට සලකනව එයා

රාජගෙ නංගිගෙ නම රෝජා...

රජ සැප ලැබුණත් ඉඳල මෙහේ
ගම රට අමතක කෙරුව නොහේ
පැනගත්තා යාපනෙන් අනේ
රෝජා ගැන දැන් දුකක් දැනේ

රාජගෙ නංගිගෙ නම රෝජා...



ගායනය - නිහාල් නෙල්සන්


Related Posts Plugin for WordPress, Blogger...