මගෙ නාමලී - හරූන් ලන්ත්‍රා | Mage namali - Haroon Lanthra - sinhala lyrics

මගෙ නාමලී බැදි ආදරේ
මනමාලියයි මැණිකේ ඔයා
ඔරුවේ නැගී එහි පාවෙවී
අමනාපයෙන් පිටවී ගියා
බැදි ආදරේ සුකුමාලියේ
පෙම් පණිවිඩේ පාවේ ග‍ඟේ..

රස පෙම් හැඟුම් මාලඟ තබා
ඔබ කොහෙද යන්නේ පාවෙලා..
ඒ ලොවේ කවුරුත් නැ ප්‍රියේ
දැන් මෙගොඩ එන්නේ පාවෙලා..

මනමාලියේ මගෙ නාමලී
බැදි ආදරේ මනමාලියයි මැණිකේ ඔයා
ඔරුවේ නැගී එහි පාවෙවී
අමනාපයෙන් පිටවී ගියා

බට ලී හඩේ රාවේ මගේ
ඉන් ආදරේ රස පිටවුනා..
අනුරාගියේ හද නල උදාහේ
ගී හඩේ ඔබ සැඟවුනා..

මනමාලියේ මගෙ නාමලී
බැදි ආදරේ මනමාලියයි මැණිකේ ඔයා
ඔරුවේ නැගී එහි පාවෙවී
අමනාපයෙන් පිටවී ගියා...


ගායනය - හරූන් ලන්ත්‍රා
පද රචනය - ධර්මසිරි ගමගේ
සංගීතය - ආර්. මුත්තුසාමි


සිතින් මා නොසැලී - ටී.එම්.ජයරත්න | Sithin ma nosali - TM Jayarathna


සිතින් මා නොසැලී සිටිද්දී
කඳුල නුඹ ‍ඇවිදින්...
නිවා දැමුවේ නෙතේ පීඩා
නොබිදිනූ මැනවී

තනිව මා හඩනා වෙලාවේ
සැලි සැලී සිහිනේ..
වැටුනු මහ වරුසා මතක්වී
නුඹ රැදී දෑසේ..

සිතින් මා නොසැලී...

තවම මා නොදුටූ සිනා කැන්
හමුනොවූ යාමේ
කදුල මට කරුණා කරන්නැයි
අයැදිමී නිබදේ...

සිතින් මා නොසැලී...

ගායනය - ටී.එම්. ජයරත්න
ගී පද - ප්‍රේමකීර්ති ද අල්විස්
සංගීතය - ස්ටැන්ලි පීරිස්

හිම රේණු වැටෙනා - ග්‍රේෂන් ආනන්ද, ලතා වල්පොල

පි: හිම ‍රේණු වැටෙනා සීතලේ
නෙත ගාව රදවා ආදරේ..
සුදු සේල සුළ‍ඟේ පා කලේ
ඔබ නේද මාගේ බිසෝ..

ගැ: රන් තෝඩු සැලෙනා රාවයේ
සිත ගාව බැන්ඳු මාලි‍ගේ
රතු රෝස යහනා සෑ‍දුවේ
මට නේද මගෙ මල් සරෝ..

පි: මදු පානයක් සේ ගෑවිලා
යනවා ද දෙතොලේ ගෑවිලා..
ගැ:මනමාලයන්ගේ චේතනා
නොකියා ද පාලා සිනා..

හිමරේණු වැටෙනා...//

ගැ: මුතු මාලයක් සේ යාවුනේ
අපි ආත්ම ගණනේ පෑ‍ සෙනේ..
පි: මනමාලියන්ගේ චේතනා
පවසාවි දෑසේ ලතා..

රන්තෝඩු සැලේනා...//


ගායනය - ග්‍රේෂන් ආනන්ද, ලතා වල්පොල
සංගීතය - සරත් දසනායක
ගී පද - සමන් චන්ද්‍රනාත් වීරසිංහ

නන්දනීය පෙම - සේනානායක වේරලියද්ද | Nandaneeya pema - Senanayaka Weraliyadda

නන්දනීය පෙම සැඩරළු දියඹ වෙස් වලා
නින්ද පාවෙලා නෙතදර නුඹ හරස් වෙලා...//

කෙන්ද කන්ද වී ලෝකයෙ නෙත විවර වෙලා
අන්ද මන්ද වී සිත්මල් තැලී පොඩි වෙලා...
බැන්ද පෙම් රැහැන් එකිනෙක ලිහී ගිලිහිලා
මන්ද මේ මුසා බසකට ඔබ මුලාවෙලා...//

නන්දනීය පෙම...//

ලන්ද වන පෙතේ කෝකිල ගැයුම ‍ගොළුවෙලා
මන්දහාසයෙන් පිපි මුව මඩල මැලවිලා...
දැන්ද සුව ගෙනේ විදි සුව හදට ලංවෙලා
සුන්දරයි කියා පැතු හැම දෙයම සුන්වෙලා..//

නන්දනීය පෙම...//

පද රචනය : නන්දා උඩවත්ත
සංගීතය : සිරිල් පෙරේරා

ගමට කලින් හිරු - කරුණාරත්න දිවුල්ගනේ | Gamata kalin hiru - Karunarathna Divulgane

ගමට කලින් හිරු මුළුතැන්ගෙට වඩනා
ඒ හිරු එළියේ නැණ මල් පොඩි පිපුනා
ඒ මල් සුවඳේ අද ලොව්තුරු සුව විඳිනා
කලා වැවේ නිල් දියවර අපෙ අම්මා

රෑ කළුවර අරගෙන දරුවන් එනතුරු සිත නෑ නිවන් දකින්නේ
රෑ කළුවර ඇවිදින් ඉකිබිඳ හැඬුවත් සිත නෑ නිදි විඳ ගන්නේ
හෙට අරුණට සැරසෙන තව දවසක් ගැනනින්දේ හීන දකින්නේ
මහ මායාවනි කවදාදෝ ඔය නෙත් දරු සෙනෙහසින් මිදෙන්නේ

ගමට කලින් හිරු....

වෙල් දෙණිවල ඇවිදින දෙපා රිදෙන විට විහඟ ගීත බණ පද වේවා
බෝ මළුවට ඇවිලෙන පහන් වැටක් වී තුන් සිත නිවී සැදේවා
මතු උපදින සසරේ විශාකාව වී මෙත් මග නෙත් හමුවේවා
ඇත් රැජිණියනේ ඔබෙ නැලවිලි ගීතය ලොවම නිවන කවියක් වේවා

ගමට කලින් හිරු....

ගායනය - කරුණාරත්න දිවුල්ගනේ
පද රචනය - සුනිල් දයානන්ද කෝනාර
සංගීතය - සුනිල් දයානන්ද කෝනාර

සයුරට නොතරම් - දයාන් විතාරණ | Sayurata notharam - Dayan Witharana

සයුරට නොතරම් ගඟ ගැලූ තරම්
අහසට නොතරම් සඳ හැඬූ තරම්
ප්‍රේමය නොතරම් පෙම් කෙරූ තරම්//

තටු රිදෙන තරම් බමනාම බඹරුන්//
ලබයි මලින් රොන් පැතූ තරම්//

සයුරට නොතරම්...

දිවි දෙවෙනි කරන් කෙරුවාට මම පෙම්//
ලැබුනු දුකින් හිත රිදෙන තරම්//

ගායනය - දයාන් විතාරණ
පද රචනය - යමුනා මාලිනී පෙරේරා
සංගීතය - රෝහණ වීරසිංහ

රෑ සඳ ඇවිත් ගියා - දයාන් විතාරණ | Re sanda awith giya - Dayan Witharana

රෑ සඳ ඇවිත් ගියා ඉවුර මැදින්
රහසේම හිඳින්
ආදර බිඳුවක් ඇබින්දක්
නුඹ අරන් ඇවිත් තිබුනා
මල් මකරන්ද සුවඳ තිබුනා

ඔබ දන්නෙ නෑ සිත පෙරුම් පිරුව කාලේ
රෑ සිහිනේ ඔබ එන්න එපා දේවී
ලං ලංව ඉන්න වේවී
හිත රිදුනා හොඳටෝම ඇති

රෑ සඳ ඇවිත් ගියා....

මම දන්නෙ නෑ පෙම කියාගන්න තාලේ
රෑ සයනේ ඔබ ඉන්න එපා ප්‍රේමී
ලං ලංව ඉන්න වේවී
හිත රිදුනා හොඳටෝම ඇතී

රෑ සඳ ඇවිත් ගියා...

ගායනය - දයාන් විතාරණ
පද රචනය - උපුල් ශාන්ත සන්නස්ගල
සංගීතය - සමන්ත පෙරේරා

ජීවිතය ඔබෙන් දැන - දයාන් විතාරණ | Jeewithaya oben dena - Dayan Witharana

ජීවිතය ඔබෙන් දැන ආදරයෙන් සිඹ
ලඟම තබාගෙන මුතු කැටයක් ලෙස
මේ කුලකින් රිංගන තරු එළියක් ලෙස
මිහිර විඳින්නම් ලඳුනි දයාබර

කාලයක අයාලේ පාවී ගිය සිත
ලැගුම් සොයයි උණුසුමින් කැදැල්ලක
ආදරය තරම් සුවයක් මිහිමත නැත
කියා ගයයි දුර ඉඳන් ලිහිණියක

සාගරය තුරුල්ලේ යාවි ගං දිය
විඩා නිවයි සිඳු රළින් හැඟුම්බර
ස්නේහයක උපන් කවියක් කැට තලයක
ලියා තබමි නුඹ නමින් සදාතන


ගායනය - දයාන් විතාරණ
පද රචනය - වසන්ත කුමාර කොබවක
සංගීතය - නවරත්න ගමගේ

කුමටද සොබනියෙ...

කුමටද සොබනියෙ කදුළු සලන්නේ
හේතුව මම නොදනිම්
ගිරිහෙල් අරනේ ඇති මගෙ නිවසට
මම ඔබ ගෙන යන්නම්
ඔබ හට හැම සැප එහි දෙන්නම්...//

සඳ පායන කල ගඟබඩ ඉදගෙන
‍ඔබෙ හිස පීරන්නම්...
මල් පෙති විසිරුනු සුදු වැලි මතුපිට
‍ඔබ ගෙන ඇවිදින්නම්..
සොදුරියෙ ආදර බස් දෙන්නම්..//

කුමටද සොබනියෙ...//

තණ අග දිලිසෙන පිණි කැට අරගෙන
ඔබෙ ඇග දෝවන්නම්..
ඉරපායන විට පුබුදින මල් ගෙන
ඔබෙ හිස සරසන්නම්..
කොමලියෙ ආදර බස් දෙන්නම්...//

කුමටද සොබනියෙ...//

යස ඉසුරු - රොඩ්නි වර්ණකුල | Yasa isuru - Rodney Warnakula

යස ඉසුරු පිරුණු තැනා
සිරි දෙව්දූ සිටින තැනා...//
ලඟම ඇතේ දුරක නැතේ...
ලඟම ඇතේ දුරක නැතේ...
අපි යන්නේ ඒ පාරේ..
අපි යන්නේ ඒ පාරේ..
යස ඉසුරු...//

යුක්ති ගරුක අතීතයට කැන්දන් යමි මම
දස රාජ ධර්ම කල තෙජ වීර රජුන් දැක
ඇස් ඉදිරියෙ උඹ ලඟ
ඇස් ඉදිරියෙ උඹ ලඟ...

අතීතයේ ඉස්ටෝරුව එදා ඉදන් මම
නිදි මර මර මුර කොට
බහිරව බිලි පුද කොට
රැක ගත්තේ නුඹලට
රැක ගත්තේ නුඹලට

යස ඉසුරු..//

රජ වරු රජ මැතිවරු යස රාජ බිසෝවරු
කල කෙලි සෙල්ලම් දැක
තව කාසි දියන් මට
තව තෑගි දියන් මට
හොද තෑගි දියන් මට...//

යස ඉසුරු..//


ගායනය - රොඩ්නි වර්ණකුල
සංගීතය - ඔස්ටින් මුණසිංහ
ගී පද - ලූෂන් බලත්සිංහල
මුල් ගායනය - ජය ශ්‍රී චන්ද්‍රජිත්



හා හා ලදේ...

හා හා ලදේ
මගෙ මන මැදුරේ ලදේ
මගෙ රජ දහනේ ලදේ
මගෙ අග බිසවු තොමෝ....//

රන් සීනු හඩින් නිල් දිගැසින්
මා මන ලොල් ව‍ඩනා
රන තිසරු ලැමින් පුළුලුකුලින්
මා මන බඳින ලදේ

හා හා ල‍දේ...//

රන් තෝඩු දමා මාල ‍ගොතා
ඔබෙ ගෙල සරසන්නම්
රන් වියන යටින් පලස මතින්
ඔබ කැදවන් යන්නම්

හා හා ලදේ...//

පායා ඇයි හි‍නැහෙන්නේ - එච්.ආර්. ජෝතිපාල | Paya ai hinahenne - HR Jothipala


පායා ඇයි හි‍නැහෙන්නේ
නිල් ගුවනේ තරු රාශි
ඇතිවී නැති වී නම් ඇගෙ මුහුණේ
නිල්වන් දෙනෙතේ කාන්ති...//

ඇගෙ වත මට නොපෙනේ නම්
පුන්සද ඇයි හිනැහෙන්නේ...//
නැති දා ඇගෙ ගී රාවේ
කොවුලනි ඇයි ගී ගැයුවේ...
කොවුලනි ඇයි ගී ගැයුවේ...

වනයේ පිපි මල් ගොමුවේ..
සමනලයිනි ඇයි හැඩුවේ..
ඇති වී නැති වී නම් ඇගෙ මුහුණේ..
නිල් වන් දෙනෙතේ කාන්ති..

ඇගෙ දිමුතු දසන් නොපෙනී
මට මොකටද මුතු පන්තී...//
ඇගෙ කදුලැලි ඇති විටදී
ඕනැ නැ දියමන්තී...//

මුලදි බැන්ද ආදරයක - එච්.ආර්. ජෝතිපාල | Muladi benda adarayaka - HR Jothipala


මගෙ අත ඔබට හැර හිතවතියකට වෙන
දුන්නොත් මගේ ජීවිතයකි කදුළු බොන
මිනී වලක මා යටකර තබන දින
වැහි නැති අකුණු පුපුරයි මගෙ වලට පැන||

මුලදි බැන්ද ආදරයක මිහිර දැන්
සැනසීම සොයමි මගෙ පපුවට තද කරන්
ශෝකය දුක ආවත් මට කොයි තරම්
මම දාලා යන්නෙ නැ මගෙ සුදු රත්තරන්...//

අසරණ මා අමතක කෙරුවත් ඔයා
සිතුවාද ඔබව මට අමතක වෙයි කියා..//
එහෙම කලොත් යම්කිසි දවසක මෙමා
හමුවන්නෙ ඔබට මේ මගෙ මල කඳ තමා...//

සෝකය දුක ආවත් මට කොයි තරම්
මම දාලා යන්නෙ නැ මගෙ සුදු රත්තරන්
මුලදි බැන්ද ආදරයක මිහිර දැන්
සැනසීම සොයමි මගෙ පපුවට තද කරන්...

මල් කුමරියො හිටියත් කොතරම් කැලේ
ඒ සැවොම පරාදයි පැහැයට ඔබෙ තොලේ..//
එක් වෙන්නට නොහැකි වු‍‍නොත් රන්කදේ
සැනසෙමු දෙන්නම් එක තැන එක මිනි වලේ...//


ගායනය - එච්.ආර්. ජෝතිපාල
ගී පද - ඇලෝයි ගුණවර්ධන




වීඩියෝව ගත්තෙ මෙතනින් - Minura Perera

උන්මාද වූ ප්‍රේමාදරේ...

උන්මාද වූ ප්‍රේමාදරේ
සමනල වසන්ත යෞවනයේ
සංසාරයේ සුභ ප්‍රාර්ථනා
ඉදුනිල් දෙනයන සටහන්වේ

රළ පෙල කැලඹේ හසගන විලසේ
ලවනට සුදුමුදු පහස ලැබේදෝ...//
ඔබ හදවත මා හදුනාගත් සේ
මා හදවත ඔබ හැදිනගනීදෝ...

කිඳුරු කොදෙව්වේ කසුන් කුමාරිකාවී
සයුරු තෙරෙන් සැගවී ආවාදෝ...//
චන්ඩ මරුතේ ඉන්ද්‍රකීලයක් වගේ
නොසැලී ඉන්නට වරම් ලැබේ‍ දෝ...

දම්පාටින් ලා - ගුණදාස කපුගේ, මාලනී බුලත්සිංහල | Dampatin La - Gunadasa Kapuge, Malani Bulathsinhala

දම්පාටින් ලා සඳ බැස යනවා
අකාසේ රන් වන් පාටයි
සමුගෙන යන්න මගෙන් තව මොහොතයි
නොදොඩා ඉන්නේ ඇයි...

රන් පටින් සඳ මුහුණ පෙනෙනවා
වෙන්වී යන මොහොතක් නැගෙයි
දෑසට ලංව බලන් මේ මොහොතේ
ගොළුවී ඉන්නේ මං

සෙවනැලි නොමැකේ නම්
එලිය කළු නොවේ නම්..//
බිත්ති පුරා ඔබෙ
සෙවනැලි ඇන්දේ
තනිය මකා ගන්නයි - එනතුරු
සොයා මගේ සෙනෙහස මතුදා..

දම්පාටින් ලා‍‍‍...//

රෑ කල දිගුවේ නම්
ලා සඳ නොමැකේ නම්..//
නෙළුම් පතක රැදි පිණිබිදුවක් සේ
ලමැද තලා යනහනේ ඉන්නම්
පමාවෙලා හිරු නැගෙන තුරා..

දම්පාටින් ලා‍‍‍...//

සැන්දෑ අහස වගේ - මාලනී බුලත්සිංහල | Sanda Ahasa Wage - Malani Bulathsinhala

සැන්දෑ අහස වගේ
සැරසී මට ඉන්න කියා
කියන්න ඇයි ඔබ නාවේ
මා රිදවන්නද සිතුවේ..//

හිස ගවසන්න සිතා - සමන් පිච්ච පොකුරු කඩා
අහසට විසිකෙරුවා මං...
රෑකල අහස බලන ඔබට පෙනෙයි‍..
හිතන් එපා තරුයි කියා ඔබ රැවටේවී..

සැන්දෑ අහස වගේ..//

කණ පලදින්න ගෙනා - තෝඩු දෙකින් එකක් කඩා
අහසට විසිකෙරුවා මං...
රෑ කල අහස බලන ඔබට පෙනේවී...
හිතන් එපා අඩ සඳ යැයි ඔබ රැවටේවී...

සැන්දෑ අහස වගේ..//


ගායනය : විශාරද මාලනී බුලත්සිංහල
පද රචනය : ලූෂන් බුලත්සිංහල
සංගීතය : එච්. එම්. ජයවර්ධන

කදුපාමුල සිට - ආත්මා ලියනගේ | Kandupamula sita - Aathma Liyanage - sinhala lyrics

කදුපාමුල සිට දැහැනට සම වැද
මා ගයනා ගී ඔබට ඇසෙනවද...
කදු මුදුනේ සිට දිවැස් හෙලනු මැන
ආල වඩන සඳ කිඳුරු ලියේ

මිටියාවත් කදු ශිඛර සිසාරා
සඳ බැස යන තුරු ‍අවර වනපෙතේ
ඔබ කී රහසින් මා සැළුනේ නැත
ඔබ අන්සතු බව මම දැන සිටියේ...

ඇල දොල ගංගා සයුර සිසාරා
ඉර නැග එන විට පෙරඹර අහසේ
ඔය නෙතු කැල්මෙන් මා සැළුනේ නැත
ඔබ අන්සතු බව මම දැන සිටියේ

කදුපාමුල සිට...//

ගායනය, සංගිතය - ආත්මා ලියනගේ
තනුව - කාලෝ විජේවීර
ගී පද - සරත් ගුණරත්න

එපා කඳුලැල් සලා - ආත්මා ලියනගේ | Epa kandulel sala - Aathma Liyanage

එපා කඳුලැල් සලා
හඬන්නට ඔබේ නෙත
මල් සුවඳ ගලා
සිප ගනී ඔබේ මුව...//

එපා සුසුමන් හලා
රිදවන්න ඔබේ හද...//
සියොත් කැල ගී ගයා
සතපවයි ඔබේ සිත...//

ආදර හැඟුමන් සලා‍
මිරිඟුවක වෙලෙන් එපා..//
ඔබේ හද පුදසුනේ
හිමි කුමරු එන තුරා..//


ගායනය - ආත්මා ලියනගේ

මොරසූරණ වැසි - ආත්මා ලියනගේ | Mora soorana wesi - Aathma Liyanage

මොරසූරණ වැසි ඇදගෙන හැළුනා
මට මතකයි සමුගත් දිනයේ
මා සිතුවේ නැ ලොව ‍හැර යන්නට
අවිහිංසක නුඹ සිතයි කියා..//

නිමල ආදරේ අවිහිංසක බව
ලෝකය නැ දැනගෙන උන්නේ
මාරුතයක් ඇවිදින් ඒ සුළඟේ
ඔබ අරගෙන ඈතට යනවා

මොරසූරණ වැසි...//

තරු නෙතු සඟවා ඔබ සැතපෙනවා
හැඬූ නමුදු ඉන් නොමැත පලේ
වද මල සිඹලා මම සමුගන්නෙමි
හෙට හමුවෙමු අපි අපේ ලොවේ

මොරසූරණ වැසි...//


ගායනය - ආත්මා ලියනගේ

සඳ හිරු තාරකා - ආත්මා ලියනගේ | Sanda Hiru Tharaka - Athma Liyanage

සසලව ඇත ඔබෙ සිත බියවී
මගෙ සිත‍ වෙනතක දෝ සිතා..
සිතන්න සැක බිය හැරදා ලදේ..
සඳ හිරු තාරකා පායනා ලෙසින්
සඳ හිරු තාරකා පායනා ලෙසින්..
ඔබේ හද තුල පායයි මගෙ ආදරේ..

එපා සිතන්න හිත රිදෙනා දේවල්
‍එපා පතන්න අප වෙන්වන පැතුමන්
එපා කියන්න සිත රිදෙනා දේවල්
එපා බලන්න දුක හිතෙනා බැල්මන්..

සඳ හිරු තාරකා...//

සිතා සිතුවත් හිත රිදෙනා දේවල්
පතා පැතුවත් අප වෙන්වන පැතුමන්
‍හඬා කීවත් සිත‍ රිදෙනා දේවල්
එපා බලන්න දුක හිතෙනා බැල්මන්

සඳ හිරු තාරකා...//


ගායනය : ආත්මා ලියනගේ 
සංගීතය : සරත් ද අල්විස්

ඔබයි රම්‍ය සඳ කිරණ - නන්දා මාලිනී  | Obai ramya sanda kirana - Nanda Malini - sinhala lyrics


ප්‍රේමයේ රුදුරු බව එයයි
මිදි යුෂ යැයි රැවටී හලාහල
විෂ බිව්වේ ඇයි මා...
පෙම් දැල මැද පැටලී සුසුම් ලා
මුලා වුනේ ඇයි මා...

ප්‍රේමයේ මධුර බව මෙයයි
ඔබයි රම්‍ය සඳ කිරණ
ඝණ අන්ධකාරේ...

ඔබයි රම්‍ය සඳ කිරණ
ඝණ අන්ධකාරේ...
ඔබයි සෞම්‍ය තරු එළිය
ගිම්හාන කාලේ...

සදා නන්ද කරවූ
ඔබේ මධුර රාවෙන්
පිපී යාවී අරවින්දයක්
සේ තඩාගේ..

ප්‍රේමය නම් කිමැයි ඔබ මට කියාදුන්නේය
දැන් මගේ පරමාර්ථය ඔබය
මගේ පරමාදර්ශය ඔබය
මගේ ඒකායන ප්‍රාර්ථනය ඔබයි

ඔබයි රම්‍ය සඳ කිරණ
ඝණ අන්ධකාරේ...
ඔබයි සෞම්‍ය තරු එළිය
ගිම්හාන කාලේ...

උදා වූ සුපෙම් පත්
මුසුන් වී රැදේවා
මගේ පුංචි ලෝකේ
තැවුල් දුක් නොවේවා...

ප්‍රේමයේ ද්වාරය ඔබ මට විවෘත කලේය
දැන් මගේ අතීතය ඔබය
මගේ වර්තමානය ඔබය
මගේ උත්තරීතර අනාගතය ඔබය

ඔබයි රම්‍ය සඳ කිරණ
ඝණ අන්ධකාරේ...
ඔබයි සෞම්‍ය තරු එළිය
ගිම්හාන කාලේ...

ගායනය: විශාරද නන්දා මාලිනී
පද රචනය: මහාචාර්ය සුනිල් ආරියරත්න
සංගීතය: එච්.එම්.ජයවර්ධන

රුක් අත්තන මල මුදුනේ - නන්දා මාලිනී  | Ruk attana mala mudune - Nanda Malini - sinhala lyrics


රුක් අත්තන මල මුදුනේ
ඹමරු නටන හැන්දෑවේ
සැදෑ අදුර පියමන් කර - කවුරුද එන්නේ
පුතුනි බලන් යොමා නුවන්
කවුරුද එන්නේ...

මුතු පිණි දැල් සැලෙන ඔබේ
උදා දිමුතු හිරු එලියේ..
පුතුසවනට රහස් කියා - පියමන් කරලා
අප වෙනුවෙන් දවස ගෙවා - වෙහෙසී එන්නේ

රුක් අත්තන මල මුදුනේ...//

පතොක් වැටිය උඩින් වැදී
දිවයුරු මිය යන මොහොතේ
පුරා හදක් සේ ඈතින් කවුරුද එන්නේ..
පුතුනි බලන් යොමා නුවන් කවුරුද ‍එන්නේ..

රුක් අත්තන මල මුදුනේ...//

ගායනය: විශාරද නන්දා මාලිනී
පද රචනය: මහින්ද අල්ගම
සංගීතය: නන්දා මාලිනී

සිත ඔබ පාමුල - දීපිකා ප්‍රියදර්ශනී | Sitha Oba Pamula - Deepika Priyadarshani

සිත ඔබ පාමුල සතපා..
බිඳි සෙනෙහස ගිනි උහුලා..
අහිමි විජිතයෙන් සමුගෙන යන්නම්
ඔබට සෝතැවුල් නොම වේවා...//

අසුරු සැනක් වූ රුසිරු අතීතය
සිහිනෙන් ගෑ මුදු සුවඳක් සේ..//
සඳා රැදේ‍වා...ඔබේ ලොවේ...
සිත ඔබ පාමුල...//

ඔබට පිදුම් වූ සිතක විලාපය
කැටපත් පවුරක ගීයක් සේ...//
සදා රැදේවා...ඔබේ හදේ...
සිත ඔබ පාමුල...//

ගායනය : දීපිකා ප්‍රියදර්ශනී පීරිස්
පද රචනය : කුලරත්න ආරියවංශ
සංගීතය : රෝහණ වීරසිංහ


අහසයි ඔබ මට - සුනිල් එදිරිසිංහ, දීපිකා ප්‍රියදර්ශනී | Ahasai oba mata - Sunil Edirisinghe, Deepika Priyadarshani



අහසයි ඔබ මට නිම් හිම් නොපෙනෙන
හිනිමන් බදිනු බැරි...
පොළොවයි ඔබ මට තරුවක් විලසට
රෑකල පතිත වෙමි...

ගඟේ වතුර නැ ඉහලට ගලා ගියේ
අසනි හඩින් නැ කදුබිම් සසල වුනේ..
ගඟ කවදා හෝ මුවදොර හමුවෙනවා
ලොව කැළඹුන දා කදුබිම් හැකිලෙනවා...

අහසයි ඔබ මට..//

‍අනාත සයුරක වැහිදිය දෝත ඔබයි
අගාත අඳුරක දොල රන් සිළුව ඔබයි..
ඔබ මට ලඟ බව ඉදුරා මම දනිමි
ඔබ වට කහවනු පවුරට මහ දුරකි...

අහසයි ඔබ මට.. //

ගායනය - සුනිල් එදිරිසිංහ, දීපිකා ප්‍රියදර්ශනී
සංගීතය - රෝහණ වීරසිංහ
පද රචනය - බන්දුල නානායක්කාරවසම්


අහස නුඹ මෙතරම් - දීපිකා ප්‍රියදර්ශනී පීරිස් | Ahasa Nuba Metharam - Deepika Priyadarshani Peiris - sinhala lyrics

අහස නුඹ මෙතරම් සැඩ යැයි
දැනුනෙ මහ වැසි වැටුනාමයි
පොළොව නුඹ මෙතරම් රළු යැයි
හැඟුනෙ නියගය ආවාමයි..//

රෑට තරු ඉසිනා අහසට
අඳුරු සිත් ලැබුනේ කොහොමද
නේක මල් සදනා පොළොවට
නපුරු සිත් කොයිඹින් ලැබුනිද...

අහස නුඹ මෙතරම්...//

නීල ඉදුවර පෑ අහසට
කදුළු වැසි දුන්නේ කවුරුද...//
පලා පෑ ඉසි ලූ මිහිමත
නියන් ඇති රූ වුයේ කවුරුද...

අහස නූඹ මෙතරම්...//


ගායනය : දීපිකා ප්‍රියදර්ශනී පීරිස්

ගීතයක් සේ මතුවෙයන්‍‍‍ - අසංක ප්‍රියමන්ත පීරිස් | Geethayak se mathuweyan - Asanka Priyamantha Peiris


ගීතයක් සේ මතුවෙයන්
නොසිතූ වෙලාවක
හීනයක් සේ පෑදියන්
තනිවූ විරාමෙක...//
මා හැරදමා ගිය මියුලැසී...

හෙට දිනක් පෙර මඟක් අරමුණක් නැති
ගෙවෙන දිවියේ..ඉසිඹුවක් ලෙස හෝ..
ගෙවුනු රස බර මතක මතුකර හිනැහියන්
මා හැර දමා ගිය මියුලැසී...

ගීතයක් සේ...//

හිනැහෙමින් වැලපෙමින් තුටු සිතින්
පෙම් පිරූ සමයේ සලකුණක් ලෙස හෝ
පුරුදු ඉමිහිරි සිහින සමඟින් දැවටියන්
මා හැරදමා ගිය මියුලැසී...

ගීතයක් සේ...//

වැල්ලේ කිරි වැල්ලේ...

වැල්ලේ කිරි වැල්ලේ හාදූ දේවී
ජීවන‍යේ ප්‍රේම මැණික් පෑදේවී...
ප්‍රේම අමා පානේ මුව බේරේවී
ලෝකෙ අමා පාමුල මින් තේරේවි

මැණිකෙ ලැබුනේ මාගේ
පෙර පිනකින් වාගේ
ඕලු නෙළුම් මානෙල් මැද සංයෝගේ
විහිළු කරයි ප්‍රේමෙට අප දෙන්නාගේ...//

කියන්න කියන දෙයක් ඇයිද ඉන්නෙ තාම බලා
‍නොදන්නවාද සිහින ලොවෙහිත් මා ප්‍රේම‍ කලා
ගම්මානේ පෙම් සිහිනේ එලිවෙන්නේ
එලිවෙන්නේ ගම්මානේ...

අසරණ කෙල්ලෙකි මා කුල සිරිතට දෙන්නෙ නැතේ
මට දායාද මොටද ඔබේ සිනා රැල්ල ඇති
දැනගෙන රහස අපේ - කෙකටිය කැකුළු පිපේ
දැනගෙන රහස අපේ - කෙකටිය කැකුළු පිපේ

ඕලු නෙළුම් මානෙල් මැද සංයෝගේ..
විහිළු කරයි ප්‍රේමෙට අප දෙන්නාගේ..

වැල්ලේ කිරි වැල්ලේ...//

වළා අතුල සිරියහනේ - අමරසිරි පීරිස් | Wala Athula Siri Yahane - Amarasiri Peiris

වළා අතුල සිරියහනේ
උණුසුම් හිරු කෙඳි පොරවා
ඉන්ද්‍රචාප කුමාරයා
නිදා වැටෙනවා...

මල් සුගන්ධයෙන් නැලැවෙන
ලතා මඬුල්ලේ ලැගගෙන
රෑන් රෑන් සියොතුන් ගී
සින්දු කියනවා...

ජීවිතය වගේ මුමුණන
ආදරය වගේ දිලිහෙන
දිය තරංග පොකුරක්
එලියෙන් නලියනවා...

නොදරුවෙකු අතින් බොඳවුන
සිතුවමක් ලෙසින් සුන්දර
පාට රෑනකින් දස අත
රටා වියනවා...

කිරිවැදී නටන ගොයමට
මීදුමින් වැටී පිණිකැට
රන්දමක් ලෙසින් ගෙල වට
රනින් දිලෙනවා...

හෙටක් ගැන යමක් නොදකින
හෙටක් තිබේ දැයි නොසිතන
කෙනෙක් මධුවිතක් තොල් අග
තවරගන්නවා...

වළා අතුල...//


ගායනය : අමරසිරි පීරිස්
පද රචනය : සුනිල් රත්නායක
සංගීතය : ප්‍රේමසිරි කේමදාස

(සුනිල් රත්නායකයන්ගේ "දළ රළ පෙල" ටෙලිනාට්‍යයේ තේමා ගීතයයි)



වීඩියෝව - Ransiri Silva

විහඟ ගීතය නිහඬ ඇයි - අමරසිරි පීරිස් | Vihaga Geethaya - Amarasiri Peiris, Malani Bulathsinghala

විහඟ ගීතය නිහඬ ඇයි
කියනු මැන කොඳුරා..
නොපෙනෙනා දුර ඈත කුටියක සිරවෙලා..
විහඟ ගීතය නිහඬ සුසුමක නැවතිලා..

ලදළු මැලවී තුරු ලතා තැති ගැනී..
සිරස සරසණ මලක් වත් නැ පිපි..
අඳුර රජ වී අනේ දුනු හී ඇනී..
නිහඬ කුටියක විහඟ ගී ගොළුවී..

විහඟ ගීතය...//

කදුළු වගුරා පහුරු ගා දෙස් තියා..
ප්‍රගීතයකට කොහොම තැවෙමුද හඬා..
‍පියාඹන්නට නාද දී නිදහසේ..
විහඟ ගීතය මුදා ගෙන එමු සඳේ..

විහඟ ගීතය...//


ගායනය : අමරසිරි පීරිස්, මාලනී බුලත්සිංහල

සඳගල තැන්නේ පාමුල - අමරසිරි පීරිස්, ශෂිකා නිසංසලා | Sadagala Thanne - Amarasiri Peiris, Shashika Nisansala

ආ මග වැරදී යන මං නොපෙනේ
තනිවී දෙවිඳුන් නැති දෙවොලේ..
කව්රු යදින්නද කව්රු පතන්නද
හිරු සඳුවත් නැති මිහිමඬලේ

සඳගල තැන්නේ පාමුල සීතල වතුරේ
තුරු සෙවනැලි පාවේ නිල් දිය රැළි අතරේ
දං පදුරේ මංකඩ ලඟ ගොම්මන් අඳුරේ
දිය බුං හඬ නෑ දැන් එය සිහිනෙකි මිහිරේ

හඬා දොඩා කීවත් දුක කව්රුද ඇසුවේ
ප්‍රාර්ථනා ගඟ උතුරා කඳුලැලි ගැලුවේ
මන්දාරම් අහස වැසූ මිහිඳුම් සළුවේ
කිම්ද සොඳුරු ජීවන මග හිරිකඩ හෙළුවේ

සඳගල තැන්නේ පාමුල සීතල වතුරේ
තුරු සෙවනැලි පාවේ නිල් දිය රැළි අතරේ...

ගායනය - විශරද අමරසිරි පීරිස් සමග ශශිකා නිසංසලා
පද රචනය -
සංගීතය -
(සඳගලතැන්න රූපවාහිනි ටෙලිනාට්‍යයේ තේමා ගීතයයි)

සඳකැන් වැසිලා - වික්ටර් රත්නායක | Sanda ken wasila - Victor Rathnayaka

සඳකැන් වැසිලා අඳුරේ එතිලා
ගණඳුරු රෑ තනිකම නෑ
සොයා එන්න ගණඳුරු තරු නිවලා
මගේ එළිය අද ඔබ පමණී //

//ජිවිතම සතු එකම සුවේ
හී සර පහරක වෙලෙනු පෙනේ//
මේ ලොව මා සතු ඈ සතු ඒ නෙතු
අසල් වාසියෙකු සොයනු දැනේ

සඳකැන් වැසිලා...

//මා නැත අන්සතු සිත් බිඳලා
දෑතම බැඳගෙන ඉඳිමි බලා//
මේ ලොව යම් දවසක අපි වෙන්වෙමු
රහස් අහස් තලයට පවරා

සඳකැන් වැසිලා...

ගායනය - වික්ටර් රත්නායක
පද රචනය - ප්‍රේමකීර්ති ද අල්විස්
සංගීතය - වික්ටර් රත්නායක


සීත අරණේ සුපුල් නාමල - මිල්ටන් මල්ලවාර්ච්චි, මාලිනී බුලත්සිංහල | Seetha arane - Milton Mallawarachchi, Malini Bulathsinghala

සීත අරණේ සුපුල් නාමල
සුවඳ ගැල්වූ ජීවිතේ
සීත හිම ගිර සීත නොදැනේ
දැනේ උණුසුම ආදරේ...

ලතාවක් සේ වෙලී සියොලඟ
පතමි රැකවරණය ඔබෙන් //
සදා දෝතින් මලක් සේ ඔබ
වැළඳ ගන්නෙමි හදවතින්
හදවතින්

සීත අරණේ...

වළාවක් සේ අයාලේ ගිය
සිතට නිවහන ඔබ ළඟයි //
මහා කතරක ගෙවූ තනි මග
නිමා කල ඉම ඔබ නෙතයි
ඔබ නෙතයි

සීත අරණේ...


ගායනය - මිල්ටන් මල්ලවාර්ච්චි සමහ මාලිනී බුලත්සිංහල
පද රචනය - කුලරත්න ආරියවංශ
සංගීතය - ආචාර්ය රෝහණ වීරසිංහ

“ආරාධනා“ චිත්‍රපටයේ ගීතයක්




වීඩියෝව ගත්තෙ මෙතනින් - Tony Jko

ආදර මල්වල - කසුන් කල්හාර, ඉන්ද්‍රචාප ලියනගේ | Adara malwala - Kasun Kalhara, Indrachapa liyanage

ආදර මල් වල පාට කියන්නද
මේ වගෙ ලස්සන තව නෑ
මේ වගෙ ලස්සන තව නෑ
මීදුම් පිණි පොද දෑස වසන් කල
සමනල් සිහිනය පිපුනා...
සමනල් සිහිනය පි පු නා...

දේදුනු රේඛා - දෑසම තවරා..
තවමත් මල් සිත - බලා සිටිනවා..
මීදුම් තවරා සුළඟක - ඈතක සගවා තුන්සිත
දෑස හොරෙන් ඈත‍ සොයනවා..
අදුර මැදින් එන්න සදලියේ...

දේදුනු සායම - දෑස‍ බොඳ කල
මාලති යායක හැලිලා...
මාලති යායක හැලිලා...
සීතල හිම කදු යාය පිය මැන
දෙව්ලිය සිහිනෙක වැ‍ඩියා
දෙව්ලිය සිහිනෙක වැ‍ඩියා...

මල් වරු‍සාවේ - කසුන් කල්හාර | Mal warusawe - Kasun Kalhara

මල් වරුසාවේ පාවී එන්නම්
රෑ අදුරේ...තරු කැට අතරින්
ඔබ එනවානම් - රැදෙන්නම් සිතේ
සීත රැයේ තනිකම නොදැනේ...
නිල් ආකාසේ...පාවී එන්නම්...
පාවී එන්නම්.....

පිණි දිය විසිරුනු ගං ඉවුරේ
දිය රල බිදුනේ ගී හඩ සේ..
ඔබ මා වූ සිහින පැලේ
සෙනෙහේ දැනුනේ...
මල් වරුසාවේ...පාවී එන්නම්
පාවී එන්නම්.....

මල් වරුසාවේ පාවී එන්නම්
රෑ අදුරේ තරු කැට අතරින්
ඔබ එනවානම් රැදෙන්නම් සිතේ
සීත රැයේ තනිකම නොදැනේ
නිල් ආකාසේ...පාවී එන්නම්...
පාවී එන්නම්.....
පාවී එන්නම්.....

සොඳුරු සිතුවම් - කසුන් කල්හාර | Sonduru sithuwam - Kasun Kalhara

සොදුරු සිතුවම් - කුරුළු ගී වැල්
සුවඳ මල් රොන් - සිහිල් නලරැල්
එක මිටින් ගෙනැවී...
ඔබේ හි‍‍‍තේ ඉහිරමි...//

මේ දාහයේ දාඩියරේ
හිරුගේ මඟ අවුරා...
සද ගෙනැත් තබමින්
සද එලිය නාමින්...

සොදුරු සිතුවම්...//

රතු පාට හැන්දෑවේ
දෑ‍ස දෙස නොබලා...
වෙන්වෙලා අවුදින්
සිහින සිතුමිනකින්...

සොදුරු සිතුවම්...//

සුළඟ ඔබද - කසුන් කල්හාර | Sulanga obada - Kasun Kalhara

සුළඟ ඔබද මගෙ සුසුම අරන් යන්න එනවද
සුවඳ ඔබද මතකය ගෙන යන්න යනවද...
තරුව ඔබද..අහසේ තනි වෙන්න ඕ‍නැද
එයා ඔබද යලි හමුවෙන්න එනවද...//

ලැජ්ජාවට දෝ...අහක බලන්නේ
හුරතලයට දෝ මුහුණ වහන්නේ
තරහ වෙලාදෝ...හිනා නොවෙන්නේ
යලි කවදාදෝ ආපසු එන්නේ..

සැනසීමටදෝ...ඈත බලන්නේ
ආදරයට දෝ මට රිදවන්නේ...
කවුරු නිසා‍දෝ...ඔබ ලතැවෙන්නේ
යලි ‍කවදා දෝ අපි හමුවන්නේ

තනිය මටද මගෙ තනිය මකාලන්න එනවද
සිහින මටද සිහිනෙන් දැක ගන්න එනවද
කදුළු මටද දෑසේ වියැලෙන්න දෙනවද
දුක මටද මගේ දුක විදගන්න දෙනවද...

වීනාවී - කසුන් කල්හාර | Veenawi - Kasun Kalhara - sinhala lyrics

වීනාවී උරතලයේ රැදෙන්න
සත්සර රැව් නඟන්න..වීනාවී
කොවුලාන රන් ස්වරයෙන් ගයන්න
මා හද පිරි මදින්න..කොවුලාන

තරු මල් හිස අහසට - නිල් සළු නිලි යහනට
නිදන්න යාවි තරින්ඳු...
කඬුපුල් මල් යායට - පෙම් බැද ගෙන සුවදට
නොනිදයි මගෙ බඹරින්දු...

වීනාවී....//

නියගින් තනින් තනට - ඇන හදවත සොයන්න
අවසර දෙයිද එ ලන්ඳු...
මා හද මඬලට එයිද - කවුරුද කියන්න මට
දුක සැප අසන නිරින්ඳු...

වීනාවී....//

ගායනය - කසුන් කල්හාර
සංගීතය - එච්.එම්. ජයවර්ධන

තරුකැටයක් වී - කසුන් කල්හාර | Tharu ketayak wee - Kasun Kalhara

තරුකැටයක් වී - රෑ අහසේ දිලෙනා
ඔබ එන මඟ සරසන්නම් - දිවිය වෙලා...
පිණි දිය වැටෙනා සැන්දෑ - අහස වෙලා
ඔබ එනවානම් - ඒ තනිකම හැරදා...
ඒ තනිකම හැරදා...
තරුකැටයක් වී - රෑ අහසේ දිලෙනා
ඔබ එන මඟ සරසන්නම් - දිවිය වෙලා...
පිණි දිය වැටෙනා සැන්දෑ - අහස වෙලා
ඔබ එනවානම් - ඒ තනිකම හැරදා...
ඒ තනිකම හැරදා...

පිණිදිය වැටෙනා සැන්දෑ අහස වෙලා
හිරු අවරේ ගිලෙනා තරුව වෙලා...
ඔබේ..............ජීවිතේ....
ඔබේ..........ජීවිතේ....

වෙන්වෙන්න වාදෝ - වික්ටර් රත්නායක | Wenwenawado - Victor Rathnayaka

වෙන්වෙන්න වාදෝ...ලංවූයේ
ලංවෙන්න වා‍දෝ...වෙන්වූයේ...//
මං ආ මඟ නවතින්නම්
බිදුවක් ඈතින් ඉන්නම්
සිහිනෙන් ඔබ දැක ගන්නම්
හැබැහින් ලඟටම එන්නම්...//

දෙන්නා....උන්නේ....
රන්රස සේ පෙම් මල් සේ
ආදරේ - තාරකා...
සෝවනාවේ ඇන්දුනේ

වෙන්වෙන්න වාදෝ...//

ඇන්දා....රන්දා...
රජ දහනේ පෙම්
රජ දහනේ...
ඈ සිතේ - මා කෙරේ
මෝදු වී ආ ආදරේ...

වෙන්වෙන්න වාදෝ...//

ගාායනය - - වික්ටර් රත්නායක

හිනැහෙන්න රෝමියෝ - වික්ටර් රත්නායක | Hinahenna romiyo mamai - Victor Rathnayaka

හිනැහෙන්න රෝමියෝ මමයි
නැ රාම රාජයා ඔඹයි
සුසුමේ ගැලී - නයනේ වෙලී
මා දෑස භාවනා කරයි...//

නා.........ලිය රුව දීලා
පා.........මිණි හඬ වාලා...//
උක් දඬු කැලේ - මල් සර සැ‍ලේ
වසන්ත කා...ලයේ

හිනැහෙන්න රෝමියෝ...//

ලා.........හිරු කැන් පායා
මා.........හද පිඹිදීලා...//
කින්නර කොනේ - රංඟන දිලී
නුවන් අවන් හලේ...

හිනැහෙන්න රෝමියෝ...//


ගායනය - වික්ටර් රත්නායක

මල් පොකුරු පොකුරු - වික්ටර් රත්නායක | Mal pokuru pokuru - Victor Rathnayaka

මල් පොකුරු පොකුරු ඇය එන මඟ
ඈ දෙසටම නැමීයන්
මල් අසිරි සිරිය ඇගෙ මුහුණින්
මල් පොකුරට ලැබීයන්...//

නිල්ල නිලන ගහකොල මත පින්න පිපීලා
ඇගෙ පුංචි ටිකිරි පා වටකොට රංචු ගැසීලා...
පින්න පිපීලා ඇ ලඟ රංචු ගැහීලා
ඇගෙ පුංචි ටිකිරි පා වටකොට රංචු ගැසීලා...

මල් පොකුරු පොකුරු...//

සිංදු කියන බමරු විලස ලංව නැමීලා
අයදින්න හිතයි ආදරයක් දෙන්න කියාලා...
ලංව නැමීලා සෙනෙහස දෙන්න කියාලා
අයදින්න හිතයි ආදරයක් දෙන්න කියාලා...

මල් පොකුරු පොකුරු...//


ගායනය - වික්ටර් රත්නායක
පද රචනය - ආචාර්ය අජන්තා රණසිංහ


එපා හිරු පායන්න - වික්ටර් රත්නායක | Epa hiru payanna - Victor Rathnayaka



එපා හිරු පායන්න
අදින් පසු මගේ ලොවට
අදයි අවසන් දවස ඇගෙන් මා...
මගෙන් ඈ සමුගන්න

සැඳෑ තරු නොදිලෙන්න
සරා සඳ නොනගින්න
වෙලී යුඟදුර සතර
අනු දිසා ගිල ගන්න
ගලා යන නදී දොල මිදී...
මිදී නැවතී ඉන්න

එපා හිරු පායන්න...

පිය මඩුලු තුරු සිරස
එපා මල් පළදින්න...
වසන්තය නිමා විය
කොවුලනේ ගොළු වන්න
සොබා දම් නෑසියනි සැලී...
සැලී කම්පා වන්න..

එපා හිරු පායන්න...

ගායනය - වික්ටර් රත්නායක



Ruchira Bandara



තොටුපොල අයිනේ - වික්ටර් රත්නායක | Thotupola aine - Victor Rathnayaka

තොටුපොල අයිනේ.......කව්ද අත වනන්නේ...
කව්ද අත වනන්නේ......තොටුපොල අයිනේ...//

හැන්දෑ වරුවේ ඉවුරේ වැටකේ
උණ පදුරේ හෙව‍‍නේ...
හබල බිදීලා......ආ.....
හබල බිදීලා - පෙරළුන ඔරුවක
සුන්බුන් නෙත දැවටේ...
ඒ දෙස නොබලමි
ඒ...දෙස නොබලමි
තොටුපොල අයිනේ - කව්ද අතවනන්නේ

ආමඟ අදුරේ පෙරමඟ එගොඩින්
තරු යුවලක් ඇවිලේ...
ඔරු කඳ ඇතුලේ.....ඒ....
ඔරු කඳ ඇතුලේ
නුපුරුදු සුවඳක් දියමංකඩ විසිරේ..
හෙටමම හිනැහෙමි
හෙට මම හිනැහෙමි
තොටුපොල අයිනේ- කව්ද අතවනන්නේ...

තොටුපොල අයිනේ...//


ගායනය - වික්ටර් රත්නායක

සඳ මඬලට හිනැහෙන්නට - සෝමතිලක ජයමහ | Sanda madalata hinahennata - Somathilaka Jayamaha


සඳ මඩලට හිනැහෙන්නට එපා කියන්න
වසන්තයට යලි එන්නට එපා කියන්න
මගේ පාළුව විදගන්නට මට ඉඩ දෙන්න
ඔබ ඈතින් ඉන්න මතකෙට නෑවිත් ඉන්න...
ඔබ ඈතින් ඉන්න මතකෙට නෑවිත් ඉන්න...

ගං ඉවුරට මුමුණන්නට එපා කියන්න
තරු යායට ඉඟිලන්නට එපා කියන්න
මං කෙලෙසක ඒ විසිතුරු බලා හිදිම්ද
ඔබ ඈතින් ඉන්න මතකෙට නෑවිත් ඉන්න...
ඔබ ඈතින් ඉන්න මතකෙට නෑවිත් ඉන්න...

සඳ මඩලට හිනැහෙන්නට...//

මද පවනට දැවටෙන්නට එපා කියන්න
මල් සුවඳට ලං වෙන්නට එපා කියන්න
මං කෙලෙසක ඒ සිහිලැල් දරා හිදිම්ද
ඔබ ඈතින් ඉන්න මතකෙට නෑවිත් ඉන්න...
ඔබ ඈතින් ඉන්න මතකෙට නෑවිත් ඉන්න...

සඳ මඩලට හිනැහෙන්නට...//

සැදෑ අඳුර ලොව - සෝමතිලක ජයමහ | Sandae andura lowa galana - Somathilaka Jayamaha


සැදෑ අඳුර ලොව ගලන ‍වෙලාවට
කවුළු පියන්පත් වැසෙන වෙලාවට
දහසක් දොම්නස් සිහින පවුරු මැද
තනිවුන ඔබෙ සුසුමන් සෙමින් විත්
මගෙ සවනත පාරයි...//

තෙරක් නොමැති සිතුවිලි සයුරක් මැද
සරන විටදි රැය ගෙවෙන තුරාවට...//
මහඳ සෙනෙහෙ ඔරුවේ නැගී ඔබ
එතෙර වන්න නිඹදේ - මුළු ලොව වෙත
එතෙර වන්න නිඹදේ...

සැදෑ අඳුර ලොව...//

නිමල පැතුම් සපුරාගෙන හද තුල
සිහින ලොවින් නෙතු හැරෙන වෙලාවට...//
අරුණළු නැගෙන පැයේ හසුනක් දෙමි
ජීවින මල් ගොමුවේ - ඔබෙ ආදර
ජීවන මල් ගොමුවේ...//

සැදෑ අඳුර ලොව...//

ගායනය : සෝමතිලක ජයමහ
පද රචනය : සෝමතිලක ජයමහ

පොඩි දුවගේ සිනා වැලයි - සෝමතිලක ජයමහ | Podi duwage sina welai - Somathilaka Jayamaha


පොඩි දුවගේ සිනා වැලයි
පොඩි පුතුගේ කතා පෙලයි
ප්‍රිය බිරිදගෙ සෙනේ විලයි
මගේ නිවන මගේ පැල්පතයි

කටු මැටි ගැ බිත්ති පුරා
පළිඟු මැණික් එළිය දිලේ
ගොම මැටි ගෑ ගෙබිම මගේ
පියවිලි බුමුතුරු ව‍‍ගේ...//

පොඩි දුවගේ...//

ලබන නමුත් දුක් පීඩා
කූඩු වුනොත් පුංචි පැලේ
අඹුදරුවන් අතර තුරේ
මට නිම්නැති සුවය දැනේ...//

පොඩි දුවගේ...//

ගායනය - සෝමතිලක ජයමහ
සංගීතය - රෝහණ වීරසිංහ
ගී පද - සුනිල් ආරියරත්න

පියමන් කෙරුවෙමු - සෝමතිලක ජයමහ | Piyaman keruwemu - Somathilaka Jayamaha


පියමන් කෙරුවෙමු මහ‍ වෙල් මැද්දෙන්
පෙම්බස් දෙඩුවෙමු උයන් කො‍නෙක හිද
ශිල්ප උගත්තෙමු නැණ ලැබ ගත්තෙමු
දෙපා වාරු නැත ඔභ හැර යන්නට...//

නිල් තණ පලසෙහි ගැටුන දෙපාවයි
කෝල හැඟුම් කෙලි කවට සිනාවයි...//
මල් නැටුමයි - කළගෙඩි නැටුමයි
මගේ දෑස තුල යලිත් ඇදේවිද...//

පියමන් කෙරුවෙමු...//

නෙත කඳුලින් හස පෙමින් මුවාකල
සොදුරු පැතුම් පුරවා මන මත් කල...//
මගෙ කෙලිලොල් විය ගෙවුනු වගයි
මා හැදු පාසල් මවුනි දායාදර...//

පියමන් කෙරුවෙමු...//

තුමුල නමුණු කුල ගිරි හිස..

තුමුල නමුනු කුල ගිරි හිස - උඳුල සඳ මඬල දුටු නෙත
රැවටුනා තමයි..
කිම‍ ද මේ තරම් ඒ ගැන - හිනැහෙන්නට කාරණා
මුහුණ රතු වෙලා දෙනෙතින් - කදුළු පනින තුරු එලියට
ඔහොම හිනා‍වෙනකොට උඹ - ‍ලස්සනයි උමා...

නුඹේ වත මඬල සඟවා - මුවා වෙන ලෙසින් අතුරන
සීත පිණි නිසා තිලකය - පාළුවෙයි උමා..
සීත මීදුමේ තිරපට - වළලු ලූ අතින් ඉවතට
ඈත්කර හොරෙන් හෙමිහිට - බලාපන් උමා...

කන්ද උඩ රුවින් දිදුලන - කන්ද කදිර දේවාලය
අපට පිහිට වෙයි කියලා - හිතනවද උමා...
අප වටා නැගෙන උවදුරු - ඈත්වී නොබෝ කලකින්
පිච්ච මල් සුවඳ විතරක් - ඉති‍රි වෙද උමා...

පද රචනය : සුදත් ගාමිණී බණ්ඩාර
සංගීතය : ආනන්ද පෙරේරා

හත් මුහුදින් එපිට ගුගුරුවා - සුනිල් එදිරිසිංහ | Hath muhudin epita guguruwa - Sunil Edirisinghe

හත් මුහුදින් එපිට ගුගුරුවා බතරොයි උගුරු දණ්ඩ
හත්දෙයියන් බලා ඉද්දි සුද්දෝ ආවෙ රට කරන්න
මහත්වරුනි දන්නවාද සුද්දො ආවෙ රට කරන්න

ඇත්දත් ගම්මිරිස් කුරුඳු මැණික් අරන් එතෙර යන්න
ලක් මවුනගෙ දරුපැටවුන් වහල් කමේ තියාගන්න
වැව් බිඳ රන් කොත බිමලා..//
දාගැබ පිට කොඩි දමන්න
මහත්වරුනි දන්නවාද සුද්දො ආවෙ රට කරන්න

යෝද කඳු වළලු වටලා වන හිස මුඩු බිම් කරන්න
කෝපි තේ රබර් වවලා එතෙර එදේසෙට යවන්න
ඉර නොබහින පොළව වටේ..//
කතිර කොඩිය ලෙළ දෙවන්න
මහත්වරුනි දන්නවාද සුද්දො ආවෙ රට කරන්න

සත්තු වගේ මඩ ගාගෙන දිව කාගෙන බර අදින්න
උත්තම අදිරාජ්ජෙකට ජීවිත පූජා කරන්න
අනේ අපොයි අපිත් ගියා..//
පය පාමුල වාල් වෙන්න
මහත්වරුනි දන්නවාද සුද්දෝ ආවෙ රට කරන්න

හත්මුහුදින් එපිට ගුගුරුවා..

මහත්වරුනි පේනවාද අදත් එනව රට කරන්න....

වාදකයාණෙනි - සුනිල් එදිරිසිංහ | Wadakayaneni - Sunil Edirisinghe

වාදකයාණෙනි ඔබේ සිතාරය
සත්සර නංවන සුමිහිර රාවය
කෙතක ගොයම් නෙළනා ලඳුන්නේ
දෙතොලේ ගීයට මුසු කළ මැනවී...

අඬ අඳුරේ මන්මත් කල රාගය
තොලගාමින් මෝහයේ සුරාවිත
ආලිංගන නැටුමකට සාදය
කුමට වයන්නෙද එවන් සිතාරය

වාදකයාණෙන්...

නව ලොව එළි කළ අරුණාලෝකය
රන් කෙත කරනා සඳ ආලෝකය
සව් සිරි අස්වනු නෙළනා ගීතය
රසවත් කළ මැන වයා සිතාරය

වාදකයාණෙන්...

ගායනය - විශාරද සුනිල් එදිරිසිංහ
පද රචනය - සමන් චන්ද්‍රනාත්
සංගීතය - වී.වී.නන්දසිරි

සුවඳ මල් රේණු

සුවඳ මල් රේණු පිස එන
හාදු දෙන සිහිල් මද නල
නුඹට සමානා...
කුරුළු තුඩු අගින් ගිලිහෙන
මිහිරි මියුරු ගී පද වැල
නුඹේ සිනාවා...

සීත පිනි වදුල සඟවා
මෝදුවී නිශා නුබ ගැබ
අඳුර මකාවා...
නීල විල් දියේ උපදින
කොද මලක සුමුදු රල පෙති
කොපුල් තලාවා...

සුවඳ මල්...//

අරුණ දොරකඩින් නැග‍ එන
උදා හිරු කිරණ සඳවත
පුබුදු කරාවා...
නොඹා කරලියට දිව යන
හදට පණ පොවන උල්පත්
නුඹේ සිනාවා...

සුවඳ මල්...//

බානෙන් බැඳ රජ රට පෙදෙසින්නේ - සුනිල් එදිරිසිංහ | Banen benda - Sunil Edirisinghe

බානෙන් බැඳ රජ රට පෙදෙසින්නේ
කෝච්චියේ හිර ගෙයි බැඳ එන්නේ
පිහියේ මුවහත ගෙල සිප ගන්නේ
උදයෙම මේ කය නිසසල වන්නේ

උගේ කිරෙන් බෝධිය දෝවන්නේ
උගෙන් මැඩූ බත දනට පුදන්නේ
උන්ගෙම හම බෙර හඬට බඳින්නේ
උන් බැඳි ගැල් නැග පන්සල් යන්නේ

බානෙන් බැඳ...

කිරි රස දන්නෝ මව් හඳුනන්නෝ
බත් රස දන්නෝ කෙත් හඳුනන්නෝ
බත් සහ කිරි රස දෙකම නොදන්නෝ
මිනිසත් බව ලැබ කුමට උපන්නෝ

ලේ කිරි අයිතිය වහු පැටියන්නේ
දම් සක්වල ගල හැපී බිඳෙන්නේ
ඒ කිරි උදුරා බිව් මිනිසුන්නේ
සිත් වල ඇයි කලගුණ නොරැඳෙන්නේ///

ගායනය - විශාරද සුනිල් එදිරිසිංහ
පද රචනය - ප්‍රේමකීර්ති ද අල්විස්
සංගීතය -

මොනවද මුත්තේ මොකද කරන්නේ...

මොනවද මුත්තේ මොකද කරන්නේ
මොකටද ඔබ ඔය බිම හාරන්නේ

නුඹටත් ලමයෝ නොපෙනේ නොසිතමි
අඹ ඇටයක් සිටුවන්නට හාරමි

දුකසේ සිටුවා අඹ ඇටයක් අද
එක අඹයක්වත් කන්න ලැබේවිද

//..................................

මම ලමයෝ මින් අඹයක් නොපතමි
යුතුකම පමණක් ඉටුකොට තබනෙමි

තමන්ට නොලැබෙන දේකින් ලෝකෙට
කරන්න හැකිදේ නොම තේරෙයි මට

පුදුමයි ලමයෝ නුඹෙ ඔය අදහස
හැදුනොත් ඔහොමට නුඹටම වෙයි දොස

//.....................................

පෙර උන් අය සිටවූ අඹගස් වල
ඵලයෙන් අප කවුරුත් ලබනෙමි පල

අපෙන් පසුව එන අයටත් එම ඵල
ලැබෙන්න සැලසුම අපගේ යුතුකම

ඒ යුතුකම හොඳ හැටි දැන ගත්තෙමි
ආයුබොවන් මුත්තේ මම යන්නෙමි///

ගායනය - විශාරද රෝහණ වීරසිංහ සහ අනූෂා නානායක්කාර
පද රචනය - ටිබෙට් ජාතික එස් මහින්ද හිමි
සංගීතය - රෝහණ වීරසිංහ

බිදුනු පෙම් හද - ගුණදාස කපුගේ | Bidunu Pem Hada - Gunadasa Kapuge

බිදුනු පෙම් හද නිවාලන්නට
කඳුල නුඹ ආදා...
අඳුර රජයන හුදකලා හිත
නුඹට පෙම් බැන්දා...

සරාගික වු නෙතින් ගිලිහී
ජීවිතෙන් පිදු ආද‍රේ...//
නිමාවූ සිහි වටන පමණකි
දෙනෙත් දෑ‍ලේ ඉදිවුනේ
කඳුල නුඹ පිපුනා...
දැවී ගිණිගත් - පෙම් සුසානේ
කඳුළු මල් පිපුනා...

බිදුනු පෙම් හද...//

ප්‍රේම ආතුරයන් වෙලා
ජීවිතේ මංසලේ...//
දිනෙක ඇය මා අමුත්තන්‍ සේ
යලිත් හමු වේවී...
කදුල නුඹ නාඩන්
දුරස් වන්නේ නැතේ නුඹ මා
කඳුල නුඹ නාඩන්...

බිදුනු පෙම් හද...//

රෝස මලෙක කටු ඇණුනා - එඩ්වඩ් ජයකොඩි | Rosa maleka katu anuna - Edward Jayakodi


රෝස මලෙක කටු ඇණුනා
හද පතුලෙන් ලේ ගැලුවා
මගේ පෙති මත ලේ හැලුනා
මල රතු පාටින් දිලුනා... //

රෝස මලට නෑ දැනුනේ
මලේ සිනා රැව් නැගුනේ...

රෝස මලෙක කටු ඇණුනා
නෙතගින් කඳුලක් වැටුනා //
මල් පෙති මත එය රැඳුනා
පිණි බිඳුවක් වි දිලුනා...

රෝස මලට නෑ රිදුනේ
මලේ සිනා රැවු නැගුනේ... //

හිරු අවරට ගොස් ගිලුනා
රෝස මලේ පෙති හැලුනා //
හදවත ඉකිබිඳ හැඬුවා
මල මත පරවී වැටුනා...

රෝස මලට නෑ දැනුනේ
හදවත පෙම් කල අරුමේ...///

ගායනය - විශාරද එඩ්වඩ් ජයකොඩි




Periwinklelk(ApArnA)

පිටස්තරයා - කසුන් කල්හාර | Pitastharaya - Kasun Kalhara

රාත්‍රියේ...ඇවිස්සෙන ප්‍රේමයේ...
මඟ නොමඟ ගිහිං...
හදවතේ... පිටස්තරයා...
ගිණිසිළුව දැක දහවලේ...
ආදරේ...ලුහුබඳින කාලේ...
හදවතේ...පිටස්තරයා...
එකම සැනසුම ජීවිතේ
නොලැබී..ලැබී.. ඔබ ලැබීමයි...//
ප්‍රේමයේ...කවුළුවෙන් මුවා වී
එනිසාම සසලයි නිසලයි
රාත්‍රියේ...ඇවිස්සෙන ප්‍රේමයේ...
මඟ නොමඟ ගිහිං...
හදවතේ... පිටස්තරයා...
ගිණිසිළුව දැක දහවලේ...
ආදරේ...ලුහුබඳින කාලේ...
හදවතේ...පිටස්තරයා...

පරම පිවිතුරු ප්‍රේමයේ
නොනැසී නැසී ඔබ පැතීමයි...//
ප්‍රේමයේ දේවතා රුව ඔබයි
එනිසාම ළඟයි තව දුරයි
රාත්‍රියේ...ඇවිස්සෙන ප්‍රේමයේ...
මඟ නොමඟ ගිහිං...
හදවතේ... පිටස්තරයා...
ගිණිසිළුව දැක දහවලේ...
ආදරේ...ලුහුබඳින කාලේ...
හදවතේ...පිටස්තරයා...

ගායනය, සංගීතය - කසුන් කල්හාර
ගී පද - උපුල් ශාන්ත සන්නස්ගල

කන්දේ ලන්දේ - රෝහණ බැද්දගේ

කන්දේ ලන්දේ ගඟුලැල්ලේ පේනා තෙක්මානේ
මන බැන්දේ ඉන්දේ සුව පහසේ වාසේ ගම්මානේ

වෙල් යායේ දොළ පාරේ නිල්වන් ජලාසේ
ගං තීරේ ගුරු පාරේ සිරි දෙව් සිනාවේ
ඒ මව් තුරුල්ලේ සුරූපී යොවුන් ලාලනී
සංකේත වූ වාසනාවේ... ගම්මානේ...

කන්දේ ලන්දේ...

ඇල් හේනේ රුක් සෙවනේ ගෙපලේ විහාරේ
පූජාවේ බෙර නාදේ ගැමිගීත රාවේ
මා පුංචි කාලේ ලෑබූ ආදරේ සුන්දරත්වේ
යයිදෝ නවෝදෙන් මැකීලා... ගම්මානේ...

කන්දේ ලන්දේ...

ගායනය - රෝහණ බැද්දගේ

මගෙ දුවේ ඔබ - කරුණාරත්න දිවුල්ගනේ | Mage duwe - Karunarathna Divulgane

මගෙ දුවේ ඔබ අවදියෙන් නම්
මේ රැයේ මිහිරිම වෙලාවයි
දොර ඇරන් එළියට ආවොතින්
මේ මිහිරි දේවල් නුඹටමයි

සේපාලිකා මල් බිමට බැහැලා
ඇවිදින්න යන වෙලාවයි
නිල් තාරුකා බිම බලාගෙන
වැව් දියට පෙම් බැඳි වෙලාවයි
මේ පොළව කොතරම් සුන්දරද
මගේ දූ තනියම හිනාවෙයි

මගෙ දුවේ නුඹ...

ගණ කළුවරට අප පෙම් කලොත්
ඉර හඳ තරුවනට ණය ගැතියි
ලොව දුන්නු දේවල් අද අපිට හෙට
ලොවට පෙරලා දිය යුතුයි
ඔබ මේ ලොවට ආදරෙයි නම්
මුළු ලොවම ඔබටත් ආදරෙයි

මගෙ දුවේ නුඹ...

ගායනය - කරුණාරත්න දිවුල්ගනේ
පද රචනය - රත්න ශ්‍රී විජේසිංහ
සංගීතය - රෝහණ වීරසිංහ

සුසුම් පොදක් වී - කසුන් කල්හාර | Susum podak wee - Kasun Kalhara

සුසුම් පොදක් වී...
හදේ ‍ලැගුම් ගෙන ඔබ පෙරදා
‍ජීවිතයම ලෙස සිතූ ‍සෙනේහය
ගෙන ගියේ මට නොකියා

මගේ ස‍රා සද හදේ සුවද ගෙන
නුඹ කොයිදැයි සිතුනා....
හො හෝ හෝ හෝ.........
හො හෝ හෝ හෝ.........

මේ කුළු සේ විත් නිල් අහසේ බැදි
ගිම්කල නිමවා හදට රහසේ බැදී
මන කුමුදු වී පිපුනු - සුවද කුසුම නුඹ ‍සොදුරු
මටත් හොරා නුඹ තියා ගිහින් - නෙත් කදුළු...

සුසුම් පොදක් වී...

දිගත හමායන මද පවනක් වී
රෑකල සිහිනෙක‍ හද තුල සැඳවී
මුතු කැළුම් සලා දිගැසින්
රැය පුරා ගෙනේ සරදම්..
නුඹේ අකීකරු සිතින් නොවේ - මට අස්වැසුම්...

සුසුම් පොදක් වී...

ආදරේ කුරුටු ගෑ - කසුන් කල්හාර | Adare kurutu ge - Kasun Kalhara

ආදරේ කුරුටු ගෑ
නෙත පුරා කදුළු අතුරලා
හසගනාවියේ ඔබ ගියා
නෙතු මායිමේ දුක තියා...//

පෑදුල් නෙතු විලේ සතපවා
මා ඔ‍බේ වසගයට ගෙන තබා
හසගනාවියේ ඔබ ගියා
නෙතු මායිමේ දුක තියා...

ආදරේ කුරුටු ගෑ...//

රෑ අනත් සිහිනයේ සැඟවිලා
හිතගාව මතක මල් වැහි සලා
හසගනාවියේ ඔබ ගියා
නෙතු මායිමේ දුක තියා...//

ආදරේ කුරුටු ගෑ...//

නුග සෙවණක් සේ - සෝමතිලක ජයමහ | Nuga sewanak se - Somathilaka Jayamaha

නුග සෙවණක් සේ ඔබට
සෙවණ සදන්නම් ළඳුනි
මද පවනක් සේ ඔබට
සිසිල සදන්නම් ළඳුනි...//

ගංගාවකි මා සුනිමල්
පවසට ඉන් පැන් ලබන්න...//
මල් සුවඳකි මා වනකල්
ඒ සුවඳින් සුවඳ වන්න

නුග සෙවණක් සේ...//

සද පහනකි මා නිකැලැල්
අඳුරට ඉන් එලිය ගන්න...//
ඔරුවක් වෙමි මම සැමකල්
දිවි සයුරෙන් එතෙර වන්න

නුග සෙවනක් සේ...//



ඔබ මලක් වෙලා - සෝමතිලක ජයමහ | Oba malak wela - Somathilaka Jayamaha


ඔබ මලක් වෙලා වන අරනේ පිපේවී
මා සුළං රැලක් වී ඔබ පිස හමාවී...
පුර සඳක් වෙලා ඔබ අහසේ දිලේවී
මා ගඟක් වෙලා සඳ එළියේ ගලාවී...

සුළඟ වෙසින් මා එන කල
ඔබේ සුවඳ සෑහේ මට
මල් මුව රද ඔබ සමඟයි
මලේ සුවඳ මා අසලයි...

ඔබ මලක් වෙලා...//

ගඟක් වෙලා මා යන කල
ඔබේ එළිය සෑහේ මට
පුර හද නිළඹර සමඟයි
සඳේ එළිය මා අසලයි

ඔබ මලක් වෙලා...//

එක වසන්තයක - කසුන් කල්හාර | Eka wasanthayaka - Kasun Kalhara

එක වසන්තයක එක රාත්‍රියක දැනුණා මතකයි
මට ඉබේම වාගේ ඔබෙ සුවඳ
එක හුස්මක් වත් ගන්නට ඉඩ නැති තරමට
දැනුණා... විතරක් මතකයි...

හද ලුහුබැඳ ඉව කරනා
පෙර ස‍සරක සුපුරුදු සුවඳ
ඒ ඔබේ නොවෙද එනමුදු ඒ ඔබමද
ඔබමද ඒ සොඳුර...

ඒ වසන්තයෙදි හමුවන සුළඟ සමග
සසැලී පෑහෙන්නට හිතයි මට
ඔබෙ සුවඳ සමග මුසුවනු පිණිස
මගෙ සුසුමක් තියන්නද...
සිහිවනු පිණිස... සොඳුර...

මේ වසන්ත‍යම ගතවී යන්නට පෙර
‍තුරුලේ ඇහිරෙන්නට පතමි මම
ඔබෙ සිතැඟි වලට මුසුවනු පිණිස
මගෙ හැඟුමක් තියන්නද...
ගිවිසනු පිණිස... සොඳුර...

එක වසන්තයක...//

ගායනය - කසුන් කල්හාර
ගී පද - කැලුම් ශ්‍රීමාල්
සංගීතය - සුරේෂ් මාලියද්ද

ගිගිරි ගීත රාවේ - වික්ටර් රත්නායක | Gigiri geetha rawe - Victor Rathnayaka

ගිගිරි ගීත රාවේ
මලවී හී සරේ...//
සබඳ අද කිම දෝ...
බමන ලෝකෙට කෑ ගසා කීවේ...//

උමතු දෑස රෑ තුන් යාමේ
යනෙන මේ නුරා අම්බලමේ...//
හදේ සෝක පීඩා වියැකේ
හැංගෙන්න මායා සිහිනයේ...

ගිගිරි ගීත රාවේ...//

තරිදු තාම නාඹර වයසේ
රඟනු රංඟ රන් රඟ මඩලේ...//
කුමුදු යාය මල් බර මොහොතේ
රොන්ගන්න පෙම් මල් වනපෙතේ...

ගිගිරි ගීත රාවේ...//

චිත්‍රපටය - දියමන්ති 1976
ගායනය - වික්ටර් රත්නායක

නවදැලි හේනක - සෝමතිලක ජයමහ | Nawadali henaka - Somathilaka Jayamaha


නවදැලි හේනක පෑව වැදිරි රුව
ලෙස උවමින් දෙනුවන් රවටා...
මා පෙම් කල ජනපද කල්‍යාණිට
හිමියනි මට කල නොහැක නිගා...//

‍සුරඟන රූසිරු දුටිමි හැදින්නෙමි
සිත්ලෙස දෙනුවන් බවුන් නුරා...//
මා හදුනන මගෙ හදගන් කලණිය
මට නුදුරුයි සුරඟනට වඩා

නවදැලි හේනක...//

මා සිත සුවපත් කරලනු නොහැකිය
සෝ ලතැවුල් දෙයි රැයද දිවා...//
නෙත දුටු සුරගන රූසිරු කුමටද
හද දුටු ජනපද කලණ නිසා...

නවදැලි හේනක...//

යාළු බාල සඳේ - සෝමතිලක ජයමහ | Yalu bala sande - Somathilaka Jayamaha

යාළු බාල සඳේ කඳු මුදුනේ මොකද කරන්නේ
මා දෙසම නොවෙද නෙත් නොසලා බලා සිටින්නේ
ඈ සිටින තැනක මටත් හොරා මා ගෙන යන්නේ
ඇගෙ නළල් තලේ අහස් වලා එළියෙ අඳින්නේ
යාළු බාල සඳේ...

දුරක වෙසෙන මගෙ තනිකම
පොළවෙ සිටින අයටත් නෑ පෙනුනේ යාළු
විරහ තාපයේ වැඩිකම
හිත් පිත් ඇති අයටත් නෑ පෙනුනේ යාළු

යාළු බාල සඳේ..

ඈ දැකුමට නලියන සිත
ඔබෙ නළලේ හැඩරුව දැක සැනසෙයි යාළු
ඇගේ රුවින් බිඳුවක් ගෙන
හෙටත් ඈත කඳු මුදුනේ හිනැහෙන් යාළු

යාළු බාල සඳේ..

//ගායනය - සොමතිලක ජයමහ

ආලය වන් මනරම් - නන්දා මාලිනී  | Aalaya wan - Nanda Malini - sinhala lyrics


//ආලය වන් මනරම් කවිකම් දෙන
සිතුමිණ කොඳ විස්කම්
හදවත් වී සමහම් නිගැයුම් කර
සිඳ බිඳලයි බව ගිම්..//

පැණසර මහා බෝසතුන්
විරතට පැමිණ නොමින්
පබවත වෙත බැඳෙමින්
පුදදුන් උණු කඳුලින්
ආලය නම් මනුදම් අදහම් නිති
එතැනය සබය සුදම්

ආලය වන්...

සහලඟුරෙන් දැවෙමින්
පවසට පැන් දෙනුවෙන්
උරය පලා සතොසින්
පුද දුන් සිය රුහිරෙන්
ආලය නම් මනුදම් සුරකිම් නිති
එතැනය සුර ලොව නම්

ආලය වන්...

ගායනය - විශාරද නන්දා මාලිනී
පද රචනය - මහාචාර්ය සුනිල් ආරියරත්න
සංගීතය - ඔස්ටින් මුණසිංහ

කව්රුන්ද ඔබ මගේ - සුනිල් එදිරිසිංහ | Kawrunda oba mage - Sunil Edirisinghe

කව්රුන්ද ඔබ මගේ
කව්රුන්ද මා ඔබේ... //

දෙතොල් සලා මුදු සිනහ නගන්නෙම්
දෙනෙත් පුරා පිරි කඳුළු සලන්නෙම්
හදවත් ගැහෙනා රිද්මය අතරේ
සිතින් ගතින් එක්තැන් වී ඉන්නෙම්

ප්‍රේමය ගොළු වී හඬා වැටීලා
ඔබ හද මා හද රිදවන මොහොතේ
ජීවිතයට හුරු පැරදුම හමුවේ
නොදොඩා ගොළුවී බලා හිඳින්නෙම්

කව්රුන්ද ඔබ මගේ.

ගායනය : විශාරද සුනිල් එදිරිසිංහ
පද රචනය : සමන් අතාවුදහෙට්ටි
සංගීතය : රෝහණ වීරසිංහ

උඬඟු ලියන් ගොතා බඳින - නන්දා මාලිනී  | Udangu liyan otha bandina - Nanda Malini - sinhala lyrics


//උඬගු ලියන් ගොතා බඳින
නීල වරල සරසන්නට
මා පිපුනේ නැත..........
මේ දෙරණේ...//

හිස් මිනිසුන් කුස් පුරවන
සිත් පිනවන
බස් දොඩවන
බොජුන් මේස මත...
සුවඳ හලන්නට
මා පිපුනේ නැත...
මේ දෙරණේ

උඬගු ලියන්..

//රට වෙනුවෙන් සටනට වැද දිවි දුන්
රණවිරුවකුගේ අවසන් ගමනට//
යන මහජනතා පා දූවිල්ලෙන්//
තැලී වෙලී සැනහී මියයන්නෙම්...

මගේ පරම පැතුම එයයි///
එමගට මා විසි කරන්න..........

//ගායනය - විශාරද නන්දා මාලිනී
//පද රචනය - මහාචාර්ය සුනිල් ආරියරත්න

හඬන පණ නල - සුනිල් එදිරිසිංහ | Handana pana nala - Sunil Edirisinghe

හඬන පණ නල යදින සැනසුම
දැවී යයි හද චිතකයේ
කඳුළු බිඳුවක සිසිලකි වියළි කතරට හිමි උනේ...

යොවුන් සිතිවිලි විපිලිසර වී
මහළු සිත තුල මිය ඇදේ
සයින් පීඩිති හඬන සුරගුරු යදී සිඟමන් මාවතේ..

හඬන පණ නල...

රකුසු පියසක පිපුනු කුසුමට
මලවි හමුවන පින නැතේ
දෑස නැති විට නුහුරු මං පෙත
සරණ පා යුග පටලැවේ

හඬන පණ නල...

ගායනය - විශාරද සුනිල් එදිරිසිංහ
පද රචනය - කේ.ඩී.කේ ධර්මවර්ධන
සංගීතය - ලක්ෂ්මන් විජේසේකර

දවසක් පැල නැති‍ - ගුණදාස කපුගේ | Dawasak Pela Nathi Hene - Gunadasa Kapuge


දවසක් පැල නැති ‍හේනේ
අකාල මහ වැහි වැස්සා
තුරුලේ හංගාගෙන මා
ඔබ‍ තෙමුනා අම්මේ
පායනතුරු හිටි පියවර
හිටියා ඔබ අම්මේ

නුවර වීදි යටකරගෙන
නින්දා වැහි වැගිරුනදා
බිරිඳකගේ සෙනෙහෙ ගියා
යෝධ ඇලේ නැම්මේ
ඔබෙ සෙනෙහස සුවඳ දිදී
දැනුනා මට අම්මේ

කොළඹ අහස කළුකරගෙන
මුහුදු හුළඟ හඬලනකොට ‍
ඔටුන්න බිම දා දුවගෙන
එන්නද එක පිම්මේ
මම එනතුරු ඉදිකඩ ළඟ
ඉන්නවාද අම්මේ

// ගායනය - ගුණදාස කපුගේ
// පද රචනය - රන්බණ්ඩා සෙනෙවිරත්න
// සංගීතය - ගුණදාස කපුගේ

මේ ප්‍රථම වසන්තයයි - සනත් නන්දසිරි | Me prathama wasanthayai - Sanath Nandasiri


මේ ප්‍රථම වසන්තයයි
දිවි අ‍රනේ මදු මල් පිපෙනා
බිගු රැව් නැගෙනා...
මේ ප්‍රථම වසන්තයයි

තරු මැවෙන තුරා නිදිබර අඹරේ
සඳු නැගෙන තුරා සිටියදි අදුරේ
ඔබ සුසුම් සදක් සේ පායා
පහන් රැයක් වී ආවේ...

මේ ප්‍රථම වසන්තයයි...//

සිත පවස දරා මිරිගුව අතරේ
දිය පහස පතා සිටියද කතරේ
ඔබ සිහිල් දොලක් සේ පාවී
වසන්තයක් වී ආවේ

මේ ප්‍රථම වසන්තයයි...//

ගායනය - සනත් නන්දසිරි
පදරචනය - කුලරත්න ආරියවංශ
සංගීතය - රෝහණ වීරසිංහ

ඔබ දන්නවනම් එක කඳුළු බිඳක් - කරුණාරත්න දිවුල්ගනේ | Oba dannawanam - Karunarathna Divulgane

ඔබ දන්නවනම් එක කඳුළු බිඳක්
හිත යටට වෙලා දුක් විඳින තරම්
ඒ කඳුල උනත් නෙතු අගට ඇවිත්
යලි ඔබේ පයට පෑගෙනවානම්

එක මලක් තනන්නට රුවට රුවින්
ගහ වැල දුක් ගින්දර විඳින තරම්
ඒ පිපුනු මලත් කළු දෙබරු ඇවිත්
යලි ඔබේ පයට පෑගෙනවානම්

ඔබ දන්නවනම්...

දස මසට වඩා පුරනා පෙරුමන්
ලොව හදන වඩන මව් වරුනි උතුම්
මට කියා දෙන්න ලොව ඇතිද ඉතින්
වෙන අරුතක් මේ ජීවිතය තරම්

ඔබ දන්නවනම්...

ගායනය - කරුණාරත්න දිවුල්ගනේ
පද රචනය - රත්න ශ්‍රී විජේසිංහ
සංගීතය - තිස්සසිරි පෙරේරා

ලඳුනේ ලඳුනේ - අමරසිරි පීරිස් | Ladune - Amarasiri Peiris

ලඳුනේ ලඳුනේ
ඔබේ දෑස දැක ගත්තෙමි
සැදෑ කලෙක ලඳුනේ...ලඳුනේ
දෙනෝදහක් අතගත්තද
සැමියෙකු නැති ලඳුනේ
නෑයෙක් නැකම නොකියන
වීදි සරන ලඳුනේ...ලඳුනේ
තෙල් මල් ගෙන දෝත පුරා
මුණි කුටියට පියමංවන
‍ඔබේ දෑස දැක ගත්තෙමි
සැදෑ කලෙක ලඳුනේ...ලඳුනේ

බුදුන් දැක නිවන් දකිමැයි
දෙව්රම යන පාර අහන
ඔබද පටාචාරාවකි
ඔබද කිසාගෝතමියකි

පිරිමින්ගේ පාප කදට
දෝස විදින ලඳුනේ
අදුරේ පව් කරන දනා
එළිය ලබන ලඳුනේ
ලැම පමනක් ලොවට පෙනෙන
ලය නොපෙනෙන ලඳුනේ
කුහුඹුවකුට වරදක් නැති වැරදිකාර ලඳුනේ

// ගායනය - අමරසිරි පීරිස්
// පද රචනය - රන්බණ්ඩා සෙනෙවිරත්න
// සංගීතය - ප්‍රේමසිරි කේමදාස

ඇරඹුමම කඳුලක් වෙලා - කසුන් කල්හාර | Arambumama kandulak wela - Kasun Kalhara

ඇරඹුමම කඳුලක් වෙලා
මා බලා ඉද්දී ඒ දිහා
ආ දුරත් දුර වැඩි නිසා
අවසානයට පෙර ඈ ගියා...//

දුක්බරම කවියක් ලියා
එහි පද පෙලක් අඩුවෙන් තියා...//
අරුත පසිදින්නට කියා
අවසානයට පෙර ඈගියා...

ඇරඹුමම කදුලක් වෙලා...//

ශෝකාන්තය එන තුරා
එහි ‍රැදෙන්නට සිත් ඇති නියා...//
අනන්තය ලඟ මා දමා
අවසානයට පෙර ඈ ගියා...

ඇරඹුමම කදුලක් වෙලා...//


ගායනය - කසුන් කල්හාර
පද රචනය - දිලීප අබේසේකර
සංගීතය - නාලක අංජන කුමාර

Related Posts Plugin for WordPress, Blogger...