ඉර හඳට වඩා - අතුල අධිකාරි | Ira handata wada - Athula Adhikari


ඉර හඳට වඩා
අපි ඈත බව දන්නවා
ඒ උනත් අහම්බෙන්
එකම එක මොහොතකට
ඔබට මා හමුවෙලා

දැන් ඉතිං වෙන කුමක් කරන්නද
දැන් ඉතිං වෙන කුමක් කරන්නද
ආදරය කරනු මිස
ආදරය කරනු මිස

මහා පතරංගෙටත් වඩා
දිග කතාවක
කොම්බුවක් තරම් නැති
අපේ ලව් සිංදුවේ
අන්තරා පේළියක සමන්ති
මා ඔබව ඉම්බා.. !

පැය කටුව කුමකටද
ඔරලෝසු මුණකට
ඔරලෝසු මුණකට
කල්පයක් කියන්නේ
තත්පරෙන් බිඳක් නම්
කල්පයක් කියන්නේ
තත්පරෙන් බිඳක් නම්
සාරසංඛ්‍ය කල්ප ලක්ෂයක්
මා ඔබට තුරුළු වී
නිදිබරව උන්නා සමන්ති
සමන්ති

ඔබේ තොල් පෙති වැදී
මගේ නළලේ කොණක
කේෂ නාලිකාවක් පිපිරුණා
කේෂ නාලිකාවක් පිපිරුණා
දැන් ඉතිං වෙන කුමක් කරන්නද
දැන් ඉතිං වෙන කුමක් කරන්නද
ආදරය කරනු මිස
ආදරය කරනු මිස
ආදරය කරනු මිස
ආදරය කරනු මිස


ගායනය - අතුල අධිකාරි
සංගීතය - නවරත්න ගමගේ
ගී පද - අශෝක හඳගම
'සින්තටික් සිහින' ටෙලි නාට්‍යයෙන්


Comments

  1. ඔබ කැමති නම් මේ ගීතයට මෑ රුපරචනය කළ මේ ගිය අරගන්න....https://www.youtube.com/watch?v=pSLJxwIGBHU

    ReplyDelete

Post a Comment

දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...