ගිලෙම් ඔබේ ගුණ මූදේ - ඩබ්ලිව්. ඩී. අමරදේව | Gilem obe guna moodhe - W. D. Amaradewa


ගිලෙම් ඔබේ ගුණ මූදේ
විඳිම් ඔබේ දම් සාදේ
වඳිම් වඳිම් ඔබ පාදේ
තිලොඅග බුදු සමිඳේ
තිලොඅග බුදු සමිඳේ

සිඳ බිඳ මොහඳුර පාප
දැල් වූ දහම් ප්‍රදීප
හෙළි කළ අප හෙළ දීප
තිලොඅග බුදු සමිඳේ
තිලොඅග බුදු සමිඳේ

සිල් ගත් දිනිඳුන් සේම
සිල් තෙද ගුණ ඇති සෝම
සත හට පෑ මවු ප්‍රේම
තිලොඅග බුදු සමිඳේ
තිලොඅග බුදු සමිඳේ

ගිලෙම් ඔබේ ගුණ මූදේ
විඳිම් ඔබේ දම් සාදේ
වඳිම් වඳිම් ඔබ පාදේ
තිලොඅග බුදු සමිඳේ
තිලොඅග බුදු සමිඳේ

තිලොඅග බුදු සමිඳේ ////


ගායනය, සංගීතය - ඩබ්. ඩී. අමරදේව
ගී පද - අරිසෙන් අහුබුදු




උපත ලබා මේ ලෝකේ - ධර්මදාස වල්පොල | Upatha laba me loke - Dharmadasa Walpola

උපත ලබා මේ ලෝකේ
සැපත නැතේ වේ සෝකේ
උපත ලබා මේ ලෝකේ
සැපත නැතේ වේ සෝකේ
විපත යෙදේවී කර්මේ පාපේ ලෙසේ
කර්මේ පාපේ ලෙසේ

දනපතිඳා හා දුගියා
කුලපතිඳා හා රොඩියා
කුලපතිඳා හා රොඩියා
නැණවතු හා මෝඩ ජනයා
බලවතු හා ලෝ සැමටා
නැණවතු හා මෝඩ ජනයා
බලවතු හා ලෝ සැමටා
විපත යෙදේවී කර්මේ පාපේ ලෙසේ
කර්මේ පාපේ ලෙසේ

සැපම සොයාලා නිතිනී
මනුසත මේ ලෝ රැවටී
මනුසත මේ ලෝ රැවටී
රුදු අපරාදේ ගැලෙතී
ගොර දුක වේවී නිරෙහී
රුදු අපරාදේ ගැලෙතී
ගොර දුක වේවී නිරෙහී
විපත යෙදේවී කර්මේ පාපේ ලෙසේ
කර්මේ පාපේ ලෙසේ

සැම රෙදි සේදී ජලෙනී
පිරිසිදු වේවී සොඳිනි
පිරිසිදු වේවී සොඳිනි
දන මන සෝදා ලනසේ
ඔසු නැත මේ ලෝකේහී
දන මන සෝදා ලනසේ
ඔසු නැත මේ ලෝකේහී
විපත යෙදේවී කර්මේ පාපේ ලෙසේ
කර්මේ පාපේ ලෙසේ


ගායනය - ධර්මදාස වල්පොල
සංගීතය - ආර්. මුත්තුසාමි


නෙතින් නෙත බලාලා - රෝහණ බෝගොඩ | Nethin netha balala - Rohana Bogoda


නෙතින් නෙත බලාලා හිතේ දුක නිවා
අදින් පසු නිවේවී අපේ ඒ කතා
රකින්නට සෙනේහේ හඬන්නට එපා
නිමාවක් නොවේ මේ ඇරඹුමක් නිසා

ඈත් බව දැනීලා ඔබේ හා මගේ
දුරක් ආ නිසා දැන් දුකත් ඒ වගේ //
මහා සාගරේ සේ තිබුණත් හිතේ
කුමට හිමි වුණාදෝ අහිමි ආදරේ

රකින්නට සෙනේහේ හඬන්නට එපා
නිමාවක් නොවේ මේ ඇරඹුමක් නිසා

පතන්නට පවා මා වරම් අහිමි වූ
හැඟීමක් රිදුම් දේ හෙටට උරුම වූ //
දිනන්නට කිසිත් නෑ ලොවේ මින් මතු
මගෙන් ඔබ ඈත් වී ගියායින් පසූ

නෙතින් නෙත බලාලා හිතේ දුක නිවා
අදින් පසු නිවේවී අපේ ඒ කතා
රකින්නට සෙනේහේ හඬන්නට එපා
නිමාවක් නොවේ මේ ඇරඹුමක් නිසා


ගායනය - රෝහණ බෝගොඩ
ගී පද - දයා ද අල්විස්
සංගීතය - ස්ටැන්ලි පීරිස්


දෙනෝදහක් ගැවසෙන සරසවියේ - මිල්ටන් මල්ලවාරච්චි | Denodahak gewasena sarasaviye - Milton Mallawarachchi

දෙනෝදහක් ගැවසෙන සරසවියේ
පාළුව තනිකම දැණෙනවනම්
කුටියේ කවුළුව විවර කරනු මැන
සුළඟක් වී ඔබ වෙත එන්නම්

ඔබ සරසවියක මා පොඩි ගෙපැලක
එක්වන්නට අද වරම් නැතේ //
එකම පන්තියේ එක ළඟ ඉඳගෙන
පාසල් ගිය හැටි සිතට නැගේ

දෙනෝදහක් ගැවසෙන...

ඔබ හා අත්වැල් බැඳ ඇවිදින්නට
පෙරුම් පිරූ පාසැල් සමයේ //
සිල්ප සතර රැඳුණේ නැහැ මා සිත
ඒ හින්දයි අපි දුරස් වුණේ

දෙනෝදහක් ගැවසෙන...


ගායනය - මිල්ටන් මල්ලවාරච්චි
ගී පද - විජය රාමනායක
සංගීතය - සරත් දසනායක


දෙනෝ දාහක් නුවන් අතරේ - නන්දා මාලිනී | Deno dahak nuwan athare - Nanda Malini


දෙනෝ දාහක් නුවන් අතරේ
කවුරුදෝ මා
තනි කළේ
තනි කළේ
පාසැල් බිමේ

සිනා කෙළිලොල් තෙපුල් රහසේ
දෙඩූ තැන් අද ගොළු වෙලා
සොඳුරු පාසැල් පියස
කඳුලින් බොඳ වෙලා
කැදැල්ලෙන් ඔබ වෙන් වෙලා

නිබඳ ඔබ මා ඇවිද ගිය තැන්
සෙවණ දුන් ගහ කොළ පුරා
බිමට බරවුණු කැකුළු
අතු ඉති මැලවිලා
දුකින් හදවත ගොළුවෙලා

දෙනෝ දාහක් නුවන් අතරේ...


ගායනය - නන්දා මාලිනී
ගී පද - කුලරත්න ආරියවංශ
සංගීතය - වික්ටර් රත්නායක




සමනල රෑනක් සේ - ඉන්ද්‍රාණි පෙරේරා, මිල්ටන් මල්ලවආරච්චි  | Samanala renak se - Indrani Perera, Milton Mallawarachchi



සමනල රෑනක් සේ
අනන්ත හැඟුම් මැවේ
කෙසේදෝ කියන්නේ
මගෙ දිව දෙතොල් අතර සැංගේ //

පොපියුණු සිතුවිලි අවදි වෙවී
සිත තෙ‍රපෙයි නතර නොවී
ළා දළුවක් මෙන් මහද සැලේ
නෙත් යුග එක් රුවක වෙලී //

සමනල රෑනක් සේ...

දේදුණු දහසක් සේ
ප්‍රසන්න දසුන් පෙනේ
රිදී මල් සිනා පා
සීගිරි ළඳක් පිබිද ළංවේ //

සිහිවෙන පණ නල රැඳෙන තුරු
එය දවසකි පෙරුම් පිරූ
ඔබෙ වත සඳවත ලෙසින් සොමි
මම දින දින ‍පතන්නෙමි //

දේදුණු දහසක් සේ...

කෙසේදෝ කියන්නේ
මගෙ දිව දෙතොල් අතර සැංගේ
රිදී මල් සිනා පා
සීගිරි ළඳක් පිබිද ළංවේ //



ගායනය - ඉන්ද්‍රාණි පෙරේරා, මිල්ටන් මල්ලවාරච්චි
ගී පද - ප්‍රේමකීර්ති ද අල්විස්
සංගීතය - පැට්‍රික් දෙණිපිටිය


ආදරියේ රුචිරාණනියේ - මොහිදීන් බෙග් | Adariye ruchirananiye - Mohideen Baig


ආදරියේ රුචිරාණනියේ
ලියලනවා තව තව ශෝකේ
වැලපෙනවා මා අද හිර ගේ
ආදරියේ රුචිරාණනියේ

ලියලනවා තව තව ශෝකේ
වැලපෙනවා මා අද හිර ගේ
ආදරියේ රුචිරාණනියේ

මගෙ ආදරියේ සුව නින්දේ
රස සිහින වැලේ එතිලා
හමනා සුළඟද මේ එන්නේ
කවදද ඇයගේ මුව කමලේ
ඔද වැඩෙන සිනා රසයේ
ගිලිලා යලි මා සැනසෙන්නේ

ආදරියේ රුචිරාණනියේ
ලියලනවා තව තව ශෝකේ
වැලපෙනවා මා අද හිර ගේ
ආදරියේ රුචිරාණනියේ

මා හා ඇයි මේ සතුරු වැල මැද
කඳුළු පෙරා සිහලුන් මේ ලොවේ
නෑ නෑ ළත වෙන්නේ
බල පා තෙද පා දැඩි එඩි පා
මේ යදම් කඩා පුපුරා යන සේ
කකියා යයි රුහිරේ

ආදරියේ රුචිරාණනියේ
ලියලනවා තව තව ශෝකේ
වැලපෙනවා මා අද හිර ගේ
ආදරියේ රුචිරාණනියේ



ගායනය - මොහිදීන් බෙග්
ගී පද - ශ්‍රී චන්ද්‍රරත්න මානවසිංහ
සංගීතය - සජාඩ් හුසේන්


රැයක් උපද්දා - මිල්ටන් මල්ලවආරච්චි | Rayak upadda - Milton Mallawarachchi

රැයක් උපද්දා හිරු ඈත්ව යන්නා
අළුත් හැඟුම් දී හෙට ආයෙත් නැගෙන්නා//

අමා වෑහෙනා සඳේ රෑ වුණා
උතුරා රස මීවිතේ
පිරුණා අද ජීවිතේ

රැයක් උපද්දා...

සරා ගී මුතු කියා පෑ යුතු
පෙරළා රැළි සාගරේ
ලිව්වා මගෙ ආදරේ

රැයක් උපද්දා...

ගලා ආ රැළී ඇදීලා යළි
වෙරළේ ලියු ආදරේ
පිසදා ඇත සාගරේ

රැයක් උපද්දා...//



ගායනය - මිල්ටන් මල්ලවාරච්චි
ගී පද - ප්‍රේමකීර්ති ද අල්විස්
සංගීතය - පැට්‍රික් දෙණිපිටිය


ඔයා නිසා හඬලා - රොෂාන් ප්‍රනාන්දු | Oya Nisa Hadala - Roshan Fernando



ඔයා නිසා හඬලා - මගෙ ඇසුත් රිදුනා..
තරහ වෙලා - හැර ගියදා..
පාළුවේ උන්නේ...වේදනා දැනුනේ...//

සිහිකරලා ඔබ ගැන මා හඬලා..
තවමට නැ සැනසිලක් ලැබිලා..
පෙම බිඳලා - ඔබ ගියදා ඉදලා..
තනිවීලා ඉන්නේ සැමදා...
ඉන්නේ සැමදා...

ඔයා නිසා හඬලා...

සෙනෙහස මා මද සුලඟක් කරලා..
පා කෙරුවා එන ලෙස ඔබ සොයලා..
සුසුමක් වී - ඒ සුළගේ එතිලා..
ඉමු නැලවී මා හා බැදිලා...
මා හා බැදිලා...

ඔයා නිසා හඬලා...//

ගායනය : රොශාන් ප්‍රනාන්දු
පද රචනය : අයෝද්‍යා ප්‍රනාන්දු
සංගීතය : රදීශ් වැන්දබොන

කුමුදුනිය ඔබයි මගේ - ඉන්දු අමරනාත්  | Kumuduniya obai mage - Indu Amaranath

කුමුදුනිය ඔබයි මගේ පිපුණු හද විලේ
කුමුදු මල මගේ
නැගුණු සඳ ඔබයි රැයේ අඳුරු විජිතයේ
සඳ එලිය වගේ
සඳවතිය මගේ

අඳුර මැද සැරූ ඔහේ ලපටි සිත මගේ
එලිය දුටිමි නතර වී කැල්ම ඔය නෙතේ
මුලු ලෝකෙම මගේ මැයි මට දැනුණෙ ළඳේ
සිසිලයි ඔබේ සෙනේ වදන් ඇසූ ඒ දිනේ
සඳ එළිය වගේ ලැබූ ඔබේ සෙනේ

කුමුදුනිය ඔබයි මගේ...

මිහිර පැතූ මිහිරියේ සුවඳ කුසුමියේ
සිටින විටදි ඔබ ළඟින් සිත නිවී සැලේ
දිවි ගිම් නිවේ ඉතින් මගේ නිසා ඔබ ප්‍රියේ
භව භව පුරා සරමි නෙතින් පතමින් ඔබේ සෙනේ
සඳවතිය මගේ සොඳුරු විජිතයේ


ගායනය - ඉන්දු අමරනාත්
සංගීතය - රංග දසනායක
ගී පද - කසුන් ගුණතිලක



දකුණ නැගෙනහිර - අයිවෝ ඩෙනිස් | Dakuna nagenahira - Ivor Dennis

දකුණ නැගෙනහිර බටහිර උතුරද
එක කොඩියේ හෙවණේ
එකමැ දැයක් වී මහ බලයක් වී
පෙරටමැ යමු ලංකා ලංකා
ඉපැදුණු අප හට ලක් පොළොවේ
සුරුවිරුකම් උපතින් හුරු වේ
දක්වමු දස්කම් ලක්කම් විස්කම්
විස්මවමින් මුලු ලෝ

කන්දට කෙන්දට කොන්දට හුරුවී
වන් වන් අත සුරුවී
විපත පවා සැපතට හරවාලා
පෙරටමැ යමු ලංකා ලංකා
ඉපැදුණු අප හට ලක් පොළොවේ
සුරුවිරුකම් උපතින් හුරු වේ
දක්වමු දස්කම් ලක්කම් විස්කම්
විස්මවමින් මුලු ලෝ

වැටුණත් නැඟිටිමු වැටි වැටි නැඟිටිමු
නැඟැ නැඟැ යමු දියුණේ
බාධා වලටද බාධා ගෙනැ දී
පෙරටමැ යමු ලංකා ලංකා
ඉපැදුණු අප හට ලක් පොළොවේ
සුරුවිරුකම් උපතින් හුරු වේ
දක්වමු දස්කම් ලක්කම් විස්කම්
විස්මවමින් මුලු ලෝ

වීර විකුම් පෑ ආදි මුතුන් ගිය
පාර අපේ උරුමේ
නෑර ඔවුන් මඟ සූර ලෙසින් වැද
පෙරටමැ යමු ලංකා ලංකා
ඉපැදුණු අප හට ලක් පොළොවේ
සුරුවිරුකම් උපතින් හුරු වේ
දක්වමු දස්කම් ලක්කම් විස්කම්
විස්මවමින් මුලු ලෝ



ගායනය - අයිවෝ ඩෙනිස්
ගී පද - අරිසෙන් අහුබුදු
මුල් ගැයුම - සුනිල් සාන්ත



LankaMusicTube

කිරි කවඩි සිනහ නොදැක බැඳුණු ආදරේ - දයාරත්න රණතුංග | Kiri kawadi sina - Dayarathna Ranathunga


කිරි කවඩි සිනහ නොදැක බැඳුණු ආදරේ
ඔබෙ අහංකාර බැල්මට බැඳි ආදරේ
ආදරේ... ආදරේ...
කිරි කවඩි සිනහ නොදැක බැඳුණු ආදරේ

පුළුලු උකුල සිහිනිඟ සුඟ
සුනිල උපුල දිගු නෙත් යුග
සඳැස් කවක උපමාවක් යොදාලා
පෙම් කවක් ලියන්නෙමි පත් ඉරු පුරාලා
පෙම් කවක් ලියන්නෙමි පත් ඉරු පුරාලා

කිරි කවඩි සිනහ නොදැක බැඳුණු ආදරේ...

නැකැත් අරන් මා එනතුරු
හෙට කුකුළා හඬළන තුරු
ප්‍රේම ගඟේ ගීය හෙමින් ගයාලා
අපි යන්න යමුද පෙම් ඔරුවක නැගීලා
අපි යන්න යමුද පෙම් ඔරුවක නැගීලා

කිරි කවඩි සිනහ නොදැක බැඳුණු ආදරේ...//


ගායනය, සංගීතය - දයාරත්න රණතුංග

කඳුළු දෙන්න මට හඬන්න - සුනිල් එදිරිසිංහ | Kandulu denna mata handanna - Sunil Edirisinghe


කඳුළු දෙන්න මට හඬන්න
සත් සමුදුරු ගොඩ ගලන්න
සුසුම් දෙන්න මට හෙලන්න
සක්වල ගල සසළ වන්න//

හිත උපන්න ආලවන්ත
ඒ රුව කෝ මට කියන්න
මගේ තනියට මා පමණයි
ඇය එවන්න මා බලන්න

කඳුළු දෙන්න මට හඬන්න...

ලිහිණියනේ පියාඹන්න
ඇය ඇති තැන සොයා යන්න
මා මිය යන බව පවසා
ඇය එවන්න මා බලන්න

කඳුළු දෙන්න මට හඬන්න..


ගායනය - සුනිල් එදිරිසිංහ
ගී පද - ජයරත්න ගමගේ
සංගීතය - රෝහණ වීරසිංහ


සැණකෙළියේ සඳ එළියේ - ක්ලැරන්ස් විජේවර්ධන | Sanakeliye sanda eliye - Clarance Wijewardena


සැණකෙළියේ සඳ එළියේ දිමුතු ලතාවයි
සිළි සිළියේ සියුමැලියේ ඔමරි හිනාවයි
ඔමරි හිනාවයි ඔමරි හිනාවයි
සැණකෙළියේ සඳ එළියේ දිමුතු ලතාවයි

නෑ කිසි දුකක් සිතේ සීතල පවන් වැදේ
හිරිමල් යොවුන් විලාසේ
දෑසින් හොරෙන් වගේ ආදර හැඟුම් මැවේ
සමනළ ගමන් ලතාවේ

සැණකෙළියේ සඳ එළියේ...

මහ බඹු කොටා ඇතේ ඉරණම සිනාසුනේ
කාගෙද කවුදෝ දන්නේ
ජීවන ගමන් මගේ මාවත වෙනස් වුණේ
අද රෑ විනෝද වන්නේ

සැණකෙළියේ සඳ එළියේ...

නෑ කිසි දුකක් සිතේ සීතල පවන් වැදේ...

සැණකෙළියේ සඳ එළියේ...



ගායනය, සංගීතය - ක්ලැරස්න් විජේවර්ධන
ගී පද - සිරිල් ඒ සීලවිමන



සිනාසෙන්න බෑනේ - රොමේෂ් සුගතපාල | Sinasenna bene - Romesh Sugathapala


හැඟුම් මත් කලා ඒ නුරා දෑසෙ මායා
නැගූ මල් සිනා හද පුරා සුවඳ දීලා
ඉගිලී ගියාදෝ සයුරෙන් එහා
දුර යන්නෙ හැංගෙන්නෙ මගෙ හිත දවාලා

සිනාසෙන්න බෑනේ ඔබේ සුවඳ නෑනේ
කොහෙදෝ මා දමා ඉගිලුනේ//

නිල්වන් ගැබේහී සඳ හැංගුණා සේ
ඔබ එයිද ආයෙ දෑස පේන මානයේ
මල පර වුණා සේ නොපිපේද ආයේ
හද රැන්දු සිහිනේ බොඳ වෙයිද මාගේ
හද විලම සනසන්න දුක මගෙ නිවාලා

සිනාසෙන්න බෑනේ ඔබේ සුවඳ නෑනේ
කොහෙදෝ මා දමා ඉගිලුනේ//

සංසාර හීනේ ඔබ නේද මාගේ
මේ පෙම් කතාවේ ගිණි ඇවිලිලානේ
හමුවන්න ආයේ පෙරුමන් පුරන්නේ
ගිණි දැවෙන ලෝකයේ මං තනි වෙලානේ
මුණ ගැහුණ තැන තාම මම ඉන්නවා

සිනාසෙන්න බෑනේ ඔබේ සුවඳ නෑනේ
කොහෙදෝ මා දමා ඉගිලුනේ///

සිනාසෙන්න බෑනේ...


ගායනය, සංගීතය - රොමේෂ් සුගතපාල
ගී පද - නන්දන වික්‍රමගේ

මේ අමාවක රැයේ - දයාන් විතාරණ | Me amawaka raye - Dayan Vitharana

මේ අමාවක රැයේ
පුර හඳක් ඒවී
හිත පුරා පිපෙණා
කිරණ ගලනා
නුඹේ ආදරයෙන් සිත
නිවී සැනහෙනවා

පහන් තරු රැළ
කුමකටද වෙන
නිවි නිවී දිලෙනා
අරුම දකිනට පුර හඳේ
නිවන් දකිනා ජාති ජාතිත්
නුඹේ හිත මට
පිං තනා දෙනවා

මේ අමාවක රැයේ....

සදා සුවඳින්
සදා මා සිත
සුභ සිහින සදනා
අඳුර වෑහෙන තුන් යමේ
දෑස් පියවා සිතෙන් ළංවී
තුරුළු කර ගමි
නොහිම් ආදරයෙන්

මේ අමාවක රැයේ....

ඇස් අරින්න... බලාපොරොත්තුවක් නොව මට...
හද ගැහෙන... නැවුම් පවන් පොදක් මට නුඹ...
ඉතින් මට කියන්න... නුඹ ගැන කියන්න...
කොයින්ද මට... උපමාවක්...


ගායනය - දයාන් විතාරණ


සිහින කන්ද අසල - සිහ ශක්ති  | Sihina kanda asala - Siha Shakthi


සිහින කන්ද අසල
නොදරු පැටව් විලස
තැවෙන දනට වෙන්න සරණේ
නෙතට නැතිව ‍නින්ද
දුකම විඳින ලොවට
දෙවිඳ වෙන්න අරුණ කිරණේ

උයන රකින අයම
උයන මල් ගොමු සිඳ දානම්
ගඟුල උරුම අයම
ගඟුල බොර කර වනසා නම්
රටම කරන අයම
එරට නිදහන් බිලි දේ නම්
කියමු කාට මිතුර
ගයනු මිසක මෙලෙස
විපත දසත පෙනෙන දෙරණේ

සිහින කන්ද අසල...

පරෙවි තුඩෙහි රැඳුණ
පියුම රතැසින් වනසා නම්
මියන හිරුම දකිනු රිසිව
සයුරට පිටුපා නම්
කරන හොඳම අකුණ විසල
පසුපස එලවා නම්
කියමු කාට මිතුර
ගයනු මිසක මෙලෙස
විපත දසත පෙනෙන දෙරණේ

සිහින කන්ද අසල...


ගායනය - සිහ ශක්ති


සතර වටින් කළු කරගෙන - සුජාතා අත්තනායක | Sathara watin kalu karagena - Sujatha Aththanayaka


සතර වටින් කළු කරගෙන වහින වෙලාවේ
මට මුවාවෙන්ට ගසකුත් නැති සැඳෑ වෙලාවේ
අතර මගක සිටි මා කුඩේ යටින් කැන්දා
ගෙදර ගිහින් ඇරලූ දා
මතකයි අද වාගේ

එදා ඉඳන් මග බැලුවා රුව දකින්න ඔබේ
දෑතේ වළලු රණ්ඩු උනා අඩි සද්දෙට ඉබේ //
දෙතොල නැගේ සිනහා නැවුම් පැතුම් සනහා
හදේ මැවෙයි සුපෙම් කල්පනා

සතර වටින් කළු කරගෙන වහින වෙලාවේ
මට මුවාවෙන්ට ගසකුත් නැති සැඳෑ වෙලාවේ
අතර මගක සිටි මා කුඩේ යටින් කැන්දා
ගෙදර ගිහින් ඇරලූ දා
මතකයි අද වාගේ

එදා මෙදා සිත සපුරා විඳ අනන්ත සුවේ
දෑත දෑත එකතු උනා ප්‍රාර්ථනා ලොවේ //
නැවුම් පැතුම් සරසා හිසේ කුසුම් වරුසා
ඔබේ සෙවන සදා වසනා

සතර වටින් කළු කරගෙන වහින වෙලාවේ
මට මුවාවෙන්ට ගසකුත් නැති සැඳෑ වෙලාවේ
අතර මගක සිටි මා කුඩේ යටින් කැන්දා
ගෙදර ගිහින් ඇරලූ දා
මතකයි අද වාගේ


ගායනය - සුජාතා අත්තනායක / ස්ටැන්ලි පීරිස්
සංගීතය - ස්ටැන්ලි පීරිස්



SaGa

රනින් මාල - ග්‍රේෂන් ආනන්ද | Ranin mala - Greshan Ananda

රනින් මාල මගේ ඇඹේනියගෙ ගෙලට නෑ
රහට හැදෙන රස මසවුළු ඇගේ කුසට නෑ
කරදිය රැළි උඩින් දමන මග සලකුණු නෑ
අපට කරදිය රැළි උඩින් දමන මග සලකුණු නෑ

ඔරු කඳ ලත වෙනවා මැදැළ හැනැහෙනවා
අඳුරේ පිට වෙනවා යළි උදයේ එනවා //
රළු කරදිය වැල් වෙලා එළොවක සිහිනේ බලා
ඝණ අඳුරේ අප සැමදා වෙලීලා

රනින් මාල මගේ ඇඹේනියගෙ ගෙලට නෑ...

නෙත නිදි වැරුම අපේ දහදිය කඳුළු අපේ
මසුරන් මසුන් අපේ තඹ කාසියට කැපේ //
රළු කරදිය වැල් වෙලා එළොවක සිහිනේ බලා
ඝණ අඳුරේ අප සැමදා වෙලීලා

රනින් මාල මගේ ඇඹේනියගෙ ගෙලට නෑ...


ගායනය, සංගීතය - ග්‍රේෂන් ආනන්ද
ගී පද - කේ.ඩී.කේ. ධර්මවර්ධන



තරුද නිදන මහ රෑ - නන්දා මාලිනී | Tharuda nidana maha re - Nanda Malini


තරුද නිදන මහ රෑ
නිදමි ම හද නිදි නෑ
මතක පොතේ කඳුළින් කටු ගෑ
කවි කියවෙයි මහ රෑ //

පිණි විසිරෙන විට වටහා ගනු මැන
දෙනෙතින් කඳුළැලි ගලන තරම්
රෑහි හඬන විට හඳුනා ගනු මැන
රෑ තුන් යාමේ හඬන හැඩුම්

තරුද නිදන මහ රෑ...

සුළඟ නොවේ මේ පාවී එන්නේ
කුටියක සිරවී හෙලන සුසුම්
අතු අග පරවී බිමට වැටෙන්නේ
සමනළ යුගයක පිපුණු කුසුම්

තරුද නිදන මහ රෑ... //

ගායනය - නන්දා මාලිනී
සංගීතය - රෝහණ වීරසිංහ



දොඹ මලින් මලෙක - එඩ්වඩ් ජයකොඩි | Domba malin maleka - Edwerd Jayakodi - sinhala lyrics


දොඹ මලින් මලෙක රේණු තලන
තුරුණු බඹර රැහේ
මද මතින් ඉපිල රඟනු බලා
මල් මුවරද සැලේ//

හද සුවය මවෙත රඳන විහඟ ගීතයයි
සුව සිහින වැලෙක මල් පීදෙන කාලයයි
නව යෞව්වනේ පිපි මල් වනේ
රණ තිසර ළමැද සෙවණේ මධු සාදයයි

දොඹ මලින් මලෙක රේණු තලන...

වන වදුළු පුරා නිල්ල නිලන කාලයයි
රණ මොණර කිකිණි හඬින් නැගෙන තාලයයි
හසරැල් සලා කඳුලැල් නිවා
සිත නිබඳ සොයන නිමල සොඳුරු ගීතයයි

දොඹ මලින් මලෙක රේණු තලන...//


ගායනය - එඩ්වඩ් ජයකොඩි
සංගීතය - රෝහණ වීරසිංහ
ගී පද - කුමරදාස සපුතන්ත්‍රී




හීන විල මල් පිපී - ඉන්සිත් | Heena vila mal pipee - Insith

හීන විල මල් පිපී මුදාහල සිරියාව
හෙමි හෙමින් ඇවිත් හිත් මාලිගේ දොර ගාව
හමන විට ඒ සුවඳ ආදරේ නුඹ පෑව
දැවටෙන්න හිතයි ආයෙමත් නුඹ ගාව
දැවටෙන්න හිතයි ආයෙමත් නුඹ ගාව

පිණි වැටී හිනාවෙන මල් දෙවැට අද්දරට
මගේ නෙතු පියාගෙන හිඳින්නම් එනවාද
තවත් එක වතාවක් නුඹේ සුවඳ විදගන්න
හංසියේ එනවාද ගුරුපාරේ ඇවිදින්න

තාරුකා නෙතු හරින නිහඬ රෑ මැදියමක
ඈතටම දිව ගිහින් හිත මවයි මල් හීන
නෙතු හරින එකම එක ඇසිල්ලක නුඹ පැමිණ
දිගහරී සෙනෙහසින් මගේ සමනළ මතක


හීන විල මල් පිපී මුදාහල සිරියාව
හෙමි හෙමින් ඇවිත් හිත් මාලිගේ දොර ගාව
හමන විට ඒ සුවඳ ආදරේ නුඹ පෑව
දැවටෙන්න හිතයි ආයෙමත් නුඹ ගාව
දැවටෙන්න හිතයි ආයෙමත් නුඹ ගාව
දැවටෙන්න හිතයි ආයෙමත් නුඹ ගාව


ගායනය - ඉන්සිත්
සංගිතය - කසුන් කල්හාර



රහසේ හඬනා - නීලා වික්‍රමසිංහ, ක්ලැරන්ස් විජේවර්ධන | Rahase handana - Neela Wickramasinghe, Clarance Wijewardena

Add caption

රහසේ හඬනා අප හැඟුම්
ලොව නෑ දන්නේ අප පැතුම්
ලා සඳු පායනා රැයේ
පිණි සේ තරු සේ
තනි වී තැවෙනා පෙම් සුසුම්

හිරිමල් වයසේ සෙනෙහෙන් බැඳී එදා
මතකේ නොමියේ ඔබ මා සිතින් සදා
ආදරයේ රස මියුරු වේදනා

රහසේ හඬනා අප හැඟුම්...

සඳ රෑ සිහිනේ සෙවණැල්ල සේ වෙලී  
ඉමු අපි සොඳුරේ සුපුරුදු ලෙසින් බැඳී
ආදරයේ රස මියුරු වේදනා

රහසේ හඬනා අප හැඟුම්...

රහසේ හඬනා අප හැඟුම්
ලොව නෑ දන්නේ අප පැතුම්//


ගායනය - නීලා වික්‍රමසිංහ / ක්ලැරන්ස් විජේවර්ධන

චන්ද්‍ර මඬල - සුනිල් එදිරිසිංහ | Chandra madala - Sunil Edirisinghe

චන්ද්‍ර මඬල බැද්ද වටින් මෝදු වෙලා
කළු නැන්දගෙ දුව යන්ට ගියා බැල්ම හෙලා
බැල්ම හෙලා //

පාළු පැලේ අඳුර පිරේ
මගෙ පැලට වරෙන් හනික සෝඩි නඟේ //

චන්ද්‍ර මඬල බැද්ද වටින් මෝදු වෙලා...

දුරුතු හඳේ සිහිල වගේ
තනි හිතට මගේ පාළු දැණෙයි නඟේ //

චන්ද්‍ර මඬල බැද්ද වටින් මෝදු වෙලා...


ගායනය - සුනිල් එදිරිසිංහ
ගී පද - කුමාරදාස සපුතන්ත්‍රී
සංගීතය - රෝහණ වීරසිංහ



අමරස පෙම් - ශ්‍රීමතී තිලකරත්න | Amarasa pem - Shrimathi Thilakarathna


අමරස පෙම් රසයෙන් කැළතෙම්
ඔබ නැතිනං මිහිපිට නැත මං
ඔබ නැතිනං මිහිපිට නැත මං
අමරස පෙම් රසයෙන් කැළතෙම්//

සඳ වතුරෙන් සඳ සිසිල ගෙනා
ඔබ දැකුමෙන් සිත උමතු වුණා//
මා ජීවත් වන බව මට දැණුනේ
ඔබ හද සැලෙනා රාවෙන්
ඔබ හද සැලෙනා රාවෙන්

අමරස පෙම් රසයෙන් කැළතෙම්...

සුපිපුණු මල් නටුවෙන් ගිලිහී
මඳ සුළඟින් ඔබ වෙත පැමිණී//
ඔබ පා මත වැතිරී පර වෙන්නට
මට ඉඩ දෙනු මැන මතුදා
මට ඉඩ දෙනු මැන මතුදා

අමරස පෙම් රසයෙන් කැළතෙම්...//




ගායනය - ශ්‍රීමතී තිලකරත්න

ඇසුරෙන් මිදීලා - ප්‍රියා සූරියසේන | Asuren mideela - Priya Sooriyasena


ඇසුරෙන් මිදීලා ඔබගේ ලොවෙහී
සැඟවී හිඳිම් මා වෙන් වී මෙසේ
නොමැකී තියේනම් ඔබගේ සිතේහී
මගෙ ආදරේ මා යළි එන තුරා

රැකවල් සදාලා සීමා මවාලා
වෙන් වේවිදෝ ආදරේ
දෙසිතේ කතා වී දළු ලා වැඩී යාවී
රහසේම ඒ ආදරේ

කඳුලැල් නිවාලා දෑසින් සිනාසී
සැඟවී ඉමු මේ ලෙසේ
කවදාක හෝ මා එනතුරු ඔබේ දෑසේ
සඟවා තබා ආදරේ

ඇසුරින් මිදීලා...


ගායනය - ප්‍රියා සූරියසේන




එක් පෙති මලක් - රොහාන් ශාන්ත බුලේගොඩ | Ek pethi malak - Rohan Shantha Bulegoda

එක් පෙති මලක් විය නුඹ මගේ අත් දෙකට
නෙලා නොගත්තේ මගෙ බෝසත් කමට
හැරගිය දිනේ නාවත් මා ගම් දොරට
ආවේ ඇයිද විරහී සිත අද්දරට

විශ්මිත ගමට අදහන්නට බෑ තවම
මා හැර දම නුඹ ගිය මග ගැන අරුම
සතු කරගන්න මුල් පෙම නොපිදූ බැවින
දුක්බර හිතට කීවෙමි නොහඬන ලෙසට

එක් පෙති මලක් විය නුඹ මගේ අත් දෙකට...

සිටිනා කොදෙව්වක නුඹ සැප විඳී නම්
ම වෙතින් ලැබුණු ආදරයත් ලැබේ නම්
මතකය නුඹට හිරිහැරයක් නොවේ නම්
තව කුමකටද දුක් ගී කල්පනාවන්

තව කුමකටද දුක් ගී කල්පනාවන්///


ගායනය - රොහාන් ශාන්ත බුලේගොඩ


පරසිදු කරලියැද්ද - සිහ ශක්ති | Parasidu karaliyadda - Siha Shakthi


පරසිදු කරලියැද්ද
දුව කිරුළිස පැළැන්ද
කුසුමාසන දේවිය
දෝන කතිරිනා
දිග නම් ගම් මොකටද
සිංහාසන කුමටද
සෙන්කඩගල ඇගෙ
රජ මැදුර සමානා//

කපිතන් දියෝගුගෙන්
දැන කඩු ශිල්ප හටන්
කොන්තය ගෙලේ බැන්ද
පරංගි වාඩියේ

කොණප්පු බණ්ඩාරට
පූජා කල ප්‍රේමය
මිහිරිම හීනයක්ද
වසන්ත කාලේ

පරසිදු කරලියද්ද...

වාහල ඉලංගමට
ගිය දා දන්තුරේට
අස් පන්තියේ හරඹ
දෑහින් දැකලා

දළුලන වසන්තයට
රොන්සුනු පුරාලයට
අළුත්ම මලක් වෙලා
පිපෙන්න හිතිලා

පරසිදු කරලියද්ද...


ගායනය - සිහ ශක්ති
ගී පද - රත්න ශ්‍රී විජේසිංහ

අගටන්නා - සංගීත් විජේසූරිය | Agatanna - Sangeeth Wijesooriya


දූමුරු දූමුරු දූමුරු දෙයියා
දුක්ගනි දුක්ගනි දුක්ගනි දෙයියා...
දූමුරු දූමුරු දූමුරු දෙයියා
දුක්ගනි දුක්ගනි දුක්ගනි දෙයියා...

අගටන්නා‍...
මම සිංදු කඩේ මහත්තයා වෙන්නම්
වන ලන්දෙ පිපුණු තලමල සේමා
නුඹෙ රුවට මගේ හිත හරි බෝමා...
අගටන්නා.....

වන්නකුවා ඇවිත් නුඹව
සහේට ගන්නට හැදුවොත්
කොහොම ඉඳින්නද විස්සෝපෙන්..
මං කරකාර බඳින්නට මනාපයෙන්
අබ්බඩාට ගිහිං කියාපන්..
උඹ අබ්බඩාට ගිහිං කියාපන්..
අගටන්නා....

රට කාංචි පුරම් යස සාරි ගවුම්
සිදාදියෙන් ගෙනැල්ල දෙන්නම්
ඔය හීන කුලෙන් මට නම් පළ නෑ
හෙට රැයේ ඇවිත් නුඹ ගෙනයන්නම්..
හෙට රැයේ ඇවිත් නුඹ ගෙනයන්නම්..
අගටන්නා..


ගායනය/සංගිතය - සංගීත් විජේසූරිය
ගී පද - දයානන්ද රත්නායක




අවු කණ්නාඩියෙන් - කිත්සිරි ජයසේකර | Aw kannadiyen - Kithsiri Jayasekara

අවු කණ්නාඩියෙන්
බලන්නට තරම්
මේ ගිම්හානය තියෙන්නෙ නෑ
වැස්සක ලකුණු අරන්
දැනටමත් වැහි මේඝයක් ඇවිල්ලා
ඇහුණාද යාළුවේ
ජීවිතය
හිතන තරම් සුන්දරත් නෑ
අවු කණ්නාඩියෙන්
පේන තරම් ලස්සනත් නෑ

කෙටි සාය ඇඳන්
සුපුල් වටොර රැඟුම්
බැලුවාට ඇස් අගින් මත් බිඟුන්
ඇහුණාද යාළුවේ
ආදරය
හඳුණන සොඳුරු සිතක්
හොයාගන්න
හිතුවට ලේසි නෑ

ගිරා බස්ම දොඩන
නුඹ ළඟට ඇවිත්
තියා යාවි උකුළු වට සිහින පැසක්
ඇහුණාද යාළුවේ
ජීවිතය
හඳුණන සොඳුරු සිතක්
හොයාගන්න
හිතුවට ලේසි නෑ


ගායනය - කිත්සිරි ජයසේකර
ගී පද - චාමින්ද රත්නසූරිය
සංගීතය - ලෙලුම් රත්නායක

අනන්තයට මා ඉගිලෙන - ශ්‍රීමතී තිලකරත්න | Ananthayata ma igilena - Shrimathi Thilakarathna


අනන්තයට මා ඉගිලෙන
ඔබේ සිතුම් රේඛාවේ
අනාගතය ලියා තබමි
ඈත සොඳුරු ආකාසේ
ඈත සොඳුරු ආකාසේ //

චන්දන සුවඳින් නැහැවී
හිමගත වන අරණ තුළින් //
ඔබ මෙහි එන සිහින වලා
ඉහට උඩින් ඇත ඉසලා

අනන්තයට මා ඉගිලෙන...

සතුටු සුවය තුරුළු කරන්
නිධානයක රුවන් දොරින් //
හෙට අළුයම මගෙ කුටියට
එනු මැන තනිකම පිසදා

අනන්තයට මා ඉගිලෙන... //


ගායනය - ශ්‍රීමතී තිලකරත්න
ගි පද - ප්‍රේමකීර්ති ද අල්විස්
සංගීතය - වික්ටර් රත්නායක

අසෝක මල් මාල නෙළාලා - එම්.එස්. ප්‍රනාන්දු | Asoka mal mala nelala - MS Fernando

අසෝක මල් මාල නෙළාලා
අසෝක මල් උයනට වැදිලා
සෝක නිවන ගීත ගයාලා
ඔබ කවුරුද කියන්න මාලා //

බලන්න ලක්ෂනයි
වනයේ පිපුණ මලට දෙවෙනි නෑ වගෙයි
සුරංගනාවියක්ද මේ
කියන්න ආදරී
කවුද මෙ ඔබ තනිව වනේ ගී ගයා
ප්‍රීති වෙලා ප්‍රීති වෙලා

අසෝක මල් මාල නෙළාලා...

ඔබේ දුගී පැලේ
සතුට සැපත මිහිරි සුවය ඇත ළදේ
නැතේ ම රාජ මංදිරේ..
නොයන්න ආදරී
ප්‍රේමණීය පෙම්වතෙක් දුකේ තියා
එපා එපා රජ සැපා

අසෝක මල් මාල නෙළාලා...

ලියාවි සිංහලේ
ඉතිහාසේ අපගෙ පෙම් කතන්දරේ
උනොත් මගේ ප්‍රියම්බරී
අසෝක මාලියේ
සාලි කුමරු මම වෙමි ත්‍රී සිංහලේ
මනාලියේ මනාලියේ

අසෝක මල් මාල නෙළාලා...

ගායනය - එම්.එස්. ප්‍රනාන්දු


සරතැස නිවා දිවි කතරේ - ප්‍රියා සූරියසේන | Sarathasa niwa - Priya Sooriyasena


සරතැස නිවා දිවි කතරේ
ඔබ හමු වුණා මට සොඳුරේ
දිය ගලනා උල්පත් මව මවා
සරතැස නිවා දිවි කතරේ
ඔබ හමු වුණා මට සොඳුරේ

වියළුණු දෙතොල් සිසිලෙන් තෙමා
පුබුදා උපුල් නෙත් යුග යොමා
රණ මයුරියක ලෙසින් හද තුල සැරි සරා

සරතැස නිවා දිවි කතරේ
ඔබ හමු වුණා මට සොඳුරේ

සඳවත ඉතින් පල නැහැ ප්‍රියේ
ඔබෙ වත ළඟින් මගේ වත තියේ
හෙට යයි තවත් දිනක් මට ඇත ඔබ නිසා

සරතැස නිවා දිවි කතරේ
ඔබ හමු වුණා මට සොඳුරේ
දිය ගලනා උල්පත් මව මවා
සරතැස නිවා දිවි කතරේ
ඔබ හමු වුණා මට සොඳුරේ


ගායනය - ප්‍රියා සූරියසේන
ගී පද - ප්‍රේමකීර්ති ද අල්විස්


දැල්වූ පහන් - ලක්ෂ්මන් විජේසේකර, චන්ද්‍රලේඛා පෙරේරා | Dalwoo pahan - Lakshman Wijesekara, Chandralekha Perera


දැල්වූ පහන් දැල්වී තිබේවා
සුන් වූ පැතුම් දළු ලා වැඩේවා
ළං වූ ලවන් හමු වී තිබේවා
වෙන් වූ නුවන් කඳුලින් මිදේවා

විරහී හඳින් ගලන දුක් වේදනාවන්
සිහිලැල් පවන් රැල්ලකින් සංසිදේවා
නොබිඳී නිර්මල ප්‍රාර්ථනාවන්
පෙම්වත් ලොවක් අරුණු අහසේ දිසේවා

දැල්වූ පහන් දැල්වී තිබේවා
සුන් වූ පැතුම් දළු ලා වැඩේවා
ළං වූ ලවන් හමු වී තිබේවා
වෙන් වූ නුවන් කඳුලින් මිදේවා

ගායනය - ලක්ෂ්මන් විජේසේකර, චන්ද්‍රලේඛා පෙරේරා
පද රචනය - මහාචාර්ය සුනිල් ආරියරත්න
සංගීතය - ආචාර්ය රෝහණ වීරසිංහ

“රේඛා“ ටෙලිනාට්‍යයේ ගීතයක්

දෙගොඩ තලා ගඟ ගලා - ටී.එම්.ජයරත්න | Degoda thala ganga gala - TM Jayarathna


දෙගොඩ තලා ගඟ ගලා
මෙගොඩ ගොඩේ ඈ හිඳී
තොටුපලේ ගං ඉවුරේ
මා තනිවම මද අඳුරේ//

මේ ගඟ ගලා ගියේ
අපි පුංචි ළමුන් දවසේ
ඇගෙ දෙපා පවා ආදරෙන් දොවා
ආදර ඒ ගඟ නෑ අද නෑ

දෙගොඩ තලා ගඟ ගලා...

මේ ඔරු කඳේ නැගී
බොර පාට දියේ තනිවී
මා මෙහා ඉමේ ඈ එහා ඉමේ
බාධක මේ ගඟ තාම ගලයි

දෙගොඩ තලා ගඟ ගලා
මෙගොඩ ගොඩේ ඈ හිඳී
තොටුපලේ ගං ඉවුරේ
මා තනිවම මද අඳුරේ//

මා තනිවම මද අඳුරේ///


ගායනය - ටී. එම්. ජයරත්න
ගී පද - ආචාර්ය අජන්තා රණසිංහ
සංගිතය - ක්ලැරන්ස් විජේවර්ධන

නෙළුම් මලේ පෙති කඩලා - එම්.එස්. ප්‍රනාන්දු, මරියසෙල් ගුණතිලක | Nelum male pethi kadala - MS Fernando, Mariyasel Gunathilaka



නෙළුම් මලේ පෙති කඩලා ඔරුව සදාලා
වළාකුලෙන් රුවල් දමාලා
බාලොලියා මල් නටුවෙන් හබල් ගසාලා
පෙම් ගඟුලේ රැල්ල නගාලා
දේදුන්නෙන් එගොඩ වෙලා යමු නැලවීලා
සුරංගනා ලෝකේ සොයාලා
දේදුන්නෙන් එගොඩ වෙලා යමු නැලවීලා
සුරංගනා ලෝකේ සොයාලා

සුරංගනා ලෝකෙදි මම සුළඟක් වීලා
ඔබ නලවමි පවන් ගසාලා
පොකුණකට වෙලා මම මල් කැකුළක් වීලා
සුවඳ එවමි සුළඟෙ ඔතාලා
එවිට මල සොයා පියඹා එමි රුං ගාලා
මම සමනළයෙකු වාගේ සැරසිලා
සොඳුරු සමනළා එන කල මලට පියඹලා
පිළිගන්නම් පෙති විහිදාලා

නෙළුම් මලේ පෙති කඩලා ඔරුව සදාලා...

මැණික් කැට අරන් පෙරලන පහළ ගල ගලා
මම නිල් දිය දහරක් වෙනවා
මමත් ඒ දියේ රන් වන් පාටින් දිලෙනා
මාළුවෙක් වෙලා පීනනවා
මටත් හරි හිතයි එහෙනම් අල්ලගන්නවා
මම රිදී දැලක් වාගේ මැවෙනවා
ඔබේ දැල සැපයි මම ඒ දැලට මැදි වෙලා
පෙම් ගීයක් කියා නටනවා

නෙළුම් මලේ පෙති කඩලා ඔරුව සදාලා...


ගායනය - එම්.එස්. ප්‍රනාන්දු, මරියසෙල් ගුණතිලක

කන්ද කෙන්ද කරනු පිණිස - මාලනී බුලත්සිංහල | Kanda kenda karanu pinisa - Malini Bulathsinhala


කන්ද කෙන්ද කරනු පිණිස කන්දට ගරහාලා
කෙන්ද කන්ද පාමුල ළඟ සිටියලු තනි වීලා
අන්ද මන්ද ගණ අදුරේ කෙන්ද පටලැවීලා
කන්ද කඩා වැටේ සිතූ කෙන්ද බලාපල්ලා

ගහේ පිපුණ මල් සේරම බඹරුන්ටත් දීලා
බලා හිඳී ගසක් ඔහේ සුළගේ හිනැහීලා
බඹරු එතත් දෙඹරු එතත් ගහ නැහැ කැළඹීලා
ඔහේ සිනා සෙනු මිස විහඟුන්ගේ ගී අහලා

කන්ද කෙන්ද කරනු පිණිස කන්දට ගරහාලා...

කුණාටු සුළි සුළං වැදී ගහකොල පෙරලාවි
මුල හොඳනම් ගසක් ළඟදි කුණාටු පරදීවී
ගහේම මල් බුදු පුදටත් නෙලා රැගෙන යාවී
ඒ ඈයෝම ඒ ගහේම මල් බිම පාගාවී

කන්ද කෙන්ද කරනු පිණිස කන්දට ගරහාලා
කෙන්ද කන්ද පාමුල ළඟ සිටියලු තනි වීලා
අන්ද මන්ද ගණ අදුරේ කෙන්ද පටලැවීලා
කන්ද කඩා වැටේ සිතූ කෙන්ද බලාපල්ලා
කන්ද කඩා වැටේ සිතූ කෙන්ද බලාපල්ලා
කන්ද කඩා වැටේ සිතූ කෙන්ද බලාපල්ලා


ගායනය - මාලනී බුලත්සිංහල
ගී පද - ප්‍රේමකීර්ති ද අල්විස්
සංගීතය - එච්.එම්. ජයවර්ධන

සුන්දරියේ රන් රසු දැල් - චන්දන ලියනාරච්චි | Sundariye ran rasu del - Chandana Liyanarachchi


සුන්දරියේ රන් රසු දැල් රාව නැගේවි
රන් මිණි මෙවුලේ කිංකිණි අඩ නින්ද බිඳේවි
රන් දෙවොලේ දේවදාසි බැල්ම හෙලාවි
පූජාසනයේ පුදන්න රැඟුම් රූබර දේවි
සුන්දරියේ රන් රසු දැල් රාව නැගේවි

මා රන්කඳ ඔබ රූ විඳින්න ලෝල නොවේදෝ
වස්දණ්ඩ නන්දනීය නොවේදෝ //
ගන්ධාර කුළේ මෝහිනි රණ හංස තටාගේ
පීනන්න එන්නදෝ සඳපානේ

සුන්දරියේ රන් රසු දැල් රාව නැගේවි

සී සීකඩ යයි දුල්වසන් මෙවුල් ඉණ රැන්දූ
සංයෝග හා වියෝගය කැන්දූ //
‍නිම් හිම් කොහේද මා ඉඳුරන් කම්සුහ බැන්දූ
වාවාලමින් කෙසේ රති දෙව් දූ

සුන්දරියේ රන් රසු දැල් රාව නැගේවි
රන් මිණි මෙවුලේ කිංකිණි අඩ නින්ද බිඳේවි
රන් දෙවොලේ දේවදාසි බැල්ම හෙලාවි
පූජාසනයේ පුදන්න රැඟුම් රූබර දේවි
සුන්දරියේ රන් රසු දැල් රාව නැගේවි


ගායනය - චන්දන ලියනාරච්චි
සංගීතය, ගී පද - නිහාල් ගම්හේවා

සෙනෙහස විඳිනට - චන්ද්‍රලේඛා පෙරේරා | Senehasa windinata - Chandralekha Perera

සෙනෙහස විඳිනට පින් කර ඇතිමුත්
පිවිතුරු ඔබේ හදින්
ඔබේ දෙපා ළඟ දුහුවිල්ලක්වත්
වන්නට නොමැත වරම් //

එක තැන රැඳුනද මනසින් හැඟුමින්
ඔබ මා එකම සිතින් //
කුමටද නිදිනැති යහනට නැතිනම්
ඔබගේ සුසුම් පවන්

සෙනෙහස විඳිනට පින් කර ඇතිමුත්...

යළි යළි බැඳුනද නොසැලෙන විලසින්
ඔබ මා සිතට සිතින් //
කුමටද නැති කළ සෙවණට මොහොතක්
ඔබ ළඟ රැදෙන වරම්

සෙනෙහස විඳිනට පින් කර ඇතිමුත්... //


ගායනය - චන්ද්‍රලේඛා පෙරේරා


ගොළු හදවත විවර කරන්න - පෝල් ප්‍රනාන්දු | Golu hadawatha wiwara karanna - Paul Fernando


ගොළු හදවත විවර කරන්න
නොඉඳ හිතේ තද කරන් මට කියන්න
කඳුළු සලන්න ඉඩ නොතබන්න
කඳුළු සලන්න ඉඩ නොතබන්න

මුවගින් සිනා නගනවා
නෙතගින් බැලුම් බලනවා
බිඳු රහසක් පැවසෙනවා
වාගේ මට වැටහෙනවා

ගොළු හදවත විවර කරන්න...

දැඩි සෙනෙහසක් තියෙනවා
එය හිත තුල තෙරපෙනවා
ඔබ තනියම දුක් වෙනවා
වාගේ මට වැටහෙනවා

ගොළු හදවත විවර කරන්න...

ගීයෙන් ලොව අමතනවා
මගෙ අදහස පවසනවා
ඔබ නිහඬවම සිටිනවා
මා හදවත වැළපෙනවා

ගොළු හදවත විවර කරන්න...


ගායනය - පෝල් ප්‍රනාන්දු

මුල් ගීතය අහන්න

තේ කූඩය පිටේ බැඳන් - ෆ්‍රෙඩී සිල්වා, කලාවතී | Tea koodaya pite bendan - Freddie Silva, Kalawathi



තේ කූඩය පිටේ බැඳන් නුඹ එනවා කන්ද උඩින්
මම දැක්කෙ හුඟ කලකට පස්සෙ ලෙච්චමී
මගෙ ලෙංගතුකමට ඉතිං කාගෙත් ඇස් වහල හොරෙන්
තනිපංගලමේ ඉන්න වරෙන් ලෙච්චමී

දැක්කම ඔය වගෙ කියාවි මටම කරච්චල් කොරාවි
මාත්තියා මොකද්ද මට විහිළු කරන්නේ
ලැයිමෙ ඈයො පද හදාවි පූච්චානම් මට කියාවි
ආඬවනේ ඕවට මම කැමතිම නෑනේ


සිදාදියේ රේල් පොළට නුඹ එක්කරගෙන යන්නම්
අත පිරෙන්න හිත පිරෙන්න මණි බඩු අරගෙන දෙන්නම්

මාත්තියා එක්ක අපෝ මට බැරියෝ ඒකටනං
වත්තෙ ඉඳිල්ලත් නැතිවෙයි මට මොකටද ඔය කෝලම්


තේ කූඩය පිටේ බැඳන් නුඹ එනවා කන්ද උඩින්...


වත්තෙ මහත්තයා වෙලත් විඳගෙන මේ නව නින්දා
‍මම මේ හැටි වද විඳින්නෙ නුඹ හට ආදරෙ හින්දා

අපෙ අප්පගෙ ආඩපාල අහන්න මට බැරි හින්දා
මාත්තියා දන්නෙ නැද්ද ගිය සුමානෙ මම බැන්දා


තේ කූඩය පිටේ බැඳන් නුඹ එනවා කන්ද උඩින්...


තනිපංගලමේ ඉන්න වරෙන් ලෙච්චමී
ආඬවනේ ඕවට මම කැමතිම නෑනේ///



ගායනය - ෆ්‍රෙඩී සිල්වා, කලාවතී
ගී පද - හේමසිරි හල්පිට

සඳ හාදු දිදී - චන්දන ලියනආරච්චි | Sanda hadu didi - Chandana Liyanarachchi


සඳ හාදු දිදී වළාකුලට සේද යහනතේ
නිල් තාරකා කුමාරියන්ගෙ ප්‍රේම විජිතයේ//
නුඹ තාම නිදිද
නුඹ තාම නිදිද කඩුපුල් මල් දේවතාවියේ

මල් මාලතී ලතා මඩුල්ල නෙතු පියා හිඳී
මුදු මල් ගැබේ යහන් තුරුල්ල භෘංගයින්ට දී
කට කොනින්වත් හිනා නොවීම දේවතා නිදී

සඳ හාදු දිදී වළාකුලට සේද යහනතේ...

විල් තලේ රිදී රැල් නැගේවි රංගනේ යෙදී
මුදු මන්දහාස දී පිපේවි සොඳුරු කෞමදී
මට තනියි මගේ හිත පාළුයි නුඹ තවම නිදී

සඳ හාදු දිදී වළාකුලට සේද යහනතේ...


ගායනය - චන්දන ලියනාරච්චි
ගී පද - රත්න ශ්‍රී විජේසිංහ
සංගිතය - රෝහණ වීරසිංහ


ලස්සනට පිපුණ වනමල් - නිහාල් නෙල්සන්  | Nihal Nelson


රෝස මලකුයි නෙළුම් මලකුයි ලස්සන වෙයි
හමන සුළඟයි ගීත රාවෙයි ඔබගේ වගෙයි
මගේ කිරිල්ලී ඈ ගියා ඉගිල්ලී
මං ශෝකෙමයි
රෝස මලකුයි නෙළුම් මලකුයි ලස්සන වෙයි
හමන සුළඟයි ගීත රාවෙයි ඔබගේ වගෙයි
මගේ කිරිල්ලී ඈ ගියා ඉගිල්ලී
මං ශෝකෙමයි
රෝස මලකුයි නෙළුම් මලකුයි ලස්සන වෙයි

ඉස්සර මම එනකොට ‍ඔබ ඉඳන් මඟ බලා
ලස්සන ඔය ගැස්සෙන අත්තටු සළලා
ආදරෙයි ආදරෙයි කිය කිය ඉඳලා
මට නොකියම ඇයි ගියෙ වනයට පියාඹලා
වනයට පියාඹලා වනයට පියාඹලා
ඇයි ගියෙ වනයට පියාඹලා

ලස්සනට පිපුණ වනමල් ගල් පීරන දියවැල්
මම ආස කරන මැණික් කැටේ නිල්
දුර ඈත කැලේ ගල් ගුහාවක ගෙවනවා කල්
ලස්සන මගේ කිරිල්ලි සුරතල්

සුපුන් චන්ද්‍ර දිලී අහසෙ තරු නැඟ එද්දී
රැල්ල පෙරළි ඇවිල්ලා සුදු වැල්ල සිඹිද්දි
සවන් පිනන මදු ගී ගුවනට එක් වෙද්දී
ඔයා ඇයි තනියම කිරිල්ලියේ තනියම කැලේකට වැදී
කැලේකට වැදී කැලේකට වැදී
ඇයි තනියම කැලේකට වැදී

ලස්සනට පිපුණ වනමල් ගල් පීරන දියවැල්...

ඉර බැස යන්නට මත්තෙන් කූඩුව සොයලා
පෙර ඔබ එන හැටි පේනවා තාම මැවීලා
එන්න එන්න කිරිල්ලියේ වහා පියඹලා
තාමත් මගේ කූඩුව ඔබ නිසාම ඇරිලා
ඔබ නිසාම ඇරිලා ඔබ නිසාම ඇරිලා
ඒ කූඩුව ඔබ නිසාම ඇරිලා..

ලස්සනට පිපුණ වනමල් ගල් පීරන දියවැල්...


ගායනය - නිහාල් නෙල්සන්
සංගීතය - ආර්.ඒ චන්ද්‍රසේන
ගී පද - සරත් මුණසිංහ




සරුංගලේ වරල් සැලේ - විශාරද නන්දා මාලිනී | Sarungale Waral Sale - Nanda Malini

සරුංගලේ වරල් සැලේ නිසංසලේ ගුවන් තලේ
අපෙන් මිදී වෙන රටකට යන්න හදන්නේ
උපන් බිමට වැඩිය තැනක් කොහෙද තියෙන්නේ

සරුංගලේ බට පතුරින් නුඹ සැදුවේ අපේ ළමයි
සරුංගලේ පාට උලා දැඩි කෙරුවේ අපේ ළමයි
සරුංගලේ කොළ අලවා හැඩ කෙරුවේ අපේ ළමයි
සරුංගලේ නුඹ අහසේ අපේ ළමයි තාම බිමයි

සරුංගලේ නුඹ වෙනුවෙන් ගුටි කෑවේ අපේ ළමයි
සරුංගලේ නූල් යොදා උඩ ඇරියෙත් අපේ ළමයි
සරුංගලේ උඩ ගිය දා මතක නැතේ අපේ ළමයි
සරුංගලේ නුඹ වාගෙයි රට හැර යන අපේ ළමයි

ගායනය - විශාරද නන්දා මාලිනී
පද රචනය - සුනිල් ආරියරත්න



පාංකිරිත්තා - ෆ්‍රෙඩී සිල්වා | Paankiriththa - Freddie Silva


පාංකිරිත්තා තක්කිට තරිකිට උඩ පැන පැන නටතෙයි
පාංකිරිත්තී රබාන අරගෙන කරබාගෙන වයතෙයි
උන්ගේ පැටවුන් වටේට ඉඳගෙන දෑතින් හඬ තලතෙයි
මේවා බල බල තනි කෑඳැත්තෙක් කීචි බීචි කියතෙයි

පාංකිරිත්තා තමන්ගෙ පාඩුවෙ නැටුම පටන්ගත්තේ
අහල පහල කිසිවෙකුටත් ඒකෙන් හිරිහැරයක් නැත්තේ
කොහේද හිඳ පැමිණුනු කෑඳැත්තා වහලා අර අත්තේ
උන්ගෙ නැටුමට බාදා කරමින් ගීය පටන්ගත්තේ

පාංකිරිත්තා...

පාංකිරිත්තා නැටුම නවත්තා කේන්තියෙන් ආවා
කෑඳැත්තාගේ කළු අත්තටුවෙන් අල්ලා සෙලවූවා
ඊට පස්සෙ ඌ සට සට ගාලා මොන මොනවද කීවා
ළඟට කිට්ටු වී මා ද ගොළුවතින් ඊට සවන් පෑවා

අනුන්ගෙ වැඩ ගැන විවේචනය කර කර ඉන්නවට වඩා
තමන් දන්න දේ හරියට කරපන් කියලා කීය හඬා ///


ගායනය - ෆ්‍රෙඩී සිල්වා
ගී පද - ප්‍රේමකීර්ති ද අල්විස්


මගේ දිනපොතේ - චන්ද්‍රලේඛා පෙරේරා | Mage dina pothe - Chandralekha Perera


මගේ දිනපොතේහි අද රෑ ලියන්නේ//
අ‍ප පෙම්කතාවේ අවසානයයි
ඔබ නේන දා හෙට මා මනමාලියයි
මගේ දිනපොතේහි අද රෑ ලියන්නේ

කවදාක හෝ එක්තැන් වෙලා
සුව හා සුසුම් සමසේ දරා
අත් වැල් බැඳන් යමු ජීවිතේ
ඒ කී වදන් බොල් හීනෙකී

මගේ දිනපොතේහි අද රෑ ලියන්නේ
අ‍ප පෙම්කතාවේ අවසානයයි
ඔබ නේන දා හෙට මා මනමාලියයි
මගේ දිනපොතේහි අද රෑ ලියන්නේ

පාසැල් සමේ අ‍පි දෙන්නගේ
නම් කුරුටු ගෑ කඩදාසි ඒ
ගිණි අවුළුවා නටබුන් පෙමින්
අපි වෙන්වෙමු දෛවේ ලෙසින්

මගේ දිනපොතේහි අද රෑ ලියන්නේ//
අ‍ප පෙම්කතාවේ අවසානයයි
ඔබ නේන දා හෙට මා මනමාලියයි
මගේ දිනපොතේහි අද රෑ ලියන්නේ


ගායනය - චන්ද්‍රලේඛා පෙරේරා
ගී පද - අජන්තා රණසිංහ
සංගීතය - සරත් දසනායක

Related Posts Plugin for WordPress, Blogger...