ඉවාන් පවුළුෂා - අප්සරා ද සිල්වා | Iwan Paulusha - Apsara De Silva



දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ...//

ඉවාන් පවුළුෂා... ඉවාන් පවුළුෂා...
ඇයි හොරැහින් ම දෙස බලන්නේ
නැටුමට ඇවිදින් නැතිදෝ මහද වෙලන්නේ...

දියවෙන්නට පෙර හෙට උදයේ හිම ජීවිතේ
බැලලයිකාවද වයමින් තුටින් යමු මාවතේ...//

ඉවාන් පවුළුෂා... ඉවාන් පවුළුෂා...

නැටුමෙන් බිම අස්වද්දා එක රූබලයක් නෙළලා..
ඒ සතුටට ගී ගයලා තව සොඳුරු සිහින ගොතලා..
බැලලයිකාව වගේ මා තුරුළු කරන් ඔය සුරතට..
මෂෝර්කා නැටුමට අද පමණක් එන්න පවුළුෂා...//
ඉවාන් පවුළුෂා....ඉවාන් පවුළුෂා....

හිනහ වෙවී අපි නැටුවට පොළවට වෙහෙස දැනෙනවාද..
කඳුලැලි දහඩිය ගැළුවට මහ කළුගල් දියවෙනවාද..
එනමුදු ඔබගේ බැල්මට කාගේ හදවත වාවයිද..
සිතගිම් නිවන්න ඔබගේ යස උරහිස දෙනවාද...//
ඉවාන් පවුළුෂා... ඉවාන් පවුළුෂා...
ඇයි හොරැහින් මදෙස බලන්නේ..
නැටුමට ඇවිදින් නැතිදෝ මහද වෙලන්නේ..

දියවෙන්නට පෙර හෙට උදයේහිම ජීවිතේ...
බැලලයිකාවද වයමින් තුටින් යමු මාවතේ...

ගායනය - අප්සරා ද සිල්වා
සංගීතය - ප්‍රියන්ත ඩිරෙක්ස්
පද රචනය - චාරුක සුරවීර

7 comments:


  1. හොඳ නිර්මාණයක්. ගීත හඳුන්වාදෙන විටදී ගායනය, පද රචනය මෙන්ම සංගීතය නිර්මාණය කල සංගීත වේදියාවද හඳුන්වා දෙන්න.

    ReplyDelete
    Replies
    1. හැම වෙලාවෙදිම ගීතයේ නිර්මාපකයො තුන් දෙනාම ගැන කියන්නයි උත්සාහ කරන්නෙ. ඒත් ඒක හැම වෙලේම හරි යන්නෙ නෑ. මේ ගීතය වෙනුවෙන් නිමවුණු වීඩියෝවෙවත් අදාල සංගිත නිර්මාපකයා ගැන සඳහනක් නෑ. වෙන අඩවියක තිබුණ විධියට ප්‍රියන්ත ඩිරෙක්ස් මහතා මේ ගීතයේ සංගීත නිර්මාපකයා කියල හිතමු.

      Delete
  2. හැමදාම රසවින්ද ගීතයක්

    ReplyDelete
  3. තවමත් ප්‍රබෝධයෙන් අහන්න කැමති සින්දුවක්.රූපවාහිනියෙන් පලමුවෙන් ප්‍රචාරය වූ අවස්ථාවේ ඇතිවු නැවුම් රසය තවමත් විඳිමි

    ReplyDelete
  4. සහතික ඇත්ත, තවමත් නැවුම්ම රස විදින ගීතයක්, මෙහෙම ගීත ඉතාම සුළු ප්‍රමාණයක් විතරයි අප අතරේ තියෙන්නෙ..
    මේ ගීතයේ “බැලලයිකාව“ , “මෂෝර්කා නැටුම“ මේවා මොනවද කියල මමවත් දැනගෙන හිටියේ නෑ ගූගල් දෙවියන්ගෙන් තමයි අහගත්තේ..

    http://bit.ly/17OItvp

    http://bit.ly/126nHIY

    ReplyDelete
  5. මේ පදවැල, තනුව, ගායනය, අප්සරාගෙ කටහඬ, සංගීත සංකලනය, වගේම රූප ගැලපුම(රූප රචනය මගේ පෞදගලික අදහස අනුව නොවැදගත්ම අංගය) පවා ඉතාම මැනවින් එකිනෙක ගැලපී සංයෝග වී තිබෙනවා. ඒකයි එය අපේ සිත්පතුලේම සටහන් වී තියෙන්නෙ. ඔබේ කාර්යය ඉතාම විටිනවා.

    ReplyDelete

දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...

Related Posts Plugin for WordPress, Blogger...