පෙම් ලොව නින්දෙදි - එම්.එස්. ප්‍රනාන්දු | Pem lowa nindedi - M.S. Fernando


පෙම් ලොව නින්දෙදි මා දුටු සුන්දර සිහිනේ
දැන් එලි වී ඇත හඳ වගෙ ලස්සන මුහුණේ
හද පොපියයි සිත නලියයි
බැලු බැලු අත එළියයි
පෙම් ලොව නින්දෙදි මා දුටු සුන්දර සිහිනේ

බඳ නලවාලා උකුල සලාලා
මුව විදහාලා මුකුළු නගාලා
රන්දාලා අන්දාලා
නාරි ලතා ලීලා
හද පොපියයි සිත නලියයි
බැලු බැලු අත එළියයි
හද පොපියයි සිත නලියයි
බැලු බැලු අත එළියයි

පෙම් ලොව නින්දෙදි මා දුටු සුන්දර සිහිනේ

මල් සරා අසු අරා
එයි නුරා හී දරා
රස දහරා රළ පීරා
ආදරේ තෝරා
හද පොපියයි සිත නලියයි
බැලු බැලු අත එළියයි
හද පොපියයි සිත නලියයි
බැලු බැලු අත එළියයි

පෙම් ලොව නින්දෙදි මා දුටු සුන්දර සිහිනේ
දැන් එලි වී ඇත හඳ වගෙ ලස්සන මුහුණේ
හද පොපියයි සිත නලියයි
බැලු බැලු අත එළියයි
හද පොපියයි සිත නලියයි
බැලු බැලු අත එළියයි
පෙම් ලොව නින්දෙදි මා දුටු සුන්දර සිහිනේ


ගායනය - එම්.එස්. ප්‍රනාන්දු
සංගීතය - පී.එල්.ඒ. සෝමපාල
ගී පද - කරුණාරත්න අබේසේකර


ගීයක් ලියන්නේ කෙසේදෝ - ක්ලැරන්ස් විජේවර්ධන | Geeyak liyanne kesedo - Clarance Wijewardena


ගීයක් ලියන්නේ කෙසේදෝ
කාටදෝ කා ගැනදෝ //
ගීයක් ලියන්නේ කෙසේදෝ

පෑනයි පොතයි මාගෙ හිස් වූ හිතයි
නින්දෙන් වගේ අඩවන් වූ නෙතයි //
සිතෙන්දෝ දකින්නේ නෙතින්දෝ මගේ
ලියා දෙන්න කවුරුත් නැතේ

ගීයක් ලියන්නේ කෙසේදෝ
කාටදෝ කා ගැනදෝ
ගීයක් ලියන්නේ කෙසේදෝ

මුහුදයි තෙරයි ඈත ආකාසයයි
තරුවයි සඳයි ඒ පරාදීසයයි //
කොහෙන්දෝ පටන්ගන්නෙ අවසන් කරන්නේ
කියා දෙන්න කවුරුත් නැතේ

ගීයක් ලියන්නේ කෙසේදෝ
කාටදෝ කා ගැනදෝ //
ගීයක් ලියන්නේ කෙසේදෝ


ගායනය, සංගීතය, ගී පද - ක්ලැරන්ස් විජේවර්ධන




මේ ක්ලැරන්ස් ලියූ මුල්ම ගීතයයි!

සඳ නැතුවට - චන්ද්‍රිකා සිරිවර්ධන | Sanda nathuwata - Chandrika Siriwardena


සඳ නැතුවට ඉර නැතුවට
මට අඳුරක් නෑ
මට අඳුරක් නෑ
පායන්නට එපා සඳේ
පායන්නට එපා ඉරේ
සඳ නැතුවට ඉර නැතුවට
මට අඳුරක් නෑ
මට අඳුරක් නෑ

ගහේ වැලේ ඇලේ දොලේ
පීදෙන්නට එපා මලේ
ගහේ වැලේ ඇලේ දොලේ
පීදෙන්නට එපා මලේ
මල නැතුවට මට සුවඳින්
බිඳුවක් අඩු නෑ
බිඳුවක් අඩු නෑ

පායන්නට එපා සඳේ
පායන්නට එපා ඉරේ
සඳ නැතුවට ඉර නැතුවට
මට අඳුරක් නෑ
මට අඳුරක් නෑ

නෙතු කැල්මක එළිය දිගේ
හසරැල්ලක සුවඳ තිබේ
නෙතු කැල්මක එළිය දිගේ
හසරැල්ලක සුවඳ තිබේ
ඔබ මා ළඟ සිටිනා තුරු
මට තනියක් නෑ
මට තනියක් නෑ

පායන්නට එපා සඳේ
පායන්නට එපා ඉරේ
සඳ නැතුවට ඉර නැතුවට
මට අඳුරක් නෑ
මට අඳුරක් නෑ


ගායනය, සංගීතය - චන්ද්‍රිකා සිරිවර්ධන
ගී පද - ඇන්ටන් අල්විස්



ඔබගෙ සෙවනේ - නීලා වික්‍රමසිංහ | Obage sewane - Neela Wickramasinghe


ඔබගෙ සෙවනේ රැ‍ඳෙන සහනේ
වේවා සදා වාසනාවන්
ඔබගේ සරණේ නොනිමි සෙනෙහේ
සසර සරන තුරුම වාසනා

දෙගුරුන් වෙතින් නික්ම
සුවිසල් ලොවේ
මුදු සීත සෙවණක් සොයා
රන්වන් හුයෙන් දෑත පටලා බැඳී
ආවේ ඔබේ ලොව සොයා

ඔබගෙ සෙවනේ රැ‍ඳෙන සහනේ...

සිහිලෙන් ගිමන් නිවන
සුවඳක් ලෙසින්
ඔබගේ පැතුම් සරසාලා
ඔබගේ ළඟින් නිබඳ ඉන්නම් ඉතින්
පහනක් ලෙසින් දැල්විලා

ඔබගෙ සෙවනේ රැ‍ඳෙන සහනේ...

ගායනය - නීලා වික්‍රමසිංහ


හන්තාන සෙවණේ - ස්වර්ණලතා කවීෂ්වර | Hanthana sewane - Swarnalatha Kaveeshwara

හන්තාන සෙවණේ
රතු මල් විමානේ
මොහොතක් රැදී ඉන්න සුවසේ
අපි දෙන්නා නෑ පිං කළේ //

සංකාව දීලා දිව රෑ දෙකේ හී
වැලපෙන්නේ හද දුක් දරා
සතුටින් සිනාවෙන් නේවාසිකාගාරෙ
මට ඉන්න බෑ නෙත් අයා

හන්තාන සෙවණේ...

අඳුරේ කලාගාරේ රැඟුමන් බලනු බෑ
තනියක් දැණේ දස වටා
මගේ සිත පුරා වේ සිතුවිලි රැඳී ප්‍රේමේ
නොදැනීම එයි ඔබ කරා

හන්තාන සෙවණේ... //


ගායනය - ස්වර්ණලතා කවීෂ්වර
ගී පද - මහින්ද අල්ගම

කවුන්ට් ඩ්‍රැකියුලා - නිහාල් නෙල්සන් | Count Dracula - Nihal Nelson

සඳ පායන රෑ කාලේ
කළු ලෝගුව පොරවාලා
උල් දත් දෙක දිගු කරගෙන
ලේ වල ඉව බල බලා //

මම එනවා අඳුර මැදින්
මොර දෙනවා ගිරිය යටින්
මමයි කවුන්ට් ඩ්‍රැකියුලා
මමයි කවුන්ට් ඩ්‍රැකියුලා
මමයි කවුන්ට් ඩ්‍රැකියුලා

අන්ධකාරයේ හිනාව
දෝංකාරයේ ගෙනාව
මළවුන්ගේ රාජධානියේ
වැන් හෙල්සිංගේ වෙලාව
මගේ ලොවේ අවේලාව
වවුල් වෙසින් මං වැජඹෙන්නේ //

මම එනවා අඳුර මැදින්....

සමාදානයේ සැතපෙන
මිනී වලේදී හිනැහෙන
අයගෙ රජා මමයි යාළුවේ
වොර්ක රෑනගේ සහාය
මගේ තනිය නැති කළේය
රුහිරු බොමින් මං සැනසෙන්නේ //

සඳ පායන රෑ කාලේ
කළු ලෝගුව පොරවාලා
උල් දත් දෙක දිගු කරගෙන
ලේ වල ඉව බල බලා //

මම එනවා අඳුර මැදින්
මොර දෙනවා ගිරිය යටින්
මමයි කවුන්ට් ඩ්‍රැකියුලා
මමයි කවුන්ට් ඩ්‍රැකියුලා
මමයි කවුන්ට් ඩ්‍රැකියුලා


ගායනය - නිහාල් නෙල්සන්


ආදරණීය නේරංජනා - ප්‍රියා සූරියසේන | Aadaraneeya Neranjana - Priya Sooriyasena


ආදරණීය නේරංජනා
ආදරණීය නේරංජනා
ආදරණීය නේරංජනා
ආදරණීය නේරංජනා
ආදරණීය නේරංජනා
ආදරණීය නේරංජනා

ඔබ මුදු මදහස් රැළි මාලාවේ
වෙලී බැදුණු දින රඟ ශාලාවේ
තුන් හිතකින්වත් නොසිතූ විලසින්
යළි ඔබ දැකුමට ආ වේලාවේ
අප හමු වූ ගෙවුයන් සීමාවේ
එක මොහොතක් පමණකි තනි වූයේ
මටම ම පුදුමයි අදහන්නට බෑ
මම ම නොවේ යළි ඉන් පිට වූයේ

කවුදෝ මා පසු පස එනු දැනුණා
පාළු වීදියේ තනිකම මැකුණා
ජීවමාන කිසිවකු සිටියේ නෑ
එනමුදු කවුදෝ ඇති බව වැකුණා
නිදියහනේ මා නින්දට වැටුණා
ඔබ මා සිහිනෙන් අමතනු පෙනුණා
එනමුදු කෙලෙසද ඇගේ අත ගන්නේ
මගේ සිතම මට මුමුණනු ඇසුනා

ආදරණීය නේරංජනා //


ගායනය, සංගීතය - ප්‍රියා සූරියසේන
ගී පද - ප්‍රේමකීර්ති ද අල්විස්


දිල්හානී දුවණී - ඉන්ද්‍රාණි පෙරේරා | Dilhani Duwani - Indrani Perera

දිල්හානී දුවණී නාඬා නිදියන්නේ
නිවසට සුරතල් ආලෝකය වී
නාඬා නිදියන්නේ

දෑත දෙපා සලමින් ඇය කරනා
සුරතල් දැක ගන්න
වාසනව මට ගෙන දුන් දියණී
සුරතල් දිල්හානී

රං ඔන්චිල්ලේ ඇයව හොවාලා
පදවන්නට සිතුණා
රං තැටියේ කිරි පැණි පුරවාලා
ගෙන එන්නට සිතුණා

රංවන් තටු ඇති සමනළයින් දැක
ඇයගේ දෙතොල් පිපුණා
රන්වන් මුහුණේ ලස්සන දැකලා
සිපගන්නට සිතුනා

දිල්හානී දුවණී නාඬා නිදියන්නේ
නිවසට සුරතල් ආලෝකය වී
නාඬා නිදියන්නේ

ගායනය - ඉන්ද්‍රාණි පෙරේරා
සංගීතය - ක්ලැරන්ස් විජේවර්ධන



රන් සමනළයින් - ක්ලැරන්ස් විජේවර්ධන | Ran Samanalayin - Clarance Wijewardena


රන් සමනළයින් ඉගිළෙනු දැක මට
ඇගෙ නෙතු පියළිය සිහි වෙනවා
රන් සුරපුරකට මා කැඳවන්නට
රම්‍යා ගැන සිතුවිලි එනවා

පොත් මිටියක් ගෙන ළමැද තබා
කෙටි පියවර මැන තනිව මගේ
පාසල වෙත යන ගමන ඇගේ
මතකින් නොමැකී තවම තිබේ

රන් සමනළයින් ඉගිළෙනු දැක මට...

සිතුවිලි පොදි බැඳ මහද රැඳී
සෙනෙහස් ගඟුළේ සිටිය රැඳී
කවදද මගෙ සෙවණට එන්නේ
රම්‍යා මට ඔබ සිහි වෙන්නේ

රන් සමනළයින් ඉගිළෙනු දැක මට
ඇගෙ නෙතු පියළිය සිහි වෙනවා
රන් සුරපුරකට මා කැඳවන්නට
රම්‍යා ගැන සිතුවිලි එනවා
එනවා එනවා එනවා



ගායනය, සංගීතය, ගී පද - ක්ලැරන්ස් විජේවර්ධන


කියන්න සුළඟේ - ඇනස්ලි මාලෙවන, ලිලන්ති කරුණානායක | Kiyanna sulange - Annesley Malewana, Lilanthi Karunanayaka


කියන්න සුළඟේ ඔබ කොයි සිටදෝ එන්නේ
සැරින් සැරේ හෙමින් ඇවිත් හයියෙන් යන්නේ //

කොහෙන් කොහොම ආවත් මොකටද විමසන්නේ
වනන්තරේ ඔබ දැක නැති තැනකිනි එන්නේ

හමන තාලයටද ගහේ අතු කොළ නැටුවේ
අතරමගදි ඔබ එන විට මොනවද දුටුවේ

ගොපළු පුතෙක් ගියා උදේ ගව රැල දක්කා
මට අත වන වන කුඹුරක් නැටු හැටි දැක්කා

සමගි වෙලා තැන තැන යනවාලු එක රැළේ
කැලේ මැදදි සත්තු දැක්කෙ නැද්ද මද නලේ

කුරුළු මවක් නැතිවුණ පොඩි පැටවෙකු සෙව්වා
තුරුළු කරන් මුව දෙන පැටියට කිරි පෙව්වා

බුදුන්ගෙ සිරිපා ඇති යැයි ලොව පරසිද්ද
සමන් ගිර වටේ සුළඟේ ඔබ ගියෙ නැද්ද

ඔබත් ළමයො මේ අහන්නෙ මොනවද මන්දා
අදත් උදෑසන මා සිරිපාදය වැන්දා

රටත් බලා සැමට සිසිල බෙද බෙද දෙන්න
මටත් ඇහැකිනම් ඔබ මෙන් තැන තැන යන්න //


ගායනය - ඇනස්ලි මාලෙවන, ලිලන්ති කරුණානායක
සංගීතය - ක්ලැරන්ස් විජේවර්ධන
ගී පද - කරුණාරත්න අබේසූරිය


මුල් ගැයුම



හදවත ඉල්ලා - ප්‍රියා සූරියසේන | Hadavatha Illa - Priya Sooriyasena












හදවත ‍ඉල්ලානොලැබුණු විටදී
දහසක් සිතුවිලි මා හදතුල තෙරපී
මිතුරිය ඔබ කෙලෙසක හෝ අමතක කරමී
නොපිරූ පෙරුමන් පුරලා කුමටද ලතැවී

ඔය නෙතු අග රැඳී තිබූ නිල්මිණි ඡායා
දැක මා හදවත සසැලී සෙනෙ‍හස කීවා

හදවත ඉල්ලා......

මතු අප උපදින භවයේ යළි හමු වේවා
ඔය නෙතු අග සිසිල රැඳී මට ළං වේවා

හදවත ඉල්ලා.....

ගායනය:-ප්‍රියා සූරියසේන



දිලි දිලි දිලි දිල්ලියේ - ආනන්ද පෙරේරා | Dili dili dili dilliye - Ananda Perera


දිලි දිලි දිලි දිල්ලියේ
දිල්ලි නුවර නංගියේ
වළලු සැලුණි බන්දියේ
බහ තේරුණි හින්දියේ
තිලකය නෙතු අංජනා
දුටු දුටුවන් බන්දනා
මා මන කල රංජනා
ඔබ වෙද සුර අංගනා

සුළඟ සමග වෙලි වෙලී
කියඹු වැළද නැලවුණී
පෙමට පෙමින් බැඳි බැඳී
අසල නිබඳ ඔබ හිදී
අඩවන් කර නෙතු පියන්
රහසින් කිසිවක් කියන්
පුරවාලන යුග සවන්
හැමදා කිවියක වෙයන්

දිලි දිලි දිලි දිල්ලියේ...

සැකි කුලයට නෑදෑකම්
පවසා බැඳි හාදකම්
ලියලා නැගි ප්‍රේමදම්
ප්‍රේමාතුර වීමි මම්
දුරුතු මහේ සීතලේ
පොරවාගෙන සාටකේ
රඳවා තම දරු ඇකේ
මැකුනා ඇය මීදුමේ

දිලි දිලි දිලි දිල්ලියේ...


ගායනය - ආනන්ද පෙරේරා, සිහ ශක්ති

දුර කඳු යාය මටයි - උපාලි රන්තිලක | Dura Kadu Yaya Matai - Upali Ranthilake


දුර කඳු යාය මටයි - නිල්ල නිලන්නේ නුඹටයි
මේ මුළු ලොවම මටයි - මගේ ආදරේ නුඹටයි

බඹරුන් යාය පුරා රොද බැඳ බැඳ දුවන තුරා
මලකට සිත් පීඩා නෑ.....
ගහමල් වරන දිනේ අතීතයේ සුවඳ සොයා
කිසි බඹරෙකු හැඬුවෙ නෑ.....

දුරකඳු යාය මටයි........

වියළුණු කතර බිමේ දිය බිඳ බිඳ වැටෙන තුරා
කතරට සයුරක් මදි නෑ.....
නිදි නැති පාළු රැයේ නුඹ ගැන සිහි කරන තුරා
මගෙ හිතටත් නිවනක් නෑ.....

දුර කඳු යාය මටයි.....


ගායනය - උපාලි රන්තිලක




ඉගිල්ලිලා යන්න යං - චන්ද්‍රිකා සිරිවර්ධන | Igilliya yanna yan - Chandrika Siriwardena


ඉගිල්ලිලා යන්න යං
කෝ පිහාටු නෑ අනේ
මූදු හතේ යන්න යං
රුවල් හබල් නෑ අනේ
රජෙක් වෙන්න යන්න යං
ඉහට ඔටුනු නෑ අනේ
අහංකාර විලම්බීත ඇයි

ඉරු දේවයා වැඩියොත් තමා
බොල් පිණි කැට සැඟවී යන්නේ
සඳ දේවයා වැඩියොත් තමා
ඝණ අඳුරේ පාළුව මැකුනේ
රජ මාළිගේ පොඩි පැල්පතේ
මිනිසුන්මය ඉපදී ඉන්නේ
ඒ කාරණා නොදනී මෙදා
ඇයි නොමිනිස්කම් මතුවෙන්නේ

ඉගිල්ලිලා යන්න යං...

අද ඉන්නවා හෙට යාවීදෝ
නෑ ඒ බව කිසිවකු දන්නේ
මහ සත් මහල් මැදුරින් පවා
මහ පොළවයි උරුමය වෙන්නේ
මතබේදයෙන් අමනාපකම්
ඇයිදෝ දිගටම ගෙනයන්නේ
අපි යාළුවෝ අපි යෙහෙළියෝ
නෑ නෑ අපි තරහා වෙන්නේ

ඉගිල්ලිලා යන්න යං...



ගායනය - චන්ද්‍රිකා සිරිවර්ධන
සංගීතය - ස්ටැන්ලි පීරිස්
ගී පද - අජන්තා රණසිංහ


සිත පරව ගියා - චන්දන ලියනආරච්චි | Sitha Parawa giya - Chandana Liyanarachchi



සිත පරව ගියා
වත මිලින වුණා
කඳුළින් දෑස තෙමා
ඔබ හඳුනාගනු කෙලෙසේ //

මොහොතක මා සිත පිනවයි
යළි මා එලෙසින් රිදවයි
මුසා බසින් මා රැවටී යාදෝ
සිතු දේ නොම වේ පැතුම් මැවේ

සිත පරව ගියා...

වසන්තයක් යළි ඒදෝ
කතරක මා තනි වේදෝ
ම සිත සොරාගෙන වෙන් වී නොයන්න
දුකෙහි සැපෙහි මා ඉන්නම්

සිත පරව ගියා... ///

ඔබ හඳුනාගනු කෙලෙසේ ///


ගායනය - චන්දන ලියනආරච්චි



ගයන ගැයුම් නටන නැටුම් - නෙවිල් ප්‍රනාන්දු (ලොස් කැබලරොස්) - Gayana gayum natana natum - Neville Fernando


ගයන ගැයුම් නටන නැටුම්
ඉවත හෙලයි සෝක සුසුම් //

නිදන ලොවෙන් දවස උදාවී
සිහින මැදින් සතුට සිනාවේ
නුරා දෙතොල් උරා එයින්
සුරා බඳුන් පුරා ගෙනේ

ගයන ගැයුම් නටන නැටුම්
ඉවත හෙලයි සෝක සුසුම්

හිරු ඇහැරී බලන වෙලාවේ
සිහින මැදින් සතුට නිමාවේ
හෙට උදයේ හිරු එලියේ
සිහින ලොවේ සැපත නිවේ

ගයන ගැයුම් නටන නැටුම්
ඉවත හෙලයි සෝක සුසුම් //

මන්ද රැඳෙනු තවත්
මෙන්න උදය ඇවිත්
නින්ද නොලබන අන්ධ අඳුරින්
ඇන්දු විදුලිය මෙන්

ගයන ගැයුම් නටන නැටුම්
ඉවත හෙලයි සෝක සුසුම් ////


ගායනය - නෙවිල් ප්‍රනාන්දු, ලොස් කැබලෙරොස්
සංගීතය - ඩබ්.ඩී. අමරදේව
ගී පද - මහගම සේකර
ලෙස්ටර් ජේම්ස් පීරිස් මහතාගේ 'දෙලොවක් අතර' චිත්‍රපටියෙන්

පියවුණා - ඉන්ද්‍රචාප ලියනගේ | Piyawuna - Indrachapa Liyanage


පියවුණා දෙනෙත් නිදි මතින්
ඇවිළුණා ගිණි පුපුරු සිතිවිලි පතුළේ
ළං වුණා අඳුර සෙවණැලි මකා දමා
පියවුණා සුසුම ආ
බොහෝ
කළකට කලින්
නැවතුණු හදෙන් හදෙන් හදෙන්
නැවතුණු හදෙන් හදෙන් හදෙන්

කාළය ගෙවුණා අපි අපිට අහිමි කරමින්
මතකය තිබුණා නොමැකී මනසේ හැංගී
කළකට කලින් කලින් කලින්
නැවතුණු හදෙන් හදෙන් හදෙන්

යළිත් හමු වුණා නොගිය ගෙවුණු මොහොතක්
රූරා ගලනා වියලී නොමැති රුහිරු
කළකට කලින් කලින් කලින්
නැවතුණු හදෙන් හදෙන් හදෙන්



ගායනය, සංගීතය - ඉන්ද්‍රචාප ලියනගේ
ගී පද - චරිත් සේනාධීර


කුරුල්ලනේ නුඹලගේ සංතෝසය - ඉන්ද්‍රාණි පෙරේරා | Kurullane numbalage santhosaya - Indrani Perera


කුරුල්ලනේ නුඹලගේ සංතෝසය
මදකට අපට දියව්
විසල් වනේ හොඳ ලස්සන තැනකට
පිවිසෙන අයුරු කියව් //

කෝටු කෑළී දර පිදුරු ගෙනත්
ඔය කැදැල්ල බඳින නියා
නුඹලයි දන්නේ අප දන්නේ නැත
කොයි විලසටද කියා
කොයි විලසටද කියා

කුරුල්ලනේ නුඹලගේ සංතෝසය...

කිචි බිචි ගාමින් ගී හඬ පතුරන
ඉඳගෙන එක අත්තේ
සමගිය සාමය පිළිබඳ පාඩම
කොහොමද දැන ගත්තේ
කොහොමද දැන ගත්තේ

කුරුල්ලනේ නුඹලගේ සංතෝසය...

පියපත් සලලා නිසිතැන් බලලා
කොයිබද ඉගිලෙන්නේ
කවුරුද නුඹලා ගයනා ගීතෙට
තනුව සදා දුන්නේ
තනුව සදා දුන්නේ

කුරුල්ලනේ නුඹලගේ සංතෝසය
මදකට අපට දියව්
විසල් වනේ හොඳ ලස්සන තැනකට
පිවිසෙන අයුරු කියව් //

විසල් වනේ හොඳ ලස්සන තැනකට
පිවිසෙන අයුරු කියව් ///


ගායනය - ඉන්ද්‍රාණි පෙරේරා, ත්‍රී සිස්ටර්ස්


මේ අත් භවේ පුරා - ප්‍රියා සූරියසේන | Me ath bhawe pura - Priya Sooriyasena


මේ අත් භවේ පුරා
ජීවත් වෙනා තුරා
කිසිදාක හමුවෙන්න බැරිවේ
මේ අත්භවේ පුරා
ජීවත් වෙනා තුරා

රහසින් කියන්නත් බෑ ළඳේ
දෑසින් කියන්නත් බෑ ළඳේ
ඉඟියෙන් කියන්නත් බෑ ළඳේ
ලොව මිනිසුන් බලා හිඳී

ජීවත් වෙනා තුරා
කිසිදාක හමුවෙන්න බැරිවේ
මේ අත්භවේ පුරා
ජීවත් වෙනා තුරා

අහසේ අඳින්නත් බෑ ළඳේ
පොළවෙහි ලියන්නත් බෑ ළඳේ
හඬගා කියන්නත් බෑ ළඳේ
අසරණ වී ඔහේ ඉමු
අසරණ වී ඔහේ ඉමු ඒ නිසා

මේ අත් භවේ පුරා
ජීවත් වෙනා තුරා
කිසිදාක හමුවෙන්න බැරිවේ
මේ අත්භවේ පුරා
ජීවත් වෙනා තුරා


ගායනය - ප්‍රියා සූරියසේන



හුස්මක් දුරින් - ශෂීකා නිසංසලා | Husmak Durin - Shashika Nisansala


දුර යන්න සිතුවාට සැඟවී හොරෙන්..
ඔබ නැතිව මම ඉන්නෙ කොහොමද ඉතින්..
වාවන්න බැරි කඳුළු ආවත් නෙතින්..
හුස්මක් දුරින් ඉන්න මට බැ ඔබෙන්...
හුස්මක් දුරින් ඉන්න මට බෑ ඔබෙන්...

අවතැන් වෙලා ලැමතුරේ පෙම් හැගුම්..
හීනෙකින් හෝ තවකෙකුට ඔබ නොදෙමි මං..
එක්වෙන්න සංසාරෙ පිංමදිව නම්...
අපි දෙන්න එක තැනම මිය යමු ඉතින්..
අපි දෙන්න එක තැනම මිය යමු ඉතින්..

දහසක් නුවන් මා දෙසම නපුරෙන් බලන්..
ඉන්නා නිසා හමුවෙන්න බෑ අපට දැන්..
එක්වෙන්න සංසාරෙ පිංමදිව නම්...
අපි දෙන්න එක තැනම මිය යමු ඉතින්..
අපි දෙන්න එක තැනම මිය යමු ඉතින්..

දුර යන්න සිතුවාට.....

ගායනය : ශෂිකා නිසංසලා
පද රචනය : ඩිලාන් ගමගේ
සංගීතය : උදාර සමරවීර

ලතා - සුනිල් පෙරේරා (ජිප්සීස්) | Latha - Sunil Perera (Gypsies)


අද කතා නැත්තෙ මොකද උඹ ලතා
උඹ එපා අඬන්නට මගේ සුදා
මට නිකං ලැබුණෙ බං ඒක නිසයි බිව්වෙ මං
නාඬා මට බත් ටික බෙදපං
මට නිකං ලැබුණෙ බං ඒක නිසයි බිව්වෙ මං
නාඬා මට බත් ටික බෙදපං

මම වැඩ ඇරිල ගෙදර එන්න එනකොට
මුණගැසිල මිතුරෙක් මට කරපු වදේට
අදි මදි කරල ගියා ටිකක් බොන්නට
පමා වුණේ ඒකයි මම ගෙදර එන්නට
සුදෝ එපා අඬන්න කඳුළු සලන්න
ලතා ඉතිං කතා කරන්න
සුදෝ එපා අඬන්න කඳුළු සලන්න
ලතා ඉතිං කතා කරන්න

එකක් අරන් හිතුවේ මං නවත්වන්නට
එක දෙක වුණ දෙක තුන වුණ මගේ කරුමෙට
උඹව මතක් වෙලා ගෙදර එන්න එනකොට
යාළුව කරදර කෙරුවනෙ තවත් බොන්නට
සුදෝ එපා අඬන්න කඳුළු සලන්න
ලතා ඉතිං කතා කරන්න
සුදෝ එපා අඬන්න කඳුළු සලන්න
ලතා ඉතිං කතා කරන්න

මට දුක දෙන්නද උඹ තවත් අඬන්නේ
සිත රිදුණා නම් මට සමා වෙන්නේ
මගෙ ආදර රන් කඳ අනෙ මේ අහපන්නේ
නැත මින් පසු කිසි දිනකදි මම නම් බොන්නේ
සුදෝ එපා අඬන්න කඳුළු සලන්න
ලතා ඉතිං කතා කරන්න
සුදෝ එපා අඬන්න කඳුළු සලන්න
ලතා ඉතිං කතා කරන්න

අද කතා නැත්තෙ මොකද උඹ ලතා
උඹ එපා අඬන්නට මගේ සුදා
මට නිකං ලැබුණෙ බං ඒක නිසයි බිව්වෙ මං
නාඬා මට බත් ටික බෙදපං
මට නිකං ලැබුණෙ බං ඒක නිසයි බිව්වෙ මං
නාඬා මට බත් ටික බෙදපං //

නාඬා මට බත් ටික බෙදපං
ලතා ළතා ඉතිං කතා කරපං
ලතා දැං ඉතිං කතා කරපං

ලතා දැං ඉතිං කතා කරපං///
ලතා තාමත් නෝ කතා

ගායනය, සංගීතය - සුනිල් පෙරේරා, ජිප්සීස්

සිහිනෙන් ඔබ මට - මිල්ටන් මල්ලවාරච්චි | Sihinen oba mata - Milton Mallawarachchi


සිහිනෙන් ඔබ මට පෙනෙනවනම්
අවදි නොවී ඉන්නම්
කිසිදා ඔබෙ අත නොලැබේ නම්
සැමදා තනි වෙන්නම්

ආසිරි ගී මැද පෝරුව මත හිඳ
මහපටැඟිලි බැඳ අතපැන් වත් කර
ඔබ කැඳවා යන්නම් නැතිනම් තනිවෙන්නම්
ඔබ කැඳවා යන්නම් නැතිනම් තනිවෙන්නම්

සිහිනෙන් ඔබ මට පෙනෙනවනම්...

ජීවන ගමනේ බාධක දුක සැප
එකසේ පිළිගෙන හිනැහෙනු මැන ඔබ
තනියට ළඟ ඉන්නම් නැතිනම් තනිවෙන්නම්
තනියට ළඟ ඉන්නම් නැතිනම් තනිවෙන්නම්

සිහිනෙන් ඔබ මට පෙනෙනවනම්...


ගායනය - මිල්ටන් මල්ලවාරච්චි
ගී පද - කේ.ඩී.කේ. ධර්මවර්ධන
සංගීතය - සෝමපාල රත්නායක


තත් තත් තත් තාර පැටිය - හෙන්රි කල්දේරා | Thara petiya - Henri Kaldera


තත් තත් තත් තාර පැටිය
තාත්ත ගෙනා තාර පැටිය
පුතා මගේ තාර පැටිය
තාත්ති අතේ දොයි
තාත්ති අතේ දොයිය පුතේ
තාත්ති අතේ දොයි
තාත්ති අතේ දොයිය පුතේ
තාත්ති අතේ දොයි

කිරට ගියා අම්මි පුතේ
කිරි එරවා එන්ට පු‍තේ
කිරි මුට්ටිය අතින් පුතේ
ගඟේ වැටි දොයි
අම්බිලියෝ පිනෝ පිනෝ
වළං කදක් ගෙනෝ ගෙනෝ
අන්න පුතේ මුවා වෙලා
වලාකුළේ දොයි
අන්න පුතේ මුවා වෙලා
වලාකුළේ දොයි

තත් තත් තත් තාර පැටිය...

ඔන්න බබෝ ඇතින්නියා
ගල් අරඹේ සිටින්නියා
ගලින් ගලට පනින්නෙ නෑ
බබුට බයේ දොයි
චූටි බබා කෝ කියා
පුතාට දොයියන්න කියා
කෝකිලයා අන්න පුතේ
දිවුල් ගහේ දොයි
කෝකිලයා අන්න පුතේ
දිවුල් ගහේ දොයි

තත් තත් තත් තාර පැටිය...

දොමි තරිකිට තාන් කියා
කරිකිට තක දෝං කියා
වැල ගෙඩියක් ආන් පුතේ
ගහින් වැටී දොයි
ඔන්න බබෝ බිල්ලො එනවෝ
අඬන ළමයි අල්ලනවෝ
අනේ මෙහේ එන්න එපෝ
අපේ පුතා දොයි
අනේ මෙහේ එන්න එපෝ
අපේ පුතා දොයි

තත් තත් තත් තාර පැටිය
තාත්ත ගෙනා තාර පැටිය
පුතා මගේ තාර පැටිය
තාත්ති අතේ දොයි

තාත්ති අතේ දොයිය පුතේ
තාත්ති අතේ දොයි ////


ගායනය, සංගීතය, ගී පද - හෙන්රි කල්දේරා


පිරුණා හද සන්තානේ - හරූන් ලන්ත්‍රා, සුජාතා අත්තනායක | Piruna hada santhane - Haroon Lanthra - Sujatha Attanayaka


පිරුණා හද සන්තානේ
පිපුණ දෑ සමන් මල් යානේ
පිපුණ දෑ සමන් මල් යානේ
මැවුණා සුබ සිහිනේ ඕ...
මැවුණා සුබ සිහිනේ

සීතල සුළඟේ පණිවුඩ ආයේ
කෝකිල රජ දහනේ ඕ...
සීතල සුළඟේ පණිවුඩ ආයේ
කෝකිල රජ දහනේ
අප නොඉඳුල් පෙම දැක නේද කුමරුණි
තුරුහිස මල් පිපුණේ ඕ..
තුරුහිස මල් පිපුණේ

වීනාවයි එලිපත වාගේ
එක ඉත්තේ මල් දෙක වාගේ
නැලවෙන්නේ මා ඔබ තුරුලේ
සිට පොඩි කාලේ
මධුරාවී තී හමුවේදී
උපමා නැත මට රස පානේ
මෙ ලිය ගොමු අපගේ ප්‍රේම විමනයි
බොමු අපි ජය පානේ
පෙම් ලොව බොමු අපි ජය පානේ

පිරුණා හද සන්තානේ...

ඉඳී ගයනු මැන පෙම් ගීතේ
ලියාන යයි අප සංගීතේ
සංගීතේ ඔබගේ නයනාරූපේ ඕ...
සංගීතේ ඔබගේ නයනාරූපේ ඕ...
ජීවන ගීයේ ඕ...
ජීවන ගීයේ

පිරුණා හද සන්තානේ... //


ගායනය - හරූන් ලන්ත්‍රා, සුජාතා අත්තනායක
සංගීතය - එම්. කේ. රොක්සාමි
ගී පද - බෙනඩික්ට් ප්‍රනාන්දු



හීනෙක තනිකරලා - ඉරාජ්, තිවංත ලක්මාල්, දේවශ්‍රී ද සිල්වා | Heeneka Thanikarala - Iraj, Thiwanka & Devashrie


දඟකාර දෙකොපුල් අතරේ..
තනිවෙන්න හිතුනා ආයේ..
හසරැල්ල ඔය සුදු මුහුණේ..
මැවෙනවා මගෙ හිත අයිනේ...

මාව හීනෙක තනිකරලා...
ඈත යන්නට මං ගිය දා...

තුරුලේම උන්නු කාලේ..
මතකයත් කවියක් වාගේ..
ලස්සනයි නේද රත්තරන් මගේ..
ඔබ ගිහින් දුරු කතරක - විදි දුක ගැන හිතා
මගේ හිතේ ගිනි කදුළු වෙලා....

දඟකාර දෙකොපුල්...

අන්ධකාරයේ ඔය දෙනෙතම මං හොයලා...
ආදරේ පදවැල් කඳුලක අමුණලා...
පුංචි ඔය ඇස්වලින් මට නොකියූ කතා...
අහන් ඉන්න ආසයි තව ලංවෙලා...

දඟකාර දෙකොපුල්...

ගායනය : ඉරාජ් වීරරත්න, තිවංක ලක්මාල් සහ දේවශ්‍රී ද සිල්වා
පද රචනය : ලක්මාල්
සංගීතය : ඉරාජ් වීරරත්න

සිහින පැතුම් විමනේ - ඇනස්ලි මාලේවන | Sihina pathum wimane - Annesley Malewana

සිහින පැතුම් විමනේ
රස මිහිර ‍ගෙනා පුතුනේ
නැලවී නැලවී හිනැහී හිනැහී
නිදියන් පොඩි පුතුනේ //

දෑසයි කුඩා ඔබගේ
ලපටි දෙතොල් පුතුනේ
කාගෙයි කියා සිතුවේ
මුහුණයි රුවයි ඔබගේ
පැහැයයි හැඩයි පුතුනේ
මාගෙන් නොවෑ ලැබුණේ

සිහින පැතුම් විමනේ...

මා මෙන් ඔබත් පුතුනේ
මිනිසෙක් වෙලා දෙරණේ
රට දැය කෙරේ බැඳිලා
මව්බිම ඔබෙයි සිතලා
පණ මෙන් ඔබේ රැකලා
දිරිගත යුතුයි පුතුනේ

සිහින පැතුම් විමනේ...


ගායනය - ඇනස්ලි මාලේවන
සංගීතය, ගී පද - ක්ලැරන්ස් විජේවර්ධන

මුල් ගැයුම මෙතනින්



පැතුම් පිරීලා - ප්‍රියා සූරියසේන | Pathum pirila - Proya Sooriyasena


පැතුම් පිරීලා උතුරා යනවා
ඇය අද එනවා හමු වේදෝ
සිතත් පිරිලා ඇගේ රුව දැකලා
ඇගේ සිත අසලා සැනසේදෝ

වසන්තයේ දිනයක් සිහිවෙන්නේ
දසන්තයේ සිතුවිලි මුසුවෙන්නේ
ළමාවියේ මෙන් යොවුන් වියේදී
වෙනස් නොවීලා ඉමු අපි දෙන්නා

පැතුම් පිරීලා...

අවන් හලේදී තනි වී දෙන්නා
රුවන් වන් පැතුම් මවමින් උන්නා
ඒ පැතුම් සැබෑ වී නව ලොවක් උදාවී
වෙනස් නොවීලා ඉමු අපි දෙන්නා

පැතුම් පිරීලා...


ගායනය - ප්‍රියා සූරියසේන
සංගීතය, ගී පද - ක්ලැරන්ස් විජේවර්ධන


තිළිණේ ලෙසින් - ඉන්ද්‍රාණි පෙරේරා | Thiline lesin - Indrani Perera


තිළිණේ ලෙසින් පිළිගන්වමි
ඉටි මල් මිටක් මා සැදූ
පරවී නොයේ ඒ මල් සැලේ
මගේ ආදරේ ඒ වගේ
මගේ ආදරේ ඒ වගේ

දුර ඈත සයුරෙන් එහා
පිට වීලා යනවා කියා //
දැන ගත්ත මොහොතේ හඬා
දැක ගන්න ආවේ සොයා
දැක ගන්න ආවේ සොයා

තිළිණේ ලෙසින් පිළිගන්වමි...

ඔය දැත දෑතේ තියා
කොඳුරන්න යන්නම් කියා //
රිදවන්නේ ඇයි මා මෙසේ
ඔබ නේද මගේ ජීවිතේ
ඔබ නේද මගේ ජීවිතේ

තිළිණේ ලෙසින් පිළිගන්වමි...


ගායනය - ඉන්ද්‍රාණි පෙරේරා (ත්‍රී සිස්ටර්ස්)
සංගීතය - ස්ටැන්ලි පීරිස්
ගී පද - වර්නන් පෙරේරා


මල් සිහිනයේ - යෂාන් ද සිල්වා සහ ශනුද්‍රි ප්‍රියසාද් | Mal Sihinaye - Yashan & Shanudrie




සිහිනයේ මල් සිහිනයේ - ඔය දෑස කී ගී සිහිනයේ
ආදරේ මං ආදරේ - සිත ඔබටමයි හැර ආදරේ...//

සසරේ මතක ඔය - නෙත් දෙකේ කියැවුනා..
මා ජීවිතේ ඔය නෙත් දෙකේ ලියැවුනා..
දෑතේ වෙලී නෙතු හීන කවිකම් වෙලා..
ජීවිතේ ආදරෙන් සැනසුනා...

ආදරේ හ්ම්....හ්ම්...
ආදරේ හ්ම්....හ්ම්...
ආදරේ...
සිත ඔබටමයි හැර ආදරේ....

සිහිනයේ මල් සිහිනයේ...

දෑසින් ගෙනා ඒ මල් හිනා..
දෑසින් කියා ඒ ගී කතා..
සිත්වල නෙත්වල ගී වල ලියැවුන ඒ පෙම් කතා..
සෙනෙහේ මතකේ සැමදා ගැයෙනා ඒ ගී කතා...//

සසරේ මතක ඔය - නෙත් දෙකේ කියැවුනා..
මා ජීවිතේ ඔය නෙත් දෙකේ ලියැවුනා..
දෑතේ වෙලී නෙතු හීන කවිකම් වෙලා..
ජීවිතේ ආදරෙන් සැනසුනා...

සිහිනෙන් ඇවිත් ඔයා ලංවෙලා
සිහිනේ වෙලී මං ඔබේ වෙලා
සිහිනේ සෙනෙහේ ගීයේ ගැයුනේ නුඹේ නම නිසා
සැමදා ලංවී ඉන්නම් මෙලෙසේ මං නුඹේ වෙලා..//

සසරේ මතක ඔය - නෙත් දෙකේ කියැවුනා..
මා ජීවිතේ ඔය නෙත් දෙකේ ලියැවුනා..
දෑතේ වෙලී නෙතු හීන කවිකම් වෙලා..
ජීවිතේ ආදරෙන් සැනසුනා...

ගායනය : යෂාන් ද සිල්වා සමඟින් ශනුද්‍රි ප්‍රියසාද්
පද රචනය : ගයාත්‍රී නිසංසලා
සංගීතය : උදාර ප්‍රනාන්දු

කඳුලින්ම ගැයූ - නුවන් ගුණවර්ධන | Kandulinma gayu - Nuwan Gunawardana


කඳුලින්ම ගැයූ පෙම් ගීතේ
ඇසුවා ඔයා සිනාසී සිනාසී
ඒ මා හද ගිණි ජාලාවෝ
ඔබ හිනැහුණි මා හැඬු වේලේ
ඇයි ඔබ මට පෙම් නොකලාදෝ
මේ දුක ඔබටත් නොදැණේදෝ

රෑ දුටු සිහිනේ ඔබ රඟ දුන්නා
ගැයු ගැයු ගීතේ ඔව් ඔබ උන්නා
ආදර ලෝකේ ඔබ මට පෙන්නා
දවසක රහසේ ඔබ කොයි ගියාදෝ

දිනේ පටන් කුමාරී
හද ගීය මගේ හඬාවී හඬාවී
ඒ මා හද ගිණි ජාලාවෝ
ඔබ හිනැහුණි මා හැඬු වේලේ
ඇයි ඔබ මට පෙම් නොකලාදෝ
මේ දුක ඔබටත් නොදැණේදෝ

ඔබ ගිය දවසේ හිරු සඳු ගිලුණා
මට මගෙ ලෝකේ අඳුරුයි දැණුනා
සීත සමීරේ ගිණියම් වූවා
ඒ දැක මිහිරේ ඔබ නම් සිනාසේ

දිනේ පටන් කුමාරී
හද ගීය මගේ හඬාවී හඬාවී
ඒ මා හද ගිණි ජාලාවෝ
ඔබ හිනැහුණි මා හැඬු වේලේ
ඇයි ඔබ මට පෙම් නොකලාදෝ
මේ දුක ඔබටත් නොදැණේදෝ


ගායනය - නුවන් ගුණවර්ධන

මට මතකයි මන බැන්දූ සිනා - මර්වින් මිහිඳුකුල - Mata mathakai - Mervin Mihindukula


මට මතකයි මන බැන්දූ සිනා ඔබෙ
හද පතුලේ සිහි වෙන්නේ ඔයාවයි
කුඹුකේ ළිඳ ළඟදී
කුඹුකේ ළිඳ ළඟදී //

මහවැලි ගලලා ගමත් එලිය වීලා
අත මිට සරු වී කල සාරයි
මැණිකෙට රහසක් කියල එවන්නද
හනිකේ ඇවිදින් මා හමුවෙනවද
කුඹුකේ ළිඳ ළඟදී
කුඹුකේ ළිඳ ළඟදී

මට මතකයි මන බැන්දූ සිනා ඔබෙ...

කුරහන් හේනේ කරල් කපන්නට
තනියෙන් නම් මට බැහැ මැණිකේ
මගෙ පොඩි පැල්පත එළිය කරන්නට
හනිකේ ඇවිදින් මා හමුවෙනවද
කුඹුකේ ළිඳ ළඟදී
කුඹුකේ ළිඳ ළඟදී

මට මතකයි මන බැන්දූ සිනා ඔබෙ
හද පතුලේ සිහි වෙන්නේ ඔයාවයි
කුඹුකේ ළිඳ ළඟදී
කුඹුකේ ළිඳ ළඟදී

කුඹුකේ ළිඳ ළඟදී////


ගායනය - මර්වින් මිහිඳුකුල
සංගීතය, ගී පද - ක්ලැරන්ස් විජේවර්ධන




අහසෙ ඉන්නවලු - ලයනල් රන්වල, සමන් ද සිල්වා | Ahase innawalu - Lionel Ranwala, Saman De Silva


අහසෙ ඉන්නවලු ගහේ ඉන්නවලු
කුටියෙ ඉන්නවලු නොදැක වඳිනවලු

ගින්නෙ නටනවලු බෙර හඬට නටනවලු
නටල වඳිනවලු පව් පිහිට පතනවලු //

ඩෙන්න ඩෙනා ඩෙනෝ නා ඩෙන ඩෙන ඩෙනෝ //

මෝල් ගහේ දළු එනතුරු කලු කපුටා සුදුවන තුරු
යදින යැදිලි වඳින වැඳිලි ගල් හදවත් උණුවන තුරු //
පොතක් පතක් ලීවෙත් නෑ ගහක් කොලක් හැදුවෙත් නෑ
අසවල් හොඳ කරලත් නෑ අනේ අනිච්චං

අහසෙ ඉන්නවලු...

පෙරළි පෙරළි වඳින ගානේ දුක හිතෙනව මට
බණ දහමක්වත් නෑ මම දෙසුවේ කිසි දින //
හේනක් කුඹුරක්වත් නෑ වගා කලේ මම
අනේ එපා මට ලැජ්ජයි නටල වඳිනකොට

අහසෙ ඉන්නවලු...


ගායනය - ලයනල් රන්වල, සමන් ද සිල්වා
සංගීතය - ලයනල් රන්වල


සුපුන් සඳක් නැගීලා - මිල්ටන් පෙරේරා, සුජාතා අත්තනායක | Supun sandak nageela - Milton Perera, Sujatha Aththanayaka



සුපුන් සඳක් නැගීලා
කිරි බැබලෙන පාරුවේ
රිදී කඳක් ගලාලා
පළිඟු පුළින තලාවේ //
සුපුන් සඳක් නැගීලා

ආදර දියඹ යටයි
මිණි මුතු දිලෙන්නේ
සුව දෙන කැදැල්ලටයි
අත් තටු සලන්නේ //

සුපුන් සඳක් නැගීලා...

නලවන තුරුල්ලටයි
රළ පෙළ ඇදෙන්නේ
දිවි රස තාලයටයි
එම රළ රඟන්නේ //

සුපුන් සඳක් නැගීලා...//


ගායනය - ජේ.ඒ. මිල්ටන් පෙරේරා, සුජාතා අත්තනායක
සංගීතය - ෂෙල්ටන් ප්‍රේමරත්න
ගී පද - නිහාල් ඒ. ජයසිංහ


හිරුද මුවා වී - ප්‍රියා සූරියසේන | Hiruda muwa wee - Priya Sooriyasena


හිරුද මුවා වී ලැසි ගමන බලාවී
හිරුද මුවා වී ලැසි ගමන බලාවී
කිංකිණි හඬ පරදන කැකිරි පැලෙන කොමළ හිනා
කිංකිණි හඬ පරදන කැකිරි පැලෙන කොමළ හිනා
හිරුද මුවා වී ලැසි ගමන බලාවී
හිරුද මුවා වී ලැසි ගමන බලාවී

කට කැඩි කළය අරන් කුඹුකෙ ළිඳට දියට ඇදෙන
කට කැඩි කළය අරන් කුඹුකෙ ළිඳට දියට ඇදෙන
ඉර බටු තරුව වගේ ගමට සිරිය සතුට ගෙනෙයි

හිරුද මුවා වී ලැසි ගමන බලාවී...

කළුවර ගලන වෙලේ නොයන් ගමන් නියර දිගේ
කළුවර ගලන වෙලේ නොයන් ගමන් නියර දිගේ
බක් මහ නැකත් බලා එළිය කරන් ගෙපැල මගේ

හිරුද මුවා වී ලැසි ගමන බලාවී...


ගායනය - ප්‍රියා සූරියසේන
සංගීතය - ක්ලැරන්ස් විජේවර්ධන
ගී පද - උපාලි ධනවලවිතාන


Related Posts Plugin for WordPress, Blogger...