එදා තරම් මගේ සිතේ - ඉන්ද්‍රාණි පෙරේරා | Eda tharam mage sithe - Indrani Perera


එදා තරම් මගේ සිතේ රැඳුණේ නැහැ තව දවසක්
දුටුවා ඔබ මැද සිටියා විදුලි බුබුළු දස දහසක්
සැණකෙළියේ කිසිම දෙයක දැණුනේ නැහැ මට වෙනසක්
පෙණුනේ මට ඔබේ දෙනෙත්වල ලියවුණු පොඩි රහසක්

සැණකෙළියේ විසිතුරු මට මොහොතින් අමතක වුණාද
ඔබ මා ළඟ සිටගත්තේ කොයි පැත්තෙන් පාවෙලාද
අක්ක අයිය නංගි මල්ලි මැද මගෙ සිත ගොළු වුණාද
දෙනෙත්වලින් මා පැවසූ රහස ඔබට වැටහුණාද

එදා තරම් මගේ සිතේ රැඳුණේ නැහැ තව දවසක්...

මුව කමලේ විසිතුරු දැක ඔබ මා හට හිනැහුණාද
මගෙ දෙනෙතේ දැකුම් බලා සැනසුම් සුසුමක් ගියාද
හෙට හවසත් මා එන තුරු මග බලමින් ඉන්නවාද
සැණකෙළියේ අපේ පැතුම් ඉතිරී පැතිරී ගියාද

එදා තරම් මගේ සිතේ රැඳුණේ නැහැ තව දවසක්...


ගායනය - ඉන්ද්‍රාණි පෙරේරා
පද රචනය හා සංගීතය - ක්ලැරන්ස් විජේවර්ධන



Comments

  1. පද : ක්ලැරස්න් විජේවර්ධන
    සංගීතය : ක්ලැරස්න් විජේවර්ධන

    ReplyDelete

Post a Comment

දැණෙන යමක්... නැතිනම් පදවල වරදක්... දන්න දෙයක්... එහෙම නැත්තං ඔබට පද අවශ්‍ය වන ගීයක්...