අරාබිය - ගයාන් පෙරේරා, ඩැඩී | Arabiya - Gayan Perera, Daddy

මගෙ නම ගයාන්..
අපේ ගෙවල් පැත්ත අරාබිය වගේ වුණාට මේ ළඟදි දවසක...
රුවැති යුවතියක් පැමිණියා..
ඇත්තම කියනව නම්...
ඇගේ ඇස්.. ඒ හිනාව.. ඒ කතාව...
මගේ හදේ තදින්ම දැවටිලා...
ඉතිං උදේ නැගිට්ට වෙලාවෙ ඉඳන් මම මොන වැඩේ කරන්න හැදුවත්...
මගේ මතකයට එන ඈ...
මගේ හිතට දැන්නම් වදයක් වෙලා...

ඉතිං නුඹ.. ඉතිං නුඹ.. ඉතිං නුඹ ඇයට කැමති නම්...
සිතින් නුඹ දුරින් හිඳ පලක් නැත පෙම් කරලා...
මගෙ දිවියේ...
මෙතෙක් නොදුටු.. අ අ අ අමුතු සොඳුරු
රුවක් එක්ක මා සිත දැවටිලා
ඇයට නොකියා
ල ල ල ල ලයෙහි සඟවා
තවත් ඉන්න බෑ ඇය දෙස බලන්...

මම චමිල. මම මෙයාගෙ හොඳ ෆිට් එක..
මම හැම තිස්සෙම කියන්නෙ
උඹ ඔහොම හිටියොත් වෙන ග්‍රහයෙක් ඇවිත්
ඇගේ සිත අරන් යනවාමයි...
අනිත් එක උඹට ඔය ඇසුයි කනුයි නහයවලුයි හිතේ දැවටුනා කිව්වට..
මටනං කිසිම දෙයක් දැවටුන්නෑ... උඹට කෙල්ලෙක්
ඕනෑම නම් ...
හොයල දෙන්නංකෝ
අන්තිමේදි කොහොම කොහොම හරි ඔය කෙල්ල ..
උඹට කෙසේ වෙතත් අපිටනං මාර වදයක් වෙන බව මට ෂුවර්..
උඹලයෙ තාත්ත කියනව වගේ...

පොතක් පතක් අරන් දැන්වත් හැදියං...

ඉතිං මට මගේ සිත වෙනස් කර ගන්නට බැරිනම්..
සිතින් මම දුරින් හිඳ පලක් නැත පෙම් කරලා...
මගෙ දිවියේ
මෙතෙක් නොදුටු.. අ අ අ අමුතු සොඳුරු
රුවක් එක්ක මා සිත දැවටිලා
ඇයට නොකියා
ල ල ල ල ලයෙහි සඟවා
ත ත ත ත තවත් ඉන්න බෑ ඇය දෙස බලන්...


මිටියාවතේ - නදීක ගුරුගේ | Mitiyawathe - Nadeeka Guruge



සුපිපි මල් කොයිබදෝ මිටියාවතේ
සුපිපි මල් මිටියාවතේ කාලෙකට මත්තේ
කෙල්ලෝ උන් නෙලූ මිටියාවතේ
කවදාද උන් උගන්නේ...
කවදාද අපි උගන්නේ....
කවදා දෝ....

කෙල්ලෝ කොයිබදෝ මිටියාවතේ
කෙල්ලෝ මිටියාවතේ කාලෙකට මත්තේ
තරුණෝ උන් දිනූ මිටියාවතේ
කවදාද උන් උගන්නේ...
කවදාද අපි උගන්නේ....
කවදා දෝ....

තරුණෝ කොයිබදෝ මිටියාවතේ
තරුණෝ මිටියාවතේ කාලෙකට මත්තේ
තරුණෝ අවි දැරූ දිනූ මිටියාවතේ
කවදාද උන් උගන්නේ...
කවදාද අපි උගන්නේ....
කවදා දෝ....

තරුණෝ අවි දැරූ කොයිබදෝ
තරුණෝ මිටියාවතේ කාලෙකට මත්තේ
තරුණෝ සරු කෙරූ පස මිටියාවතේ
කවදාද උන් උගන්නේ...
කවදාද අපි උගන්නේ....
කවදා දෝ....

සරු පස කොයිබදෝ මිටියාවතේ
සරු පස මිටියාවතේ කාලෙකට මත්තේ
සරු පසේ මල් පිපී මිටියාවතේ
කවදාද උන් උගන්නේ...
කවදාද අපි උගන්නේ....
කවදා දෝ....

සුපිපි මල් කොයිබදෝ මිටියාවතේ
සුපිපි මල් මිටියාවතේ කාලෙකට මත්තේ
කෙල්ලෝ උන් නෙලූ මිටියාවතේ
කවදාද උන් උගන්නේ...
කවදාද අපි උගන්නේ....
කවදා දෝ....


පද, තනුව, ගායනය - නදීක ගුරුගේ
ගිටාර් - නදීක සහ සුමුදු ගුරුගේ



මේ ගීතයේ පද ලියැවී ඇත්තේ මෙම බටහිර ගීය ඇසුරින්

වේදිකාවේ - නදීක ගුරුගේ | Wedikawe - Nadeeka Guruge



වේදිකාවේ අසුනකට බරවී
දහසක් නෙතු අතරේ අතරමං වී
ආදරේ කියා දෙන්න බෑ
රෝමියෝ

ශිෂ්ඨාචාරේ මානවයා හා
ශිෂ්ඨාචාරේ ගැහැණී එක්වෙලා

ශිෂ්ඨාචාරේ මානවයා හා
ශිෂ්ඨාචාරේ ගැහැණී එක්වෙලා
අනාගතේ ඉතිහාසය ගොඩනගනා දා
වැගිරෙයි දියවී ආදරේ
රෝමියෝ

වේදිකාවේ අසුනකට බරවී...

දෙතොලේ ඔබෙ රැඳී දහසක චුම්බන පිසදා
කොපුලේ එබෙ තැවරුණු දහසක ඛේටය පිසදා
සිපගනිමි දහසකුත් පළමු නැවුම් චුම්බනයෙන්
ගොඩගනිම් ආයෙමත් මැද ඉඳන් ජීවිතේ
රෝමියෝ

වේදිකාවේ අසුනකට බරවී...


රන් තාරකාවන් - ජගත් වික්‍රමසිංහ | Ran Tharakawan - Jagath Wickramasinghe


රන් තාරකාවන් දිලෙන රැයේ
සේපාලිකාවන් පිපෙන පැයේ
හදවතට ලංවෙන්න කාටත් හොරා
සිහිනයක දැවටී වෙලී...//

මා දෙනෙත අඩ අදුරෙ රඳවා තියා
සඳවතිය පාවී ගියා...//
පිළිගන්න පුළුවන්ද සඳ දෙව්දුවක්
මේ හැටිම නපුරුයි කියා...
මේ හැටිම නපුරුයි කියා...

මා උන්නෙ දොර කවුළු හැරදා තියා
ඔබෙ සුවඳ ඒ යැයි සිතා...//
නිදි නොමැති නෙත් අගට කදුලක් තියා
මුළු රෑම ගෙවිලා ගියා..
මුළු රෑම ගෙවිලා ගියා..

ගායනය : ජගත් වික්‍රමසිංහ
පද රචනය : ඉවාන් සුවාරිස්
සංගීතය : රෝහණ වීරසිංහ

මාලා - පෝල් ප්‍රනාන්දු

සඳපාන වගේ ඔබ රුව දිලිසිලා
මට නිතරම පෙනෙනවා මැවීලා
මාලා ඇවිත් මගේ කණට ඔයා ළං වෙලා
කියන්නකො ආදරේ කියාල
මාලා මම ඔබ ගැනම හිතාල
අහසේ රන් මාලිගා තනාල
ඔයා මගේ මං ඔයාගෙ යැයි පතාල
කියන්නකො ආදරේ කියාල

ලස්සන ගී ගයා රස කරලා
මම එන්නම් සොයා සුදු මාලා
අද සිට මං ඔයාගෙයි කියලා
කියන්නකෝ ම‍ගේ සුදු මාලා

සඳපාන වගේ...

පෙම් ලොව සැරිසරා පියඹාලා
ආවේ ඔබ සොයා සුදු මාලා
ගෙල පළඳාලා මල් මාලා
පිළිගන්නම් ඔයා සුදු මාලා

සඳපාන වගේ...

කියන්නකො ආදරේ කියාල... ///


මුල් ගීතය අහන්න මෙතනින්

මාස්ටර් සර් - නෙවිල් ප්‍රනාන්දු | Master sir (Panam aten) - Neville Fernando - sinhala lyrics

පනම් අටෙන් මට වැඩිකර දුන්න
හැකි උනත් බත් මිටක් දරුවට කවන්න
මාස්ටර් සර් මට හිමි තැන දෙනවාදෝ
අනේ සර් අනුකම්පා නොසිතේදෝ

මට මතක් වෙනව සුද්දා තැලූ පෙලූ හැටි
අපි කතා කලේ පණ ගැහි ගැහි දණින් වැටී
මාස්ටර් සර් මගෙ හිමි තැන මට දෙන්න
අනේ සර් කරුණාවෙන් සලකන්න

අප අතරේ කඹ ඇදිල්ලේ තරගෙ මේ
නිම වෙන්නට කල් ගත වෙයිදෝ
අනේ සර් අපි මිතුරන් වෙයිදෝ
එදා දවස උදා වේවිදෝ

අප අතරේ කඹ ඇදිල්ලේ තරගෙ මේ
නිම වෙන්නට කල් ගත වෙයිදෝ
අනේ සර් අපි මිතුරන් වෙයිදෝ
එදා දවස උදා වේවිදෝ

එදා දවස උදාවේදෝ...///


පද - කරුණාරත්න අබේසේකර
තනු - නිමල් මෙන්ඩිස්
ගායනය - නෙවිල් ප්‍රනාන්දු

මේ ගීතය තරම් විවිධ අනුවාද සහිත වෙනත් සිංහල ගීතයක් නැති තරම්. මුල් ගීතය මෙතනින් අහන්න.

රන්වන් රන්කෙඳි - සී. ටී. ප්‍රනාන්දු | Ranwan ran kendi - CT Fernando


රන්වන් රන්කෙඳි පීරාලා
චන්දන කල්කෙන් නෑවිලා
රන්වන් රන්කෙඳි පීරාලා
චන්දන කල්කෙන් නෑවිලා
කිංකිණි රූපුර නාද දී
මල් මල් මුහුණක් ඒ ඇදී
උකුල සලාලා බඳ නලවාලා
රඟන්න සියුමැලියේ //

හදේ වීනාව දී නාද දේ
නයනානන්ද රූපේ අගේ
හදේ වීනාව දී නාද දේ
නයනානන්ද රූපේ අගේ
ලියනාරී ලතා නුඹ නැත්තේ කතා
රණ හංසිය වගේ විල් දියේ
රමණීයයි ඔබේ නෙත් ප්‍රියේ

ඕ... රන්වන් රන්කෙඳි පීරාලා....

නෙතඟේ බැල්ම නිලුපුල් වගේ
මුදු සේ දන්ත කල්‍යාණ වේ
නෙතඟේ බැල්ම නිලුපුල් වගේ
මුදු සේ දන්ත කල්‍යාණ වේ
සුර ලෝකෙන් ගෙනා සළු සුළගේ වනා
රණ මයුරී ලෙසේ මල් ලොවේ
රඟපානු සිනා පා ලොවේ

ඕ... රන්වන් රන්කෙඳි පීරාලා
චන්දන කල්කෙන් නෑවිලා
රන්වන් රන්කෙඳි පිරාලා
චන්දන කල්කෙන් නෑවිලා
කිංකිණි රූපුර නාද දී
මල් මල් මුහුණක් ඒ ඇදී
උකුල සලාලා බඳ නලවාලා
රඟන්න සියුමැලියේ //

උකුල සලාලා බඳ නලවාලා
රඟන්න සියුමැලියේ ////


ගායනය - සී.ටී. ප්‍රනාන්දු
සංගීතය - නෙවිල් ප්‍රනාන්දු



පරවුණු මල් - සී.ටී. ප්‍රනාන්දු | Parawunu mal - CT fernando


පරවුණු මල් නැවත නැතේ පිපෙන්නේ
ගඟුල් තලේ නැත හැරිලා ගලන්නේ
දවසක් ගතවුණා කියා හිරු අවරේ ගිලී ගියා
සැමදා නැත සඳ පායන්නේ.... //

රෑන ගිරව් රෑන පිටින් ඉගිල ගියාදෙන්
සිහින විමන් සිහින ලොවෙන් මිදී ගියාදෙන් //
සීත සුලං සීතලයේ හමා ගියාදෙන්
ඉන්න ටිකේ එකතු වෙලා ඉඳිමු විනෝදෙන්

පරවුණු මල් නැවත නැතේ පිපෙන්නේ....

කාසිපණම් අතේ මිටේ ලැබෙයි කියාලා
වාසි නොවී අවාසියක් වුණැයි හිතාලා //
ශෝ‍ක නොවී ලද පමණින් සතුට සොයාලා
ප්‍රීති සිනා සීනු හඬින් ගයමු වයාලා

පරවුණු මල් නැවත නැතේ පිපෙන්නේ... //


පද රචනය - කරුණාරත්න අබේසේකර


මෙතනින් අහන්න

නාමල් ආයේ පිපුණාවේ - ක්ලැරන්ස් විජේවර්ධන | Namal aye pipunawe - Clarance Wijewardena - sinhala lyrics

නාමල් ආයේ පිපුණාවේ
නෑ මං ආයේ විමසන්නේ

ඉක්මන් වෙලා සැමට ඔබ කී කතා
විශ්වාස කරගන්න බැරි වූ නිසා
කකියයි මගේ මනස රිදවූ නිසා
කම් නෑ ඉතිං දෙහද වෙන් වූ නිසා
නාමල් ආයේ පිපුණාවේ
නෑ මං ආයේ විමසන්නේ

සිත ගත දෙක සනසාලා
මගෙන් වෙන්වීලා
කෙනෙක් සනසාලා
මගෙ පාමුල වැඳ වැටිලා
ඔබ කීවත් නෑ කියලා
නෑ මං ආයේ පිළිගන්නේ
නාමල් ආයේ පිපුණාවේ

දුක සැප දෙක මගේ ජීවේ
දරන්නට ආවේ
ඔබයි සැනසූවේ
මගෙ ආදර සිහිනය වී
ඔබ‍ගේ රුව ඇත බොඳවී
නෑ මං ආයේ විමසන්නේ
නාමල් ආයේ පිපුණාවේ

ඉක්මන් වෙලා සැමට ඔබ කී කතා
විශ්වාස කරගන්න බැරි වූ නිසා
කකියයි මගේ මනස රිදවූ නිසා
කම් නෑ ඉතිං දෙහද වෙන් වූ නිසා
නාමල් ආයේ පිපුණාවේ


ටයිටනික් නැව - චින්තක ගීතදේව



ටයිටනික් නැව ගිලුනේ නෑ
ගිලුනේ නෑ... ගිලුනේ නෑ... ගිලුනේ නෑ...
අයිස් පරයක වැදුනේ නෑ...
වැදුනේ නෑ... වැදුනේ නෑ... වැදුනේ නෑ...
මැරුන්නැති හින්දා
ජැක් රෝස් බැන්දා

ජැක් හොඳට බොනවා
ජැක්ට බඩ එනවා
ව්‍යාග්‍රා පෙති ලොරි අරන්
දෙව්ලොවට යනවා

ටයිටනික් නැව ගිලුනේ නෑ
අයිස් පරයක වැදුනේ නෑ
මැරුන්නැති හින්දා
ජැක් රෝස් බැන්දා

රෝස් බත් කනවා
රෝස් නිදියනවා
සෙක්සි සාදුගේ බණ අහන්නට
අසපුවට යනවා

ටයිටනික් නැව ගිලුනේ නෑ
අයිස් පරයක වැදුනේ නෑ
මැරුන්නැති හින්දා
ජැක් රෝස් බැන්දා


ගායනය - චින්තක ගීතදේව, ගෝෂා


කිරි සුදු සේලේ - ක්ලැරන්ස් විජේවර්ධන | Kiri sudu sele - Clarance Wijewardena

කිරි සුදු සේලේ
ඇඳි ඇගෙ ලෝලේ
ගෙල බැඳි මාලේ
ඇගෙ නෙතු දෑලේ
පියකරු ලීලේ
කිරි සුදු සේලේ
බැඳි ඇගෙ ලෝලේ
ගෙල බැඳි මාලේ

ආයන්න කියවන්නෙ ඈ
මී බින්දු රස දෙන්නෙ ඈ
සිත පුංචි රිදවන්නෙ නෑ
පංතියේ

කිරි සුදු සේලේ
ඇඳි ඇගෙ ලෝලේ
ගෙල බැඳි මාලේ

ඔබෙ පුංචි ඒ පංතියේ
ඉඳගන්න සිතෙහි තියේ
ඉඩ දෙන්න බැරිදෝ ලියේ
පංතියේ

කිරි සුදු සේලේ
ඇඳි ඇගෙ ලෝලේ
ගෙල බැඳි මාලේ
ඇගෙ නෙතු දෑලේ
පියකරු ලීලේ
කිරි සුදු සේලේ
බැඳි ඇගෙ ලෝලේ
ගෙල බැඳි මාලේ


මගේ උපන් දින - ජේ.ඒ. මිල්ටන් පෙරේරා | Mage upan dina - JA Milton Perera

මගේ උපන් දින ඔබ දුන් මල් දෙක
සඳ දෙව් පාමුල පුද කරලා
අපේ පැතුම් ලොව සඳ පායන්නට
පැතුවෙමි දෙවොලෙහි වැඳ වැටිලා...//

ලොවේ වෙසෙන තුරු නොමියෙන නොහැරෙන
කුසුමක් පිබිදී ඇතත් සිතේ
උදේ පුබුදු වී සවසට මැලවෙන
මල් නැතිවට මට කමක් නැතේ

දෑසින් ගිලිහෙන කඳුළු බින්දු ගෙන
හද තුල පිපි මල තෙමන්නෙමි
සිහිනෙන්වත් කිසි වෙනසක් නොව මා‍
මෙලෙසින් නිරතුරු වසන්නෙමි

මගේ උපන් දින ඔබ දුන් මල් දෙක...


ගායනය - ජේ.ඒ. මිල්ටන් පෙරේරා
සංගීතය - උපේන්ද්‍ර ප්‍රනාන්දු

මෙතනින් අහන්න

මුතු වරුසාවක් වැහැලා - ක්ලැරන්ස් විජේවර්ධන | Muthu warusawak wahala - Clarance Wijewardena

මුතු වරුසාවක් වැහැලා
නෙත අපගේ බැඳුණ දිනේ
ඔබයි මමයි ජීවිතයේ
සුවයක් ලද ඒ සොඳුරු දිනේ ... //

බින්දු බින්දු වැහි වැටුණා
සෙවණ සොයා නෙත ඇදුණා
දෙනෙතේ දැක ආරාධනා
ඔබ මා අසලට ආ දිනේ

මුතු වරුසාවක් වැහැලා...

නෙත බැන්දු රූ එදා ඔබගේ
සිත ආදරෙන් බැඳී තිබුණා
මුතු වරුසාවක් මාවතේ
සෙනෙහස අඳුනයි ජීවිතේ

මුතු වරුසාවක් වැහැලා... ///

ප්‍රංශ යුවතියන් - අමල් පෙරේරා | Pransha yuwathiyan - Amal Perera



ඉඩෝරයේ නගර කොනේ අයිෆල් සීමාවේ
ඔබව පෙනේ....
ප්‍රංශ යුවතියන් හදේ කොන අරන්
ලිලී මල් සුළන් මීදුමෙන් වහන්
මායාවී.... පායාවී.... පමාවී... //

ෆ්රෑන්ක් මිටි ගණන්, යුරෝපේ ඉදන්,
හම්බ කරන මගේ කර පිටින්
යන්න එනවනම් ඇයිද නෙතු පියන්...
යන්න එනවනම් ඇයිද නෙතු පියන්...
බලා නොඉඳ තවත් කල් අරන්....

ඉඩෝරයේ නගර කොනේ ...//

රයින් ගඟ කොනෙන් පෙම් හසුන් අරන්
යන්න එන්න මොකක්දෝ හැඟෙන් 
කියන නෙතු පියන් අහනවද ඉතින්
කියන නෙතු පියන් අහනවද ඉතින්
ස්වේත වර්ණ කරලියේ ඉදන්

ඉඩෝරයේ නගර කොනේ ...//

සංගීතය - කසුන් කල්හාර
පද - රුවන් නන්දික

මුදු කෝමල ගෑනු ළමයිනේ - නලින් පෙරේරා

මුදු කෝමල ගෑනු ළමයිනේ
එක රෑනේ මග වඩිනා
යුග ගීයට පේලි අඩුයිනේ
දෙනවාදෝ පද රචනා
දෙනවාදෝ පද රචනා

කාගේ කවුරුන්ද මා හා බැ‍ඳෙන්නේ
තාරකා නෙත් අයා...//

අහසෙ සමනල්ලූ ආවාට පියඹා
දෙන්නෙපා මල් කඩා
දෙන්නෙපා මල් කඩා

මුදු කෝමල ගෑනු ළමයිනේ...

තාම නොයිදුල්ය මේ ගීත රාවේ
වේදිකා නෑ තනා....//

කාට පවසන්ද මා දැක්ක සිහිනේ
පේ‍්‍රමයේ කල්පනා
පේ‍්‍රමයේ කල්පනා

මුදු කෝමල ගෑනු ළමයිනේ...//


පින්න මලේ සුද - එඩ්වඩ් ජයකොඩි | Pinna Male Suda - Edward Jayakodi

පින්න මලේ සුද ඇන්න ගිහින්වද
මුහුණ පුරා පෙම් පිරිලා
ඉන්න එපා උඹ හැන්දෑකරේ දොර
කන්ද කපා හඳ ගෙට එන්නා //

දුන්න වගේ නැමි බණ්ඩි කුරක්කන්
අන්න බලාපන් අත වනතේ
මන්ද නඟේ නුඹ යන්නෙ ගමෙන් පිට
ගං ගොඩ වෙල් එළි පාළු වෙතේ

පින්න මලේ....

ඉන්නෙ මොකෝ වැට ඉන්න වගේ නුඹ
එන්නෙ අළුත් අවුරුදු කාලේ
ගන්න එපා පර දේස සිරිත් නෙක
මේක අපේ සිංහල දේසේ

පින්න මලේ....


සිනහව අතරින් - මිල්ටන් මල්ලවාරච්චි | Sinahawa atharin - Milton Mallawarachchi

සිනහව අතරින් කදුලක් උපන්නා
ඒ බැව් නොදැනම සිනහවක්ම පෑවා..
සිනහව අතරින් කදුලක් උපන්නා
ඒ බැව් නොදැනම සිනහවක්ම පෑවා..
සිනහව අතරින්

හිමකැට වැටෙනා සීතල උදයක
ඇය හමුවූවා කඳුකර පෙදෙසක
හිමමෙන් පිරිසිදු ඔබෙ ආදරයේ..
හිමමෙන් පිරිසිදු ඔබෙ ආදරයේ..
සතුට ලැබෙන්නේ කෙලෙසද සොඳුරේ
කඳුලැලි දුන් ඔය නිල්මිනි දෑසට
කඳුලැලි දුන් ඔය නිල්මිනි දෑසට
පමණයි කෙල්ලේ ආලය කෙරුවේ

සිනහව අතරින්...

හදවත ගොළු නැත මා මියුලැසියේ ගොළු කලෙ කවුදැයි ඔබ නේද දන්නේ
ඔබ පමණයි මට සතුටට හිටියේ
ඔබ පමණයි මට සතුටට හිටියේ
ඇයි ඒ සතුටත් ඉවතට දැම්මේ
නිල්මිනි දෑසට මම සුදු ආසයි
ඔබෙ ඔය දෑසට මම සුදු ආසයි
කවදත් නොලැබෙන මිරිඟුව ඒකයි

සිනහව අතරින්....


ඔබ හිනාවෙන්නෙ කොහොමද - ස්කිට්සෝ | Oba hina wenne kohomada - Skitzo

ඔබ හිනාවෙන්නෙ කොහොමද
මට කියාදෙන්න ඒ කොහොමද
අඬන්න විතරක් ඉඩ ඇති ලෝකෙක

ඔබ හිනාවෙන්නෙ කොහොමද
මට කියාදෙන්න ඒ කොහොමද
අඬන්න විතරක් ඉඩ ඇති ලෝකෙක
මට කියාදෙන්න ඒ කොහොමද
මට කියාදෙන්න ඒ කොහොමද

මුඩු බිම මත හිමිහිට අඩි තිය තිය
තාලෙට ඇවිදින්නේ ඔබ කොහොමද
වේදනා ග‍ඟේ ඉහලට පහලට
කිමිදෙන්නේ කොහොමද ඔය විධියට
මට කියාදෙන්න ඒ කොහොමද
මට කියාදෙන්න ඒ කොහොමද

ආදර වැහි කෝඩෙට ගිලිහී ගිය
මඩ තැවරුණ දුක්බර මල් පෙත්තක
ලස්සන හසු නොවුණිද ඔබගේ දෑසට
පියඹා යද්දී ඈතින් ඈතට
මට කියාදෙන්න ඒ කොහොමද
ඔබ හිනාවෙන්නෙ කොහොමද

මරු කතරක ඉපදී මියෙනා සඳ
මරු විකලෙන් සිහිසන් වුණ මොහොතක
මාර දුවක නොවෙතියි ඔබ සැක හැර
දැනගන්නේ කොහොමද මගෙ සුරඟන
මට කියාදෙන්න ඒ කොහොමද
ඔබ හිනාවෙන්නෙ කොහොමද
අඬන්න විතරක් ඉඩ ඇති ලෝකෙක


ගායනය - සුදන්ත මාධව, ස්කිට්සෝ
සංගීතය - තිළිණ බාලසූරිය
ගී පද - චාමර ගුරුගේ


නතාෂා - කසුන් කල්හාර, ඉන්දුචාප ලියනගේ

නතාෂා ඇවිදින් ගියා
පියාඹා වෙරලින් එහා

නයිල් ගඟේ ඉවුරේ
ආදම්ගේ උයනේ
රොන් සලා ඈ ගියා
නතාෂා

කිරිල්ලී මල් මී තියා
ඉගිල්ලී රෑනේ ගියා

ආයෙත් ආයෙත් ආයෙත් එනවා
අහසෙ පොළොවෙ සුළෙඟෙ වෙලෙනවා
නිල් නිල් නිල් දැහැනේ එලෙනවා
සිත්සේ දොතොලේ පහසේ ඔබ මා
සිඹිනවා සිහිනෙන් තැවෙනවා

පමා වී ඈතට ඇදී
මීදුමේ රැහැනින් මිදී

හදවතේ ගිණි අවුලා
මා දෑසේ ගිණි අතුරා
මා දවා ඈ ගියා
නතාෂා


ළංවි වෙන්වි දුක් වී දුර ගෙවා
සයුරෙ රළසේ සිහිනේ මියැදුණා
සඳුගෙ තුරුලෙ විනිසේ ලිහුණා
උකුලේ ළමැදේ සයනේ ඔබ මා
සැනසුනා සිහිනේ මැවෙනවා

නතාෂා හුස්මක් තියා
නිදැල්ලේ සක්මන් කලා

නයිල් ගඟේ ඉවුරේ
ආදම්ගේ උයනේ
රොන් සලා ඈ ගියා
නතාෂා

කිරිල්ලී මල් මී තියා
ඉගිල්ලී රෑනේ ගියා

රෑ අඳුරේ සයුරෙ පාවී - ආත්මා ලියනගේ | Re andure sayure pawi - Aathma Liyanage

රෑ අඳුරේ.. සයුරේ පාවී..
ඈත යාවී.. ඈත යාවී..
ඔඔ.. ඕ.....ඔ ඕ.... ඕ....

දෑතේ සවී හබලේ රැඳී
පාවෙන්නේ රෑ යාමයේ..
දෙවියනි ඔබේ සරණය ලැබී
පිරවෙන්නේ මඩියයි අපේ..

රෑ අඳුරේ...

වෙරළේ පැලේ සොඳුරිය මගේ
අයදින්නේ පිහිටයි ඔබේ..
දෙවියනි ඔබේ සරණය ලැබී
රැකදෙන්නෙ ජීවේ අපේ..

රෑ අඳුරේ...

සුළගේ සෙනේ රුදුරුයි වගේ
ඔරුවේ රුවල් බිඳ වැටේ..
දෙවියනි ඔබේ සරණය ලැබී
ගෙනයන්න ගොඩබිම වෙතේ...

රෑ අඳුරේ...

සයුරේ ජලේ සැමදා මෙසේ
දියවේදො අප ජීවිතේ
දෙවියනි ඔබේ සරණය ලැබේ
කිසිදාක සැකයක් නැතේ..

රෑ අඳුරේ...

මධු චන්ද්‍රයා මේ - කසුන් කල්හාර | Madhu Chandraya - Kasun Kalhara

මධු චන්ද්‍රයා මේ මෝදුවේ
උන්මාදනීය රාත්‍රියේ...
අනංග දෙවොලේ
දල්වා දීපාවලී...
මධු චන්ද්‍රයා මේ මෝදු වේ...
මධු චන්ද්‍රයා මේ මෝදු වේ..

වරල සිකි පිල් සෙමෙර සලමින්
නයන නිළුපුල් සුවද ඉසිමින්
උරමඩල සියපත වතින් නිති සරසා
මිලාන හදවත තුරු සිරින් සදමු...

දෙතොල මී..විත අමා පුදමින්
දෙතන කලසින් පවස නිවමින්
සිරියහන සුවහස් දමා පුළු උකුලේ..
පතිකුලය සුමිහිරිය සදා රැක ගනිමු..

මධු චන්ද්‍රයා මේ...//

ගායනය : කසුන් කල්හාර
පද රචනය : මහාචාර්ය සුනිල් ආරියරත්න
සංගීතය : රෝහණ වීරසිංහ

“කුස පබා“ චිත්‍රපටයේ ගීතයකි.
Related Posts Plugin for WordPress, Blogger...