මේ සඳ වුනත් - බුද්ධික උෂාන් | Me Sanda Unath - Buddhika Ushan

මේ සඳ වුනත් පායා ඇවිත්..
ඉස්සර වගේ එලිය දුන්නා වුනත්..
මේ හුලඟ මත් ආයෙත් ඇවිත්..
නුඹ හිද්දි දුක් සිසිල දුන්නා වුනත්...

පෙර හැමදේම නුඹ නැතිව ලැබුනා වුනත්
මේ එක රෑට නුඹ නැතිව තැවෙනා දෙනෙත්
හෙට එන රෑට නුඹ නැතිව කෙලෙසක නම්  ඉවසම්දෝ............

මේ ගෙවෙන්නේ අවසන් රැයම වේ
ආයේ නම් රැය අවසන් වේ...

මේ සඳ වුනත්...//

ආයේ හිරු නැ...හෙට හුලඟත් නැ..
නුඹ ආවත් මේ රැය නැ...
ආයේ නුඹ නැ...දුක් කදුලුත් නැ...
රැය ආවත් මම නැ......

මේ ගෙවෙන්නේ අවසන් රැයම වේ
ආයේ නම් රැය අවසන් වේ...

ගායනය : බුද්ධික උෂාන්
පද රචනය : ඉසුරු වීරසිංහ මුදලි
සංගීතය : සංඛ දිනෙත්


දෙයදර විලිකුන් - මිල්ටන් මල්ලවාරච්චි | Deyadara Vilikun - Milton Mallawarachchi

දෙයදර විලිකුන් සුරත්පලේ
පෙම් මදිරා අයදිමින් සැලේ
සීත මීදුම් සිහින වැල් පැටලේ
සීත මීදුම් සිහින වැල් පැටලේ //

මුවරද රොන් සුනු සුවඳ වෙතේ
පෙම් මදිරා අයදිමින් යතේ
නිලුපුල් නෙත් ගත් තඹුරු විතේ
කැඳවයි ඔබ තව්තිසා වෙතේ
සීත මීදුම් සිහිනයක් වාගේ

දෙයදර විලිකුන්...

මධුවිත සැනෙකින් හිස් වෙනවා
දිවි තවලම කතරක යනවා
යෞව්වන බව හෙට නැති වෙනවා
කල් බැලු අය හිඳ ලතවෙනවා
ජීවිතේ පිණි බ්න්දුවක් වාගේ

දෙයදර විලිකුන්... //



ගායනය - මිල්ටන් මල්ලවාරච්චි
සංගිතය - වික්ටර් රත්නායක
ගී පද - කේ.ඩී.කේ. ධර්මවර්ධන



සිතක ආශා - වික්ටර් රත්නායක, නීලා වික්‍රමසිංහ | Sithaka aasha - Victor Rathnayaka, Neela Wickramasinghe


සිතක ආශා සංසිඳේ
ඔබ නිසා සිසිකෝ
සිතක ආශා නොසංසිඳේ
ඔබ නිසා නිෂාකෝ //

සීත ගඟුලැල් කියයි
ආදරේ වාසනාවන්
පිපුණ චෙරි මල් කියයි
ආදරේ වාසනාවන්
හිම පිරීලා ෆූජි කන්දේ
මේ වසන්තේ...

සිතක ආශා...

මිලින දෑසක් දකී
ආදරේ වේදනාවන්
සැලෙන හදවත් දකී
ආදරේ වේදනාවන්
හිම වැටේදෝ ෆූජි කන්දේ
එන වසන්තේ...

සිතක ආශා...

ගායනය - වික්ටර් රත්නායක, නීලා වික්‍රමසිංහ
ගී පද - කරුණාරත්න අබේසේකර


සුපිපුණු සුන්දර නිර්මල සියපත

සුපිපුණු සුන්දර නිර්මල සියපත වන්ලෙස පිවිතුරු සිංහලයා
ඉපදුන දින සිට මියයන දින තෙක් රට වෙත දිවි දුන් තුන් හෙළයා
වැජඹුන පෙර දින ලොවටම ඉහලින් තෙදවත් ඇත් කුල පින්බරයා
වනසනු කීම අද අප දිනු උරුමය වත්මන් කළු සුදු සිංහලයා

රුපුසෙන් එදිරිව එයි කවදත්
උහුලනු නොහැකිව දැය තෙදවත්
පෙරලෙස දෑතට ගෙන අසිපත්
සින්හලයනි නැගිටිව් නැවතත්

ගත තුල දිවයන කකියන ලේ ඇති ගැමුණු පරපුරේ සිංහලයා
සිත් තුල නලියන දෑ බැති සිතුවිලි ඇමිණු හී සර ගත් හෙළයා
සිහ නද පතුරා මහ මෙර සොලවා අනන්ත සත් සමුදුරු කළඹා
රුපුසෙන් සක්වල එපිට හෙලූ පෙර පිට කොඳු නොබිදුනු සිංහලයා

සිංහල උරුමය පාවා දී හෙළ අබිමන් වනසාලන නරයා
පරගැති දෙටුගති මිස සිත එඩි නැති මිසදිටු ලේ ඇති නව හෙළයා
දෙවියනි කළු සුදු සිහලුන් වනසනු නුබ ගැබ වැහි නැති හෙන පතුරා
දියසෙන් කුමරුන් එන තුරු වැලපෙති විකුමැති පින් ඇති සිංහලයා

පෙර විරුවන් දිවි දී රැකගත්
සිංහලයට ඇති එකම බිමත්
අහිමිව යන තුරු කල් මැරුවොත්
සාපවේවි තොප බිව් කිරටත්
රුපුසෙන් එදිරිව එය් කවදත්
උහුලනු නොහැකිව දැය තෙදවත්
පෙරලෙස දෑතට ගෙන අසිපත්
සින්හලයනි නැගිටිව් නැවතත්

වීර ලෙයින් කකියන හදවත්...
ගැමුණු කුලේ උපදුනු පිංවත්...
රුපුසෙන් පරදා ලොව ජය ගත්...
සිංහලයිනි නැගිටිවු නැවතත්...

ගායනය : ඉසුරු සහ හසිත (අගස්ති සංගීත කණ්ඩායම)
පද රචනය : තිළිණ ප්‍රියලාල් කොග්ගලගේ
සංගීතය : අශාන් පුෂ්ප කුමාර පෙරේරා

කතරක තනි වී - මර්වින් පෙරේරා | Katharaka thani wee - Mervin Perera

කතරක තනි වී ඔබ යන අයුරු පෙනි පෙනී
හිම සිළ මුදුනත සිටියද මහද ගිනි ගනී
ගිම්හානය පැමිණි එක් තැනම නොම රැඳේ
පැමිණෙන දුක් පැණි රස බව නොසිතුණිද ළඳේ

සඳ නොදන්න නමුදු සඳට එලිය හිරුගෙනී
ඔබ නොදන්න නමුදු ඔබට සෙවණ මම දෙමි... //
සෙනෙහස හද තුල උතුරා ගලනු දැනි දැනී
තව විමසන සිරිතට නිහඬවම හිනැහෙමි

කතරක තනි වී...

විසල් තුරු නුදුන් පල නැත නොපිපුණ කැකුළු
දසන් දෙතිස කුමටද නැති විට මුව මුකුළු... //
ගඟක් ලෙස ගලා විත් නැමි නැමී දඟ වැදී
මගේ දෙපා සිපගනු මැන සිහිල සිතට දී

කතරක තනි වී...


ගායනය - මර්වින් පෙරේරා
ගී පද - ප්‍රේමකීර්ති ද අල්විස්
සංගීතය - මර්වින් පෙරේරා

කඳුළු - කසුන් කල්හාර | Kandulu - Kasun Kalhara

ඊයේ ඇස් වල තිබු කඳුලූ
පිසලන්නට බෑ කිව් නිසා...
ඒ කඳුලේ ආදරයේ පැහැයක් මා නෑ කිව් නිසා...
සඳ අඳුරට උරුම වෙලා..

ආදරයේ කඳු බෑවුම් අතරේ..
කඳුලු වලින් මියැදී...
සිනහවෙන් ඉපදී...
ආ හැටි පෙරදී...
කඳුලේ ඉපදී වියැකී..
ඒ සුරතල් සිනා..

ඒ කඳුලේ ආදරයේ පැහැයක් මා නෑ කිව් නිසා...
ඒ කඳුලේ ආදරයේ පැහැයක්... තිබුණා....


ගායනය - කසුන් කල්හාර
පද - අචල සොලමන්ස්
සංගීතය - රාහුල සමරනායක

හිමින් සැරේ ඔබ ආවා - අජිත් කුමාරසිරි | Himin sere oba awa - Ajith Kumarasiri

හිමින් සැරේ ඔබ ආවා
මගෙ ලෝකෙට
මා බලා සිටියා
ආදරේ නොකියා... //

හීන වලට දුක ගාලා
ඔබ ආවා
මගෙ ලෝකෙට
මා බලා සිටියා
ආදරේ නොකියා...

සුසුම් වලට දරාගන්න බැරුවා
දොර කවුළු තිර විවර වුණා
ඔල්වරසන් නැගුනා හිත
ඈ රැඟුමන් රැඟුවා

කාලය ගෙවී ගියා
අපෙ ලෝකේ
අප බලා සිටියා
ආදරේ නොකියා...

හිමින් සැරේ ඔහු ආවා
ඔබෙ ලෝකෙට
මා බලා සිටියා
ආදරේ නොකියා...//

හිමින් සැරේ ඔබ පිටව ගියා
මගෙ ලෝකෙන්
මා බලා සිටියා
ආදරේ නොකියා...//


පද, තනුව සහ ගායනය - අජිත් කුමාරසිරි

මන්දාරම් අහස අගට - කෞෂල්‍යා ප්‍රනාන්දු | Mandaram Ahasa agata - Kaushalya Fernando

මන්දාරම් අහස අගට
දේදුන්නක් ඇන්දේ කවුද
කාටවත්ම මං කියන්නෙ නෑ
නෑ නෑ නෑ...

මේ ජීවිතය කාගෙද
ඔබ මෙහි ජීවත් වෙනවද
මම අහන්නෙ නෑ
නෑ නෑ නෑ...

මේ ජීවිතේ මගේද
මේ සෙනෙහසින් කියනවද
මට අහන්න බෑ
බෑ බෑ බෑ...

අහිමි මතකය සිහිකරන්නට
අපි ආයෙත් හමුවෙනවද
මට අහන්න බෑ
බෑ බෑ බෑ...

ඔයා මගේද මං ඔයාගෙද
මට අහන්න
කිසිම ඉඩක් නෑ
නෑ නෑ නෑ....

මන්දාරම් අහස අගට
දේදුන්නක් ඇන්දේ කවුද
කාටවත්ම මං කියන්නෙ නෑ
නෑ නෑ නෑ...


ගායනය - කෞෂල්‍යා ප්‍රනාන්දු
සංගීතය - අජිත් කුමාරසිරි
ගී පද - කාවින්ද්‍යා ජයසේකර


සරස වසන්තය - අමරසිරි පීරිස්, අනෝමා රාසපුත්‍ර | Sarasa Wasanthaya - Amarasiri Peiris, Anoma Rasaputhra

සරස වසන්තය ආයෙත් එනවානම්
මගේ තරුණ විය මං ඉල්ලාගන්නම්
අපේ අතීතයෙ මල් මාවත්වල ඇවිදන්යන්නට
සරස වසන්තය ආයෙත් එනවානම්...

ලියූ සුපෙම් කවි හසුන් පුරාවට
පොත් පිටුවක එය හංඟා ගන්නට
බොරු විස්සෝපෙන් අහක බලන්නට
ආයෙත් හමුවී හිනා නගන්නට..

සරස වසන්තය ආයෙත් එනවා නම්...

දෙනෝදහක් මැද සිත් හංඟන්නට
සැගවූ ප්‍රේමය නෙතින් කියන්නට
කාත් කවුරුත් නැති සීමාවක
හොරෙන්ම හමුවී පෙමින් දොඩන්නට

සරස වසන්තය ආයෙත් එනවානම්...//

ගායනය : අනෝමා රාසපුත්‍ර සමඟින් අමරසිරි පීරිස්
පද රචනය : නිලාර් එන්. කාසිම්
සංගීතය : ජගත් ජයවර්ධන




Related Posts Plugin for WordPress, Blogger...