දොළොස් මහක් ගතවී යන මොහොතේ - රෝහණ බැද්දගේ, බන්ධුල විජේවීර | Dolos mahak gathawee yana mohothe - Rohana Beddage, Bandula Wejeweera

දොළොස් මහක් ගතවී යන මොහොතේ
අන්තිම දවසේ මැදියම් රෑ
කවුරුත් මුණගැහිලා යන්නයි ආවේ අපි දෙන්නා
කවුරුත් මුණගැහිලා යන්නයි ආවේ අපි දෙන්නා

අවුරුද්දක් තිස්සේ කළ කී දේ
මතක් වෙනකොටත් සමහර එව්වට
මටම හිනා මස්සිනේ
අවුරුද්දක් තිස්සේ කල කී දේ
මතක් වෙන කොටත් සමහර එව්වට
මට ඇඬෙනව මස්සිනේ
උඹ අඬන්ටෙපා මස්සිනේ
අඬන එකා දැන හිනැහෙන්ටෙපා මස්සිනේ
උඹ අඬන්ටෙපා මස්සිනේ
අඬන එකා දැන හිනැහෙන්ටෙපා මස්සිනේ


දොලොස් මහක් ගතවී යන මොහොතේ...


හපන්කමක් ඇති අලුත නැගී එන
කෙනෙක් දුටුවොතින් හිත සන්තෝසෙන්
අත දීපන් මස්සිනේ
අලුත් කෙනෙක් දුටුවොතින් මමත් හරි ආසයි
ඒත් ඔය කපන්න බැරි අත
ඉබින්ටෙපා මස්සිනේ
නැග්ග ඉනිමග පෙරලන්ටෙපා
නගින එකා දැක කකුලෙන් අදිනෙටෙපා
නැග්ග ඉනිමග පෙරලන්ටෙපා
නගින එකා දැක කකුලෙන් අදිනෙටෙපා
නැග්ග ඉනිමග පෙරලන්ටෙපා
නගින එකා දැක කකුලෙන් අදිනෙටෙපා


දොලොස් මහක් ගතවී යන මොහොතේ...


පොළෙන් පොළට ගිය පොල් වෙළඳාමෙන්
යාන්තමට වගෙ ජාම් බෙරුණා
ඒත් මදැයි මස්සිනේ
ගොනා පිටේ හකුරුත් පටවාලා
වක්කඩේ හකුරු හංගා තියලා
හනේ වෙච්චි දේ මස්සිනේ
දැන් ගිය හකුරට නාඬන්නේ
ඔය තියෙන හකුර රැක ගන්නේ
දැන් ගිය හකුරට නාඬන්නේ
ඔය තියෙන හකුර රැක ගන්නේ

දැන් ගිය හකුරට නාඬන්නේ
ඔය තියෙන හකුර රැක ගන්නේ //


ගායනය - රෝහණ බැද්දගේ, බන්ධුල විජේවීර
සංගීතය, ගී පද - රෝහණ බැද්දගේ




වීඩියෝව ගත්තෙ මෙතනින් - Priyantha De Silva

කඳුළින් අවසන් වන පෙම් පුවතට -‍ දමයන්ති ජයසූරිය | Kandulin awasan wana pem puwathata - Damayanthi Jayasooriya

කඳුළින් අවසන් වන පෙම් පුවතට
හෙට දවසක් නොගෙනෙනු මැන පෙම්වත
මේ මල් යෞවනයේ //

හිරකරලනු බැරි සෙනේ හැඟුම් දිය
උතුරා පිටාර යයි
දෙනෝදහක් ඇස්වලින් රිදුම් ලැබ
පෙම් සිත් බලා හිඳියි
උහුලා ගනු හැකි වෙද මේ සෙනෙහස
සිඳී බිඳී යා නම්

කඳුළින් අවසන් වන පෙම් පුවතට
හෙට දවසක් නොගෙනෙනු මැන පෙම්වත
මේ මල් යෞවනයේ

සිහිලස රැඳි තුරු ලතා ගුලාවක
සඟවා මා පැතුමන්
පියා සරන්නට එපා බිඟුන් ලෙස
රහසින් දැක අන් මල්
උහුලා ගනු හැකි වෙද ඔබ උණුහුම
නිවී මැකී යා නම්

කඳුළින් අවසන් වන පෙම් පුවතට
හෙට දවසක් නොගෙනෙනු මැන පෙම්වත
මේ මල් යෞවනයේ //


ගායනය -‍ දමයන්ති ජයසූරිය




වීඩියෝව ගත්තෙ මෙතනින් - Chuty Perera

ජලේ ගැඹුර ඔරුව දන්නෙ නෑ - ජගත් වික්‍රමසිංහ | Jale gambura oruwa danne ne - Jagath Wickramasinghe

ජලේ ගැඹුර ඔරුව දන්නෙ නෑ
මලේ සුවඳ ජලය දන්නෙ නෑ
හිතේ අරුම නගා දන්නෙ නෑ
නගේ නුඹට බොරු කියන්නෙ නෑ //

ආදරෙයි මං ආදරෙයි
හිතේ පිරුණ සෙනේ තරම
කියා යන්න එන්නම්
ආදරෙයි මං ආදරෙයි //

නැන්ද මාමා මට බනීවිදෝ
දූව දෙන්න බෑ කියාවිදෝ
මැවූ සිහින සුන්ව යාවිදෝ
නුඹවත් මට බහක් දේවිදෝ //

ආදරෙයි මං ආදරෙයි
හිතේ පිරුණ සෙනේ තරම
කියා යන්න එන්නම්
ආදරෙයි මං ආදරෙයි //

ආදරෙයි මං ආදරෙයි ////

ගායනය - ජගත් වික්‍රමසිංහ
සංගීතය - රෝහණ වීරසිංහ
ගී පද - චන්ද්‍රලතා වික්‍රමසිංහ




වීඩියෝව ගත්තෙ මෙතනින් - LankaMusicTube

ආදර සීනුව - ග්‍රේෂන් ආනන්ද | Adara seenuwa pem lowa dora langa - Greshan Ananda

ආදර සීනුව පෙම්ලොව දොර ළඟ රැව් දෙන්නේ
ජීවන විජිතේ ආදර දෙවඟන හිනැහෙන්නේ
ලස්සන හදවත් පමණයි ආලය හඳුනන්නේ
මේ ආදරයට යා හැකි දුර නෑ මා දන්නේ //

කාගේ වේවා ලේ එක වාගේ දිස් වන්නේ
අහසයි මුහුදයි ළං වී දෙනුවන් රවටන්නේ
ආලය මායා සිහිනය වේදෝ නැහැ දන්නේ
කාලය විසඳුම් දෙනතුරු ඉන්නද සිදුවන්නේ

ආදර සීනුව පෙම්ලොව දොර ළඟ...

සංසාරේ හුරු සුවඳයි මට ඈ ගෙන එන්නේ
මාගේ දුප්පත් කමටයි ලොව එදිරිව ඉන්නේ
ජය ටැඹ පෙනුනත් ජය හිමි වේදෝ නැහැ දන්නේ
යා යුතු මාවත කොයි අත වේදෝ නෑ දන්නේ

ආදර සීනුව පෙම්ලොව දොර ළඟ... //


ගායනය - ග්‍රේෂන් ආනන්ද
'ප්‍රමාද වැඩියි' ටෙලි නාට්‍යයෙන්



වීඩියෝව ගත්තෙ මෙතනින් - Suneth Channaka

කවිකාරියේ - කීර්ති පැස්කුවෙල්, ධම්මිකා බණ්ඩාර | Kavikariye sindu kiyana lande - Keerthi Pasquel, Dhammika Bandara


කවිකාරියේ
සිංදු කියනා ළඳේ
නුඹදෝ රැහේ කෝකිලා
මගෙ පාඩුවේ
යන්ට යනවා ඔහේ
අනේ ස්වාමී
හැන්දෑ වෙලා //

දෙකනේ රිදී තෝඩු ලා
නළලේ කොකුම් පාට ලා
වීණා වයා තාලෙටා
කවි ගී අසා ආවේ මා

වීණා වයා කවි ගී ගයා
අපි යන්නේ රුපියල් සොයා

කවිකාරියේ
සිංදු කියනා ළඳේ
නුඹදෝ රැහේ කෝකිලා
මගෙ පාඩුවේ
යන්ට යනවා ඔහේ
අනේ ස්වාමී
හැන්දෑ වෙලා

හිඟමන් නොයා මාවතේ
මහදේ රැ‍ඳෙන් රූපිකා
සසරේ ගෙනා ආදරේ
අඳුරයි ඔබේ දෝතටා

දෙවි සාමිනේ මංදා අනේ
සිත මාගේ චංචල වෙලා

කවිකාරියේ
සිංදු කියනා ළඳේ
නුඹදෝ රැහේ කෝකිලා
මගෙ පාඩුවේ
යන්ට යනවා ඔහේ
අනේ ස්වාමී
හැන්දෑ වෙලා //


ගායනය - කීර්ති පැස්කුවෙල්, ධම්මිකා බණ්ඩාර
සංගීතය - මහින්ද බණ්ඩාර
ගී පද - සමන් චන්ද්‍රනාත් වීරසිංහ




වීඩියෝව ගත්තෙ මෙතනින් - Sinhalalivesongs

නිරන්ජලා කාටදෝ - ප්‍රියන්ත ප්‍රනාන්දු, ඉන්ද්‍රාණි පෙරේරා | Niranjala katado adarelu dan - Priyantha Fernando, Indrani Perera


නිරන්ජලා කාටදෝ ආදරේලු දැන්
ඉතින් මොකෝ ආස නෑ ආදරේට මං //

සමනළයි සමන් මලයි
ඒ වගේලු පෙම්වතුන්
මලින් මලේ ආදරේ
අපිට ආස නෑ

ප්‍රියංගනී කාටදෝ ආදරේලු දැන්
ඉතින් මොකෝ ආස නෑ ආදරේට මං

දගකාරෙන් නුහුරු කතා
මට කියන්න කෙනෙකු නෑ
හිතින් හඬන ආදරේ
අපට ඕනෙ නෑ

කුසුම්ලතා කාටදෝ ආදරේලු දැන්
ඉතින් මොකෝ ආස නෑ ආදරේට මං //


ගායනය - ප්‍රියන්ත ප්‍රනාන්දු, ඉන්ද්‍රාණි පෙරේරා
සංගීතය - ක්ලැරන්ස් විජේවර්ධන
ගී පද - අජන්තා රණසිංහ




වීඩියෝව ගත්තෙ මෙතනින් - Indiketi Hewage Rohan Indika

නමෝ මරියනි - ලතා වල්පොල | Namo mariyani - Latha Walpola

නමෝ මරියනි
නමෝ මරියනි
නමෝ මරියනි
ප්‍රසාද පූර්ණවන්තිනී

දේව පාත්‍රයා ස්ප්‍රීතු
සාන්තු වරමිනා //
පිළිසිඳීය දෙව් බෙලෙන්
ශ්‍රී ඔබේ කුසේ //

නමෝ මරියනි
නමෝ මරියනි
නමෝ මරියනි
ප්‍රසාද පූර්ණවන්තිනී

කීර්ති පෑ ශ්‍රියා
සාමදානයේ පියා //‍
සාර සේ දිලී සිරින්
ශ්‍රී ඔබේ කුසේ //

නමෝ මරියනි
නමෝ මරියනි
නමෝ මරියනි
ප්‍රසාද පූර්ණවන්තිනී


ගායනය - ලතා වල්පොල
සංගීතය - අර්වින් ෆොන්සේකා
ගී පද - කාලිදාස කුරුකුලසූරිය




වීඩියෝව ගත්තෙ මෙතනින් - Dilna Wijegunarathne


මුල් අනුවාදය



Nimal Bonifus

ආදර මගෙ ජේසුනි - රූකාන්ත ගුණතිලක | Adara mage jesuni - Rookantha Gunathilaka

ආදර මගෙ ජේසුනි
කලකින් ඔබ අමතමි
කොහොමද ඔබගේ තතු
සමිඳේ

සිතු සිතු දේ මම කලා
ඔබෙ දහමේ ගුණ නසා
අද ඔබ ළඟ වැඳ වැටී
හඬමි

මා හසුවී මාරුතේ
මග වැරදී මාවතේ
මේ ලියමන ලියමි මා
සමිඳේ

මහ කරුණා සාගරේ
ඔබ පමණයි ආදරේ
සැනසුම මට දෙන්නකෝ
සමිඳේ

ආදර මගෙ ජේසුනි
කලකින් ඔබ අමතමි
කොහොමද ඔබගේ තතු
සමිඳේ

සිතු සිතු දේ මම කලා
ඔබෙ දහමේ ගුණ නසා
අද ඔබ ළඟ වැඳ වැටී
හඬමි

ජේසුනි මම ආදරෙයි
ඔබෙ පෙම ඊටත් වැඩියි
සැමදා මම ණයගැතියි
ඔබට

ඔබ දුන් හැමදේටමත්
මට දුන්නැති දේ හටත්
තුති පුදනෙමි ආදරෙන්
සමිඳේ

ආදර මගෙ ජේසුනි
හමුවෙමු යළි මතුදිනේ
දින දින වැජඹේ ලොවේ
සමිඳේ

සිතු සිතු දේ මම කළා
ඔබ අනුකම්පා කළා
මම ඔබ ළඟ වැඳ වැටී
හඬමි

ගායනය, සංගීතය - රූකාන්ත ගුණතිලක



වීඩියෝව ගත්තෙ මෙතනින් - Miranja Sameera

ගියදෝ දුරස් වෙන්න - චාල්ස් තෝමස් | Giyado duras wenna - Charles Thomas

ගියදෝ දුරස් වෙන්න
ආසයි මටත් ඉන්න
ආයෙත් සිතින් ළං වෙලා
ජේසු අතින් අල්ලලා //


තනු ගීත නංවන්න
හඬ ස්වර මට දුන්න
දහසක් සවන් සනහලා //

දෙනවාද පෙර සේම
කරුණා දයාසෝම
පෙර පාප වළලා දමා //
ආයෙත් සිතින් ළං වෙලා


ගියදෝ දුරස් වෙන්න
ආසයි මටත් ඉන්න
ආයෙත් සිතින් ළං වෙලා
ජේසු අතින් අල්ලලා


සැනසුම් ඔබෙන් ලැබුව
රාවේ සිතේ රැඳුණ
ඇත තාම සිතුවම් වෙලා //

ඔබ ඈත වෙනවාද
මා ඈත යනවාද
පෙන්වන්න කරලා සමා //
ආයෙත් සිතින් ළං වෙලා


ගියදෝ දුරස් වෙන්න
ආසයි මටත් ඉන්න
ආයෙත් සිතින් ළං වෙලා
ජේසු අතින් අල්ලලා //


ගායනය - චාල්ස් තෝමස් ඇතුළු පිරිස



වීඩියෝව ගත්තෙ මෙතනින් - Miranja Sameera

මෙය පසු කාලීනව වෙනත් ගායක ගායිකාවන් කීප දෙනෙක්ම ගායනා කර තිබෙන කිතුණු ගීතයක්. චන්ද්‍රලේඛා පෙරේරා ගයන අනුවාදය බෙහෙවින් ජනප්‍රියයි.



Priyantha De silva

හනුමන්තා - ජය ශ්‍රී | Hanumantha - Jaya Sri

මම මංකී හනුමන්තා
වඳුරන්ගේ මහදැන මුත්තා
දඬු මොණරේ නැගලා
අහසින් යන්නා
හොයියා හොයියා හෝ
මම මංකී හනුමන්තා
නැට්ටෙන් වැඩකිඩ ගිණි දුන්නා
දඬුමොණරේ නැගලා
අහසින් යන්නා
හොයියා හොයියා හෝ
දඬුමොණරේ නැගලා
අහසින් යන්නා
හොයියා හොයියා හෝ

චාල්ස් ඩාවින්
කිව්වා බයිලා
ඔහෙලා අපෙන්
පැවතෙනවා කියලා
චෑ චෑ පට්ටම පල් බොරු ඔව්වා
වන සත්තු අපියි
නෑ විපත්ති කරලා
දියුණු උනට කරුමාන්තයෙන්
කැත කරනවා ඔහෙලා මාන්නයෙන්
විසකුරු ගිණි අවි බෝම්බයෙන්
විනාස කරනවා අවියෙ බලෙන්

ඔහෙලගේ දිවි දික්කර ගන්නට
ගන්නවා අපේ දිවි අත්හදා බැලුමට
හිංසාවාදී දාන්නෙ බාල්දි
කවදා හරි ඔහෙලාට වදීවී

ඕං රීං කට්ටු කට්ටු
ඔහෙලගේ මොළ වල පිට්ටු පිට්ටු
මෙන්න දැම්මා අපි තට්ටු තට්ටු
වෙයි ළඟදිම හැම මට්ටු මට්ටු
ඕං රීං කට්ටු කට්ටු
ඔහෙලගේ මොළ වල පිට්ටු පිට්ටු
මෙන්න දැම්මා අපි තට්ටු තට්ටු
වෙයි ළඟදිම හැම මට්ටු මට්ටු

මම මංකී හනුමන්තා
චිම්පංසිස් මහදැන මුත්තා
දඬු මොණරේ නැගලා
අහසින් යන්නා
හොයියා හොයියා හෝ
මම මංකී හනුමන්තා
ගෝරිල්ලස් ඕල්සෝ ලොක්කා
දඬුමොණරෙන් නගලා
අහසින් යන්නා
හොයියා හොයියා හෝ
දඬුමොණරෙන් නැගලා
අහසින් යන්නා
හොයියා හොයියා හෝ

ඉක්මන් ගමනට‍ හැදුවා ඔහෙලා
‍වාහන කියලා තෙල් දා දුවනා
පුච්චා අරිනා දුම් පිට කරනා
සී ඕ ටූ මුළු ලොව නැති කරනා

හදන්න ඔහෙලගේ නිවාස ‍ලී බඩු
කපනවා වටිනා කැළෑ ලෝ වටේ
නැතිකරමින් අපේ ජීවන ‍ප්‍රදේස
ගෙනනවා ලඟටම ලෝක අන්තිමේ

මෙහෙම ගියොත් අපි කාට කාට
ඕසෝන් හිලෙන් එන පාට පාට
රැස්වලින් පිච්චිලා මුළු සංහතියම
යයි මරු තුරුලට ගාට ගාට

මම මංකී හනුමන්තා
වදුරන්ගේ මහදන මුත්තා
දඬු මොණරේ නැගලා
අහසින් යන්නා
හොයියා හොයියා හෝ
මම මංකී හනුමන්තා
ගෝරිල්ලස් ඕල්සෝ ලොක්කා
දඬුමොණරෙන් නැගලා
අහසින් යන්නා
හොයියා හොයියා හෝ
දඬුමොණරෙන් නැගලා
අහසින් යන්නා
හොයියා හොයියා හෝ

ඕං රීං කට්ටු කට්ටු
ඔහෙලගේ මොළ වල පිට්ටු පිට්ටු
මෙන්න දැම්මා අපි තට්ටු තට්ටු
වෙයි ළඟදිම හැම මට්ටු මට්ටු

වැටෙනා හිරු එළියෙන්
හමනා තද සුළ‍ඟෙන්
ගළනා ජල බලයෙන්
ගන්නකෝ වැඩකිඩ හොඳහින්
වැටෙනා හිරු එළියෙන්
හමනා තද සුළ‍ඟෙන්
ගළනා ජල බලයෙන්
ගන්නකෝ වැඩකිඩ හොඳහින්

ඕං රීං ///

ගායනය, සංගීතය - ජය ශ්‍රී




වීඩියෝව ගත්තෙ මෙතනින් - Jayasri

අකීකරුද ඔබේ සිතත් - එඩ්වඩ් ජයකොඩි | Akeekaruda obe hitath - Edward Jayakodi

අකීකරුද ඔබේ සිතත් වෙරළේ පෙරළෙන රළ වාගේ
අකීකරුයි මගේ සිතත් හමනා සැඩ සුළඟක් වාගේ
ඒ සුළගේ පාව යන්න වළා රොදක් සේ නැගෙන්න
ඒ සුළගේ පාව යන්න වළා රොදක් සේ නැගෙන්න

සුළඟ සැරෙන් හමනා විට ගිනිදැල් තව තව ඇවිලේවී
ඒ ගින්දර නිවාලන්න ඒ සුළඟම විවරණ දේවී

අකීකරුද ඔබේ සිතත් වෙරළේ පෙරළෙන රළ වාගේ
අකීකරුයි මගේ සිතත් හමනා සැඩ සුළඟක් වාගේ
ඒ සුළගේ පාව යන්න වළා රොදක් සේ නැගෙන්න
ඒ සුළගේ පාව යන්න වළා රොදක් සේ නැගෙන්න

වෙරළේ රළ සැඩ වූවොත් ඔරු කඳ කනපිට පෙරලේවී
නිසල වුනොත් ඒ රළ පෙළ සුවසේ අප මෙගොඩ කරාවි

අකීකරුද ඔබේ සිතත් වෙරළේ පෙරළෙන රළ වාගේ
අකීකරුයි මගේ සිතත් හමනා සැඩ සුළඟක් වාගේ
ඒ සුළගේ පාව යන්න වළා රොදක් සේ නැගෙන්න
ඒ සුළගේ පාව යන්න වළා රොදක් සේ නැගෙන්න


ගායනය - එඩ්වඩ් ජයකොඩි
සංගීතය - එච්. එම්. ජයවර්ධන
ගී පද - බන්ධුල නානායක්කාරවසම්




වීඩියෝව ගත්තෙ මෙතනින් - Kevin Jay

අඳුර ඉකිබිඳින තුරු - අසංක ප්‍රියමන්න පීරිස්, නිරෝෂා විරාජිනී | Andura ikibindina turu - Asanka Priyamantha Peiris, Nirosha Virajini



අඳුර ඉකිබිඳින තුරු සිටියට සැඟවී
සුවඳ නුඹ ළඟයි නුඹ කොතැනද මලවී
නාඬනු දුක් කඳුළ තුරුලටම වඩිමි
සුවඳ තවම හිත ළඟ නිදි නැතුව හිඳී

පිවිතුරු පැන් බිඳකට මුතු කඳුළු වැටී
දෑඟිලි මැද සෙනෙහස රන් දෙවොල තැනී
සාගරයක ආදර රැළි හිතට එබී
දිග වුණා තමයි සොඳුරියෙ සසර බැමි

අඳුර ඉකිබිඳින තුරු සිටියට සැඟවී...

මල් පෙති මත නැවුම් සුවඳ වැතිර හිඳී
මින්දදයින් මා බලන්න නිතර එති
හීනෙන් මුදු පොපියන තොල් සඟල සිඹී
ඔබෙ සුවඳින් මිදුණා දුක සසර පිරී

අඳුර ඉකිබිඳින තුරු සිටියට සැඟවී...


ගායනය - අසංක ප්‍රියමන්න පීරිස්, නිරෝෂා විරාජිනී
සංගීතය - රෝහණ වීරසිංහ
ගී පද - චන්න ජයනාත්




වීඩියෝව ගත්තෙ මෙතනින් - Pavithra Somadasa

මගේ නීල නෙතු සඟලින් - ඉන්ද්‍රානි බෝගොඩ | Mage neela nethu sangalin - Indrani Bogoda

මගේ නීල නෙතු සඟලින්
මොනවද ඔබ ඉල්ලන්නේ
නළලේ කුංකුම තිලකය
ඔබට නේද අමතන්නේ
මගේ නීල නෙතු සඟලින්

මිදුලේ නිල් බුනීල මල්
හැන්දෑවේ කාන්තියෙන්
ඔබ මට දුන් ඔබේ කවිය
උදුරාගෙන කියවනවා

මගේ නීල නෙතු සඟලින්...

හඳ එළියේ හාන්සි වී
ඒ කවියේ රස වින්දා
එදා රැයේ මගේ දෑස
ඔබේ නමින් ඉකි බින්දා

මගේ නීල නෙතු සඟලින්...


ගායනය - ඉන්ද්‍රානි බෝගොඩ
සංගිතය - චන්ද්‍රදාස බෝගොඩ
ගී පද - ඩෝල්ටන් අල්විස්




වීඩියෝව ගත්තෙ මෙතනින් - lal san

මට හරි පාළුයි - අජිත් කුමාරසිරි | Mata hari palui - Ajith Kumarasiri

ලංකාවේ ජනගහණේ කෝටි දෙකයි
ලෝකෙම කීයද මං දන්නෙ නෑ
මං කවුරුත් අඳුණන්නෙ නෑ
කවුරුත් මා අඳුණන්නෙත් නෑ
මට හරි පාළුයි
මට හරි පාළුයි
මට හරි පාළුයි

මොනවට මේ ලෝකෙට මං ආවද
මොකට ගෙනාවද මං දන්නෙ නෑ
ගෙනාපු අය මා අඳුණන්නෙත් නෑ
විස්වාසයෙ මල් පීදෙන්නෙ නෑ

ලංකාවේ ජනගහණේ කෝටි දෙකයි
ලෝකෙම කීයද මං දන්නෙ නෑ
මං කවුරුත් අඳුණන්නෙ නෑ
කවුරුත් මා අඳුණන්නෙත් නෑ

ඉරට වඩා හ‍ඳෙ කිසිම හොඳක් නෑ
හඳ එළියට මම රැවටෙන්නෙ නෑ
ඉරට වඩා හ‍ඳෙ කිසිම හොඳක් නෑ
හඳ එළියට මම රැවටෙන්නෙ නෑ
මං ආයෙත් මෙහේ එන්නෙ නෑ
විස්වාසය මං මෙහෙ පිළිගන්නෙ නෑ
මං ආයෙත් මෙහෙ එන්නෙ නෑ


ගායනය, සංගීතය, ගී පද - අජිත් කුමාරසිරි




වීඩියෝව ගත්තෙ මෙතනින් - Aravinda Perera

එම්බා ගංගා - සුනිල් සාන්ත | Emba ganga - Sunil Santha





එම්බා ගංගා
නවතිනු නවතිනු නවතිනු නවතිනු
ගංගාවේ ///
එම්බා ගංගා ගංගාවේ
ගංගාවේ ගංගාවේ

කන්ද කපවු
ගල් පෙරළවු
වේලි බඳිවු
ගමන බිඳිවු
ගංගාවේ
ගංගාවේ

දිය අරවව්
වැව් පුරවව්
කෙත් කරවව්
කුස පුරවව්
ගංගාවේ
ගංගාවේ

එම්බා ගංගා
නවතිනු නවතිනු නවතිනු නවතිනු
ගංගාවේ ///
එම්බා ගංගා ගංගාවේ
ගංගාවේ ගංගාවේ

හිටු එම්බා
ගඟ පුම්බා
දිය ලම්බා
පැරකුම්බා
ගංගාවේ
ගංගාවේ

වැඩට අපේ
දිය නො මැ දී
මුහුද කරා
යනු වැරදී
ගංගාවේ
ගංගාවේ

එම්බා ගංගා
නවතිනු නවතිනු නවතිනු නවතිනු
ගංගාවේ ///
එම්බා ගංගා ගංගාවේ
ගංගාවේ ගංගාවේ


ගායනය, සංගීතය - සුනිල් සාන්ත
ගී පද - අරිසෙන් අහුබුදු
නව ගැයුම - අයිවෝ ඩෙනිස්




වීඩියෝව ගත්තෙ මෙතනින් - Mayththri Singhe

බණ කියන රටක් - එඩ්වඩ් ජයකොඩි | Bana kiyana ratak - Edward Jayakodi

බණ කියන රටක්
බණ අහන රටක්
යුධ බිමක් වුණේ කෙලෙසා
එය නිවන මගක්
මල් පිපුණු ලොවක්
අපි දකිමු ඉතින් කවදා

පිං පුරන හිතක්
පව් නොදුටු අතක්
යුධ බිමට ගියේ කෙලෙසා
එය සොයන බවක්
නොදැණුනිය ඉවක්
යුධ බිමක් වුණේ එලෙසා

බණ කියන රටක්...

සාමයට මගක්
යුධ බිමට මලක්
ගෙනියන්න කෙනෙක් නැතුවා
එය දකින ඇසක්
සිත් නිවන මගක්
නොතිබුණිය රටම රවටා

බණ කියන රටක්...


ගායනය - එඩ්වඩ් ජයකොඩි
සංගීතය - රෝහණ වීරසිංහ
ගී පද - රඹුක්කණ සිද්ධාර්ථ හිමි




වීඩියෝව ගත්තෙ මෙතනින් - THARAKA SAMARASINGHA

ගලන දොලේ පෙණ බුබුලයි ආදරේ - අමිතා වැදිසිංහ | Galana dole pena bubulai adare - Amitha Wedisinghe

ගලන දොලේ පෙණ බුබුලයි ආදරේ
මිලින මලේ පැණි කඳුලයි ආදරේ

මහ ගල් කුළු ඉහල නගා
සුළං රොදින් සුසුම් හෙලා
ඈත සිහින් වලා පෙළින්
රහස අසයි ආදරේ

නිල් කඳුවැටි පීරා
පායන සඳ රේඛා
එබී බලා නිහඬ රැයක
රහස අසයි ආදරේ

මහ ගස් අතු ඉහල බලා
කුරුළු හඬින් ගීත ගයා
වෙළෙන වැලේ පිපෙන මලින්
රහස අසයි ආදරේ

ගලන දොලේ පෙණ බුබුලයි ආදරේ
මිලින මලේ පැණි කඳුලයි ආදරේ


ගායනය - අමිතා වැදිසිංහ
සංගීතය - ඩබ්. ඩී. අමරදේව
ගී පද - මහගම සේකර
චිත්‍රපටය - ආදරයයි කරුණාවයි (1965)





වීඩියෝව ගත්තෙ මෙතනින් - anoransi

හිරු ඉපදෙන විට - අනිල් භාරතී | Hiru ipadena wita - Anil Bharathi - sinhala lyrics



හිරු ඉපදෙන විට නෙළුම් පිපෙන ලෙස
මට ඔබ විශ්වාසයි
බැස යන ගඟ සමුදුරට ඇදෙන ලෙස
මට ඔබ විශ්වාසයි //

දෙදෙනා බැඳී පෙම දෙදෙනා සුරකින
බව මට විශ්වාසයි
අවිහිංසක ඔබ මට හිංසාවක්
නොකරනු විශ්වාසයි
අතැඟිලි පටලා බැදගත් අත්වැල
නොබිඳිනු විශ්වාසයි
සඳකඩ පහනක් ලෙස මා පා යුග
සිපගනු විශ්වාසයි

හිරු ඉපදෙන විට...

අපමණ බාධා ආවත් ඔබ මට
ගැති බව විශ්වාසයි
කාට අකීකරු වූවත් මට කීකරු
වනු විශ්වාසයි
මා හරි දිලිඳුයි පොහොසත් නොම වෙයි
එකත් විශ්වාසයි
රජ ඉසුරට ඔබ ලොබ වී මා හැර
යයිද අවිශ්වාසයි

හිරු ඉපදෙන විට නෙළුම් පිපෙන ලෙස
මට ඔබ විශ්වාසයි
බැස යන ගඟ සමුදුරට ඇදෙන ලෙස
මට ඔබ විශ්වාසයි //


ගායනය - අනිල් භාරතී
සංගීතය - ලක්ප්‍රිය ද සිල්වා
ගී පද - ප්‍රේමකීර්ති ද අල්විස්





වීඩියෝව ගත්තෙ මෙතනින් - Indiketi Hewage Rohan Indika

දිලීප පොඩි පුතූ - ක්ලැරන්ස් විජේවර්ධන | Dileepa podi puthu - Clarance Wijewardena

දිලීප පොඩි පුතූ සනීපයට නිදි
මවගේ උකුල් යහනේ
කුමාරයාණෙනි මගේ කිරුළ හිමි
ජීවන රජ දහනේ

පරවි දෙපා වැනි
සුලලිත කෝමල
සුමුදු ටිකිරි දෑතේ
පුතු මිට මොලවන්
සඟවා ගෙන ඇත
මා නොලියුව ගීතේ

මහද විමානයෙ
තැන්පත් කල ලේ
බිඳුවක් අඩුව ඇතේ
එය සඟවාගෙන
බිලිඳු වෙසින් ආ
වස්තුව ඔබය පුතේ

දිලීප පොඩි පුතූ සනීපයට නිදි
මවගේ උකුල් යහනේ
කුමාරයාණෙනි මගේ කිරුළ හිමි
ජීවන රජ දහනේ

කුමාරයාණෙනි මගේ කිරුළ හිමි
ජීවන රජ දහනේ


ගායනය, සංගීතය - ක්ලැරන්ස් විජේවර්ධන
ගී පද - කරුණාරත්න අබේසේකර




වීඩියෝව ගත්තෙ මෙතනින් - LankaMusicTube

සඳ එක් දිනක් - ක්ලැරන්ස් විජේවර්ධන | Sanda ek dinak - Clarance Wijewardena

සඳ එක් දිනක් තරු හා බිඳී
විමසා බලා අඳුරේ රැඳී
තරුවැල් ඉතින් තනිවී සිටින්
සිටියා බලා සඳ එයි කියා //
සඳ එක් දිනක් තරු හා බිඳී

අප අතරේ මතු සසරේ
සිත ළං වේවා
නොසැලී හමු වේවා
ඈත ඈත ලොව බලා
යමු පියාසලා

සඳ එක් දිනක් තරු හා බිඳී
විමසා බලා අඳුරේ රැඳී
තරුවැල් ඉතින් තනිවී සිටින්
සිටියා බලා සඳ එයි කියා
සඳ එක් දිනක් තරු හා බිඳී

ඔබ එන්නෙ කවදාදෝ
සිත විමසන්නේ
මඟ බලමින් ඉන්නේ
ඈත ඈත ලොව බලා
යමු පියාසලා

සඳ එක් දිනක් තරු හා බිඳී
විමසා බලා අඳුරේ රැඳී
තරුවැල් ඉතින් තනිවී සිටින්
සිටියා බලා සඳ එයි කියා //


ගායනය, සංගීතය, ගී පද - ක්ලැරන්ස් විජේවර්ධන



වීඩියෝව ගත්තෙ මෙතනින් - Suneth Channaka

පියුම් නීල විල - ටී.එම්.ජයරත්න - Piyum Neela Vila - T.M. Jayarathne


පියුම් නීල විල උපන් වියේ..
අහංකාර ඔබෙ යොවුන් වියේ
නෙතු කැලුම් වැදී..
මගෙ හිත දුකින් රිදේ..

සිඳංගනා මෘදු වදන් මලින් මට
පවන් සලන් කුමරී..
වසන්ත කතාව කියන්න
කෝමල සිනා පොදින්..

ඔබගේ වරලේ..
කුසුමේ සුදු රේණු පවා..
සුවඳ දෙවා - පාවේ රෑ සිහිනේ..
මා හා රෑ පානේ..

පියුම් නීල විල...

ඔබගේ.. දෙපයේ..
වෙලෙනා හඬනු පුරයේ
රන්වන් පෙම් වරුනේ
ආදර ගී වරුනේ..

පියුම් නීල විල...

ගායනය - ටී.එම්.ජයරත්න
සංගීතය -ක්ලැරන්ස් විජේවර්ධන
ගී පද - අජන්තා රණසිංහ


ඔබගේ හද මාගේමයි - එම්.එස් ප‍්‍රනාන්දු, රංජනී පෙරේරා | Obage hada magemai - MS Fernando, Ramjani Perera


ඔබගේ හද මාගේමයි
කතරේ මල් පීදේමයි
නොවිඳපු සුව සෑදේමයි
රන් රස සේ පෑහේමයි

ඔබගේ ලොව මාගේමයි
සතුටේ මල් පීදේමයි
පෙර මග මුතු පෑදේමයි
කිරි පැණි සේ පෑහේමයි

සංසාරේ
කෙම් බිම් සොයා සොයා හිතූ පැතූ දේ
තිරසර වුණා
ශෘංගාරේ
පෙම් පැණි පොවා පොවා සිනා සලාලා
තුරුළට වෙලා
සීතල හිම ලන්දේ මේ
උණුසුම මට ඕනෑ වේ
පෙම් සිලිලාරේ මා මත් වුණා

ඔබගේ ලොව මාගේමයි
සතුටේ මල් පීදේමයි
පෙර මග මුතු පෑදේමයි
කිරි පැණි සේ පෑහේමයි

පෙම් සිහිනේ
ලොව දැන ගනී කියා බියේ සැකේ මා
හද ගොළු වෙලා
සන්තෝසේ
ඉන්නකො ඔයා නිසා දිවා රැයේ මා
උමතුව ගියා
සිර ගෙය බින්දේ ඔබයි
මා සිත දන්නේ ඔබයි
පෙම් සිලිලාරේ මා මත් වුණා

ඔබගේ හද මාගේමයි
කතරේ මල් පීදේමයි
නොවිඳපු සුව සෑදේමයි
රන් රස සේ පෑහේමයි

ඔබගේ ලොව මාගේමයි
සතුටේ මල් පීදේමයි
පෙර මග මුතු පෑදේමයි
කිරි පැණි සේ පෑහේමයි


ගායනය - එම්.එස් ප‍්‍රනාන්දු, රංජනී පෙරේරා
සංගීතය - එම්.කේ රොක්සාමි
ගී පද - සුනිල් විමලවීර
හරිම බඩු තුනක් (1976) චිත්‍රපටියෙන්




වීඩියෝව ගත්තෙ මෙතනින් - periwinklelk

මානෙල් මල සේ - මර්වින් මිහිඳුකුල | Manel Mala Se - Mervin Mihidukula


මානෙල් මල සේ ආයේ පිපී
කෝ ලඳුනේ පෙම් සිනා..//
අඳුරේ පාවී - කඳුලේ යාවී..
මා මනසේ ආදරේ වේදනා..

මානෙල් මල සේ ආයේ පිපී
කෝ ලඳුනේ පෙම් සිනා..//

දෙනෙතේ ආයාචනා..
සුළඟේ සුන්වී ගියා..//
ඒ මල් පැතුම් - ආලේ වදන්..
මේ මාවතේ රාත්‍රියේ රැව් රැදේ..

මානෙල් මල සේ..//

පෙරසේ ආරාධනා
රාවේ නෑසී ගියා...//
නාමල් පිපී නාඩන් ඉතින්
මාගේ පැතුම් සවනතේ කොඳුරලා

මානෙල් මල සේ..//

ගායනය : මර්වින් මිහිඳුකුල
සංගීතය : සරත් ද අල්විස්


වීඩියෝව ගත්තේ මෙතනින් : Miranja Sameera

මලේ හැන්දෑවේ - ක්ලැරන්ස් විජේවර්ධන | Male Handawe - Clarence Wijeywardana


මලේ හැන්දෑවේ වහින වෙලාවේ..
මගේ මීණා දළු නෙලන වෙලාවේ..
නිමාවෙලා..නිමාවෙලා..
මලේ හැන්දෑවේ වහින වෙලාවේ..
මගේ මීණා දළු නෙලන වෙලාවේ..

නළලලේ තිලකේ
රතු පැහැය සේදිලා..
ගඟුලේ සුරවී ඒ පඳුරු හීරලා
තෙමිලා තෙමිලා
ගත සීතලෙන් වෙලී ගියා ද
ආ පවන් රැලේ..

මලේ හැන්දෑවේ වහින වෙලාවේ..
මගේ මීණා දළු නෙලන වෙලාවේ..

බඳුනේ පහසේ ඔබ කෙරෙහි ආදරේ
ඇති දෝ නැතිදෝ
ඔය පැතුම මා කෙරේ..
නොදැනේ නොහැඟේ
මම මා හදේ බැදී පැතුම්
කියන්න දෝ කෙසේ...

මලේ හැන්දෑවේ වහින වෙලාවේ..
මගේ මීණා දළු නෙලන වෙලාවේ..

ගායනය : ක්ලැරන්ස් විජේවර්ධන
සංගීතය - ක්ලැරන්ස් විජේවර්ධන
ගී පද - කැමිලස් පෙරේරා


නිල් නුවන් පියවිලා - අතුල ශ්‍රී ගමගේ | Nil nuwan piyawila - Athula Sri Gamage

නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දෙව් ලියේ
හදවතේ ‍රැඳී ගත ළගින් හිඳී
අවදි නොවී ඉන්නම් මා යහන් තලාවේ
නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දෙව් ලියේ

සෝ තැවුල් නිවා දමන්න මද හසින් බලා
දැනී සිතට ඔබේ තෙපුල් මිහිරි ගීතිකා
ඈත මංසලේ දුරක පාවෙලා
ඉන්න හැකිද පෙරුම් පුරා මතකේ රන්දා

නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දෙව් ලියේ
හදවතේ ‍රැඳී ගත ළගින් හිඳී
අවදි නොවී ඉන්නම් මා යහන් තලාවේ
නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දෙව් ලියේ

ඇඟිලි තුඩින් ලියා එවන කුරුටු මල් ලතා
සිහින ලොවක මා කැඳවා යයි නිමක් නොවේ
ඈත මංසලේ දුරක පාවෙලා
ඉන්න හැකිද පෙරුම් පුරා මතකේ රන්දා

නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දෙව් ලියේ
හදවතේ ‍රැඳී ගත ළගින් හිඳී
අවදි නොවී ඉන්නම් මා යහන් තලාවේ
නිල් නුවන් පියවිලා ‍රෑක ගණඳුරේ
නිදි ලොවේ මා සොයා එන්න දෙව් ලියේ


ගායනය - අතුල ශ්‍රී ගමගේ




වීඩියෝව ගත්තෙ මෙතනින් - evokelk

හද සාගරේ - රෝයි පීරිස් | Hada sagare - Roy Peiris

හද සාගරේ
පැතුමන් පුරා සුසුමන් සලා
ඇය වෙන් වුණා හද සාගරේ
මත ඈ හදේ
හසරැල් නගා සුසුමන් මකා
සිටිතැයි සිතා හද සාගරේ

සිටිනා විලාසේ ඈ අඳුරේ
දකිනා විලාසේ මද්දහනේ //
කඳුලැල් පිරීලා නෙතුකැන් ගිලී
ඈ ආවේ

හද සාගරේ
පැතුමන් පුරා සුසුමන් සලා
ඇය වෙන් වුණා හද සාගරේ

ජීවිත කාලය දුක් සමුදා පිරිලා ඉතිරී
ආදර ලෝකය කැබලි කැඩී විසිරී
ඈ අතගත් දින ඈ තනි වූ දින තව මතකයි

හද සාගරේ
පැතුමන් පුරා සුසුමන් සලා
ඇය වෙන් වුණා හද සාගරේ
මත ඈ හදේ
හසරැල් නගා සුසුමන් මකා
සිටිතැයි සිතා හද සාගරේ
හද සාගරේ


ගායනය - රෝයි පීරිස්
සංගීතය - රූකාන්ත ගුණතිලක




වීඩියෝව ගත්තෙ මෙතනින් - LAhiru Madusanka

පිළේ පැදුර - ඩබ්ලිව්.ඩී. අමරදේව | Pile pedura - W.D. Amaradewa

පිළේ පැදුර හේනට අරගෙන එනවා
එළා පැදුර මැද්දේ එහි සැතපෙනවා
රටා වියපු අත් දෙක මට සිහිවෙනවා
හිතේ දුකට එතකොට කවි කියවෙනවා

ඉර පායා ඉර අවරට ගියාදෝ
සඳ පායා සඳ අවරට ගියාදෝ
හැඬූ කඳුළු මූදට එක් වුණාදෝ
හැඬූ කඳුළු මූදට එක් වුණාදෝ
ළමා ළපටි නෑනා කොයි ගියාදෝ

ඔබේ කරට මල් මාලා ගොතන්නට
මදු මල් පිපෙනවා හේනේ වැට දිගට
උඹේ කටින් ගී සීපද අහන්නට
උඹේ කටින් ගී සීපද අහන්නට
තවමත් ගිරව් එනවා පෙර පුරුද්දට

පිළේ පැදුර හේනට අරගෙන එනවා
එළා පැදුර මැද්දේ එහි සැතපෙනවා
රටා වියපු අත් දෙක මට සිහිවෙනවා
හිතේ දුකට එතකොට කවි කියවෙනවා


ගායනය, සංගීතය - ඩබ්ලිව්.ඩී. අමරදේව
ගී පද - මහගමසේකර



වීඩියෝව ගත්තෙ මෙතනින් - Ruchira Bandara

ලන්ද දිගේ හැංගි හොරා - නන්දා පතිරණ | Landa dige hangi hora - Nanda Pathirana


ලන්ද දිගේ හැංගි හොරා සැඳෑ කාලයේ
රැන්දු සිනා ඇයිද මෙසේ මැකීලා ගියේ //

දෑත දරා පෙරදා කීව කතාවේ
දෑස රැඳේ තාම බැඳීලා
සීත රැයේ හඬනා දෑස ගියාවේ
දෑත ඔබේ ලෝකේ සොයාලා

ලන්ද දිගේ හැංගි හොරා සැඳෑ කාලයේ
රැන්දු සිනා ඇයිද මෙසේ මැකීලා ගියේ //

පාළු පැයේ මුමුණා ගීත ගැයේවා
පාළු සිතේ ශෝක නිවාලා
ජීවිතයේ තනි වී දෑත රැඳේවා
ආයේ ඔබේ දෑතේ බැඳීලා..

ලන්ද දිගේ හැංගි හොරා සැඳෑ කාලයේ
රැන්දු සිනා ඇයිද මෙසේ මැකීලා ගියේ //

ගායනය - නන්දා පතිරණ
සංගීතය - ස්ටැන්ලි පීරිස්
ගී පද - කුලරත්න ආරියවංශ




වීඩියෝව ගත්තෙ මෙතනින් - Priyantha De Silva

රොන් සුවඳ ගෙන - උරේෂා රවිහාරි, ශිහාන් මිහිරංග | Ron suwanda gena - Uresha Ravihari, Shihan Mihiranga




රොන් සුවඳ ගෙන මල් පියලි මත පාව යමු රෑනේ
ඇල් පවන් මත නිම්තෙරක් නෙත මත් බිඟුම් වාගේ
ජීවිතේ හරි සුන්දරයි ආදරය එහි මල් මිටයි
ඉන්නවානම් මා ළඟින්
කොයිතරන්නම් සොදුරුද මිහිරී

රොන් සුවඳ ගෙන මල් පියලි මත පාව යමු රෑනේ

මල් වයසේ නිදි නැති ඇස් පියන් යට
ආල හැඟුම් පිබිදෙයි උස් පැතුමකට //
හිරිමල් සිතිවිලි කලතා
රත්තරනේ ඔබ සිත තුල රහසේ

රොන් සුවඳ ගෙන මල් පියලි මත පාව යමු රෑනේ

මල් වරුසා වැගිරෙන මේ සිසිල යට
හීන ලොවේ දොරගුල් දැන් ඇරෙනවද //
නිකැලැලි පතුමක සැඟවී
රත්තරනේ ඔබ හිටි හැටි මනසේ

රොන් සුවඳ ගෙන මල් පියලි මත පාව යමු රෑනේ
ඇල් පවන් මත නිම්තෙරක් නෙත මත් බිඟුම් වාගේ
ජීවිතේ හරි සුන්දරයි ආදරය එහි මල් මිටයි
ඉන්නවානම් මා ළඟින්
කොයිතරන්නම් සොදුරුද මිහිරී

රොන් සුවඳ ගෙන මල් පියලි මත පාව යමු රෑනේ


ගායනය - උරේෂා රවිහාරි, ශිහාන් මිහිරංග
'සුවඳ දැනුනා ජීවිතේ' චිත්‍රපටියෙන්




වීඩියෝව ගත්තෙ මෙතනින් - sahan2u

මෝහිනී - සමන් ලෙනින් | Mohinee - Saman Lenin


ගොර සපුන් ඇහැරෙන ඇඳිරියේ..
දොළ හඬන තුන්මන් හන්දියේ..
කවුරු එන තුරු මඟ බලනවද
මෝහිනී මගෙ නංගියේ
මෝහිනී...ආදර නංගියේ..//

උඹේ දරුවා ගන්න කවුරුත්
නොයෙන මූසල හනදියේ
උඹට දරුවෙක් දෙන්න
ඕනෑ තරම් අය ඇති නංගියේ..//

සුරඟනට අමතක දරුවන්
හඬද්දී කුණු බක්කියේ
උඹ යකින්නක් උනේ කොහොමද
කියා දීපන් නංගියේ...//

ගොර සපුන් ඇහැරෙන...

ගායනය : සමන් ලෙනින්


සඳට ආදරෙයි දෝ - වික්ටර් රත්නායක, සුජාතා අත්තනායක | Sandata Adarei Do - Victor Rathnayake, Sujatha Aththanayake


සඳට අහස ආදරේ දෝ...
මලට බමරු ආදරේ දෝ...(නෑ නෑ...)
දෙනෙතට වත ආදරේ දෝ...
සොඳුරියෙ මට ආදරේ දෝ..//(නෑ නෑ...)

සිලහිස මල් තුරුලිය සුරකින්නේ
ආදරෙන් නේදෝ...
දුහුවිලි පිස මැණිකක් අහුලන්නේ
ආදරෙන් නේදෝ...
ඔබ මගෙ හදවත් කුටියට එන්නේ
ආදරෙන් නේදෝ...(නෑ නෑ...)

සයුරෙහි දිය කඳුලක් තරමින් වත්
ආදරෙයි නේදෝ...(නෑ නෑ...)
එහෙනම් මා මුමුණන ගී පද
පෙරලා යලි කියනව දෝ...

මද සහනයි (සඳ පහනයි)
පද මවනයි (මද පවනයි)
වසර සසන තුරු (සසර වසනතුරු)
අම මාදරෙයි (මම ආදරෙයි)
මම ආදරෙයි...හ්ම්..හ්ම්....
මම ආදරෙයි...හ්ම්..හ්ම්....
මම ආදරෙයි...හ්ම්..හ්ම්....

ගායනය :වික්ටර් රත්නායක සමඟින් සුජාතා අත්තනායක
පද රචනය :ප්‍රේමකීර්ති ද අල්විස්
සංගීතය : වික්ටර් රත්නායක

කවදාවත් කවමදාවත් - සංජීව ලියනගේ | Kawadawath Kawamadawath - Sanjeewa Liyanage


කවදාවත් කවමදාවත් - නොලැබෙන සෙනෙහසක්
කිසිදාකත් කිසිමදාකත් - අමතක නැති පෙමක්..
අදටත් මියෙනදාටත් - එක ලෙස උණුහුමක්
ලැබුනත් නොලැබුනාමත් - නොවෙනස් හදවතක්..

ලඟටත් ලඟට නාවත් - ඈතට ගිය හිතක්..
දැනුනත් නොදැනුනාමත් - නුපුරුදු සුවහසක්..
පිපුනත් පර වු දාටත් - සුවඳින් පිරි මලක්..
ලැබුනත් නොලැබුනාමත් - නොවෙනස් හදවතක්..

බැලුවත් නොබැලුවාමත් - බොඳවුනු සිතුවමක්..
සුසුමක් සුසුම් දහසක් බදු - කඳුලු බින්දුවක්..
හෙටටත් සසර ගණනක් - මා පසු කර ගියත්..
ලැබුනත් නොලැබුනාමත් - නොවෙනස් හදවතක්..

කවදාවත් කවමදාවත්....

ගායනය : සංජීව ලියනගේ
පද රචනය : ආචාර්ය ශිරෝමි අරුණාතිලක
සංගීතය : විශාරද සංජීව ලියනගේ

ලං ලංවෙලා සිතින් මා - නොයෙල් රාජ් | Lan Lan Wela Sithin Ma - Noyel Raj


ලං ලංවෙලා සිතින් මා..
හොර රහසේ ගොළු වෙලා..
දැන දැනත් අහිමි බැව්
මා පෙම් කලා...
මේ පාළු ගිම්හානේ..
තනිකමයි මගෙ උරුමේ..
වෙන් වෙන්න බෑ මට පෙම් කල නිසා..

පැහැසර සිනාවෝ අද සුසුම් එවලා..
හොර රහසෙ ගියේ දෝ..
මේ දෑස හඬවාලා..
මේ පාළු ගිම්හානේ..
තනිකමයි මගෙ උරුමේ..
වෙන් වෙන්න බෑ මට පෙම් කල නිසා..

දුප්පත් කතාවෝ ඇති ලයේ රැස්වෙලා..
අහලා බලන්න එවා මතකද ඒවා..
මේ පාළු ගිම්හානේ..
තනිකමයි මගෙ උරුමේ..
වෙන් වෙන්න බෑ මට පෙම් කල නිසා..

ලං ලංවෙලා සිතින් මා...

ගායනය : නොයෙල් රාජ්
පද රචනය : ඩිලාන් ගමගේ
සංගීතය : රධීශ් වැන්දබෝනා

සඳ නිදනා රෑ යාමේ - කීර්ති පැස්කුවල් | Sanda nidana re yame - Keerthi Pasquel


සඳ නිදනා රෑ යාමේ දිලෙනා තරු පොකුරේ
අරුන්දතී වූවාදෝ සරසා දිවි ගමනේ
මුදු පවනේ තණ පලසේ වැතිරෙමි ඔබ තුරුලේ
සසර පුරා ආවාදෝ දැවටී හසරැල්ලේ

කදුළ නිවා මිහිර ගෙනා මසිත පුරා රැඟූ
කොඳ කැකුලේ මගේ සිහිනේ මල් පිපිනා දිනේ
නෙත රැදුනේ රූ වරුණේ සනසා සිත මාගේ
මහද විලේ පිපුණාදෝ මල් කැකුළී මාගේ

නෙතු කැල්මේ රත ලවනේ මිහිර සදා රැ‍ඳේ
මලවි කුලේ කුමරියනේ මල්සර වෙමි ඔබගේ
මියෙන තුරා අතැර නොයා රැඳිලා මගෙ සෙවණේ
බැ‍ඳෙනු මැනේ පැතුව ලෙසේ මගේ රන් සමනළියේ

මියෙන තුරා අතැර නොයා රැඳිලා මගෙ සෙවණේ
බැ‍ඳෙනු මැනේ පැතුව ලෙසේ මගෙ රන් සමනළියේ
මගෙ රන් සමනළියේ

මගෙ රන් සමනළියේ


ගායනය - කීර්ති පැස්කුවල්
සංගීතය - මහේන්ද්‍රපැස්කුවල්
ගී පද - සුරම්‍ය මාපිටිය



වීඩියෝව ගත්තෙ මෙතනින් - HelaNada

පෙරුම් පිරුවෙ මම - අජිත් කුමාරසිරි, මදිවාදිනී | Perum piruwe mama - Ajith Kumarasiri, Madiwadini


පෙරුම් පිරුවෙ මම සමනළයෙක් වෙන්න
සිද්ධ වුණේ මට යුද සෙබළෙක් වෙන්න
සමනල්ලු ඉගිල්ලුණා යුද්ධය දිග හැරුණා
සමනල්ලු ඉගිල්ලුණා යුද්ධය දිග හැරුණා

මම නිදාගත්තෙ නෑ හීන දැක්කා විතරයි
කඳුළු ආවේ නෑ ලේ ගැලුවා මතකයි
සින්දු කිව්වෙ නෑ වෙඩි තිබ්බා විතරයි
හොඳම සොල්දාදුවා මමයි

පෙරුම් පිරුවෙ මම සමනළයෙක් වෙන්න
සිද්ධ වුණේ මට යුද සෙබළෙක් වෙන්න
සමනල්ලු ඉගිල්ලුණා යුද්ධය දිග හැරුණා
සමනල්ලු ඉගිල්ලුණා යුද්ධය දිග හැරුණා

ඈත ඉඳන් බලන් ඉන්න අය ත්‍රිල් ගන්න
සටන් බිම හරිම භයානකයි මං වින්ද
වෙඩි සද්දෙට
කුරුල්ලෝ බය වෙන හැටි හොඳටම දන්න
හොඳම සොල්දාදුවා මමයි


ගායනය - අජිත් කුමාරසිරි, මදිවාදිනී
සංගීතය, ගී පද - අජිත් කුමාරසිරි
චන්ද්‍රන් රත්නම්ගේ 'අලිමංකඩ' චිත්‍රපටියෙන්

මේ ගීතයේ දෙමළ පද ලියා දිය හැකි මිතුරෙක් සිටී නම් කමෙන්ටුවක් දැමීමට කාරුණික වන්න




වීඩියෝව ගත්තෙ මෙතනින් - msiri perera

නෙතු දැහැන් බිඳී - එඩ්වඩ් ජයකොඩි | Nethu dahan bindi - Edward Jayakodi


නෙතු දැහැන් බිඳී
හද විමන් වදී
සුරඟනක් වගෙයි කුමරී
සෙනෙහසින් වැදී
සිත ගිමන් නිවී
පෙම් කවක් ලියයි මිහිරී

ඝණදුරෙන් මිදී
තරු ‍රැහැන් ඇදී
සිහිනයෙන් වඩී කුමරී
මීදුමෙන් ඇදී
සිසිලසින් එතී
නෙතු අගින් බලයි සොඳුරී

නෙතු දැහැන් බිඳී...

හසඟනන් පිරී
පෙති පියුම් ඇරී
කළඹවයි විලේ වැතිරී
සඳ කැලුම් රිදී
තුරු අගින් මිදී
නෙක දසුන් මවයි කිඳුරී

නෙතු දැහැන් බිඳී...


ගායනය - එඩ්වඩ් ජයකොඩි
සංගීතය - කළණි පෙරේරා
ගී පද - සරත් ආනන්ද ඩිරෙක්ස්





වීඩියෝව ගත්තෙ මෙතනින් - Indiketi Hewage Rohan Indika

මැණිකේ සුදු මැණිකේ - ඇනස්ලි මාලෙවන, මූන්ස්ටෝන්ස් | Manike sudu manike - Annesley Malewana, Moonstones

මැණිකේ සුදු මැණිකේ
මැණිකේ පැතුම් මගේ
හදවතේ සුසුම් නිම වුණා මගේ
සිහින ලොව පිබිදුණා මගේ
හදවතේ සුසුම් නිම වුණා මගේ
සිහින ලොව පිබිදුණා මගේ

කුඹුරේ පහළ කුඹුරේ
කුඹුරේ කරල් පැසේ
මද සුළං හමා නැලවුණා වගේ
කොමල පා යුග නගනු පෙනේ
මද සුළං හමා නැලවුණා වගේ
කොමල පා යුග නගනු පෙනේ

සඳෙහි සුපුන් ස‍ඳෙහි
ස‍ඳෙහි කැළුම් වගේ
හද මගේ සදා ඔබ වෙතේ පුදා
සිතෙහි නව රස පිරි ඉතිරේ
හද මගේ සදා ඔබ වෙතේ පුදා
සිතෙහි නව රස පිරි ඉතිරේ

මැණිකේ සුදු මැණිකේ
මැණිකේ පැතුම් මගේ
හදවතේ සුසුම් නිම වුණා මගේ
සිහින ලොව පිබිදුණා මගේ
හදවතේ සුසුම් නිම වුණා මගේ
සිහින ලොව පිබිදුණා මගේ

කුඹුරේ පහළ කුඹුරේ
කුඹුරේ කරල් පැසේ
හද මගේ සදා ඔබ වෙතේ පුදා
සිතෙහි නව රස පිරි ඉතිරේ
හද මගේ සදා ඔබ වෙතේ පුදා
සිතෙහි නව රස පිරි ඉතිරේ


ගායනය - ඇනස්ලි මාලෙවන, මූන්ස්ටෝන්ස්
සංගීතය, ගී පද - ක්ලැරන්ස් විජේවර්ධන




වීඩියෝව ගත්තෙ මෙතනින් - saskia.s

හරිත වන රේඛාව - කසුන් කල්හාර | Haritha Wana rekawa - Kasun Kalhara



හරිත වන රේඛාවෙන් වර්ණ ගෙන
වියමනක් කරන්න ඔබ ගැන
විඩාපත් මසිත ළඟ මොහොතක් නතර වී
යනවාද ඔබ මට කියන්න

ගලන ගංගාවෙන් සුසර ගෙන
අමුණන්න ගීයක් ඔබ ගැන
විඩාපත් මසිත ළඟ මොහොතක් නතර වී
යනවාද ඔබ මට කියන්න


ගායනය, සංගීතය - කසුන් කල්හාර
ගී පද - චාමින්ද රත්නසූරිය




වීඩියෝව ගත්තෙ මෙතනින් - djceylon

රුවන්මාලි - ක්‍රිස්ටීන් ගුණවර්ධන, ලා සිලෝනියන්ස් | Ruwanmali - Christine Gunawardena, La Ceylonians



ඉඳුනිල් මිණි කැට පරදවන
ඇගේ නෙත් යුවළින් කැලුම් විහිදුන
සිහිනිඟ සුඟ ගත හැකි මිටින
ඒ තොල් නා දලු පරදවන
ඒ තොල් නා දලු පරදවන //
මාලි... රුවන්මාලි...
මාලි... රුවන්මාලි...
මාලි... රුවන්මාලි...
මාලි...

කම්මුල් රත් පැහැයෙන් යුතුය
නිල්වන් වරලස සිත්කළුය
මුතුවන් දත් පෙළ හරි හැඩය
ඇගෙ රුව අමතක නොවෙයි මට
ඇගෙ රුව අමතක නොවෙයි මට
මාලි... රුවන්මාලි...
මාලි... රුවන්මාලි...
මාලි... රුවන්මාලි...
මාලි...

ඉඳුනිල් මිණි කැට පරදවන
ඇගේ නෙත් යුවළින් කැලුම් විහිදුන
සිහිනිඟ සුඟ ගත හැකි මිටින
ඒ තොල් නා දලු පරදවන
ඒ තොල් නා දලු පරදවන
මාලි... රුවන්මාලි...
මාලි... රුවන්මාලි...
මාලි... රුවන්මාලි...
මාලි...


ගායනය - ක්‍රිස්ටීන් ගුණවර්ධන
සංගීතය - ලා සිලෝනියන්ස්
ගී පද - නොයෙල් රණසිංහ



ගීතය අහන්න - Indunil Mini Keta ( Mali Ruwan Mali ) - Christine Gunawardena
මුල් අනුවාදය - Ruwanmali - La Ceylonians

විස්තර 1
විස්තර 2
විස්තර 3

මගෙ ආදරේ තරම් - චන්දන ලියනාරච්චි | Maga adare tharam - Chandana Liyanarachchi

මගෙ ආදරේ තරම්
මගෙ ආදරේ තරම්
මගෙ ආදරේ තරම් දන්නවනම්
ඇයි කඳුලු ඇස් දෙකේ ඔය තරම්
මම දුන්නු පෙම් හැඟුම්
මම දුන්නු පෙම් හැඟුම්
මම දුන්නු පෙම් හැඟුම් නෑ යලි අරන්
නොහඬන්න මා ආදරෙයි රත්තරන්

අහම්බෙන් ඇවිත් ළං වෙලා
වෙනස් කළා මගෙ ජීවිතේ
දුරස් වුණොත් ඔබ නොසිතනා ලෙසින්
මියැදේවී මා ඔබ නැති වුණොත් සොවින්

මගෙ ආදරේ තරම්
මගෙ ආදරේ තරම්
මගෙ ආදරේ තරම් දන්නවනම්
ඇයි කඳුලු ඇස් දෙකේ ඔය තරම්

හීන් ඇස් වලින් බල බලා
මතක් කළා මට ආදරේ
දුරස් උනොත් ඔබ නොසිතනා ලෙසින්
මියැදේවී මා ඔබ නැති උනොත් සොවින්

මගෙ ආදරේ තරම්
මගෙ ආදරේ තරම්
මගෙ ආදරේ තරම් දන්නවනම්
ඇයි කඳුලු ඇස් දෙකේ ඔය තරම්
මම දුන්නු පෙම් හැඟුම්
මම දුන්නු පෙම් හැඟුම්
මම දුන්නු පෙම් හැඟුම් නෑ යලි අරන්
නොහඬන්න මා ආදරෙයි රත්තරන්


ගායනය - චන්දන ලියනාරච්චි
සංගිතය - ප්‍රියන්ත නාවලගේ
ගී පද - ෂෙහාන් ගලහිටියාව


අතිනත අරන් යන විට - සංඛනී එදිරිසිංහ | Athinatha Aran Yanavita - Sankani Edirisinghe


අතිනත අරන් යන විට සෙමින්..
නව නෑසියන් සමඟින් මෙසේ..
මංගල සිලෝ හඩ අභිබවා මට..
නුඹේ මෘදු කටහඩ ඇසේ..
පියානෙනි...
ඔබේ ඇමතුම් හඬ ඇසේ...

මඟ නොමඟ මේ යැයි කියා..
ජීවිතේ අග මුල සොයා..
ඔබ කියාදුන් මහඟු පාඩම
හදේ ගැඹුරුම තැන තියා..
මගේ ඉරණම් ගමන මම යමි
ස්නේහයේ නව මං සොයා..

පන්නරය ලැබ ඔබ වෙතින්..
ජීවිතය සැකසුනු බැවින්..
පරපුරේ ගෞරවය රැකගෙන..
හිදින්නෙමි පතිනිය ලෙසින්..
දරු සෙනේ ඇට මිදුලු ගිනි බිද..
පවතිනා බව දනිමි මං..

අතිනත අරන් යන විට....

ගායනය : සංඛනී එදිරිසිංහ
පද රචනය : බණ්ඩාර ඇහැලියගොඩ
සංගීතය : රෝහණ වීරසිංහ

චන්ද්‍රමුඛී නුඹ නාඩන් - චින්තක ගීතදේව | Chandramuki Nuba Nadan - Chinthaka Geethadewa


චන්ද්‍රමුඛී නුඹ නාඩන්..
විත පුරවාගෙන දීපන්..
පෑනක් කොලයක් අරගෙන..
පාරොට ලියුමක් ලියපන්...//

ඉස්කෝලේ අටට පාස්..
සහතිකේට වෙයිද වහක්..
නුඹ නැතිදා කොහෙද රහස්..
මං බේබදු දේව්දාස්..

හිත පෑරෙනවාද පාරෝ..
අත් අරින්න බැරි ගීතේ..
සඳ නැතිදා වාගේ..
කළුවරමයි අහසේ..

චන්ද්‍රමුඛී නුඹ නාඩන්..
විත පුරවාගෙන දීපන්..
පෑනක් කොලයක් අරගෙන..
පාරොට ලියුමක් ලියපන්...//

ගායනය : චින්තක ගීතදේව

එකමත් එක දවසක - නිරංජලා මංජරී | Ekamath eka dawasaka - Niranjala Manjari

එකමත් එක දවසක
සිඳීගිය වැව් ඉවුරක
සරා සඳ එක්ක අපි උන්නා
අපිට අපි නොපෙනෙනා අඳුරේ
මට ඔබව දැනුණා
ඔබට මා දැනුණා
මතකද එදා ආදරය අපේ ළඟ තිබුණා
මතකද එදා ආදරය අපේ ළඟ තිබුණා

අහසේ ඈත කෙලවර
නිවි නිවී දිළෙනා
තරු පොකුරු වලට
අපි කවි කිව්වා
ජීවිතේ ගිම්හානයේ
අපි වස්සාන හීන මැව්වා
මතකද එදා ආදරය අපේ ළඟ තිබුණා
මතකද එදා ආදරය අපේ ළඟ තිබුණා

එකමත් එක දවසක
සාගරේ ලවැලි වෙරළක
අපි සිතිජ ඉමට
සිත් පා කෙරුවා
අතරමං වූ ජීවිතේ
අපි මඟ සලකුණු සෙව්වා
මතකද එදා ආදරය අපේ ළඟ තිබුණා
මතකද එදා ආදරය අපේ ළඟ තිබුණා

එකමත් එක දවසක
සිඳීගිය වැව් ඉවුරක
සරා සඳ එක්ක අපි උන්නා
අපිට අපි නොපෙනෙනා අඳුරේ
මට ඔබව දැනුණා
ඔබට මා දැනුණා
මතකද එදා ආදරය අපේ ළඟ තිබුණා
මතකද එදා ආදරය අපේ ළඟ තිබුණා


ගායනය - නිරංජලා මංජරී
සංගීතය - ලෙලුම් රත්නායක
ගී පද - චරිත් සේනානායක




වීඩියෝව ගත්තෙ මෙතනින් - Guerilla Filmmakers
Related Posts Plugin for WordPress, Blogger...